Lajmidites.com

Tag: naser

  • 45-minutat e para: Mungon goli në “Elbasan Arena”, Naser Aliji del me të kuq. Në “Niko Dovana” vendos një autogol

    45-minutat e para: Mungon goli në “Elbasan Arena”, Naser Aliji del me të kuq. Në “Niko Dovana” vendos një autogol

    14 Shtator 2025

    19:49

    Telesport

    Po luhen dy sfidat e fundit të javës së tretë për Kategorinë Superiore. Në “Elbasan Arena”, pjesa e parë mes Elbasanit dhe Dinamos është mbyllur 0-0.
    Momenti kryesor ishte në minutën e 25-të, Naser Aliji pengon Diallo brenda zonës dhe arbitri kryesor i takimit jep penallti dhe karton të verdhë për mbrojtësin e “Bluve”. Ndërhyn VAR, arbitri Ditmir Grimçi shkon të shohë pamjet në ekran dhe ndryshon vendim. Anullon penalltinë, pasi ndërhyrja ishte bërë jashtë zonës së rreptësisë dhe ndëshkon Alijin direkt me karton të kuq. Pjesa e parë mbyllet 0-0.
    Në “Niko Dovana”, Teuta po fiton 1-0 ndaj Vorës. Pas një goditjeje këndi, Vasilis Zogos godet me kokë, por Dajan Shehi i pafat dërgon topin po me kokë në portën e tij, në minutën e 32-të. Teuta fiton 1-0 pas pjesës së parë.

  • Monodrama “Engjëjt” me regji nga Naser Shatrolli në festivalin “Flasim shqip”

    Monodrama “Engjëjt” me regji nga Naser Shatrolli në festivalin “Flasim shqip”

    Shfaqja “Engjëjt”, regjinë e së cilës e ka bërë Naser Shatrolli ndërsa autor është Odise Plaku dhe aktore Vefi Redhi që vjen nga Athina këtë mbrëmje në Teatrin Kombëtar të Tiranës, në natën e fundit të festivalit të monodramës “Flasim shqip” . Genocidi serb ndaj popullsisë së pafajshme në Kosovë, fati i zhdukurve dhe një nënë që kërkon fëmijët e saj në monodramën “Engjëjt”. Monodrama në skenë bashkon tre artistë, dramaturgun Odise Plaku nga Shqipëria, aktoren Vefi Redhi që për këtë shfaqje vjen nga Greqia dhe regjisorin Naser Shatrolli nga Kosova. Dramaturgu Odise Plaku më herët ka thënë se është një vepër e fuqishme, që do të flasë shumë në interpretimin e fortë të aktores Vefi Redhi që vjen në skenë si Hana. Kjo monodramë ka qenë më parë edhe në skena të tjera, ndërsa është mirëpritur nga publiku, por këtë mbrëmje vjen në skenë në kuadër të festivalit “Flasim shqip”. Në vepër është Hana, një nënë kosovare, është në ditët më të vështira të jetës së saj. Bën vite që kërkon t’u dëgjojë edhe një herë zërin fëmijëve të saj, Verës dhe Diellit, që ia rrëmbyen barbarisht ushtarët serbë gjatë bastisjes së shtëpisë së tyre. Jeta e saj ka humbur kuptimin.
    Nga përballja çdo ditë me të njëjtat gjëra: mediet, institucionet, gjykatat, policinë e deri te kalimtarët e rastit, i duket vetja si një robot, që kryen lëvizje mekanike. Edhe vetë ajo është lodhur nga kërkesa e përsëritur për të mësuar fatin e fëmijëve të saj. Të pagjeturit është një temë e nxehtë në jetën e Kosovës dhe të qytetarëve të saj, pjesë e së cilës është vetë Hana. Ajo ndien neveri për njerëzit e veshur me pushtet të çdo ngjyre politike,pasi përdorin emrat e të pagjeturve për të marrë vëmendje për të ngritur nivelin e pozitës së tyre. Ajo është në dilemë se kujt duhet t’i besojë e kujt jo, madje arrin deri aty sa vë në dyshim besimin ndaj Zotit. I duket se edhe ai po i bën padrejtësi me heshtjen e tij në këto momente të vështira të jetës së saj. Veprat me regji nga Naser Shatrolli janë vënë në skena si në Kosovë, në Shqipëri dhe më tej, por nuk kanë munguar edhe në festivale të ndryshme teatrore, ku këtë mbrëmje vjen “Engjëjt” në festival.

  • Vdes një nga luftëtarët e hershëm të UÇK’së

    Vdes një nga luftëtarët e hershëm të UÇK’së

    Ka vdekur luftëtari i Ushtrisë Çlirimtare të Kosovës, Naser Shala.
    Lajmin e ka bërë të ditur bashkëluftëtari i tij, Fatmir Shurdhaj me anë të një shkrimi në Facebook.

    “Njëri ndër ushtarët më të hershëm të Brigadës 121 Ismet Jashari Kumanova, i organizuar në UÇK-ën me Mujë Krasniqin e Rexhep Selimin, bashkëluftari ikomandant Kumanovës , Fatmir Limes Haxhi Shalës, Ajet Kastratit e shume luftarëve dhe Dëshmorëve të kombit”, shkroi ndër të tjera Shurdhaj.
    Njoftimi i plotë:
    Njoftim mortor.
    Familjar, miq e bashkëluftëtar,
    Ju njoftojmë se pas një sëmundje të shkurtër ndërroj jetë Daja e bashkëluftëtari im
    Naser Bislim Shala- Ftyra.-
    Njëri ndër ushtarët më të hershëm të Brigadës 121 Ismet Jashari Kumanova, i organizuar në UÇK-ën me Mujë Krasniqin e Rexhep Selimin, bashkëluftari ikomandant Kumanovës , Fatmir Limes Haxhi Shalës, Ajet Kastratit e shume luftarëve dhe Dëshmorëve të kombit.
    Naseri si epror i shtabit Brigades kreu shumë detyra të rëndësishme në organizimin ushtarak të njësive të UÇK-së, me devotshmëri të lartë e heroizëm të pashoq qendronte me shkoët luftarë nëpër vijat e para të ftontit.
    Njihej me nofkën e luftës FTYRA ishte shumë i dashur me shokët dhe besnik në qdo rrethanë luftarake të kohës.
    E kam pasur fatin të jemi bashkë nip e dajë në vijat e para të frontit me forcat armike, por, Fryra qëndronte heroikisht bashk me shokët.
    E paq të lehtë dheun e Kosovës dajosh, e ke krye detyren per atdheun me perkushtim sipas edukimit të Nanës Qamile e Dajes Bislim që na i vranë forcat serbe më 1998.

    Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
    raportoni këtu.

    JOQ Sondazh

  • “Dy plumbat që goditën murin u kthyen tek ai”, Miku i Naser Gashit që vdiq në Prishtinë, jep detaje për rastin

    “Dy plumbat që goditën murin u kthyen tek ai”, Miku i Naser Gashit që vdiq në Prishtinë, jep detaje për rastin

    Mbrëmjen e 25 marsit, në rrugën “Rrustem Hyseni” në Prishtinë, u vra 62-vjeçari Naser Gashi.
    Familjarët e tij kanë thënë se gjithçka ndodhi aksidentalisht, pasi cak i sulmit ishte dikush tjetër.
    Për këtë ngjarje ka folur sot Lavdim Zylfiu, fqinj dhe mik i të ndjerit.
    Ai e përshkruan Gashin si një familjar të mirë dhe njeri religjioz, duke shtuar se tragjedia mund të kishte ndodhur me këdo që rastësisht do të ndodhej në atë moment në vendin e gabuar.
    “Pas iftarit, ai kishte dalë me shokë, kur papritur një person hyri brenda dhe ka gjujtur.
    Dy plumbat që goditën murin u kthyen dhe e goditën Naserin, fatkeqësisht me pasoja fatale”, tregoi ai.

    FACT CHECK:
    Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
    raportoni këtu.

    JOQ Sondazh

    KLIKO PËR TË VOTUAR

  • Sot varroset Naser Gashi, 62-vjeçari i cili u vra mbrëmë në Prishtinë

    Sot varroset Naser Gashi, 62-vjeçari i cili u vra mbrëmë në Prishtinë

    Sot do të varroset Naser Gashi, 62-vjeçari i cili mbeti i vrarë mbrëmë në Prishtinë.
    Sipas njoftimit, varrimi i të ndjerit do të bëhet në Dragodan, me Namazin e Ikindisë.
    Pos të vrarit, i plagosur ka mbetur Miftar Miftari rreth 40-vjeç i cili është duke u trajtuar në Klinikën e Ortopedisë.
    Gjendja e tij është stabile.
    Ndërkohë, asnjë person nuk është arrestuar deri më tani lidhur me rastin që ndodhi mbrëmë në rrugën “Rrustem Hyseni” në Prishtinë.

    FACT CHECK:
    Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
    raportoni këtu.

    JOQ Sondazh

    KLIKO PËR TË VOTUAR

  • Ky është Naser Gashi, personi që u vra sonte në Prishtinë

    Ky është Naser Gashi, personi që u vra sonte në Prishtinë

    Ky është personi i vrarë, Naser Gashi, i cili ndërroi jetë 15 minuta pasi mbërriti në emergjencë.
    I ndjeri është i moshës 63-64 vjeçare, thanë nga QKUK-ja.
    ”Pas 15 minutave që është pranu në emergjencë, viktima ka ndërruar jetë. Viktima i përket moshës 63-64 vjeçare.
    I plagosuri i parë ka ardh rreth orës 22:35 minuta, që faktikisht ka qenë pothuajse pa shenja jete, I është bërë reanimimi i tij për gjysmë ore dhe ka ndërruar jetë”, deklaroi mjeku kujdestar, Agron Çitaku.
    Lidhur me rastin policia kanë thënë se i dyshuari është identifikuar dhe është në kërkim.

    FACT CHECK:
    Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
    raportoni këtu.

    JOQ Sondazh

    KLIKO PËR TË VOTUAR