Lajmidites.com

Tag: narrativën

  • Premtimi për energjinë: Shifrat që sfidojnë narrativën qeveritare

    Premtimi për energjinë: Shifrat që sfidojnë narrativën qeveritare

    Premtimi për energjinë: Shifrat që sfidojnë narrativën qeveritare

    Në fushatën zgjedhore të këtij viti, energjia është kthyer në një nga kartat më të forta të komunikimit të Kryeministrit Edi Rama. Me tone triumfale, ai ka deklaruar se për herë të parë, qeveria e tij ka rritur prodhimin e energjisë elektrike dhe kapacitetet prodhuese në vend. Një narrativë që synon të tregojë Shqipërinë si një fuqi të re energjetike në rajon dhe që i shërben strategjisë më të gjerë politike të “Pasaportës Europiane”.

    Por faktet zyrtare e bëjnë të vështirë besimin te kjo fabul. Shifrat e vetë KESH-it tregojnë se nga viti 2013 deri në 2024, kapaciteti publik i prodhimit të energjisë elektrike është rritur fare pak: nga 1527 megavat orë në 1563 megavat orë. Një rritje simbolike që nuk mbështet narrativën e një revolucioni energjetik.

    Për më tepër, një pjesë e madhe e hidrocentraleve që gjenerojnë energjinë në vend janë në pronësi private dhe nuk kanë asnjë detyrim të shesin energjinë për konsumatorin shqiptar. Pra, edhe pse Shqipëria prodhon më shumë, qytetarët dhe bizneset vazhdojnë të përballen me çmime të larta dhe import të domosdoshëm të energjisë elektrike.

    Premtime të vjetra në ambalazh të ri

    Në analizën e deklaratave të Kryeministrit ndër vite, vihet re një tjetër dukuri: premtimet për kapërcimin e varësisë nga importi i energjisë janë përsëritur çdo dy apo tre vite. Në 2020-n, në 2021-in dhe sërish në 2024-ën, Rama ka premtuar se do të ndërtohet Skavica – diga që do ta bëjë Shqipërinë të pavarur energjetikisht. Por projekti mbetet ende në letër.Po kështu, investimet që sot paraqiten si arritje të qeverisë aktuale, si Hidrocentrali i Moglicës apo ai i Peshqeshit, janë rezultat i kontratave dhe iniciativave të firmosura përpara ardhjes së kësaj qeverie në pushtet. Në disa raste, edhe vetë Rama e ka quajtur projektin Devoll si “kënetë” – një përçmim i hershëm ndaj një projekti që sot prezantohet si sukses.

    Realiteti i një tregu të deformuar

    Një pjesë tjetër e rëndësishme e çështjes lidhet me mënyrën se si është strukturuar tregu i energjisë. Me një pjesë të madhe të prodhimit në duart e privatëve, dhe me kompanitë publike që shpeshherë detyrohen të blejnë energji me çmime më të larta në bursë, konsumatori i zakonshëm dhe buxheti i shtetit janë ata që paguajnë faturën.

    Në vitin 2022, Shqipëria prodhoi 193 mijë megavat energji, ndërkohë që vetëm 25% e saj u përdor për nevojat e brendshme. Për pjesën tjetër, qeveria pagoi 100 euro për megavat në bursë, ndërkohë që çmimi mesatar në atë kohë ishte 271 euro. Kjo diferencë, sipas raportit, mbulohet me taksa të posaçme apo subvencione që dalin nga xhepat e qytetarëve.

    Ndërkohë, OSHEE deklaroi se ka arkëtuar 1.2 miliardë euro në një vit, kryesisht nga përpjekjet për të ndëshkuar familjet e varfra që nuk paguanin energjinë, por edhe nga masa të tjera si pagesa për faturat e prapambetura dhe lufta ndaj informalitetit.

    Në fund të ditës: Kujt i shërbejnë këto shifra?

    Nëse do të besojmë narrativën e qeverisë, Shqipëria është në prag të një epoke të re energjetike. Por kur shohim dokumentet zyrtare, vështirë të mos lindë pyetja: pse në 2021 u premtua fundi i importit dhe në 2024 vazhdon të premtohet e njëjta gjë?

    Përballë këtij diskursi, i vetmi bilanc real janë faturat e shqiptarëve dhe mungesa e transparencës mbi atë që ndodh me vërtet në sektorin e energjisë. Dhe pikërisht aty qëndron përgjegjësia më e madhe e çdo qeverie: jo vetëm të prodhojë më shumë, por të shpërndajë më ndershëm.

    /Emisioni “Piranjat”

  • Piranjat/ Premtimi për energjinë: Shifrat që sfidojnë narrativën qeveritare

    Piranjat/ Premtimi për energjinë: Shifrat që sfidojnë narrativën qeveritare

    Në fushatën zgjedhore të këtij viti, energjia është kthyer në një nga kartat më të forta të komunikimit të Kryeministrit Edi Rama. Me tone triumfale, ai ka deklaruar se për herë të parë, qeveria e tij ka rritur prodhimin e energjisë elektrike dhe kapacitetet prodhuese në vend. Një narrativë që synon të tregojë Shqipërinë si një fuqi të re energjetike në rajon dhe që i shërben strategjisë më të gjerë politike të “Pasaportës Europiane”.

    Por faktet zyrtare e bëjnë të vështirë besimin te kjo fabul. Shifrat e vetë KESH-it tregojnë se nga viti 2013 deri në 2024, kapaciteti publik i prodhimit të energjisë elektrike është rritur fare pak: nga 1527 megavat orë në 1563 megavat orë. Një rritje simbolike që nuk mbështet narrativën e një revolucioni energjetik.

    Për më tepër, një pjesë e madhe e hidrocentraleve që gjenerojnë energjinë në vend janë në pronësi private dhe nuk kanë asnjë detyrim të shesin energjinë për konsumatorin shqiptar. Pra, edhe pse Shqipëria prodhon më shumë, qytetarët dhe bizneset vazhdojnë të përballen me çmime të larta dhe import të domosdoshëm të energjisë elektrike.

    Premtime të vjetra në ambalazh të ri

    Në analizën e deklaratave të Kryeministrit ndër vite, vihet re një tjetër dukuri: premtimet për kapërcimin e varësisë nga importi i energjisë janë përsëritur çdo dy apo tre vite. Në 2020-n, në 2021-in dhe sërish në 2024-ën, Rama ka premtuar se do të ndërtohet Skavica – diga që do ta bëjë Shqipërinë të pavarur energjetikisht. Por projekti mbetet ende në letër.

    Po kështu, investimet që sot paraqiten si arritje të qeverisë aktuale, si Hidrocentrali i Moglicës apo ai i Peshqeshit, janë rezultat i kontratave dhe iniciativave të firmosura përpara ardhjes së kësaj qeverie në pushtet. Në disa raste, edhe vetë Rama e ka quajtur projektin Devoll si “kënetë” – një përçmim i hershëm ndaj një projekti që sot prezantohet si sukses.

    Realiteti i një tregu të deformuar

    Një pjesë tjetër e rëndësishme e çështjes lidhet me mënyrën se si është strukturuar tregu i energjisë. Me një pjesë të madhe të prodhimit në duart e privatëve, dhe me kompanitë publike që shpeshherë detyrohen të blejnë energji me çmime më të larta në bursë, konsumatori i zakonshëm dhe buxheti i shtetit janë ata që paguajnë faturën.

    Në vitin 2022, Shqipëria prodhoi 193 mijë megavat energji, ndërkohë që vetëm 25% e saj u përdor për nevojat e brendshme. Për pjesën tjetër, qeveria pagoi 100 euro për megavat në bursë, ndërkohë që çmimi mesatar në atë kohë ishte 271 euro. Kjo diferencë, sipas raportit, mbulohet me taksa të posaçme apo subvencione që dalin nga xhepat e qytetarëve.

    Ndërkohë, OSHEE deklaroi se ka arkëtuar 1.2 miliardë euro në një vit, kryesisht nga përpjekjet për të ndëshkuar familjet e varfra që nuk paguanin energjinë, por edhe nga masa të tjera si pagesa për faturat e prapambetura dhe lufta ndaj informalitetit.

    Në fund të ditës: Kujt i shërbejnë këto shifra?

    Nëse do të besojmë narrativën e qeverisë, Shqipëria është në prag të një epoke të re energjetike. Por kur shohim dokumentet zyrtare, vështirë të mos lindë pyetja: pse në 2021 u premtua fundi i importit dhe në 2024 vazhdon të premtohet e njëjta gjë?

    Përballë këtij diskursi, i vetmi bilanc real janë faturat e shqiptarëve dhe mungesa e transparencës mbi atë që ndodh me vërtet në sektorin e energjisë. Dhe pikërisht aty qëndron përgjegjësia më e madhe e çdo qeverie: jo vetëm të prodhojë më shumë, por të shpërndajë më ndershëm.

  • Berisha: Ta injorojmë narrativën e Edi Ramës, ai flet si Nuredin Dumani! Qytetarët presin të dëgjojnë fjalën tonë

    Berisha: Ta injorojmë narrativën e Edi Ramës, ai flet si Nuredin Dumani! Qytetarët presin të dëgjojnë fjalën tonë

    Berisha: Ta injorojmë narrativën e Edi Ramës, ai flet si Nuredin Dumani! Qytetarët presin të dëgjojnë fjalën tonë

    Kryetari i PD, Sali Berisha u ka bërë thirrje kandidateve demokrate dhe grave, që në zgjedhjet e 11 majit, ta injorojnë narrativën e kryesocialistit Edi Rama në takimet elektorale që ai zhvillon, teksa hoqi paralele mes kryeministrit dhe vrasësit me pagesë, Nuredin Dumani.

    Gjatë një bashkëbisedimi me ta në një kafe mengjesi, Berisha i garantoi kandidatet dhe gratë demokrate, se në parlamentaret e 11 majit, PD-ASHM, ka ndërmarrë një politikë demografike shumë të fortë.

    “Ju e shihni, fushata e tij është një fushatë pa frut, pa asgjë.

    Një fushatë me të cilën kërkon se si të kalojë nga një ditë në tjetrën me skandale të mëdha.

    Një fushatë që kërkon të evokojë ose të lundrojë në përroin frojdian, por që nuk ka asgjë njerëzore, asgjë humane.

    Një njeri që po bën kryefjali një javë rresht, po të ikin burrat një muaj dhe po të ikin gratë një muaj…

    Problemi është se këto qenkan problemet e familjeve shqiptare, këto qenkan problemet e familjeve shqiptare sot?

    Po çfarë problemi është po të ikë një muaj ky, po të ikë një muaj ai. Ata kanë problem në radhë të parë mirëqenien, shkollimin e fëmijëve, sigurinë e fëmijëve.

    Një zonjë e re në Krujë më tha: çfarë do bëni ju për fëmijët Doktor, se unë këtu kam dy fëmijë, nuk ka kopsht, ka gjithsej vetëm dy kopshte në Krujë.

    Pra, familje që detyrohen të përcjellin anëtarët e vet jashtë shtetit se nuk ka punë, nuk kanë ushqim, nuk u mjaftojnë të ardhurat.

    Familje që konstatojnë se shkollat po degradojnë dhe se niveli i dijeve të fëmijëve të tyre në vend që të rritet, vetëm bie. Kjo është e vërteta.

    Familje që pakësohën, pakësohen dhe vetëm pakësohen.

    Unë isha dje në Korçë. Cilat ishin shifrat për Ersekën?

    Erseka ka qenë 27 mijë banorë në vitin 2013. Erseka ka mbetur me 7 mijë banorë. Një largim masiv.

    Dhe këta 7 mijë, e kuptoni vetë, po t’u bësh mesataren e moshës, del moshë tejet e thyer.

    Erseka ka pasur vetëm një lindje në vitin 2023, qyteti.

    Dhe asnjë fjalë nuk thuhet për këtë.

    Ne kemi vendosur një politikë demografike shumë të fortë.

    Ne do japim bonus për fëmijën e parë 70 euro.

    Bonus për fëmijën e dytë, 60 euro.

    Për fëmijën e tretë do jenë nga lindja gjer në 23 vjeç, të gjitha shpenzimet e shtetit. Po kështu fëmijën e katërt.

    Pra, do përpiqemi të trajtojmë me seriozitetin më të madh problemet e krijuara të familjes.

    Kështu që unë ftoj të mos bien në narrativën e tij, ta injorojmë.

    Natyrisht, thashë edhe njëherë, ajo është një fushatë elektorale tallave, një fushatë elektorale banaliteti, bullizmi.

    Flet me gjuhë të fortësh, si Nuredin Dumani në sallë të gjyqit. Pastaj kujtohet se shkel çdo normë dhe standard, tërhiqet për të vazhduar të nesërmen me të njëjtat terma.

    Të gjitha këto janë avantazhe për ne në kuptimin që qytetarët presin të dëgjojnë fjalën tonë, të dëgjojnë programin tonë.

    Ndaj dhe u falenderoj shumë për punën që bëni dhe u inkurajoj që këto dy javë, këto tre javë që kanë mbetur, të shumëfishojmë energjitë tona”, tha Berisha.