Pali Kolefski, kryetari i Bashkisë Pustec: Që në momentet e para që u lajmërua, ka qenë reagim i shpejtë, por moti dhe kjo thatësirë ka favorizuar përhapjen e tij. Zjarri ka zënë në një pjesë ku ka bimësi të ulët dhe ajo çka e vështirëson ndërhyrjen është se nuk ka rrugë kalimi.
Ne u munduam me të gjitha mjetet që kemi, qoftë edhe me zjarrfikëse, kemi patur ndihmë edhe nga Bashkia e Pogradecit. Kanë qenë këtu zjarrfikëset e bashkisë tonë, zjarrfikëset e Pogradecit, punonjësit e shërbimeve, zona e mbrojtur. Ne jemi duke bëtë një plan ndërhyrjeje për nesër në orët e para të mëngjesit, ky është edhe mendimi i specialistëve që kjo mund të jetë më efikase.
Sipërfaqja e djegur është goxha e madhe por nuk mund të them një shifër, terreni është shumë i vështirë, goxha e thepisur, bimësia e dendur nuk e lejon ndërhyrjen. Fillimisht sipas specialistëve, Ministrisë së Brendshme dhe policisë zjarri ka nisur këtu në rrugë, pas nesh. Nuk e di nga pakujdesia ose zjarrvënie e qëllimshme, këtë ngelet ta vërtetojnë ata.
Ndërsa drejtori i administratës së zonave të mbrojtura Gjergji Koki tha: Fatkeqësisht është viti i dytë që ndodh një situatë zjarri më këtë lloj përmase por shpresojmë që nga eksperienca e vitit të kaluar të kemi nxjerrë mësimet tona. Reagimi i administratës ka qenë i menjëhershëm.
Ne kemi qenë në gatishmëri si administratë jo vetëm këtu por edhe në zonat ku janë jashtë përgjegjësisë tonë, kemi qenë të gatshëm për të kontribuar. Gjithë administrata , gjithë specialistet janë këtu, në terren që në momentet e para të zjarrit. Jemi ndarë në 2 grupe pune së bashku me bashkinë dhe me ndihmat e tjera që kanë ardhur nga punonjësit e shërbimeve dhe qytetarë të tjerë që kane dhënë kontributin e tyre për të bërë të mundur izolimin perimetral të vatrave të zjarrit duke u munduar të krijojmë kordonet e para, për të mos agravuar e për të mos u hapur në gjerësi vatra e zjarrit.
Terreni është i vështirë , bimësia është e ulët, fatmirësisht nuk kemi depërtim të zjarrit në bimësi të lartë, e cila është në pjesën sipër. Jemi duke bërë një vlerësim të situatës pasi edhe punonjësit janë të ezauruar por edhe kushtet janë tepër të rrezikshme për të vazhduar ndërhyrjen. Po bëjmë një vlerësim për te nisur sërish një aksion me struktura të tjera për të bërë te mundur qe herët në mëngjes, rreth orës 4 të mëngjesit të kemi një lloj mundësie për të bërë një rikonuicion më të mirë të situatës e me pas për të ndërhyrë ,për të bërë sa mundemi me forcat tona e mundësitë qe ne kemi.
Terreni është shumë i vështirë por vullneti jonë dhe përgjegjësia maksimale që ka secili për të ruajtur mjedisin besoj do prevalojë e do bëjë të mundur që të bëjmë më të mirën tonë për të mos patur agravim me të madh të situatës me zjarret. Që në momentin e parë edhe koordinatoret tanë në Agjencinë e Zonave të Mbrojtura ku është kontaktuar menjëherë me koordinatorin përgjegjës për situatat e risqeve të tilla por për shkak se vendi jonë në këto lloj temperaturash është nën trysninë e zjarreve dhe kudo ka zjarre , prioritet janë zonat e banuara. Na është thënë që për momentin te mos presim asnjë mbështetje nga ajri por të mundohemi qe me gjithë mundësitë që ofrohen këtu lokalisht, me bashkitë fqinje dhe nga bashkitë e qarkut të kemi suport tokësor.
Kjo është e mundur për momentin. Më pas do të komunikojmë edhe me partnerët tanë përballë por edhe ata kanë një protokoll specifik kur aktivizohet mundësia e ndërhyrjes. Shpresoj mos kemi situata si ajo e vitit të kaluar dhe ta izolojmë në kohë.
Top Channel
