Policia e Kosovës ka nisur që të mbledhë informacione lidhur me keqpërdorimet e mundshme të votave në komunën e Mitrovicës së Jugut, thanë nga Prokuroria Themelore e Mitrovicës.
“Policia është duke grumbulluar informacione lidhur me pretendimet për keqpërdorim të votave në këtë lokacion”, tha për Radion Evropa e Lirë zëdhënësi i Prokurorisë Themelore të Mitrovicës, Valon Preteni.
Njoftimi vjen dy ditë pasi Kosova organizoi rundin e parë të zgjedhjeve lokale. Sipas rezultateve preliminare, kjo komunë do të shkojë në balotazh.
Diferenca në vota mes dy kandidatëve të parë për kryetarë komune, Arian Tahiri i Partisë Demokratike të Kosovës dhe Faton Pecit nga Lëvizja Vetëvendosje, është shumë e vogël.
Për këtë komunë ka pasur dallime mes sondazheve fillestare, të publikuara menjëherë pas mbylljes së vendvotimeve, dhe rezultatit preliminar të publikuar nga Komisioni Qendror i Zgjedhjeve. Prandaj, më pas në opinion janë shfaqur pretendime për keqpërdorime të mundshme të votave.
Kryeministri në detyrë i Kosovës, Albin Kurti, i cili njëherësh është kreu i Lëvizjes Vetëvendosje, një ditë pas zgjedhjeve ftoi organet e drejtësisë që të nisin hetime lidhur me exit poll-et e publikuara për zgjedhjet.
Mirëpo, Kurti u kritikua nga pjesëtarë të shoqërisë civile për këtë deklaratë.
Këshilltarja ligjore në Qendrën Evropiane për Liri të Shtypit dhe Medias, Flutura Kusari, shkroi në Facebook se është “i pasaktë” deklarimi i Kurtit se publikimi i sondazheve ishte ndërhyrje në procesin zgjedhor, duke argumentuar se ato u publikuan pas përfundimit të votimeve.
Kusari u bëri thirrje organeve të ndjekjes që “të qëndrojnë sa më larg idesë të hetimit të raportimeve dhe kompanive që bëjnë exit poll-e”.
Ajo tha se këto kompani të sondazheve duhet të paguajnë “me kredibilitet, ashtu siç duhet të paguajnë me kredibilitet moderatorët e emisioneve që na kanë ofruar informacione të pasakta, sidomos nëse i angazhojnë përsëri të njëjtat kompani”.
Ndryshe, KQZ-ja ka thënë se beson që gjatë kësaj jave do të përmbyllë procesin e numërimit të të gjitha votave për zgjedhjet lokale.
Sipas rezultateve aktuale, 21 komuna kanë zgjedhur kryetarët e tyre që në rundin e parë, ndërkaq 17 të tjera shkojnë në balotazhin e 9 nëntorit./REL
Tag: mundshme
-
Policia mbledh informacione për keqpërdorime të mundshme të votave në Mitrovicë të Jugut
-
“Faza 0”, Rusia drejt një lufte të mundshme me NATO
Rusia duket se po përshpejton ritmin për të arritur në të ashtuquajturën “Faza 0”, atë të përgatitjes për një luftë të mundshme me Aleancën e NATO-s. Instituti për Studimin e Luftës me bazë në Uashington ka publikuar një studim të ri që sugjeron se Rusia po përgatitet për një luftë të mundshme me perëndimin.
Rusia është përfshirë në sulme të shumta të hapura dhe të fshehta kundër vendeve të NATO-s vitet e fundit, duke përfshirë sabotim, bllokim të GPS-it dhe zjarrvënie.
“Që nga vjeshta e vitit 2025, Rusia i ka rritur ndjeshëm këto sulme – veçanërisht përmes sulmeve me dronë kundër hapësirës ajrore të NATO-s”, thekson raporti. Më tej shtohet se “Ky model sugjeron që Rusia ka hyrë në fazën e parë të përgatitjeve psikologjike por edhe luftarake për një luftë totale me perëndimin.
Shërbimi i Inteligjencës së Jashtme i Rusisë (SVR) pretendoi më 6 tetor se Mbretëria e Bashkuar po planifikon që një grup rusësh pro-ukrainas që luftojnë për Ukrainën të kryejnë një sulm ndaj një anijeje të Marinës ukrainase ose një anijeje civile të huaj në një port evropian.
SVR theksoi se sabotatorët do të pretendojnë se po vepronin me urdhra nga Moska dhe se Mbretëria e Bashkuar planifikon ta pajisë grupin me pajisje nënujore të prodhuara në Kinë me qëllim që të fajësojë Republikën Popullore të Kinës (PRC) për mbështetjen e agresionit të Rusisë kundër Ukrainës.
Pretendimi i SVR-së i 6 tetorit vjen pas pretendimeve të ngjashme të SVR-së që synojnë shtetet evropiane, të tilla si Polonia, Moldavia dhe Serbia, dhe SVR ka lëshuar deklarata të tilla më shpesh në javët e fundit që përbëjnë një model të ri të bashkërenduar aktivitetin. Rusia ka ndërmarrë plane afatgjata që ISW vlerëson se mund të jenë pjesë e përgatitjes për një luftë NATO-Rusi në të ardhmen, të tilla si ristrukturimi i distrikteve ushtarake të Rusisë në kufirin e saj perëndimor dhe ndërtimi i bazave ushtarake në kufirin me Finlandën.
Sakaq, bëhet e ditur se Rusia ka raportuar një sulm të ri masiv me dronë nga Ukraina. Ministria e Mbrojtjes në Moskë njoftoi se 184 dronë ukrainas u kapën gjatë natës së të martës.
Shumica e tyre u kapën në rajonet kufitare të Kurskut dhe Belgorodit. Të hënën në mbrëmje, ushtria ruse thuhet se ka kapur 251 dronë. Ky ishte një nga sulmet më të rënda hakmarrëse të Ukrainës që nga fillimi i ofensivës ruse në vendin fqinj.
-
Marrëveshja e mundshme për armëpushim ngjall shpresë dhe frikë në të gjithë Lindjen e Mesme
Si palestinezët në Rripin e Gazës, ashtu edhe familjet e pengjeve të mbetura të mbajtura nga Hamasi, shprehën shpresë për një marrëveshje të mundshme armëpushimi këtë javë.
“Shpresojmë se jemi më afër një marrëveshjeje për pengjet që nga armëpushimi i janarit”, tha Ministri i Jashtëm i Izraelit, Gideon Sa’ar, në një fjalim të dielën. Kryeministri Benjamin Netanyahu i tha Euronews se “barra bie mbi Hamasi” për të pranuar marrëveshjen e mbështetur nga SHBA-të.
Sipas planit të propozuar, Hamasi do të lironte menjëherë 48 pengjet e mbetura dhe do të hiqte dorë nga pushteti në Gaza, ndërsa Izraeli do të ndalte ofensivën, do të tërhiqte disa nga trupat e tij, do të lironte të burgosurit palestinezë dhe do të lejonte ndihmën humanitare.
Të afërmit e pengjeve u mblodhën pranë rezidencës së Netanyahut në Jerusalem, disa prej tyre duke kërkuar që Presidenti amerikan, Donald Trump, të ushtrojë presion për të siguruar lirimin. Michel Ilouz, babai i Guy Ilouz, një 26-vjeçar i rrëmbyer gjatë festivalit Supernova më 7 tetor, tha: “Nuk mund të lejojmë që një marrëveshje kaq historike të sakrifikohet përsëri”.
Pavarësisht urdhrit të SHBA-së për ndalimin e bombardimeve, spitalet dhe banorët lokalë raportuan se sulmet vazhduan në Gaza. Të paktën tetë persona humbën jetën të dielën, sipas Spitalit Shifa.
Banorët palestinezë jetojnë në kushte të vështira. “Jemi në prag të greminës dhe nuk e dimë nëse dikush do të vdesë nga një grevë apo nga uria”, tha Mahmoud Hashem, një baba i strehuar në një tendë në Gaza.
Hamasi ka pranuar disa elementë të planit, dhe Izraeli mbështet përpjekjen e SHBA-së për armëpushim. Të dy palët janë të gatshme të zhvillojnë negociata indirekte në Egjipt të hënën, ku do të diskutohet shkëmbimi i pengjeve për të burgosurit palestinezë.
Sekretari i Shtetit i SHBA-së, Marco Rubio, tha se situata është “më afër që kemi arritur për të liruar të gjithë pengjet”, duke paralajmëruar për rreziqe të mundshme që mund të sabotojnë marrëveshjen.
-
Norvegjia raporton për dronë misteriozë mbi bazën e forcave ajrore
Danimarka raportoi më shumë pamje misterioze të dronëve – këtë herë mbi instalime ushtarake, përfshirë bazën e saj më të madhe ushtarake – pasi ndërhyrjet në aeroporte pezulluan fluturimet këtë javë.
Përveç Danimarkës, Norvegjia raportoi një rast me dronë, shkruajnë mediat e huaja.
Policia norvegjeze thuhet se po heton pamje të mundshme të dronëve pranë një baze të forcave ajrore në Norvegjinë qendrore, duke shtuar se baza strehon aeroplanët luftarakë F-35 të vendit.
“Rojet në bazë bënë disa vëzhgime jashtë perimetrit të bazës herët të shtunën”, tha një zëdhënës në selinë e përbashkët të Forcave të Armatosura Norvegjeze.
Ndryshe, pamjet e përsëritura të dronëve të paidentifikuar mbi infrastrukturë ushtarake dhe civile në disa vende të Evropës, kanë ngritur alarmin për ndërhyrje të mundshme të huaja.
Autoritetet nuk kanë dhënë ende emra, por ekspertët e sigurisë nuk përjashtojnë mundësinë që këto incidente të jenë pjesë e një fushate të koordinuar vëzhgimi ose testimi të mbrojtjes perëndimore nga aktorë shtetërorë.
Rusia është përmendur shpesh si një nga burimet e mundshme të këtyre aktiviteteve, edhe pse provat direkte mungojnë.
-
PD kërkon një kandidat për Tiranën/ Takimi i negociatorëve të Berishës me aleatët, Noka: Fitorja plotësisht e mundshme, dorën ia shtrijmë…
Para se të mbërrijnë tek faza më e vështirë e negocimit tre të mandatuarit e Sali Berishës i nisën bisedimet për profilin e kandidatin të Tiranës me aleatët e përhershëm dhe tradicional, Fatmir Mediu dhe Agron Duka.
Noka: Ne e konsiderojmë plotësisht të mundshme edhe fitoren e Bashkisë së Tiranës dhe bashkitë e tjera nëse unifikojmë gjithë aktorët dhe faktorët.
Sali Berisha i shtrin dorën për bashkëpunim Agron Shehaj dhe Adriatik Lapaj. Për koalicionin, demokratet kanë dhe vija të kuqe, që i mbyllin derën jo vetëm Arlind Qorrit por dhe Dashamir Shehit, Enkelejd Alibeaj dhe Lulzim Bashës ndonëse i përkasin spektrit të djathtë.
Noka: Dora jonë e shtrirë për të gjithë partitë opozitare parlamentare të qendrës dhe qendrës së djathtë, Arlind Qorri është i majtë.
Në një kohë që në kampin blu kanë nisur diskutimet për aleancat dhe profilin e kandidatët, kundërshtari politik ka nisur fushatën.
Për ironi te fatit në të njëjtin vend ku opozitarët kuvendonin, drejtuesja e fushatës e Partisë Socialiste për Tiranën, Belinda Balluku, dhe kandidatja Ogerta Manstirliu, zhvillonin një takim me gratë dhe vajzat.
Ndonëse koalicioni madhështor nuk e ndihmoi ta kthente në pushtet, Sali Berisha ka vendosur që në zgjedhjet e parakohshme në 6 bashki të vendit të ketë sërish një tren me shumë vagonë, ndërsa u detyrua të injorojë primaret pasi kandidatët duhet të kenë edhe bekimin e aleatëve jo vetëm të strukturave të partisë.Top Channel
-
Të frikësuar nga një luftë e mundshme agresive në Europë, Gjermania bën gati planin: Do trajtohen një mijë ushtarë të plagosur në ditë
Forcat e armatosura të Gjermanisë po hartojnë plane për të trajtuar deri në 1,000 ushtarë të plagosur në ditë, duke u përgatitur për ndonjë rast konflikti të madh midis NATO-s dhe Rusisë , mes shqetësimeve në rritje për një përshkallëzim të mundshëm.
Plani i emergjencës është pjesë e një përpjekjeje më të gjerë nga ushtritë evropiane për t’u përgatitur për një konfrontim të madh me Moskën, ndërkohë që NATO po paralajmëron se Rusia mund të jetë gati të nisë një sulm deri në vitin 2029 .
Pavarësisht premtimeve të Kremlin-it se nuk po përgatitet për luftë me Aleancën Atlantike, shkeljet e fundit të hapësirës ajrore të saj (në Poloni dhe Estoni) nga avionët dhe dronët rusë kanë rritur frikën e përshkallëzimit.
Kryemjeku i forcave të armatosura gjermane, Ralph Hoffman, tha se numri i të plagosurve do të varet nga intensiteti i luftimeve dhe njësitë e përfshira. “Realisht, po flasim për një numër prej rreth 1,000 ushtarësh të plagosur në ditë “, tha ai.
Gjermania, siç theksoi Hoffman, po i jep shumë vëmendje trajnimin mjekësor për të plagosurit, duke nxjerrë mësime nga lufta në Ukrainë.
“Natyra e luftës ka ndryshuar në mënyrë dramatike në Ukrainë “, theksoi ai, duke vënë në dukje se lëndimet tani vijnë më pak nga të shtënat me armë zjarri dhe më shumë nga shpërthimet dhe djegiet e shkaktuara nga dronët dhe municionet e humbura.
Siç u bë e ditur gjatë verës, Gjermania po ashtu po planifikon të zgjerojë numrin e strehimoreve të saj rezistente ndaj bombave , nga frika e një sulmi nga Rusia në 4 vitet e ardhshme.
Këto plane u njoftuan nga kreu i Zyrës Federale për Mbrojtjen Civile dhe Menaxhimin e Fatkeqësive , Ralf Tischler, i cili deklaroi se ekonomia më e madhe e Evropës duhet të kuptojë realitetin në të cilin jeton dhe se Gjermania duhet të jetë e përgatitur për një luftë të mundshme.
“Për një kohë të gjatë, në Gjermani mbizotëronte bindja se lufta nuk ishte një skenar për të cilin duhej të përgatiteshim. Kjo ka ndryshuar. Ne jemi të shqetësuar për rrezikun e një lufte të madhe agresive në Evropë“, kishte deklaruar Tischler.Top Channel
-
Kim Jong Un sjell vajzën në Kinë, trashëgimtarja e mundshme e pushtetit në Korenë e Veriut
Lideri i Koresë së Veriut, Kim Jong Un thuhet se ka ka sjellë vajzën e tij në Pekin, raportojnë mediat e Koresë së Jugut.
Shfaqja e Kim Ju Ae do të shtojë spekulimet se ajo mund të jetë trashëgimtarja e mundshme e babait të saj.
Zyrtarët kinezë, përfshirë ministrin e jashtëm Wang Yi, e përshëndetën udhëheqësin e Koresë së Veriut kur ai mbërriti në Pekin, sipas Agjencisë Qendrore Koreane të Lajmeve.
Udhëheqësi i Koresë së Veriut thuhet se e falënderoi Xi Jinping për mikpritjen e tij.Top Channel
-
Donald Trump nuk e përjashton mundësinë e dhënies së faljes presidenciale për Diddyn
Kur u pyet nëse ka ndërmend t’i japë një falje presidenciale reperit Diddy, Donald Trump nuk dha një përgjigje të qartë. Edhe pse nuk u shpreh veçanërisht pozitiv për këtë mundësi, ai nuk e përjashtoi plotësisht një falje të mundshme.
Presidenti amerikan dha një intervistë të premten, më 1 gusht, për Rob Finnerty në emisionin “Finnerty” në Newsmax, ku diskutoi mbi raportet e fundit që flasin për një falje të mundshme për Diddy. Reperi është dënuar për dy akuza për transportim personash me qëllim prostitucioni, ndërsa është liruar nga akuzat më të rënda për trafikim seksual dhe krijim të një organizate kriminale. Shpallja e dënimit është planifikuar për datën 3 tetor, ndërkohë që avokatët e tij po përgatiten për apel.
Kur Finnerty e pyeti Trumpin nëse do ta falte Diddy-n, ai u përgjigj se dikur kishte qenë “shumë miqësor” me të dhe se “shkonim mirë, dukej si një djalë i mirë”. Megjithatë, më pas Trump sqaroi se nuk e njihte mirë personalisht dhe shtoi se, kur ai kandidoi për president, Diddy ishte “shumë armiqësor” ndaj tij.Donald Trump Discusses Whether He Will Pardon Diddy, See The Video https://t.co/bxvLVyz6RR pic.twitter.com/49EhCZ5z9S
— TMZ (@TMZ) August 2, 2025Trump pranoi se qëndrimi ambivalent i Diddy-t ndaj tij mund të ndikojë në gjykimin për një falje të mundshme: “Armiqësia e tij mund të na turbullojë gjykimin,” – tha ai. Ai gjithashtu vuri në dukje se nuk është paraqitur ende një kërkesë zyrtare për falje dhe se Shtëpia e Bardhë nuk komenton nëse një kërkesë e tillë po merret në shqyrtim.
Që në maj të vitit të kaluar, Trump kishte deklaruar publikisht se do të shqyrtonte mundësinë e dhënies së faljes:“Do të isha i interesuar për faktet, veçanërisht nëse mendoj se dikush është trajtuar padrejtësisht, pavarësisht nëse më pëlqen apo jo.”
Në të kaluarën, Trump e ka quajtur Diddy-n një “mik të mirë” dhe e ka mbështetur publikisht, përfshirë edhe në emisionin e tij “The Apprentice”. Megjithatë, marrëdhëniet mes tyre u ftohën pas mbështetjes së Diddy-t për Joe Biden në zgjedhjet e vitit 2020.
Diddy ndodhet në paraburgim që nga shtatori i vitit 2024. Pavarësisht përpjekjeve të shumta nga mbrojtja për lirimin me kusht — përfshirë edhe një garanci prej 50 milionë dollarësh — gjykata i ka refuzuar kërkesat. Pas një gjyqi tetë-javor, me dëshmi nga ish-partnerë, punonjës, eskorta dhe oficerë policie, juria e shpalli fajtor më 2 korrik vetëm për akuzën e transportimit për prostitucion, duke konstatuar se nuk kishte prova të mjaftueshme për akuzat më serioze.
Diskutimi për një falje të mundshme ndaj Diddy-t po zhvillohet në një kohë kur administrata Trump është nën presion të madh për shkak të dosjeve ende të pazbuluara që lidhen me Jeffrey Epstein, një ish-mik i Trump. Kjo çështje ka shkaktuar reagime të forta brenda lëvizjes MAGA dhe së fundmi Trump ka ndërmarrë një padi 10 miliardë dollarëshe kundër Rupert Murdoch.Top Channel
-
Ndalimi i vdekjes? Profesori kosovar ndan njohuritë e tij
Njerëzimi e ka më të mundshme arritjen e pavdekësisë sesa të gjejë kuptimin e jetës. Pavdekësia dhe zgjatja e jetës janë madje shumë të mundshme, e kjo e fundit [zgjatja e jetës] edhe është arritur. Kështu deklaroi profesori dhe fizikani Shukri Klinaku, duke theksuar se njeriu është në gjendje ta ndihmojë vetveten në këtë aspekt.
Profesor Klinaku tha se konsumimi i rregullt i ushqimeve dhe jetesa nën ligje të drejta, e mundësojnë këtë.
“Zgjatja e jetës është fare lehtë e mundshme. Shkenca, mjekësia, biologjia, përparimet e shkencave të tjera kane arritur që jetën e njeriut ta zgjasin madje një studim britanik para shtatë apo tetë vjetëve, thotë se njeriu po t’i evitonte dëmtimet që ia bënë vetë jetës, ai si organizëm është i krijuar të jetojë për 170-180 vjet. Ne me konsumim jo të rregullt e shkurtojmë jetëgjatësinë tonë”, ka thënë Klinaku.
Sipas tij, në rast se njeriu jeton me rregull, organizimi i tij i ka predispozitat që të jetojë 170-180 vjet.
Rrugë tjetër e arritjes së pavdekësisë, sipas profesorit, është edhe rigjenerimi apo zëvendësimi i organeve.
Shukri Klinaku, fizikan e profesor në Universitetin e Prishtinës “Hasan Prishtina”, deklaron me bindje të plotë se teoria e Ajnshtajnit nuk qëndron, duke shtuar se atributet që Ajnshtajni ia jep teorisë së hapësirë-kohës janë të çuditshme. Kësaj teze, ai ia kushtuar edhe një libër.
Shkencëtari dhe fizikani i njohur gjerman, Albert Ajnshtajn (në origjinal Einstein), famën botërore e ka arritur me teorinë e relavitetit të përgjithshëm. Në këtë teori, Ajnshtajni unifikoi idenë e hapësirës me kohën si një lloj strukture katërdimensionale, të cilën e emërtoi si hapësirë-kohë.
-
Tërmeti “shkundi” Paqësorin/ Japonia evakuon rreth 2 milionë banorë! Ku janë paralajmërimet për cunami?
Foto ilustruese
RUSI- Një tërmet me magnitudë 8.8, një ndër më të fuqishmit ndonjëherë, goditi të mërkurën gadishullin Kamçatka në lindjen e largët të Rusisë, duke shkaktuar një cunam deri në katër metra të lartë, duke nxitur paralajmërime dhe evakuime në të gjithë Oqeanin Paqësor.
Ndërkohë, autoritetet në rajonin Sakhalin në lindje të largët të Rusisë shpallën gjendje të jashtëzakonshme në Ishujt Kuril veriorë, ku valët e cunamit kanë dëmtuar ndërtesat dhe kanë shkaktuar përmbytje.Ku janë paralajmërimet për cunami?
Qendrat e Paralajmërimit për Cunami në SHBA thonë se valë me lartësi mbi tre metra janë të mundshme përgjatë disa brigjeve të Ekuadorit, ishujve veriperëndimorë të Havait dhe Rusisë.
Valë nga një deri në tre metra janë të mundshme përgjatë disa brigjeve të Kilit, Kosta Rikës, Hawaiit, Japonisë dhe ishujve në Paqësor, shton raporti.
Valë deri në një metër ishin të mundshme edhe në vende të tjera, përfshirë Australinë, Kolumbinë, Meksikën, Zelandën e Re, Tongën dhe Tajvanin.
Japonia thotë se qytetarët e saj duhet të jenë në gatishmëri të lartë dhe 1.9 milion njerëz janë nën urdhër evakuimi.
Hawaii është në alarm të plotë për cunami, me njerëzit që u është thënë të shkojnë në vende më të larta dhe anijet që u është kërkuar të qëndrojnë në det të hapur. Kryebashkiaku i Honolulusë u ka thënë banorëve: “Ju lutem merreni këtë shumë seriozisht. Ngrini sa më lart që të jetë e mundur”, megjithëse thotë se autoritetet ende nuk kanë parë “një valë pasojash”.
Në bregun perëndimor të SHBA-së, Shërbimi Kombëtar i Motit i SHBA-së po u thotë njerëzve të shmangin plazhet, portet dhe marinat.
Autoritetet kineze kanë lëshuar një alarm për cunami për provincën Zhejiang dhe qytetin e Shangait, duke thënë se presin valë deri në një metër të larta.
Në Peru, zyrtarët kanë lëshuar një paralajmërim për cunami dhe po mbajnë “mbikëqyrje të vazhdueshme” të situatës.