Lajmidites.com

Tag: mundësinë

  • Brukseli nën presion amerikan për fondet ruse, Ukraina në pritje

    Brukseli nën presion amerikan për fondet ruse, Ukraina në pritje

    Bota E Diel, 7 Dhjetor 2025 21:53
    Konfrontimi në Bruksel mbi mënyrën e përdorimit të fondeve të ngrira ruse ka hyrë në një fazë të re, ndërsa Shtetet e Bashkuara po përpiqen të pengojnë Europën që t’i përdorë ato për të financuar Ukrainën. Sipas Bloomberg, diplomatë europianë kanë raportuar se Uashingtoni i ka kërkuar kryeqyteteve europiane të “ngrijnë” planin për t’i dhënë një kredi të madhe Kievit, e cila do të mbulohej nga asetet e bankës qendrore ruse që janë ngrirë në Europë.
    SHBA-të i konsiderojnë këto fonde si një pikë kritike në negociatat e mundshme të paqes midis Moskës dhe Kievit, duke shprehur shqetësimin se përdorimi i tyre në përpjekjet e luftës mund të zgjasë konfliktin. Megjithatë, Bashkimi Europian ka propozuar përdorimin e këtyre rezervave si garanci për një kredi deri në 90 miliardë euro, me qëllim mbulimin e nevojave ekonomike dhe mbrojtëse të Ukrainës deri në vitin 2027. Aktualisht, rreth 210 miliardë euro asete ruse ndodhen në juridiksionin europian, dhe përdorimi i tyre mund të zgjerohet më tej pas vitit 2028.

    Ndërhyrja e SHBA-së vjen ndërsa Uashingtoni ushtron presion mbi Kievin për të arritur një marrëveshje paqeje, madje edhe me kushte të vështira. Asetet e ngrira ruse janë gjithashtu pjesë e një propozimi prej 28 pikash për bisedime paqeje, duke lënë të hapur mundësinë e përdorimit të tyre për investime pas luftës nën koordinimin e SHBA-së.

    Qeveritë europiane theksojnë se menaxhimi i këtyre fondeve është përgjegjësi ekskluzive e BE-së. Kancelari gjerman Friedrich Merz ka deklaruar se nuk ka mundësi transferimi të parave në SHBA, duke nënvizuar qëndrimin e përbashkët të BE-së për t’i drejtuar fondet në Ukrainë. Megjithatë, propozimi po përballet me rezistencë, veçanërisht nga Belgjika, e cila shqetësohet për barrën financiare dhe rrezikun e hakmarrjes ruse, si dhe nga Hungaria dhe Sllovakia, që kundërshtojnë çdo masë që lidhet me mbështetjen ushtarake për Ukrainën.

    Diskutime të mëtejshme priten në Bruksel, ku kancelari gjerman do të takohet me Kryeministren belge dhe Presidenten e Komisionit Ursula von der Leyen për të kapërcyer kundërshtimet para samitit të BE-së në fund të muajit. Komisioni Europian po shqyrton mundësinë e dhënies së garancive përmes buxhetit europian ose shteteve anëtare, ndërsa ideja e emetimit të borxhit të përbashkët europian po refuzohet nga disa vende si Gjermania. Plani kërkon një shumicë të kualifikuar për t’u miratuar, gjë që e lë të hapur mundësinë e aprovimit të tij pavarësisht kundërshtimeve.

  • Ambasadori i SHBA në NATO: Paqja në Ukrainë më pranë se kurrë

    Ambasadori i SHBA në NATO: Paqja në Ukrainë më pranë se kurrë

     

    Ambasadori i SHBA në NATO, Matthew Whitaker deklaroi së fundmi se gjasat për t’i dhënë fund konfliktit Rusi-Ukrainë janë përmirësuar, duke e quajtur momentin aktual si mundësinë më të mirë deri më tani për të arritur paqen.

    ‘Kjo nuk do të jetë paqe me çdo çmim, pasi në fund të fundit pala ukrainase do të duhet të pranojë çdo marrëveshje të arritur, dhe pala ruse do të duhet të tregojë një dëshirë të sinqertë për t’i dhënë fund kësaj lufte’, tha ambasadori.

    Whitaker mes të tjerash foli dhe për sigurinë në forumin e mbajtur në Katar. Ai tha se nuk beson se Rusia synon të sulmojë NATO-n, duke e përshkruar mundësinë e një veprimi të tillë si shumë të ulët.

    Ai theksoi se aleanca, përfshirë Shtetet e Bashkuara, mbetet e përkushtuar ndaj detyrimeve të saj të mbrojtjes kolektive sipas Nenit 5.

    Komentet e tij vijnë pas deklaratave të fundit të Admiralit Giampaolo Di Paola Cavo Dragone, kreu i Komitetit Ushtarak të NATO-s, i cili tha se aleanca nuk e përjashton mundësinë e një ‘sulmi parandalues’ kundër Rusisë, një veprim që ai argumentoi se mund të interpretohet si mbrojtës.

  • Efekti domino sjell ndryshimin e pankinave! Liverpuli do të marrë trajnerin e Real Madridit, nuk do ta humbin mundësinë për Xabi Alonson

    Efekti domino sjell ndryshimin e pankinave! Liverpuli do të marrë trajnerin e Real Madridit, nuk do ta humbin mundësinë për Xabi Alonson

    Sipas raportimeve nga mediat angleze, Liverpooli i ndoqi ngjarjet në Madrid me shumë kujdes. Pas një fillimi të dobët të sezonit, pakënaqësia mbretëroi në Real Madrid dhe Florentino Perez thuhet se po shqyrton shkarkimin e Xabi Alonsos. Mediat spanjolle pretendojnë se pati një konflikt në dhomën e zhveshjes që tronditi më tej pozicionin e Alonsos. Nëse do të kishte vërtet një prishje të bashkëpunimit, efekti domino mund të arrinte në Angli.
    Liverpuli, i cili ka vëzhguar zhvillimin e situatës për muaj të tërë, nuk do ta humbiste mundësinë për të konsideruar rikthimin e ish-të preferuarit të tyre. Xabi Alonso ka lënë një gjurmë të thellë në Anfield dhe shumë e shohin atë si njeriun ideal për stabilitetin afatgjatë të klubit. Trajneri aktual Arne Slott do të përballej me një presion të madh nëse Alonso do të bëhej i disponueshëm. Menaxhmenti i Liverpoolit, sipas spekulimeve, nuk dëshiron të presë nëse ka një shans për të sjellë spanjollin. /Elio Hajdari-Sport Ekspres/
     

  • SHBA diskuton mundësinë e një sulmi, Maduro: Venezuela gati të mbrohet

    SHBA diskuton mundësinë e një sulmi, Maduro: Venezuela gati të mbrohet

    Presidenti i Venezuelës, Nicolas Maduro, deklaroi se vendi i tij është i gatshëm të mbrohet, teksa administrata e Donald Trump-it po diskuton mundësinë e një sulmi tokësor ndaj territorit venezuelian. Deklaratat erdhën gjatë një tubimi në Karakas, në një periudhë tensionesh të rritura mes dy vendeve.
    Sipas zyrtarëve amerikanë, forcat e SHBA-së kanë kryer 21 goditje ndaj mjeteve lundruese që dyshohen për trafik droge në muajt e fundit. Shtëpia e Bardhë e akuzon Maduro-n për lidhje me trafikun e narkotikëve, një akuzë të cilën ai e mohon kategorikisht.
    Maduro akuzoi SHBA-në se po ushtron “terrorizëm psikologjik” ndaj vendit të tij për 22 javë me radhë dhe tha se qëllimi i vërtetë i Uashingtonit është të rrëzojë qeverinë dhe të kontrollojë burimet e pasura të naftës të Venezuelës. Autoritetet venezueliane e kanë cilësuar fushatën amerikane, e cila ka shkaktuar mbi 80 viktima nga goditjet ndaj varkave, si vrasje të qëllimshme.
    Ndërkohë, vendimet e SHBA-së kanë nxitur shqetësime ndërkombëtare për ligjshmërinë e operacioneve ushtarake, ndërsa Pentagoni i ka justifikuar ato duke i klasifikuar grupet e trafikut si organizata të huaja terroriste.

  • “Do ta ndalojmë krejtësisht”/ Rusia kërcënon WhatsApp-in, i vendos kush vendasve: Nëse nuk i përmbahet legjislacionit rus…

    “Do ta ndalojmë krejtësisht”/ Rusia kërcënon WhatsApp-in, i vendos kush vendasve: Nëse nuk i përmbahet legjislacionit rus…

    Moska deklaroi se është duke shqyrtuar mundësinë e ndalimit të shërbimit të njohur për dërgimin e mesazheve, WhatsApp, me pretendimin se ai ka dështuar ta parandalojë krimin.

    Kërcënimi vjen në vazhdën e përpjekjeve të Rusisë për t`i shtyrë qytetarët e saj të kalojnë në shërbime dixhitale të mbështetura nga shteti.
    Autoritetet vendase ia kishin ndaluar që në muajin gusht përdoruesve mundësinë për të bërë thirrje në WhatsApp, si pjesë e një goditjeje më të gjerë ndaj rrjeteve sociale në pronësi perëndimore. Kritikët janë të bindur se pas këtyre përpjekjeve fshihet në fakt një fushatë e mirëfilltë, qëllimi i së cilës është t’i detyrojë rusët të përdorin platformat vendase.
    Mbikëqyrësi rus i komunikimeve, Roskomnadzor, doli me një deklaratë ku shpjegohej se WhatsApp po përdoret për “të organizuar dhe kryer akte terroriste në vend, për të rekrutuar autorë, si dhe për mashtrime dhe krime të tjera kundër qytetarëve tanë”.
    “Nëse ai nuk i përmbahet legjislacionit rus, do të bllokohet plotësisht”, thuhet aty. Meta, gjiganti amerikan i teknologjisë që zotëron WhatsApp-in, ende nuk ka bërë asnjë koment. WhatsApp është një nga dy shërbimet më të njohura për dërgimin e mesazheve në Rusi, krahas Telegramit.

    Top Channel

  • “Fatkeqësi nëse do të kemi Kosovën në play-off, nëse ndodh…”

    “Fatkeqësi nëse do të kemi Kosovën në play-off, nëse ndodh…”

    Presidenti i FSHF-së, Armand Duka, ka folur gjerë e gjatë në një intervistë për TV Klan, ku ndër të tjera, komentoi sfidën e sotme ndaj Anglisë si dhe mundësinë e përballjes në play-off mes Shqipërisë dhe Kosovës.
    “Anglia është një kundërshtar i fortë. Ka fituar të gjitha ndeshjet kualifikuese në grup deri tani dhe nuk ka pësuar asnjë gol. Anglia ka treguar që është një kundërshtar për t’u respektuar maksimalisht, por gjithsesi ekipi ynë di të bëjë mirë edhe ndaj kombëtareve të tilla të mëdha.
    Të dyja skuadrat e kanë arritur objektivin që kanë pasur në fillim të këtyre eliminatoreve, sot shpresojmë të kënaqim tifozët, spe jo të arrijmë dhe një rezultat historik”, tha Duka.
    Duka foli edhe për mundësinë që Shqipëria dhe Kosova të përballen në play-offin e marsit, rruga e vetme e mbetur që mund të dërgojë në Botëror.
    “Uroj që të mos kemi Kosovën përballë, sepse do të ishte vërtet një fatkeqësi për ne dhe për Kosovën të detyrohemi të sfidojmë njëri-tjetrin. Dua që si ne si ata të vazhdojmë paralelisht që të realizojmë ëndrrën tonë për në Botëror pa u përplasur në asnjë moment.
    Nëse Shqipëria do të përplaset me Kosovën, do mendojmë për këtë gjë në momentin që do të ndodhë”, tha Duka.

  • E bujshme/ Uzuni kërkohet nga skuadra e Serie A

    E bujshme/ Uzuni kërkohet nga skuadra e Serie A

    Futbollisti beratas i Kombëtares kuqezi Myrto Uzuni, mund të kthehet së shpejti në Evropë. Sulmuesi shqiptar i Austin FC në MLS, thuhet se po shqyrton mundësinë e largimit nga skuadra në fund të vitit 2025, duke synuar të kthehet në Europë, siç theksohet nga TuttoCagliari.net.

    Burime pranë lojtarit flasin për një dëshirë të qartë: të kthehet në një ligë më konkurruese pas përvojës së tij jashtë shtetit. Kjo dëshirë nuk ka kaluar pa u vënë re, veçanërisht që nga ajo kohë.

    Klubi sard, në kërkim të përforcimeve në sulm për gjysmën e dytë të sezonit, thuhet se po vlerëson mundësinë e një huazimi fillestar në janar, një zgjidhje që do t’u lejonte atyre të testonin ndikimin e lojtarit.

    Nuk ka negociata të avancuara në këtë kohë, por kontaktet midis palëve mund të intensifikohen në javët në vijim. Prandaj, emri i Uzunit mbetet një nga më interesantët në kontekstin e një fushate përforcuese. /Sportiim.al/

    Vazhdo leximin

  • “Kjo është republika e Palloshit”/ Dosja e SPAK, Balliu tregon prangat: Babëzia e Ballukut nuk njeh limit, për të…

    “Kjo është republika e Palloshit”/ Dosja e SPAK, Balliu tregon prangat: Babëzia e Ballukut nuk njeh limit, për të…

    Deputeti i Partisë Demokratike, Kelvis Balliu akuzoi Belinda Ballukun për vjedhje marramendëse me Tunelin e Llogarasë. Balliu kishte kërkuar interpelancë me ministren e Infrastukturës dhe Energjisë, por ajo u rrëzua. Ndërkohë në fjanë e tij nga foltorja e Kuvendit, Balliu u shpreh se për të vjedhur është rrezikuar edhe jeta e qytetarëve, pasi nuk është bërë kolaudimi i rrugës.
    Edhe pse nuk ishte e pranishme, Balliu iu drejtua Ballukut duke i thënë se “ka mundësinë të thotë të vërtetën se kush i ka dhënë urdhrat”.
    Balliu deklaroi se “Balluku duhet të bëhet një pentito dhe mos ndjekë rrugën e gjyshit të saj, Beqir Balluku”.
    Për tunelin e Llogarasë, deputeti demokrat tha se “punët i ka bërë kompania ‘Gjoka Konstruksion’, ndërsa paratë i ka marrë kompania turke.
    “Balluku ka sot mundësinë të thotë të vërtetën se nga kush i erdhi urdhri dhe të mos fshihet, por babëzia nuk njeh asnjë limit moral. Ju për të vjedhur para keni rrezikuar edhe jetën e qytetarëve shqiptarë, duke mos bërë as kolaudimin e rrugës. Ju doni të justifikoheni dhe të thoni nuk e kemi marrë në dorëzim, e ka fajin operatorit. Në të gjithë këtë tender, nuk merrni as mundimin të fshiheni.
    Punët i bën Gjoka, që nuk ndodhet në asnjë letër, as si kontraktor dhe as si nën kontraktor, por punët i kryen gjoka dhe paratë i merr kompania turke. Ky është gjeokorrupsion. SI ka mundësi që në këtë vend bëhet me telefona, por kjo është republika e Palloshit, ky është realiteti. Kjo është republika e banalitetit, me fjalë të ndyra që përdoren nga ministra që i mbani me vite. Kjo zonjë ka mundësinë sot të bëhet pentito dhe të thotë të vërtetën, mos bëhet si gjyshi i saj”, tha nder të tjera Balliu.

  • Klubi nuk e lejon të marrë pjesë në sportin e preferuar, reagon Pikford

    Klubi nuk e lejon të marrë pjesë në sportin e preferuar, reagon Pikford

    Xhordan Pikford ka zbuluar se kontrata tek Everton e ndalon të marrë pjesë në motokros. Portieri i përfaqësueses së Anglisë e tregon si pasion, që duket se do i përkushtohet pasi të tërhiqet nga futbolli.
    “Nuk më lejohet si futbollist, por do doja që të kisha mundësinë për motokros. Jam rritur duke e parë çdo javë me shokët e mi, dhe shoku im i ngushtë merr pjesë në kampionatin anglez.
    Nëse do të mundesha, do të shkoja çdo javë të shikoja sa më shumë të ishte mundësia. Do e bëja nëse e kisha mundësinë, por ka rregulla strikte në kontratat tona ku ne nuk lejohemi që të bëjmë aktivitete si këto.
    Kjo është padyshim një gjë që në jetë, do të doja ta kisha bërë”, u shpreh Pikford ndër të tjera. Më pas vazhdoi të fliste për veten ku tregoi se ëndrra e tij është të fitojë Botërorin.

  • Braçe: Nano u dha mundësinë të gjithëve të bënin karrierë dhe të zhvilloheshin në PS

    Braçe: Nano u dha mundësinë të gjithëve të bënin karrierë dhe të zhvilloheshin në PS

    Deputeti i PS, Erion Braçe mori pjesë në homazhet në nder të ish-kryeministrit dhe liderit historik të PS, Fatos Nanos.
    Në një prononcim për mediat, Braçe tha se Nano iu dha mundësinë të gjithëve, edhe atyre që dolën nga rrënojat e partisë së punës, që të bënin karrierë brenda PS.Lexo edhe :Related Posts
    “Nano i dha mundësi të gjithëve papërjashtim, edhe atyre që ishin në rrënojat e partisë së punës dhe dolën prej saj dhe të gjithë të tjerëve që iu bashkuan PS më pas. Pa i mohuar kurrkujt mundësinë për tu rritur zhvilluar dhe bërë karrierë brenda PS. I dha lirinë të bëheshin njerëz më të mirë dhe të bënin një parti edhe më të mirë se sa ajo që trashëguan”, tha Braçe./vizionplus.tv