Presidenti amerikan Donald Trump e ka vlerësuar si “mjaft të mirë” takimin e zhvilluar të martën në Moskë mes dy përfaqësuesve të tij, Steve Witkoff dhe Jared Kushner, dhe presidentit rus Vladimir Putin. Duke folur nga Zyra Ovale të mërkurën, Trump shprehu optimizëm, por theksoi se hapat e mëtejshëm mbeten ende të paqartë. Ai gjithashtu deklaroi se, sipas tij, Rusia ka një dëshirë të theksuar për të arritur një marrëveshje që do t’i jepte fund luftës në Ukrainë.
Duke komentuar mbi rezultatin e mundshëm të negociatave, presidenti amerikan përdori një shprehje figurative, duke thënë se “duhen dy veta për të kërcyer tango”. Me këtë ironi, ai la të kuptohet se suksesi i bisedimeve varet nga vullneti i të dyja palëve dhe se të gjithë skenarët për të ardhmen mbeten të hapur.
Paraprakisht, një zyrtar i Shtëpisë së Bardhë kishte konfirmuar se takimi ishte “i thelluar dhe produktiv”. Sipas të njëjtit burim, bisedimet mes palës amerikane dhe ruse ishin të gjera dhe konstruktive. Pas përfundimit të takimit, Witkoff dhe Kushner kanë informuar menjëherë si presidentin Trump, ashtu edhe zyrtarët ukrainas, duke i përcjellë Kievit detajet e diskutimeve.
Tag: moskë
-
Trump pas bisedimeve në Moskë: Rusia dëshiron fort një marrëveshje për Ukrainën
-
Negociatat në Moskë vijojnë, tensionet e luftës rriten/ Shpresat për paqen në duart Trumpit dhe Putinit
Bisedimet midis Vladimir Putin dhe dy prej këshilltarëve më të ngushtë të politikës së jashtme të ish-Presidentit të SHBA-së, Donald Trump, në Moskë, duket se po vazhdojnë gjatë natës.
Këto takime kanë zgjuar interes të madh pasi kanë zgjatur mbi tre orë dhe kanë sjellë tensione të reja në marrëdhëniet ndërkombëtare.
Para fillimit të bisedimeve, Presidenti rus, Vladimir Putin, bëri një deklaratë të fortë, duke thënë se Rusia nuk kishte plane për të luftuar Evropën, por shtoi se nëse Evropa dëshiron të luftojë me Rusinë, “Rusia është e gatshme ta bëjë këtë”.
Ky koment ka shtuar më shumë tension në marrëdhëniet ndërkombëtare dhe ka theksuar shqetësimet për mundësinë e përshkallëzimit të konflikteve.
Në takimin e tij me këshilltarët e Trump, dërguarin e posaçëm Steve Witkoff dhe dhëndrin Jared Kushner, Putin ka pasur një komunikim miqësor në pamje të jashtme, duke u treguar atyre pamjet e qytetit të Moskës.
Bisedimet filluan në mbrëmje dhe janë ende të paplota për publikun, me mediat që nuk kanë marrë më shumë informacione për përmbajtjen e takimeve.
Konteksti i tensioneve ndërkombëtare: Bisedimet në Moskë vijnë në një moment të ngarkuar diplomatik, pasi lufta mes Rusisë dhe Ukrainës vazhdon të përshkallëzohet.
Një nga zhvillimet më të fundit është pretendimi nga Rusia se ka pushtuar qytetin e Pokrovskut në rajonin e Donetskut, i cili është mohuar nga Ukraina. Analistët ndërkombëtarë kanë paralajmëruar se është shumë herët për të konfirmuar pretendimet ruse.Top Channel
-
Bisedimet për paqe në Ukrainë/ Takimi me Putin, i dërguari i Trump mbërrin në Moskë
I dërguari special i Donald Trump, Steve Witkoff, ka mbërritur në Moskë për bisedime me presidentin rus Vladimir Putin, ndërsa vazhdojnë diskutimet rreth përpjekjeve të ndërmjetësuara nga SHBA-të për të çuar përpara një marrëveshje të mundshme paqeje për Ukrainën.
Një autokolonë që thuhet se ishte Witkoff dhe i dërguari i Putinit, Kirill Dmitriev, është larguar nga Aeroporti Vnukovo i Moskës, sipas pamjeve të publikuara nga RIA Novosti. Një video e mëparshme e publikuar nga TASS tregonte makina me targa të Ambasadës Amerikane duke hyrë në zonën e aeroportit, ndërsa Rusia përgatitej për vizitën.
Witkoff është planifikuar të takohet me Putinin në Moskë të martën pasdite. Kremlini tha më herët të martën se askush tjetër nuk do të marrë pjesë në takimin e Putinit me Witkoff dhe dhëndrin e Trump, Jared Kushner, përveç përkthyesve.
Sipas burimeve të TASS, Dmitriev është planifikuar gjithashtu të ketë një takim me Witkoff në Moskë të martën.Top Channel
-
I dërguari i posaçëm i SHBA-së sot në Moskë, do të takohet me Putin për të diskutuar mbi planin e paqes së Uashingtonit
I dërguari special i SHBA-së, Steve Witkoff, do të udhëtojë për në Moskë sot, tha një zyrtar amerikan për CNN, mes përpjekjeve intensive diplomatike për t’i dhënë fund luftës midis Rusisë dhe Ukrainës.
Udhëtimi i tij në kryeqytetin rus ku pritet të takohet me Presidentin Vladimir Putin vjen një ditë pasi Witkoff, Sekretari i Shtetit Marco Rubio dhe dhëndri i presidentit të SHBA-së, Jared Kushner, u takuan me një delegacion të nivelit të lartë ukrainas në Florida.
Rubio tha pas takimit se ishte bërë përparim, por se kishte ende shumë punë për të bërë.
Ai shtoi se zyrtarët amerikanë “kanë qenë në kontakt në nivele të ndryshme me palën ruse, por ne gjithashtu kemi një kuptim mjaft të mirë të pikëpamjeve të tyre”.
Nuk është e qartë nëse Kushner do ta shoqërojë Wittkoff në Rusi, raportoi CNN. Presidenti Donald Trump sugjeroi javën e kaluar se dhëndri i tij mund të udhëtonte me të dërguarin special.Top Channel
-
Ç’po ndodh në Moskë? Rusia kërcënon me ndalimin e plotë të WhatsApp-it
foto ilustruese
MOSKË- Rusia tha më 28 nëntor se po shqyrtonte ndalimin e shërbimit të mesazheve të njohura WhatsApp, duke e akuzuar atë për dështim në parandalimin dhe shtypjen e krimit, ndërsa Moska i shtyn rusët të kalojnë në shërbime dixhitale të mbështetura nga shteti.
Rusia bllokoi përdoruesit që të bënin thirrje në platformë në gusht, pjesë e një goditjeje më të gjerë ndaj mediave sociale në pronësi të Perëndimit, që kritikët thonë se është projektuar për të detyruar rusët të hyjnë në platformat vendase.
Në një deklaratë, organi mbikëqyrës rus i komunikimeve, Roskomnadzor, tha se WhatsApp po përdorej për të “organizuar dhe kryer akte terroriste në vend, për të rekrutuar autorë dhe për mashtrime dhe krime të tjera kundër qytetarëve tanë”.
“Nëse ai nuk i përmbahet legjislacionit rus, ai do të bllokohet plotësisht”, thuhet në një deklaratë.
Gjigandi amerikan i teknologjisë Meta, i cili zotëron shërbimin e mesazheve, nuk bëri menjëherë komente.
WhatsApp është një nga dy shërbimet më të njohura të mesazheve në Rusi, së bashku me Telegram./ZËRI -
Orbani injoron partnerët e BE-së, i kërkon Putinit më shumë naftë dhe gaz
Kryeministri hungarez, Viktor Orban, ka zhvilluar të premten bisedime me presidentin rus, Vladimir Putin, në Kremlin, duke injoruar sërish përpjekjet e partnerëve të tij të Bashkimit Evropian për ta izoluar Moskën pas pushtimit të Ukrainës nga ana e Rusisë, pothuajse katër vjet më parë. Kjo është vizita e dytë e Orbanit në Moskë që nga viti i kaluar, dhe ai konsiderohet gjerësisht si partneri më i ngushtë i Putinit mes të gjithë udhëheqësve të BE-së.
Hungaria është një nga pak vendet e BE-së që vazhdon të importojë sasi të mëdha të karburanteve fosile nga Rusia, dhe Orban ka kundërshtuar fuqishëm përpjekjet e bllokut për të shkëputur vendet anëtare nga furnizimi me energji ruse.
“Ne kemi fusha të rëndësishme bashkëpunimi dhe nuk kemi hequr dorë nga asnjëra prej tyre, pavarësisht presionit të jashtëm”, tha Orban. “Energjia ruse është baza e furnizimit të Hungarisë me energji, tani dhe në të ardhmen”, ka shtuar ai.
E në fjalën e tij hapëse gjatë takimit në Kremlin, Putini e vlerësoi “qëndrimin e balancuar” të Orbanit mbi luftën në Ukrainë.
Kryeministri hungarez Viktor Orban ka arritur në Moskë për bisedime energjetike me presidentin rus Vladimir Putin, një hap i rrallë nga një udhëheqës evropian në kushtet e luftës në Ukrainë.
“Qëllimi është të arrijmë në Moskë, jo thjesht të nisim udhëtimin, por të mbërrijmë aty – gjë që nuk është aq e thjeshtë sa zakonisht, për shkak të luftës. Do të marrim një rrugë të gjatë. Sot do të takohemi me presidentin rus”, tha Orban për radion shtetërore hungareze para se të nisej nga aeroporti i Budapestit të premten në mëngjes.
Kjo është vizita e dytë e Orbanit në Moskë që nga viti i kaluar, ndërsa ai konsiderohet gjerësisht si aleati më i afërt i Putinit mes udhëheqësve të Bashkimit Evropian, raporton AP.
Orban tha se fokusi i bisedimeve me Putinin do të jetë sigurimi i vazhdueshëm i furnizimit të Hungarisë me naftë dhe gaz rus, sektorë ndaj të cilëve SHBA-ja ka vendosur sanksione.
“Sipas pikëpamjes hungareze, synimi i takimit është të garantojë furnizimin energjetik të vendit – që do të thotë gazi dhe nafta. Hungaria i merr të dyja përmes tubacioneve nga Rusia”, tha kryeministri hungarez.
“Amerikanët kanë vendosur sanksione ndaj kompanive energjetike ruse. Jo shumë kohë më parë ishim në Uashington për të kërkuar një përjashtim për Hungarinë. Dhe ia dolëm, gjë që është shumë e rëndësishme. Tani na duhen vetëm gazi dhe nafta, të cilat mund t’i blejmë nga rusët”, shtoi ai.
Hungaria mbetet ndër të paktat vende të BE-së që vazhdon të importojë sasi të mëdha të karburanteve ruse dhe është kundërpërgjigjur me forcë përpjekjeve të bllokut për të shkëputur vendet anëtare nga energjia ruse.
Sipas Orbanit, çmimet e larta të energjisë dëmtojnë ekonomitë dhe familjet evropiane, ndërsa qasja në naftë dhe gaz më të lirë nga Rusia i lejon Hungarisë të mbajë kostot e shërbimeve të ulëta për familjet. -
Trump thotë se do të dërgojë Witkoff në Moskë për t’u takuar me Putinin
Presidenti amerikan, Donald Trump, tha se po dërgonte emisarin e tij të posaçëm, Steve Witkoff, në Moskë për t’u takuar me presidentin rus, Vladimir Putin, lidhur me një marrëveshje të paqes me Ukrainën, të cilën Kievi thotë se është i gatshëm “ta shtyjë përpara”, teksa disa pika “të ndjeshme” janë ende duke u shqyrtuar.
Pas një dite me diplomaci të vrullshme, që përfshiu takime mes delegacioneve në disa vende në Lindjen e Mesme dhe në Evropë, u duk se po rritej momentumi drejt një marrëveshjeje për t’i dhënë fund konfliktit më të madh dhe më të përgjakshëm në Evropë që nga Lufta e Dytë Botërore.
“Plani fillestar i Paqes me 28 pika, që është hartuar nga SHBA-ja, është përsosur me kontributin shtesë nga të dyja palët dhe kanë mbetur vetëm disa pika të mospajtimeve”, shkroi Trump në rrjetet sociale më 25 nëntor.“Me shpresën për finalizimin e këtij plani të paqes, e kam udhëzuar të dërguarin tim të posaçëm, Steve Witkoff, që të takohet me presidentin Putin në Moskë, dhe në të njëjtën kohë, sekretari i Ushtrisë, Dan Driscoll, do të takohet me ukrainasit”, shtoi ai.
Sipas një zëdhënësi të Ushtrisë amerikane, Driscoll u takua më 25 nëntor në Abu Dabi me një delegacion rus, në një përpjekje për të reduktuar dallimet për propozimin e paqes që administrata Trump e ka hartuar pas bisedimeve mes zyrtarëve amerikanë dhe ukrainas në Gjenevë.
Ukrainasit kanë udhëtuar për në Abu Dabi për më shumë bisedime me Driscollin dhe zyrtarë të tjerë amerikanë, raportuan CBS News dhe Financial Times.
“Amerika është shumë aktive dhe Evropa është shumë aktive, sikurse edhe parterët e tjerë tanë. Të gjithë e kanë agjendën e njëjtë, dhe vetëm Moska dëshiron që lufta kundër Ukrainës të mbetet prioriteti i saj i parë”, tha Zelensky gjatë një fjalimi drejtuar kombit të martën.
Propozimi fillestar amerikan prej 28 pikash nga shumë u pa se është më në favor të Moskës.
Gjatë fundjavës, ukrainasit u takuan në Gjenevë me përfaqësuesit amerikanë, përfshirë me sekretarin e Shtetit, Marco Rubio, në përpjekje për të hartuar një draft që do të kërkonte më pak lëshime nga Ukraina dhe që nuk do të rezultonte në atë që disa në Kiev e konsideronin si kapitullim.
Gjatë bisedimeve në Gjenevë, drafti u reduktua në 19 pika, me zyrtarët ukrainas që vunë në pah se disa nga çështjet më të ndjeshme – përfshirë garancitë e sigurisë për Kievin – vazhdojnë të mbesin në tavolinë të bisedimeve.
Kremlini tha se Witkoff do të qëndrojë në Moskë javën e ardhshme.
“Sa i përket Witkoffit, mund të them se është arritur një marrëveshje paraprake që ai të vijë në Moskë javën e ardhshme”, tha këshilltari për politikë të jashtme i Putinit, Yuri Ushakov, për një gazetar të medias shtetërore ruse.
Ndërkaq, Trump në postimin e tij në rrjetet sociale tha se pret që të takohet me udhëheqësit e Ukrainës dhe Rusisë kur marrëveshja të jetë në fazën finale.
“Mezi pres ta takoj presidentin Zelensky dhe presidentin Putin së shpejti, por VETËM kur marrëveshja t’i ketë dhënë fund kësaj lufte dhe të jetë FINALE ose në fazat e saj të fundit”, shkroi Trump. -
Putin dërgon shefat e shërbimeve sekrete në Abu Dhabi, zbardhen “vijat e kuqe” të Kremlinit për planin e paqes
Negociatat për paqen mes Rusisë dhe Ukrainës po hyjnë në një fazë të re tensioni, teksa presidenti rus Vladimir Putin ka dërguar në Abu Dhabi dy nga njerëzit e tij më të fuqishëm: Igor Kostyukov, kreu i inteligjencës ushtarake, dhe Sergey Naryshkin, drejtues i shërbimit sekret të jashtëm.
Të dy janë zyrtarët që çdo mëngjes i dorëzojnë Putin-it raportin mbi ecurinë e luftës dhe konsiderohen arkitektët e fshehtë të samitit të Alaskës të zhvilluar në gusht.
Prania e tyre në Emirate është interpretuar në Moskë si një sinjal i qartë se Kremlini nuk ka ndërmend të lëvizë nga marrëveshjet e diskutuara verën e kaluar në Alaskë, një “protokoll” që Trump hezitoi ta impononte për shkak të kundërshtimeve europiane.
Disa analistë rusë mendojnë se dyshes Kostyukov–Naryshkin mund t’i jetë ngarkuar edhe një mision tjetër: Të bindin palën ukrainase se vazhdimi i luftës nuk ka më kuptim. Por qëndrimi zyrtar rus mbetet i pandryshuar.
Në Moskë, raportimet mediatike janë të unifikuara si rrallëherë. Udhëzimet e administratës presidenciale kanë bërë që media ruse të flasë me një zë të vetëm dhe ky zë është ai i Putin-it. Retorika është ashpërsuar dhe nuk lë shumë vend për optimizëm.
Skepticizmi është i dukshëm edhe në botën politike ruse. Aleksej Chepa, nënkryetar i Komisionit të Jashtëm të Dumës, shprehu hapur konfuzionin mbi planet që po diskutohen.
“Cili plan po konsiderohet? Ai me 28 pika, me 24, me 19 apo një përzierje e tyre? Asgjë nuk është përfundimtare”, tha ai.
Sipas tij, palës ruse i kërkohet të analizojë një propozim të ri të hartuar tashmë nga SHBA-të dhe Ukraina.
“Vijat e kuqe” të Kremlinit
Kremlini e ka bërë të qartë se vijat e veta të kuqe nuk lidhen vetëm me territoret e pushtuara, por edhe me mënyrën se si këto pretendime do të njihen ndërkombëtarisht. Moska kërkon:
•Njohje të pozicioneve ruse në terren, përfshirë Donetskun dhe Luganskun.
•Një proces që garanton rikthimin e Putin-it në skenën ndërkombëtare pa izolim politik.
Ndërkohë, propozimi i paraqitur nga pala ukrainase parashikon një armëpushim mbi vijën aktuale të frontit, pa njohur juridikisht Donetsk-un e Lugansk-un si territor rus, duke i cilësuar “zona të përkohshme të okupuara, pa status”. Kjo, sipas Moskës, është e papranueshme.
Konstantin Kosachev, zëvendëskryetar i Këshillit të Federatës, deklaroi se ky plan nuk ka asnjë shans të pranohet.
“Nëse pala kundërshtare vjen me pretendime prej fitimtari, atëherë nuk është gati për negociata”, tha ai.
Atmosfera në Moskë sugjeron se paqja nuk është afër. Përveç nëse Putin vendos të surprizojë botën, pritshmëritë janë që procesi të zgjasë edhe pas festave të fundvitit dhe ndoshta përtej tyre. -
Dhjetëra dronë ukrainas drejt Rusisë, mbyllen dy aeroporte në Moskë! Disa të plagosur
Mbrojtja ajrore ruse rrëzoi dhjetëra dronë ukrainas të nisur drejt Moskës dhe rrëzoi gati 160 të tjerë mbi rajone të tjera.
Nga sulmet një person u vra dhe pesë të tjerë u plagosën, thanë zyrtarët rusë të hënën.
Tre vjet pas fillimit të luftës tokësore më vdekjeprurëse në Evropë që nga Lufta e Dytë Botërore, Rusia po përpiqet të shkatërrojë sistemin energjitik të Ukrainës, ndërsa Kievi po përpiqet të shkatërrojë rafineritë e naftës të eksportuesit të dytë më të madh të naftës në botë.Ministria e mbrojtjes e Rusisë tha se 34 dronë ukrainas u rrëzuan rrugës për në Moskë, një qytet i cili së bashku me rajonin përreth Moskës ka një popullsi prej më shumë se 22 milionë banorësh.
Nuk pati raportime për dëme të mëdha në Moskë, por Rusia rrallë zbulon ndikimin në shkallë të plotë të sulmeve ukrainase brenda territorit të saj, përveç nëse përfshihen civilë ose objekte civile, raporton Reuters.
Agjencia ruse e aviacionit, Rosaviatsiya, tha se dy nga katër aeroportet e Moskës, aeroporti Domodedovo dhe aeroporti më i vogël Zhukovsky, u mbyllën përkohësisht për arsye sigurie.
Në total, 193 dronë u rrëzuan nga Rusia, tha ministria e Mbrojtjes, përfshirë 47 mbi Bryansk, një rajon në jugperëndim të Rusisë që kufizohet me Ukrainën./vizionplus.tv -
Siria dhe Rusia drejt një epoke të re bashkëpunimi, presidenti Al-Sharaa do të takohet me Putin në Moskë këtë javë
Presidenti sirian, Ahmed al-Sharaa do të vizitojë Rusinë këtë të mërkurë për t’u takuar me Presidentin Vladimir Putin, njofton agjencia shtetërore e lajmeve të Sirisë, si pjesë e një nisme më të gjerë diplomatike për të forcuar legjitimitetin ndërkombëtar të qeverisë kalimtare të Damaskut.
Kjo do të jetë vizita e parë zyrtare e Al-Sharaa-s në Moskë, një aleat i hershëm i ish-regjimit të Bashar al-Assad, të cilin forcat e Al-Sharaa-s e rrëzuan në dhjetor. Gjatë takimit, Al-Sharaa dhe Putin do të diskutojnë “zhvillimet rajonale dhe ndërkombëtare” dhe “mënyrat për të forcuar bashkëpunimin”, raportoi të martën agjencia siriane SANA, duke cituar drejtorinë presidenciale të medias.
Agjencia Reuters citoi një zyrtar sirian që tha se bisedimet do të përfshijnë praninë e vazhdueshme të bazës detare ruse në Tartous dhe bazës ajrore në Khmeimim. Burimi shtoi se Al-Sharaa planifikon të kërkojë zyrtarisht dorëzimin e Bashar al-Assadit, i cili jeton në mërgim me familjen në Moskë që nga largimi nga Siria në dhjetor.
Al-Sharaa, i cili dikur drejtonte degën siriane të al-Kaedës nën emrin Abu Mohammed al-Julani, komandonte forcat rebele që pushtuan Damaskun dhe instaluan një qeveri të re në fund të vitit të kaluar, duke i dhënë fund sundimit disa dekadash të al-Assadit.
Që atëherë, Rusia është përpjekur të ndërtojë lidhje me udhëheqjen e re të Sirisë, duke ofruar mbështetje diplomatike për Damaskut përballë sulmeve izraelite në territorin sirian.
Media shtetërore siriane, SANA raportoi se Putin telefonoi Al-Sharaan në shkurt, duke shprehur mbështetje për “unitetin, sovranitetin dhe stabilitetin” e Sirisë. Në korrik, Putini dhe ministri i tij i Jashtëm, Sergey Lavrov, u takuan me Ministrin e Jashtëm sirian Asaad al-Shibani në Moskë.
Vizita e presidentit sirian në Moskë vjen pas udhëtimit të tij në shtator në Nju Jork, ku iu drejtua Asamblesë së Përgjithshme të Kombeve të Bashkuara (UNGA), duke deklaruar se Siria po “rimerr vendin e saj të merituar midis kombeve të botës” dhe duke kërkuar heqjen e sanksioneve.
“Siria po shkruan një kapitull të ri në historinë e saj, të titulluar paqe, stabilitet dhe prosperitet”, i tha ai Asamblesë së Përgjithshme të OKB-së.Top Channel