Lajmidites.com

Tag: moisiu

  • Durrës, hapet konkursi për kampusin e ri universitar “Aleksandër Moisiu”,23.6 milionë lekë për projektin

    Durrës, hapet konkursi për kampusin e ri universitar “Aleksandër Moisiu”,23.6 milionë lekë për projektin

    Konkurs për projektimin e kampusit universitar “Aleksandër Moisiu” Durrës.
    Këshilli i Ministrave ka ngarkuar Agjencinë Kombëtare të Planifikimit të Territorit si organ qendror blerës për realizimin e konkursit të projektimit për projekt-idetë e zhvillimit të kampusit universitar “Aleksandër Moisiu” në Durrës.
    Fondi prej 23.6 milionë lekësh do të mbulohet nga buxheti i Ministrisë së Arsimit për vitin 2025.
    V E N D I MPËR
    NGARKIMIN E AGJENCISË KOMBËTARE TË PLANIFIKIMIT  TË TERRITORIT, SI ORGAN QENDROR BLERËS, PËR REALIZIMIN E KONKURSIT TË PROJEKTIMIT PËR PROJEKTIDETË   E ZHVILLIMIT TË KAMPUSIT UNIVERSITAR    “ALEKSANDËR MOISIU” DURRËS
    Në mbështetje të nenit 100 të Kushtetutës dhe të pikës 2, të nenit 53, të    ligjit nr.162/2020, “Për prokurimin publik”, të ndryshuar, me propozimin e ministrit të Arsimit, Këshilli i Ministrave
    V E N D O S I:
    1. Ngarkimin e Agjencisë Kombëtare të Planifikimit të Territorit, si organ qendror blerës, për realizimin e konkursit të projektimit për projektidetë e zhvillimit të kampusit universitar “Aleksandër Moisiu” Durrës.
    2. Efektet financiare prej 23 665 000 (njëzet e tre milionë e gjashtëqind e gjashtëdhjetë e pesë mijë) lekësh përballohen nga buxheti i Ministrisë së Arsimit, miratuar për vitin 2025.
    3. Ngarkohen Ministria  e  Arsimit, Agjencia Kombëtare e Planifikimit të Territorit dhe universiteti “Aleksandër Moisiu” Durrës për zbatimin e këtij vendimi.
    Ky vendim hyn në fuqi menjëherë dhe botohet në “Fletoren zyrtare”.

  • Angazhimi i aktorit të famshëm në ushtrinë gjermane — Intervista ekskluzive me Aleksandër Moisiun në Berlin

    Angazhimi i aktorit të famshëm në ushtrinë gjermane — Intervista ekskluzive me Aleksandër Moisiun në Berlin

    Nga Aurenc Bebja*, Francë – 5 Shtator 2025

    “La Tribuna” ka botuar, të dielën e 7 shkurtit 1915, në faqen n°3, intervistën ekskluzive me Aleksandër Moisiun në Berlin rreth angazhimit të tij asokohe në ushtrinë gjermane, të cilën, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar :

    Një intervistë me Moisiun, aktor dhe ushtar

    Burimi : La Tribuna, e diel, 7 shkurt 1915, faqe n°3

    Në një nga shumë kafenetë e modës, të cilat, pavarësisht luftës, janë shumë të mbushura me njerëz, një ushtar këmbësorie bisedon me dy të rinj. Sa ushtarë ka rreth nesh që flasin me miqtë e tyre ? Megjithatë, rreth këtij ushtari shumë modest mblidhet gradualisht një rreth i vogël njerëzish ; ushtari flet italisht dhe flet me përsosmëri në formë dhe theks dhe me diçka të përzemërt dhe nostalgjike që duket si jehona e zbehtë e një kënge lagune. Ushtari duket se nuk e vëren kureshtjen që ngjall ; një e re më e guximshme i ofron një kartolinë me fotografi dhe një stilolaps ; ushtari buzëqesh dhe firmos, e reja falenderon dhe biseda italiane vazhdon. Por shpejt ndërpritet ; këtë herë nga dy zotërinj :

    — “Ist es wahr, dass Sie an die Front gehen?” (A është e vërtetë që do të shkoni në front ?)

    — “Ja, morgen oder übermorgen”. (Po, nesër ose pasnesër).

    E reja që nuk u largua, ka një moment emocioni ; përgjigjia e ushtarit përhapet nëpër kafenenë dhe së shpejti një turmë formohet rreth nesh. Pse kaq shumë emocion për këtë ushtar që po largohet ndërkohë që çdo ditë qindra ushtarë nisen për në front, ndërkohë që shumë prej po atyre të rinjve që janë të gëzuar këtë mbrëmje këtu në “Caffè des Westens” do të jenë në rreziqet dhe ashpërsinë e llogoreve brenda një jave ? Sepse ky ushtar është Aleksandër Moisiu, aktori i madh që publiku gjerman idhullon nga Kronprinz-i (Princi trashëgimtar) deri te qytetari më modest ; ai është aktori i madh që pasi luajti në tragjeditë e mëdha ritmike, nuk mundi të dorëzohej për të qenë vetëm spektator i kësaj tragjedie të madhe njerëzore.

    Turma përreth tij tani është e madhe dhe zhurmuese : biseda është e vështirë.

    — Ejani nesër në shtëpinë time, tha Moisiu, të cilin e kam njohur në Itali.

    Ja ku jam në shtëpinë e Moisiut : nga dritarja e hapur në diellin e ndrojtur të Berlinit mund të shohim Spraa-në. Moisiu, i cili ka veshur një uniformë gri lufte, rrëfehet :

    — Ju jeni habitur kur më gjetët një ushtar gjerman ? Kur shpërtheu lufta, kërkova të bashkohesha me ushtrinë gjermane, jo vetëm nga mirënjohja ndaj këtyre njerëzve që kanë qenë gjithmonë shumë dashamirës ndaj artit tim, por nga një konsensus admirimi aktiv për shembullin e admirueshëm të entuziazmit dhe harmonisë kombëtare që gjermanët po i jepnin botës. Kam performuar në Paris, në Londër, në Petersburg, në Bruksel dhe kudo që kam pasur një mirëseardhje shumë dashamirëse ; detyra ime e mirënjohjes si artist shtrihet edhe në kombet e tjera, por duke u regjistruar në ushtrinë gjermane, nuk kam përmbushur një detyrë mirënjohjeje si artist, por një akt të vetëdijshëm pëlqimi. Tregojuni në Itali dhe thuajuni gjithashtu se nuk kam hequr dorë nga dashuria për Italinë për asnjë moment. Unë e dua Italinë, që është atdheu im, por ashtu siç kishte italianë që besonin se po përmbushnin një detyrë duke u bashkuar me ushtrinë franceze, kështu besoja se po përmbushja një detyrë duke u bashkuar me ushtrinë gjermane.

    — Dhe nuk keni hasur ndonjë vështirësi ?

    — Jo, iu drejtova Kronprinz-it (Princit trashëgimtar) që më ka nderuar gjithmonë me dashamirësinë e tij. Kronprinz-i m’u përgjigj me një telegram të përzemërt falënderimi dhe në pesëmbëdhjetë minuta u bëra një këmbësor gjerman. Unë e kam kryer gjithmonë detyrën time si ushtar, duke shkuar çdo ditë në kazermë për të kryer udhëzimet dhe duke mos kërkuar ndonjë trajtim të veçantë. Në të vërtetë, do t’ju them se që kur u bëra ushtar nuk kam recituar më, edhe sepse të gjitha tragjeditë zbehen në krahasim me këtë tragjedi të madhe që trondit Evropën, dhe sepse nuk doja që askush të mendonte as nga larg se doja të përdorja uniformën time të ushtarit për të fituar një favor edhe më të madh me publikun e Berlinit.

    Moisiu flet qetë, thjesht, me emocion ;  zëri i aktorit të madh ka një butësi bindëse, të përtypur. Edhe nga biseda e tij ne mund të shohim fuqinë e artit të tij përfaqësues. Ai më tregon për “Kronprinz-in” :

    — Kronprinz-i (Princi trashëgimtar) e do Italinë ; Unë kam kaluar shumë orë me të në pallatin e tij, vetëm unë me të dhe qenin e tij të besueshëm dhe shpesh flisnim për Italinë, shpesh edhe në italisht. Unë kurrë nuk kam gjetur një person me karakter kaq të thjeshtë si Kronprinz-i ; ai shpesh skuqet kur flet… Dhe ai nuk është në gjendje t’i thotë askujt asgjë më pak se të këndshme. Princesha trashëgimtare është një engjëll ; Unë drekova me të dhe mund t’ju them se ajo e adhuron burrin e saj dhe se është gruaja më e mirë dhe nëna më e dashur.

    Moisiu u takua gjithashtu me Mbretëreshën e Belgjikës dhe ka një kujtim mirënjohës dhe të mirë për të ; është e çuditshme të dëgjosh këtë ushtar gjerman të flasë italisht dhe të këndojë lavdërimet e Mbretëreshës së Belgjikës. Por historia e kësaj ore ka shumë konflikte tragjike ; dhe cilat do të jenë konfliktet e së nesërmes ? Mendja e njeriut humbet duke menduar për to.

    Do të doja që Moisiu të më fliste për artin dhe projektet e tij ; më thotë se, derisa të mbarojë lufta, arti duhet të heshtë ; ai tani ndjen gjithë kotësinë (vanitetin) e asaj që nuk është veprim i drejtpërdrejtë. Vetëm muzika e ngushëllon dhe dehet nga ajo. Vitin e kaluar, më thotë, kishte planifikuar një “tur” për në Itali me Duse-n ;  do të luanim “Fantazmat”. Për gjashtë javë, Moisiu dhe Duse jetuan në Venecia në lodhjen e vazhdueshme të provave ; më pas një vështirësi përtej kontrollit të tyre kaloi rrugën dhe më pas, papritmas, Duse u zhduk.

    “Por projekti — shton Moisiu — nuk ka vdekur, thjesht është pezulluar… Dhe unë do të përfaqësoj edhe veprat e Benellit, e kam premtuar dhe kam ndërmend ta mbaj premtimin.”

    Tashmë biseda është për Italinë, për artin e saj, për shpresat e saj ; duke veshur uniformën e një ushtari gjerman, Moisiu nuk e ka pakësuar dashurinë për tokën e tij të ëmbël të Adriatikut… Aktori i njohur reciton disa vargje veneciane.

    Pastaj papritmas shikon orën e tij :

    — Ora është katër e një çerek, duhet të shkoj në kazermë./ KultPlus.com

  • Karl Ghega dhe Aleksandër Moisiu – dy austriakët e mëdhenjë me origjinë arbërore

    Karl Ghega dhe Aleksandër Moisiu – dy austriakët e mëdhenjë me origjinë arbërore

    Dy arbërorët e mëdhenjë që lanë gjurmë të pashlyera në Austri dhe në mbarë Botën:

    Karl Ghega la gjurmë në fushën ingjinierisë,dhe

    Aleksandër Moisiu në atë të aktrimit.

    Në lidhje me këtë do ta nënvizoj një gjë këtu : kur dramaturgu, mjeku dhe shkrimtari Friedrich Wallisch kishte mbajtë një leksion me Temën më të dashur të tij mbi historinë e popullit shqiptar(Ö.i.Z.1928),të pranishmëve në sallë i kishte bërë pyetje retorike mbi prejardhjen e këtyre dy personaliteteve mbikohore. „Të dashur zonja dhe zotrinj , e dini se nga e ka origjinën Aleksandër Moisiu?

    Të gjithë të pranishmit ngrinin supet duke mos ditur prejardhjen e tij të vërtetë. „Aleksander Moisiu ishte një arbëror. E keni ditur këtë ,nuk besoj se po“, ishte përgjigjia e tij.

    A e dini se kush e ndërtoi hekurudhën Semmering?Karl Ghega u përgjigjen,plotësisht e saktë.

    Por ,a e dini të dashur zonja dhe zotrinj se prej nga e ka origjinën ky gjeniu Ghega?

    „Edhe ai ishte me origjinë arbërore…“[Gjon Keka]

  • Moisi Golemi, i njohur ndryshe dhe si Moisiu i Dibrës, ishte një fisnik arbëror dhe një nga komandantët më të shquar të Lidhjes së Lezhës

    Moisi Golemi, i njohur ndryshe dhe si Moisiu i Dibrës, ishte një fisnik arbëror dhe një nga komandantët më të shquar të Lidhjes së Lezhës

    I lindur në rajonin e Dibrës, ishte djali i vetëm i Muzakë Arianitit. Ky i fundit ishte djali i Arianit Komnenit, vëllau i Gjergj Arianitit.

    Gjatë viteve 1443-1444, kur Skënderbeu u rikthye në Arbëri, Moisiu u bë shpejt aleati i tij dhe arriti të çlirojë zonën e Dibrës, duke u bërë zot i saj dhe nga Lidhja u zgjodh si komandant i rojeve kufitare të tokave shqiptare, ku në këtë rol, ai mbikqyri pushtimin e kështjellës së rëndësishme të Svetigradit (1448).

    Së pari, Moisiu u shqua në Betejën e Torviollit (1444), ku Skënderbeu shkatërroi një ushtri të madhe osmane.

    Pas humbjes në Berat (1455), Moisi Golemi tradhëtoi Skënderbeun dhe u bashkua me osmanët. Me këtë rast, osmanët dërguan Moisiun me 15,000 ushtarë kundër Skënderbeut në Betejën e Oranikut (1456). Moisiu u mund rëndë nga Skënderbeu, dhe iu lut Skënderbeut ta falte për tradhtinë që kishte bërë.

    Skënderbeu fali Moisiun dhe i rriktheu pronat që kishte. Moisiu i qëndroi besnik Skënderbeut deri në vdekjen e tij, kur u kap rob nga osmanët në Betejën e Vajkalit, ku u dërgua në Kostandinopojë me princërit dhe kapitenët tjerë shqiptarë, ku u ekzekutuan (1464/1465).

    📸 Moisi Golemi (1596)

  • Dy austriakët e mëdhenj me origjinë arbërore

    Dy austriakët e mëdhenj me origjinë arbërore

    KARL GHEGA DHE ALEKSANDËR MOISIU

    Dy arbërorët e mëdhenj që lanë gjurmë të pashlyera në Austri dhe në mbarë Botën: Karl Ghega la gjurmë në fushën inxhinierisë, dhe Aleksandër Moisiu në atë të aktrimit.

    Në lidhje me këtë do ta nënvizoj një gjë këtu: kur dramaturgu, mjeku dhe shkrimtari Friedrich Wallisch kishte mbajt një leksion me Temën më të dashur të tij mbi historinë e popullit shqiptar (Ö.i.Z.1928), të pranishmëve në sallë i kishte bërë pyetje retorike mbi prejardhjen e këtyre dy personaliteteve mbikohore.

    „Të dashur zonja dhe zotërinj , e dini se nga e ka origjinën Aleksandër Moisiu? Të gjithë të pranishmit ngrinin supet duke mos ditur prejardhjen e tij të vërtetë.

    „Aleksandër Moisiu ishte një arbëror. E keni ditur këtë ,nuk besoj se po“, ishte përgjigjja e tij.

    A e dini se kush e ndërtoi hekurudhën Semmering? Karl Ghega u përgjigjen, plotësisht e saktë.

    Por ,a e dini të dashur zonja dhe zotërinj se prej nga e ka origjinën ky gjeniu Ghega?

    „Edhe ai ishte me origjinë arbërore…”

  • “Kompleksi Partizani”/ Alfred Moisiu: Toka ka qenë blerë nga italianët! Malltezi: Shpifje! Do e çoj në gjykatë

    “Kompleksi Partizani”/ Alfred Moisiu: Toka ka qenë blerë nga italianët! Malltezi: Shpifje! Do e çoj në gjykatë

    Alfred Moisiu dhe Jamarbër Malltezi

    TIRANË- Jamarbër Malltezi ka vendosur që të përballet në gjyq me ish-presidentin e vendit, Alfred Moisiu. Pas deklaratave të ish-presidentit Alfred Moisiu lidhur me kompleksin “Partizani”, Jamarbër Malltezi ka bërë një reagim në rrjetet e tij sociale. Në një postim në Facebook, dhëndri i kryedemokratit Sali Berisha, i cilëson shpifje deklaratat e ish-kreut të shtetit, i cili tha se toka e Klubit “Partizani” ishte shpronësuar nga italianët dhe se drejtësia duhet të kërkonte dokumentet në Itali. Por këto deklarata për Malltezin janë të pavërteta. 
    “Fakti që toka nuk ka qenë e shpronësuar quhet fakt i njohur zyrtarisht, përderisa është botuar në fletoret zyrtare të kohës së Italisë si tokë e rekuizuar dhe jo e shpronësuar. Për merakun e ish-presidentit që mesa duket nuk ka më aftësinë të ndjeke detaje, rikujtoj se SPAK jo vetëm ka kryer 3 muaj hetime në Arkivat e Shqipërisë, por ka bërë kërkesë edhe në arkivat e Italisë nga ku ka marre mbi 10,000 faqe dokumente, të cilat provojnë katërcipërisht atë që shkruhet në fletoret zyrtare se ajo tokë nuk ka qenë kurrë e shpronësuar. E njoftoj publikisht z.Moisiu qe meqe ky eshte nje fakt i ditur per te dhe meqe fjalet nuk mund t’i leshoje sic nuk thuhet, do kete mundesi te provoje ose jo, shpifjet e tij ne gjykate,”-shkruan në postimin e tij Malltezi.
    POSTIMI I PLOTË:
    Kur deklaratat e nje ish-presidenti merren nga shporta e shpifsve, Taulant Balles dhe Adriatik Docit. Ne pergjigje te shpifjeve te pastra te Alfred Moisiut, i cili ne nje interviste ne A2CNN zgjodhi te perseriste shpifjet e Taulant Balles, Karlo Bollinos, Adriatik Docit, se toka e Klubit Partizani ishte shpronesuar nga italianet dhe se drejtesia duhet te kerkonte dokumentat ne Itali, sqaroj publikun se: – Fakti qe toka NUK ka qene e shpronesuar quhet fakt i njohur zyrtarisht, perderisa eshte botuar ne fletoret zyrtare te kohes se Italise si toke e rekuizuar dhe jo e shpronsuar. (Rekuizimi është okupim për periudhë të përkohshme e pa ndryshuar pronësinë). Kaq do te qe e mjaftueshme per kedo qe respektin ligjin, por vecanerisht per nje ish-president, nese ai do te permbushte kriteret e nje burreshtetasi – respektin per ligjin dhe jo shpifjen. – Per merakun e ish-presidentit qe mesa duket nuk ka me aftesine te ndjeke detaje, rikujtoj se SPAK jo vetëm ka kryer 3 muaj hetime në Arkivat e Shqipërisë, por ka bere kerkese edhe ne arkivat e Italise nga ku ka marre mbi 10,000 faqe dokumenta, te cilat provojne katerciperisht ate qe shkruhet ne fletoret zyrtare se ajo toke nuk ka qene kurr e shpronesuar. – Zgjedhja per t’u veteposhteruar nepermjet shpifjes nuk eshte ceshtje moshe, por karakteri. Per te larguar cdo dyshim te publikut mbi kete ceshtje, e njoftoj publikisht z.Moisiu qe meqe ky eshte nje fakt i ditur per te dhe meqe fjalet nuk mund t’i leshoje sic nuk thuhet, do kete mundesi te provoje ose jo, shpifjet e tij ne gjykate.
    Dje në emisionin “Off the Record”, ish-presidenti i Shqipërisë, Alfred Moisiu, ka ngritur pikëpyetje mbi administrimin e dokumenteve të pronësisë dhe mënyrën si abuzohet me to në vendin tonë, duke u ndalur tek rasti i pallateve “Partizani”. Në këtë rast, sipas tij, mungesa e dokumenteve ka hapur rrugë për abuzime. 
    “Drejtësia e re duhet të jetë më e kujdesshme, po të nxjerrësh faktet s’mund të thonë se këto gjëra nuk ekzistojnë. Të marrim grupin e pallateve Partizani, ajo ka qenë tokë e blerë nga italianët. Tani se ku janë dokumentet unë nuk i di. Nuk bëhet asgjë pa dokumente. Edhe nëse nuk janë këtu, gjenden në Itali. Arkivat të shkojnë dhe t’i marrin, t’i mbyllin gojën. Të marrësh ta shesësh disa herë se administrata nuk është e rregullt dhe nuk gjen dokumentet, kjo nuk është e drejtë. Këtu bëhen disa gjëra që bëhen ashiqare,”- tha ish-presidenti.
    Mesa duket, pikëpamjet e ndryshme, palët do i shpalosin tashmë në Gjykatë./ZËRI

  • A duhet të rikthehet shërbimi i detyrueshëm ushtarak? Moisiu: Gomarin nga balta e nxjerr i zoti…

    A duhet të rikthehet shërbimi i detyrueshëm ushtarak? Moisiu: Gomarin nga balta e nxjerr i zoti…

    Ish-presidenti i Shqipërisë, Alfred Moisiu, ka dalë hapur në mbështetje të rikthimit të shërbimit të detyrueshëm ushtarak, duke e cilësuar atë jo vetëm si domosdoshmëri për mbrojtjen, por edhe si një formë edukimi dhe forcimi të ndjenjës së patriotizmit.
    Në një intervistë për emisionin “Off the Record” me Andrea Dangllin në A2 CNN, Moisiu solli shembuj konkretë nga vendet perëndimore dhe Lindja e Mesme.
    “Gjermania ka për ta rikthyer. Është popull 80 milionë ai, duhet të ketë ushtri. Me vullnetarë nuk bëhet kjo punë. Shërbimi ushtarak është edukim.”
    Ish-presidenti përmendi edhe Izraelin si një model që duhet të merret parasysh:
    “Shihni Izraelin, është vetëm 8 milionë, por 100 milionë arabë i vë përpara ai. Ai banon në Amerikë, por është izraelit, vjen dhe bën shërbimin ushtarak, vajza ose djali.”
    Sipas Moisiut, shërbimi ushtarak lidhet ngushtë edhe me rënien e ndjenjës së atdhedashurisë në Shqipëri: “Kjo ka të bëjë edhe me patriotizmin, por këtu te ne patriotizmi ka rënë. Gomarin nga balta e nxjerr i zoti, kemi ne këtë fjalën tonë popullore.”

  • “Këta të bëjnë për budalla”

    “Këta të bëjnë për budalla”

    Ish-presidenti Alfred Moisiu tha në A2 CNN ku ishte i ftuar se ndonëse ka qenë në krye të shtetit për pesë vite me radhë, ai vijon të jetojë në një shtëpi të ndërtuar 53 vite më parë, ndërkohë që shumë deputetë të Kuvendit të Shqipërisë kanë në pronësi vila në vendet më luksoze.
    “Nuk është sekret që jo figurat më të larta, por edhe çdo deputet ka shtëpi në det, në mal e në kodër. Me çfarë u bënë? Rrogat i dimë,” tha Moisiu, teksa më tej shfaqi rezervat e tij kundrejt zyrtarëve të cilët akuzohen për korrupsion dhe mbulohen pas termit “shpifje”.
    “Më e keqja është se thonë se janë në rregull dhe janë shpifje. Këta të bëjnë edhe budalla”, tha ish-presidenti të tjera.
    Duke komentuar aktualitetin, Moisiu tha se ende shteti shqiptar është ai që nuk duhet të jetë.
    “Zhgënjimi është shumë i madh. Unë kam një jetë të gjatë që kam punuar për shtetin, por në vend që të përmirësohemi, sa i përket punës së shtetit, ne e kemi dobësuar”, tha ai.
    Ish-presidenti Moisiu shprehu keqardhje për rënien e ndjenjës së përkatësisë kombëtare, duke thënë:
    “Ka rënë patriotizmi. Unë e kuptoj që njeriu duhet të mbijetojë. Nëse nuk e ka një punë, disa të ardhura, nuk ka për çfarë të luftojë. Këto gjëra duhen parë me shumë kujdes nga politika.”
    Dhe, duke i bërë thirrje klasës politike për përgjegjësi më të madhe, ish-presidenti Moisiu u shpreh qartë për pasojat e lakmisë:
    “Për fat të keq, njerëzit sot e shkrijnë Shqipërinë për t’u pasuruar për vete. Ke shembuj sa të duash për këtë. Duhet të fillojë peshorja: Sa je ti i përshtatshëm ta çosh këtë vend përpara, këtë popull përpara?”, tha Moisiu.
     
     

  • Ish-presidenti Moisiu për Albin Kurtin: E respektoj, por disa gjëra nuk i ka në terezi

    Ish-presidenti Moisiu për Albin Kurtin: E respektoj, por disa gjëra nuk i ka në terezi

    Ish-presidenti i Shqipërisë, Alfred Moisiu, ka komentuar zhvillimet e fundit në Kosovë dhe marrëdhënien mes kryeministrit Albin Kurti dhe Shteteve të Bashkuara të Amerikës. I ftuar në emisionin “Off the Record” me Andrea Dangllin në A2 CNN, Moisiu u shpreh se e njeh Kurtin prej vitesh dhe e vlerëson, por theksoi se disa veprime të tij nuk janë të menduara mirë.
    “Kryeministrin e Kosovës e njoh prej kohësh dhe kam respekt për atë djalë, por ai disa gjëra nuk i ka në terezi. Ja kam thënë.”
    Moisiu kujtoi rolin vendimtar të SHBA-së në krijimin e shtetit të Kosovës, duke i bërë thirrje politikës kosovare që të mos bëjë veprime që bien ndesh me aleatët strategjikë.
    “Sikur të bashkoheshin të gjithë shqiptarët e Shqipërisë dhe të Kosovës, sërish nuk e bënim dot Kosovën po të mos ishte Amerika. Të mos bëjmë disa gjëra tani që bien ndesh.”
    Ish-presidenti pranoi se edhe partnerët ndërkombëtarë mund të gabojnë, por theksoi se duhet gjetur gjithmonë mënyra për të zbutur tensionet, jo për t’i acaruar ato. “Unë nuk mund të them se ata nuk marrin vendime të gabuara, edhe ata gabojnë se njerëz janë, por duhet të gjesh mënyrën sesi t’i trajtosh. Jo të përplasemi tani”.

  • “Rakisë iu hodh ujë”, Moisiu: Reforma në drejtësi u prish një natë para votimit. Ja ku “çalon”

    “Rakisë iu hodh ujë”, Moisiu: Reforma në drejtësi u prish një natë para votimit. Ja ku “çalon”

    Ish-presidenti i Shqipërisë, Alfred Moisiu, ka komentuar mangësitë e reformës në drejtësi, duke e krahasuar me një “raki” të holluar me ujë. I ftuar në emisionin “Off the Record” me Andrea Dangllin në A2 CNN, Moisiu u shpreh se ndryshimet e minutës së fundit i dhanë politikës ndikim të panevojshëm.
    “Ujë ju hodh natën e fundit para se të bëhej votimi, i ndërruan disa nene. Me variantin e parë, politika ishte jashtë fare, por s’mund të rrinin jashtë. Bënë disa gjëra, dhanë disa kompetenca të cilat në fillim nuk ishin parashikuar në përzgjedhjen e gjyqtarëve dhe prokurorëve. Pati kosto dhe nuk e di sesi do të rregullohet ajo punë.”
    Sipas Moisiut, një nga problemet kryesore është që pas vettingut mungon kontrolli i vazhdueshëm: “Ne hodhëm idenë të bëhej një skanim, vettingu, mirëpo kjo nuk do të thotë se unë, Moisiu, kalova vettingun dhe të fle gjumë. Kjo duhet të jetë e përhershme që t’i ndjekin dhe t’i kontrollojnë që të mos bëjnë gabime të së kaluarës. Kjo e dëmton shumë”, tha Moisiu .