Lajmidites.com

Tag: modric

  • Avancon prezantimi, Modriç te Milan më 14 korrik

    Avancon prezantimi, Modriç te Milan më 14 korrik

    Luka Modriç është një lojtar i ri i Milanit dhe ka nënshkruar tashmë një kontratë njëvjeçare me opsion për një sezon të dytë me vlerë 3.5 milionë euro për sezon shkruan Sportmediaset sot.

    Njoftimi zyrtar është ende në pritje, por përpara se të marrë disa javë pushim pas Kupës së Botës për Klube kundër Real Madridit, Luka Modriç pritet të jetë në Milano më 14 korrik për t’iu nënshtruar vizitave mjekësore rutinë.

    Në fillim të gushtit, kroati do të jetë në dispozicion të Alegrit për një debutim që mund të ndodhë në Kupën e Italisë kundër Barit më 17 gusht.

    Vazhdo leximin

  • Luka Modric i jep lamtumirën Real Madrid përmes një mesazhi: Vështirë të zgjedh momentin më të bukur

    Luka Modric i jep lamtumirën Real Madrid përmes një mesazhi: Vështirë të zgjedh momentin më të bukur

    11 Korrik 2025

    11:50

    Telesport

    Ndeshja gjysmëfinale e Kupës së Botës për klube, humbur 0-4 ndaj PSG, ishte e fundit për Luka Modric me fanellën e Real Madrid. Lojtari tashmë është pjesë e Milan, me të cilin ka nënshkruar një kontratë 1-vjeçare.
    Përmes një postimi në rrjetet sociale, mesfushori kroat i ka dhënë lamtumirën fanellës “los blancos”. “Një epokë e paharrueshme, e lavdishme dhe fitimtare ka mbaruar. Ajo që përjetova më jep edhe më shumë gëzim”, shkruan Modric.
    “Të kujtoj gjithçka që arrita këtu më bën shumë të lumtur edhe nëse ka mbaruar. Në Real Madrid u rrita si lojtar dhe si person. Real Madrid më dha gjithçka në futboll dhe për këtë do t’u jem mirënjohës përgjithmonë. Do të jem gjithmonë një tifoz i Real Madrid”, shtoi mesfushori kroat.
    “Është e vështirë të zgjedh një moment midis shumë momenteve të çmuara që kam përjetuar këtu, por gjithmonë e theksoj dhe dua ta kujtoj La Décima sepse aty mund të themi se filloi gjithçka. Ai nisi dominimin e 12 ose 13 viteve të fundit, i cili ka qenë i pabesueshëm, duke fituar gjashtë tituj të Champions League në 10 vjet“, deklaroi Modric.

  • Modric firmos për një vit me Milan

  • Lamtumira e një legjende, Vitinja: ‘Modriç modeli im’, Kurtua: ‘Legjendë e Real Madrid’

    Lamtumira e një legjende, Vitinja: ‘Modriç modeli im’, Kurtua: ‘Legjendë e Real Madrid’

    Luka Modriç luajti ndeshjen e tij të fundit për Real Madridin mbrëmë, duke i dhënë fund një aventure të jashtëzakonshme 13-vjeçare me një humbje të rëndë 0-4 kundër Paris Saint-Germain në gjysmëfinalen e Kupës së Botës për Klube. Një disfatë që, megjithatë, nuk e zvogëlon madhështinë e mesfushorit kroat, i cili u largua nga fusha mes përqafimeve dhe lotëve.

    Pasi hyri në lojë në pjesën e dytë por pa mundur të ndryshonte gjëndjen shokuese të Realit, Luka në fund mori gjithë vëmendjen e të pranishmëve në fushë dhe tribuna të MetLife. Shokët e tij të ekipit dhe kundërshtarët – nga Markuinjos te Vitinja e Hakimi – u mblodhën rreth fituesit të Topit të Artë 2018, duke e ditur se po dëshmonin fundin e një epoke. Imazhi i 39-vjeçarit, dukshëm i prekur, përmbledh madhështinë e një lojtari që ndriçoi futbollin europian e botëror me klas, inteligjencë dhe përulësi.

    “Ai është një nga modelet e mia,” tha portugezi Vitinja, (kandidat potencial për Topin e Arë 2025 red). “Ishte një nder të ndaja fushën me të.” Tibu Kurtua, shoku i tij i ekipit që nga viti 2018, e quajti atë “një legjendë të Real Madridit”, ndërsa Çabi Alonso theksoi se “ai nuk do të mbahet mend për këtë ndeshje, por për gjithçka që i dha futbollit botëror”. Me 28 trofe, 596 paraqitje dhe një trashëgimi të madhe, Modriç i thotë lamtumirë klubit më të suksesshëm në botë dhe tani është gati të fillojë një aventurë tjetër, duke veshur fanellën e ekipit që mbështeti që fëmijë, Milan.

    Vazhdo leximin

  • Modric ndryshon menjëherë fanellë pas eliminimit nga Botërori, firmos kontratë 1-vjeçare me Milan, ja detajet

    Modric ndryshon menjëherë fanellë pas eliminimit nga Botërori, firmos kontratë 1-vjeçare me Milan, ja detajet

    10 Korrik 2025

    11:39

    Telesport

    As koha për tu rikuperuar nga katër shuplakat e marra nga PSG në Kampionatin Botëror për klube me Real Madrid dhe mesfushori kroat Luka Modric vendos menjëherë të ndryshojë fanellë. Tashmë ai është një lojtar i Milan.
    Nënshkrimi me kuqezinjtë ka ndodhur tashmë muajin e kaluar, ndërkohë që detajet zbulojnë një kontratë deri në qershor të vitit 2026 dhe një pagë prej 3.5 milionë eurosh.
    Pas disa javësh pushimi, kroati gati 40 vjeç, do të kryejë ekzaminime mjekësore dhe do të bashkohet me shokët e rinj midis fundit të korrikut dhe fillimit të gushtit.
    Modric do të sjellë përvojë te Milan, që në mesfushë humbi Reijnders dhe nuk ka më senatorin Theo në ekip. Allegri do t’i kërkojë Modric të menaxhojë situata të rëndësishme dhe të përhapë një mentalitet fitues që për momentin duket se mungon.
    Tare, disa ditë më parë e shenjtëroi Allegri si njeriun e duhur për të rikthyer një frymë fituese te Milan. Me Modric dhe titujt e tij të panumërt nga ana e tij, Max do të jetë në gjendje të luajë në një përzierje përvoje dhe force rinore.
    Sezoni i Milan fillon herët, me raundin e parë të Kupës së Italisë, në 17 gusht kundër Bari. Modric do të jetë i disponueshëm për trajnerin një javë pasi kampionati të fillojë me Milano-Cremonese, në 23 gusht.

  • Ambrosini “bekon” Milanin e ri: Allegri, trajneri i duhur. Igli Tare është konkret, nuk shet iluzione

    Ambrosini “bekon” Milanin e ri: Allegri, trajneri i duhur. Igli Tare është konkret, nuk shet iluzione

    Ka nisur zyrtarisht epoka e re e Milanit. Me testet fizike dhe mjekësore të zhvilluara dje në Milanello, ka rifilluar, pas shumë vitesh, periudha e Allegrit në pankinën kuqezi. Në Milanin e “Allegri 1” ishte edhe Massimo Ambrosini, që me ish-trajnerin e Juventusit fitoi titullin kampion në vitin 2011. Pikërisht ish-mesfushori ka folur për “Gazzetta dello Sport” lidhur me zgjedhjen e “Djallit” për t’ia besuar sërish stolin trajnerit nga Livorno:
    “Unë jam nostalgjik nga natyra dhe kur kujtoj momentet e bukura të së kaluarës, bëhem i ndjeshëm. I uroj të ketë të njëjtin ndikim që pati me ne dhe jam i bindur se kështu do të jetë. Në dritën e asaj që ndodhi sezonin e kaluar, më duket një zgjedhje shumë e drejtë. Asnjë zgjedhje nuk të jep siguri për fitore apo rezultate, por Max do t’i japë skuadrës një ndjesi përgjegjësie”.
    Fjalë të mira Ambrosini ka pasur edhe për Igli Taren, drejtorin e ri sportiv i Milanit, që do të ketë si detyrë forcimin e skuadrës dhe rikthimin e Milanit pas një sezoni negativ, ku kuqezinjtë mbetën jashtë kompeticioneve europiane dhe humbën finalen e Kupës së Italisë: “Tare e njeh futbollin dhe lojtarët, punon në terren dhe ka vite përvoje pas shpine. Është një person konkret, nuk shet iluzione”.
    Massimo Ambrosini  ish-kapiteni i Milanit dhe një zë me peshë kur bëhet fjalë për mesfushën, ka dhënë mendimin e tij edhe për përforcimet e kuqezinjve në këtë repart, duke nisur nga Samuele Ricci:
    “Është një lojtar i mirë dhe djalë me perspektivë, që ka qëndrimin dhe dëshirën e duhur. Milani ka nevojë për më shumë qartësi dhe organizim në qendër të fushës. Me dy ‘mezzala’ me cilësi dhe fantazi përkrah, ai mund të jetë ‘regjia’ ideale për ta ndërtuar lojën”.
    I pyetur më pas për Luka Modric dhe pozicionin e tij të mundshëm në skemën e re kuqezi, Ambrosini ka shtuar: “Edhe Modric mund ta bëjë ‘regjisorin’ para mbrojtjes. Kjo vlen në disa ndeshje, ose në disa segmente të lojës, sidomos në ‘San Siro’. Sidoqoftë, besoj se forca e tij qëndron te cilësia e ‘mezzala’, nuk do të çuditesha fare nëse kroati do të aktivizohej aty”.
    Mesfusha e Milanit po merr formë, me Ricci dhe Modric që priten të jenë dy elementë kyç në sezonin e ri.

  • Real Madrid në kërkim të zëvendësuesit të Modric

    Real Madrid në kërkim të zëvendësuesit të Modric

    Luka Modric po luan ndeshjet e fundit me fanellën e Real Madrid. Kroati do ta mbyllë përfundimisht me “Los Blancos” menjëherë sapo të mbarojë rrugëtimi i Real Madrid në Kupën e Botës për Klube.

    Largimi i Modric do të lërë një boshllëk të madh në Madrid, ndaj drejtuesit e klubit po punojnë për të gjetur një lider të ri në mesfushë dhe emri i parë në listë është: VITINHA.
    25-vjeçari është në kulmin e karrierës së tij, gjë që e ka treguar si te PSG-ja, ku është padyshim lideri i mesfushës, por edhe te Portugalia. Kontrata e tij me PSG-në skadon në vitin 2029, por drejtuesit e Realit janë të bindur se me një ofertë shumë të mirë ekonomike, gjithçka mund të bëhet e mundur dhe Vitinha të vijë në Madrid.

    Sipas Defensa Central, Real Madrid është gati të paguajë 120-150 milionë euro për kartonin e portugezit. Sigurisht që bisedimet me PSG-në nuk do të jenë aspak të lehta, aq më tepër pas acarimit të marrëdhënieve në rastin e Kylian Mbappe, verën e kaluar.
    Por, dëshira e lojtarit për t’u transferuar në Madrid dhe një ofertë e kënaqshme, 120-150 milionë euro, sigurisht që mund të ndryshojë situarën dhe Vitinha mund të bëhet goditja më e bujshme e kësaj vere.

  • Real Madrid ka gati planin për të bërë goditjen më të bujshme të merkatos së kësaj vere

    Real Madrid ka gati planin për të bërë goditjen më të bujshme të merkatos së kësaj vere

    4 Korrik 2025

    18:20

    Telesport

    Luka Modric po luan ndeshjet e fundit me fanellën e Real Madrid. Kroati do ta mbyllë përfundimisht me “Los Blancos” menjëherë sapo të mbarojë rrugëtimi i Real Madrid në Kupën e Botës për Klube.
    Largimi i Modric do të lërë një boshllëk të madh në Madrid, ndaj drejtuesit e klubit po punojnë për të gjetur një lider të ri në mesfushë dhe emri i parë në listë është: VITINHA.
    25-vjeçari është në kulmin e karrierës së tij, gjë që e ka treguar si te PSG-ja, ku është padyshim lideri i mesfushës, por edhe te Portugalia. Kontrata e tij me PSG-në skadon në vitin 2029, por drejtuesit e Realit janë të bindur se me një ofertë shumë të mirë ekonomike, gjithçka mund të bëhet e mundur dhe Vitinha të vijë në Madrid.
    Sipas Defensa Central, Real Madrid është gati të paguajë 120-150 milionë euro për kartonin e portugezit. Sigurisht që bisedimet me PSG-në nuk do të jenë aspak të lehta, aq më tepër pas acarimit të marrëdhënieve në rastin e Kylian Mbappe, verën e kaluar. Por, dëshira e lojtarit për t’u transferuar në Madrid dhe një ofertë e kënaqshme, 120-150 milionë euro, sigurisht që mund të ndryshojë situarën dhe Vitinha mund të bëhet goditja më e bujshme e kësaj vere.

  • Milani, me mesfushë krejtësisht të re. Nga Modric te Ricci, duke kaluar te Xhaka dhe Jashari

    Milani, me mesfushë krejtësisht të re. Nga Modric te Ricci, duke kaluar te Xhaka dhe Jashari

    Vetëm dy ditë më parë, Igli Tare u shpreh kështu për merkaton e Milanit: “Prioriteti në këtë moment është mesfusha, për të rritur cilësinë e lojës, siç është kërkuar nga Allegri”.
    Nga fjalët te faktet, mund të thuhet me plot gojën, sidomos pas shitjes së madhe të Reijnders te Manchester City. Nëse marrëveshja me Modric ishte mbyllur prej ditësh dhe do të bëhet zyrtare pas përfundimit të Kupës së Botës për Klube, që kroati po zhvillon me Real Madridin, në pak kohë kanë shpërthyer menjëherë, në rend kronologjik, tratativat për Granit Xhaka, Samuele Ricci dhe Ardon Jashari.
    Aktualisht, marrëveshja më e avancuar duket ajo për kapitenin e Torinos, prej kohësh në shënjestrën e kuqezinjve dhe që në orët e fundit ka pësuar përshpejtim të ndjeshëm. Sipas raportimit të Alfredo Pedullà, kërkesa fillestare e Torinos ishte 30 milionë euro, por tani është ulur në 28 milionë euro, me bonuset e përfshira.
    Milani po punon për ta ulur më tej çmimin, por ndërkohë ka arritur tashmë marrëveshje të plotë me lojtarin. Për Ricci interesohen gjithashtu Interi, që deri tani nuk ka ndërmarrë hapa konkretë, edhe Atalanta, në rast se largohet Ederson.
    Ricci e ka kaluar në listë Xhakën, i cili fillimisht dukej si një operacion i lehtë për t’u realizuar. Megjithatë, në orët e fundit ka ardhur një “stop” nga Bayer Leverkusen.
    “Nuk ka pasur dhe nuk ka asnjë negociatë me Milanin”. Kështu deklaroi Simon Rolfes për të përditshmen gjermane “Kicker”, duke shuar zërat për një transferim të mundshëm të shqiptaro-zviceranit te Milani.
    “Nuk kemi asnjë ide për ta shitur Xhakën. Graniti është një lojtar shumë i rëndësishëm për ne”, – saktësoi drejtuesi i Bayer Leverkusen.
    Orët dhe ditët në vijim do të jenë vendimtare për të kuptuar nëse Bayer do të hapet për negociata dhe nëse Milani do të paraqesë më pas një ofertë zyrtare.
    Pastaj është edhe rasti i talentit të Club Brugge, për të cilin në Belgjikë flitet shumë mirë, por që vlerësohet 40 milionë euro. Milani deri tani ka ofruar 27 milionë euro + 3 milionë bonuse, por diferenca është ende e madhe. Duhet parë nëse Brugge do t’i ulë pretendimet për mesfushorin e vitlindjes 2002.

  • Igli Tare konfirmon bisedën me Luca Modric, tregon se cila ishte pyetja e parë e kroatit kur drejtori shqiptar foli me të

    Igli Tare konfirmon bisedën me Luca Modric, tregon se cila ishte pyetja e parë e kroatit kur drejtori shqiptar foli me të

    Modri? u bë lojtar i lirë këtë verë dhe Reali vendosi të mos ia rinovojë kontratën, kështu që ylli i madh në fund të karrierës së tij do të luajë në Serie A për një klub që e ka admiruar që nga fëmijëria.
    Tani, Igli Tare, drejtori i ri sportiv i Milanit, i cili së bashku me trajnerin Max Allegri, janë duke krijuar një ekip interesant. Drejtori sportiv shqiptar foli edhe për situatën e Modric: “Ne e duam Modricin në Milano.
    Nevojiten liderë me përvojë, dhe Luka është pikërisht ky profil. Fola me të dhe mund të them se ai ende ka një pasion të madh për të garuar në nivelin më të lartë. Ardhja e tij do të ishte me rëndësi të madhe për ekipin tonë, veçanërisht sepse ne po kërkojmë një lider si ai. Po punojmë për këtë”, tha Tare dhe shtoi:
    Ai më pyeti nëse do të ishim konkurrues. Ai ka fituar gjashtë Liga Kampionësh dhe dëshiron ta udhëheqë ekipin menjëherë. Kjo është e rëndësishme për shkak të asaj që ai do t’i sjellë ekipit në aspektin e mentalitetit, lidershipit dhe profesionalizmit. Fakti që ai është tifoz i Milanit e bën këtë histori edhe më emocionuese”, tha Tare. /Sport Ekspres/