Lajmidites.com

Tag: modric

  • “Modric afrimi i duhur, i duhet një ekipi si Milan”

    “Modric afrimi i duhur, i duhet një ekipi si Milan”

    Sulmuesi i Milanit, Christian Pulisic, foli për Gazzetta dello Sport në lidhje me afrimin e Luka Modric në skuadër.
    “Ai do të sjellë përvojë, një aftësi që duhet me patjetër gjatë ndeshjeve. Ai ka qenë një lojtar jashtëzakonisht i madh për vite me radhë: E kam parë të luajë si tifoz, dhe pastaj u përballa me të. T’ia marrësh topin është e vështirë, dhe ai është gjithashtu një lider që do t’i japë Milanit qëndrueshmëri dhe besueshmëri. Ai do të jetë i vlefshëm brenda dhe jashtë fushës.

    Ricci? Më pëlqen sepse i mban gjërat të thjeshta dhe nuk përpiqet kurrë ta teprojë: bën atë që i duhet ekipit. Ka teknikë të shkëlqyer, është i mirë në kontrollin e topit dhe në pasimin e tij”- tha Pulisic.

  • Nga dyshimet në besim, Milani rifiton zemrat e tifozëve kuqezinj me Allegri dhe Modric

    Nga dyshimet në besim, Milani rifiton zemrat e tifozëve kuqezinj me Allegri dhe Modric

    25 Korrik 2025

    14:15

    Alfred Lleshi

    Sezoni i vështirë që përfundoi në majin e kaluar dhe një merkato verore që ende nuk ka sjellë goditje të mëdha (Modric është përjashtimi i vetëm), nuk e kanë zbehur pasionin e tifozëve të Milanit. Janë plot 30 mijë, ata që kanë vendosur të konfirmojnë abonimin e tyre edhe për sezonin 2025-2026.
    Sipas “Gazzetta dello Sport”, 80% e tyre i përkasin një grupi të konsideruar si “bërthamë historike”, domethënë tifozë që e ndjekin skuadrën prej të paktën pesë sezonesh radhazi. Një dashuri pa kufij, pra.
    Ardhja e Allegrit, i konsideruar nga shumë si garanci falë përvojës dhe triumfeve në karrierë, ka ndihmuar në rritjen e moralit të tifozëve. Po ashtu edhe firmosja e Luka Modric, që do t’i bashkohet skuadrës në ditët e para të gushtit.
    Nuk është rastësi që një nga pikat më të larta të abonimeve (1500 abone) është regjistruar pikërisht ditën kur u zyrtarizua kroati, i cili firmosi deri më 30 qershor 2026. Dhe shifrat pritet të rriten më tej. Të premten pasdite u hap shitja e lirë për të gjithë ata që duan të sigurojnë një vend në “San Siro” për sezonin e ardhshëm.

  • “Modrić është gjeniu i kohës sonë, shpresoj të na dhurojë emocione deri në Botërorin 2026”

    “Modrić është gjeniu i kohës sonë, shpresoj të na dhurojë emocione deri në Botërorin 2026”

    Davor Šuker, ish-sulmues i Sevilla, Real Madridit dhe i kombëtares kroate, ka vlerësuar nivelin e lartë të Botërorit të fundit për Klube, duke shprehur dëshirën që turneu të zhvillohet çdo dy vite, ashtu siç e dëshiron edhe Real Madridi.
    “Turneu tregoi një nivel shumë të lartë, shpresoj që të bëhet kompeticion bienal”, – deklaroi Šuker, i cili aktualisht është ambasador i FIFA-s për Kupën e Botës 2026, që do të zhvillohet në SHBA, Kanada dhe Meksikë.
    Duke analizuar turneun, ish-presidenti i Federatës Kroate të Futbollit (2012–2021) theksoi: “Të gjitha klubet treguan cilësi, por ato europiane mbeten ende superiore në aspektin fizik dhe taktik. Brazilianët dhe disa argjentinas shkëlqyen teknikisht, por gjysmëfinalet flasin qartë: tre nga katër skuadra ishin europiane, PSG, Chelsea dhe Real Madridi”.
    Një admirues i madh i Luka Modrić (i cili ndërkohë është transferuar te Milani), Šuker ishte pikërisht ai që dikur ia rekomandoi mesfushorin klubit madrilen: “Rastësia midis gjeneratës së artë kroate dhe asaj të Real Madridit ka një emër: Luka Modrić. Ai është një gjeni i kohës sonë. Shpresoj të na dhurojë ende emocione deri në Botërorin 2026”.
    Sa i përket Real Madridit, që u pa në Botërorin e Klubeve, legjenda kroate (Šuker) mbrojti punën e trajnerit Xabi Alonso: “Ai sapo ka mbërritur, duhet kohë dhe durim. Skuadra ka bërë mirë dhe do të rritet gjatë sezonit”.

  • Real Madrid, numri 10 mbetet vakant, a do të jetë Mbappe i përzgjedhuri?

    Real Madrid, numri 10 mbetet vakant, a do të jetë Mbappe i përzgjedhuri?

    Në futbollin e sotëm, kuptimi i numrit 10-të nuk është më si më parë, të paktën në aspektin filozofik, pasi këtë numër të shenjtë nuk e mbajnë më të veshur fantazistët, por shpesh e gjejmë në shpatullat e një mesfushori, si në rastin e Luka Modric, apo tek një sulmues si Lamine Yamal. Barcelona lëvizi shpejt në këtë drejtim duke bekuar yllin e ekipit, në fakt bënë gjithçka, edhe për arsye marketingu që Lamine Yamal të merrte numrin 10-të dhe impakti në treg ishte i jashtëzakonshëm, me Yamal që vendosi një rekord në shitje që në 24 orët e para kur fanella e tij e re doli në treg.
    Në Madrid, numri 10-të pritet të kthehet në një temë diskutimi pasi Reali është përpara një fakti të tillë. Largimi i Luka Modric ka bërë që ky numër të rrijë vakant. Sipas Marca, zgjedhja me natyrale është që këtë numër ta pasojë Kylian Mbappe. Ai është imazhi i ri i ekipit, lojtari më i çmuar, është një numër që Mbappe është mësuar ta mbajë të veshur pasi është pronë e tij në përfaqësuesen franceze. Sigurisht që Mbappe është gati për të mbajtur këtë peshë, këtë fanellë, por për momentin nuk ka një vendim, pasi kjo është një zgjedhje ekskluzive e bordit.

    Marca
    Një tjetër kandidat për këtë numër është edhe Arda Gyler, me turkun që i ka cilësitë dhe kualitetin për të mbajtur të veshur fanellën me numrin 10-të. Në fakt, edhe Luka Modric sheh te Gyler pasuesin e tij natyral. Pas ndeshjes së tij të fundit me Real Madrid, në Botërorin për Klubeve kundër PSG, Modric i dorëzoi fanellën e tij fantazistit turk, por kjo fanellë dhe ky vendim është përtej dëshirës së Modric apo Gyler, sot është më shumë çështje marketingu.
    (BalkanWeb)

  • Luka Modriç vjen te Milani dhe zbaton projektin e tij me rregulla të reja, kërkon Garcian në Milano

    Luka Modriç vjen te Milani dhe zbaton projektin e tij me rregulla të reja, kërkon Garcian në Milano

    Adriatik BALLA
    Milani ka ambicie të kthehet në ditët e tij më të mira, pra si fitues i kampionatit në Serie A dhe rivaliteti me dinjitet dhe për trofe në UEFA Champions League. Gjërat nuk duken të lehta, por me ardhjen e Igli Tares në krye të klubit si drejtor sportiv, kanë nisur edhe lëvizjet e bujshme në treg, ku mes emrave të afruar është dhe mesfushori i njohur kroat Luka Modriç. Të tjerë emra pritet të vijnë në ditët e javët në vazhdim, pasi edhe mediat italiane thonë se Milani tani ka ambicie për më shumë, si një skuadër që dëshiron të kthehet në majën e Europës. Ndërkohë, Luka Modriç ka nisur tashmë të përdorë ndikimin e tij te AC Milan, pasi ka kompletuar kalimin me parametër zero nga Real Madrid.
    Pas vendimit të klubit madrilen për të mos i ofruar një zgjatje kontrate me 12 muaj të tjerë, Modriç i dha fund një aventure të jashtëzakonshme 13-vjeçare në Madrid, menjëherë pas përfundimit të Kupës së Botës për Klube. Mesfushori kroat, i vendosur të realizojë ëndrrën e tij për të luajtur në Kupën e Botës verën e ardhshme, nënshkroi një kontratë njëvjeçare me Milanin, me opsion për ta zgjatur deri në sezonin 2026/27. Ndërsa Modriç përshtatet me jetën në Milano, ai mund të bashkohet shpejt me një fytyrë të njohur. Sipas “Diario AS”, lojtari i ka dhënë “dritën jeshile” transferimit të Fran Garcia nga Real Madrid. Real Madrid ka vendosur një çmim prej 20 milionë eurosh për mbrojtësin e majtë, i cili është bërë objektiv për Milanin që po kërkon zëvendësues për Theo Hernandez, i transferuar te Al Hilal. Megjithatë, kjo shifër mund të rritet deri në 25–30 milionë euro, ndonëse një vit më parë lojtari vlerësohej vetëm 15 milionë euro.
    Mbërritja e Alvaro Karreras ka zënë vendin e titullarit në krahun e majtë për Ksabi Alonson, ndërsa Ferland Mendi renditet përpara Garcias në hierarki, pavarësisht rekordeve të fundit me dëmtime. Klubi i Milanit dhe Modriçi janë të prirur për ta sjellë Garcian në “San Siro”, por mbrojtësi nuk dëshiron të largohet nga Real Madrid, gjë që mund të bllokojë transferimin. Ashtu si Mendi, edhe Garcia ka dy vite të mbetura në kontratë, dhe është i bindur se mund të luftojë për vendin e tij me Karreras. Pavarësisht kësaj situate që mund të çojë në një përplasje, AC Milan është gati të vazhdojë me përpjekjet, ndërsa agjenti i Garcias, Gines Karvajal, thuhet se ka hapur bisedimet me gjigantët e Serie A. Nevoja e Milanit për një mbrojtës të majtë është rritur ndjeshëm pas largimit të Theo Hernandez, por klubi synon të mbajë çmimin e marrëveshjes nën 30 milionë euro.

  • Modric shtyn Milanin të transferojë lojtarin e Real Madridit

    Modric shtyn Milanin të transferojë lojtarin e Real Madridit

    18 Korrik 2025

    12:43

    Telesport

    Me ardhjen e Alvaro Carreras nga Benfica për 50 milionë euro, e ardhmja e Fran Garcia te Real Madrid është vënë në dyshim. Për 25-vjeçarin ka një interes të shtuar ditët e fundit nga Milan, kuqezinjtë e shohin Fran Garcia si zëvendësuesin ideal të të larguarit Theo Hernandez.
    Mediat italiane raportojnë se një shtysë e fortë për transferimin e Fran Garcia drejt Milanit është edhe Luka Modric. Kroati që nënshkroi para pak dite me kuqezinjtë, ka dhënë mbështetjen e tij të fortë ardhjen e Fran Garcia te kuqezinjtë.
    Në anën tjetër, Real Madrid është i hapur për largimin e 25-vjeçarit të krahut të majtë për një shifër rreth 20 milionë euro, çmim mëse i përballueshëm edhe për Milanin. Ditët në vijim pritet të ketë negociata zyrtare mes palëve.
    Me transferimin e Alvaro Carreras, i cili do jetë titullar i padiskutueshëm në krahun e majtë, ulen ndjeshëm shanset e Fran Garcia, ndaj largimi i tij nga Real Madrid këtë verë duket i pashmangshëm.

  • Luka Modric zgjodhi Milanin sepse e befasoi veprimi i Igli Tares kur shkoi në Kroaci

    Luka Modric zgjodhi Milanin sepse e befasoi veprimi i Igli Tares kur shkoi në Kroaci

    Luka Modric duket se nuk është menduar dy herë për skuadrën e tij të radhës pas largimit nga Real Madrid. Mesfushori ka shpjeguar pse vendosi për Milanin.
    “Doja të qëndroja në Europë dhe të vazhdoja të luaja futboll në nivele të larta.  Po, kisha disa oferta të tjera, por kur dëgjova se Milani ishte opsion, nuk u mendova gjatë. Isha gati që nga momenti i parë”. “Më bëri përshtypje se si drejtuesit erdhën në Kroaci për të më prezantuar projektin.  Këto detaje janë të rëndësishme për mua”, tha Modric, duke iu referuar vizitës së Igli Tares.

  • Botërori i Klubeve/ PSG turpëron 4-0 Real Madridin, francezët gjejnë Chelsean në finale! Modric luan aktin e fundit me ‘Galaktikët’

    Botërori i Klubeve/ PSG turpëron 4-0 Real Madridin, francezët gjejnë Chelsean në finale! Modric luan aktin e fundit me ‘Galaktikët’

    Paris Saint Germain ka dhuruar spektakël të vërtetë në gjysmëfinalen e luajtur kundër Real Madrid, teksa fitoi bindshëm 4-0 duke siguruar biletën për finalen e madhe të së dielës, ku do të përballet me Chelsean në Kupën e Botës për Klube.
    Skuadra franceze e nisi ndeshjen në mënyrë të furishme dhe zhbllokoi rezultatin që në minutën e 6-të, kur Fabian Ruiz përfitoi nga një gabim i rëndë i mbrojtësit madrilen Raul Asencio dhe e dërgoi topin në rrjetë. Vetëm dy minuta më vonë, një tjetër gafë, këtë herë nga Antonio Rudiger, i dha mundësinë Ousmane Dembele të dyfishojë shifrat, duke e bërë startin e PSG-së thuajse të përsosur.
    Për të mbyllur një pjesë të parë dominuese, parizienët goditën sërish në minutën e 23-të me një kundërsulm të shpejtë. Achraf Hakimi asistoi saktë për Fabian Ruiz, i cili realizoi golin e tij të dytë personal dhe të tretin për ekipin. Me këtë avantazh të thellë, PSG shkoi në pushim me rezultatin 3-0
    Në pjesën e dytë, ritmi ra ndjeshëm dhe ndonëse trajneri Xabi Alonso bëri disa zëvendësime për të rigjallëruar skuadrën madrilene, asgjë nuk ndryshoi në ecurinë e lojës. Në minutën e 87-të, Bradley Barcola bëri një depërtim të shkëlqyer dhe asistoi për Goncalo Ramos, i cili vulosi fitoren 4-0 me një festim që i kujtoi të gjithëve Diego Jotën. Te Real Madrid, Luka Modric luajti ndeshjen e fundit me ‘Galaktikët’.
    Me këtë rezultat të thellë, PSG siguron finalen e madhe ku do të përballet me Chelsean, në një duel që zhvillohet të diel në orën 21:00 në ‘MetLife Stadium’ në New York.
     

  • Modric zgjodhi Milanin sepse… e befasoi veprimi i Igli Tares

    Modric zgjodhi Milanin sepse… e befasoi veprimi i Igli Tares

    16 Korrik 2025

    16:40

    Telesport

    Luka Modric duket se nuk është menduar dy herë për skuadrën e tij të radhës pas largimit nga Real Madrid.
    Mesfushori ka shpjeguar pse vendosi për Milanin. “Doja të qëndroja në Europë dhe të vazhdoja të luaja futboll në nivele të larta. Po, kisha disa oferta të tjera, por kur dëgjova se Milani ishte opsion, nuk u mendova gjatë. Isha gati që nga momenti i parë”.
    “Më bëri përshtypje se si drejtuesit erdhën në Kroaci për të më prezantuar projektin. Këto detaje janë të rëndësishme për mua”, tha Modric, duke iu referuar vizitës së Igli Tares.

  • Aventura e re në Milano, zbulohet paga e Luka Modric

    Aventura e re në Milano, zbulohet paga e Luka Modric

    15 Korrik 2025

    16:50

    Telesport

    Luka Modric iu bashkua zyrtarisht Milanit pas Botërorit të klubeve, ku veshi për herë të fundit fanellën e Real Madrid.
    Kroati ka qenë pjesë e klubit madrilen që nga viti 2012, ku ka fituar 28 trofe gjithsej, bashkë me “Topin e Artë”.
    Mesfushori ka pranuar një ulje të konsiderueshme page për të firmour me Milanin. Ai do të fitojë rreth 2,5 mln euro bruto në vit te “Djalli”.
    Paga e sezonit të tij të fundit në Madrid ishte 5 mln euro në vit.