Lajmidites.com

Tag: modric

  • Italianët admirojnë Modric: Përveçse dirigjon orkestrën kuqezi, siguroi tri pikë jetike…

    Italianët admirojnë Modric: Përveçse dirigjon orkestrën kuqezi, siguroi tri pikë jetike…

    15 Shtator 2025

    13:22

    Alfred Lleshi

    “Milani shijon Luka Modric, i cili përveçse dirigjon orkestrën, duke vënë rregull mes sulmuesve, mori përsipër edhe të shënonte golin që shembi Bologna”. Kështu u shpreh Paolo Condò, i cili nuk i kurseu fjalët e ëmbla dhe admirimin për kroatin legjendar. Në moshën 40-vjeçare, Modric nuk ka zgjedhur “pensionin”, por ka ndjerë ende nevojën për t’i dhënë futbollit dhe mos e lënë atë.
    Të dielën mbrëma, Modric zgjidhi një ndeshje të vështirë ndaj Bologna, me një goditje të pastër e të saktë, që solli fitoren 1-0 dhe tri pikë jetike për kuqezinjtë. Pikë jetike për tri arsye, sipas Condò: Milani mbeti në hap me kryesuesit; parakaloi Interin, duke thelluar nervozizmin e zikaltërve; shikon më i lehtësuar kalendarin që vjen.
    Deri te pushimi i ardhshëm i kombëtareve, Milani do të ketë përballje të forta: Udinese, Napoli dhe Juventusi në “Allianz Stadium”. Gjithsesi, skuadra është ende në ndërtim: “Ka ende shumë për t’u përmirësuar; mjafton të mendojmë që Leao ende s’e ka parë fushën, që Nkunku sapo ka nisur ta heqë pluhurin dhe Gimenez endet mes mungesës së fatit dhe gafave”.

  • Di Canio përulet para 40-vjeçarit Modric: Madhështor, një monument në lëvizje…

    Di Canio përulet para 40-vjeçarit Modric: Madhështor, një monument në lëvizje…

    15 Shtator 2025

    8:14

    Alfred Lleshi

    Nga studio e “Sky Sport”, Paolo Di Canio shprehu gjithë admirimin e tij për Luka Modric, protagonist absolut kundër Bologna, me golin e parë si kuqezi. “Madhështor, një monument në lëvizje. I përulur, i mrekullueshëm. Vetëm kjo mjafton: përulësia, thelbi dhe eleganca”.
    Modric vazhdon të shkruajë historinë. Në moshën 40 vjeç e 5 ditë, ai është bërë mesfushori më i vjetër që shënon në Serie A, duke përmirësuar rekordin e Nils Liedholm (38 vjeç e 169 ditë, më 26 mars 1961 kundër Interit).
    “OptaPaolo” shkroi në “X”: “Luka Modric (40 vjeç e 5 ditë) është mesfushori më i moshuar që ka shënuar në historinë e Serie A, duke kaluar rekordin e Nils Liedholm. I pjekur”.

  • “Skuqet” Allegri. Milan i falet Luka Modric dhe fiton ngushtë ndaj Bologna (video)

    “Skuqet” Allegri. Milan i falet Luka Modric dhe fiton ngushtë ndaj Bologna (video)

    14 Shtator 2025

    22:47

    Telesport

    Milan ka fituar 1-0 në “San Siro” ndaj Bologna, sfidë e vlefshme për javën e tretë në Serie A. Një pjesë e parë e jo e mirë për kuqezinjtë, pa shumë raste, e cila mbyllet në barazim pa gola.
    Në minutën e 55-të, Mike Maignan lë fushën e lojës i dëmtuar në pulpë dhe në vend të tij futet Pietro Terracciano, ndeshja e parë me kuqezinjtë. Në vijim do mësohet edhe shkalla e dëmtimit të portierit francez dhe sa kohë do mungojë.
    Në minutën e 60-të, Luka Modric e bën “sefte” dhe shënon golin e parë me fanellën e Milanit. Kroati shënoi me një goditje të bukur pranë zonës së penalltisë, pas asistit të marrë nga Saelemaekers.
    Në fund të kohës së rregullt, Max Allegri ndëshkohet me karton të kuq për shkak proteste. Kuqeznjtë pretenduan për një penallti të padhënë, por VAR dhe arbitri kryesor i takimit menduan ndryshe.  Milan fiton 1-0 dhe ngjitet në vendin e 5-të me 6 pikë, Bologna renditet në vendin e 13-të me 3 pikë.
    SHIKOGOLINEMODRIC

  • Modric vlerëson patriotin e tij që luan me Inter: Kënaqësi kur luaj me të, e pres në derbi

    Modric vlerëson patriotin e tij që luan me Inter: Kënaqësi kur luaj me të, e pres në derbi

    10 Shtator 2025

    10:08

    Telesport

    Mesfushori i Milan, Luka Modric, është i çmendur pas Petar Sucic, talentit 21-vjecar kroat që këtë sezon pritet të debutojë me Inter. Në një deklaratë për”sportmediaset”, Modric vlerësoi patriotin e tij.
    “Ai është një lojtar shumë i fortë dhe një djalë i mirë. Ne kishim luajtur tashmë së bashku dhe ai kishte treguar cilësitë e tij. Nuk është rastësi që ai nënshkroi për një klub të nivelit të lartë si Inter. Do ta njihni më mirë dhe do ta shihni talentin e tij. Ai ende mund të përmirësohet”, tha Modric.
    Më tej, veteran kroat shtoi: “Më pëlqen të luaj me të dhe shpresoj që ai të vazhdojë të përmirësohet. Edhe pse, patjetër do të përballemi me njëri-tjetrin në derbi së shpejti dhe do të shohim se si do të më trajtojë”.
    “Shpresoj që ai të më respektojë dhe të mos nxitohet shumë, por tani për tani, po e shijoj të luaj me të. Brezi ynë është unik; ata kanë arritur rezultate të pabesueshme, por ka lojtarë të rinj si Sucic që mund të arrijnë lartësi edhe më të mëdha”, tha Modric.

  • Sot 40 vjeç, gjeniu Luka Modriç ende produktiv

    Sot 40 vjeç, gjeniu Luka Modriç ende produktiv

    Ditë e veçantë për mesfushorin e ndërkombëtarizuar Luka Modriç. Sot Topi i Artë 2028 mbush 40 vjeç dhe ka arse të shumta për t’u ndjerë krenar.

    Ai është një nga lojtarët më të mirë të të gjitha kohërave dhe kjo dihej që herët kur shpëetheu te Real Madrid. Në natën para ditëlindjes së tij të 40-të, Luka ishte protagonist në fitoren 4-0 të Kroacisë ndaj Malit të Zi në Zagreb për kualifikueset e Kupës së Botës 2026.

    Kapiteni legjendar i Kroacisë u prit me duartrokitje të zjarrta nga e gjithë turma e tifozëve në “Maksimir” ndërsa u largua nga fusha për t’i hapur rrugën Moros të Bolonjës nëntë minuta para fundit. Me këtë fitore, Kroacia i është bashkuar Republikës Çeke në krye të grupit të saj dhe gjithashtu ka një ndeshje më pak të zhvilluar

    Ndërkohë pas fitores 4-0 ndaj Malit të Zi, Luka Mudriç komentoi vitet e tij mbi supe:

    “Faleminderit Kombëtares, stafit dhe shokëve të ekipit, por edhe tifozëve që janë gjithmonë aty, dhe e bënë këtë ditë të veçantë. Më duket joreale që unë do të mbush 40 vjeç nesër, por e vetmja gjë e rëndësishme është që të jemi të shëndetshëm dhe të ndihemi mirë.”/ Sportiim.al/

    Vazhdo leximin

  • Modric rrëfen ditët e para si milanist: Duket që është një nga klubet më të mëdha në botë

    Modric rrëfen ditët e para si milanist: Duket që është një nga klubet më të mëdha në botë

    8 Shtator 2025

    13:05

    Telesport

    Nga grumbullimi i kombëtares së Kroacisë, mesfushori Luka Modric ka folur për aventurën e tij të re me fanellën e Milan. Ai ka dhënë përshtypjet e tij të para për ditët që ka kaluar në Milanello.
    “Kjo fazë e parë e adaptimit ka qenë shumë e rëndësishme për mua. Mund të them vetëm gjëra pozitive për klubin, skuadrën, trajnerin dhe shokët e mi të rinj të skuadrës”, tha Modric.
    “Të gjithë më kanë pritur shumë mirë, në mënyrën më të mirë të mundshme. Jam entuziast për klubin dhe madhështinë që ai ka. Duket që është një nga klubet më të mëdha në botë”, shtoi kroati.
    “Aktualisht, Milan nuk është në nivelet dhe rezultatet e dikurshme, por jemi të gjithë duke punuar që të shkojmë në ato nivele”, tha Modric, që ka debutuar në kampionat me kuqezinjtë.

  • Përfundon epoka e Levy te Tottenham. Nga Modric te Bale, ja 5 blerjet më të mira të tij

    Përfundon epoka e Levy te Tottenham. Nga Modric te Bale, ja 5 blerjet më të mira të tij

    6 Shtator 2025

    9:05

    Alfred Lleshi

    Nga 4 shtatori është zyrtar largimi i Daniel Levy, presidentit ekzekutiv historik të Tottenham, i cili qëndroi në post për gati 25 vite. Ky drejtues bëri epokë në një klub jo gjithmonë të qëndrueshëm në nivelet më të larta.
    Megjithatë, nën drejtimin e tij, Tottenham u transformua rrënjësisht, duke marrë pjesë në garat europiane në 18 nga 20 sezonet e fundit dhe afirmuar si një nga klubet më të njohura globalisht. Levy tha: “Jam jashtëzakonisht krenar për punën e bërë së bashku me stafin drejtues dhe të gjithë punonjësit. E kemi transformuar këtë klub në një gjigant botëror, që konkurron në nivelet më të larta”.
    Mes blerjeve më të mira të tij përmendim: Gareth Bale, i ardhur për rreth 10 milionë £ më 2007 dhe që u bë yll i “Spurs”; Son Heung-min me 450 ndeshje dhe mbi 170 gola që nga viti 2013; Luka Modric, ardhur nga Dinamo Zagreb më 2008, para se të transferohej te Real Madridi për 30 milionë £; dhe emra të tjerë si Jermain Defoe e Jan Vertonghen.

  • Përvoja para rinisë, Serie A zgjedh kampionët e konsoliduar. Nga Modric te De Bruyne, ja 8 yjet mbi 34 vjeç

    Përvoja para rinisë, Serie A zgjedh kampionët e konsoliduar. Nga Modric te De Bruyne, ja 8 yjet mbi 34 vjeç

    5 Shtator 2025

    10:27

    Alfred Lleshi

    Serie A po bëhet gjithnjë e më pak “rijoshe”. Merkatoja e fundit ka sjellë në Itali disa emra të mëdhenj, por edhe me shumë vite mbi supe. Në foton bashkëngjitur shfaqet Luka Modric, 39 vjeç, tashmë pjesë e Milanit, simbol i këtij trendi.
    Sidoqoftë, lista është e gjatë: Raul Albiol (Pisa) dhe Edin Džeko (Fiorentina), të dy 39 vjeç; Jamie Vardy (Cremonese) 38 vjeç; Juan Cuadrado (Pisa) dhe Nemanja Matić (Sassuolo), secili nga 37 vjeç; Ciro Immobile (Bologna) 35 vjeç; e deri te Kevin De Bruyne (Napoli), “më i riu” i grupit të veteranëve, 34 vjeç.
    8 futbollistë “over”, të bujshëm, që tregojnë se Serie A ka zgjedhur të përfitojë nga përvoja dhe klasi i kampionëve të konsoliduar. Përtej moshës, këto lojtarë pritet të sjellin personalitet, mentalitet fitues dhe vlerë teknike, duke e bërë kampionatin italian një skenë ku rinia nuk është gjithmonë kushti kryesor për të shkëlqyer.

  • Cassano bën parashikimin “e frikshëm”: Allegri do ta mbajë Modric jashtë formacionit startues, siç bëri me Pirlon

    Cassano bën parashikimin “e frikshëm”: Allegri do ta mbajë Modric jashtë formacionit startues, siç bëri me Pirlon

    4 Shtator 2025

    13:07

    Alfred Lleshi

    Cassano ka folur hapur se si mund të formohet mesfusha kuqezi pas afrimit të Rabiot: “Allegri ka shtyrë për ardhjen e Rabiot, është një lojtar i rëndësishëm që në Serie A bën diferencën. Ai dhe Loftus-Cheek janë tipikët e mesfushorëve që i pëlqejnë atij. Francezi në afatgjatë mund të lërë jashtë formacionit Modric, sepse Allegrit nuk i pëlqejnë kësi lojtarësh”.
    Cassano kujtoi rastin e Pirlos, që u largua nga Milani pasi Allegri preferonte lojtarë të tjerë: “Me Pirlon e mbajmë mend çfarë ndodhi. Për mua Modric duhet të luajë, pastaj gjithë pjesa tjetër e Milanit, por në idenë e tij…, kini kujdes me atë që po ju them”.
    Ish-sulmuesi, kampion i Italisë me Milanin e Allegrit më 2011, nuk i kurseu kritikat as për dështimin me Santi Gimenez, ndërsa paralajmëroi se mesfusha kuqezi mund të ndryshojë më shumë se sa pritet.

  • Modric, Jashari, Rabiot, Ricci…; a ka tashmë Milani mesfushën më të fortë në Serie A?

    Modric, Jashari, Rabiot, Ricci…; a ka tashmë Milani mesfushën më të fortë në Serie A?

    2 Shtator 2025

    12:35

    Alfred Lleshi

    Në mesfushën e Milanit spikat Luka Modric, fitues i “Topit të Artë”, legjendë me 34 trofe, përfshirë 6 Champions League. Së bashku me Adrien Rabiot, i cili ka 21 trofe mes PSG dhe Juventusit, dhe Ardon Jasharit, i dëmtuar aktualisht, mesfusha e kuqezi duket e pasur me eksperiencë dhe liderë. Samuele Ricci është gjithashtu alternativë luksi.
    Me Modric dhe Rabiot si bosht, mesfusha kuqezi ka përvojë ndërkombëtare dhe shumë opsione taktike. Modric, gati 40 vjeç, e ka nisur titullar, ndërsa të rinjtë Ricci dhe Jashari mund të përdoren për të menaxhuar forcat, ose ndryshuar rolet.
    Allegri ka gjithashtu Loftus-Cheek dhe Fofana, të ndryshëm, por të adaptueshëm, që mund të sjellin gola dhe përforcim të mbrojtjes. Me këtë përbërje, mesfusha e Milanit është një nga më të kompletuarat në Serie A, duke kombinuar cilësi, eksperiencë dhe freski fizike të rinjsh.