Lajmidites.com

Tag: modric

  • Kandidati numër 1 për të zëvendësuar Luka Modric, Real zgjedh yllin e Liverpoo

    Kandidati numër 1 për të zëvendësuar Luka Modric, Real zgjedh yllin e Liverpoo

    23 Maj 2025

    19:12

    Telesport

    Luka Modric do të luajë këtë fundjavë ndeshjen e fundit me fanellën e Real Madrid. Kroati do të largohet nga Madrid pas plot 13 sezonesh, aty ku ka fituar çdo trofe të mundshëm që mund të fitojë një lojtar në nivel klubesh.
    Ndërkohë, klubi madrilen ka nisur nga puna për të gjetur një zëvendësues të denjë për Modric. Dëshira emadhe e Xabi Alonso-s dhe e gjithë stafit drejtues të Real Madrid është Alexis Mac Allister, mesfushori argjentinas i Liverpool.
    Në Madrid janë të bindur se Mac Allister është profili i duhur për t’i besuar rolin kryesor në mesfushë, por bisedimet me Liverpool nuk do të jenë aspak të lehta. Vlera e Mac Allister është rreth 90-100 milionë euro, por duket shumë e vështirë që kampioni i Anglisë të heq dorë prej argjentinasit. Gjithsesi, merkato e verës ende nuk ka nisur zyrtarisht dhe do jetë shumë e gjatë dhe e “nxehtë” për të dy klubet.

  • “Fitove diçka që nuk ka çmim”, Mbappe: Për këtë je LEGJENDË

    “Fitove diçka që nuk ka çmim”, Mbappe: Për këtë je LEGJENDË

    23 Maj 2025

    15:30

    Telesport

    Ylli i Real Madridit, Kylian Mbappe, ka përdorur llogarinë e tij në Instagram për të ndarë një mesazh të përzemërt për shokun e tij të skuadrës, Luka Modric, pas njoftimit të largimit të tij të afërt nga klubi.
    Mesfushori veteran do të largohet nga gjigantët spanjollë sapo kontrata e tij të skadojë në fund të sezonit.
    Kylian Mbappe shprehu krenarinë e tij që pati mundësinë të luante për Los Blancos përkrah Modric në postimin e tij në Instagram.
    Francezi e përshkroi shokun e tij të skuadrës si një person të mrekullueshëm dhe një nga lojtarët më të mirë në historinë e futbollit. Ai iu referua Luka Modric si një legjendë që fitoi gjithçka që mund të fitohet në Real Madrid.
    “Isha me fat që munda të luaja dhe të ndaja dhomën e zhveshjes me ty këtë sezon. E pashë më nga afër se çfarë do të thotë në të vërtetë MADHËSHTI… Përpara se të ishe një nga lojtarët më të mirë të të gjitha kohërave, je një person i mrekullueshëm.
    “Ti shkrove historinë e klubit më të mirë në botë për më shumë se një dekadë dhe fitove gjithçka.
    “Por ti fitove diçka që nuk ka çmim: respektin dhe admirimin e botës. Faleminderit për gjithçka LEGJENDË”.

  • Luka Modric, disa fakte nga jeta private. Gruaja misterioze, fëmijët dhe bizneset jashtë futbollit

    Luka Modric, disa fakte nga jeta private. Gruaja misterioze, fëmijët dhe bizneset jashtë futbollit

    Mesfushori i Real Madridit, Luka Modric, do të luajë këtë fundjavë ndeshjen e tij të fundit si lojtar i “Los Blancos”, pasi njoftoi të enjten se do të largohet nga merenguesit pas 13 vitesh të mbushura me trofe individualë, përfshirë edhe “Topin e Artë” në vitin 2018.
    Përtej rekordeve të arritura në fushën e blertë, kroati e ka ndërtuar një pjesë të madhe të jetës së tij në kryeqytetin spanjoll, pas një fëmijërie të vështirë në Ballkan, ku ishte një nga mijëra refugjatët që u detyruan të kërkonin shtëpi të re për shkak të luftës.
    Cila është Vanja Bosnic, gruaja e ModricModric dhe bashkëshortja e tij janë njohur përpara se të transferoheshin në Madrid. Madje, ishte pikërisht Vanja, ajo që negocioi me klubin madrilen kushtet e transferimit të mesfushorit nga Tottenhami në vitin 2012. Një marrëveshje që askush nuk e imagjinonte se do të rezultonte kaq e suksesshme.
    Megjithatë, dihet shumë pak për profilin e Vanja Bosnic, pasi ajo është një grua e rezervuar, e cila i qëndron larg vëmendjes mediatike që sjell martesa me një futbollist të elitës. Ajo nuk ka rrjete sociale dhe ruan privatësinë e saj.
    Vanja ka lindur në Zagreb dhe ka studiuar ekonomi në universitet, një diplomë që e ndihmoi të punësohej në “Agjencinë Sportive Mamic”, aty ku njohu Modric, i cili në atë kohë luante për Dinamon e Zagrebit. Dihet vetëm se çifti u martua në vitin 2010 dhe atë vit lindi djali i tyre i parë, Ivano. Më pas lindën vajzat Ema, në vitin 2013, dhe Sofia, në vitin 2017.
    Bizneset e Luka ModricPjesën më të madhe të karrierës së tij, Luka Modric i është përkushtuar sportit profesionist, por në vitin 2020 vendosi të bëjë një hap më tej, duke investuar në kompaninë “Modric Family SL”. Një biznes i fokusuar në menaxhimin e pasurive të paluajtshme.
    Disa muaj më parë u bë e ditur se futbollisti kishte injektuar 6 milionë euro shtesë në kompani, duke e çuar totalin e investimit në 16.5 milionë euro. Falë zgjerimeve të kapitalit, vlera totale e kompanisë ka arritur në 38.5 milionë euro.
    Ndër pronat që janë blerë përmes kësaj shoqërie përmendet një truall në lagjen “El Viso”, një nga zonat më të shtrenjta të Madridit. Gjithashtu, janë blerë tri apartamente të reja në Valdebebas dhe tri vende parkimi. Në total, kompania zotëron 14.7 milionë euro. Kjo shoqëri menaxhohet kryesisht nga bashkëshortja e tij, e cila përdor njohuritë në ekonomi për të drejtuar me sukses aktivitetin e saj.
    Përveç kësaj, Modric zotëron një pjesë të vogël të aksioneve në klubin anglez të futbollit Swansea City. Po ashtu, është bashkëpronar në kompaninë “Sportening”, një platformë që synon të bashkojë tifozët e sportit nga e gjithë bota.
    Ja mesazhet përshëndetëse të disa futbollistëve, kur morën vesh lamtumirën e Modric nga Real Madridi:

    Kylian Mbappe:
    “Brate,
    Ndihem me fat që isha në gjendje të luaja dhe të ndaja dhomën e zhveshjes me ty këtë sezon. Pashë nga afër se çfarë do të thotë vërtet MADHËSHTI… Para se të jesh një nga lojtarët më të mirë të të gjitha kohërave, je një person i mrekullueshëm.
    Ti shkrove historinë e klubit më të mirë në botë për më shumë se një dekadë dhe fitove gjithçka. Mbi gjithçka fitove diçka që nuk ka çmim: respektin dhe admirimin e botës.
    Faleminderit për gjithçka LEGJENDË!”

    Jude Bellingham
    “E vetmja gjë që ma tejkalon trishtimin tani është mirënjohja që ndjej, kam pasur nderin të jem shoku juaj i skuadrës.
    Kaq shumë kujtime të bukura brenda dhe jashtë fushës që do t’i ruaj përgjithmonë. Magjia jote nuk ishte kurrë një surprizë dhe nuk ka asgjë që mund të them, që nuk është thënë tashmë për arritjet e tua të pabesueshme, por përulësia jote, hapja dhe koha që ke rezervuar për çdo person, në çdo rrethanë, më ka mahnitur. Ti je një kujtesë e vazhdueshme e gjithçkaje që është e bukur rreth futbollit.
    Brate, nga zemra faleminderit per çdo pasim (qoftë me të brendshmen apo të jashtmen), çdo bisedë, çdo përqafim, çdo darkë dhe çdo grimcë urtësie dhe këshille që më dhe.
    Paç fat në çdo gjë që vjen më pas për ju dhe familjen tuaj. Madridistë, le ta thyejmë çatinë e ‘Bernabeu’, me tribunat të mbushura të shtunën për kapitenin tonë”

    “Sa e vështirë të thuash lamtumirë, Luka… Kalova vite duke ndarë një dhomë zhveshjeje me një legjendë.
    Historia jote në Madrid është e pakrahasueshme: 13 sezone, 28 tituj dhe të gjitha të shkruara me elegancë, talent dhe një përulësi që më mësoi më shumë se një mijë fjalë. Faleminderit për çdo këshillë, për mënyrën tuaj të lojës dhe gjithashtu për mënyrën tuaj të të qenit. Futbolli juaj ishte art.
    Sjellja juaj me mua ishte si një dhuratë. Mësova duke vëzhguar pasimet e tua me të jashtmen, por mbi të gjitha mësova nga bujaria jote e përditshme. Do të më mungosh. Faleminderit për gjithçka, mjeshtër. Të dua shumë”.

    Sergio Ramos:
    “I thotë lamtumirë Real Madridit një gjeni, një mik, një vëlla që futbollin e ka bërë art. Nje nga ata lojtare për të cilët Madridi mbushi stadiumin dhe bota qëndroi para ekranit në çdo ndeshje.
    Një lojtar i jashtëzakonshëm për cilësinë e tij futbollistike dhe njerëzore, një nga ata njerëz për të cilin jam krenar që mund ta quaj mik. Dritat e vëmendjes në ‘Bernabéu’ nuk do të ndizen përsëri për t’ju parë në fushën e blertë, por librat e historisë së Real Madridit do t’ju kenë gjithmonë pranë më të mëdhenjve.
    Vëlla, ne madrilenët kemi vetëm një fjalë për të ta kushtuar ty: FALEMINDERIT!
    Gjithë të mirat në kapitullin tjetër. Jam i sigurt që do ta jetojmë nga afër. Të dua shumë, Lukita ime”.

    Fede Valverde:
    “Kam mësuar këmbënguljen nga ju. Për të pritur momentin, përulësinë dhe sa i madh mund të bëhet një person duke folur në fushë.
    Mirënjohës që kam luajtur përkrah jush për shtatë vite.
    Mirënjohës që jemi bashkëkohës të golave tuaj, të pasimeve tuaja me tre gishta, të cilat do të na mungojnë.
    Mirënjohës që isha pjesë e vogël e historisë tënde, por faleminderit që ishe pjesë e madhe e imja”.

    Marcelo: 
    “Luka im i dashur…
    Sot është një nga ato ditët kur zemra ime dhemb. Vëllai im, partneri im në kaq shumë beteja, i thotë lamtumirë klubit që ishte shtëpia jonë për më shumë se dhjetë vite.
    Luka, kemi ndarë më shumë se ndeshje futbolli bashkë. Ndamë ëndrrat, triumfet, disfatat, të qeshurat dhe heshtjet. Ti ishe shumë më tepër se një shok skuadre; ishe dhe do të mbetesh gjithmonë një LEGJENDË.
    Talenti juaj, përulësia juaj, mënyra juaj e të jetuarit të futbollit dhe jetës… janë frymëzim i pastër. Është e vështirë të imagjinohet zhveshtorja pa ty, fusha pa pasimet e tua të pamundura, pa përkushtimin tënd të heshtur, por gjigant.
    Faleminderit për çdo moment, çdo bisedë, çdo vështrim të njohur gjatë ndeshjeve. Faleminderit që më mësove kaq shumë, brenda dhe jashtë fushës.
    Në 13 vite ke bërë histori me klubin më të mirë në botë, por jo vetëm madrilenët të duan, e gjithë bota të vlerëson.
    Të dua, vëlla. Kjo nuk është lamtumirë, por shihemi më vonë.
    Dhe si gjithmonë, unë do të jem këtu, duke të mbështetur në çdo hap.

  • Luka Modriç largohet nga Reali i Madridit, e konfirmon vetë klubi spanjoll

    Luka Modriç largohet nga Reali i Madridit, e konfirmon vetë klubi spanjoll

    Adriatik BALLA
    Reali i Madridit ka konfirmuar të enjten se Luka Modriç do të largohet nga skuadra në fund të sezonit. Mesfushori kroat ndeshjen e fundit në stadiumin “Bernabeu” do ta luajë të shtunën ndaj Real Sociedadit, ndërsa do të largohet pas Kupës së Botës për Klube. “Real Madridi dhe kapiteni Luka Modriç janë pajtuar që ta mbyllin periudhën e paharrueshme në fund të Kupës së Botës për Klube, ku skuadra jonë do të luajë prej 18 qershorit në Shtetet e Bashkuara të Amerikës”, ka shkruar ndër të tjera klubi madrilen. 39-vjeçari Modriç ka zhvilluar 590 ndeshje për gjigantin spanjoll ndërsa ka shënuar 43 gola qëkur u transferua nga Totenhemi në vitin 2012. Ai u bë edhe lojtari më i dekoruar në historinë e Real Madridit, duke fituar ndër të tjera katër tituj në La Liga dhe gjashtë Liga të Kampionëve, mes 28 trofeve që i ka me klubin mbretëror pas 13 vjetësh. Në vitin 2018, ai u emërua fitues i “Topit të Artë” për rolin që e pati te Real Madridi në suksesin e dyfishtë të Real Madridit, dhe në rrugëtimin e Kroacisë deri në finale të Kupës së Botës.
    Ai u bë lojtari i parë që e ndali dominimin e Lionel Mesit dhe Kristiano Ronaldos për këtë çmim. Largimin e ka bërë të ditur edhe mesfushori kroat. “Të dashur tifozë të Madridit. Koha ka ardhur. Momenti që nuk doja të vijë kurrë, por ky është futbolli, dhe në jetë çdo gjë e ka fillimin dhe fundin. Të shtunën do ta luajë ndeshjen e fundit në Santiago Bernabeu”, është shprehur ndër të tjera mesfushori i famshëm kroat, Luka Modriç. Ndërkohë, kanë dalë edhe detajet e para në lidhje me marrëveshjen e dështuar mes kroatit dhe Realit për rinovim. Duket se mes palëve ka pasur mirëkuptim për shkëputjen e marrëdhënieve, por kjo mbetet për tu parë edhe në ditët në vijim. Lajmin për ndarjen e bëri të ditur gazetari i njohur Fabrizio Romano, duke theksuar se ndarja mes palëve ka ndodhur në kushte të shkëlqyera dhe me respekt të ndërsjellë. Modriç kishte shprehur dëshirën për të qëndruar, por drejtuesit e klubit madrilen kanë vendosur të mos e rinovojnë kontratën e mesfushorit legjendar, duke hapur rrugën për brezin e ri që po formësohet në “Santiago Bernabeu”. Kroati largohet si një nga figurat më të ndritura në historinë e Real Madridit, me 13 sezone të lavdishme dhe një koleksion të jashtëzakonshëm trofesh. Ai ka qenë një lider brenda dhe jashtë fushës, dhe një model profesionalizmi për bashkëlojtarët e tij.

  • Modriç largohet nga Real Madrid

    Modriç largohet nga Real Madrid

    Luka Modriç ka njoftuar largimin e tij nga Real Madridi në fund të sezonit.
    Kroati 39-vjeçar, ka qenë pjesë e gjigantëve spanjollë për 13 vite, pasi u transferua nga Tottenham.
    Gjatë qëndrimit të tij me ‘Los Blancos’, ai u kthye në futbollistin me më shumë tituj të fituar ndonjëherë në klub.
    Në total, Modriç ka bërë të tijët 28 trofe, e madje në 2018 e fitoi garën me Leo Mesin dhe CR7, duke u vlerësuar me “Topin e Artë”.
    Në “Instagram”, kroati u dërgoi një mesazh fansave madrilenë.
     “Të dashur tifozë të Realit, koha ka ardhur! Momenti që unë kurrë nuk doja që të vinte, por ky është futbolli dhe në jetë çdo gjë ka një fillim e një fund. Të shtunën, unë do të luaj ndeshjen time të fundit në ‘Santiago Bernabeu”.
    Modriç e bëri të qartë se edhe pse nuk do ta mbajë më veshur fanellën e galaktikëve, ai gjithnjë do të jetë një tifoz i Realit.
    Sfida e radhës në Madrid do të jetë kundër Sociedadit.
    Ndërsa takimet e fundit të mesfushorit kroat do të jenë kundër Al Hilal, Salzburg dhe Pachuka-s në botërorin e klubeve në SHBA, që do të zhvillohet në verë.
    Presidenti Florentino Perez shkroi se Luka Modriç gjithnjë do të ngelet në zemrat e fansave të Realit si një futbollist unik dhe për t’u marrë shembull, që gjithnjë ka përfaqësuar vlerat e klubit.

  • Largimi i legjendës Modric sinjalizon epokën e re të Xabi Alonsos në Madrid

    Largimi i legjendës Modric sinjalizon epokën e re të Xabi Alonsos në Madrid

    22 Maj 2025

    16:55

    Telesport

    Real Madrid po bëhet gati të nisë një epokë të re me trajnerin Xabi Alonso.
    Ndryshimi i parë i beftë është largimi i legjendës Luka Modric, i cili sot zyrtarisht njoftoi se ky është fundi i aventurës së tij me fanellën e bardhë.
    39-vjeçari iu bashkua Real Madridit në vitin 2012 dhe është një nga lojtarët më të suksesshëm në historinë e klubit spanjoll.
    Ai fitoi Topin e Artë në vitin 2018, duke u bërë legjendë e padiskutueshme e futbollit. Kroati ka ngritur 6 herë trofeun e Ligës së Kampionëve dhe me kombëtaren e tij ka arritur deri në finalen e Kupës së Botës.

  • Real Madridi mendon edhe për largimet, 4 lojtarë “vulosin” të ardhmen në maj

    Real Madridi mendon edhe për largimet, 4 lojtarë “vulosin” të ardhmen në maj

    Lucas Vázquez, Luka Modrić, Fran García dhe David Alaba do të luajnë për të ardhmen e tyre te Real Madridi gjatë muajit maj. Dy të parëve iu skadon kontrata në qershor dhe, sipas asaj që raporton “AS”, spanjolli ka më pak gjasa të vazhdojë me “Los Blancos”.
    Vázquez do t’i japë përparësi qëndrimit, por afrimi gjithnjë e më i mundshëm i Trent Alexander-Arnold, rinovimi i Dani Carvajal, pavarësisht dëmtimit të rëndë, dhe preferenca e Ancelottit për Federico Valverde në atë rol, e largojnë nga Valdebebas.
    Modrić, që në shtator mbush 40 vjeç, është i bindur se mund të luajë edhe një vit me Real Madridin dhe të synojë Kupën e Botës 2026 me Kroacinë. Nëse do të varej nga trajneri aktual, ai do të rinovonte, por konkurrenca në mesfushë pritet të shtohet, me Martín Zubimendi si objektiv kryesor përforcues. Gjithashtu, mbetet për t’u parë se cili do të jetë trajneri i ardhshëm i Realit.
    Fran García, me kontratë deri në vitin 2027, është aktivizuar shpesh, por jo në momentet kyçe të sezonit. Bisedimet për të afruar Alphonso Davies, para dëmtimit të tij, e vënë gjithashtu në një situatë të pasigurt. Megjithatë, mungesa e alternativave të vërteta në krahun e majtë mund ta shtyjë klubin ta mbajë.
    Së fundi, është rasti i David Alaba, i cili ka munguar për më shumë se një vit dhe kjo ndikon në formën e tij. Problemi tjetër është paga: 12 milionë euro neto në vit deri më 2026, shumë e madhe për një lojtar që nuk ofron garanci fizike. Real Madridi tashmë ka në dispozicion Raúl Asencio, Éder Militão dhe Joan Martínez, ndaj largimi i Alaba nuk do të ishte i papranueshëm për klubin e bardhë.

  • Luka Modric blen aksionet e klubit Swansea

    Luka Modric blen aksionet e klubit Swansea

    Ende nuk është ndarë nga futbolli i luajtur, por Luka Modric i ka idetë e qarta për të ardhmen pasi ka blerë aksione në klubin uellsian të Swansea (Championship), që mund të jetë pjesë e Premier League dhe në të kaluarën ka qenë pjesë e elitës angleze.Luka Modriç ka blerë një përqindje të vogël aksionesh. Kroati ka habitur tifozët , të cilët në rrjetet sociale kanë shprehur habinë për këtë vendim të kroatit, i cili kërkon të luajë edhe për një tjetër vit me Real Madridin.
    Në një video mesazh, Modric deklaroi se është një mundësi emocionuese. Kroati tha se qëllimi i tij është që të mbështesë në rritjen e klubit, për t’i ndihmuar për të ardhmen.“Kjo është një mundësi emocionuese. Swansea ka një identitet të fortë dhe një tifozeri të jashtëzakonshme dhe ambicien për të konkurruar në nivelin më të lartë. Të luash në nivelin më të lartë, unë besoj se mund të dhuroj përvojën time tek klubi. Qëllimi im është ta mbështes rritjen e klubit në një mënyrë pozitive për të ndihmuar të ndërtojmë një të ardhme emocionuese”, tha Modric.
    Siç dihet FIFA i lejon futbollistëve që të zotërojnë aksione të skuadrave të tjera edhe nëse luajnë ende me kushtin e vetëm që të mos zotërojnë ekipe të të njëjtit shtet ku aktivizohen.

  • Luka Modriç mendon për të ardhmen pasi të tërhiqet nga futbolli, blen aksionet e klubit britanik

    Luka Modriç mendon për të ardhmen pasi të tërhiqet nga futbolli, blen aksionet e klubit britanik

    Adriatik BALLA
    Një nga futbollistët më të mëdhenj të viteve të fundit dhe absolutisht lojtari më i mirë kroat i të gjitha kohërave, Luka Modriç, i vetmi që fitoi një “top të Artë” nga rajoni ballkanik, nuk ka ndërmend të ndalet në fushë, por këtë herë edhe jashtë saj, pasi po mendon që tani për të ardhmen, duke blerë aksionet e një klubi britanik. Në fakt, gjithnjë e më shumë, futbollistët më të mëdhenj në botë po zgjedhin të investojnë në vetë lojën, madje edhe gjatë kohës që janë ende aktivë. Superylli kroat dhe mesfushori i Real Madridit, Luka Modriç, është bërë lojtari më i fundit në radhët e “Los Blancos” që ka vendosur të investojë në një klub futbolli. 39-vjeçari, i cili këtë sezon është bërë jo vetëm lojtari më i moshuar në historinë e Real Madridit, por edhe golashënuesi më i vjetër në histori për klubin, nuk ka në plan të pensionohet së shpejti.
    Sipas Fabrizio Romano, Modriç synon të jetë pjesë e Kroacisë edhe në Kupën e Botës 2026 dhe dëshiron të vazhdojë të luajë për Real Madridin. Por përveç karrierës së tij si lojtar, Modriç ka ndërmarrë një hap të ri duke u bërë bashkëpronar i klubit uellsian Suansi Siti. Nuk është bërë ende publike se çfarë përqindje të klubit ka blerë, por ai tashmë do të ketë mundësinë të japë mbështetje dhe këshilla për zhvillimin e klubit në “Liberty Stadium”. Ky investim nuk është sinjal për një tërheqje të afërt nga futbolli. Sipas Romanos, Modriç dëshiron të vazhdojë të luajë aktivisht dhe specifikisht të mbetet pjesë e Real Madridit edhe përtej këtij sezoni.
    Ai i bashkohet kolegëve të tij si Kilian Mbape dhe Vinicius Junior, të cilët gjithashtu kanë aksione në klube futbolli — megjithatë, në rastin e tyre si aksionarë kryesorë. Vinicius bleu shumicën e aksioneve të klubit portugez FC Alverca në shkurt, i cili aktualisht renditet i treti në ligën e dytë dhe po synon ngjitjen në Primeira Liga. Ndërkohë, Mbape bleu SM Caen, por situata në klub është përkeqësuar — pas disa shkarkimeve trajnerësh, ata janë në rrugë të sigurt drejt rënies në kategorinë e tretë franceze. Sa i përket paraqitjeve këtë sezon, Modriç ka qenë një lojtar me rol dytësor nën drejtimin e Karlo Ançelotit, pasi humbi vendin si titullar sezonin e kaluar. Deri tani ka regjistruar 48 paraqitje, 4 gola dhe 7 asistime. Së fundmi, janë shfaqur raportime se Reali i Madridit mund të lejojë skadimin e kontratës së tij në verë — por me përkushtimin që ka treguar Modriç, asgjë nuk është e sigurt. Modriç, sipas deklaratave që ka dhënë trajneri Ançeloti, është një shtyllë e rëndësishme e skuadrës madrilene.

  • Modriç si Mbape e Vinicius, blen klubin uellsian

    Modriç si Mbape e Vinicius, blen klubin uellsian

    Mesfushori i Real Madridit, Luka Modriç me gjasë po mendon që pas kontributit në fushë si futbollist, të investojë në një klub futbolli.

    Sipas Fabricio Romanos, Modriç ndërsa ai ka ambicje për të qenë pjesë e Kroacisë edhe në Kupën e Botës 2026 do të njihet në vijim si një investitor klubi.

    Modriç ka vendosur të marrë një hap të ri duke u bërë bashkëpronar i klubit uellsian Svansa Siti.

    Nuk është bërë ende publike se sa përqindje të klubit ka blerë, mirpo ai duket shumë pranë kësja nisme.

    Sikundër shokët e skuadrës Kilian Mbape dhe Vinicius, të cilët gjithashtu kanë aksione në klube futbolli edhe kroati duket se po bën të njëjtën gjë në sport. Mbape me aksione te Kaen në Francë ndërsa braziliani te Alverka në Portugali.

    Vazhdo leximin