Lajmidites.com

Tag: model

  • Zbulohet makina që do të mbajë Papa Leoni XIV

    Zbulohet makina që do të mbajë Papa Leoni XIV

    Bota E Premte, 23 Maj 2025 14:31
    Papa Leoni XIV ka zgjedhur një model shumëfunksional nga një prodhues gjerman i automobilave për të realizuar detyrat e tij të përditshme. Papa ka zgjedhur sakaq një automjet tip ”Volkswagen” për detyrat e tij të përditshme. Është një model Multivan, që duket si një hotel luksoz mbi rrota.
    Furgoni i Volkswagen, i disponueshëm edhe në një version me një bazë të zgjatur midis rrotave, bazohet në platformën modulare MQB dhe është 1.94 metra i gjerë, 4.97 metra i gjatë dhe 1.90 metra i lartë.

    Marka gjermane e përshkruan atë si një dhomë ndenjeje mbi rrota, dhe falë opsioneve të ndryshme të ulëseve e hapësirës së madhe të bagazheve, është i përshtatshëm për një sërë skenarësh lëvizshmërie.
    Zgjedhja e Papës për Volkswagen Multivan vë në fokus teknologjitë moderne dhe efikasitetin, ndërsa përdorimi i një sistemi hibrid thekson shqetësimin mjedisor

  • Refuzon Fiat 500 e Françeskut, zbulohet makina që do të mbajë Papa Leoni

    Refuzon Fiat 500 e Françeskut, zbulohet makina që do të mbajë Papa Leoni

    Papa Leoni XIV nuk duket si një adhurues i Fiat-it. Kjo pasi Papa amerikan zgjodhi një model shumëfunksional nga një prodhues gjerman i automobilave për të realizuar detyrat e tij të përditshme.
    Krerët e Kishës Katolike kryesisht përdorin një ‘makinë parade’ të hapur Mercedes G-Class si automjetin e tyre zyrtar, por flota përfshin edhe shumë modele të tjera si një Dacia Duster i modifikuar, një Toyota Mirai dhe një Fiat 500 L, me këtë të fundit që ka qenë e preferuara e të ndjerit Papa Françesku.
    Papa Leoni XIV ka zgjedhur sakaq një automjet tip “Volkswagen” për detyrat e tij të përditshme. Është një model Multivan, që duket si një ‘hotel luksoz mbi rrota’.
    Furgoni i Volkswagen, i disponueshëm edhe në një version me një bazë të zgjatur midis rrotave, bazohet në platformën modulare MQB dhe është 1.94 metra i gjerë, 4.97 metra i gjatë dhe 1.90 metra i lartë.
    Marka gjermane e përshkruan atë si një ‘dhomë ndenjeje mbi rrota’, dhe falë opsioneve të ndryshme të ulëseve e hapësirës së madhe të bagazheve, është i përshtatshëm për një sërë skenarësh lëvizshmërie.
    Vëmendje të veçantë meritojnë sediljet e rehatshme, në konfigurimin bazë të rregulluara në mënyrë që dy në rreshtin e dytë të jenë përballë tre në rreshtin e tretë, në mënyrë që të hapet një tavolinë shumëfunksionale midis tyre. Çmimi për një automjet të tillë është është 50,934 euro.
    Automjetet e krerëve të Kishës Katolike, të njohura si Popemobiles, kanë evoluar me kalimin e viteve, duke reflektuar si preferencat personale ashtu edhe nevojat e sigurisë të secilit Papë. Nga automjetet e hapura që lejonin kontakt më të ngushtë me besimtarët te modelet e blinduara dhe miqësore me mjedisin, çdo zgjedhje kishte avantazhet e veta.
    Zgjedhja e Papës për Volkswagen Multivan vë në fokus teknologjitë moderne dhe efikasitetin, ndërsa përdorimi i një sistemi hibrid thekson shqetësimin mjedisor.

  • Eurovizioni rikthehet sonte me gjysmëfinalen e dytë, kë favorizojnë sondazhet?

    Eurovizioni rikthehet sonte me gjysmëfinalen e dytë, kë favorizojnë sondazhet?

    Të gjithë sytë janë te gjysmëfinalja e dytë e konkursit të Këngës Eurovizion 2025, që zhvillohet sonte në Bazel të Zvicrës. Pak çaste më parë, sistemi i njohur i parashikimeve “The Model” publikoi parashikimin e tij përfundimtar për rezultatet e mbrëmjes së të enjtes.
    ‘The Model’ parashikon që Erika Vikman do ta fitojë këtë gjysmëfinale për Finlandën me këngën e saj “Ich Komme”. Finlanda parashikohet të shënojë 179 pikë në këtë gjysmëfinale, duke e vendosur 11 pikë përpara rivalëve më të afërt, Izraelit. Sipas këtij parashikimi, atyre u bashkohen Austria, Australia dhe Malta në pesë vendet e para.
    Sistemi ka parashikuar gjithashtu gjashtë vendet që pritet të humbasin Finalen e Madhe. Titulli kryesor është se Çekia, një vend që u parashikua të përfundonte në 10 vendet e para të Eurovision nga ‘The Model’ të dielën, tani parashikohet të dalë në fazën gjysmëfinale. Ata do t’i bashkoheshin Letonisë, Danimarkës, Serbisë, Malit të Zi dhe Gjeorgjisë nëse’ The Model’ do të ishte absolutisht i saktë.
    Parashikimi i sotëm i Gjysmëfinales së Dytë merr parasysh gjithçka që dimë. Ai përfshin të dhëna nga shanset aktuale të basteve, renditjen e këngëve të komunitetit dhe sondazhet, dhe gjithashtu përfshin gjetjet nga Sondazhi i Audiencës së Eurovision të mbrëmshëm, i organizuar bashkërisht nga Eurovoix. Si rezultat, parashikimi i ‘The Model’ përpiqet të jetë më i sakti i shfaqjes sonte.
    Konkursi i Këngës Eurovision 2025 është edicioni i 69-të i Konkursit të Këngës Eurovision. Ai po zhvillohet në Bazel të Zvicrës, pas fitores së vendit në konkursin e vitit 2024 me këngën “The Code” nga Nemo. I organizuar nga Bashkimi Evropian i Transmetimeve (EBU) dhe transmetuesi pritës, Korporata Zvicerane e Transmetimeve (SRG SSR), konkursi mbahet në St. Jakobshalle dhe përbëhet nga dy gjysmëfinale më 13 dhe 15 maj, dhe një finale më 17 maj 2025. Tre shfaqjet live prezantohen nga Hazel Brugger dhe Sandra Studer, me Michelle Hunziker që bashkohet në finale.

  • Ibrahim Traoré, kapiteni që u bë President përmes një grushti shteti dhe u shndërrua në një model sfidues lideri afrikan

    Ibrahim Traoré, kapiteni që u bë President përmes një grushti shteti dhe u shndërrua në një model sfidues lideri afrikan

    Albert Vataj
    Në një kontinent ku historia politike shpesh është ndërtuar mbi trashëgimi koloniale, ndërhyrje të huaja dhe udhëheqës autokratë, shfaqja e kapitenit Ibrahim Traoré si President i Burkina Fasos ka gjallërueshëm dhe surprizuar interesin e opinionit publik afrikan dhe atij botëror.Ai përfaqëson një model të ri burrështetasie, që nuk buron nga privilegjet elitare apo nga prirjet teknokrate, por nga gjiri i popullit dhe nga bindja se sovraniteti nuk është një dhuratë, por një e drejtë që duhet fituar.Ibrahim Traoré erdhi në pushtet në tetor 2022, pas një grushti shteti që rrëzoi qeverinë e Damiba-s, në mesin e krizave të shumta që e kishin mbërthyer vendin: terrorizmi, varfërimi ekonomik, dhe paqëndrueshmërimi institucionale.Por ajo që e bën të dallueshëm Traorén nuk është thjesht akti i marrjes së pushtetit, por filozofia që ai ka nisur të injektojë në jetën publike dhe diskursin politik të Burkina Fasos.

    Që nga marrja e pushtetit në vitin 2022, kapiteni Ibrahim Traoré, presidenti i Burkina Fasos, ka ndryshuar rrjedhën politike, ekonomike dhe shoqëroro-kulturore të vendit të tij me vendosmërinë e një reformatori dhe integritetin e rrallë të një udhëheqësi popullor.Në një kontinent ku shpeshherë pushteti çon drejt abuzimit dhe përfitimit vetjak, Traoré ka spikatur si simbol i ndershmërisë, patriotizmit dhe reformës rrënjësore.Një nga aktet e para të tij ishte anulimi i rritjes së pagave për zyrtarët e lartë dhe ulja me 30% e pagave të ministrave dhe deputetëve. Ndërkohë, ai rriti me 50% pagat e punonjësve të zakonshëm të administratës. Traoré vetë refuzoi të merrte pagën si president, duke u paguar si kapiten i ushtrisë, duke dërguar një sinjal të qartë se pushteti duhet të jetë shërbim, jo privilegj.Përmes krijimit të kompanisë shtetërore SOPAMIB, Traoré bëri shtetëzimin e minierave të arit, duke ndalur shfrytëzimin e tyre nga kompani të huaja që largonin fitimet jashtë vendit. U hap rafineria e parë kombëtare e arit dhe u krijua rezervë kombëtare, duke rritur përfitimet dhe vetëpërmbajtjen ekonomike.
    Burkina Faso arriti të shlyente mbi 4.7 miliardë dollarë borxh të jashtëm. Kjo u bë e mundur jo vetëm nga shtetëzimi i pasurive, por edhe nga refuzimi i huave të reja nga FMN dhe Banka Botërore. Traoré ka theksuar se Afrika nuk ka nevojë për “zhvillim të komanduar nga jashtë”, por për një vetëdije të re sovrane.Qeveria shpërndau mjetet bujqësore, plehra, traktorë dhe pajisje të tjera për fermerët, duke ndihmuar rritjen e prodhimit bujqësor dhe arritjen e vetëmjaftueshmërishë ushqimore. Brenda vitit 2024, vendi arriti një korrje rekord me mbi 6 milionë tonë drithëra.Traoré urdhëroi largimin e trupave franceze dhe mbylljen e operacioneve të tyre ushtarake në vend. Ai krijoi një aleancë të re rajonale me Malin dhe Nigerin, e njohur si Aleanca e Shteteve të Sahelit (AES), për të siguruar bashkëpunim strategjik dhe mbrojtje të ndërvarur.Modeli i Traoré-s nuk është thjesht burkinabë, por afrikan. Ai ngjall kujtimet e figurave si Thomas Sankara, por vjen me një qasje moderne, të pjekur politikisht dhe të orientuar nga veprimi konkret. Udhëheqja e tij po frymëzon popuj që ndihen të lënë pas dhe të shpërdoruar.Burkina Faso, në vend që pak vite më parë llogaritej ndër më të destabilizuarit, sot është bërë arenë e rilindjes politike dhe shpresës popullore në Afrikë. Ibrahim Traoré, me integritetin dhe guximin e tij, po shkruan një kapitull të ri të pavarësisë së vërtetë afrikane.Për Traorén, politika nuk është thjesht administrim; ajo është gjest simbolik dhe akt emancipimi. Për shembull, ai ka refuzuar të veshë kostume formale perëndimore, dhe shpesh shfaqet me veshje tradicionale afrikane, duke promovuar me vetëdije krenarinë kulturore. Ai ka folur kundër elitizmit, korrupsionit dhe manipulimit mediatik, dhe u ka bërë thirrje të rinjve të rimarrin fatin e tyre në duar.Sigurisht, sfidat mbeten të shumta. Vendi vazhdon të përballët me grupe ekstremiste në veri, me mungesa të thella infrastrukturore, dhe me kërcënime ndaj lirisë së medias. Por ajo që e bën model Traorén nuk është perfeksioni, por autenticiteti: ai flet me gjuhë të qartë, nuk i shmanget konfliktit, dhe përpiqet ta ripërkufizojë vetë kuptimin e lidershipit në Afrikë.Modeli i tij ngjall ndjenja të fuqishme: ndonjëherë shpresë, ndonjëherë frikë, por gjithnjë ndjesi të ndryshimit. Ibrahim Traoré mund të mos jetë një figurë konsensuale, por ai është, padyshim, një figurë transformuese. Për një brez afrikanësh që kërkojnë autenticitet, vetëbesim dhe drejtim të ri, ai mishëron një udhëheqës të ri që nuk bën kompromis me dinjitetin e vendit të tij.Albert Vataj

  • ‘Programi i PD ndërton një nivel shumë të mirë’/ Pogaçi: Shqipëria momentalisht ka një ekonomi konsumi, e pasigurt për të ardhmen

    ‘Programi i PD ndërton një nivel shumë të mirë’/ Pogaçi: Shqipëria momentalisht ka një ekonomi konsumi, e pasigurt për të ardhmen

    Ekspertja e ekonomisë Mira Pogaçi, e ftuar në emisionin “Kafe Shqeto” në SYRI TV, deklaroi se Shqipëria nuk ka një model ekonomik të qartë, përveç modelit të taksave të larta. Ajo theksoi se ndryshe nga vendet evropiane që ofrojnë shërbime të plota për qytetarët, në Shqipëri shteti nuk merr përsipër as shërbimet bazë.

    Sipas saj, ekonomia shqiptare mbështetet kryesisht te turizmi dhe ndërtimi, sektorë të varur nga emigrantët dhe vizitorët e huaj. Pogaçi paralajmëroi se mungesa e të ardhurave nga jashtë e bën këtë model ekonomik shumë të rrezikuar. Ajo e cilësoi Shqipërinë si një ekonomi konsumi të pasigurt në kushtet aktuale të krizës në Europë. Gjithashtu ekspertja shprehu mbështetjen për programin ekonomik të Partisë Demokratike, duke e vlerësuar si të mirë dhe të qëndrueshëm.

    Pogaçi: Model ekonomik këtu te ne nuk ka, ka një model, që është modeli i taksave të larta. Sepse ka 2 drejtime, modeli kur shteti është i madh, modeli kur shteti është i vogël. Por këtu te ne shteti nuk merr përsipër të gjitha shërbimet që vendet evropiane mund të garantojnë.
    Që kanë taksa të larta por ofrojnë shërbime, ofrojnë asistencë për papunësinë, ofrojnë shëndetësinë, ofrojnë arsimin falas, domethënë i kanë kapacitetet, këtu nuk janë, duhet t’i çosh fëmijët në shkollë private dhe kështu me radhë.

    Por nëse mund të themi, ka një strukturë tregu jonë këtu e cila nuk është strukturë e mirë.
    Ne kemi 2 sektorë kryesorë: turizmin dhe ndërtimin.
    Çfarë na tregojnë këto 2 sektorë? Na tregojnë se ne kemi një varësi shumë të madhe nga të ardhurat që vijnë nga jashtë, nga emigrantët. Ne nuk prodhojmë gjë.
    Pra kjo është struktura jonë, në momentin që ne nuk kemi të huaj që vijnë të na vizitojnë, turizmi automatikisht është një sektor me risk.

    Në momentin që emigrantët nuk vijnë të blejnë prona te ne, automatikisht sektori i ndërtimit, i dyti më i madhi, bëhet risk.
    Pse? Modeli jonë është ekonomi konsumi, pra ne brenda si popull, e vetmja gjë që mund të mbështesim, është një konsum i qëndrueshëm i cili momentalisht me presionet inflacioniste, me problemet gjeopolitike, me problemet që ka Europa, Europa është në krizë, dhe duke qenë se emigrantët janë në Europë, nuk mund ta mbështesin më këtë ekonomi konsumatore.

    Programi ekonomik i Partisë Demokratike është shumë i mirë, e mbështes pothuajse tërësisht, sepse disa ekonomistë ndahen në detaje profesionale, por pothuajse e mbështes tërësisht.
    Patjetër që ndërton një nivel ekonomik shumë të mirë.

  • Lapaj shpalos programin në Koplik: Do bëjmë autostradë model nga Shkodra në Sarandë

    Lapaj shpalos programin në Koplik: Do bëjmë autostradë model nga Shkodra në Sarandë

    Drejtuesit e koalicionit Nisma Shqipëria Bëhet, Adriatik Lapaj dhe Pano Soko zhvilluan një takim me fermerët në Koplik. Ata shpalosën një pjesë të programit të tyre dhe kërkuan vota për numrin 6 në 11 Maj.
    ”Dy gjëra të mëdha në infrastrukturë unë i kam thënë dhe ne do t’i bëjmë nëse ne një ditë do të drejtojmë Shqipërinë. Nga Shkodra dhe deri në Sarandë ne do të bëjmë një autostradë të përmasave botërore, model”, tha drejtuesi i koalicionit, Adriatik Lapaj.

    Soko i cili vjen nga fusha e ekonomisë kritikoi sistemin duke thënë se “e vjel” fermerin nga paratë që fiton me djersë e punë të ndershme.
    ”Ky lloj sistemi, është një model politik, që paranë tuaj, të cilën ju e prodhoni me punë, me djersë, e merr nga xhepi juaj nëpërmjet ligjeve, nëpërmjet VKM, nëpërmjet tatimorit etj dhe e fut te xhepi i vetë”, tha Pano Soko.

  • ‘Arsimi, prioriteti ynë kryesor’, Lapaj: Synojmë t’i dedikojmë 7% të buxhetit kombëtar, koha për një model të ri

    ‘Arsimi, prioriteti ynë kryesor’, Lapaj: Synojmë t’i dedikojmë 7% të buxhetit kombëtar, koha për një model të ri

    Kreu i partisë “Shqipëria Bëhet”, Adriatik Lapaj, zhvilloi sot një takim me të rinjtë në Tiranë, ku theksoi rëndësinë e arsimit si një nga shtyllat kryesore të koalicionit “Nisma Shqipëria Bëhet”.
    Lapaj u shpreh se ka ardhur koha që të ndryshohet modeli i të rinjve që servilosen apo mallkojnë, dhe të promovohet një model i të riut kritik dhe idealist. Ai theksoi se ndryshimet e mëdha nuk ndodhin menjëherë, por nisin nga pak njerëz me ideale të forta.
    Sipas tij, arsimi është baza për çdo zhvillim, dhe nismat e koalicionit synojnë që buxheti për arsimin të rritet në 5% të PBB-së në fazën e parë, për të arritur më pas në 7%.
    “Ka të rinj që i bien për shkurt, por ky model na ka sjellë në këtë derexhe. Arsimi është kryesorja. Janë tre vende bosh dhe vijnë të tjerat. Ne duam ta bëjmë në 5% të buxhetit për arsimin, më vonë në 7%,” tha Lapaj.
    Ai shtoi gjithashtu se vendet e vogla mund të prodhojnë ide novatore më shumë se ato të mëdha, duke sjellë si shembull Maltën, një vend pa burime natyrore uji, por që ofron furnizim të pandërprerë me ujë 24 orë në ditë.
    “Kini besim se kjo bëhet. Malta nuk ka burime natyrore uji, ndërkohë ka 24 orë ujë pa ndërprerje, ndërsa ne ende flasim për ujë me gjithë këtë pasuri të madhe ujore”, përfundoi Lapaj.

  • “Ritech”, Rama: Model zhvillimi i teknologjisë, bashkëpunim për sistemin e parkimeve në vend duke përdorur AI

    “Ritech”, Rama: Model zhvillimi i teknologjisë, bashkëpunim për sistemin e parkimeve në vend duke përdorur AI

    Kryeministri Edi Rama ka zhvilluar një vizitë në kompaninë “Ritech”, të cilën e ka quajtur një model të zhvillimit të teknologjisë së informacionit.
    Ai thotë se kjo kompani punon për Amerikën dhe Evropën, në të cilën janë punësuar 300 shtetas në Shqipëri, 200 në Kosovë e Maqedoni të Veriut, me një pagë mesatarisht prej 2500 euro.
    Më tej Rama u shpreh se dëshiron të bashkëpunojë me kompaninë RiTech, lidhur me sistemin e parkimeve në vend, pasi parkimi është problematikë e theksuar.
    “Ne do bëjmë një projekt që e kemi gati, i financuar e të gjitha, me Emiratet e Bashkuara për smart monitor. Do kemi praktikisht një super informacion nga gjithë lëvizja në qytet. Po mendoj se mbase duhet një bashkëpunim me ju këtë pay by phone, të integrohet me kamera, që të shfrytëzohet e nga policia… duke pasur në dispozicion këtë sistem kamerash me AI, mund të krijosh shumë të dhëna. Ti krijon një bazë që ti e paralajmëron “law enforcements”. Nuk pret që këtu është zënë, por ti e lajmëron që është e zënë (vendi parkimit).
    Ti me AI krijon një kapacitet të dhënash që ty të japin pak nga pak, por jo shumë vonë, me një kohë të arsyeshme, që ti të mund të vendosësh përpara se ku mund të ndodhë shkelja. E për ta çuar një hap më tutje, ne me ju mund të shohim, parashikimin e aksidenteve. Pra krijon një bazë, e ajo me data fillon të krijon probabilitetet. Ti fillon jep “law enforcements” që të analizojë pse do ndodhë këtu, çfarë rrethanash janë specifike që ndodh këtu e jo atje. E për ta çuar në nivelin më ekstrem, që të parashikosh krimet. Po të kesh një patern fillon e bën analiza të një natyre tjetër.”, tha Rama.

  • Novacioni, si model për të dalë nga kriza

    Novacioni, si model për të dalë nga kriza

    Foto – Dr. Hitendra Meta në laboratorin e Az-Group Punësimi i një ekipi kërkuesish shkencorë që udhëhiqen nga Dr. Hitendra Meta ka mundësuar që prodhimi i AZ Group në Lezhë të kalojë në një nivel të ri të zinxhirit të vlerës, me produkte të rëndësishme për tregun farmaceutik. Janë testuar dhe po shiten me sukses lënda e parë për prodhimin e Heparinës, një medikament i njohur për hollimin e …

  • “Bashkëpunim me Microsoftin dhe Mira Muratin”/ Rama: Vitin e ardhshëm do të kemi një model të prokurimeve publike me IA

    “Bashkëpunim me Microsoftin dhe Mira Muratin”/ Rama: Vitin e ardhshëm do të kemi një model të prokurimeve publike me IA

    Kryeministri Edi Rama, mbajti sot fjalën në takimin e dytë të nivelit të lartë “Shqipëria 2030 në BE – Rruga e Reformave”. Rama tha se vendi ynë ka për përparime të rëndësishme në rrugën për anëtarësimin e vendit tonë në BE, teksa theksoi se vendi ynë nuk ka kohë për të humbur.
    Ai tha se vitin e ardhshëm vendi ynë do të ketë një model të prokurimeve publike me Inteligjencë Artificiale në bashkëpunim me Microsoftin dhe Mira Muratin. Sipas tij, Shqipëria duhet të futet në BE me çdo kusht për të siguruar liritë individuale për qytetarët shqiptarë.
    “Fatet e vendeve që duan të hynë në atë derë dhe atyre që ndodhen pas asaj dere jo gjithmonë përputhen. Ky komision, puna e të cilit do vazhdojë edhe në legjislaturën e ardhshme është kusht jo vetëm për të hyrë në atë vend por edhe për qëndrimin. Nuk ka liri individualë përveç se në BE. Besoj që ne e kemi treguar dhe po e tregojmë përditë që jemi shumë ambiciozë, nuk na mjafto të bëjmë minimumin… ne duhet të bëjmë maksimumin.
    Për shembull prokurimet publike, ne jemi vlerësuar në vendin e parë në të gjithë rajonin me diferencë nga vendi i dytë, por ndërkohë po punojmë për të krijuar një model revolucionar të inteligjencës artificiale për prokurimet publike në bashkëpunim me Microsoftin dhe Mira Muratin ne jemi duke bërë progres të konsiderueshëm dhe kemi besimin se vitin e ardhshëm do kemi model të prokurimeve publike pa përfshirjen e njeriut në 95% të procesit”, tha Rama.