Lajmidites.com

Tag: model

  • Zaptimi i hapësirave publike, Rama ultimatum bizneseve në Vlorë: Trotuaret janë për qytetarët, jo për barrikada!

    Zaptimi i hapësirave publike, Rama ultimatum bizneseve në Vlorë: Trotuaret janë për qytetarët, jo për barrikada!

    Kryeministri Edi Rama ka reaguar lidhur me zaptimin e trotuareve nga bizneset në zonën bregdetare të Lungomares, në Vlorë.

    Me anë të një postimi në rrjetin social X, Rama bëri thirrje për çlirimin e menjëhershëm të hapësirave publike, duke e cilësuar këtë si një hap të domosdoshëm për të ngritur standardin e shërbimit në përputhje me imazhin e “Shqipërisë Turistike”.
    Kryeministri theksoi se Lungomare është një model modern i një qyteti bregdetar dhe duhet të shërbejë edhe si model për dizajnin e jashtëm të vijës së shërbimeve.

     Postimi i Ramës:
    Asnjë problem me karriget dhe shërbimin në një pjesë të trotuarit, si në Paris, Londër apo New York, por pa harruar që trotuari është i njerëzve dhe kurrsesi i barrikadave, si në Lungomare! Koha për të çliruar trotuaret nga barrikadat dhe për ta ngritur edhe shërbimin edhe dukjen në një nivel të ri, të denjë për Shqipërinë Turistike. Lungomarja është modeli i vijës ujore të një qyteti turistik bregdetar, tani duhet dhe do të jetë model i dizajnit të jashtëm të një vije shërbimesh. Prandaj pronarët e menaxherët e vijës së shërbimeve, duhet të heqin vetë tërë barrikadat dhe të bashkëpunojnë me bashkinë e Vlorës e me Agjencinë e Zhvillimit të Territorit për dizajnin e ri, për të cilin do t’i mbështesim me kënaqësi.

    Asnjë problem me karriget dhe shërbimin në një pjesë të trotuarit, si në Paris, Londër apo New York, por pa harruar që trotuari është i njerëzve dhe kurrësesi i barrikadave, si në Lungomare! Koha për të çliruar trotuaret nga barrikadat dhe për ta ngritur edhe shërbimin edhe… pic.twitter.com/CiPmZMAY5J
    — Edi Rama (@ediramaal) July 6, 2025

  • Merret vendimi, Diddy i mohohet lirimi me kusht

    Merret vendimi, Diddy i mohohet lirimi me kusht

    Sean “Diddy” Combs është refuzuar për lirim me kusht nga gjyqtari Arun Subramanian, sipas raportimit të partnerit amerikan të BBC-së, CBS News.
    Kjo do të thotë që reperi do të qëndrojë në paraburgim ndërsa pret shpalljen e dënimit për dy akuza të dënueshme për “transport për qëllime të prostitucionit”.
    Ekipi ligjor i Combs tha se ai ka qenë i burgosur model dhe se nuk paraqet rrezik për arratisje.
    “Combs i është bindur gjykatës, ka respektuar procedurat dhe ka shfaqur sjellje model”, u shprehën avokatën përmes një dokumenti të dorëzuar prranë gjykatës pas shpalljes së verdiktit.
    Prokurorët u kundërpërgjigjën se gjatë seancave, gjykata ka dëshmuar provat e dhunës së Combs, “transportin kufitar të individëve të shumtë për prostitucion, konsum droge dhe shpërndarje si dhe përpjekje për t’i shpëtuar dënimit të organeve ligjzbatuese” dhe thanë se i pandehuri “nuk iu shmang këtyre fakteve.”
    Ata thanë se Combs “nuk mund ta përmbushë detyrën e tij për të treguar prova të qarta dhe bindëse se ai nuk do të arratiset apo përbëjë rrezik për dikë në komunitet.”

  • Një model për përfshirjen sociale, Elbasani finalizon projektin për fëmijët me nevoja të veçanta

    Një model për përfshirjen sociale, Elbasani finalizon projektin për fëmijët me nevoja të veçanta

    Në Elbasan u përmbyll me shumë rezultate domethënëse projekti “Terapia e artit dhe muzikës për fëmijët me aftësi të kufizuara”, një nismë e Bashkisë Elbasan në bashkëpunim me Qendrën Shqiptare për Integrimin e Njerëzve me Nevoja të Veçanta, falë mbështetjes së GIZ, NALAS dhe Shoqatës Kombëtare të Bashkive.Ky projekt i veçantë, që përfshiu një punë intensive disa mujore, solli trajnimin e 23 profesionistëve të fushës, 40 edukatorëve dhe përfshirjen aktive të 10 të rinjve nga Këshilli Rinor. Për katër muaj me radhë, 20 fëmijë me aftësi ndryshe morën pjesë në sesione terapie përmes artit dhe muzikës, duke zhvilluar aftësi komunikimi, ndjeshmëri emocionale dhe vetëbesim.Performanca përmbyllëse ishte kulmi emocional i këtij projekti, ku fëmijët dhuruan emocione të sinqerta përmes artit të tyre, duke treguar përparimin dhe fuqinë e terapisë kreative.Kryetari i Bashkisë Elbasan, Gledian Llatja, përshëndeti këtë aktivitet, duke vlerësuar rëndësinë e përfshirjes së fëmijëve me aftësi të kufizuara në jetën sociale dhe kulturore të qytetit. Ai theksoi se kjo shtresë mbetet gjithmonë në vëmendjen e institucionit që ai drejton, duke shtuar se mbështetja për projekte të tilla do të vijojë edhe në të ardhmen.Një bashkëpunim model që dëshmon se kur bashkohen institucionet, organizatat dhe komuniteti, krijohen mundësi të reja për një shoqëri më gjithëpërfshirëse.

  • VIDEO/ Gol model dhe asist, super Jasir Asani me Gwangju në kampionat

    VIDEO/ Gol model dhe asist, super Jasir Asani me Gwangju në kampionat

    Jasir Asani ka zhvilluar një performancë fantastike me Gwangju në ditën e sotme. Futbollisti shqiptar ka shënuar një gol model, duke mos i lënë asnjë shans portierit pêr të reaguar.
    Në ndeshjen kundër Dajeon e përfunduar në shifrat 2-2, Asani ka shënuar golin e parë dhe ka dhënë asist për golin e dytë. /Sport Ekspres/

  • Velipoja, modeli i plazhit publik, Benet Beci tregon, se me vullnet dhe vendosmëri, kjo është e mundur

    Velipoja, modeli i plazhit publik, Benet Beci tregon, se me vullnet dhe vendosmëri, kjo është e mundur

    Në një kohë kur uzurpimi i hapësirave publike bregdetare mbetet një nga shqetësimet më të thella të sezonit turistik në Shqipëri, Velipoja po ngrihet si një model suksesi, që dëshmon se ndryshimi është i mundur kur ka vullnet politik, bashkëpunim institucional dhe vendosmëri në zbatim.
    Kryetari i Bashkisë Shkodër, Benet Beci, në një postim të fundit në rrjetet sociale, ka ndarë me qytetarët një lajm që për shumëkënd është më shumë se një njoftim – është një sinjal shprese dhe përgjegjshmërie qytetare:

    “Hapësirat publike pa pagesë, në dispozicion të pushuesve, janë prioritet i Bashkisë Shkodër. Që në orët e para të mëngjesit, strukturat e Policisë Bashkiake kanë ndërhyrë për lirimin e hapësirave të zëna në plazhe. Përveç gjobave administrative, janë marrë masa edhe me sekuestrimin e çadrave dhe shezlloneve të subjekteve që abuzojnë me hapësirën publike të dedikuar për pushuesit. Zero tolerancë për këdo që cënon këtë hapësirë. Një falënderim për të gjitha strukturat dhe qytetarët për bashkëpunimin.”

    Në qendër të këtij shembulli që frymëzon është Velipoja, një prej plazheve më të frekuentuara në veri të vendit, që këtë vit po ofron një përvojë ndryshe për pushuesit: hapësira publike të lira, të pastra dhe të garantuara. Kjo nuk është thjesht një ndërhyrje sezonale, por një filozofi e re e administrimit të pasurive publike, që rikthen te qytetarët atë që u përket me të drejtë.
    Kryebashkiaku Beci e ka cilësuar Velipojën si modelin e një standardi të ri në të gjithë vijën bregdetare shqiptare, një model i mundshëm për t’u replikuar edhe në plazhe të tjera, nga veriu në jug. Përmes këtij rasti, ai ka treguar se me bashkërendimin e strukturave të policisë bashkiake, me vendosmërinë për të zbatuar ligjin dhe me angazhimin e plotë të qeverisjes vendore, është jo vetëm e mundur të përmbushet një premtim, por edhe të krijohet një realitet i ri: bregdeti si hapësirë publike, jo si mall për t’u shitur.
    Ky veprim konkret shënon një kthesë në mënyrën se si trajtohet sezoni turistik në vend. Në një realitet ku shpesh mbizotërojnë informaliteti, kaosi dhe arroganca e “të fortëve” që privatizojnë pa të drejtë bregdetin, Velipoja po sfidon këtë model të vjetër me një qasje të re: ligj, transparencë, dhe respekt për qytetarin.
    Velipoja po na jep një arsye për të besuar se po, zgjidhje ka. Ka kur ka përgjegjësi. Ka kur ka përkushtim. Ky model duhet jo vetëm të vlerësohet, por të promovohet e të kërkohet nga qytetarët edhe në zona të tjera, si një standard i paanashkalueshëm për një Shqipëri më të ndershme, më të drejtë dhe më të jetueshme.
    Albert Vataj

  • Vota e diasporës, PD: Procesi “model” i Celibashit me zarfe në “tabachino”

    Vota e diasporës, PD: Procesi “model” i Celibashit me zarfe në “tabachino”

    Partia Demokratike tha sot se gjatë procesit të votimit në diasporë kompania postare DHL e kontraktuar nga Komisioni Qendror i Zgjedhjeve (KQZ) për shpërndarjen e zarfeve, nuk ka zbatuar kushtet e kontratës.
    Zëdhënësja e Antikorrupsionit në PD, Genta Vangjeli në një deklaratë për shtyp, duke iu referuar prononcimit të komisionerit Shtetëror të Zgjedhjeve Ilirjan Celibashit, se “procesi i votimit nga jashtë është zhvilluar në mënyrë model”, tha se ky i fundit duhet të japë shpjegim se pse zarfet me vota u tërhoqën nëpër “tabachino”.
    Vangjeli publikoi disa foto për të cilat tha se “kanë mbërritur në adresën tonë nga qytetarë që jetojnë në Greqi dhe votuan në këtë vend, të cilët deklarojnë se tërhoqën dhe dorëzuan zarfet me fletët e votimit në magazina ku shiten cigare e jo vetë”.
    “Ky ishte procesi model sipas Celibashi, ku adresat e qytetarëve janë nëpër “tabachino”, dhe zarfet tërhiqen e dorëzohen në këto ambient. Këto sa i takon votimit në Greqi, ndërkohë akoma nuk kemi një përgjigje përse DHL nuk paraqet provat e dorëzimit të zarfit tek çdo votues në diasporë, në Itali, Shtetet e Bashkuara apo Mbretërinë e Bashkuar”, u shpreh Vangjeli.
    Vangjeli shtoi se “Celibashi duhet të jetë me dije se përgjegjësia e KQZ-së fillon me procedurën e prokurimit, zbatimin e saj, lidhjen dhe implementimin e plotë e të suksesshëm të kontratës përfshirë mirëmenaxhimin e fondeve publike”, tha Vangjeli.
    “E meqenëse kontrata është ende në fazë zbatimi të marri masat e parashikuara në aktet ligjore dhe në kontratën respektive kundrejt përgjegjësve të dështimit të përmbushjes së detyrimeve kontraktuale”, u shpreh Vangjeli.

  • Musk zbulon inovacionin e fundit të Teslës, taksitë pa shofer do të lançohen më 22 qershor

    Musk zbulon inovacionin e fundit të Teslës, taksitë pa shofer do të lançohen më 22 qershor

    Tesla është gati të hedhë në treg shërbimin e saj robot-taksi siç ishte planifikuar në qershor.

    Elon Musk njoftoi nëpërmjet X se lançimi është caktuar “paraprakisht” për 22 qershor në Teksas.
    “Ne po tregohemi shumë të kujdesshëm në lidhje me sigurinë, kështu që data mund të ndryshojë”, sqaroi Musk. Ai shtoi se udhëtimi i parë nga fabrika e Teslës në shtëpinë e një klienti është planifikuar për 28 qershor.
    Musk gjithashtu ripostoi një video që tregon një Tesla Model Y duke ecur nëpër rrugët e Austin pa shofer. Klipi i shkurtër tregon automjetin duke pritur që këmbësorët të kalojnë rrugën para se të kthehen majtas në një kryqëzim.

    Beautifully simple design. https://t.co/eA7QgzW1jh
    — Elon Musk (@elonmusk) June 10, 2025

    Në tetor të vitit të kaluar, Tesla zbuloi robotaksi-n e saj plotësisht autonom pa timon dhe pedale, të quajtur Cybercab. Musk tha në atë kohë se automjeti do të kushtonte nën 30,000 dollarë dhe se prodhimi i tij do të fillonte para vitit 2027.
    Në të njëjtën kohë, ai tha se disponueshmëria e gjerë e drejtimit plotësisht autonom pa mbikëqyrje do të fillonte në vitin 2025 me modelet Tesla Model 3 dhe Model Y, fillimisht në Teksas dhe Kaliforni, përpara se robotaksi të zgjerohej në shtetet e tjera amerikane.
    Në muajt në vijim, Musk siguroi se shërbimi robot-taksi do të niste në Austin në qershor. Tesla filloi testimet me punonjësit në Zonën e Gjirit të San Franciskos, ku kishte një shofer sigurie në automjet.
    Në maj, Musk postoi në X se Tesla ka testuar automjete pa shofer Model Y në vendin e shoferit në rrugët e Austin për disa ditë, pa raportuar asnjë incident.
    Sipas Bloomberg, shërbimi në Austin do të fillojë në një shkallë të kufizuar, me 10 deri në 20 automjete, dhe zona fillestare e operimit do të jetë e kufizuar në disa milje.
    Rregulloret e buta të Teksasit për automjetet autonome janë një arsye kryesore për zgjedhjen e Austin si pikënisje.

    Top Channel

  • ‘O3-pro’, OpenAI lançon modelin më të fuqishëm

    ‘O3-pro’, OpenAI lançon modelin më të fuqishëm

    OpenAI ka lançuar modelin “o3-pro”, një model inteligjence artificiale që kompania e përshkruan si më të fuqishmin deri më tani.
    O3-pro është një version i o3 nga OpenAI, një model i aftër për të arsyetur që kompania e prezantoi më herët këtë vit.
    Në dallim nga modelet tradicionale të inteligjencës artificiale, modelet e arsyetimit punojnë përmes problemeve hap pas hapi, duke i mundësuar atyre të performojnë më me besueshmëri në fusha si fizika, matematika dhe programimi.
    O3-pro është në dispozicion për përdoruesit e ChatGPT Pro dhe Team duke filluar nga e marta, duke zëvendësuar modelin “o1-pro”. Përdoruesit Enterprise dhe Edu do të kenë qasje javën pasuese, thotë OpenAI.

     

     

     

  • Rinumërimi i 40% të votave, Murrizi shpërthen ndaj Bardhit dhe Bylykbashit: Nuk lini model të ndyrë pa sajuar për një…

    Rinumërimi i 40% të votave, Murrizi shpërthen ndaj Bardhit dhe Bylykbashit: Nuk lini model të ndyrë pa sajuar për një…

    Ish-deputeti i Partisë Demokratike, Myslim Murrizi, ka reaguar me tone të ashpra pas vendimit të KAS për rinumërimin e rreth 40% të qendrave të votimit në të gjithë vendin, pas ankimimeve të PD.
    Në një reagim në rrjetet sociale, Murrizi ka kritikuar Gazment Bardhin dhe Oerd Bylykbashin, duke thënë se ata nuk u besojnë numëruesve dhe komisionerëve të tyre.
    Sipas Murrizit, Bardhi e Bylykbashi kanë pranuar një “kod zgjedhor bastard” që mbyll 90% të listave, duke u garantuar atyre një karrige në parlament.
    Reagimi i Murrizit:
    Nga 5200 qendra votimi që ka gjithsej e gjithë Shqipëria, me kërkesë të PD do rinumerohen 1914 qendra votimi ose rreth 40% e totalit në të gjithë Shqipërinë ku dy Qarqet më të mëdha që ka vendi Tirana dhe Fieri do rinumerohen komplet
    Atëher një pyetje kam unë për “ baballarët” dhe “ mamallarët” e reformës zgjedhore të PD Z Oerd Bylykbashi dhe Z Gazmend Bardhi
    Kur i besoni më shum administratës zgjedhore të KQZ së Çelibashit se sa komisionerëve dhe numëruesve të PD , pse nuk u dakortësuat me rrekomandimet 10 vjeçare të OSBE-ODIRIT që të kishte administratë zgjedhore dhe komisioner politik të PD, PS, LSI ???????
    Se për kodin zgjedhor bastard që mbyllët 90% të fituesve nga 50 deputetë mbyllët 46 e di që e bëtë për by….. tuaj të përdredhur që keni frikë si dreqi të shkoni tek vota e Qytetarit e në çdo palë zgjedhje nuk lini model të ndyrë pa sajuar për një karrike te qelbur ne Parlament
    PO DEMOKRATET ÇFARE FAJI JU KANE QE TE DUROJNE MOSBESIMIN DHE MOSVLERESIMIN TUAJ ???

  • Ministrja Koçiu në Qendrën e Mjekësisë Familjare Nr.10: Model që do ta shtrijmë në të gjithë vendin

    Ministrja Koçiu në Qendrën e Mjekësisë Familjare Nr.10: Model që do ta shtrijmë në të gjithë vendin

    Për herë të parë, në zbatim të Strategjisë për Zhvillimin e Shërbimeve të Kujdesit Shëndetësor Parësor në Shqipëri 2020-2025 po vijon pilotimi i Qendrës së Mjekësisë Familjare në Tiranë dhe Vorë, një model i përqendruar i ofrimit të shërbimeve të mjekësisë së familjes, në ato qendra që ofrojnë shërbime shëndetësore për rreth 30.000-40.000 banorë.
    Ministrja e Shëndetësisë dhe Mbrojtjes Sociale, Albana Koçiu së bashku me Rektorin e Universitetit të Mjekësisë, Xheladin Draçini vizituan nga afër ambientet dhe funksionalitetet e Qendrës së Mjekësisë Familjare Nr.10, e cila prej një viti ofron një gamë të gjerë të shërbimeve të mjekësisë familjare.

    Ministrja Koçiu tha se ky model shërbimi po funksionon më së miri dhe se qendrat e mjekësisë familjare do të shtrihen në të gjithë vendin.
    “Prej afro një viti kjo qendër ka filluar të funksionojë më së miri dhe është dallëndyshja e parë e qendrave të mjekësisë familjare, të cilat ne synojmë t’i shtrijmë në të gjithë vendin”, u shpreh Koçiu.