Presidentja e Komisionit Evropian, Ursula von der Leyen, ka thënë se Evropa nuk do ta lejojë Rusinë të “mbjellë përçarje dhe ankth”.
Duke folur për gazetarët para bisedimeve të liderëve të BE-së që po zhvillohen në Danimarkë, Von der Leyen ka theksuar një “model” sjelljeje pas një vale dronësh në të gjithë Danimarkën.
“Është një model dhe ky model po vjen nga Rusia”, ka thënë von der Leyen teksa po fillonin bisedimet e mbrojtjes në Kopenhagë.
“Rusia përpiqet të na testojë, por Rusia gjithashtu përpiqet të mbjellë përçarje dhe ankth në shoqëritë tona. Ne nuk do ta lejojmë që kjo të ndodhë”, ka shtuar ajo.
Tag: model
-
Ursula von der Leyen: Evropa nuk do ta lejojë Rusinë të ‘mbjellë’ përçarje dhe ankth
-
Orari 9-5 është i vjetruar, punonjësit janë lodhur nga urdhërat
Me rritjen e punës në distancë, shumë pak punonjës kanë nevojë të jenë fizikisht në zyrë për tetë orë çdo ditë, dhe kompanitë duhet të përshtatin normat e tyre, thotë Anessa Fike, themeluese e firmës së konsulencës Fike+ Co dhe autore e librit The Revolution of Work.Sipas saj, modeli tradicional 9-5 është “vërtet arkaik”.“Jeta jonë ka ndryshuar në kaq shumë aspekte, por në punë po bëjmë të njëjtën gjë që bënin prindërit e gjyshërit tanë.”Ky model nuk përshtatet as me realitetin e përditshëm: orari i shkollave, për shembull, bie ndesh me atë të zyrave, duke e bërë të vështirë organizimin e prindërve.Pandemia e Covid-19 e përshpejtoi këtë ndryshim.Punonjësit që provuan punën hibride ose në distancë nuk duan t’i kthehen rregullave të ngurta dhe urdhrave për rikthim në zyrë.“Kolektivisht jemi të lodhur nga të na thonë çfarë të bëjmë,” thotë Fike.Pse ngurojnë kompanitë?Një arsye kryesore, sipas saj, është kostoja e hapësirave të zyrave. “Shumë pronarë të pasurive të paluajtshme duan të nxjerrin fitim, ndaj edhe shtyjnë për rikthim në zyrë,” shpjegon ajo.Po ashtu, menaxherët shpesh e përdorin prezencën si mjet kontrolli.“Liderët bëhen dembelë. Mund të ishin kreativë në menaxhim, por thjesht nuk duan. Kur thonë ‘është e vështirë’ ose ‘nuk funksionon për ne’, në fakt nënkuptojnë ‘nuk kam dëshirë ta zgjidh’.”Mungesa e fleksibilitetit po i shtyn punonjësit të lënë vendet e punës për kontrata të pavarura ose freelance. “Njerëzit janë ngopur me faktin që u diktohet ku, kur dhe madje kur mund të hanë drekë,” shton Fike.E ardhmja është fleksibëlSipas saj, çelësi është të pyesësh punonjësit se çfarë u duhet. Brezi Z, për shembull, shpesh kërkon praninë në zyrë për të mësuar nga kolegët, ndërsa të tjerë nuk duan të shkelin kurrë më në një ambient pune, dhe kjo nuk përbën problem.“Jo të gjithë janë produktivë nga ora 9 deri në 5,” shpjegon Fike. “Secili punon ndryshe, por ne përpiqemi t’i fusim të gjithë në të njëjtin model dhe pastaj habitemi pse nuk funksionon.”Vetë ajo e kuptoi se cilat ishin orët e saj më produktive vetëm pasi u largua nga korporatat. Nëse njerëzit do ta zbulonin këtë në të 20-at, jo dekada më vonë, thotë, produktiviteti do të ishte shumë më i lartë.Një model që po fiton terren është ai i “orëve bazë”: punonjësit krijojnë orarin e tyre, por duhet të jenë të aksesueshëm gjatë një intervali të caktuar çdo ditë.“Inkurajoj bizneset të flasin me njerëzit, të eksperimentojnë me mënyra të ndryshme pune dhe të testojnë çfarë funksionon,” përfundon Fike. / CNBC, Shqip.alKy është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.
-
Këshilli Bashkiak shkarkon sot Veliajn/ Zhulali:Model i abuzimit dhe korrupsionit,PS po shkel procedurat me urdhër të..
Këshilli Bashkiak i Tiranës mblidhet pasditen e sotme për të diskutuar dhe votuar shkarkimin e kryebashkiakut Erion Veliaj, i arrestuar prej datës 10 shkurt të këtij viti me urdhër të SPAK dhe masë sigurie arrest me burg nga GJKKO.
Mungesa e tij e gjatë në detyrë është bërë shkak që këshilltarët e PS të ndërmarrin procedurat për shkarkim. Anëtarja e Partisë Demokratike në Këshillin Bashkiak të Tiranës, Ilda Zhulali, deklaroi se opozita është pro shkarkimit të kryebashkiakut, por duhej që ai të ishte i pranishëm në mbledhje, ku të fliste dhe të dëgjohej sipas procedurave.
Ajo e cilësoi të njëanshëm refuzimin e kërkesës së Veliajt dhe pas këtij shkarkimi shtoi se qëndron urdhri i kryeministrit Edi Rama.
“Veliaj duhet të marrë pjesë në mbledhjen Këshillit Bashkiak. Ai ka bërë një kërkesë për të qenë pjesë. Kërkesa e zotit Veliaj nuk ka mbërritur kurrë në Këshillin Bashkiak, por ne jemi njohur me të përmes mediave. Ndaj do të jetë një votim i njëanshëm. Kjo gjë mund t’i shërbejë dhe nesër Veliajt për ta përdorur në gjykatë. Ky është një dëm financiar për qytetarët e Tiranës, pasi do të duhet të shpërblejmë zotin Veliaj për heqjen e tij në mënyrë të padrejtë, duke mos respektuar ligjin”, tha Zhulali për “Neës 24”.
Ajo mendon se Veliajt i takon e drejta ligjore dhe kushtetuese, kurse për shkarkimin shtoi se është ii vonuar.
“Ai e ka për detyrë që të shprehet në Këshillin Bashkiak, por dhe të dëgjojë se pse shkarkimi i tij është i vonuar. Sot është një ditë që kurorëzon një aksion, siç është shkarkimi. Ne kemi bërë denoncim për inceneratorin fantazmë të Tiranës. Ai ka sjellë dëme të mëdha financiare në dëm të qytetarëve të Tiranës”, vijoi këshilltarja demokrate.
Në fund ajo theksoi se Veliaj është model i korrupsionit dhe abuzimeve në institucion, por PS po shkel të gjitha procedurat për shkarkimin duke i refuzuar dëgjimin, e që nesër mund të kthehet në alibi ligjore nga vetë kryebashkiaku.
“Veliaj ka bërë jo vetëm një dëm financiar, por na ka lënë pas dhe një krim mjedisor. Veliaj do të shkarkohet me urdhër të Ramës. Veliaj është model i abuzimit dhe korrupsionit”, përfundoi Zhulali. -
‘Në prag të greminës, me borxhe, migrim, dhunë dhe politika të dështuara’/ Orban: BE s’është model, duhet të përshtatet me realitetin e ri gjeopolitik
Perëndimi nuk duhet parë si një model; ekziston një “mënyrë më e mirë”, tha kryeministri hungarez Viktor Orban.
“Na duhet guxim – intelektual, politik dhe personal – për të pranuar se Perëndimi nuk është më një model për t’u ndjekur dhe për të treguar se ekziston një mënyrë më e mirë”, shkroi kryeministri në X.
Sipas tij, “Bashkimi Evropian po luhatet në prag të greminës, me borxhe, migrim, dhunë dhe politika të dështuara kudo”, ndërsa Hungaria “qëndron e vendosur: pa migrantë, pro familjes, duke ofruar mundësi për ata që janë të gatshëm të punojnë”.
The European Union is teetering on the brink, with debt, migration, violence, and failing policies everywhere. Hungary stands firm: migrant-free, pro-family, providing opportunities to those willing to work. We need courage – intellectual, political, and personal – to recognise… pic.twitter.com/pfxHzAvjdc— Orbán Viktor (@PM_ViktorOrban) September 21, 2025
Në nëntor 2024, Orban tha se përpjekjet e Perëndimit për të imponuar modelin e tij të zhvillimit në botë kishin dështuar, duke treguar ngritjen e vendeve aziatike si qendra të pavarura fuqie. Ai i kërkoi Evropës të përshtatet me realitetin e ri gjeopolitik, në mënyrë që të sigurojë mbijetesën e saj.
-
Lista e makinave më të shëmtuara në botë: Të njohura, por estetikisht jo tërheqëse
Kompania Vanarama kreu një hulumtim interesant në të cilin, duke përdorur matematikën, shkencën dhe raportin e artë, u përpoq të zbulonte se cila makinë është më pak estetikisht e projektuar.
Çdo makinë u vlerësua në bazë të dy faktorëve kryesorë të dizajnit: dimensionet e përgjithshme të automjetit dhe përmasat vizuale, domethënë se si duken format dhe linjat e makinës për sytë tanë, shkruan Vanarama.
Hulumtimi analizoi marrëdhëniet e 50 modeleve të makinave, duke marrë parasysh dimensione të tilla si distanca midis rrotave, gjatësia, si dhe tiparet kryesore të dizajnit – rregullimin e dritave, emblemat dhe detajet e karrocerisë.
Sigurisht, nuk u harrua as raporti i artë, një proporcion që sytë tanë e njohin në mënyrë të pavetëdijshme si më të bukurin dhe harmonikun. Makinat që ishin më afër raportit të artë në përqindje morën notat më të larta.
Makinat më të bukura për përdorim të përditshëm:
• Audi A3 – 83 pikë: Ky model u vlerësua si makina më e bukur e përditshme, me rezultate të larta që pasqyronin konformitetin e saj estetik.
• Volkswagen Golf dhe Vauxhall Mokka – 80 pikë: Të dy modelet ndajnë vendin e dytë, me rezultate të ngjashme që tregojnë për dizajnet e tyre tërheqëse.
• BMW Seria 1 – 78 pikë: Ky model dallohet për pamjen e tij dalluese dhe notat e larta në kërkime.
• Mercedes-Benz A-Class – 77 pikë: Dizajni elegant dhe i sofistikuar i këtij modeli kontribuon në pozicionin e tij të lartë në listë.
• Opel Astra – 76 pikë: Ky model ofron një ekuilibër midis funksionalitetit dhe pamjes estetike, duke e bërë atë një zgjedhje popullore.
Mesatarisht, markat gjermane dominojnë kategorinë e makinave më të bukura për përdorim të përditshëm, me një rezultat mesatar prej 77 pikësh.
Makinat më të shëmtuara për përdorim të përditshëm:
• Kia Picanto – 7 pikë: Ky model u vlerësua si më i shëmtuari, me një numër pikësh dukshëm më të ulët krahasuar me konkurrencën.
• Citroën C1 – 12 pikë: Edhe pse popullor, ky model nuk u dallua për sa i përket estetikës sipas hulumtimeve.
• Kia Sportage – 15 pikë: Ky SUV u vlerësua si i treti më i shëmtuar, pavarësisht funksionalitetit dhe popullaritetit të tij.
Në fund të listës, Kia Picanto mori vetëm 7 nga 100 pikë, sepse, sipas analizës, është “vite drite” larg raportit të artë dhe për këtë arsye më pak e këndshme për syrin. Megjithatë, shifrat e shitjeve tregojnë se klientët kanë një mendim të ndryshëm.
Vendin e dytë e zuri Citroën C1 me 12 pikë, ndërsa vendin e tretë e zuri Kia Sportage me vetëm 15 pikë, megjithëse Sportage mbetet ndër makinat më të njohura në Evropë.
Pra, Kia mori “titullin” e prodhuesit më të shëmtuar në këtë sondazh. Marka Kia shquhet si më e keqja për sa i përket dizajnit, me një rezultat mesatar prej 19 pikësh, ndërsa Citroën dhe Fiat kanë gjithashtu rezultate të ulëta me një mesatare prej 22 pikësh.
Makinat nga prodhuesi i Koresë së Jugut morën vetëm 11 pikë mesatarisht, ndërsa Land Rover zuri vendin e dytë me një mesatare prej 18 pikësh, dhe Fiat i treti me 22 pikë. Fiat 500 mori vlerësimin më të keq nga marka italiane, megjithëse ky model është ende një nga më të njohurit.
Nga ana tjetër, Audi A3, VW Golf dhe Opel Mokka patën rezultatet më të larta, duke u shpallur më të këndshme për syrin sipas këtij hulumtimi.
-
Revolucioni i fluturimeve, Airbus A321Xlr, avioni që ndryshon udhëtimet nga Europa në SHBA
Fluturimi nga Madridi drejt Bostonit me avionin A321Xlr zgjat rreth 6-8 orë dhe ka një tipar unik: është një avion me një korridor të vetëm, ndryshe nga avionët tradicionalë me dy korridore që përdoren zakonisht për fluturimet ndërkontinentale.
Kjo e bën të mundur një ngarkesë më efikase të karburantit dhe ulje të kostove operacionale, duke e bërë kështu ekonomike lidhjen me destinacione që nuk kanë kërkesë të mjaftueshme për avionë më të mëdhenj.
A321Xlr, i fundit në familjen Airbus, ka aftësinë të fluturojë deri në 11 orë dhe të mbajë deri në 244 pasagjerë, me konfigurime standarde që përfshijnë kabinën Business dhe Economy. Iberia është kompania e parë që përdor këtë model për fluturime të gjata, duke operuar në rrugët Madrid-Boston dhe Madrid-Washington.
Avantazhet janë të dukshme: boarding dhe zbarkim më i shpejtë, kabina moderne me ekranë me cilësi të lartë, internet dhe shërbim ushqimor përfshirë në biletë. Në klasën Business, sediljet janë me akses direkt në korridor dhe dritare, duke garantuar më shumë komoditet. Ndërsa në ekonominë ofrohen gjithashtu pajisje teknologjike moderne.
Ky model po ndryshon rrënjësisht mënyrën si fluturohet ndërkontinentalisht, duke ofruar mundësi të reja për lidhje direkte midis qyteteve më të vogla dhe atyre më të mëdha në SHBA, Evropë dhe pjesë të tjera të globit.Top Channel
-
“Ishin qytetarë model të Shkodrës”, deklaratë e Erogen Vaso: Distancohem nga informacione që më lidhin me grupe…
Unë Erogen Millan Vaso (Brajovic) e bej kete reagim per mediat dhe opinionin publik. Ne keto momente te veshtira jo vetem per mua i shpreh ngushellimet e ndjera familjareve te 2 miqve te mi qe ishim sebashku sot ne mengjes ne nje kafe ne qender te Shkodres. Ata ishin qytetare model te Shkodres, familjare te respektuar nga gjithe komuniteti. Dora e pabesise te nje vrasesi i shkeputi sot nga jeta teksa ishim sebashku dhe per mua personalisht eshte dhimbje e rende dhe plage qe nuk mbyllet! Kjofshin ne paqe me zotin Armando dhe Geridoni! Zoti ju dhente force familjeve te tyre!
Gjithashtu i uroj sherim te shpejte vajzes te plagosur ne kete ngjarje. Distancohem plotesisht nga informacione qe lidhin personin tim me emra dhe grupe te caktuara ne Shkoder. Jam sipermarres ne disa biznese, nje pjese trasheguar nga babai im gjithashtu ai sipermarres deri ne fund te jetes, ish-futbollist i Shkodres dhe kombetares shqiptare. Une kam qene per shkak edhe te tradites familjare, ish-futbollist i ekipit te Vllaznise, ish-President i klubit te futbollit Terbuni te Pukes.
Familja ime ka patur nje histori persekutimi politik para viteve ‘90, por dhe vite me pas per shkak se ka perfaqesuar komunitetin malazez ne Qarkun e Shkodres. Per interesa te ketij komuniteti dhe Shkodres kam sherbyer me korrektesi per disa vite anetar i keshillit bashkiak te qytetit tim ashtu sikurse kishte sherbyer njeri prej miqve te mi te afert qe humbi jeten sot. Jam informuar ne spital qe autori eshte ndaluar dhe shpresoj te zbardhen sa me shpejt motivet e ketij akti te rende tragjik! Sa per lidhje te tjera qe aludohen ne media sqaroj se duhen lene institucionet e ligjit te trajtojne keto ceshtje!Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
Ju mirëpresim! -
Vora- Tirana në Laç, impianti super i kompletuar…
Prej disa ditësh stadiumi “Laçi” është shndërruar në kantier pune. Bashkia Kurbin si pronare e impiantit sportiv në bashkëpunim me klubin ‘Laçi’ kanë ndërhyrë në gjithë struktuart e stadiumit duke e kthyer si gjithnjë në model për t’u ndjekur (video).
Përtej fushes model, janë meremetuar dhe lyer mjediset e jashtme dhe të brendshme, stolat i janë nënshtruar një terapie përmirësimi, vënë dorë në ndriçimin e plotë e mbi të gjitha është bërë nga e para pjesa metalike që ndan tifozeritë me një gardh gjigand.
Marrëdhëdhënja institucionale:
FSHF, sektori i licensimit ka inspektuar ditë më parë dhe lënë detyra të cilat sipas kurbinasëve janë plotësuar 100%. Me gjasë ekspertët përfaqësuas të palës organizatore të garave sportive (FSHF), kanë dhënë dakortësinë.
Ndërkaq nesër zhvillohet ndeshja e javës së dytë (Kategori e Parë) Laçi- Kastrioti (16:00) ndërsa të dielën e dyta e Superiores; Vora- Tirana (17:00)/Sportiim.al/
Vazhdo leximin
-
Vora- Tirana në pikëpyteje? Impianti super i kompletuar…
Prej disa ditësh stadiumi “Laçi” është shndërruar në kantier pune. Bashkia Kurbin si pronare e impiantit sportiv në bashkëpunim me klubin ‘Laçi’ kanë ndërhyrë në gjithë struktuart e stadiumit duke e kthyer si gjithnjë në model për t’u ndjekur (video)
Përtej fushes model, janë meremetuar dhe lyer mjediset e jashtme dhe të brendshme, stolat i janë nënshtruar një terapie përmirësimi, vënë dorë në ndriçimin e plotë e mbi të gjitha është bërë nga e para pjesa metalike që ndan tifozeritë me një gardh gjigand.
Marrëdhëdhenja institucionale:
FSHF, sektori i licensimit ka inspektuar ditë më parë dhe lënë detyra të cilat sipas kurbinasëve janë plotësuar 100%. E vetmja gjë që mbetet për t’u lidhur janë sistemi i kamerave të cilën vetë klubi është shprehur se është ok dhe që kërkon pak minuta për të krijuar lidhjen me DVR.
Drejtoria Vendore e Policisë Lezhë me shkresën nr 7061/2 e ditës së sotme (29/08/2025) njofton se stadiumi i Laçit nuk përmbush kushtet për një ndeshje të tillë. Blutë kanë dërguar shkresën te klubi Vora, dhe për ‘Për dijeni’; Bashkisë Kurbin, FSHF-së Departamentit për Sigurinë Publike Tiranë./Sportiim.al/
Vazhdo leximin
-
“Do ta kujtojmë si një model”/ Ndarja nga jeta e gazetarit Zheji, Tritan Shehu mesazh prekës: Keqardhje e trishtim
Demokrati Tritan Shehu ka reaguar lidhur me lajmin e trishtë për ndarjen nga jeta para kohe të gazetarit të njohur shqiptar, Artur Zheji.
Përmes një postimi në rrjetin e tij social Facebook, Shehu shpreh keqardhjen e tij të thellë për vdekjen e gazetarit, ndërsa thekson se Zheji do të kujtohet si një gazetar korrekt dhe qytetar njerëzor.
“Gazetar korrekt, qytetar njerezor ne tiparet e sjelljet e tij. Miqesor e tolerant! Ngushellinet me te sinqerta familjes se tij, gazetarise shqiptare, publikut te gjere, miqve, te gjitheve! Do ta kujtojme si nje model!”, shkruan Tritan Shehu në Facebook.