Lajmidites.com

Tag: mjeku

  • Vdekja e 3-vjeçarit, Brian Spahiu pas ndërhyrjes në klinikën dentare, arrestohet mjeku Roland Xhaxho

    Vdekja e 3-vjeçarit, Brian Spahiu pas ndërhyrjes në klinikën dentare, arrestohet mjeku Roland Xhaxho

    Është arrestuar mjeku Roland Xhaxho për veprën ‘vrasje nga pakujdesia’ për vdekjen e 3-vjeçarit Brian Spahiu.

    Po ashtu janë arrestuar edhe Ina Xhaxho, Marta Gina, për ‘Vrasje nga pakujdesia’ në bashkëpunim’.
    Arrestimet u kryen pas përgjigjen së ekspertizës mjekoligjore nga Italia.
    Si ndodhi ngjarja:
    Vdekja e 3-vjeçarit pas ndërhyrjes në dhëmbë në një klinikë private në Tiranë tronditi mbarë opinionin publik.
    Gjyshi i 3-vjeçarit tha se e çuan tek dentisti vetëm për të pastruar dhëmbët, por pas konsultës, mjeku dhe vajza e tij i sugjeruan operacion dhe prindërit e tij pranuan.
    Nga ana tjetër babai i fëmijës 3 vjeçar, Bledar Spahiu ka deklaruar në polici se e çoi për mjekim djalin, në një klinikë dentare private në rrugën e Kavajës dhe mjeku Roland Xhaxho i ka bërë anestezi totale për të kryer ndërhyrjen për rregullimin e dhëmbëve.
    Pasi ka përfunduar ndërhyrjen, mjeku dentist i ka kërkuar që djalin ta marrë nga klinika dhe ta çojë në banesë, duke i rekomanduar edhe mjekimin që duhet të merrte.
    Pasi kanë shkuar në banesë fëmija ka filluar të ndihet keq. Prindërit e shqetësuar kanë marrë klinikën private në telefon por nuk i është përgjigjur njeri. Duke parë gjendjen e fëmijës që po përkeqësohej ata e kanë çuar në spitalin pediatrik, të cilët duke parë gjendjen jo të mirë të fëmijës e kanë dërguar në reanimacion. Me gjithë përpjekjet e mjekëve që ta kthejnë në jetë për dy ditë rresht fëmija ka ndërruar jetë në spital. Prindërit thanë në atë kohë se djali kishte rënë në gjendje kome pas anestezisë.

    Top Channel

  • “U qëllua nga një distancë 2-5 cm”/ Seanca gjyqësore për vrasjen e Ademajt, mjeku ligjor rrëfen detaje tronditëse

    “U qëllua nga një distancë 2-5 cm”/ Seanca gjyqësore për vrasjen e Ademajt, mjeku ligjor rrëfen detaje tronditëse

    Të hënën, në Gjykatën Themelore të Prishtinës ka dëshmuar Naim Uka, mjeku ligjor që kreu autopsinë e Lirdona Ademajt. Ekspertiza e tij ka treguar se Liridona u vra nga një distancë 2-5 centimetra.
    “Gjatë ekzaminimit të plagës hyrëse kemi konstatuar përreth vrimës hyrëse prezencën e faktorëve plotësues të qitjes të cilët kanë shkaktuar djegien lëkurore me prezencë të grimcave të barutit dhe në bazë të këtyre provave mjekoligjore është konstatuar se distanca e qitje sillet prej 2 deri në 5 cm”, ka deklaruar mjeku ligjor, që po ashtu ka përjashtuar çdo mundësi të vetëvrasjes.
    Eksperti ka treguar se gjatë autopsisë Liridona kishte hematomë në krahun e majtë të saj, të shkaktuar të minimalisht tre orë para vrasjes. Megjithatë, mjeku ligjor nuk ka përcaktuar mjetin me të cilin është shkaktuar lëndimi.
    “Po. Dora është një nga mjetet e cila nuk mund të përjashtohet si mjet përmes të cilit është shkaktuar ky dëmtim trupor”, shtoi më tej Uka.
    Ai u mor në pyetje edhe nga i akuzuari, Naim Murseli.
    “Në kushte normale unë nuk kam nevojë as me bo pyetje sepse nuk besoj që një shenjë një dorë mund të shkaktohet nga dikush që nuk ka qenë prezent. Por prokurorja pohon se kjo shenjë është shkaktuar nga unë sepse sipas saj kam mbajtur bashkëshorten time për mos të iu shmangur plumbit. A e thotë raporti këtë? Që unë e kam mbajtë gruan time në momentin e vrasjes?”, pyeti Murseli.
    Mjeku ligjor tregoi se nuk mund të bëjë pohime të tilla në raport të autopsisë. Tutje, Murseli e pyeti edhe për kohën e shkaktimit të hematomës në trupin e Liridona Ademajt.
    “Ju në raportin tuaj tregoni që dëmtimi është shkaktuar jo më gjatë se një orë para vdekjes, që d.m.th. ka mund të ndodhë 59 minuta para vdekjes ose 10sec para vdekjes”, pyeti i akuzuari.
    Mjeku ligjor ka sqaruar kohën e shkaktimit të hematomës.
    “Kjo ka mund të shkojë deri në tri orë prej 0 deri në 3 orë para momentit të vdekjes, pasi që siç e theksova edhe më herët pasi e ndjera ka qenë obeze dhe për këtë arsye variablat e periudhës kohore të shkaktimit të këtij dëmtimi, zgjerohen”, deklaroi eksperti, i cili përsëri u pyet nga Murseli. I akuzuari pyeti nëse hematoma do të mund të shkaktohej nga vetëlëndimi.
    “A përjashtohet mundësia e vetëlëndimit në tentativë për të ikë?”, pyeti Murseli. Vetëlëndimin nuk e përjashtoi mjeku ligjore, porse kur u pyet nga gjyqtarja, Naim Ukaj tregoi se në vendin e ngjarjes, në veturën ku u vra Liridona Ademaj, nuk kishte objekt që mund të shkaktonte atë hematomë.

  • Sfidat e fëmijëve me sindromën Down, kalvari i përditshëm dhe mungesa e mbështetjes financiare

    Sfidat e fëmijëve me sindromën Down, kalvari i përditshëm dhe mungesa e mbështetjes financiare

    Enkeleda Pillati, nëna e Belkisës, vajzës 16-vjeçare me sindromën Down, në një rrëfim për “Vizion Plus” tregon vështirësitë me të cilat duhet të përballet çdo ditë, ndërsa ndalet te problemet shëndetësore, të cilat për shkak të sindromës shpesh anashkalohen edhe nga mjekët.
    “Sfidat e përditshmërisë nisin që me çuarjen në shkollë. Belkisa ka nisur shkollën e mesme, Liceun Artistik ‘Jordan Misja’. Marrja dhe çuarja në shkollë, duhet të jetë një prind me patjetër. Problematika shëndetësore Belkisa i ka, pasi është e lidhur me një anomali tjetër. Belkisa ka pasur problemin me zemrën që e ka kaluar që njëmuajshe. Është shumë mirë, por mbas disa vitesh i është shfaqur dhe tiroidja Hashimoto. Sivjet i kemi kaluar kalvare shumë të vështira, probleme me lëkurën që asnjë mjek nuk e gjente se çfarë kishte. Çdo problematikë që lidhet, i vihet epiteti ‘jam me sindromë’. Çdo gjë lidhet që e ka sindroma.”
    Përditshmëria nuk është vetëm një sfidë emocionale, por edhe barrë e rëndë financiare, pasi çdo shërbim duhet ta paguajnë vetë, pa asnjë ulje apo lehtësim.

    “Çdo gjë ne e kryejmë vetë, mjekimet i marrim me pagesë. Nuk kemi ndonjë ulje, edhe pse ajo është me kemp dhe duhet të ketë edhe ajo ulje në ilaçet e veta, gjë që nuk e ka. Të gjitha ja blejmë ne. Kempi që ajo ka është 140 mijë lekë të vjetra në muaj, kurse harxhimet mujore i kalojnë 35 mijë lekë të reja, minimalja.”
    Për çdo problem shëndetësor të fëmijës së tyre, prindi duhet të drejtohet në spital dhe jo te mjeku i familjes. Kjo, pasi sipas tyre, ende nuk ka një protokoll mjekësor për fëmijët me sindromën Down.
    “Mjekët rreth sindromës dinë shumë pak gjëra. Mjeku duhet të më sinjalizojë për çdo problem. Ke shumë prindër që nuk e kanë idenë çfarë protokolli duhet të ndiqet për një sindromë. I kam ndjekur gjërat me mjek në spital, jo nga mjeku i familjes, pasi ai nuk e ka një guidë.”
    Tetori është muaji i sindromës Down dhe ka për qëllim rritjen e ndërgjegjësimit, pranimin e diversitetit dhe mbështetjen e familjeve të cilave u duhet të përballen çdo ditë me këtë sfidë.
    /vizionplus.tv

  • Paracetamoli i pasigurtë për gratë shtatzëna? Ja çfarë thonë mjekët

    Paracetamoli i pasigurtë për gratë shtatzëna? Ja çfarë thonë mjekët

    Duhet të përdorë, apo jo, një grua shtatzënë paracetamol, është një ndër diskutimet më të shpeshta ditët e fundit, pasi ne SHBA qeveria u rekomandoi mjekeve të ndalojnë përdorimin nga kjo kategori të një ilaci me baze paracetamoli që mund te shkaktoje autizëm te fëmija.
    Mjeke obsteter gjinekologe thonë se sipas studimeve te kryera deri tani, nuk ka asnjë provë të drejtëpërdrejtë shkencore,  qe te tregoje se përdorimi i paracetamolit nga nëna shkakton autizëm tek fëmija që ajo lind.
    “Deri më sot nuk ka dal asnjë fakt shkencor që paracetamoli të ketë risqe. Sot për sot nuk ka asnjë protokoll mjekësor që e heq paracetamolin nga përdorimi, dhe për mendimin tim personal, Zoti t’na ruaj nëse mbetemi pa paracetamol, sepse shtatzënat e sigurt që njëherë në 9 muaj do kenë nevojë për të ul temperature, për shkak të virozave apo infeksioneve që mund ti prek”, thotë Juxhin Gjoshe, Obstetër-Gjinekolog.
    Mjeku obstetër gjinokolog, Juxhin Gjoshe, thotë se paracetamoli mbetet zgjedhja më e sigurt për trajtimin e temperaturës së lartë apo gjendjet e virozave, gjatë shtatzënisë, por thekson se ai duhet te merret në mënyrë të kontrolluar.
    “Medikamentet që përdoren gjatë shtatzënisë ndahen në disa grupe. Ata që përdoren lirisht janë në grupin B, ku ne i kemi si armë në dorë për gratë shtatzëna, si për aneminë, një gjendje virale. Paracetamoli bënë pjesë në grupin B, ku janë konfirmuar se s’kanë risqe, por të përdorura me masë. Nuk duhet të merren si karamele”, thotë ai.
    Sipas mjekut Juxhin Gjoshe, një temperaturë mbi 38 gradë, nuk duhet neglizhuar, pasi shkakton komplikacione tek nëna dhe tek fetuesi,  madje tek ky i fundit, deri në pasoja ne tru.
    “Nëse kalon temperaturën 38 gradë, duhet marrë konsideratë çdo medikament që e ul temperaturën. Paracetamoli është më i sugjeruar dhe më i përdoruri. Në shtatzëninë e javëve të para mund të shkaktoj humbje të shtatzënisë, pra abort spontanë, por, problemet shkojnë deri në çrregullim të zhvillimit të trurit tek fetusi”, shpjegon mjeku.
    Pas lajmeve te pakonfirmuara shkencërisht se perdorimi i paracetamolit në shtatzëni mund të shkaktojë çrregullime te spektirt autik te foshnja,  mjeku Gjoshe, ka një apel për gratë që presin të bëhen nëna
    “Ju bëj thirrje, të mendojnë në balancë, përfitimin që kemi nga ulja e temperaturës dhe risqet nëse lihet temperatura të jetë e lartë. Duke vënë këtë balancë të bëjn zgjedhje, ka zhurma në rrjetet sociale që bëhem, jo çdo gjë që flitet qëndron, ndaj të flasin me mjekët”, shpjegon mjeku.
    Paracetamoli është lehtësisht i gjindshëm në farmaci, megjithatë specialistët e shëndetit këshillojnë njerëzit që mos të ai te merret vetëm në rast nevoje dhe në sasi të kontrolluar, pasi përdorimi afatgjatë mund të shkaktojë probleme të parikuperushme të mëlçisë si dhe në organe të tjera.

  • Mjeku: Të rinjtë flenë në 2 të natës, si mund të presin të kenë zemër të shëndetshme!

    Mjeku: Të rinjtë flenë në 2 të natës, si mund të presin të kenë zemër të shëndetshme!

    Vdekjet e papritura dhe infarktet në mosha të reja, madje edhe nën 40 vjeç, janë kthyer në një realitet tronditës. Dr. Spiro Qirko ngre alarmin për këtë fenomen, duke fajësuar drejtpërdrejt stilin modern të jetesës dhe mungesën e një kulture parandaluese.
    ‘Sëmundja nuk ka më moshë,’ pohon ai, duke theksuar se çdo dhimbje gjoksi, sado e lehtë të duket, duhet marrë seriozisht dhe konsultuar me mjekun.
    Por pse po ndodh kjo? Sipas doktorit, shkaqet janë të qarta dhe lidhen me sjelljet e rrezikshme të të rinjve. ‘Moshat e reja s’kanë asnjë regjim. Flenë ora 2 të natës, përdorin alkool, për të mos thënë dhe drogën,’ thotë ai pa doreza. Ky stil jete i çrregullt, i kombinuar me stresin e lartë dhe një dietë të pabalancuar që çon në obezitet, krijon një terren perfekt për zhvillimin e sëmundjeve kardiovaskulare. Ai veçon diabetin si ‘nënën e gjithë të këqijave’, një sëmundje me rritje katastrofike në Shqipëri, e cila dëmton enët e gjakut në të gjithë trupin, nga zemra te truri, sytë dhe veshkat. Thirrja e tij është e qartë: duhet një ndërgjegjësim masiv për parandalim, që përfshin kontrolle periodike të yndyrnave dhe sheqerit në gjak, një dietë të ekuilibruar për të shmangur mbipeshën, dhe aktivitet fizik të rregull

  • ‘Kujdes me ushqimet krudo’/ Mjeku tregon arsyet që shkaktojnë gastroenterit

    ‘Kujdes me ushqimet krudo’/ Mjeku tregon arsyet që shkaktojnë gastroenterit

    Mjeku gastroherpatolog Gerald Kola foli sot në News24, për sëmundjet gastroenterite. Ai ka shpjeguar se shkaqet që çojnë në irritimin e zorrëve dhe stomakut mund të kenë bazë bakteriale, virusale apo irritim si shkak i medikamenteve.

    “Nuk janë më një sëmundje sezonale, është një inflamacion i stomakut dhe zorrëve që mund të vijnë nga viruset, sidomos tek fëmijët. Mund të vijnë edhe nga bakteret siç është për shembull salmonela, nga parazitët si lambia, apo edhe nga intolerancat e ndryshme apo keqpërdorimi i antibiotikëve. Ushqimet krudo kanë rrezikshmëri shumë të lartë për Gastroenterite”, tha ai.

    Mjeku i shpjeguar se kjo sëmundje kalon për një periudhë 3-7 ditë, ndërkohë që duhet të kemi kujdes në lidhje me dehidrimin.

    Ai u shpreh se gastroenteritet diagnostifikohen klinikisht dhe shenjat janë diarre dhe të vjella.

    “Largohet vetë nuk ka nevojë për ilaçe vetëm në rast se vërtetohet se janë me bazë bakteriale. Nëse vijon për më shumë se 3 ditë gastroenteriti duhet t’i drejtohemi mjekut. Brenda periudhës tre ditore duhet të përdorim elektrolite që i marrim nga goja. Frenuesit e diarresë nuk është mirë të përdoren, pasi gastroenteriti ka efekt purifikues, trupi pastrohet dhe po nxjerr toksinat jashtë. Janë mekanizmi purifikues të trupit nuk duhen supresuar përveç rasteve kur janë me natyrë autoimune. Më mirë është të përdoren metodat natyrale si rigon me vezë për shembull sepse ato nuk kanë kundër indikacione”, tha ai.

  • “Dëshiroj të martohem me ty”/ ‘Përndiqte’ moderatoren e sportit, lirohet mjeku psikiatër nga Kosova

    “Dëshiroj të martohem me ty”/ ‘Përndiqte’ moderatoren e sportit, lirohet mjeku psikiatër nga Kosova

    Behar Kamberi, mjeku psikiatër që Policia e Tiranës e arrestoi pas një kallëzimi të bërë nga moderatorja sportive, Albana Bejko, e cila pretendonte se ishte përndjekur nga ai, është liruar.

    Disa mesazhe të lexuara nga gazetari Elton Qyno, tregojnë një ndjenjë sentimentale që mjeku kosovar Behar Kamberi, ka shfaqur ndaj moderators sportive.
    Mesazhe me tekste si: “…Të dua…dëshiroj të martohem me ty…” apo “…jeni shumë e bukur, dua tju takoj se kam ardhur nga Kosova vetëm për ju…”, janë vlerësuar nga Prokuroria e Tiranës si një komunikim krejt normal dhe aspak shqetësues, intimidues, apo kanosës për jetën e moderatores sportive.
    Mbi të gjitha këto mesazhe të këqyrura nga Prokuroria, nuk përbëjnë shkak serioz për vijimin e mbajtjes në burg të Kamberit.
    Mjeku psikiatër është marrë në pyetje në lidhje me rastin dhe në mes lotëve ka dëshmuar në polici se thjesht ka shfaqur ndjenjat sentimentale dhe kishte ardhur në Tiranë, me shpresën për ta takuar Albanën që t’i propozonte për martesë.
    Kamberi është shprehur se nuk është e drejtë të qëndrojë në burg vetëm për faktin se ka shfaqur pëlqim për një vajzë, pasi ai tregon se në asnjë moment nuk e ka kanosur apo kërcënuar moderatoren.
    Nisur nga kjo, Prokuroria e Tiranës pasi studioi në tërësi rastin në fjalë, vendosi urdhërimin e lirimit të menjëhershëm të mjekut, Behar Kamberi dhe hetimi i tij do të vijojë në gjendje të lirë.
     

    Top Channel

  • “Dëshiroj të martohem me ty”/ ‘Përndiqte’ moderatoren e sportit, lirohet mjeku nga Kosova

    “Dëshiroj të martohem me ty”/ ‘Përndiqte’ moderatoren e sportit, lirohet mjeku nga Kosova

    Behar Kamberi, mjeku psikiatër që Policia e Tiranës e arrestoi pas një kallëzimi të bërë nga moderatorja sportive, Albana Bejko, e cila pretendonte se ishte përndjekur nga ai, është liruar.
    Disa mesazhe, tregojnë një ndjenjë sentimentale që mjeku kosovar Behar Kamberi, ka shfaqur ndaj moderators sportive.

    Mesazhe me tekste si: “…Të dua…dëshiroj të martohem me ty…” apo “…jeni shumë e bukur, dua tju takoj se kam ardhur nga Kosova vetëm për ju…”, janë vlerësuar nga Prokuroria e Tiranës si një komunikim krejt normal dhe aspak shqetësues, intimidues, apo kanosës për jetën e moderatores sportive.
    Mbi të gjitha këto mesazhe të këqyrura nga Prokuroria, nuk përbëjnë shkak serioz për vijimin e mbajtjes në burg të Kamberit.
    Mjeku psikiatër është marrë në pyetje në lidhje me rastin dhe në mes lotëve ka dëshmuar në polici se thjesht ka shfaqur ndjenjat sentimentale dhe kishte ardhur në Tiranë, me shpresën për ta takuar Albanën që t’i propozonte për martesë.
    Kamberi është shprehur se nuk është e drejtë të qëndrojë në burg vetëm për faktin se ka shfaqur pëlqim për një vajzë, pasi ai tregon se në asnjë moment nuk e ka kanosur apo kërcënuar moderatoren.
    Nisur nga kjo, Prokuroria e Tiranës pasi studioi në tërësi rastin në fjalë, vendosi urdhërimin e lirimit të menjëhershëm të mjekut, Behar Kamberi dhe hetimi i tij do të vijojë në gjendje të lirë.

  • “Të dua… dëshiroj të martohem me ty”, lirohet nga qelia mjeku psikiatër, shpërthen në lot: Nuk e kam përndjekur Albanën

    “Të dua… dëshiroj të martohem me ty”, lirohet nga qelia mjeku psikiatër, shpërthen në lot: Nuk e kam përndjekur Albanën

    behar kamberi dhe albana bejko

    TIRANË- Është liruar nga qelia Behar Kamberi, mjeku psikiatër nga Kosova, pas kallëzimit të bërë nga moderatorja sportive, Albana Bejko, e cila pretendonte se ishte përndjekur prej tij. Vendimi për lirimin është marrë nga Prokuroria e Tiranës, e cila ka kqyrur dhe mesazhet që mjeku i ka dërguar moderatores. Disa mesazhe të lexuara nga gazetari Elton Qyno, tregojnë një ndjenjë sentimentale që mjeku kosovar Behar Kamberi, ka shfaqur ndaj moderators sportive.
    Mesazhe me tekste si: “…Të dua…dëshiroj të martohem me ty…” apo “…jeni shumë e bukur, dua tju takoj se kam ardhur nga Kosova vetëm për ju…”, janë vlerësuar nga prokuroria e Tiranës si një komunikim krejt normal dhe aspak shqetësues, intimidues, apo kanosës për jetën e moderatores sportive.
    Mbi të gjitha këto mesazhe të kqyrura nga prokuroria, nuk përbëjnë shkak serioz për vijimin e mbajtjes në burg të mjekut psikiatër Behar Kamberi.

    Lidhur me këtë rast në pyetje është marë dhe mjeku psikiatër, i cili mes lotëve ka dëshmuar në polici se thjesht ka shfaqur ndjenjat sentimentale dhe kishte ardhur në Tiranë, me shpresën për ta takuar Albanën dhe propozuar për martesë.
    Mjeku mes lotëve është shprehur se nuk mund të qëndrojë në burg vetëm se ka shfaqur pëlqimin ndaj një vajze, pasi sipas tij ai në asnjë moment nuk e ka kanosur apo ta ketë frikësuar moderatoren sportive.
    Nisur nga kjo situatë, prokuroria e Tiranës pasi studioi në tërësi rastin në fjalë, vendosi urdhërimin e lirimit të menjëhershëm të mjekut kosovar Behar Kamberi, duke zgjedhur që hetimi ndaj tij të vijojë në gjendje të lirë.
    Rasti në fjalë tregon vijën juridike delikate të përndjekjes dhe shfaqjes së një ndjenje dashurie ndaj një vajze, e cila edhe pse nuk shfaq dakordësinë i drejtohet policisë me një kallëzim penal, duke çuar në arrestimin e mjekut kosovar.

  • Mjeku psikiatër “çmendet” pas gazetares së RTSH, si përfundoi në qeli

    Mjeku psikiatër “çmendet” pas gazetares së RTSH, si përfundoi në qeli

    Një mjek 42-vjeçar nga Kosova, i quajtur Behar Kamberi, është arrestuar së fundmi nga policia shqiptare nën akuzën e përndjekje së moderatores sportive, Albana Bejko.
    Sipas burimeve, Kamberi dyshohet se ka ndjekur vazhdimisht moderatoren, duke u shfaqur në mënyrë të përsëritur pranë banesës së saj, gjë që ka shkaktuar shqetësim të thellë te ajo.
    Mësohet se moderatorja ka bashkëpunuar me policinë për të organizuar një takim në një zonë të Tiranës, ku mjeku është ftuar të paraqitej. Në momentin që ai ka mbërritur në vendin e caktuar, oficerët e Komisariatit Nr. 2 kanë ndërhyrë dhe kanë kryer arrestimin e tij.
    Behar Kamberi ndodhet aktualisht në paraburgim në ambientet e burgut “Mine Peza”, ndërsa ndaj tij rëndon akuza për veprën penale të përndjekjes.
    Policia ende nuk ka dhënë një deklaratë zyrtare mbi rastin, ndërkohë që hetimet vijojnë për të zbardhur plotësisht rrethanat.