Tag: mishit

Ish-ministri i Bujqësisë, Edmond Panariti, ka paralajmëruar për rrezikun e madh të konsumimit të mishit të pulës të dyshuar me salmonelë, i cili ka hyrë në tregun shqiptar prej disa javësh.
Në një intervistë televizive, ai i kërkoi Autoritetit Kombëtar të Ushqimit (AKU) të kryejë kontrolle të rrepta në njësitë e ushqimit të shpejtë, pasi ky është një produkt që konsumohet masivisht nga të rinjtë.
“Salmonela e identifikuar nga Instituti i Sigurisë Ushqimore është një bakter që prek edhe njeriun dhe mund të shkaktojë sëmundje serioze. Ai depërton në qarkullimin e gjakut dhe është veçanërisht i rrezikshëm për fëmijët dhe të moshuarit me imunitet të dobësuar,” tha Panariti.
Sipas tij, bakteri është zbuluar në fileton e ngrirë të pulës, e cila ka ardhur nga Brazili, një vend jashtë Bashkimit Europian. “Produktet që importohen nga vendet e treta janë të dyshimta dhe kërkojnë vëmendje të shtuar,” paralajmëroi ai.
Ai u bëri thirrje konsumatorëve të tregojnë kujdes gjatë gatimit të mishit të pulës, duke siguruar që ai të arrijë temperaturën kritike prej mbi 70°C, e cila e asgjëson bakterin. “Një fileto duhet të piqet në furrë për të paktën 20 minuta në 200°C ose të gatuhet në tenxhere me presion për 10 minuta,” sugjeroi Panariti.
Megjithatë, shqetësimi kryesor mbetet për fast food-et, ku konsumatorët nuk kanë kontroll mbi mënyrën e gatimit. “AKU duhet të inspektojë temperaturat e gatimit të mishit në fast food-e dhe restorante për të garantuar sigurinë e konsumatorëve,” përfundoi ai.
“Salmonela është një bakter shumë i përhapur, është një enterobakter pra që popullon normalisht trakin intestinal. Është i përhapur shumë në natyrë, ndodhet në shumë specie. Salmuleve që është identifikuar nga Instituti i Sigurisë Ushqimore dhe i quajtur Salmonela Tifimurium, shkakton Tifon.
Është një salmonelë, i cili është zonotike, pra prek edhe njeriun, se ka dhe salmonela që janë specifike për specien, për shembull, prek vetëm shpendin. Kurse kjo Salmolelë, që është identifikuar nga instituti, është një salmolelë që prek njeriun, prandaj, ka përbërë dhe përbën një shqetësim jashtëzakonisht të madh. Depërton mukozën e zorrët dhe futet në qarkullimin e gjakut, dhe kjo mund të ndodhë tek persona me imunitet të kompromentuar, me imunitet të ulur, që janë zakonisht moshat e avancuara, por edhe fëmijët që akoma nuk e kanë të konsoliduar imunitetin, këtu mund të kemi natyrisht forma të rënda që mund të jenë kërcënuese edhe për jetën, prandaj është një diçka shumë serioze.
Fakti është që kur identifikohet ky bakter në produktet me origjinë shtazore ose në produktet ushqimore në tërësi jepet alarm i kuq që të konsiderohet një diçka shumë serioze dhe masat janë drastike. Pra, po të shikoni gjithë protokollet e masave që merren kur ky bakter identifikohet si i pranishëm në produktet ushqimore, në rastin tonë produkt me origjinë shtazore është konstatuar në një fileto të ngrirë pule që vjen nga një vend që është jashtë Bashkimit Europian, vjen nga Brazili, prandaj çdo produkt që vjen nga këto vende të treta dhe që nuk vjen nga Bashkimi Europian konsiderohet i dyshimtë dhe vëmendja duhet të jetë e madhe.
Duhet të jap një mesazh për konsumatorin. Natyrisht njerëzit konsumojnë mish pule, aq më tepër për standardin shqiptar të konsumatorit, që është dhe mish i lirë. Të bëjnë kujdes që ta gatuajnë mirë në rast. Një fileto pule futet në furrë në temperaturë dyqind gradë për të paktën njëzet minuta, arrihet temperatura kritike në pulpë prej mbi 70 gradë dhe asgjësohet, pra pak vëmendje.
Apo futja e këtij mishi në një tenxhere presioni për 10 minuta e asgjëson, por problemi nuk është se këtë e ke në dorë ti, por çfarë ndodh në fast food-et se ky është problemi. Unë do t’i sugjeroja Autoritetit Kombëtar të Ushqimit që të shkojë në fast food dhe të kontrollojë me termometër, temperaturën e gatimit të filetove të pulës, po dhe filetove të mishit që vijnë nga vende me origjinë të tretë, ta bëjë këtë kontroll në mënyrë që t’i ofrojmë garancinë e duhur të konsumatorit dhe të qetësojmë opinionin publik”, tha Panariti.