Lajmidites.com

Tag: mishit

  • Si të Dalloni Nëse Pula që Blini Është e Skaduar

    Si të Dalloni Nëse Pula që Blini Është e Skaduar

    Informaliteti në sektorin e prodhimit të mishit të pulës në vend është i lartë sipas Institutit Evropian të Statistikave, Eurostat.

    Të dhënat e Eurostat të publikuara më herët këtë vit tregojnë se shqiptarët konsumojnë zyrtarisht vetëm 1.6 kg mish pule për frymë në vit.
    Mesatarja e konsumit të mishit të pulës në vendet e Bashkimit Evropian është 29 kg për frymë në vit.
    Sasia e prodhuar e mishit të pulës nga thertoret dhe pularitë e regjistruara përgjatë vitit 2018 ishte thuajse 5000 ton ose në rënie me 6.8 përqind në terma vjetorë.
    Natyrisht në këto statistika nuk rezultojnë të dhënat e thertoreve të vogla të cilat tregëtojnë mishin e pulës në mënyrë jo formale, gjë që nxjerr në pah problemin madhor të sigurisë ushqimore.
    Ekspertët e Shërbimit të Sigurisë Ushqimore në Departamentin Amerikan të Bujqësisë kanë publikuar një listë këshillash për konsumatorin që të jetë në gjendje të përcaktojë nëse mishi që blen është i mirë apo i skaduar.
    Mënyrat për dallimin e freskisë së mishit të pulës janë tepër të thjeshta.
    Ruajtja Afatgjatë Në Frigorifer
    Ekspertët paralajmërojnë se mishi i pulës duhet konsumuar një ose dy ditë pas blerjes.
    Mishi që qëndron në frigorifer për një periudhë shumë të gjatë, ose mbi një vit humbet cilësinë dhe ka tendencën të thahet.
    Ndaj nëse blini mish pule përpiquni ta dalloni sa kohë ka qëndruar në ngrirje ose në frigorifer .
    Tjetërsimi i Aromës
    Nëse pula që bleni në treg ka një lëkurë të ngjitshme, të rrëshqitshme dhe me aromë të çuditshme, atëherë më mirë hidheni në plehra.
    Këto janë shenjat parësore që tregojnë cilësinë e mishit të pulës dhe jo vetëm.
    Ndryshimi i Ngjyrës Së Lëkurës Së Mishit Të Pulës.
    Mishi i pulës mund të ndryshojë ngjyrë herë pas here.
    Ndodh që lëkura nxihet ose zbehet si pasojë e ekspozimit të substancave të saj ndaj oksigjenit.
    Ngjyra tjetërsohet edhe nga ngrirja.
    Por për sa kohë ndryshimi i ngjyrës nuk shoqërohet me shenjat e përmendura më lart, atëherë mishi i pulës është i sigurt për konsum dhe nuk është i skaduar.
    Kujdes Me Të Verdhën
    Ka amvisa që besojnë se nëse mishi i pulës ka nuanca të verdha sidomos tek gjymtyrët, atëherë mishi është shumë i mirë.
    Megjithatë, ka ekspertë që besojnë se shumë kompani të prodhimit të mishit të pulës përdorin një tretësirë boje të verdhë ku e zhysin mishin e pulës që të marrë ngjyrë.
    Një bojë e tillë është e rrezikshme për shëndetin sepse përdoret për të ngjyrosur lëkurën dhe produktet e drurit.
    Ndërkohë që amvisat besojnë se pula të tilla kanë një shije më të mirë dhe se janë ushqyer me misër, e vërteta qëndron krejt ndryshe në disa raste./AgroWeb.org

  • Mish në Krem Qumështi me Hudhra – Receta me Shije të Veçantë

    Mish në Krem Qumështi me Hudhra – Receta me Shije të Veçantë

    Kjo është një recetë elegante në pamje dhe me shije të mrekulleshme.

    Menjëherë sapo e provon shija fantastike që merr mishi nga kombinimi i salcës shoqëruar edhe me patate është me të vërtetë unike.
    Më poshtë do të ndiqni recetën, e cila kërkon pak kujdes nue përgatitje por që në përfundim të përfshin tërësisht me shijen e saj.
    Përbërësit

     500 gr mish qengji tul
    1 kokërr qepë e vogël
    4-5 patate mesatare
    3 lugë gjelle gjalpë
    1 lugë gjelle vaj ulliri
    Një lugë gjelle lëng limoni
    1 filxhan çaji qumësht
    4 lugë gjelle miell
    ½ l lëng mishi
    2 thelpinj hudhër
    Kripë
    Piper
    Majdanoz

    Përgatitja
    Si fillim, AgroWeb.org ju udhëzon të ndani mishin e qengjit në copa.
    Vendosni një tenxhere me vaj ulliri dhe një lugë gjalpë në zjarr.  Shtoni aty copat e mishit, kaurdisini për pak, shtoni qepën e grirë hollë dhe vijoni t’i kaurdisni.
    Shtoni kripë dhe ujë derisa copat e mishit të mbulohen por jo plotësisht.
    Lëreni mishin të ziejë derisa të zbutet dhe më pas largojeni nga tenxherja dhe vendoseni në një enë mënjanë.
    Në lëngun e mishit që po zjen vendosni patatet e prera në katër pjesë nëse janë mesatare dhe në gjashtë pjesë nëse janë të mëdha.
    Lërini të ziejnë për 10-20 minuta dhe më pas largojini edhe ato nga tenxherja dhe lërini mënjanë.
    Hiqeni tenxheren nga zjarri dhe ruajeni lëngun e mbetur për përgatitjen e salcës.
    Ndërkohë, në një tigan shtojmë gjalpin e freskët dhe pak vaj ulliri dhe e vendosim në zjarr.
    Më pas, AgroWeb.org ju udhëzon të shtoni miellin dhe pak kripë dhe ta skuqni derisa të zverdhet.
    Në vijim, shtoni qumështin dhe përzjeheni pa ndërprerje në zjarr shumë të ngadaltë derisa të trashet në formën e salcës.
    Kur salca të jetë gati shtojeni tek tenxherja ku keni lëngun e mishit, shtoni dhe edhe thelpinjtë e hudhrës të shtypur në grimca të vogla.
    Vendoseni në zjarr dhe përzjeheni derisa salca të jetë kremoze jo shumë e plotë por as jo shumë e lëngshme, në fund hidhini dhe lëngun e limonit.
    Kur ta servirni, vendosni copat e mishit në pjatë si dhe patate dhe sipër mbulojeni tërësisht me salcën e përgatitur. Spërkateni me majdanoz të grirë hollë dhe shijojeni./AgroWeb.org

  • Shishqebap Shtëpie – I Shijshëm Sipas Traditës Shqiptare

    Shishqebap Shtëpie – I Shijshëm Sipas Traditës Shqiptare

    Në doni të shtroni një shije fantastike në tryezë e të mblidhni menjëherë gjithë familjen rreth saj, përgatisni shishqebap shtëpie sipas traditës së vjetër të kuzhinës shqiptare.

    Dikur ka qenë një nga gatimet më speciale e më të veçanta mes gjithë recetave të përgatitjes së mishrave. Por edhe sot shija e tij të mrekullon njëlloj.
    Përtej origjinës orientale, shishqebabi është një gatim aq i vjetër shqiptar sa vendlindja e tij nuk ka më rëndësi.
    Shishqebapi përgatitet me të gjitha mishrat, dashi, qengji, viçi të njomë, patjetër edhe pule.
    AgroWeb.org sugjeron më poshtë recetën tipike të përgatitjes së shishqebapit në shtëpi, një gatim fantastik në shije, që me siguri do kënaqë gjithë familjen.
    Përgatitja e Shishqebapit të Shtëpisë
    Përbërësit
    (Përbërësit më poshtë për 4-5 persona)

    500 gr mish tul (Përzgjedhja e mishit sipas preferencës, nëse do përdorni mish viçi atëherë mishi duhet të jetë shumë i njomë)
    1-2 kokrra qepë mesatare
    2-3 lugë gjelle me vaj ulliri
    2 lugë gjelle me uthull
    2 gjethe dafine
    Kripë
    Piper
    Rigon

    Përgatitja

    Tuli i pastruar i mishit pritet në kubikë mesatarë (2.5 – 3 cm), vendoset në një tas dhe marinohet me uthull, vaj ulliri, piper, majdanoz, gjethe dafine dhe qepë të prera në rrathë 1 centimetër.
    Të gjitha këto përzihen dhe lihen në frigorifer (jo në ngrirje) për 3-4 orë, në mënyrë që mishi të marinohet plotësisht me të gjithë përbërësit.
    Zakonisht, në këto raste nuk hidhet kripë, sepse mishi lëshon lëng dhe forcohet.
    Shishqebapi përgatitet në çast, disa minuta para ngrënies.
    Mishi kalohet në një shufër druri të hollë (gjenden në çdo supermarket). Si fillim kalohet një nga kubikët e mishit, një rrathë qepe (nga qepët që i janë hedhur mishit gjatë marinimit me erëza), përsëri një nga kubikët e mishit dhe kështu me rradhë. Nëse preferoni, gjatë përgatitjes së shishqebapit mund të shtoni edhe perime të ndryshme të prera në rrathë ose kubikë.
    I hidhet kripë, rigon dhe piqet në zgarë të vendosur mbi sobë ose mbi prush.
    Shishqebapi shërbehet i ngrohtë dhe shoqërohet me sallata të ndryshme, speca të pjekur, qepë të grira hollë, lakër e bardhë turshi, patate furre apo të fërguara etj./AgroWeb.org

  • A Duhet Larë Mishi i Pulës Përpara Gatimit

    A Duhet Larë Mishi i Pulës Përpara Gatimit

    Hapi më i arsyeshëm përpara gatimit të mishit të pulës duket larja e tij në ujë të ftohtë e të bollshëm.

    Ky hap tingëllon i arsyeshëm kryesisht për shkak të shqetësimeve për pastërtinë dhe higjenën.
    Megjithatë, ekspertët e kuzhinës si dhe Qendra Për Kontrollin dhe Parandalimin e Sëmundjeve në Shtetet e Bashkuara kanë paralajmëruar se mishi i pulës nuk duhet larë kurrë përpara gatimit.
    Sipas të dhënave të AgroWeb.org, mishi i pulës nuk duhet larë sepse rrit rrezikun e ndotjes në kuzhinë.
    Piklat e ujit që bien në kontakt me mishin e pulës mund të shpërndajnë baktere të rrezikshme siç është Salmonela, jo vetëm në lavaman e banak të kuzhinës, por edhe në mjetet e gatimit.
    Nëset këto të fundit nuk pastrohen mirë, atëherë këto sipërfaqe mund të shpërndajnë bakteret në ushqime të tjera dhe të nxisin helmimin.
    Uji Nuk I Vret Bakteret e Mishit të Pulës
    Sipas ekspertëve, uji nuk i eliminon bakteret në lëkurën e mishit të pulës.
    Në momentin kur ky i fundit bie në kontakt me mishin, bakteret përhapen në lavaman, duar, rroba dhe kuzhinë.
    Bakteret që shkaktojnë sëmundje mund të përhapen deri në një metër distancë nga lavamani.
    Pjesa më e rrezikshme është se bakteret nuk shihen me sy të lirë.
    Ndaj është e pamundur për një amvisë që të pastrojë hapësirat e kuzhinës siç duhet.
    Në këtë mënyrë, rreziku i sëmundjeve të shkaktuara nga ushqimet dhe bakteret është më i lartë.
    Mënyra Më e Mirë e Përpunimit Të Mishit Të Pulës
    Sipas të dhënave të AgroWeb.org, bakteret që ndodhen tek lëkura e mishit të pulës shkatërrohen menjëherë sapo ekspozohen në temperatura të larta.
    Mishi i pulës duhet gatuar në temperaturë më të lartë se 80 gradë në mënyrë që të shkatërrohen të gjitha bakteret.
    Si Të Sterilizoni Ambientet e Gatimit
    Ekspertët sugjerojnë që të përdorni një pëzjerje sodë buke dhe limon.
    Me këtë solucion ju mund të fërkoni të gjitha ambientet e gatimit për një pastrim sa më të mirë.
    Pas prekjes së mishit të gjallë, duhet të lani duart menjëherë që të shmangni përhapjen e baktereve./AgroWeb.org

  • ‘Brazili furnizuesi kryesor!’/ Rritet varësia e konsumit nga mishi i importit, arrin 48 mijë ton në vit

    ‘Brazili furnizuesi kryesor!’/ Rritet varësia e konsumit nga mishi i importit, arrin 48 mijë ton në vit

    Vit pas viti tregu vendas po rrit varësinë ndaj mishit të importuar. Në njërën anë ulja e numrit të kafshëve për mish dhe në anën tjetër rritja e kërkesës nga zhvillimet pozitive në turizëm po nxisin importet dhe bashkë me to edhe rrezikun e hyrjes së prodhimeve jo në standard. Sipas të dhënave zyrtare nga INSTAT importet e mishit ndërmjet 2014 dhe 2024 janë rritur me 29%. Në vitin 2024 u importuan në sasi 48 mijë ton mish.

    Gjatë kësaj periudhe varësia e konsumit nga importet është zgjeruar gjithashtu. Në vitin 2014 konsumi vjetor i mishit arriti në 192 mijë tonë, nga i cili 19.6 për qind ishte importi. Në vitin 2023 konsumi i mishit arriti në 184 mijë tonë, ku 26 për qind ishte nga importi, sipas të dhënave të INSTAT për prodhimin vendas të mishit dhe për importet.

    Rritja e varësisë nga importet e mishit lidhet me tkurrjen e blegtorisë në vend. Përgjatë 2014-2023 numri i krerëve të gjedhit ka pësuar rënie me 47%, të imtat me 34 për qind, ndërsa derrat me 33 %. Ritmet e rënies janë thelluar sidomos pas pandemisë. Një numër fermash të vogla blegtorale kanë falimentuar nga emigracioni i lartë i të rinjve dhe plakja e pakësimi i popullsisë në fshat.

    Treguesit demografike dhe politikat shtetërore për nxitjen e blegtorisë sugjerojnë se importet e mishit do të jenë në rritje nga viti në vit. Skema e subvencionit në bujqësi përjashton fermat e vogla që janë në faliment, teksa numri i kafshëve për mish po pëson rënie dyshifrore nga viti në vit.

    Të dhënat e tregtisë me jashtë tregojnë se Brazili ishte furnizuesi kryesor me mish i tregut tonë për gjatë tre dekadave të tranzicionit. Vitin e kaluar u importuan gjithsej 48 mijë tonë mish, ku 26,8 për qind e të cilave ishin nga Brazili. Vendi i dytë për sasinë e importit të mishit është SHBA e ndjekur nga Greqia, Italia, Paraguai etj.

    Pesha e importeve të mishit nga Brazili ka pësuar rënie gjatë dekadës së fundit. Në vitin 2024 mishi nga ky vend zuri 31.1 % të totalit të importit të mishit, ndërsa në vitin 2024 rreth 27%.

    Gjatë dekadës së fundit janë rritur ndjeshëm importet e mishit nga Greqia. Në vitin 2014 importet nga vend zinin 7.9% të totalit të mishit të importuar, ndërsa më 2024 zunë 19%. Gjithashtu importet e mishit nga Paraguai u rriten gjatë dekadës. Ky vend ishte furnizuesi i pestë me i rëndësishëm më mish i Shqipërisë me 5 për qind të totalit të importeve nga 0.7 për qind më 2014.

    Kërkesa për konsumin e mishit është rritur vitet e fundit, ndonëse numri i popullsisë është pakësuar me 15 për qind ndërmjet 2011-2023. Por shumëfishimi i turistëve dhe restoranteve ka ndikuar që kërkesa për mish të jetë në trend rritës. Rritja e importeve po ekspozon shëndetin e popullatës ndaj prodhimeve pa cilësi. Rastet me salmonele janë shtuar vitet e fundit, ndërsa kontrollohet e cilësisë po dështojnë të shmangin konsumin e mishit të infektuar. Salmonela shkakton simptoma të rënda që kërkojnë trajtim në spital deri në rrezikimin e jetës./ Monitor

  • Rritet varësia e konsumit nga mishi i importit në Shqipëri, shëndeti i popullatës ekspozohet ndaj prodhimeve pa cilësi

    Rritet varësia e konsumit nga mishi i importit në Shqipëri, shëndeti i popullatës ekspozohet ndaj prodhimeve pa cilësi

    Vit pas viti tregu vendas po rrit varësinë ndaj mishit të importuar. Në njërën anë ulja e numrit të kafshëve për mish dhe në anën tjetër rritja e kërkesës nga zhvillimet pozitive në turizëm po nxisin importet dhe bashkë me to edhe rrezikun e hyrjes së prodhimeve jo në standard. Sipas të dhënave zyrtare nga INSTAT importet e mishit ndërmjet 2014 dhe 2024 janë rritur me 29%. Në vitin 2024 u importuan në sasi 48 mijë ton mish.
    Gjatë kësaj periudhe varësia e konsumit nga importet është zgjeruar gjithashtu. Në vitin 2014 konsumi vjetor i mishit arriti në 192 mijë tonë, nga i cili 19.6 për qind ishte importi. Në vitin 2023 konsumi i mishit arriti në 184 mijë tonë, ku 26 për qind ishte nga importi, sipas të dhënave të INSTAT për prodhimin vendas të mishit dhe për importet. Rritja e varësisë nga importet e mishit lidhet me tkurrjen e blegtorisë në vend. Përgjatë 2014-2023 numri i krerëve të gjedhit ka pësuar rënie me 47%, të imtat me 34 për qind, ndërsa derrat me 33 %. Ritmet e rënies janë thelluar sidomos pas pandemisë. Një numër fermash të vogla blegtorale kanë falimentuar nga emigracioni i lartë i të rinjve dhe plakja e pakësimi i popullsisë në fshat.
    Treguesit demografike dhe politikat shtetërore për nxitjen e blegtorisë sugjerojnë se importet e mishit do të jenë në rritje nga viti në vit. Skema e subvencionit në bujqësi përjashton fermat e vogla që janë në faliment, teksa numri i kafshëve për mish po pëson rënie dyshifrore nga viti në vit. Të dhënat e tregtisë me jashtë tregojnë se Brazili ishte furnizuesi kryesor me mish i tregut tonë për gjatë tre dekadave të tranzicionit. Vitin e kaluar u importuan gjithsej 48 mijë tonë mish, ku 26,8 për qind e të cilave ishin nga Brazili. Vendi i dytë për sasinë e importit të mishit është SHBA e ndjekur nga Greqia, Italia, Paraguai etj.
    Pesha e importeve të mishit nga Brazili ka pësuar rënie gjatë dekadës së fundit. Në vitin 2024 mishi nga ky vend zuri 31.1 % të totalit të importit të mishit, ndërsa në vitin 2024 rreth 27%. Gjatë dekadës së fundit janë rritur ndjeshëm importet e mishit nga Greqia. Në vitin 2014 importet nga vend zinin 7.9% të totalit të mishit të importuar, ndërsa më 2024 zunë 19%. Gjithashtu importet e mishit nga Paraguai u rriten gjatë dekadës. Ky vend ishte furnizuesi i pestë me i rëndësishëm më mish i Shqipërisë me 5 për qind të totalit të importeve nga 0.7 për qind më 2014.
    Kërkesa për konsumin e mishit është rritur vitet e fundit, ndonëse numri i popullsisë është pakësuar me 15 për qind ndërmjet 2011-2023. Por shumëfishimi i turistëve dhe restoranteve ka ndikuar që kërkesa për mish të jetë në trend rritës. Rritja e importeve po ekspozon shëndetin e popullatës ndaj prodhimeve pa cilësi. Rastet me salmonele janë shtuar vitet e fundit, ndërsa kontrollohet e cilësisë po dështojnë të shmangin konsumin e mishit të infektuar. Salmonela shkakton simptoma të rënda që kërkojnë trajtim në spital deri në rrezikimin e jetës./ Monitor

  • Rritet varësia e konsumit nga mishi i importit, arrin 48 mijë ton në vit; Brazili furnizuesi kryesor

    Rritet varësia e konsumit nga mishi i importit, arrin 48 mijë ton në vit; Brazili furnizuesi kryesor

    Vit pas viti tregu vendas po rrit varësinë ndaj mishit të importuar. Në njërën anë ulja e numrit të kafshëve për mish dhe në anën tjetër rritja e kërkesës nga zhvillimet pozitive në turizëm po nxisin importet dhe bashkë me to edhe rrezikun e hyrjes së prodhimeve jo në standard.Sipas të dhënave zyrtare nga INSTAT importet e mishit ndërmjet 2014 dhe 2024 janë rritur me 29%. Në vitin 2024 u importuan në sasi 48 mijë ton mish.Gjatë kësaj periudhe varësia e konsumit nga importet është zgjeruar gjithashtu.Në vitin 2014 konsumi vjetor i mishit arriti në 192 mijë tonë, nga i cili 19.6 për qind ishte importi. Në vitin 2023 konsumi i mishit arriti në 184 mijë tonë, ku 26 për qind ishte nga importi, sipas të dhënave të INSTAT për prodhimin vendas të mishit dhe për importet.Rritja e varësisë nga importet e mishit lidhet me tkurrjen e blegtorisë në vend. Përgjatë 2014-2023 numri i krerëve të gjedhit ka pësuar rënie me 47%, të imtat me 34 për qind, ndërsa derrat me 33 %. Ritmet e rënies janë thelluar sidomos pas pandemisë. Një numër fermash të vogla blegtorale kanë falimentuar nga emigracioni i lartë i të rinjve dhe plakja e pakësimi i popullsisë në fshat.Treguesit demografike dhe politikat shtetërore për nxitjen e blegtorisë sugjerojnë se importet e mishit do të jenë në rritje nga viti në vit. Skema e subvencionit në bujqësi përjashton fermat e vogla që janë në faliment, teksa numri i kafshëve për mish po pëson rënie dyshifrore nga viti në vit.Të dhënat e tregtisë me jashtë tregojnë se Brazili ishte furnizuesi kryesor me mish i tregut tonë për gjatë tre dekadave të tranzicionit. Vitin e kaluar u importuan gjithsej 48 mijë tonë mish, ku 26,8 për qind e të cilave ishin nga Brazili. Vendi i dytë për sasinë e importit të mishit është SHBA e ndjekur nga Greqia, Italia, Paraguai etj.Pesha e importeve të mishit nga Brazili ka pësuar rënie gjatë dekadës së fundit. Në vitin 2024 mishi nga ky vend zuri 31.1 % të totalit të importit të mishit, ndërsa në vitin 2024 rreth 27%.Gjatë dekadës së fundit janë rritur ndjeshëm importet e mishit nga Greqia. Në vitin 2014 importet nga vend zinin 7.9% të totalit të mishit të importuar, ndërsa më 2024 zunë 19%. Gjithashtu importet e mishit nga Paraguai u rriten gjatë dekadës. Ky vend ishte furnizuesi i pestë me i rëndësishëm më mish i Shqipërisë me 5 për qind të totalit të importeve nga 0.7 për qind më 2014.Kërkesa për konsumin e mishit është rritur vitet e fundit, ndonëse numri i popullsisë është pakësuar me 15 për qind ndërmjet 2011-2023. Por shumëfishimi i turistëve dhe restoranteve ka ndikuar që kërkesa për mish të jetë në trend rritës.Rritja e importeve po ekspozon shëndetin e popullatës ndaj prodhimeve pa cilësi. Rastet me salmonele janë shtuar vitet e fundit, ndërsa kontrollohet e cilësisë po dështojnë të shmangin konsumin e mishit të infektuar. Salmonela shkakton simptoma të rënda që kërkojnë trajtim në spital deri në rrezikimin e jetës./ B.HoxhaBurimi: INSTATBurimi: INSTATBurimi: INSTATBurimi: INSTATBurimi: INSTATKy është artikull ekskluziv i Revistës Monitor, që gezon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetm duke cituar “Revista Monitor” shogëruar me linkun e artikullit origjinal.

  • Kosova rrit kontrollet, dyshime për salmonelë në mishin e pulës nga Brazili në Shqipëri

    Kosova rrit kontrollet, dyshime për salmonelë në mishin e pulës nga Brazili në Shqipëri

    Agjencia e Ushqimit dhe Veterinarisë ka njoftuar se ka lëshuar urdhëresë për kontrollin kufitarë, që të gjitha ngarkesat e mishit të pulës (fileto-breast) me origjinë nga Brazili të dërgohen për testim mikrobiologjik, duke përfshirë tipizimin për llojet “Salmonella Typhimurium” dhe “Salmonella Enteritidis”.Pas raportimeve se në Shqipëri është ndaluar importi i mishit të pulës nga Brazili, për shkak të dyshimit të prezencës së “Salmonella Typhimurium”, edhe Kosova ka ngritur masat e kontrollit në dy nivele.Lajmin e bërë të ditur vetë Agjencia e Ushqimit dhe Veterinarisë.AUV-i ka lëshuar urdhëresë për kontrollin kufitarë, që të gjitha ngarkesat e mishit të pulës (fileto-breast) me origjinë nga Brazili të dërgohen për testim mikrobiologjik.“Menjëherë pas publikimit të lajmit në Shqipëri, mbi dyshimet e ngritura për prezencë të ‘Salmonella Typhimurium në fileto pule të importuar nga Brazili’. Agjencia e Ushqimit dhe Veterinarisë ka lëshuar urdhëresë për kontrollin kufitarë, që të gjitha ngarkesat e mishit të pulës (fileto-breast) me origjinë nga Brazili të dërgohen për testim mikrobiologjik, duke përfshirë tipizimin për llojet Salmonella Typhimurium dhe Salmonella Enteritidis. Ngarkesat e mostruara sipas procedurës qëndrojnë të bllokuar deri në nxjerrje të rezultateve të analizave. Po ashtu në kontrollin e brendshëm bazuar në vlerësim të analizës se rrezikut, janë inspektuar disa pika shitëse, ku përveç kontrollit është bërë edhe marrja e mostrave”.Tutje AUV tregon se është kontaktuar Autoriteti Kombëtar i Ushqimit në Shqipëri, nga të cilët kanë marrë konfirmim se nuk ka pasur ri-eksporte të produkteve të dyshuara nga Shqipëria për në Kosovë.“Nga të gjitha linjat e komunikimit me konsumator apo institucionet shëndetësore deri me tani nuk kemi pranuar ndonjë njoftim lidhur me dyshime se ndonjë qytetar ka pasur indikacione shëndetësore të lidhura me konsum të mishit të pulës. Për të siguruar konsumatorët tonë ne kemi ngritur masat e kontrollit në dy nivelet. Po merren mostrat për testim, në momentin qe lëshohen rezultatet nga laboratori, ato do të komunikohen për publikun”.Po ashtu tregohet se deri më tani nuk ka asnjë argument apo rezultat laboratorik që dëshmon për prezencë të “Salmonella Typhimurium” në fileto pule të importuar origjina Brazil “gjithçka është vetëm në nivelin e dyshimeve”. Ky është artikull ekskluziv i Revistës Monitor, që gezon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetm duke cituar “Revista Monitor” shogëruar me linkun e artikullit origjinal.

  • Supa me Oriz dhe Mish Pule – Perfektja Kundër Virozave

    Supa me Oriz dhe Mish Pule – Perfektja Kundër Virozave

    Nuk ka asnjë armë më të fortë se supa për të mbajtur larg gripin dhe virozat.

    E pasur me vitamina dhe minerale nga lëngu i mishit, supa forcon imunitetin e organizmit.
    Receta që AgroWeb.org ju sjell sot është goxha e famshme, dhe e lehtë për t’u përgatitur.
    Lëngu i pulës që mpikset me vezë dhe merr shije nga lëngu i limonit, është një kombinim i përdorur për breza të tërë.
    Kjo supë nuk e ka marrë famën kot. Lëngu i saj kremoz që ka trashësinë e duhur dhe shijen më të mirë, është ai që bën mrekullira për trupin.
    Provojeni recetën që ju sugjeron AgroWeb.org dhe rigjallëroni organizmin në këtë ditë të ftohtë.
    Përbërësit

    1 gotë me oriz
    4-5 gota ujë
    500 – 600 g mish pule
    3 vezë
    4-5 lugë gjelle me lëng limoni
    Kripë
    Piper i zi
    Një tufë majdanoz i grirë

    Përgatitja
    Hapi i parë i përgatitjes së kësaj recete është vendosja e mishit të pulës për të zierë.
    Përpara sigurohuni që a keni larë mirë dhe ta keni ndarë në copa pulën.
    Ndërkohë AgroWeb.org ju sugjeron që të nxirrni vezët nga frigoriferi dhe t’i rrihni lehtë në një tas.
    Lërini në temperaturë ambienti kështu do të jenë gati që t’i përdorni kur të vij koha.
    Pulës hidhini pak kripë në mënyrë që mishit ë marrë shije sa duhet.
    Provojeni me një pirun nëse mishi i pulës është zbutur dhe zierë plotësisht.
    AgroWeb.org ju këshillon që të largoni mishin e pulës dhe ta lini të ftohet në një pjatë.
    Tek tenxherja me lëngun e pulës hidhni orizin dhe lëreni që të ziejë.
    Mishin e pulës ndajeni në copa të vogla dhe hidheni përsëri tek tenxherja.
    Tek vezët shtoni lëngun e limonit dhe përzjejeni mirë me telin e kuzhinës derisa përbërësit të jenë lidhur.
    Merrni vezët dhe hidhini pak nga lëngu i pulës, mos harroni që ta përzieni gjatë gjithë kohës.
    Kjo metodë mundëson që vezët të arrijnë ngadalë temperaturën e lëngut të pulës .
    Kur të keni shtuar rreth 3-4 lugë gjelle me lëng tek vezët, keni arritur masën e duhur.
    AgroWeb.org ju udhëzon që këtë salcë tani ta shtoni tek tenxherja me mishin dhe orizin e zierë.
    Duke e përzierë me një tel kuzhine lëreni në zjarr derisa të kthejë valë.
    Supa dalëngadalë do të fillojë të trashët dhe lëngu i saj do të marrë një ngjyrë të bardhë kremoze.
    Por kini kujdes: mos ndaloni së përzieri supën në asnjë moment.
    Kur ajo të kthejë valë, provoni orizin, pasi ai nuk duhet të zbutet e të bëhet i ujshëm.
    Nëse ka fortësinë e duhur, hiqeni tenxheren nga zjarri dhe spërkateni me piper dhe majdanoz të grirë.
    Shërbejeni të ngrohtë dhe do të mrekulloheni me shijen e saj./AgroWeb.org

  • Mishi me salmonelë, hetim procedurave të ndjekura nga AKU, drejtori: S’ka të helmuar në spitale

    Mishi me salmonelë, hetim procedurave të ndjekura nga AKU, drejtori: S’ka të helmuar në spitale

    Foto ilustruese

    TIRANË- Edhe Autoriteti i Kontrollit të Ushqimit është në lupë nga Prokuroria e Tiranës. Procedura e ndjekur nga punonjësit e AKU-së për të bërë analizat e mishit me salmonelë të futur në Shqipëri nga Brazili janë duke u hetuar për të kuptuar nëse reagimi është bërë në kohë; apo janë shkak për shpërndarjen e mishit të kontaminuar ka qenë neglizhenca. Kjo pasi ka dyshime se analizat mund të mos jenë kryer konform parashikimeve ligjore. 
    Ndaj Prokuroria e Tiranës ka regjistruar procedim penal për dy vepra penale, atë të “shpërdorimit të detyrës” dhe “importimi, prodhimi, shitja dhe ruajtja e ushqimeve të rrezikshme për shëndetin dhe jetën e njerëzve”. Po ashtu, dje, ministrja e Bujqësisë, Anila Denaj lajmëroi se po konsiderohet edhe mundësia e shkrirjes së AKU-së. Por nuk dha detaje të tjera. 

    Sa i përket mishit të pulës me salmonelë, nga kontrollet e kryera në qytetin e Vlorës është sekuestruar 500 kg mish pule me salmonelë; në dy fast-food-e, tre markete dhe në një restorant. Por janë marrë mostra për analizim edhe në subjekte të tjerë, për të cilët pritet përgjigje. 

    Për të gjithë ata që e kanë konsumuar mishin e kontaminuar ka folur drejtori i menaxhimit të riskut në AKU, Martin Jorgaqi. I ftuar në studion e “Ditarit” në A2 CNN, Jorgaqi deklaroi se nga mishi i pulës me salmonelë që ka hyrë në vendin tonë nuk ka raste të shtrimeve në spitale. Por nuk e tregoi burimin e këtij informacioni, pasi nga ana e spitaleve në Shqipëri nuk ka asnjë njoftim zyrtar lidhur me informacionet për të shtruarit. 
    “Sasia e përgjithshme ka qenë 27 ton me një prej dy salmonelave më të rrezikshme që njihen. Arritëm që të kthenim një masë të konsiderueshme të këtij produkti. Kemi kthyer më shumë se 50% të 7,9 ton të këtij produkti. Subjekti që e ka sjellë e ka nxjerrë këtë produkt në treg, me të drejtë apo jo, këtë nuk di ta them sepse po hetohet çështja, por AKU ka bërë të mundur të gjejë se ku është shpërndarë produkti. Për të gjithë sasinë që po flasim, që ka 10 ditë që ka hyrë, sot spitalet duhet të ishin plot sepse salmonela i jep problemet për 2-4 ditë. Ne nuk kemi asnjë në spital, kemi vetëm zhurmën mediatike. Shpërthimi është kur njerëzit hanë të njëjtin produkt dhe sëmuren,”- tha Jorgaqi.
    27 ton mish pule me salmonelë u importuan këtë muaj nga Brazili në vendin tonë. Mishi me salmonelë është futur në vendin tonë nga Brazili dhe është shpërndarë në treg nga kompania “diMal”. Sipas analizave të kryera në ISUV, u zbulua se mishi ishte infektuar me “Salmonella Typhimurium”, por që në këtë kohë, mishi ishte shitur. Gjithsej, nga 27 ton, janë shitur 13.5 mijë kilogramë; shumica në qarkun e Kukësit, ndërsa pjesa tjetër është shpërndarë nëpër marketet e gjithë vendit. Në lidhje me rastin në kërkim është shpallur Arben Goxha, administratori i kompanisë, ndërsa në hetim është i vëllai, Mond Goxha, pronar i ‘dimal’ dhe 3 inspektorët e AKU-së, Gezim Hushi, Sada Lufta, Aldo Sinjari./ZËRI