Lajmidites.com

Tag: minutën

  • Përbindshi vijon ‘gjuetinë’, Ronaldo 931 gola

    Përbindshi vijon ‘gjuetinë’, Ronaldo 931 gola

    Tani janë shifra të rëndë golash të shënuar. Kristiano Ronaldo godet me gola këtë mbrëmje dhe arrin në 931 rrjeta në karrierë. Ylli portugez tërhoqi Al Nasr në fushën e Al Hilal në raundin e 26-të të Ligës Pro Saudite duke fituar 1-3.

    Përveç dy golave ​​të CR7, të cilët erdhën përkatësisht në minutën e 47-të me një asistim nga Sadio Mane dhe në minutën e 88-të me penallti, miqtë e Al Nasr kishin kaluar në epërsi me golin e Al Hasan-it të asistuar nga Brozoviç në minutën e katërt të kohës shtesë në pjesën e parë.

    Falë këtij rezultati, Al Nasr afrohet me tri pikë me Al Hilal në renditje, duke siguruar vendin e tretë me 54 pikë. dhe tashmë duke vendosur vendin e dytë në horizontin e tyre.

    Al Itihad kryesues (61 pikë) i Mario Mitajt luan nesër në udhëtim me Al Ahli. Kampionati saudit për Al Nasr ka dhe tetë javë deri në fund dhe gjithçka mund të ngjasë. Ronaldo është aty…/Sportiim.al/

    Vazhdo leximin

  • (VIDEO) Bayern Munich avancon drejt titullit por Musiala trishton ambjentin! Vjen lajmi i padëshiruar pas ndeshjes

    (VIDEO) Bayern Munich avancon drejt titullit por Musiala trishton ambjentin! Vjen lajmi i padëshiruar pas ndeshjes

    4 Prill 2025

    22:58

    Telesport

    Bayern Munichu fiton me rezultat 3-1 në nje fushe te veshtire si ajo e Augsburgut në kuadër të javës së 28-të në elitën e futbollit gjerman. Vendasit kaluan në epërsi në minutën e 30-të përmes grekut Dimitrios Giannoulis i cili shënoi për rezultatin 1-0.
    Bavarezët ia dolën të reagojnë duke barazuar shifrat në 1-1 në minutën e 42-të përmes Jamal Musialas i cili u asistua nga Leroy Sane. Por, Musiala u demtua dhe nje problem me gjurin mund te trondise fatet e Bayern pasi do te ishte nje tjeter mungese big ndaj Interit vec Davies, Ito dhe ndoshta Upamecano. Ne fakt, pas ndeshjes, drejuesi Eberl konfirmon se nuk do te jete ndaj Interit ne ndeshjen e pare.
    Bayerni pati një mundësi të artë shënimi në minutën e 52-të duke goditur traversën përmes Michael Olise. Në minutën e 59-të Augsburgu mbeti me një lojtar më pak në fushë pasi Cedric Zesiger mori kartonin e dytë të verdhë.
    Goli i përmbysjes për Bayernin erdhi në minutën e 61-të përmes Harry Kane i cili realizoi me kokë për 2-1 pas asistimit perfekt të Olise. Për rezultatin përfundimtar të takimit 3-1 u përkujdes Chrislain Matsima i cili realizoi autogol në minutën e 93-të.
    Me këtë triumf, Bayerni shkon në kuotën e 68 pikëve, duke lënë mbrapa Bayer Leverkusenin me 59 pike, por këta të fundit me një ndeshje më pak të luajtur.
    GOLI I MUSIALA – VIDEO
    GOLI I KANE – VIDEO
    AUTOGOLI – VIDEO

  • NATIONS LEAGUE | Kombëtarja kuqezi e femrave e nis me “poker” spektakolar (VIDEO)

    NATIONS LEAGUE | Kombëtarja kuqezi e femrave e nis me “poker” spektakolar (VIDEO)

    Kombëtarja shqiptare e vajzave arriti një fitore të madhe në “Loro Boriçi”, duke mposhtur Kroacinë me rezultatin e thellë 4-0. Në ndeshjen e vlefshme për Ligën B të UEFA Nations League, shënuan Fortesa Berisha, Alma Hilaj, Megi Doçi dhe Klea Hamonikaj.
    Trajneri Armir Grima e nisi takimin me këtë formacion titullar: Viona Rexhepi (GK), Arbenita Curraj, Arbiona Bajraktari, Fortesa Berisha, Valentina Troka, Qëndresa Krasniqi, Megi Doçi (C), Ezmiralda Franja, Ilarja Zarko, Klea Hamonikaj dhe Alma Hilaj.
    Vajzat e nisën shumë mirë ndeshjen, duke kaluar në avantazh në minutën e 14-të me golin e Fortesa Berishës.
    Shqipëria nuk e uli ritmin dhe në minutën e 24-të gjeti golin e dytë me Alma Hilajn, pas një asistimi nga Megi Doçi. Pjesa e parë u mbyll me rezultatin 2-0. Në fraksionin e dytë, skuadra jonë menaxhoi mirë lojën dhe vazhdoi të rrezikonte. Goli i tretë erdhi në minutën e 72-të, kur kapitenja Megi Doçi shënoi me një goditje të fuqishme nga jashtë zone.
    Në këtë takim, trajneri Grima aktivizoi edhe Antigona Hyskën, Armela Tukajn, Kristina Maksutin, Djellza Istrefajn dhe Mikaela Metallën.
    Në fundin e ndeshjes, Shqipëria shënoi edhe golin e katërt me Klea Hamonikajn, e cila përfitoi nga një gabim i portieres kroate dhe e dërgoi topin në rrjetë.
    Ndeshja u mbyll me fitoren fantastike të Shqipërisë, 4-0. Shqipëria e vajzave do të zhvillojë ndeshjen e radhës në grupin B4 po ndaj Kroacisë, këtë herë në transfertë. Takimi do të luhet më 8 prill, në “Sport Centre Rudes”, në orën 16:00.

  • Çelsi fiton derbin dhe kap zonën Champions…

    Çelsi fiton derbin dhe kap zonën Champions…

    Fitorja e tretë radhazi për Çelsin që merr në shtëpi derbin e Londrës kundër Totenhemit dhe rimerr vendin e katërt, duke parakaluar njëherazi Njukasëll e Siti.

    Në anën tjetër momenti i vështirë vazhdon për skuadrën e Postecoglou, e katërmbëdhjeta në Premier League me vetëm 34 pikë.

    Goli i fitores i vetmi në këtë takim erdhi ë pjesën e dytë, teksa në minutën e 50-të falë një goditjeje me kokë të kapitenit Enzo Fernandez, blutë festuan suksesin e madh të mbrëmjes.

    Ndërkohë portieri spanjoll i bluve Robert Sançez, ishte vendimtar në minutën e 89-të për të shmangur goditjen e mundshme të Heung-Min Son për barazimin eventual.

    Vazhdo leximin

  • (VIDEO) Fitorja e Chelsea-t ndryshon renditjen, derbi ishte plot emocione!

    (VIDEO) Fitorja e Chelsea-t ndryshon renditjen, derbi ishte plot emocione!

    Chelsea ka triumfuar 1-0 në derbin londinez përballë Tottenhamit në kuadër të javës së 30-të te Premier League. Pas vetëm dy minutash lojë, Nicolas Jackson kishte mundësi të artë që t’i kalonte blutë në epërsi, por goditjen e tij e ndali shtylla vertikale.
    Gjashtë minuta më vonë, Malo Gusto lëshoi një goditje të fortë, mirëpo shkoi vetëm afër shtyllës së djathtë. Pas gjysmëore loje, Jackson sërish goditi shtyllën e Tottenhamit, duke lënë shifrat në 0-0.
    Në minutën e 45-të, Jadon Sancho nuk ia doli të mposhte Guglielmo Vicarion nga afërsia, që bëri pritje brilante. Por, në minutën e 50-të, Cole Palmer bëri një asistim perfekt te Enzo Fernandez, me argjentinasin që shënoi me lehtësi me kokë.
    Gjashtë minuta më vonë, Moise Caicedo mendoi se kishte dyfishuar epërsinë e Chelseat, por VAR-i në mënyrë kontroverse e anuloi për pozicion jashtë loje.
    Në minutën e 69-të, Pape Matar Sarr lëshoi një goditje të fortë nga distanca, duke mposhtur Robert Sanchezin, por që goli u anulua për shkak të faullit në Caicedon.
    Blutë ia dolën të mbanin këtë epërsi minimale, për të fituar tri pikë të mëdha dhe për t’u rikthyer në vendin e katërt. Pas javës së 30-të, Chelsea ka grumbulluar 52 pikë, ndërsa në xhiron e 31-të do të kenë punë me Brentfordin.
    Cole Palmer ka dhënë një asistim në Premier League për herë të parë që nga 1 dhjetori kundër Aston Villas. Midis këtyre dy asistimeve, ai krijoi 39 raste, i katërti me më shumë nga çdo lojtar i Premier League në ketë kohë.
    GOLI I ENZO FERNANDEZ – VIDEO
    SHERRI – VIDEO
    GOLI I ANULUAR – VIDEO
    GOLI I ANULUAR – VIDEO

  • Elbasani fiton me përmbysje, Tirana shkon në fund

    Elbasani fiton me përmbysje, Tirana shkon në fund

    Elbasani fitoi supersfidën e javës së 32-të ndaj Tiranës, me rezultatin 2-1. Triumf me përmbysje nga verdheblutë në “Elbasan Arena”, në një përballje shumë të luftuar.Tirana e nisi shumë mirë ndeshjen, duke kaluar në avantazh në minutën e 12-të me Përgjonin, rezultat me të cilin u mbyll pjesa e parë.
    Fraksioni i dytë ishte tjetër histori, me Kristi Qosen, që bëri heroin për vendasit. Mesfushori barazoi shifrat në minutën e 73-të, ndërsa në minutën e 94-t përmbysi rezultatin, duke i dhënë avantazhin dhe fitoren Elbasanit.Sukses i rëndësishëm për skuadrën e Ivan Gvozdenovic, që ngjitet kuotën e 43 pikëve në vendin e pestë. Tirana mban vendin e fundit me 32 pikë dhe rrezikon më shumë se kurrë rënien në Kategorinë e Parë.

  • As trajneri i ri nuk i bën “derman” Leipzig, Stuttgart pret biletën për në finalën e Kupës së Gjermanisë (video)

    As trajneri i ri nuk i bën “derman” Leipzig, Stuttgart pret biletën për në finalën e Kupës së Gjermanisë (video)

    2 Prill 2025

    22:53

    Telesport

    Stuttgart ka mundur 3-1 Leipzig dhe siguron finalen e Kupës së Gjermanisë, aty ku i pret surpriza më e madhe e këtij sezoni, Arminia Bielefeld, e cila eliminoi dje Leverkusen.
    Përsa i përket gjysmëfinales së sotme, Stuttgart shënoi që në minutën e pestë me Angelo Stiller, në minutën e 57-të dyfishuan shifrat me Woltemade. Leipzig ngushtoi rezultatin me golin e Benjamin Sesko në minutën e 62-të.
    Leweling do të vuloste fitoren e Stuttgart me golin e tij në minutën e 73-të. Kujtojmë se sot ishte pikërisht ndeshja e parë për trajnerin ri të Leipzig, Zsolt Loë, i cili e ka nisur aventurën me humbje.
    SHIKOGOLAT

  • Dy shqiptarët shënojnë gola të bukur në Kupën e Turqisë, por janë të pafat! Ekipi i tyre eliminohet në kohën shtesë (video)

    Dy shqiptarët shënojnë gola të bukur në Kupën e Turqisë, por janë të pafat! Ekipi i tyre eliminohet në kohën shtesë (video)

    2 Prill 2025

    21:25

    Telesport

    Taulant Seferi dhe Enis Bardhi kanë qenë protagonistë në ndeshjen mes Trabzonspor dhe Bodrumspor, e vlefshme për çerekfinalet e Kupës së Turqisë.
    Vendasit gjetën të parët golin me Simon Banza në minutën e tretë, miqtë përmbysën shifrat brenda 5 minutave me golat e dy shqiptarëve. Fillimisht Taulant Seferi barazoi shifrat në minutën e 15-të, pas asistit të Fredy dhe shqiptari e finalizoi aksionin në mënyrë perfekte. SHIKOGOLIN
    Në minutën e 20-të, Seferi asiston bukur brenda zone për Enis Bardhin, i cili dërgon topin në rrjetë me një goditje të fuqishme, por nuk feston para tifozerisë së ish-klubit të tij.SHIKOGOLIN
    Trabzonspor barazon shifrat me Eskihellac në minutën e 22-të dhe koha e rregullt mbyllet 2-2. Vendasit gjetën golin e fitores dhe të kualifikimit në gjysmëfinale në minutën e 108-të të kohës shtesë prej 30 minutash me Zubkov.

  • Çmenduri në “Bernabeu”! Sociedadi bën me makthe Realin deri në minutën e 115, madrilenët arrijnë finalen pas 8 golave

    Çmenduri në “Bernabeu”! Sociedadi bën me makthe Realin deri në minutën e 115, madrilenët arrijnë finalen pas 8 golave

    Çmenduri në “Santiago Bernabeu”. Ndeshja e kthimit mes Realit të Madridit dhe Real Sociedadit në gjysmëfinale të Kupës së Mbretit ka dhuruar spektakël për të gjithë sportdashësit. Barreneteksea nisi festivalin e golave në minutën e 16 të takimit, ndërsa Endriku barazoi në minutën e 30.
    Por ndeshja do të ndizej në minutat e fundit të saj. Dy autogolat e Alabasë, në minutat e 72-të dhe të 80, bënë me makthe ekipin e Ançelotit, pasi gjendej buzë eleminimit. Por madrilenët bënë atë që dinë të bëjnë më së miri, të kthejnë historinë e ndeshjes atëherë kur gjithçka duket e mbyllur. Bellinghemi në minutën e 81-të dhe Çuameni në të 86-n kthyen sërish baraspeshën.
    Me këtë rezultat, madrilenët e shihnin veten në finale, por Real Sociedadi nuk e kishte thënë ende fjalën e fundit. Kur kronometri po numëronte minutan e 6 shtesë, Ojarzabali tundi rrjetën dhe e dërgoi ndeshjen në kohën shtesë. Ishte më pas Rydigeri ai që i dha kualifikimin Realit me golin e shënuar me kokë në minutën e 115.
    Mbrojtësi gjerman vulosi shifrat përfundimtare në 4-4, çka i siguronte “los blancos”-ve një biletë për në finale të Kupës së Mbretit, për shkak të fitores 1-0 në gjysmëfinalen e parë të zhvilluar mes këtyre skuadrave./Sport Ekspres/

  • Abissnet Superiore: Egnatia nuk fal as Bylisin, Elbasani zhyt Tiranën në fund

    Abissnet Superiore: Egnatia nuk fal as Bylisin, Elbasani zhyt Tiranën në fund

    Janë luajtur sot dy ndeshjet e fundit të javës së 32-të për Abissnet Superiore. Në “Adush Muça” në Balls, Egnatia fitoi me shifrat 0-2. Në pjesën e parë mungoi goli, ndërsa në 45-minutat e dyta rrogozhinasit shënuan dy herë.
    Serinë e golave e hapi Regi Lushkja në minutën e 48-të, i cili dërgoi topin në rrjetë pas një krosimi të bukur në krah nga Fernandes. Goli i dytë erdhi në minutën e 72-të pas një kundërsulmi të shpejtë, Serxho Ujka asiston bukur për Saliou Guindo, i cili e ka mjaft të lehtë të dërgojë topin në portën e ballshiotëve.
    Në “Elbasan Arena”, verdheblutë fituan në frymën e fundit ndaj Tiranës. Bardheblutë kaluan të parët në avantazh me Pergjonin në minutën e 11-të dhe e mbyllën pjesën e parë në avantazh. Në pjesën e dytë, fillimisht Elbasani barazon shifrat në minutën e 72-të me Kristi Qose, i cili shënon me kokë. Përmbysja e madhe erdhi në minutat shtesë, ku sërish ishte protagonist ish-mesfushori i Kombëtares, Qose, që shënoi golin e dytë dhe të fitores së madhe për vendasit.
    Pas kësaj fitoreje, Elbasani ringjall shpresat për vendin e katërt, pasi ndodhet vetëm 4 pikë larg Partizanit, ndërsa Tirana renditet e fundit me 32 pikë. Duhen edhe 4 javë nga përfundimi i këtij sezoni në Superiore.