Lajmidites.com

Tag: minutën

  • Arbër Hoxha “vret” Hajdukun minutën e fundit, ylli kuqezi nuk ndalet në Kroaci

    Arbër Hoxha “vret” Hajdukun minutën e fundit, ylli kuqezi nuk ndalet në Kroaci

    Arbër Hoxha po kalon një sezon fantastik si me Kroacinë ashtu edhe në kombëtaren shqiptare.
    Anësori kuqezi ka shënuar një tjetër gol me peshë këtë javë në kampionatin kroat, dhe pikërisht kundër rivalëve të Hajduk Split, duke barazuar rezultatin në minutën e fundit të ndeshjes.
    Dinamo Zagreb e pa veten në disavantazh në minutën e 68-të. Ndërsa të gjithë në “Maksimir” ishin të përgatitur për fundin e ndeshjes, Arbër Hoxha bën mrekullinë, duke barazaur shifrat në 1-1.

    ⚽️DINAMO – HAJDUK 1:1 – U 102. minuti Arber Hoxha donosi poravnanje Dinamu za erupciju oduševljenja na Maksimiru. #hnl #supersporthnl #hajduk #dinamo pic.twitter.com/LF6kr3nxkB

    — sportnet|HR (@sportnet_HR) December 6, 2025
    Hoxha ndoqi aksionin deri në fund dhe e dërgoi topin në rrjetë pas një ndërhyrjeje të portierit kundërshtar, duke rikthyer baraspeshën në sekondat e fundit.
    Pas këtij rezultati, pas 16 javësh kampionat, Dinamo Zagreb ngjitet në krye me 32 pikë, ndërsa Hajduk Split qëndron një hap pas, me 31 pikë, duke e bërë garën për titull jashtëzakonisht të ngushtë.

  • Bayern fitore me “manita” dhe nis arratinë, Leverkusen bëhet për “Aspirina” (video)

    Bayern fitore me “manita” dhe nis arratinë, Leverkusen bëhet për “Aspirina” (video)

    Bayern Munich nuk di të ndalet këtë sezon në Bundesligë. Bavarezët kanë marrë fitoren e 12-të për këtë sezon, ku kanë vetëm një barazim në 13 javë dhe sot fituan 0-5 në transfertë ndaj Stuttgart.
    Bayern gjeti golin që në minutën e 10-të, ku pas një topi të gjatë të Jonas Urbig dhe kombinimit me Michael Olise, Konrad Laimer shënon me finte. Në minutën e 66-të, Harry Kane dyfishon shifrat për bavarezët pas një goli të bukur nga distanca.
    Në minutën e 78-të, Josip Stanisic shënoi golin e tretë për bavarezët, me një goditje të lehtë me të djathtën brenda zonës, pas asistit të Luis Diaz. Në 10 minutat e fundit, vendasit mbetën me 10 lojtarë pasi i sapofutur në fushë, Lorenz Assignon, u ndëshkua me karton të kuq për ndalje të topit me dorë, duke i mohuar një rast të pastër shënimi Olise. Arbitri jep penallti, Harry Kane shënoi golin e dytë personal dhe të katërtin për Bayern, këtë herë nga pika e bardhë e penalltisë.
    Në minutën e 88-të, Harry Kane kompleton tregolëshin e tij, këtë herë pas asistit të Olise. Pas kësaj fitoreje, Bayern Munich nis shkëputjen, ku distanca me ndjekësin më atë afërt Leipzig, është 11 pikë. Leverkusen vazhdon me luhatjet këtë sezon, sot “Aspirinat” janë mundur 2-0 nga Augsburg.
    https://www.goalstube.online/2025/12/stuttgart-bayern.html

  • Man. City “spektakël” ndaj Sunderland dhe rrit presionin ndaj Arsenal. Broja titullar në humbjen e Burnley, Chelsea nuk di të përfitojë (video)

    Man. City “spektakël” ndaj Sunderland dhe rrit presionin ndaj Arsenal. Broja titullar në humbjen e Burnley, Chelsea nuk di të përfitojë (video)

    6 Dhjetor 2025

    17:56

    Telesport

    Kanë përfunduar disa nga ndeshjet e javës së 15-të për në Premier League. Në “Etihad”, Manchester City fitoi 3-0 ndaj Sunderland të Granit Xhakës, duke qenë tani vetëm dy pikë larg Arsenalit të vendit të parë. Ruben Dias zhbllokoi shifrat në minutën e 31-të me një gol spektakolar nga distanca. Goditja fuqishme e qendërmbrojtësit portugez përfundon në rrjetë. Në minutën e 35-të, Josko Gvardiol shënon me kokë pas krosimit të Phil Foden nga goditja e këndit.
    Në minutën e 65-të, Phil Foden shënon me kokë pas asistit të Rayan Cherki, duke vuolsur fitoren 3-0 për “Qytetarët”. Chelsea nuk arrin të përfitojë nga humbja e Arsenalit, pasi “Blutë” u ndalën në barazim pa gola në transfertën ndaj Bournemouth dhe renditen në vend të katërt me 25 pikë, 8 pikë më pak se Arsenal dhe 5 pikë më pak se Aston Villa e vendit të tretë.
    Tottenham rikthehet të fitorja pas pesë javëve, pasi sot mundi në shtëpi 2-0 Brentford. Vendasit gjetën avantazhin në minutën e 25-të me golin e Richarlison pas asistit të Xavi Simons. Në fund të pjesës së parë ishte Xavi Simons që dyfishoi shifrat.
    Everton fitoi 3-0 ndaj Nottingham Forest, autogol i Milenkovic, goli i Thierro Barry në fund të pjesës së parë dhe goli i Kiernan Dewsbury-Hall në minutën e 80′. Armando Broja luajti titullar në humbjen e Burnley 2-1 ndaj Newcastle.Për “Qymyrxhinjtë” shënoi Bruno Guimaraes direkt nga goditja e këndit në minutën e 30-të. Antony Gordon dyfishoi shifrat në fund të pjesës së parë nga pika e bardhë e penalltisë. Në fund të pjesës së parë, miqtë mbetën me një lojtar më pak, Lucas Pires u ndëshkua direkt më karton të kuq për faullin ndaj Elanga. Golin e vetëm për vendasit e shënoi Zian Flemming me penallti në minutat shtesë.
    SHIHGOLAT

  • Xhaka dhe Sunderland i tij nuk i rezistojnë dot Man. City-t. Tottenham “ok”, Broja titullar. Chelsea e mbyll pa gola (video)

    Xhaka dhe Sunderland i tij nuk i rezistojnë dot Man. City-t. Tottenham “ok”, Broja titullar. Chelsea e mbyll pa gola (video)

    6 Dhjetor 2025

    16:50

    Telesport

    Kanë përfunduar pjesët e para në takimet e javës së 15-të në Premier League. Në “Etihad”, Manchester City është duke fituar 2-0 ndaj Sunderland të Granit Xhakës. Ruben Dias zhbllokoi shifrat në minutën e 31-të me një gol spektakolar nga distanca. Goditja fuqishme e qendërmbrojtësit portugez përfundon në rrjetë. Në minutën e 35-të, Josko Gvardiol shënon me kokë pas krosimit të Phil Foden nga goditja e këndit.
    Në “St. James’ Park”, Newcastle po fiton 2-0 ndaj Burnley. Për “Qymyrxhinjtë” shënoi Bruno Guimaraes direkt nga goditja e këndit në minutën e 30-të. Antony Gordon dyfishoi shifrat në fund të pjesës së parë nga pika e bardhë e penalltisë. Armando Broja titullar për Burnley. Miqtë janë me një lojtar më pak, Lucas Pires u ndëshkua direkt më karton të kuq për faullin ndaj Elanga.
    Tottenham është duke fituar 2-0 ndaj Brentford. Vendasit gjetën avantazhin në minutën e 25-të me golin e Richarlison pas asistit të Xavi Simons. Në fund të pjesës së parë ishte Xavi Simons që dyfishoi shifrat. Everton është duke fituar në shtëpi 2-0 ndaj Nottingham Forest, autogol i Milenkovic dhe goli i Thierro Barry në fund të pjesës së parë.. Në ndeshjen tjetër, Bournemouth-Chelsea, mungoi goli në pjesën e parë.
    SHIKOGOLAT

  • Aro Muric shkakton penallti, “skuqet” Fabio Grooso. Sassuolo fundos Fiorentinën (video)

    Aro Muric shkakton penallti, “skuqet” Fabio Grooso. Sassuolo fundos Fiorentinën (video)

    Sassuolo fiton 3-1 ndaj Fiorentinës në “MappeiStadium”, për javën e 15-të në Serie A. Miqtë e nisën shumë mirë takimin duke gjetur avantazhin që në minutën e 7-të, nga pika e bardhë e penalltisë, pas një ndërhyrje të gabuar të Aro Muric ndaj Fabiano Paris. Arbitri jep penallti, Rolando Mandragora dërgon topin në rrjetë nga 11-metrat.
    Reagimi i vendasve ishte i menjëhershëm, duke barazuar shifrat 1-1 në minutën e 14-të me CRistian Volpato, i cili shënoi pas një goditjeje të bukur nga kufijtë e zonës së rreptësisë. Në fund të pjesës së parë, Tarik Muharemovic shënon me kokë pas krosimit nga goditja e këndit, duke i dhënë avantazhin 2-1 Sassuolo-s. Me këtë rezultat u mbyll pjesa e parë.
    Në pjesën e dytë, Sassuolos mbetet pa trajnerin e saj, Fabio Grosso, i cili u ndëshkua me karton të kuq për shkak të protestave dhe pakënaqësive të vendimeve të arbitrit kryesor. Në minutën e 64-të, pas një aksioni model, Ismail Kone shënon golin e tretë për Sassuolo-n. Rezultati final 3-1.
    Pas kësaj fitoreje, Sassuolo renditet në vendin e 8-të me 20 pikë, ndërsa Fiorentina mbetet në fund me 6 pikë, duke qenë në një nga sezonet më të vështira të viteve të fundit dhë gjithë historisë së saj si klub.
    SHIKOGOLAT

  • Goli i parë pas 18 muajsh për yllin portugez, por Man. United i kthehet avazit dhe mjaftohet me një pikë ndaj West Ham (video)

    Goli i parë pas 18 muajsh për yllin portugez, por Man. United i kthehet avazit dhe mjaftohet me një pikë ndaj West Ham (video)

    4 Dhjetor 2025

    22:51

    Telesport

    Manchester United ka barazuar 1-1 ndaj West Ham në “Old Trafford”, në ndeshjen e fundit të javës së 14-të në Premier League. “Djajtë e Kuq” e nisën vrullshëm takimin, duke pretenduar në dy raste për penallti, por arbitri kryesor i takimit nuk mendonte kështu.
    Pjesa e parë u mbyll në shifrat 0-0. Rezultati do të zhbllokohej në minutën e 58-të, ku Diego Dalot do të gjente golin aps 18 muajsh. Një goditje e Casemiro-s e devijuar nga mbrojtësit miq dhe topi shkon në këmbët e Dalot, i cili ndodhej në një pozicion tepër të favorshëm për të shënuar dhe nuk gaboi.
    Barazimi i londinezëve do të vinte në minutën e 83-të, ku Magassa do të shënonte pas një topi të ardhur nga goditja e këndit dhe mbrojtësi francez ishte lënë komplet i lirë nga futbolistët e United. REzultati final 1-1.
    Pas këtij barazimi, Manchester United renditet në vendin e 8-të me 22 pikë, West Ham në vendin e 18-të me 12 pikë.
    SHIHGOLAT

  • Bologna fiton në frymën e fundit ndaj Parmës, Lazio kërkon “hakmarrjen” ndaj Milanit

    Bologna fiton në frymën e fundit ndaj Parmës, Lazio kërkon “hakmarrjen” ndaj Milanit

    Bologna ka mposhtur 2-1 Parmën në “Renato Dall’Ara” dhe ka siguruar biletën për në çerekfinalet e Kupës së Italisë. Miqtë kaluan të parët në avantazh me polakun Adrian Benedyczak në minutën e 13-të, ndërsa barazimi do të vinte në minutën e 38-të, ku shënoi Jonathan Rowe, pasi përfitoi nga një mungesë vëmendjeje e mbrojtjes së Parmës.
    Pjesa e parë mbyllet në barazim 1-1. Goli i fitores për bolonjezët do të vinte në minutën e 89-të, me të zakonshmin Santiago Castro. Bologna fiton 2-1 dhe tani pret të mësojë kundërshtarin në çerekfinale, që do të jetë një mes Lazios dhe Milanit.
    Situata mes dy klubeve është e acaruar, pas asaj që ndodhi të dielën në “San Siro”, ku Milan fitoi 1-0, ndërsa Lazio pretendoi për një penallti të padhënë në minutat shtesë së pjesës së dytë.
    Ajo që bë në sy në formacionet zyrtare, është aktivizimi nga minuta e parë e Ardon Jashit, i cili rikthehet pas një dëmtimi të rëndë që pësoi në gusht.
    Lazio: Mandas; Marusic, Gila, Romagnoli, Pellegrini; Guendouzi, Vecino, Basic; Isaksen, Castellanos, Zaccagni
    Milan: Maignan; Tomori, De Winter, Pavlovic; Saelemaekers, Ricci, Jashari, Rabiot, Estupinan; Loftus-Cheek; Leao

  • Premier League: Liverpool nuk di të ngrihet, Chelsea tronditet nga Leeds!

    Premier League: Liverpool nuk di të ngrihet, Chelsea tronditet nga Leeds!

    Liverpool barazoi 1-1 në Anfield dhe duket se tashmë shpresat për të ruajtur kurorën e Premier u shuan menjëherë.
    Sunderland rrezikoi i pari në minutën e 32-të, kur Trai Hume goditi fuqishëm drejt trekëndëshit, por Alisson reagoi në mënyrë fantastike duke devijuar topin në traversë.
    Liverpooli iu afrua golit në minutën e 44-të, por goditja me kokë e Alexis Mac Allister u ndal në shtyllën e majtë.
    Sunderland kaloi në epërsi në minutën e 67-të, kur një gjuajtje nga distanca e Chemsdine Talbi u devijua dhe përfundoi në rrjetë duke befasuar Alissonin.
    Pak çaste më vonë, Omar Alderete pati mundësinë të dyfishonte rezultatin, por goditja e tij me kokë u përplas në shtyllë.Liverpooli u rikthye në lojë në minutën e 81-të. Florian Wirtz, pas një depërtimi të shkëlqyer mes mbrojtësve, goditi nga brenda zonës dhe topi u devijua, duke e mposhtur portierin Roefs për 1-1.
    Në minutën e 91-të, sulmuesi mysafir Wilson Isidor u gjend i vetëm përballë Alisson, por goditjen e tij e largoi nga vija fatale Federico Chiesa.
    Pavarësisht tentimeve nga të dyja skuadrat, asnjëra nga to nuk arriti të gjejë golin e fitores.
    Leeds tronditi Chelsean sakaq. Edhe pse blutë vinin nga një seri e bukur rezultatesh, vendasit e nisën fuqishëm takimin dhe kaluan në epërsi që në minutën e gjashtë, kur Jaka Bijol shënoi me kokë pas një goditjeje këndi të ekzekutuar në mënyrë perfekte nga Anton Stach për 1-0.
    Leeds ishte pranë golit të dytë në minutën e 16-të, por goditja tjetër me kokë e Bijol shkoi pak centimetra jashtë.
    Goli i dytë do të vinte në minutën e 43-të, kur Ao Tanaka realizoi një goditje të fuqishme nga jashtë zonës, duke e çuar rezultatin në 2-0.
    Chelsea reagoi herët në pjesën e dytë dhe në minutën e 48-të Nmecha u ndal nga një pritje e jashtëzakonshme e Sanchez.
    Megjithatë, londinezët arritën të ngushtonin diferencën në minutën e 50-të me një gol të bukur nga Pedro Neto, pas një pasimi të saktë të Joao Pedros për 2-1..
    Chelsea ishte pranë barazimit në minutën e 69-të, por Cole Palmer gaboi nga brenda zonës duke e dërguar topin paksa jashtë shtyllës së majtë.
    Vetëm pak minuta më vonë, Leeds përfitoi nga një gabim katastrofal i mbrojtjes kundërshtare dhe Dominic Calvert-Lewin shënoi lehtësisht nga afër për 3-1, rezultat që vulosi ndeshjen.
     

  • (VIDEO) Arsenali ka bomberin e saj të improvizuar, nuk ndalet. Saka mbyll lojërat dhe blindohet kreu!

    (VIDEO) Arsenali ka bomberin e saj të improvizuar, nuk ndalet. Saka mbyll lojërat dhe blindohet kreu!

    Direkt pas barazimit ndaj Chelseat-, Arsenali ka shënuar fitore me rezultat 2-0 në shtëpi ndaj Brentfordit në kuadër të javës së 14-të. Vetëm pas 11 minutash lojë, Mikel Merino hapi rezultatin me një goditje të saktë me kokë, duke u ngritur mbi mbrojtjen pas një krosimi perfekt nga Ben White dhe duke realizuar për 1-0.
    Brentfordi iu afrua barazimit në minutën e 21-të, kur Kevin Schade goditi bukur me kokë pas një pasimi të lartë preciz, por David Raya reagoi në mënyrë fantastike, duke e devijuar topin në traversë dhe duke e larguar rrezikun.
    GOLI I MERINO – VIDEO
    Në fund të pjesës së parë, Arsenali u detyrua të bënte një ndërrim të detyruar, pasi Cristhian Mosquera u largua i dëmtuar dhe vendin e tij e mori Jurrien Timber. Pjesa e dytë nisi me ritëm të lartë, dhe në minutën e 69-të, Merino pati mundësinë e artë për të dyfishuar rezultatin. Mesfushori spanjoll duhej vetëm ta devijonte topin drejt portës nga shumë pranë, por gjuajtja e tij shkoi jashtë dhe Brentfordi u shpëtua.
    GOLI I SAKA – VIDEO
    Pavarësisht përpjekjeve të Brentfordit, Arsenali arriti ta menaxhojë mjaft mirë epërsinë madje duke realizuar edhe golin e dytë në minutën e 91-të me Bukayo Saka për 2-0. Me këtë fitore ‘Topçinjtë’ shkojnë në kuotën e 33 pikëve dhe udhëheqin tabelën me pesë më shumë se Manchester City.

  • Dinamoja ia bën 6-2 Tiranës, “nëndetësja” turpëron bardheblutë

    Dinamoja ia bën 6-2 Tiranës, “nëndetësja” turpëron bardheblutë

    Dinamoja ka marrë një fitore mbresëlënëse mbrëmjen e sotme. “Nëndetëdja blu” ka turpëruar Tiranën në derbi. Ekipi i drejtuar nga Ilir Daja ka fituar me rezultatin e thellë 6-2.
    Guindo (5′), Qardaku (11′, 61′), Bregu (25′, 67′ p) dhe Vila në minutën e 47 tundën rrjetën e Tiranës. Në krahun tjetër Rafa në minutën e 39 dhe Tare në minutën e 76 ngushtuan shifrat për bardheblutë. Tirana vazhdon kështu krizën e vështirë të këtij sezoni./Sport Ekspres/