Lajmidites.com

Tag: ministrave

  • Rama emëron dy zv.ministra të rinj te Arsimi dhe Mjedisi, lirohet nga detyra kreu i Agjencisë së Mjedisit

    Rama emëron dy zv.ministra të rinj te Arsimi dhe Mjedisi, lirohet nga detyra kreu i Agjencisë së Mjedisit

    FOTO ILUSTRUESE

    TIRANË-Këshilli i Ministrave ka vendosur sot emërimin e zëvëndës ministrave të rinj. Herida Duro është emëruar zëvendësministre e Arsimit. Më parë Duro ka mbajtur potin e drejtoreshës së Turizmit në kohën kur kjo ministri drejtohej nga Mirela Kumbaro.
    Gjithashtu, Elda Xhumari është emëruar zëvendësministre e Mjedisit. Ndërsa, zv.ministri i Bujqsisë Roland Kristo është lriuara nga kjo detyrë.
    Në mungesë dhe me porosiZËVENDËSKRYEMINISTRIBELINDA BALLUKU***V E N D I M PËR EMËRIM NË DETYRË
    Në mbështetje të nenit 100 të Kushtetutës dhe të pikës 2, të nenit 6, të  ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
    V E N D O S I:
    Znj. Elda Xhumari emërohet zëvendësministër i Mjedisit.
    Ky vendim hyn në fuqi menjëherë dhe botohet në “Fletoren zyrtare”.
    K R Y E M I N I S T R IEDI RAMA
    Arta Dollani është liruar nga posti i drejtoreshës së Përgjithshme të Agjencisë Kombëtare të Mjedisit, lirohet nga kjo detyrë. Dollani këtë post e mbajti prej 17 dhjetorit 2021. 
    Në mungesë dhe me porosiZËVENDËSKRYEMINISTRIBELINDA BALLUKU***V E N D I M PËR LIRIMIN NGA DETYRA TË DREJTORIT TË PËRGJITHSHËM TË AGJENCISË KOMBËTARE TË MJEDISIT
    Në mbështetje të nenit 100 të Kushtetutës dhe të pikës 1, të nenit 61, të  ligjit nr.10431, datë 9.6.2011, “Për mbrojtjen e mjedisit”, të ndryshuar, me propozimin e ministrit të Mjedisit, Këshilli i Ministrave
    V E N D O S I:
    Znj. Arta Dollani, drejtor i Përgjithshëm i Agjencisë Kombëtare të Mjedisit, lirohet nga kjo detyrë.
    Ky vendim hyn në fuqi menjëherë.
    K R Y E M I N I S T R IEDI RAMA

  • Rama vijon me emërimet dhe shkarkimet në Qeveri, zbardhet vendimi

    Rama vijon me emërimet dhe shkarkimet në Qeveri, zbardhet vendimi

    Këshilli i Ministrave ka vijuar me emërimin e zv.ministrave të rinj
    Gjithashtu, Elda Xhumari është emëruar zëvendësministre e Mjedisit. Ndërsa, zv.ministri i Bujqsisë Roland Kristo është lriuara nga kjo detyrë.
    Arta Dollani, drejtor i Përgjithshëm i Agjencisë Kombëtare të Mjedisit, lirohet nga kjo detyrë.

  • Pezullohen përgatitjet për takimin Trump-Putin, shtyhet takimi i ministrave të Jashtëm të të dy vendeve

    Pezullohen përgatitjet për takimin Trump-Putin, shtyhet takimi i ministrave të Jashtëm të të dy vendeve

    Shpresat e Presidentit të SHBA-së, Donald Trump, për një samit me homologun e tij rus, Vladimir Putin, duket se po shuhen, pasi një takim përgatitor midis ministrave të Jashtëm të të dy vendeve, i cili ishte planifikuar të zhvillohej këtë javë, është shtyrë, raportoi CNN.
    Moska u përgjigj duke komentuar se “diçka për të cilën nuk është rënë dakord nuk mund të shtyhet”, raportoi agjencia e lajmeve RIA, duke cituar zëvendësministrin e jashtëm Sergei Ryabkov.
    Ryabkov theksoi gjithashtu se takimi midis dy ministrave kërkon përgatitje.

    Trump ka thënë vazhdimisht se dëshiron paqe në Ukrainë. Pas një telefonate me Putinin javën e kaluar, presidenti amerikan tha se Ministrat e Jashtëm të SHBA-së dhe Rusisë, Marco Rubio dhe Sergei Lavrov, do të takoheshin.
    Por CNN raportoi të hënën, se takimi ishte shtyrë për momentin, pasi Rubio dhe Lavrov kanë pikëpamje të ndryshme se si t’i jepet fund luftës në Ukrainë.
    Rrjeti televiziv amerikan shtoi se nuk ishte e qartë se çfarë ndikimi do të kishte shtyrja e samitit midis presidentëve të SHBA-së dhe Rusisë, i cili është planifikuar të mbahet në Budapest./vizionplus.tv

  • A do vendosë BE sanksione ndaj Izraelit, siç ka paralajmëruar?

    A do vendosë BE sanksione ndaj Izraelit, siç ka paralajmëruar?

    Plani i Bashkimit Evropian për të vendosur sanksione ndaj ministrave izraelitë dhe për të zvogëluar lidhjet tregtare është pezulluar, me një grup udhëheqës të shteteve anëtare që thonë se nuk është më i nevojshëm në dritën e një marrëveshjeje paqeje të ndërmjetësuar nga SHBA-ja për t’i dhënë fund luftës në Gaza.
    Sipas katër diplomatëve evropianë, iniciativa origjinale tani nuk ka gjasa të marrë mbështetje të mjaftueshme në takimet e ministrave të jashtëm dhe udhëheqësve të BE-së këtë muaj, raporton Politico.
    Sanksionet do të kërkonin marrëveshjen e të gjitha 27 kryeqyteteve, dhe pavarësisht presionit në rritje mbi BE-në për të vepruar, marrëveshja e shpallur nga Presidenti i SHBA-së Donald Trump ka ndarë qeveritë kombëtare mbi hapat e ardhshëm. Kufizime specifike tregtare mund të futen me mbështetjen e një numri më të vogël vendesh, por edhe kjo tani duket e pamundur, thonë diplomatët.
    Presidentja e Komisionit Evropian Ursula von der Leyen njoftoi në fjalimin e saj për Gjendjen e Unionit në shtator se do të nisë një iniciativë për të futur në listën e zezë “ministrat ekstremistë”, për të vendosur kufizime ndaj kolonëve të dhunshëm në Bregun Perëndimor dhe për të pezulluar pagesat dypalëshe për Izraelin.
    Propozimet do të diskutohen në takimin e Këshillit të Punëve të Jashtme në Luksemburg më 20 tetor dhe në një samit të liderëve të BE-së në Bruksel më 23 tetor. Megjithatë, dokumentet e draftit tregojnë se ende nuk është arritur konsensusi.
    Ministri i Jashtëm belg Maxime Prévot, vendi i të cilit ka mbështetur një qasje më të ashpër ndaj Izraelit, tha se ishte për të ardhur keq që BE-së i janë dashur më shumë se dy vjet për të paraqitur masat.
    “Besueshmëria e politikës së jashtme të BE-së është dëmtuar rëndë. Mbetet e vështirë për shumë qytetarë të kuptojnë pse BE-ja nuk është në gjendje të marrë vendime vendimtare”, tha ai.
    Gjermania, Hungaria dhe disa delegacione të tjera kanë kundërshtuar vazhdimisht vendosjen e sanksioneve, pavarësisht konsensusit të gjerë politik dhe një deklarate të përbashkët të BE-së që mbështet masat kundër kolonëve të akuzuar për shkelje të të drejtave të njeriut.
    Pas njoftimit se Hamasi dhe Izraeli kishin miratuar fazën e parë të një marrëveshjeje për t’i dhënë fund luftës, zëdhënësja e Komisionit Evropian, Paula Pinho, këtë javë la të kuptohej se blloku mund të ndryshonte qëndrimin e tij.
    Sanksionet, tha ajo, u propozuan në një kontekst specifik, dhe nëse konteksti ndryshonte, kjo përfundimisht mund të çonte në një ndryshim të propozimit.
    Sipas diplomatëve, Komisioni aktualisht nuk ka ndërmend ta tërheqë planin, megjithëse perspektiva e një armëpushimi të përhershëm ka çuar në pasigurinë e tij. /tesheshi.com/

  • Këshilli i Ministrave merr vendimin: Shpenzimet për udhëtimet e Ramës jashtë vendit bëhen sekrete

    Këshilli i Ministrave merr vendimin: Shpenzimet për udhëtimet e Ramës jashtë vendit bëhen sekrete

    DISA NDRYSHIME DHE SHTESA NË VENDIMIN NR.34, DATË 7.1.1999, TË KËSHILLIT TË MINISTRAVE, “PËR DREJTORINË E SHËRBIMEVE QEVERITARE DHE TRAJTIMIN E PERSONALITETEVE TË LARTA”, TË NDRYSHUAR
    Në mbështetje të nenit 100 të Kushtetutës, të pikës 2, të nenit 53, të ligjit nr.162/2020, “Për prokurimin publik”, të ndryshuar, si dhe të ligjit nr.7582, datë 13.7.1992, “Për ndërmarrjet shtetërore”, të ndryshuar, me propozimin e Kryeministrit, Këshilli i Ministrave
    V E N D O S I:
    I. Në vendimin nr.34, datë 7.1.1999, të Këshillit të Ministrave, të ndryshuar, bëhen këto ndryshime dhe shtesa:1. Shkronja “ë”, e pikës 2, ndryshohet, si më poshtë vijon:
    “ë) ushtron funksionin e organit qendror blerës për blerjen e biletave në fushën e transportit ajror si dhe rezervimin, blerjen e shërbimeve të akomodimit në hoteleri jashtë vendit dhe siguron shërbimet logjistike shtesë për delegacionet shtetërore jashtë vendit, për Kryeministrinë dhe ministritë. Për Kabinetin e Kryeministrit, institucionin e Presidencës dhe Kuvendit të Shqipërisë, këto shërbime i ofrohen në rast se kërkohen prej tyre. Shpenzimet për kryerjen e këtyre shërbimeve mbulohen nga buxhetet e institucioneve përfituese. DSHQ-ja negocion kontrata kuadër me kompani ajrore, rrjete hoteliere dhe agjenci udhëtimi dhe nënshkruan kontrata konfidencialiteti, me qëllim ruajtjen e informacionit të detyrueshëm mes palëve në kuadër të mbrojtjes së të dhënave personale, sipas legjislacionit përkatës. Me çdo institucion, i cili do të marrë shërbimin sipas kësaj shkronje, DSHQ-ja nënshkruan aktmarrëveshje bashkëpunimi dhe konfidencialiteti, me qëllim ruajtjen e informacionit të detyrueshëm mes palëve, në kuadër të mbrojtjes së të dhënave personale, sipas legjislacionit përkatës. Detyrat dhe përgjegjësitë e DSHQ-së për përmbushjen e detyrimeve për ofrimin e shërbimeve, si organ qendror blerës të përcaktuar në këtë shkronjë, si dhe tarifat e shërbimit miratohen me vendim të Këshillit Drejtues.
    Institucionet e lartpërmendura dërgojnë në Drejtorinë e Shërbimeve Qeveritare kërkesat për blerje të biletave dhe akomodim në hoteleri, jo më vonë se 15 ditë nga data e udhëtimit. Në raste emergjence dhe të justifikuara me shkrim nga institucioni kërkues, mund të procedohet me kërkesën, e cila duhet të dorëzohet jo më vonë se 5 (pesë) ditë nga data e udhëtimit. Në raste përjashtimore, DSHQ-ja mund të realizojë shërbimin në afate më të shkurtra se më sipër, me miratimin nga titullari i institucionit.”
    2. Pas shkronjës “j”, të pikës 2, shtohen shkronjat “k” ,“l” “ll”, “m”, “n”, “nj” dhe “o”, me këtë përmbajtje:“k) Mbulon funksionet e “Shërbimeve ndaj Trupit Diplomatik të akredituar në Tiranë dhe përfaqësive diplomatike shqiptare të akredituara jashtë vendit”, nëpërmjet drejtorisë përkatëse në varësi të saj;
    l) Menaxhon, administron dhe mirëmban godinat qeveritare, që gjenden në listën e inventarit të pronave të paluajtshme të Këshillit të Ministrave, duke përfshirë planifikimin, organizimin funksional të hapësirave, rikonstruksionin dhe mobilimin, sipas nevojave të institucioneve publike;
    ll) Inventarizon dhe regjistron pasuritë, që gjenden në listën e inventarit të Këshillit të Ministrave, duke krijuar një regjistër qendror për të gjitha godinat qeveritare, duke përfshirë të dhëna mbi sipërfaqen, destinacionin, gjendjen teknike, vitin e ndërtimit dhe statusin ligjor
    m) Realizon procesin e mirëmbajtjes e të restaurimit në godinat qeveritare që gjenden në listën e inventarit të pronave të paluajtshme të Këshillit të Ministrave, ndërhyrjet kapitale për rikonstruksione e restaurime, si dhe merr masa për sigurinë teknike e mbrojtjen nga zjarri;
    n) Harton plane për menaxhimin me efikasitet të energjisë së godinave qeveritare që gjenden në listën e inventarit të pronave të paluajtshme të Këshillit të Ministrave, në bashkëpunim edhe me institucionet përgjegjëse shtetërore dhe kujdeset për integrimin e standardeve ‘green building’;
    nj) Ushtron funksionin e organit qendror blerës për blerjen e mobiljeve, arredimin/ambientimin e mjediseve të punës dhe përfaqësimit për llogari të Kryeministrisë, ministrive si dhe të përfaqësive diplomatike të akredituara jashtë vendit. Për institucionin e Presidencës dhe Kuvendit të Shqipërisë, këto shërbime i ofrohen në rast se kërkohen prej tyre. Administron, mirëmban dhe restauron mobilje dhe objekte dekorative me vlerë historike dhe artistike që përdoren nga institucionet shtetërore, duke krijuar një fond kombëtar mobiljesh dhe objektesh dekorative (koleksion shtetëror);
    o) Kryen procedurat e ankandit publik për shitjen e mobiljeve dhe objekteve dekorative të amortizuara e të panevojshme dhe merr pjesë në ankande për blerjen e mobiljeve dhe objekteve dekorative me interes historik, artistik dhe estetik, duke respektuar rregullat, procedurat dhe përjashtimet e legjislacionit në fuqi;”.
    II. Funksioni i DSHQ-së për blerjen e biletave në fushën e transportit ajror si dhe rezervimin, blerjen e shërbimeve të akomodimit në hoteleri jashtë vendit, i shtuar sipas pikës 1, të këtij vendimi, do të zbatohet duke filluar nga data 1 janar 2026. Deri në atë datë, institucionet e përmendura në atë pikë duhet të kryejnë vetë procedurat përkatëse dhe brenda datës 10 dhjetor 2025 të dërgojnë pranë DSHQ-së të gjitha nevojat e tyre për periudhen 1 janar 2026 dhe në vijim.
    Ky vendim hyn në fuqi pas botimit në “Fletoren zyrtare”.K R Y E M I N I S T R IEDI RAMA

  • Këshilli i Ministrave merr vendimin, ndryshon ligji për ruajtjen e funksionarëve të SPAK, GJKKO dhe BKH

    Këshilli i Ministrave merr vendimin, ndryshon ligji për ruajtjen e funksionarëve të SPAK, GJKKO dhe BKH

    Këshilli i Ministrave, në mbledhjen e sotme miratoi një sërë vendimesh, mes të cilave edhe ndryshimin e ligjit për mbrojtjen e prokurorëve dhe gjykatësve të SPAK, GJKKO dhe BKH.

    -Ndryshim në vendimin nr.478, datë 10.7.2019, të Këshillit të Ministrave, “Për procedurën e sigurisë së gjyqtarëve të gjykatave kundër korrupsionit dhe krimit të organizuar, të prokurorëve të Prokurorisë së Posaçme dhe drejtorit të Byrosë Kombëtare të Hetimit”.

    Në Pikën 3 te vendimit “Për procedurën e sigurisë së gjyqtarëve të gjykatave kundër korrupsionit dhe krimit të organizuar, të prokurorëve të Prokurorisë së Posaçme dhe drejtorit të Byrosë Kombëtare të Hetimit”, ndryshohet, si më poshtë vijon:

    “3. Garantimi i mbrojtjes personale të kryetarëve të gjykatave kundër korrupsionit dhe krimit të organizuar dhe drejtorit të Byrosë Kombëtare të Hetimit bëhet nëpërmjet shoqërimit me truprojë të nivelit bazë dhe truprojë të nivelit të mesëm gjatë kohëzgjatjes së mandatit dhe për një afat jo më shumë se 2 (dy) vjet pas përfundimit të tij. Garantimi i mbrojtjes personale të drejtuesit të Prokurorisë së Posaçme bëhet nëpërmjet shoqërimit me truprojë të nivelit bazë dhe truprojë të nivelit të mesëm gjatë kohëzgjatjes së mandatit dhe për një afat jo më shumë se 3 (tre) vjet pas përfundimit të tij.”.

    -Miratimin e Programit Kombëtar të Lehtësirave në Aviacionin Civil dhe organizimin e funskionimin e Komitetit Kombëtar të Lehtësirave në Aviacionin Civil.

    -Miratimin e disa ndryshime në vendimin nr.598, datë 1.7.2015, të Këshillit të Ministrave, “Për përcaktimin  e rregullave dhe të procedurave për vlerësimin e ndikimit në mjedisin ndërkufitar”

    -Autorizimin e Ministrisë së Turizmit, Kulturës dhe Sportit si themeluese e fondacionit “CulturAlb”

    Ky fondacion ka si qëllim ruajtjen, prodhimin, ekspozimin, promovimin, marketimin, shitjen e suvenireve e të produkteve të tjera artistike, promovimin e trashëgimisë kulturore materiale, brenda dhe jashtë territorit të Republikës së Shqipërisë, dhe çdo veprimtari tjetër të parashikuar në statut dhe në aktin e themelimit.

    -Lejimin e paraqitjes jashtë shtetit, në ekspozitën “Demokracia nëpërmjet ligjit”, pranë muzeut “Doge’s Apartments at Palazzo Ducale”, në Venecia, Itali, për periudhën 11 tetor 2025 deri më 6 janar 2026, si pjesë e veprimtarive zyrtare në kuadër të përvjetorit të 35-të të Komisionit Evropian për demokracinë nëpërmjet ligjit, organizuar në bashkëpunim ndërmjet Zyrës Italiane të Këshillit të Evropës, Komisionit të Venecias, Superintendencës Arkivore dhe Bibliografike të Venetos dhe Trentino-Alto Adige-s, Arkivit Shtetëror të Venecias, fondacionit “Musei Civici di Venezia” dhe Këshillit Rajonal të Venetos, të dokumenteve të mëposhtme, pjesë e Fondit Arkivor të Republikës së Shqipërisë:

    a) Ligji nr.8417, datë 21.10.1998, “Kushtetuta e Republikës së Shqipërisë” (40 faqe);
    b) Dekreti nr.2241, datë 21.10.1998, i Presidentit të Republikës, “Për shpalljen me referendum të Kushtetutës së Republikës së Shqipërisë”  (1 faqe);
    c) Dekreti nr.2260, datë 28.11.1998, i Presidentit të Republikës për shpalljen e ligjit (1 faqe).

    2. Dokumentet e përmendura në pikën 1 të këtij vendimi dërgohen jashtë dhe rikthehen brenda vendit në periudhën ndërmjet datave  1 tetor 2025 – 15 janar 2026

  • Gjin Gjoni kërkon urgjentisht dorëheqjen e dy ministrave

    Gjin Gjoni kërkon urgjentisht dorëheqjen e dy ministrave

    Deputeti i PD-së, Gjin Gjon kërkon dorëheqjen e dy ministrave pas ngjarjes së rëndë në gjykatën e Apelit ku u vra në krye të detyrës një gjyqtar. Sipas Gjonit sot është një ditë e rëndë për vendin që tregon se shteti ka rënë.
    ”Shteti ka rënë sot. Goditja ka ndodhur sot. Nga pikëpamja e dytë them që ministri i Brendshëm dhe i Drejtësisë duhet të kishin dhënë dorëheqjen. Mbrojtja është me policë.
    Ka policë në gjykatë. Ju mendon se Prokuroria e Krimeve të Rënda nuk ka luftuar krimin? Më mirë nga SPAK. SPAK sot dy elementë që ka sot është lufta ndaj korrupsionit në nivele të larta dhe shitblerja e votës”.

  • “Shteti sot ra”/ Gjin Gjoni kërkon urgjentisht dorëheqjen e 2 ministrave pas vrasjes së gjykatësit

    “Shteti sot ra”/ Gjin Gjoni kërkon urgjentisht dorëheqjen e 2 ministrave pas vrasjes së gjykatësit

    Deputeti demokrat Gjin Gjon kërkoi dorëheqjen e dy ministrave pas ngjarjes së rëndë në gjykatën e Apelit ku u vra në krye të detyrës një gjyqtar.
    Sipas Gjonit sot është një ditë e rëndë për vendin që tregon se shteti ka rënë.
    “Shteti ka rënë sot. Goditja ka ndodhur sot. Nga pikëpamja e dytë them që ministri i Brendshëm dhe i Drejtësisë duhet të kishin dhënë dorëheqjen. Mbrojtja është me policë. Ka policë në gjykatë. Ju mendon se Prokuroria e Krimeve të Rënda nuk ka luftuar krimin? Më mirë nga SPAK. SPAK sot dy elementë që ka sot është lufta ndaj korrupsionit në nivele të larta dhe shitblerja e votës”, u shpreh Gjin Gjoni.

  • Nga shkarkimi i Veliajt, te dekreti i Presidentit për zgjedhjet/ Kume tregon procedurat: Ku gaboi Begaj!

    Nga shkarkimi i Veliajt, te dekreti i Presidentit për zgjedhjet/ Kume tregon procedurat: Ku gaboi Begaj!

    Zgjedhjet e pjesshme në 6 bashki të vendit do të mbahen më 9 nëntor. Ky vendim u mor me dekret nga ana e presidentit Bajram Begaj. Për këtë çështje, në programin e drekës ne News24, me moderatoren Ola Brukon, foli ish-kreu i KQZ-së, Kristaq Kume. 
    Ky i fundit komentoi procedurën për shkarkimin e Veliajt, ndërsa u ndal te disa parregullsi që ka dekreti i presidentit Begaj për zgjedhjet e 9 nëntorit. Ai tha se pjesa e komentuar për bashkinë e Tiranës, lë vend për komente. 
    “Nuk ka pse të japim përgjigje po apo jo. Në legjislacionin tonë parashikohet ndërprerja e mandatit të të zgjedhurit vendor. Në Kushtetutën e Republikës, neni 115 thuhet; Këshilli i Ministrave mund të shkarkojë të zgjedhurin vendor, nëse ka kryer shkelje të rënda të Kushtetutës dhe ligjeve. Kryetari i njësisë vendore mund të shkarkohet nëse ai provohet se është subjekt i ligjit të dekriminalizimit apo nëse jep dorëheqje. Kaq njeh ligji të drejtë Këshillit Bashkiak. Në të gjitha këto raste që ju thash, edhe kur Këshilli i Ministrave ndërmerr nismën për të shpërndarë mandatin, të gjitha të tjerat, së bashku me këto ndjekin të njëjtat procedura. Nëse mandati ndërpritet për dekriminalizimin, apo se ka dhënë dorëheqje, kjo shkon të Këshilli i Ministrave, që nuk merr vendim. Ai njofton për vakancën e krijuar, presidentin e Republikës. Nëse jemi në rastin siç jemi, këshilli Bashkiak propozon për të shkarkuar, i cili shkon te Këshilli i Ministrave. Ky i fundit nuk luan rolin e përcjellësit, por vendos. Siç ndodhi. Neni 115 i thotë këshillit të Ministrave që; do të marrësh vendim, nëse provon se ka shkelje të ligjit. Këshilli i ministrave çdo te presidenti vakancën, ai vendosi mbi bazën e informacioneve se vendimi i Këshillit bashkiak të Tiranës duhej mbështetur. Jemi në kushtet ku vepron ligji, nen 115. S’ka vend fare për t’i diskutuar. Nuk shkohet ndryshe te Presidenti i republikës. 
    Veliajt i lind e drejta për të ankimuar. S’ka se si të shkonte deri te presidenti pa vendim. Këshilli i Ministrave ka bërë një gjë tjetër, si referohet një vendimi të tij, por nenit 100, që njeh të drejtën që të marrë vendime dhe 62-in për ligjin për vetëqeverisje vendore. 62-shi krijon situatën kur është propozuar për tu shkarkuar, por s’ka vakancë. Nëse ka marrë vendim, ok është përcjellës i projektit. Por çfarë bëri pas kësaj zoti president? Mënyra se si u justifikua ishte më e dobëta, për tu goditur. Ai mund të thoshte; kam një vendim të Këshillit të Ministrave, skam asnjë ankim nga një i interesuar. Pasi duhet ta ketë të shkruar në tavolinë. Dhe të vazhdonte procedurat. Ai ka thënë; s’mund të ankohej dhe nuk është interesuar fare (Për Veliajn). Ai i referohet vetëm vendimit të ngelur në fuqi, ku nuk krijohen vakanca. Kjo është një artificë që nuk qëndron. E shoh të goditshim dekretin e presidentit. Për pjesën tjetër është në rregull, por jo për bashkinë e Tiranës.”, tha ai. 
    KQZ sipas Kumes nuk ka fuqinë për të revokuar dekretin e presidentit. “KQZ duhet në bazë dhe zbatim të dekretit ka nisur punë për zgjedhjet e 9 nëntor. Ai duhet të bëhet filtër dhe jo pengesë.”, pohoi Kume. 

  • “Shkarkimi i Veliajt nuk është politik”| Rusmaili sqaron kaosin e krijuar me interpretimin e ligjit

    “Shkarkimi i Veliajt nuk është politik”| Rusmaili sqaron kaosin e krijuar me interpretimin e ligjit

    |Bazuar në nenin 115 të Kushtetutës, kryetari i Bashkisë mund të shkarkohet për shkelje të rënda të Kushtetutës ose të ligjeve dhe ankimimi në Gjykatën Kushtetuese mund të bëhet brenda 15 ditëve. Ky i fundit, pezullon efektin e vendimit të Këshillit të Ministrave.
    Ndërkohë, neni 62 i ligjit për vetëqeverisjen vendore, në pikën C të tij, parashikon propozim të shkarkimit kur kryebashkiaku nuk paraqitet në detyrë për një periudhë 3-mujore të pandërprerë.|
    Këshilltari Ligjor i Presidentit të Republikës së Shqipërisë, Ilir Rusmaili, sqaroi në një lidhje direkte për “Opinion” referencën ligjore për rastin më të diskutuar së fundmi, atë të Erion Veliajt. Sipas tij, referenca e bërë deri më tani për çështjen është e gabuar.
    “Neni 115 i Kushtetutës ka përcaktuar një shkak kushtetues, shkelja e rëndë e Kushtetutës ose e ligjeve, që është identik me shkronjën A të nenit 62, të ligjit për qeverisjen vendore. Rasti në fjalë është vetëm shkronja C e nenit 62. Vetëm ai rast ka lidhje me nenin 115! Kushdo që flet për të tjerat, ka ngatërruar rastin. Kjo referencë është pa lidhje, e gabuar!”, deklaroi ai.
    Rusmaili theksoi se është krijuar një “kaos në media me interpretimin e dispozitave ligjore, për shkak të interesave konkurruese që kanë palët”.
     “Nuk ka paqartësi! Është vetëm tek opinionistët”, nënvizoi ai.
    Ai dha një shpjegim të detajuar lidhur me nenin 115 të Kushtetutës së Shqipërisë, si më poshtë:
    “Ka shumë abuzim për qëllimin dhe përmbajtjen e tij, nuk përcakton kompetencën e Këshillit të Ministrave për të shkarkuar kryebashkiakun. E dyta, nuk është nen që përcakton shkaqet e shkarkimit të organit të pushtetit vendor. Ka një funksion të rëndësishëm që qëndron në dhënien e garancive të posaçme për t’u mbrojtur nga ndërhyrja e pushteteve të tjera.”
    Po cilat janë këto ndërhyrje?
    “Në rast se Këshilli i Ministrave me vullnetin e tij politik, konsideron se organi i pushtetit vendor ka shkelur Kushtetutën ka të drejtë ta shkarkojë. Shkarkimi ka dy garanci të fuqishme, e para shkon në Kushtetuese, dhe ka garancinë proceduriale të pezullimit të aktit. Por në rastet kur shkarkimi është politik, por jo në rrethana të tjera! Kur vjen prej dënimit penal, është rrethanë që vjen nga gjykatat. Kur mungon në detyrë, ky nuk është shkak politik, por juridik!”, shpjegoi Rusmaili.
    Ai e përsëriti disa herë se shkarkimi i Veliajt ka të bëjë vetëm me gërmën C të nenit 62, që lidhet me mosparaqitjen e tij në detyrë, për shkak të burgosjes.
    Po nëse Kushtetuesja e gjen shkarkimin e tij të padrejtë, a do ketë një paradoks?
    “Ju po më kërkoni të mbaj qëndrim ndaj një vendimi të mundshëm, kur qëndrimi më normal i një profesionisti do të ishte të respektonte vullnetin e Gjykatës Kushtetuese, që do ta ngjizë kur t’i vijë kohë. Deri më sot, nuk ka qëndrim të Kushtetutës në një rast të ngjashëm”, u përgjigj ai.
    “Kjo gërmë zbatohet për herë të parë në vend”, theksoi Rusmaili.
    Po lind pyetja, a mund të apelohet dekreti i Presidentit?
    “Zoti Veliaj ka një ekip të madh juristësh, në aktet e shkarkimit ai ka pasur sqarimin ligjor për rrugën që duhet të ndiqte për të mbrojtur interesat e tij. Ai ka zgjedhur të provojë forcat në këtë rrugë. Të drejtën e ankimit e ka, duhet të gjejë rrugën e vet. Nuk ka akte që nuk ankimohen!”
    Presidenti i Republikës dekretoi këtë të mërkurë, datën 9 nëntor 2025, për zhvillimin e zgjedhjeve të pjesshme për kryetar bashkie për bashkitë Tiranë, Vlorë, Berat, Mat, Tepelenë dhe Cërrik, pas marrjes së njoftimit për vakancat nga Këshilli i Ministrave në datën 30 shtator 2025.