Lajmidites.com

Tag: metën

  • Zvarritet çështja Meta-Kryemadhi! SPAK çon prova të reja në Gjykatë, edhe pse hetimet janë mbyllur

    Zvarritet çështja Meta-Kryemadhi! SPAK çon prova të reja në Gjykatë, edhe pse hetimet janë mbyllur

    ilir meta dhe monika kryemadhi

    TIRANË- Është shtyrë sërish sot në Gjykatën e Posaçme, seanca paraprake për Ilir Metën dhe Monika Kryemadhin, për shkak të mungesës së avokatit mbrojtës të ish-kryetares së LSI-së. Vetë Meta kishte zgjedhur që të mos ishte i pranishëm në seancën e sotme, por u përfaqësua vetëm nga avokati Kujtim Cakrani, i cili dha detaje dhe nga diskutimi i tij me gjyqtaren Irena Gjoka. Sipas Cakranit, edhe pse hetimet për Metën dhe Kryemadhin janë mbyllur që prej muajit Korrik, Prokuroria ka paraqitur në seancë disa prova të reja, që kanë ardhur përmes letërporosive që kishin bërë në SHBA, lidhur me lobimin e pretenduar të Lëvizjes Socialiste për Integrim. Paraqitja e provave të reja nga Prokuroria e Posaçme mund të ndryshojë pozicionin e palëve, ndërsa sipas Cakranit e gjitha kjo bëhet për të zgjatur qëndrimin pas hekurave të ish-presidentit Meta.
    “Ne e kemi me gjyqtaren. Tani do fillojmë betejën me gjyqtaren, e cila sot ka marrë një vendim të rrezikshëm, duke pezulluar afatet e paraburgimit për zotin Meta. Zonja Gjoka, nuk është gjyqtare e aftë edhe juridikisht, por e kapur politikisht. Ne do vazhdojmë betejën për largimin urgjent të kësaj gjyqtare. Ka patur letër porosi në SHBA vazhdon për çështjen e lobimit. GSIS kishte marrë një pagesë nga një biznesmen që nuk ka as firmë as vulë nga Meta. Ne nuk na shqetëson letërporosia si provë, por fakti që organi i procedurës ka përfunduar hetimet dhe vazhdon hetimet sot në seancë paraprake”, u shpreh Cakrani, ndërsa të njëjtin qëndrim dyshues mbi vendimin e Gjykatës pari edhe vetë Monika Kryemadhi.
    “Nëse dosja hetimore do të ishte mbyllur në Korrik, Prokuroria vazhdon që të marrë letërporosi dhe prova. Do të thotë që ne vazhdojmë që të jemi në hetim paraprak, çfarë do të thotë kjo? E gjitha bëhet për të mbajtur Ilir Metën në burg, dhe Monika Kryemadhin dhe familjarët e saj nën presion. Ka dalë në pah puçi që është bërë qoftë ndaj familjes sime, sipas Prokurorisë një kompani amerikane ka paguar për lobimin për LSI. Që nga ky moment akuza për lobimin ngarkon me faj kompaninë GSIS”, tha Kryemadhi, ndërsa seanca e radhës do të mbahet në datën 11 Nëntor.

    SPAK mbylli hetimet për Kryemadhin dhe Metën më 28 korrik, ndërsa dosjen e kaloi për gjykim në fund të gushtit, e cila përfshiu tre hetime në një aferën CEZ-DIA, lobimin e LSI në SHBA dhe hetimin pasuror.
    Ish-presidenti Meta dhe ish-bashkëshortja e tij, Monika Kryemadhi janë marrë të pandehur nga SPAK për korrupsion, pastrim parash dhe mosdeklarim të pasurisë. Ilir Meta ndodhet në burg që prej 21 tetorit të kaluar, ndërsa Monika Kryemadhi është në masën e sigurisë “detyrim paraqitje”. Çifti tashmë i divorcuar ligjërisht akuzohet se kanë ushtruar pushtetin e tyre ndër vite për të përfituar pasuri në mënyrë të paligjshme, si dhe për fshehjen e burimit të këtyre pasurive, duke përfshirë edhe familjarët në skemat e dyshuara./ZËRI

  • Shtyhet seanca për Ilir Metën, shkak mungesa e avokatit të Kryemadhit

    Shtyhet seanca për Ilir Metën, shkak mungesa e avokatit të Kryemadhit

    Shtyhet seanca për Ilir Metën, shkak mungesa e avokatit të Kryemadhit. Seanca ishte caktuar të niste në orën 09:00. Gjyqtarja Irena Gjoka pritej të vendoste nëse dosja do të kalojë për gjykim apo do të rikthehet për hetime të mëtejshme.
    Në një dalje për mediat, avokati Kujtim Cakrani u shpreh se betejën tashmë e kanë me gjyqtaren, Irena Gjoka, sipas të cilit ajo ka pezulluar afatet e paraburgimit.
    “Ne e kemi me gjyqtaren. Tani do fillojmë betejën me gjyqtaren, e cila sot ka marrë një vendim të rrezikshëm, duke pezulluar afatet e paraburgimit për zotin Meta. Zonja Gjoka, nuk është gjyqtare e aftë edhe juridikisht, por e kapur politikisht. Ne do vazhdojmë betejën për largimin urgjent të kësaj gjyqtare”, tha avokati.
    Në deklaratën e saj për mediat, Kryemadhi tha se vazhdon hetimi edhe pse dosja është mbyllur. Sipas saj qëllimi është për të mbajtur Ilir Metën në burg.
    “Ata që ndodh në sistemin tonë të drejtësisë siç na tha avokati vazhdon hetimi, pra nëse dosja do të duhet të ishte mbyllur prokurori vazhdon heton, hetimi për Metën, Kryemadhin nuk ka mbaruar por vazhdon. Ne jemi në hetim në paraprak. Qëllimi është për të mbajtur Metën në burg. Ata që duan ta bëjnë jashtë ushtarë të Yuri Kim”, tha Kryemadhi.
    Ish-presidenti Meta është i arrestuar që prej tetorit të vitit të kaluar dhe është akuzuar për korrupsion pasiv, pastrim parash dhe fshehje pasurie. Hetimet ndaj tij u mbyllën nga SPAK më 28 korrik, ndërsa dosja u kalua për gjykim në fund të gushtit.
    Ndërkohë GJKKO ka rrëzuar kërkesat e Metës për ndryshimin të masës së sigurisë ndërsa më 16 tetor, edhe Gjykata e Lartë rrëzoi rekursin e ish-presidentit për të njetën kërkesë.

  • BE akuzon Metën për dështim në kontrollin e përmbajtjeve të paligjshme në internet

    BE akuzon Metën për dështim në kontrollin e përmbajtjeve të paligjshme në internet

    Bashkimi Evropian ka akuzuar kompaninë Meta , se ka dështuar të zbatojë siç duhet rregullat e Aktit për Shërbimet Digjitale (DSA), duke mos siguruar mekanizma të thjeshtë dhe efektivë për përdoruesit që të raportojnë përmbajtje të paligjshme në platformat e saj. Komisioni Evropian tha se këto përmbajtje përfshijnë materiale që lidhen me abuzimin seksual të fëmijëve dhe terrorizmin, dhe se mungesa e transparencës përbën shkelje të rëndë të detyrimeve ligjore të BE-së.
    Hetimi i Brukselit mund të çojë në një gjobë të madhe për Metën, që mund të arrijë deri në 6% të të ardhurave të saj vjetore globale, sipas parashikimeve të DSA-së, ligji që synon të forcojë kontrollin dhe përgjegjësinë e platformave të mëdha online për përmbajtjen që ato shpërndajnë. Deri më tani, BE-ja nuk ka vendosur asnjë gjobë të tillë, por çështja ndaj Metës mund të shënojë rastin e parë të këtij lloji.
    Komisioni vuri në dukje edhe probleme në mekanizmin e ankesave të Metës, duke theksuar se procesi i apelimit pas heqjes ose bllokimit të përmbajtjeve e bën të vështirë për përdoruesit të argumentojnë pse nuk pajtohen me vendimet e kompanisë.
    Në reagimin e saj, Meta mohoi çdo shkelje të DSA-së, duke deklaruar se ka bërë ndryshime në mënyrën e raportimit të përmbajtjeve, në procedurat e apelimit dhe në mjetet e qasjes në të dhëna që prej hyrjes në fuqi të ligjit. Kompania tha se është në dialog të vazhdueshëm me Komisionin Evropian dhe beson se veprimet e saj janë në përputhje me kërkesat ligjore të BE-së.
    Në të njëjtën kohë, rregullatorët evropianë kanë kritikuar edhe TikTok-un, duke e akuzuar për vendosje të procedurave të ndërlikuara për studiuesit që kërkojnë qasje në të dhënat publike dhe për mungesë transparence në reklamimin online. TikTok është përgjigjur se mbetet i përkushtuar ndaj transparencës, por ka kërkuar nga BE-ja qartësi ligjore, pasi disa kërkesa të DSA-së bien ndesh me Rregulloren e Përgjithshme për Mbrojtjen e të Dhënave (GDPR).
    Ky përplasje vjen në një klimë të tensionuar mes SHBA-së dhe BE-së për rregullat digjitale, pasi presidenti Donald Trump ka paralajmëruar masa ndëshkuese kundër vendeve që, sipas tij, “diskriminojnë” kompanitë amerikane.
    Zëdhënësi i Komisionit Evropian, Thomas Regnier, tha se akuzat për censurë janë të pabazuara dhe se DSA-ja, përkundrazi, “mbron lirinë e shprehjes dhe u jep qytetarëve evropianë mjetet për t’u mbrojtur ndaj vendimeve të njëanshme të gjigantëve të teknologjisë.”

  • Habit me deklaratën e tij ish-deputeti i LSI: Shkova në burg dhe i dërgova Metës vaj ulliri dhe..

    Habit me deklaratën e tij ish-deputeti i LSI: Shkova në burg dhe i dërgova Metës vaj ulliri dhe..

    I ftuar në DritareTV, në emisionin Dekalog të Roland Qafokut, ish-deputeti i LSI Lefter Maliqi rrëfeu hapur për raportin e tij me Ilir Metën. 
    Maliqi komentoi mbi kontaktet e tij të fundit me Metën, duke treguar se, edhe pse vizitat direkte nuk lejohen, ai ka zgjedhur të dërgojë një mesazh simbolik për ish-presidentin: një libër dhe disa produkte tradicionale nga zona e Beratit, si vaj ulliri dhe djath kaçkavall. 
    “I kam dërguar ndonjë ushqim tradicional brenda mundësive, si djath kaçkavall apo vaj ulliri, të cilat ai i njeh dhe i vlerëson shumë. Është e rëndësishme që njeriu të njihet dhe të ndihet i mbështetur në ditë të vështira,” tha Maliqi, 
    Ish-deputeti kujtoi gjithashtu aktivitetin e Metës në terren: 
    Që në fillimet e mia politike, Meta ishte jashtëzakonisht aktiv. Më kontrollonte çdo hap, më merrte në telefon për çdo gjë, vizitonte familje, takonte komunitete. Ai gjithmonë ka qenë pranë njerëzve,”-tha Maliqi./dritare.net 

  • Monika Kryemadhi: Silva Caka helmoi Ilir Metën kundër meje, sot unë jam askushi për vendime

    Monika Kryemadhi: Silva Caka helmoi Ilir Metën kundër meje, sot unë jam askushi për vendime

    Ish-deputetja Monika Kryemadhi ishte e ftuar në emisionin e Çim Pekës ku foli për përplasjet në çift me Ilir Metën, karrierën politike dhe për bashkëpunëtorë e ish-bashkëpunëtorë të LSI-së dhe Partisë së Lirisë.
    Kryemadhi theksoi se nuk është askushi për të marrë vendime dhe për të gjykuar vendimet e Ilir Metës ndërsa theksoi se e kanë adhuruar atë.
    Ish-deputetja u shpreh se nuk kanë bërë asgjë kundër Ilir Metës, ndërsa theksoi se ata që kanë shkuar te Partia Socialiste, si Silva Caka apo Endrit Braimllari, janë personat që kanë helmuar Presidentin e Partisë së Lirisë në marrëdhënie me Monika Kryemadhin.
    Kryemadhi: Unë nuk dua të gjykoj dhe sot jam askushi për të marrë vendime dhe për të gjykuar vendimet e Ilir Metës. Jo vetëm Monika, por dhe shumë të tjerë e kanë adhuruar Ilir Metën. S’kanë bërë asgjë kundër Ilir Metës, kanë qenë besnikë.
    Çim Peka: Të gjithë e shitët. I ke te Rama sot të gjithë. Te Rama i ke. Çfarë ka akuzuar Ilir Meta si tradhtarë, faktikisht dolën të tillë.
    Kryemadhi: Po edhe Monikën tradhtare e ka akuzuar. Edhe Elona Gurin tradhtare e ka akuzuar. Ku i ka? I ka te Rama sot?
    Çim Peka: S’po flasim për nënën e fëmijëve.
    Kryemadhi: Nëna e fëmijëve ishte e para. Tani këta ishin ushtarët e nënës së fëmijëve. Metës ia kam bërë të qartë që mesazhet që merrte nga njerëz që sot s’i ka afër vetes së vet, ishin për të nxitur se gjithë historia e tradhtisë nisi se kush do bëhej deputet. Ata që kanë shkuar te PS-ja janë ata që kanë helmuar Ilir Metën në marrëdhënie me Monikën. Edhe Braimllari filloi t’i luftonte të gjithë. Thoshte të heq këta të mos jenë deputetë. Pastaj shkoi Silva Caka se do u bënte vetë deputete. I përdorën të tjerët për interesat e tyre.

  • “Sot unë jam askushi për vendime”, Kryemadhi akuza Silva Cakës: E helmoi Metën kundër meje

    “Sot unë jam askushi për vendime”, Kryemadhi akuza Silva Cakës: E helmoi Metën kundër meje

    Ish-deputetja Monika Kryemadhi ishte e ftuar në emisionin e Çim Pekës ku foli për përplasjet në çift me Ilir Metën, karrierën politike dhe për bashkëpunëtorë e ish-bashkëpunëtorë të LSI-së dhe Partisë së Lirisë.
    Kryemadhi theksoi se nuk është askushi për të marrë vendime dhe për të gjykuar vendimet e Ilir Metës ndërsa theksoi se e kanë adhuruar atë.
    Ish-deputetja u shpreh se nuk kanë bërë asgjë kundër Ilir Metës, ndërsa theksoi se ata që kanë shkuar te Partia Socialiste, si Silva Caka apo Endrit Braimllari, janë personat që kanë helmuar Presidentin e Partisë së Lirisë në marrëdhënie me Monika Kryemadhin.
    Kryemadhi: Unë nuk dua të gjykoj dhe sot jam askushi për të marrë vendime dhe për të gjykuar vendimet e Ilir Metës. Jo vetëm Monika, por dhe shumë të tjerë e kanë adhuruar Ilir Metën. S’kanë bërë asgjë kundër Ilir Metës, kanë qenë besnikë.
    Çim Peka: Të gjithë e shitët. I ke te Rama sot të gjithë. Te Rama i ke. Çfarë ka akuzuar Ilir Meta si tradhtarë, faktikisht dolën të tillë.
    Kryemadhi: Po edhe Monikën tradhtare e ka akuzuar. Edhe Elona Gurin tradhtare e ka akuzuar. Ku i ka? I ka te Rama sot?
    Çim Peka: S’po flasim për nënën e fëmijëve.
    Kryemadhi: Nëna e fëmijëve ishte e para. Tani këta ishin ushtarët e nënës së fëmijëve. Metës ia kam bërë të qartë që mesazhet që merrte nga njerëz që sot s’i ka afër vetes së vet, ishin për të nxitur se gjithë historia e tradhtisë nisi se kush do bëhej deputet. Ata që kanë shkuar te PS-ja janë ata që kanë helmuar Ilir Metën në marrëdhënie me Monikën. Edhe Braimllari filloi t’i luftonte të gjithë. Thoshte të heq këta të mos jenë deputetë. Pastaj shkoi Silva Caka se do u bënte vetë deputete. I përdorën të tjerët për interesat e tyre.

  • Monika Kryemadhi: Hetimi për Ilir Metën u fabrikua nga Veliaj dhe portalet e tij

    Monika Kryemadhi: Hetimi për Ilir Metën u fabrikua nga Veliaj dhe portalet e tij

    Ish-kryetarja e LSI-së, Monika Kryemadhi, ka akuzuar publikisht kryebashkiakun e Tiranës, Erion Veliaj, për nisjen e një fushate të organizuar që solli hetimin pasuror ndaj ish-presidentit Ilir Meta.
    E ftuar në emisionin “Çim Peka Live” në Syri TV, Kryemadhi deklaroi se nuk do të ishte e mundur të hapej një çështje mbi pasurinë e Metës pa një akuzë paraprake. Sipas saj, për këtë arsye u fabrikua një dosje me akuza të rreme, e shpërndarë nëpërmjet portaleve të financuara nga Veliaj.

    Akuza për një “fabrikim politik”

    “Duhej të sajohej një gjë dhe të shkonte tek hetimi pasuror i Ilir Metës. Se nuk shkonte dot tek shtëpia e tij pa një akuzë. Atëherë Veliaj, nëpërmjet Halit Valterit, Idajet Beqirit, portaleve që paguante, bënë padinë. Ilir Meta miniera në Afrikë. Monika Kryemadhi operacion plastik 280 mijë euro. E mbani mend Top Channel me ofshoret e Monika Kryemadhit me oligarkët rusë,” – u shpreh Kryemadhi.

    Sipas saj, gjithë procesi kishte si qëllim vetëm krijimin e bazës ligjore për të hapur hetime pasurore ndaj Metës dhe familjes së tij.
    Sulme ndaj drejtësisë
    Në vijim, Kryemadhi akuzoi edhe një gjyqtar të Gjykatës së Tiranës se po refuzon të shqyrtojë provat, duke thënë se “nuk di shqip dhe nuk lexon televizionin”. Sipas saj, ndaj tij ushtrohet presion përmes procesit të vetingut të vëllait të gjyqtarit.
    “Gentian Meta nga Lezha është, dhe atij i thanë ‘a do rrish urtë që të bësh si themi ne, se ike dhe ti’,” – tha ajo.
    “Jam akuzuar padrejtësisht”
    Ish-kryetarja e LSI-së shtoi se është sulmuar personalisht me akuza absurde, përfshirë atë se ishte “bashkëpunëtore në krim me Ilir Metën” dhe madje për ndërhyrje kirurgjikale.
    “Këta më quajtën mua bashkëpunëtore në krim me Ilir Metën dhe për heqjen e mitrës,” – tha ajo, duke i konsideruar akuzat si të fabrikuara politikisht.
    Meta si “hero personal”
    Në fund të intervistës, Kryemadhi foli me tone personale për marrëdhënien me Ilir Metën, duke e cilësuar atë si figurë kyçe në jetën e saj:
    “A e ndiej mungesën e Ilir Metës? Po patjetër. Ai është babai i fëmijëve të mi dhe është heroi im. Unë pa Ilir Metën s’do isha kjo që jam.”

  • Kryemadhi flet për Metën: Më mungon, pa të s’do isha kjo që jam

    Kryemadhi flet për Metën: Më mungon, pa të s’do isha kjo që jam

    Monika Kryemadhi deklaroi se hetimi për Ilir Metën ka nisur nga Erion Veliaj dhe portalet e financuara prej tij.
    Kryemadhi tha se duhej sajuar një çështje për të arritur tek hetimi pasuror i Ilir Metës, pasi nuk mund të ndërmerrej ndonjë hetim ndaj tij pa një akuzë konkrete.

    “Duhej të sajohej një gjë dhe të shkonte tek hetimi pasuror i Ilir Metës. Se nuk shkonte dot tek hetimi pasuror i Ilir Metës dhe tek shtëpia e tij, pa një akuzë. Atëherë Erion Veliaj nëpërmjet Halit Valterit, Idajet Beqirit, portaleve që paguante, që sot nuk ka më para t’i paguajë, bënë padinë. Ilir Meta miniera në Afrikë. Monika Kryemadhi operacion plastik 280 mijë euro. E mbani mend Top Channel me ofshoret e Monika Kryemadhit me oligarkët rusë” – tha Kryemadhi.

    Ajo shtoi se një gjyqtar në gjykatën e Tiranës nuk po merr përsipër të shqyrtojë provat, duke pretenduar se ‘nuk di shqip dhe nuk e lexon televizionin’, dhe se ndaj tij bëhet presion përmes vëllait që është për procesin e vetingut.

    “E mbani mend Top Channel me ofshoret e Monika Kryemadhit me oligarkët rusë. Që është një gjyqtar tek gjykata e Tiranës që nuk merr përsipër provat dhe thotë nuk di shqip, nuk e lexon televizionin. Dhe atij i bëjnë presion me vëllain që e ka për veting dhe i thanë a do rrish urtë që të bësh kështu si themi ne, se ike dhe ti. Gentian Meta nga Lezha është’, – shtoi Kryemadhi gjatë bisedës.
    Ajo u shpreh se është akuzuar padrejtësisht si bashkëpunëtore në krim me Ilir Metën dhe madje për heqjen e mitrës.
    ‘Këta më quajtën mua bashkëpunëtore në krim me Ilir Metën dhe për heqjen e mitrës,’ përfundoi Monika Kryemadhi. Ajo e quajti Metën heroin dhe babain e fëmijëve të saj.
    “A e ndiej mungesën e Ilir Metës? Po patjetër. Ai është babai i fëmijëve të mi dhe është heroi im. Unë pa Ilir Metën s’do isha kjo që jam” – tha ajo. 

  • A e ndjeni mungesën e Ilir Metës? Kryemadhi habit me përgjigjen e saj

    A e ndjeni mungesën e Ilir Metës? Kryemadhi habit me përgjigjen e saj

    Monika Kryemadhi është pyetur nëse ia ndjen mungesën Ilir Metës. E ftuar në një emsion televiziv Kryemadhi e quajti Metën heroin dhe babain e fëmijëve të saj.
    Pyetje: A e ndjeni mungesën e Ilir Metës?
    Kryemadhi: Po patjetër. Ai është babai i fëmijëve të mi dhe është heroi im. Unë pa Ilir Metën s’do isha kjo që jam.

  • Sot seanca për Metën, Irena Gjoka do të vendosë për kalimin ose jo për gjykim të dosjes

    Sot seanca për Metën, Irena Gjoka do të vendosë për kalimin ose jo për gjykim të dosjes

    Sot, në orën 11:00, në GJKKO do të mbahet seanca e parë paraprake në ngarkim të ish-presidentit Ilir Meta dhe katër personave të tjerë që janë marrë të pandehur nga SPAK.
    Kërkesa do shqyrtohet nga gjyqtarja Irena Gjoka, dhe do të vendosë nëse dosja do të kalojë për gjykim ose jo.
    SPAK ka marrë të pandehur Ilir Metën, Monika Kryemadhin, nënën e saj Fatime Kryemadhi, Pirro Xhixhon dhe Ema Çokun.
    Monika Kryemadhi ka mbërritur në SPAK rreth orës 11:00.