Edhe pse në proces divorci, Monika Kryemadhi gjithmonë e ka treguar mbështetjen e saj për Ilir Metën, aq më tepër tashmë që presidenti I Partisë së Lirisë kandidon në listat e hapura në qarkun e Tiranës.
Partia e Lirisë ka prezantuar sot kandidatët për zgjedhjet e 11 majit, ku Meta u bë pjesë e aktivitetit me një audio-mesazh frymëzues nga qelia.Nga ana tjetër,. Kryemadhi ka ndarë në rrjetet sociale një foto të të birit, Besar Metaj, pikërisht nga ky aktivitete.
“Marrja e përgjegjësive është jo vetëm virtyt ,por edhe burrëri. Sot ti ke treguar edhe një herë që je rritur. Bravo Besar Metaj jam krenare për ty. Voto Ilir Metaj!”, shkruan deputetja e PL krah fotos, ndërkohë që nuk do të jetë pjesë e legjislaturës së ardhshme, pasi nuk është pjesë e ekipit që kandidon më 11 maj.
Tag: metën
-
“Votoni Metën”, Kryemadhi tregon mbështetjen për kreun e PL dhe publikon foton e të birit: Je burrëruar!
-
“Votoni Ilir Metën”/ Nën ritmet e “Rocky Balboa”-s, Monika Kryemadhi nis ‘përgatitjet’ për 11 majin (Video)
Monika Kryemadhi ka publikuar disa pamje teksa stërvitet në palestër. Deputetja e opozitës shfaqet duke bërë boks me instruktorin, ndërsa në sfond dëgjohet muzika e filmit “Rocky Balboa”. Videon, të cilën e ka publikuar në instagram, Monika Kryemadhi e shoqëron me shkrimin ku bën apel që më 11 maj të votohet për Ilir Metën.
“Me 11 Maj e dini vet ju! Voto Ilir Metaj”, shkruan Monika Kryemadhi.
Kohët e fundit, Kryemadhi pavarësisht divorcit dhe faktit që nuk do të jetë vetë kandidate, ka dalë hapur në mbështetje të ish bashkëshortit të saj për në zgjedhjet e 11 majit, edhe pse ata janë në një proces divorci. -
“Po bëj fushatë për Ilir Metën”, Kryemadhi: Dalja në listë të hapur e tij tregoi se është sfidant
Monika Kryemadhi është shprehur se po bën fushatë për Ilir Metën teksa shtoi se nuk do të ndalet deri në 11 Maj.
Kryemadhi në emisionin “Opinion”, shprehet e zhgënjyer nga shumë njerëz që kanë qenë pranë saj dhe ish-bashkëshortit të saj Ilir Meta.
Ndër të tjera Monika Kryemadhi shton se dalja e Ilir Metës në listë të hapur, në zgjedhjet e 11 Majit tregoi edhe njëherë, se ai është një sfidat dhe ka kthyer edhe njëherë Ilir Metën e viteve 2000.
Blendi Fevizu: Çfarë ju ka mbetur tani për Ilir Metën?
Monika Kryemadhi: Më ka mbetur respekti për babin e fëmijëve të mi dhe ajo që është më e dhimbshmja për mua është zhgënjimi me njerëzit që kanë qenë pranë tij dhe pranë meje.
Blendi Fevizu: Kur bie nga pushteti a zhduken këto njerëz?
Monika Kryemadhi: Patjetër. Zhduken zoti Fevziu sepse kur bie nga pushteti kupton që këto njerëz janë vetëm kërmij që vetëm zvariten.
Blendi Fevizu: A kanë mbetur miq të vërtetë që nuk jua kanë lënë edhe në ditën tuaj të vështirë?
Monika Kryemadhi: Do ju them një ndjesi zoti Fevziu. Ditën që Ilir Meta vendosi për të dalë në listë të hapur, sigurisht unë kisha marrë vendimin që nuk do të merresha më me fushatë. Do të shkoja vetëm të votoja për koalicionin. Normalisht kisha në plan të kandidoja si e pavarur sepse të kandidoje si e pavarur duheshin shumë pak vota 15 500 vota për ta marrë, por çdo kandidim përveç se do të ndante votën e Partisë së Lirisë do të krijonte edhe një lloj ndarje për opozitën dhe sot nuk është çështja e një egoje personale të Monikës apo të dikujt tjetër.
Blendi Fevizu: Pra ju u tërhoqët për t’i dhënë mundësi Metës apo për të mos dëmtuar opozitën?
Monika Kryemadhi: Unë politikisht për të mos dëmtuar opozitën, por nga ana tjetër njerëzore dhe familjare për të mos futur në konflikt fëmijët e mi midis meje dhe Ilir Metës. Në aspektin që ishin fëmijët ata që unë duhet t’i kthehem rolit të mamasë. Sigurisht më erdhi shumë keq. U ndjeva shumë e zhgënjyer. Jo për vendimin e Ilir Metës se Ilir Meta sfidat ka qenë dhe për mua vendimi i daljes në listë të hapur të tij ka sjellë Ilir Metën e viteve 2000. Por ajo që më ka shqetësuar është që një kryesi që me votë unanime pranoi kandidimin e Ilir Metës në listë të hapur. Dalja e zotit Meta në listë të hapur tregoi edhe njëherë që ai është një sfidat që maksimizon votën në maksimum për opozitën atë të cilën mua më ka bërë që sot që nga ajo ditë që kam dalë haptazi kërkoj votën për Ilir Metën.
Blendi Fevizu: Ke dalë po bën fushtë?
Monika Kryemadhi: Po bëj fushatë dhe nuk do të ndalem deri në 11 Maj dhe është hera e fundit e imja, për t’i dhënë çdo votë Ilir Metës sepse ajo që kam kuptuar është që largimi që kemi bërë nga elektorati është që njerëzit e duan Ilir Metën dhe janë mirënjohës. -
U tha se uroi Metën për ditëlindje, Kryemadhi sqaron videon: E kisha për Denisën!
Monika Kryemadhi në studion e emisionit “Opinion” në Tv Klan ka sqaruar edhe një video që ka qarkulluar ku u nënkuptua si një urim ditëlindje për ish-Presidentin Ilir Meta.
Kryemadhi sqaroi se ai urim nuk ishte për Metën, por për bashkëshorten e një mikut të tij.
Blendi Fevziu: Zoti Meta ka pasur ditëlindjen pak ditë më parë, ju e keni uruar me gjithë divorcin që e keni marrë vesh mediatikisht me gjithë sherret, problemet dhe akuzat ju e keni uruar.
Monika Kryemadhi: Jo nuk është urimi për zotin Meta. Zoti Meta e kam thënë edhe një herë tjetër mos e ngatëroni me Erion Veliajn që morri telefonin e Alqi Bllkos dhe s’la ambasador pa marrë në telefon me kongresmen e senator nga burgu. Zoti Meta nuk përdor telefon në dijeninë time. Mund të përdori Skype, por nëse përdor Skype i digjet takimi me fëmijët dhe familjarët e tij. Këtu është intervista e Denisës, bashkëshortes së Bruno Liços një mikut tim e cila edhe ajo kishte ditëlindjen. Ka shumë njerëz që e kanë ditëlindjen me 24 Mars.
Blendi Fevziu: Pra paska qenë me dy kuptime. I paske çuar një mesazh edhe Metës edhe…
Monika Kryemadhi: Jo më ka ardhur mirë që kjo video ka vajtur me miliona shikime dhe janë bërë shumë lajme.
Blendi Fevziu: Pra nuk ka qenë urim për Ilir Metën?
Monika Kryemadhi: Jo nuk ka qenë urim për Ilir Metën. Urimi ka qenë për Denisën.
Ndërkohë ndër të tjera Kryemadhi shton se e ka uruar Ilir Metën si politikan dhe si babain e fëmijëve të tij teksa nuk ka kursyer edhe meritat ndaj tij për atë që ajo është sot.