Lajmidites.com

Tag: messin

  • Lë pas CR7 dhe Messin, mesatarja e frikshme e golave të Haaland në Ligën e Kampionëve

    Lë pas CR7 dhe Messin, mesatarja e frikshme e golave të Haaland në Ligën e Kampionëve

    2 Tetor 2025

    13:58

    Alfred Lleshi

    Erling Haaland po rishkruan historinë e Champions League. Sulmuesi norvegjez i Manchester City ka arritur 52 gola në 50 ndeshjet e para të tij në kompeticion, pasi shënoi dopietë ndaj Monaco. Asnjë lojtar nuk kishte mbërritur kaq shpejt në këtë shifër. Statistikat e tij janë të frikshme.
    Haaland ka një mesatare prej 1.04 golash për ndeshje, krahasuar me Cristiano Ronaldon (0.76, 140 gola në 183 ndeshje) dhe Lionel Messin (0.79, 129 gola në 163 ndeshje). Me këtë ritëm, nëse do të luante sa Ronaldo (183 ndeshje), Haaland mund të arrinte rreth 190 gola, një shifër thuajse e pabesueshme. Ai tashmë ka thyer rekorde të tilla: më i shpejti që arriti 30 gola (25 ndeshje), 40 gola (35 ndeshje) dhe tani 52 gola në 50 ndeshje, duke lënë pas Van Nistelrooy.
    Ndërkohë, Kylian Mbappé ka shënuar 60 gola në 89 ndeshje, duke u bërë i treti më i shpejtë në këtë kuotë dhe i dyti më i ri pas Messit. Pyetja nuk është më nëse Haaland dhe Mbappé do t’i kalojnë 100 gola në Champions, por sa larg mund të shkojnë.

  • Ky president mund ta kishte ndryshuar historinë e futbollit: Kisha marrëveshje me Guardiolën dhe Messin

    Ky president mund ta kishte ndryshuar historinë e futbollit: Kisha marrëveshje me Guardiolën dhe Messin

    24 Shtator 2025

    7:58

    Alfred Lleshi

    Ángel Torres, presidenti i Getafe, ka zbuluar sërish prapaskena të bujshme, që mund të kishin ndryshuar historinë e futbollit. Ai tregoi se kishte arritur marrëveshje paraprake si për Pep Guardiolën, asokohe trajner i Barcelonës B, ashtu edhe për një huazim të Leo Messit:
    “Barcelona mori Laudrup dhe unë doja Guardiolën. Fola me vëllain e tij, arritëm në parim marrëveshjen. Guardiola do të kishte triumfuar te Getafe, sepse është një ‘monstër’ si trajner”.
    Për Messin, kujtoi: “Më 18 gusht shkova në ‘Camp Nou’ me drejtorin tim sportiv, Alfredo Duro. Kishim marrëveshje paraprake, por Rijkaard nuk e la të ikte, pasi kishte një lojtar të dëmtuar dhe donte t’i jepte minuta. Për kaq pak u kthyem pa Messin”.

  • Barcelona nuk e harron kurrë Messin, feston 25-vjetorin e transferimit të yllit argjentinas

    Barcelona nuk e harron kurrë Messin, feston 25-vjetorin e transferimit të yllit argjentinas

    Edhe pse kanë kaluar vite, Barcelona nuk e harron Leo Messin. Klubi katalanas kujton sot 25-vjetorin e mbërritjes së tij, në moshën 13-vjeçare, për provë te Barça, ku la mbresa të mëdha. Fillimisht ishte Carles Rexach, ai që vendosi ta transferonte. Ky moment shënoi fillimin e një marrëdhënieje me suksese të padiskutueshme.
    Messi e veshi fanellën blaugrana në periudhën 2000-2021. Plot 21 vite historike për të dhe klubin katalanas. Me Barcelonën, argjentinasi fitoi 4 Champions League, 19 La Liga, 7 Kupa të Mbretit, 3 Superkupa Europe, 3 Botërorë Klubesh, 6 “Këpucë të Arta” dhe 7 “Topa të Artë” (të tetin e fitoi si lojtar i Inter Miami, më 2023), ndërsa është edhe golashënuesi më i madh i historisë blaugrana, lojtari i huaj me më shumë ndeshje dhe asistuesi më i mirë i La Liga-s.
    Sot, ndërsa Messi luan tek Inter Miami, Barcelona ende pret të organizojë një ndeshje lamtumire pas largimit të diskutueshëm, duke kujtuar gjithashtu debutimin e tij të famshëm te katalanasit.

    ✨ Avui fa 25 anys que Leo Messi, amb 13 anys, va arribar a Barcelona per provar amb el Barça. Va impressionar tant a Rexach que va decidir fitxar-lo.
    La resta és història 🐐
    🔵🔴 Quin és el teu record preferit de Messi al Barça?
    👉 Més a Players: https://t.co/BkJBaY2oG4 pic.twitter.com/Yl2Y6vQ9tf
    — FCB Jugadors (@FCBjugadors) September 17, 2025

     
     

  • Trajneri i Argjentinës përlotet për Messin: Të shihja kampion bote, emocion i papërshkrueshëm (video)

    Trajneri i Argjentinës përlotet për Messin: Të shihja kampion bote, emocion i papërshkrueshëm (video)

    4 Shtator 2025

    8:40

    Alfred Lleshi

    Lionel Scaloni u emocionuanë konferencën për shtyp, në prag të ndeshjes ndaj Venezuelës, teksa foli për Leo Messin: “Për kohën që kam luajtur me të, ta kisha shok skuadre dhe t’i jepja topin ishte diçka e mrekullueshme. Pastaj, të ishim bashkë në Botërorin e Katarit dhe ta shihja ta fitonte, ishte emocionuese.
    Me kalimin e kohës, kjo do të vlerësohet edhe më shumë. Ndoshta nesër nuk do të jetë ndeshja e tij e fundit në Argjentinë, sepse do të përpiqemi të luajmë një tjetër në të ardhmen, ngaqë e meriton. Kur hyn në fushën e stërvitjes, ka diçka që nuk e kam parë tek askush tjetër, e kam fjalën për atë që sjell si njeri.
    Ka qenë dhe vazhdon të jetë kënaqësi ta stërvis, sepse është ende këtu dhe duhet ta shijojmë. Duam që tifozët që vijnë në stadium dhe ta shijojnë momentin. Që prej astij triumfi në Katar është krijuar diçka speciale mes njerëzve dhe lojtarëve. Shpresojmë që kjo festë të vazhdojë përgjithmonë”.

  • Messi dhe CR7, dueti antagonist i papërsëritshëm në futboll. Si Magic dhe Bird në NBA…

    Messi dhe CR7, dueti antagonist i papërsëritshëm në futboll. Si Magic dhe Bird në NBA…

    Sezoni i ri ka nisur. Çdokush po jep maksimumin për t’i kënaqur tifozët e vet. Shumë lojtarë të rinj premtues ëndërrojnë të arrijnë majat, shumë kampionë premtojnë spektakël. E megjithatë, diçka nuk shkon…
    Për një arsye të çuditshme, nuk arrijmë dot t’i harrojmë Messin dhe Cristiano Ronaldon. Mjafton një gjest, edhe jashtë fushe, dhe menjëherë mediat nga e gjithë bota rendin pas tyre, sikur të mos i rezistonin dot magjisë së këtyre dy legjendave.
    Në fakt, nuk duhet të ishte kështu. Messi tani luan në SHBA, ka zgjedhur MLS për të qëndruar i qetë, duke bërë atë që ende e dëshiron (të luajë futboll), pa presione të mëdha. Cristiano Ronaldo, gjithmonë konkurrues, vrapon drejt objektivit madhështor të 1000 golave me fanellën e Al-Nassr, i bindur se është ende “njeriu që ndryshon ekuilibrat”.
    Në realitet, të dy janë tashmë në fund të karrierës së tyre të jashtëzakonshme. Në një klub të madh pjesëmarrës në Champions League, nuk do të mund të luanin më. Messi këtë e ka pranuar prej kohësh, ndërsa CR7 nuk do ta thoshte kurrë…
    Në fushë nuk janë më ata të dhjetë viteve më parë, e megjithatë mbeten ikona globale. Pse? Ndoshta sepse Messi dhe Cristiano Ronaldo përfaqësojnë dy nga të fundit “fuoriclasse” të vërtetë, jo të ngritur artificialisht nga mediat apo tifozët. Për më tepër, janë të kundërt mes tyre: si karaktere, si lojtarë, si mënyrë të të bërit histori. Një kontrast total, që i bën edhe më të veçantë.

    Njësoj si Magic Johnson dhe Larry Bird në NBA. Dy gjigandë që e ndanë një epokë dhe e ngritën sportin në një tjetër nivel. Sot mungojnë dy fenomene të tilla. Ka kampionë të shumtë. Yamal duket i destinuar të dominojë, Mbappé është ende i ri, Haaland shënon me ritme të pabesueshme, por askush nuk e arrin në nivelin e Messit dhe Ronaldos. Sidomos, askush prej tyre nuk ka një rival të vërtetë, një “armik sportiv” që e bën garën edhe më të madhe.
    Ndoshta është pikërisht kjo, arsyeja pse duket kaq e vështirë t’u themi “lamtumirë”. Për 15 vite, ata ndanë trofe, “Topa të Artë”, rekorde, lavdi. E dimë që “rezervuari” është drejt fundit, por nuk duam ta pranojmë idenë se mund të thonë “mjaft” dhe të na lënë pa magjinë e tyre. Dita e tërheqjes së tyre nga futbolli nuk është larg (edhe pse CR7 duket i pathyeshëm), por brenda vetes të gjithë shpresojmë që të luajnë pafundësisht.
    Kanë qenë dy “heronjtë” e fundit të futbollit që dashurojmë, dy rivalë “të kopertinave”. Ata ndanë botën futbollistike: kush adhuronte Messin, nuk e duronte Ronaldon, dhe anasjelltas. Edhe kjo ishte një ndjesi unike. Një ndjesi që, për fat të keq, nuk do të përsëritet më.
    Ashtu siç ndodhi me Magic dhe Bird në NBA. Kësaj të fundit nuk i munguan yje të tjerë, por kur flitet për ta, nostalgjia bëhet e prekshme. Dhe, më herët a më vonë, e njëjta gjë do të ndodhë me Messin dhe Cristiano Ronaldon…

  • Truproja e Messit ndërhyri gjatë sherrit të argjentinasit në fushë, tani rrezikon ndëshkim shembullor (video)

    Truproja e Messit ndërhyri gjatë sherrit të argjentinasit në fushë, tani rrezikon ndëshkim shembullor (video)

    Lionel Messi është sërish protagonist absolut me Inter Miami. Në fushë, “Pleshti”, tani i shoqëruar edhe nga Rodrigo De Paul, dha dy asistime vendimtare për fitoren 2-1 ndaj Atlas në “Leagues Cup”. Fatkeqësisht, argjentinasi u bë i dallueshëm edhe pas përfundimit të ndeshjes, jo për arsye sportive.
    Pas golit të fitores që erdhi në kohën shtesë, ku Messi asistoi, ai festoi në fytyrën e një kundërshtari, Coccaro, i cili nuk e priti mirë këtë veprim. Në fund të ndeshjes shpërtheu një sherr i fortë mes lojtarëve në fushë, me Messin në qendër të tensionit. Në një moment, ai kapi për fyti lojtarin e Atlas, Gustavo Ferrareis, duke shkaktuar një përplasje të shkurtër mes të dyja skuadrave. Fatmirësisht, shokët e skuadrës ndërhynë menjëherë dhe situata nuk degradoi më tej.

    👀 There was a Yassine Cheuko sighting tonight in the Leagues Cup — as he got physical and pushed Atlas players away during a post-game skirmish.
    Reminder: Cheuko hasn’t been seen during MLS games this year because he is no longer permitted on the field.#InterMamiCF #Messi𓃵 pic.twitter.com/6EHqxkknjM
    — Franco Panizo (@FrancoPanizo) July 31, 2025

    Gjithsesi, përplasja nuk përfundoi këtu. Në fushë hyri edhe Yassine Cheuko, truproja personale e Messit, i cili nuk kishte leje për të ndërhyrë dhe shtyu disa lojtarë të Atlas për të ndaluar çdo kontakt të mundshëm me Messin. Ky veprim ka shkaktuar polemika dhe mund të sjellë ndëshkime të rënda, pasi shkel rregullat e sigurisë të vendosura nga MLS në prill 2025.
    Që prej tre muajsh, është e ndaluar me rregullore që truprojat personale të hyjnë në fushë, pavarësisht nivelit të tyre. MLS ka marrë përsipër menaxhimin e plotë të sigurisë, duke ndaluar ndërhyrjet private që shpesh janë konsideruar të ekzagjeruara, sidomos në rastet kur Cheuko ka ndalur me forcë tifozë që hynin në fushë, apo është përfshirë në përplasje me personel të skuadrave kundërshtare.

    Edhe “Concacaf” e ka përjashtuar më parë Cheuko nga ndeshjet për arsye të ngjashme. Në rastin e fundit, pamjet tregojnë qartë se ai hyn në fushë për të mbrojtur Messin, por me këtë ka shkelur protokollin dhe tani rrezikon masa disiplinore nga MLS, pavarësisht se bëhej fjalë për një tjetër kompeticion.
    Rregullat janë të qarta: siguria në fushë është vetëm përgjegjësi e ligës, ndaj ndërhyrjet si kjo mund të çojnë në ndëshkime të rënda, si për Cheuko, ashtu edhe potencialisht për klubin.
     

  • Guardiola për Yamal: Le të ndjekë rrugën e tij pa presione. Krahasimi me Messin? Flasim pas 15 vitesh…

    Guardiola për Yamal: Le të ndjekë rrugën e tij pa presione. Krahasimi me Messin? Flasim pas 15 vitesh…

    Në një deklaratë të ngrohtë dhe domethënëse, Pep Guardiola, një nga mendjet më brilante të futbollit modern, ka folur për talentin magjepsës të Lamine Yamal, ylli i ri i Barcelonës dhe një nga emrat më të përfolur në futbollin europian.
    Trajneri i Manchester City ka bërë thirrje për durim, respekt dhe qetësi ndaj një futbollisti që, ndonëse ende shumë i ri, ka nisur të marrë krahasime me vetë Leo Messin, legjendën më të madhe të historisë së klubit katalanas.
    “Duhet ta lëmë Lamine Yamal të ndjekë rrugën e tij. Kur të ketë luajtur për 15 vite, atëherë mund të flasim nëse është më i mirë se Messi apo jo”, – deklaroi Guardiola me qartësi, duke theksuar nevojën që talenti të mos “digjet” nga krahasimet e parakohshme.
    Sidoqoftë, pikërisht këto krahasime, për vetë Pep, janë tregues i një vlerësimi të jashtëzakonshëm: “Fakti që ai krahasohet me Messin është, në vetvete, diçka gjigante. Është njësoj si të krahasosh një piktor me Van Gogh”.
    Fjalë që nuk vijnë nga askush tjetër, por nga trajneri që i dha formë Messit në vitet më të ndritura të karrierës së tij në Barcelonë. Guardiola e njeh më mirë se kushdo se çfarë do të thotë të kesh në duar një gjeni të lindur dhe për këtë arsye vlerësimi i tij për Yamal nuk është i rastësishëm. Njëherazi, ai kujton se edhe talenti ka nevojë për kohë, për maturim dhe ambient që e ndihmon të lulëzojë pa presione shkatërruese.
    Në moshën vetëm 18-vjeçare (sapo i ka mbushur), Yamal ka lënë tashmë gjurmët e tij në futbollin europian, duke shënuar dhe asistuar në nivele të larta dhe dhuruar magji që të kujtojnë kohët e arta të një tjetër “fëmije” të “La Masia”. Sidoqoftë, rruga është e gjatë dhe, siç thotë Guardiola, “le të ndjekë udhën e vet, mos t’ia ngarkojmë barrën e legjendës përpara kohe”.
    Këshillë e mençur nga një mjeshtër i vërtetë për një yll futbolli në ngritje. Koha do të tregojë, por ndërkohë, bota e futbollit po shijon çdo penelatë të këtij Van Gogh-u të ri të fushës së blertë.

  • MLS pezullon Messin dhe Jordi Albën, Inter Miami: Vendim i pakuptimtë

  • “Messi është një legjendë”, Yamal: Por unë dua  të bëj një gjë tjetër

    “Messi është një legjendë”, Yamal: Por unë dua  të bëj një gjë tjetër

    Ylli i Barcelona-s, Lamine Yamal, ka dërguar një mesazh në lidhje me krahasimet me idhullin e tij, Lionel Messin, në karrierën e tij të re deri më tani.
    I riu spanjoll ka shumë ngjashmëri me Messin, veçanërisht në aspektin e pozicionit dhe udhëtimit të tyre drejt futbollit profesional.
    Yamal foli në një event të Adidas në Shangai të Kinës, duke theksuar admirimin e tij për Lionel Messin.
    Megjithatë, 17-vjeçari zbuloi se qëllimi i tij ka qenë gjithmonë të bëjë gjërat sipas mënyrës së tij dhe të ndërtojë rrugën e tij pavarësisht ngjashmërive midis të dyve.
    Ai tha:
    “Gjithmonë jam përpjekur të krijoj rrugën time. Sigurisht, Messi është lojtari më i madh në histori për mua, pa dyshim. Ai luan me këmbë të majtë, dhe unë gjithashtu.
    “Ai luajti për Barcelona-n, dhe unë luaj për Barcelona-n. Ai luajti si sulmues i krahut të djathtë, dhe unë gjithashtu. Ne patjetër kemi shumë të përbashkëta, dhe kjo është në rregull. Unë thjesht dua të krijoj rrugën time.
    “Ai shkroi historinë e tij legjendare dhe shpresoj të kem një karrierë të suksesshme si ai. Por më e rëndësishmja, dua të luaj futboll në mënyrën time, të shkruaj historinë time dhe t’i bëj njerëzit të kujtojnë emrin Lamine Yamal”.

  • “Po e turpërojnë Messin çdo ditë”, shpërthejnë tifozët: Duhet të largohet

    “Po e turpërojnë Messin çdo ditë”, shpërthejnë tifozët: Duhet të largohet

    Tifozët e Inter Miamit nuk e kanë fshehur zemërimin pasi ekipi pësoi një humbje 4-1 kundër Minnesota United jashtë fushe.
    Messi me shokë pësuan humbjen e katërt në pesë ndeshjet e tyre të fundit, me rezultatin që i lë ata në vendin e katërt në Konferencën e Lindjes.
    Ish-lojtari i Barcelona-s, Messi, shënoi për ekipin e tij, por nuk mundi t’i parandalonte ata nga humbja e rëndë në Minnesota.
    Tifozët e Inter Miamit ishin të pakënaqur me paraqitjen e ekipit të tyre dhe e kanë shprehur këtë pakënaqësi në rrjetet sociale.

    “Shkarkoni trajnerin dhe nënshkruani mbrojtës të rinj. Ju të gjithë po e turpëroni Messin çdo ditë”, ka qenë një mesazh.
    “Pa Messin, kjo skuadër do të ishte në vendin e fundit në kampionat”, ka shkruar një tifoz tjetër.
    Një tifoz thjesht kërkoi që trajneri të shkarkohej.
    “Shkarkojeni Mascherano-n”.
    Një tjetër tifoz vuri në dyshim praninë e një mbrojtësi në ekip.
    “Lol, a ka mbrojtje dhe portier në këtë ekip?”.
    Një tifoz i kërkoi klubit të shiste të gjithë veteranët e tij, përveç Messit, dhe të largonte lojtarët e Amerikës së Jugut.
    “Shitni çdo lojtar mbi moshën 30 vjeç përveç Messit dhe hiqni qafe shumicën e këtyre amerikanojugorëve të ngadaltë”.
    Një tifoz rival shprehu kënaqësinë e tij me rezultatin duke qeshur.
    “LE TË QESHIM TË GJITHË ME INTER MIAMI🤣🤣🤣🤣”.
    Një tifoz fajësoi pronarët, duke theksuar se Messi duhet të largohet shpejt pasi ata nuk përputhen me ambicien e tij.
    “Pronarët nuk janë seriozë. Është koha që Messi të largohet”.