Presidenti i Barcelonës, Joan Laporta, ka hedhur poshtë çdo mundësi që Lionel Messi të rikthehet në “Camp Nou” në formë huazimi, duke i dhënë fund spekulimeve që kanë qarkulluar ditët e fundit në media.
“Leo Messi sërish në huazim? Është një skenar jorealist. Duhet ta respektojmë ekipin që kemi aktualisht,” – deklaroi Laporta për gazetarët, duke theksuar se klubi është përqendruar tek e tashmja dhe tek projekti i ri i trajnerit Hansi Flick.
Këto deklarata vijnë pas zërave që qarkulluan javën e fundit, ku disa media spanjolle dhe argjentinase raportuan për një mundësi të përkohshme rikthimi të Messit në Barcelonë gjatë pushimit të sezonit në MLS, me Inter Miamin që pritet të ketë disa muaj pauzë.
Megjithatë, presidenti katalanas i ka mbyllur dyert një rikthimi të tillë, duke nënvizuar se marrëdhënia me Messin mbetet e fortë, por se nuk ka asnjë plan sportiv për ta rikthyer atë në skuadër.
Messi aktualisht është pjesë e Inter Miami në Shtetet e Bashkuara, ku po përgatitet për sezonin e dytë në MLS.
Tag: messi
-
A po kthehet Messi në Barcelonë? Ja çfarë thotë presidenti Laporta
-
Leo Messi përfshihet në momentin e lumtur të një çifti në Barcelonë, videoja që po bën xhiron e rrjetit
Lojtari i konsideruar nga shumë si futbollisti më i mirë në histori, Lionel Messi, është rikthyer papritur në Barcelonë mbrëmjen e kaluar, duke ndezur nostalgjinë e tifozëve dhe një valë emocionesh në rrjetet sociale. Argjentinasi u pa duke vizituar Camp Nou së bashku me miq dhe bashkëpunëtorë të tij, stadiumi ku ai shkroi pothuajse të gjithë legjendën e karrierës së tij dhe ku emocionoi botën për gati dy dekada.
Vizita e tij në stadium u shoqërua me një mesazh për ndërtimin dhe ringritjen e Camp Nou, por kjo nuk ishte e vetmja pjesë e axhendës së tij, pasi mbrëmja rezervoi edhe një moment që u bë viral në rrjetet sociale.
Një video e publikuar nga kalimtarë të rastit tregon një çift të dashuruarish që po filmonin një video të qetë dhe romantike në rrugët e Barcelonës. Teksa ata po fokusonin kamerën te vetja, papritur pas shpinës së tyre shfaqet Lionel Messi, i shoqëruar nga truproja e tij. Çifti mbeti i ngrirë për një moment, duke e kuptuar se personi që po kalonte pranë tyre nuk ishte askush tjetër veçse kampioni botëror.
Reagimi i tyre ishte i menjëhershëm: i riu, i habitur dhe i emocionuar, e ktheu kokën dhe ndoqi me sy Messin, ndërsa vajza ndaloi së foluri, duke harruar për një moment videon dhe intimitetin e momentit. Messi, si zakonisht i qetë dhe modest, vazhdoi rrugën pa bërë asnjë gjest të veçantë, por prania e tij bastoi të gjithë skenën.
Videoja ka shpërthyer në rrjetet sociale, shoqëruar me komente të shumta nga fansa që e përshkruajnë Messin si “njeriun që edhe kur kalon rastësisht, të lë pa fjalë”. Disa përdorues madje kanë shkruar me humor: “Imagjino të dalësh bukur në video me të dashurin tënd… dhe Messi të vjedhë gjithë skenën!”
Edhe pse Messi mund të ketë qenë aty për arsye personale apo profesionale, rikthimi i tij në qytetin që e adhuron, qoftë edhe për disa momente, mjaftoi për të krijuar një tjetër episod të paharrueshëm për fansat e tij dhe të futbollit në tërësi. -
Messi vizitoi fshehurazi “Camp Nou”, çfarë surprize! Pak persona në Barcelonë dinin për ardhjen e tij
Lionel Messi u rikthye fshehurazi në “Camp Nou” gjatë vizitës së tij në Spanjë me kombëtaren argjentinase. Mediat spanjolle raportojnë se ylli i mëparshëm i Barcelonës nuk kishte njoftuar klubin për ardhjen dhe u paraqit direkt në stadium, ku stafi i sigurisë e njohu dhe e lejoi të hynte. “Camp Nou” është në proces rinovimi, por Messi dëshironte të shihte fushën ku kaloi mbi 20 vite karrierë.
Në Instagram, 8 herë fituesi i “Topit të Artë” postoi foto dhe video, duke shkruar: “Është një vend që më mungon thellësisht… Shpresoj që një ditë të kthehem, jo vetëm për t’u përshëndetur si lojtar, gjë që nuk kam mundur ta bëj kurrë…”
Klubi katalanas mësoi për vizitën vetëm ditën tjetër, megjithëse disa drejtues ishin informuar nga shërbimet e sigurisë. Barça reagoi ngrohtësisht, duke deklaruar: “Je gjithmonë i mirëpritur në shtëpinë tënde, Leo”. Ky rikthim konfirmon lidhjen e veçantë të Messit me klubin dhe ushqen shpresat për një lamtumirë madhështore, që Joan Laporta e dëshiron prej kohësh.Ja plani SEKRET i Leo Messit në Barcelonë, sipas katalanases “Sport”:
* Ai mbërriti në Barcelonë me një avion privat nga Miami në orën 14:30, së bashku me Rodrigo de Paul dhe familjen e tij.
* Edhe pse ka një shtëpi në Castelldefels, qëndroi në një hotel shumë pranë “Camp Nou” me Pepe Costa.
* Natën doli për darkë me De Paul në një nga lokalet më të trendi në qytet.
* Më vonë, gjatë natës vizituan “Camp Nou”.
* Pas vizitës në stadium, pushuan për disa orë para se të niseshin me avion për në Alicante, ku iu bashkuan kombëtares argjentinase. -
Vizita në “Camp Nou”, si shenjë rikthimi… Ja si do të përshtatej Messi në Barcelonën e Flick
11 Nëntor 2025
9:59
Alfred Lleshi
Vizita surprizë e Leo Messit në “Spotify Camp Nou” dhe mesazhi i tij në rrjetet sociale kanë ringjallur ëndrrën e tifozëve të Barcelonës për një rikthim të mundshëm. Megjithatë, shumë faktorë e bëjnë të vështirë këtë rikthim. Marrëdhënia e Messit me presidentin Joan Laporta mbetet e tensionuar. Pavarësisht përpjekjeve për ta zbutur situatën, pajtimi i plotë ende nuk ka ndodhur.
Nga ana sportive, Messi mund të luajë vetëm në dy pozicione te blaugranat; si “9 fals” apo si trekuartist, duke ripërshtatur rolet që ka me kombëtaren e tij. Me lojtarë si Lamine, Raphinha, Olmo, Fermín, Rashford dhe Ferran, ai mund të përshtatej lehtësisht në sulm. Një alternativë është pozicioni i trekuartistit, ku do të gjeneronte lojë për sulmuesit e tjerë dhe bashkëpunonte me Frenkie de Jong e Pedri.
Faktor në këtë rikthim do të bëhej Botërori 2026. Pushimi pas përfundimit të MLS do të lejonte një rikthim të kufizuar të tij. Megjithatë, logjika sugjeron se Messi nuk do të luajë më zyrtarisht për Barcelonën, por ëndrrat për një lamtumirë dinjitoze mbeten të gjalla.
-
Falë “Rregullit të Beckham”, Messi mund të transferohet te Galatasaray
10 Nëntor 2025
18:13
Telesport
Lionel Messi mund të bëhet sërish protagonist në merkato. Ditët e fundit janë shtuar gjithmonë e më shumë zërat për një transferim të mundshëm të Leo Messi-t te Galatasaray.
Deklarata e fundit e presidentit të klubit, Dursun Ozbek, ka rritur akoma edhe më shumë entuziasmin te tifozët e Galatasaray për ardhjen e Messi-t. “Messi? Galatasaray ka arritur në një pikë ku edhe pyetje të tilla janë të mundshme dhe kemi treguar që dimë të bëjmë transferime të mëdha”, tha Ozbek.
Me këtë deklaratë, presidenti i Galatasaray-it e bëri të qartë se klubi është në një pozicion të fortë financiar dhe mund të ëndërrojë për një nënshkrim të këtij niveli siç është ai i Leo Messi-t.
Çelësi i kësaj lëvizjeje të mundshme qëndron në “Rregullin e Beckham”, i cili lejon që lojtarët e MLS të huazohen në klube të tjera gjatë periudhës tre mujore që klubet në SHBA janë në pushim. Kjo i hap derën Messit që t’i bashkohet përkohësisht Galatasaray pa e prishur kontratën e tij me Inter Miami dhe të rikthehet në mars te klubi amerikan. -
Messi i bën tifozët e Barcelonës të ëndërrojnë: Shpresoj të kthehem një ditë, jo vetëm për t’u përshëndetur
10 Nëntor 2025
13:24
Alfred Lleshi
Katër vite pas ndarjes së dhimbshme, Leo Messi nuk i rezistoi tundimit. Rikthimi i tij në shtëpinë e Barcelonës, në “Spotify Camp Nou” e ri, bëri xhiron e botës gjatë natës. Ylli argjentinas, që sot i bashkohet grumbullimit të Argjentinës në Alicante, vizitoi stadiumin e ri të klubit ku ndërtoi historinë e tij nga “La Masia” deri në ndarjen e vitit 2021.
“Natën e kaluar u ktheva me gjithë shpirt në një vend që më mungon. Një vend ku isha jashtëzakonisht i lumtur, ku ju më bëtë të ndihem mijëra herë njeriu më i lumtur në botë”, – shkroi Messi në rrjetet e tij sociale. Dhe më pas shtoi fjalinë që ndezi shpresën e tifozëve: “Shpresoj që një ditë të kthehem, jo vetëm për t’u përshëndetur si lojtar, siç nuk munda kurrë ta bëj…”
Një mesazh plot ndjenjë, që rikujton ndarjen e hidhur të vitit 2021 për shkak të problemeve financiare të klubit. Presidenti Laporta tashmë ka shtrirë dorën për paqe, edhe Messi duket gati ta quajë Barcelonën sërish shtëpi. -
VIDEO/ Messi nuk harron “vesin”, dy gola në MLS me Inter Miamin
Inter Miami triumfoi 4-0 ndaj Nashville, në ndeshjen e vlefshme për MLS. Në këtë takim shkëlqeu, Lionel Messi, me sulmuesin argjentinas që realizoi dy gola.
Jo vetëm kaq, Messi dhuroi edhe dy assiste për Allenden. Natyrisht, ai u zgjodh lojtari i ndeshjes. Sfida e radhës e Inter Miamit është ndaj Cincinnatit në çerekfinale. -
Legjenda e Real Madridit: “Courtois është Messi i portierëve, asnjë si ai”
9 Nëntor 2025
11:54
Telesport
Thibaut Courtois ishte në një formë fantastike në përballjen ndaj Liverpoolit në Anfield, duke u bërë hero i Real Madridit me tetë pritje vendimtare që e mbajtën skuadrën madrilene në lojë.
Edhe pse ndeshja përfundoi me humbje të ngushtë 1-0 për “Los Blancos”, paraqitja e portierit belg u vlerësua lart nga të gjithë pas ndeshjes.
Ish-portieri legjendar i Real Madridit, Santiago Cañizares, nuk i kurseu elozhet për Courtois. “Courtois është si Maradona, Messi apo Cristiano, por në botën e portierëve. Ai është më i miri që kam parë ndonjëherë”.
Ai shtoi gjithashtu se, “megjithëse është shumë i gjatë, Courtois lëviz me lehtësi dhe shkathtësi të jashtëzakonshme, sikur të kishte trupin e një portieri 1.80 metra. Kjo e bën atë unik dhe i jep një avantazh të madhe ndaj të tjerëve.” -
2 muaj te Barcelona? Po, Leo Messi po bëhet gati, por varet nga një faktor!
7 Nëntor 2025
17:53
Telesport
DT Sports jep lajmin e bujshëm: Lionel Messi mund të luajë për Barcelonën midis janarit dhe shkurtit të vitit të ardhshëm!
Do të ishte një ngjarje e shumëpritur jo vetëm për tifozët katalanas, por edhe për futbolldahsësit e tjerë.
Sigurisht, kjo mundësi varet nga rezultati i fazës “playoff” në MLS.
Inter Miami do të përballet me Nashville në fundjavë, në një ndeshje që mund të përcaktojë nëse Messi do të jetë i disponueshëm gjatë dimrit.
Një humbje për Miamin do t’i lejonte Messit të bashkohej me një klub të ri për një periudhë 2-mujore, pasi kampionati amerikan do të jetë po kaq kohë pushim. -
Messi: Ndjesia e fitimit të Botërorit në Katar ishte si kur lindën fëmijët e mi
7 Nëntor 2025
9:29
Alfred Lleshi
Leo Messi ishte i ftuari special në “American Business Forum” që po zhvillohet në Miami, me pjesëmarrjen e figurave të njohura nga sporti dhe politika. Argjentinasi u prit me duartrokitje të mëdha dhe foli për disa tema. Para fjalës së tij, kryetari i bashkisë së Miami i dorëzoi “çelësin e qytetit”, një nder që iu jepet personaliteteve me ndikim pozitiv në komunitet.
Për Kupën e Botës: “Kur fituam Botërorin në Katar, ndjeva të njëjtën gjë si kur lindën fëmijët e mi. Është një ndjesi e vështirë për t’u shpjeguar, kaq e veçantë dhe kaq e madhe, sa gjithçka që them do të jetë gjithmonë e pamjaftueshme”. Për Botërorin 2026: “Kam pritshmëri shumë të larta, do të jetë diçka e jashtëzakonshme”.
Për karrierën: “Kam pasur momente të vështira, por kurrë nuk dyshova. Gjithmonë ndoqa ëndrrat e mia. Zoti më ka dhuruar një dhunti”. Për rinovimin deri më 2028: “Kjo lidhet me faktin se jemi mirë si familje dhe dua të vazhdoj të ndihmoj në rritjen e klubit”.
Messi: Sa i vështirë largimi nga Barcelona! Në Paris nuk po kënaqesha për disa arsye