Trajneri i Chelsea, Enzo Maresca, ka vlerësuar Moises Caicedo si një lojtar fantastik, me mesfushorin që pritet të shpërblehet për performancat e tij të jashtëzakonshme për klubin këtë sezon.
“Sky Sports News” ka zbuluar se kushtet e kontratës së Caicedo mund të përshtaten për të reflektuar statusin e tij si një mesfushor i klasit botëror. Chelsea e ka 24-vjeçarin nën kontratë deri në vitin 2033, por atij mund t’i ofrohet një rritje page bazuar në performancat e tij në 12 muajt e fundit.
Duke folur për podkastin “One on One”, Maresca tha për Caicedo: “Ai po bën mirë. Ai po përparon, po përmirësohet çdo ditë. Ai është mendjehapur, dëshiron të mësojë dhe po i ndihmon shokët e tij të ekipit në çdo ndeshje”.
Më tej, italiani shtoi: “Në golin që shënuam kundër Tottenham, ai po bënte presion brenda zonës sepse kjo është mënyra se si përpiqemi të bëjmë presion. Presing i lartë, reagimi ynë i menjëhershëm ndaj humbjes së topit. Ai po luan në mënyrë fantastike”.
I pyetur nëse Caicedo është mesfushori më i mirë në Premier League, Maresca u përgjigj: “Në këtë moment, ai dhe Rodri janë dy mesfushorët më të mirë mbrojtës.”
Tag: mesfushorët
-
Maresca vlerëson lojtarin: Është fantastik, bashkë me Rodri janë dy mesfushorët më të mirë mbrojtës
-
Renditja e golashënuesve në Serie A dominohet nga mesfushorët, Bonazzoli është përjashtimi
1 Nëntor 2025
8:59
Alfred Lleshi
Në Serie A këtë sezon po shënohet më pak. Pas 9 javësh, golashënuesit kryesorë janë Orsolini dhe Çalhanoglu me nga 5 gola secili, ndërsa në 7 vendet e para ndodhet vetëm një sulmues i mirëfilltë. Pas tyre vijnë Nico Paz, De Bruyne, Anguissa, Pulisic dhe Bonazzoli (4 gola), ky i fundit i vetmi sulmues mes tyre. 9 lojtarë kanë shënuar nga 3 gola, 6 prej tyre sulmues të pastër.
Sipas analizës, ndikojnë disa faktorë: rotacioni i ekipeve të mëdha, dëmtimet (si Thuram dhe Leao) dhe taktikat moderne me më pak sulmues në fushë. Shumë skuadra luajnë vetëm me një qendërsulmues ose fare pa të, duke u mbështetur te mesfushorët për gola.
Në këtë panoramë, spikat Federico Bonazzoli, autor i 4 golave, dy prej tyre me roveshiatë, duke u bërë sulmuesi më i mirë aktualisht në kampionatin italian, përpara emrave si Leao, Lautaro Martínez dhe Vlahović. -
Real Madrid ka gati transferimin e parë për vitin 2026, do të kushtojë 85 milionë euro
7 Tetor 2025
18:19
Telesport
Adam Wharton është një nga mesfushorët e rinj më të mirë të momentit, 21-vjeçari ka tërhequr vëmendjen e shumë klubeve të mëdha.
“AS” dhe medie të tjera spanjolle raportojnë se e ardhmja e mesfushorit anglez pritet të jetë te Real Madrid. Xabi Alonso e pëlqen shumë Wharton dhe Florentino Perez është gati ta sjellë në Madrid.
Kosto e operacionit mendohet të jetë 85 milionë euro. Wharton shihet si zëvendësuesi ideal i Eduardo Camavinga ose Aurelien Tchouaméni, pasi të paktën njëri nga dy mesfushorët francezë pritet të largohet nga “Los Blancos” në verën e ardhshme.
Përveç Wharton, Real Madrid do të bëjë edhe një përforcim “big” në mesfushë. Emrat që qarkullojnë deri tani Rodri, Enzo Fernandes, Alexis Mac Allister dhe Vitinha. -
Statistika e veçantë e rendit në 10 mesfushorët më të mirë në Europë, Xhaka gjendet në listë Modriçin, Vitinjën e Pedrin
Sezoni përfundoi dhe tashmë është momenti për të mësuar statistikat. CIES-i ka publikuar listën e mesfushorëve me më tepër pasime progresive për 90 minuta për sa i përket top 5 ligave më të forta të Europës.
E thënë ndryshe, lista përfshin mesfushorët që me pasimet e tyre e kanë shtyrë ekipin më përpara në fushën e lojës. Në konsideratë janë marrë pasimet që e kanë zhvendosur skuadrën më shumë se 30 metra nga gjysmëfusha e vetë, më shumë se 15 metra mes dy gjysmefushave dhe më shumë se 10 metra në gjysmëfushën kundërshtare. I 6-i në këtë statistikë gjendet Granit Xhaka, m
e një mesatare prej 10.4 pasimesh të tilla për 90 minuta. I pari në listë renditet Joshua Kimishi, me 12.2 pasime dhe pas tij vijojnë Modriçi, Lokateli, De Poli dhe Vitinja./Sport Ekspres/ -
Palmer për shokun e skuadrës: “Do të bëhet një nga më të mirët në botë”
Cole Palmer e ka cilësuar shokun e skuadrës te Chelsea, Romeo Lavia, si një nga mesfushorët më të mirë me të cilët ka luajtur dhe gjithashtu e ka cilësuar atë si një nga mesfushorët më të mirë në botë.
Lavia iu bashkua Chelsea-t nga Southampton në verën e vitit 2023, por koha e tij deri më tani në klubin londinez është kushtëzuar nga dëmtimet. Ai luajti vetëm 32 minuta futboll në sezonin e tij të parë në Stamford Bridge.
Në një intervistë me Sky Sports, Cole Palmer u pyet për Lavia-n.
“Mendoj se ai është një nga mesfushorët më të mirë me të cilët kam luajtur, për të qenë i sinqertë. Të gjithë nuk e kanë parë sepse ai ka qenë i dëmtuar, por sigurisht që e njihja te City dhe mendoj se të gjithë do ta kuptojnë së shpejti. Domethënë, mendoj se ai do të jetë një nga mesfushorët më të mirë në botë”.
Para se të bëheshin shokë skuadre te Chelsea, Palmer dhe Lavia luanin së bashku në ekipin U-23 të Manchester City.
Në të dyja ekipet, City dhe Chelsea, të dy kanë luajtur së bashku 36 herë dhe kanë kombinuar së bashku në realizimin e tre golave.