Adnard Mehmeti nuk është i gatshëm sot për Partizanin ndaj Bylisit.
Mësohet se mesfushori ka pasur temperaturë, për këtë nuk është treguar i gatshëm.
Mehmeti është parë si titullar i padiskutueshëm dhe lider në mesfushë. Për këtë mungesa e tij rëndon jo pak në kampin e të kuqve.
Kërnaja ka preferuar Doumbian, Ismailin dhe Hjumen në mesfushë. Sulmi do të jetë i përbërë për herë të parë me Isgandarlin, Tomën dhe Bintsukën.
Tag: mesfushë
-
Lideri i mesfushës/ Zbulohet arsyeja e mungesës së lojtarit të Partizanit
-
Jo një, por dy mesfushorë. Real Madrid i plotëson dëshirën Alonso-s, njëri zbulohet deri tani
29 Shtator 2025
20:14
Telesport
Real Madrid nuk do të mjaftohet vetëm me një përforcim në mesfushë për sezonin e ri, por Xabi Alonso do të ketë në dispozicion dy prurje të reja për të mbuluar problemet që ka shfaqur ky repart.
“Defensa Central” raporton se përforcimi i parë në mesfushë për sezonin e ri do jetë rikthimi i Nico Paz, djaloshit argjentinas që po shkëlqen në Serie A te Como, në sezonin e tij të dytë. Në bazë të marrëveshjes së bëre mes dy klubeve, Real Madrid ka të drejtën e riblerjes për shifrën 9 milionë euro, një shifër qesharake, duke ditur që Tottenham apo dhe klube të tjera të njohura ofruan gjatë merkatos së fundit 60-70 milionë euro, por u refuzuan si nga klubi, ashtu edhe nga vetë lojtari.
Por, madrilenët nuk do të mjaftohen vetëm me rikthimin e Nico Paz, pasi do të sjellin dhe një emër “big” në mesfushë. Aktualisht, drejtuesit e “Los Blancos” po ndjekin emra si Alexis Mac Allister, Enzo Fernandez, Vitinha, Adam ëharton, Angelo Stiller etj. -
Real Madrid kërkon një mesfushor, Fernandez opsioni kryesor
Humbja e rëndë në derbi përballë Atleticos ka ndezur edhe një herë alarmin në shtëpinë e Realit, me ekipin e Alonos që dukshëm shfaqi disa probleme të theksuara, mbi të gjitha në mesfushë. Ky është një repart ku Reali nuk po gjen qetësi që pas tërheqjes se Toni Kroos.
Sipas mediave, Reali pritet të ndërhyjë në merkato për të plotësuar boshllëkun në mesfushë. Sipas mediave spanjolle, Enzo Fernandez është opsioni kryesor, një dëshirë e vjetër e presidentit Perez.Sigurisht për të arritur te kapiteni i Chelsea-t nuk është e thjeshtë, për këtë arsye kanë edhe një plan B, por lojtarin e bluve, Moises Caicedo.
()
© BalkanWeb -
Kërkoi një mesfushor, por drejtuesit nuk ia plotësuan dëshirën. Xabi Alonso e gjen direkt zgjedhjen
1 Shtator 2025
20:06
Telesport
Real Madrid e mbyll merkaton e kësaj vere me katër transferime të bujshme, Alexander Arnold, Dean Hujisen, Alvaro Carreras dhe Franco Mastantuono. Pavarësisht këtyre transferimeve, Xabi Alonso kërkoi nga drejtuesit e klubit dhe një përforcim në mesfushë, por që nuk u realizua dot.
Në këtë situatë, Xabi Alonso duket se e ka gjetur brenda ekipit mesfushorin që kërkonte në merkato.Trajneri bask do të aktivizojë në mesfushë David Alaba, roli i tij natyral është qendërmbrojtës ose mbrojtës i majtë, por te Bayern dikur ka provuar të luajë edhe në mesin e fushës, gjë që duket se do ta bëjë edhe këtë sezon te Real Madrid.
Austriaku u përfol për një largim të mundshëm këtë verë, duke ditur që ende nuk ka dhënë atë që pritej me fanellën e Real Madrid, këtu kanë ndikuar edhe dëmtimet e shumta. Megjithatë, Xabi Alonso ka vendosur ta mbajë në ekip dhe ta aktivizojë në një rol tjetër, në mesfushë. -
Inter gjen mesfushorin që kërkonte, 22-vjeçari francez sot në Milano për vizitat mjekësore
22 Gusht 2025
8:11
Telesport
Andy Diouf është përforcimi i mesfushës së Inter në këto ditë të fundit të merkatos. Zikaltërit donin t’i jepnin Chivu një shtytje në mesfushë dhe e kanë identifikuar 22-vjeçarin nga Lens si zgjedhjen e përsosur.
Lojtari do të kushtojë 25 milionë euro (20 milionë euro, plus bonuse). Drejtori sportiv Ausilio do të përpiqet më pas të sjellë një mbrojtës qendror. Marrëveshja është praktikisht e përfunduar, lojtari do t’i nënshtrohet sot vizitave mjekësore në Milano të premten dhe më pas do të nënshkruajë një kontratë pesëvjeçare.
Profili i Diouf është i ngjashëm me Koné të Romës, një lojtar i ofruar Inter ditët e fundit dhe i vlerësuar nga klubi. Me Lens, 22-vjeçari ka bërë 68 paraqitje në dy sezone, duke shënuar dy gola dhe dy asiste.
Në Ligue 1, ai është spikatur për përshpejtimin e tij, një lojtar modern i aftë të luajë në mesfushë dhe të ofrojë fizikalitet në mesfushë. Diouf pritet të përfshihet në skuadrën e kombëtares franceze nën 21 vjeç përpara sezonit të ri. -
Xabi Alonso gjen përforcim ideal në mesfushë për sezonin e ri dhe pa paguar asgjë
15 Gusht 2025
19:54
Telesport
Pavarësisht 4 transferimeve të bujshme që ka bërë deri tani Real Madrid, Xabi Alonso ka kërkuar vazhdimisht një mesfushor. Edhe pse janë përmendur disa emra për të përforcuar mesfushën e “Los Blancos”, deri tani nuk ka pasur asgjë konkrete.
Megjithatë, edhe nëse nuk ndodh transferimi i një mesfushori deri më 1 shtator, afat kur mbyllet merkato, Xabi Alonso duket se e ka “asin nën mëngë”. Konkretisht, është mesfushori premtues, Thiago Pitarch, një lojtar i ri që ka shkëlqyer gjatë fazës parasezonale dhe pati disa minuta lojë në miqësoren e fundit ndaj Tirol.
Po ashtu, Alonso ka dhe një zgjedhje të dytë: David Alaba. Austriaku ka prvouar edhe më parë të luajë në mesfushë, ndaj nuk do ishte habi aktivizimi i tij në këtë rol, sidomos në raste emergjence. -
Xabi Alonso kërkon përforcime në mesfushë, por klubi ia ka “mbyllur rubinetin”…
Real Madridi ka vepruar me shumë parashikim në këtë merkato. Klubi i presidentit Florentino Perez, përveçse ka vendosur të besojë te një trajner i ri si Xabi Alonso, ka realizuar disa operacione që në fillim të qershorit për ta përgatitur skuadrën, e cila do të merrte pjesë në Kupën e Botës për Klube. Qëllimi ishte që trajneri t’i kishte në dispozicion përforcimet e reja për turneun që u zhvillua në SHBA muajin e kaluar.
Në këtë kuadër u konfirmuan me radhë Dean Huijsen, Trent Alexander-Arnold dhe Franco Mastantuono, i cili do t’u bashkohet shokëve të skuadrës më 14 gusht. Në mbrojtje, ndërkohë, është afruar edhe Álvaro Carreras, për të përforcuar krahun e majtë.
Por, sipas drejtuesve të klubit dhe vetë presidentit Perez, skuadra tashmë konsiderohet e kompletuar. Sipas raportimit të “Cadena COPE”, nuk do të ketë më asnjë afrime gjatë kësaj vere, edhe pse vetë trajneri Xabi Alonso kishte kërkuar disa përforcime shtesë në mesfushë, sektorin më kritik të lojës.
Ky është një vendim që shkon në kundërshtim me tendencën e përgjithshme të klubeve që, sidomos në ditët e fundit të gushtit, bëjnë lëvizje të shumta në merkato. Megjithatë jo Real Madridi, i cili ka vendosur të veprojë kohë përpara, duke krijuar tashmë një grup të plotë, të cilin Xabi Alonso mund ta formësojë që nga fillimi për ta përballuar në mënyrën më të mirë sezonin e ardhshëm. -
Interi, lëvizje të mëdha në mesfushë. Asllani dhe Zielinski drejt largimit, ja kush pëlqehet
Tek Interi është hapur një “revolucion” i vërtetë në repartin e mesfushës. Klubi zikaltër është në kërkim të përforcimeve, por fillimisht duhet të sistemojë disa largime. Ndër të parët në listë për t’u larguar është Kristjan Asllani, edhe Piotr Zielinski duket gjithnjë e më shumë në dyshim.
Mesfushori shqiptar, i cili ka ardhur me shumë pritshmëri nga Empoli, nuk bën pjesë në planet e trajnerit Cristian Chivu, ndaj pritet të largohet me siguri. Pavarësisht interesimit nga Betis Sevilla, shqiptari preferon të qëndrojë në Serie A. Interi po punon për t’i gjetur një sistemim që i përshtatet ambicieve të tij dhe klubit.
Më e ndërlikuar është situata e Zielinskit, i cili nuk ka lënë shumë gjurmë sezonin e fundit me Interin. Mesfushori polak, 31 vjeç, ka një pagë të majme prej 4.5 milionë euro në sezon dhe është i lidhur me kontratë deri në vitin 2028. Të gjitha këto elemente e bëjnë largimin e tij të vështirë, por në merkato, asnjëherë nuk mund të thuash kurrë.
Në rast largimi të Zielinskit, Interi ka piketuar si zëvendësues të mundshëm Morten Frendrup, mesfushor i Genoa. Danezi vlerësohet rreth 20 milionë euro dhe ka kontratë deri më 2028. Frendrup ka bërë një sezon shumë të mirë dhe profili i tij pëlqehet nga drejtuesit e Interit.
Një tjetër alternativë është Mandela Keita, që vjen nga Parma dhe ka qenë nën urdhrat e Chivu sezonin e kaluar, kur ai drejtonte ekipin “Primavera”. Keita është një profil që tekniku rumun e njeh mire. Ai mund të sjellë energji dhe fleksibilitet në mesfushën zikaltër.
Përfundimisht, Interi po përgatit një “revolucion” në mesfushë, me dalje të rëndësishme dhe synime të qarta për përforcime më të përshtatshme me vizionin e trajnerit të ri. -
Përforcim në mesfushë, një maroken për Romën
Roma ka ndërhyrë në merkato. Klubi i Serie A ka njoftuar afrimin e mesfushorit maroken Neil El Aynaoi nga Lens. Ai ka firmosur kontratë të vlefshme deri në vitin 2030.
24-vjeçari ka luajtur 24 ndeshje në sezonin e kaluar dhe ka shënuar 8 gola. Më herët, Neil ka luajtur për Nancy.“Përshëndetje fansa të Romës. Jam shumë i lumtur të jem këtu, mezi pres të iu shikoj në Olimpico”- tha Neil El Aynoi në një videomesazh për faqen e Romës.
-
Juventus, 35 milionë euro për zëvendësuesin e Douglas Luiz
Juventusi po bën lëvizje të rëndësishme në mesfushë, me Premier League gjithashtu në shënjestër.
Duke u përballur me telenovelën e Dusan Vlahovic, Juventusi e ka forcuar tashmë sulmin me transferimin me kosto zero të Jonathan David, por vazhdon të punojë në fronte të tjera për t’i dhënë Igor Tudor një skuadër të denjë deri në fillim të sezonit para-sezonal, duke e ditur se një merkato e fortë përforcuese mund të realizohet me disa largime po aq të rëndësishme.
Të blerë verën e kaluar si nënshkrime të mëdha, Nico Gonzalez dhe Douglas Luiz përfunduan në listën e lojtarëve të humbur pas vetëm një sezoni.
Pavarësisht një sezoni dukshëm nën pritjet, mesfushori brazilian ende ka admirues në Premier League (West Ham e ka seriozisht pas refuzimit të Richard Rios) dhe në Arabinë Saudite.
Duke shitur ish-lojtarin e Aston Villas, Damien Comolli shpreson të financojë të paktën pjesërisht ardhjen e një mesfushori të ri.
Në mesfushë, ëndrra e bardhezinjve mbetet Ederson. Edhe pse Inter-i aktualisht nuk është i interesuar, pasi është i gatshëm të hyjë në garë vetëm nëse largimi i Calhanoglu do të bëhej përsëri temë diskutimi, Juve duhet të përballet me kërkesat e larta të Atalanta-s, të vendosura në 50 milionë euro.
Për të bërë një lëvizje vendimtare kundër klubit të Bergamos, ata do të duhet të shesin Douglas Luiz dhe McKennie, prandaj drejtuesit po shqyrtojnë edhe opsione alternative.
Ndër këto, sipas Calciomercato.it, ai që çon te André Trindade.
I vlerësuar me jo më pak se 35 milionë euro nga Wolves, lojtari i lindur në vitin 2001 kërkohet gjithashtu nga Liverpool, Manchester United dhe Tottenham.
Nuk përjashtohet mundësia që bardhezinjtë të shqyrtojnë një marrëveshje shkëmbimi me një nga lojtarët e tyre të tepërt, por siç qëndrojnë gjërat, objektivi më realist në mesfushë është Granit Xhaka.
Objektivi i hershëm i Milanit, mesfushori zviceran mund të zbarkojë në Torino për një tarifë shumë më të përballueshme, megjithëse Juventusi po përpiqet të ulë çmimin e kërkuar nga Bayer Leverkusen.
Puna është duke u zhvilluar në mesfushë, me negociatat që ka të ngjarë të arrijnë kulmin në orët e ardhshme, si për lojtarët e ardhshëm ashtu edhe për ata që do të largohen.