Tag: merret

Evi Kokalari, aktivistja shqiptaro-amerikane, e cila në 2021 iu bashkua Sali Berishës në turin e ‘Foltores’ dhe më pas në atë që u konsiderua si Rithemelimi i PD-së, ka reaguar sërish me një postim në rrjetet sociale ku i bën thirrje kreut demokrat të dorëzojë vulën dhe këtë parti. Kokalari shprehet se nuk do të lejojë që kreu i ardhshëm i PD-së të caktohet nga Shkëlzen Berisha, djali i ish-Kryeministrit, apo të kontrollohet prej tij.
“Berisha të hidhet përpjetë, me hir apo me pahir ajo vulë do ti merret, dhe ajo opozitë do Rithemelohet, me parimet bazë të konservatorizmit që vetë i solla nëpër foltore, dhe që ju klani, me patos i përdorët për të na hedhur hi syve të gjithëve. Në fakt, fjala ‘konservatizëm’ është futur në përdorim të gjërë në Shqipëri vetëm mbasi filluan foltoret, dhe në fillim talleshin duke j’u referuar si ‘konservë’. Ky ishte niveli i edukimit politikë mbas komunizmit”, shkruan Kokalari.
Madje aktivistja paralajmëron se me Berishën do të merren Departamentet e tjera në SHBA.
“Dosja nuk i shkoi Trumpit që të merret me Berishën, se Berisha nuk i intereson askujt këtu tek ne, sigurisht përveç atyre që mbushën xhepat me milliona dollarë. Dosja shkoi që të kuptojë Trump kush janë morrat e Marco Rubios dhe si po e shfrytëzojnë administratën e Trumpit, pra ishte detyrë morale e imja t’ju thoja realitetin shefave të kabinetit që i kanë shërbyer Trumpit shumë më gjatë se Susie Ëiles, që këta budallenjtë mendojnë se e kanë kapur.
Me Berishën do merren departamentet e tjera, me të cilët po punoj dhe nuk ndaloj derisa të ketë dorëzim pa kushte të partisë që morrët peng që kur ra regjimi komunist dhe keni pafytyrësinë të vazhdoni dhe sot”, shprehet ajo.
Postimi nga Evi Kokalari
E vetmja mënyrë që unë do t’ju ndahem Sali Berishës dhe familjes së tij, është kur të dorëzojnë vulën tek unë, jo ta dorëzojnë tek ata që i janë lëpirë këtyre dhe i servilosen e do ti kontrollojë Shkëlzeni si t’ja dojë qejfi, apo dhe t’ja kalojnë familjarëve të tyre!! Kjo parti nuk është pronë që e trashëguat nga babai dhe më peng nuk keni për ta mbajtur!!
Realisht flas për ‘dorëzim’ pa kushte, sepse asnjë garë e ndershme nuk fitohet në atë parti. Kur të dorezohet vula, atë parti do e riformoj unë, dhe kam një listë të atyre që do përjashtohen nga ajo parti që ditën e parë dhe s’do fusin më kurrë këmbët. Ndërkohë dera do t’ju hapet të gjithë atyre që këta përjashtuan dhe përzunë përgjatë 34 vjeçarit, dhe çdo intelektuali apo mbështetësi që kanë sinqeritetin të forcojnë opozitën dhe të fitojnë maxhorancë në parlament.
Berisha të hidhet përpjetë, me hir apo me pahir ajo vulë do ti merret, dhe ajo opozitë do Rithemelohet, me parimet bazë të konservatorizmit që vetë i solla nëpër foltore, dhe që ju klani, me patos i përdorët për të na hedhur hi syve të gjithëve. Në fakt, fjala ‘konservatizëm’ është futur në përdorim të gjërë në Shqipëri vetëm mbasi filluan foltoret, dhe në fillim talleshin duke j’u referuar si ‘konservë’. Ky ishte niveli i edukimit politikë mbas komunizmit.
Sa për kujtesë, figuroj si një nga rithemelueset e PD-së që 2021, dhe emrin e keni të qartë dhe të plotë në dokumentat e çuara në gjykatë, dhe atij formacioni politikë j’u kthye vula.
Për më tepër, asnjë në atë parti të ‘rithemeluar’ s’ka bërë luftën time për të futur primaret dhe për të mbrojtur meritokracinë, për të ndaluar koalicionin me LSI dhe për të ndaluar mbetjet që erdhën nga ana e Bashës, por të gjithë u bënë pjesë e fiaskos masive dhe të turpshme, si e tillë, asnjë nga ju nuk kanë kredibilitet apo resume të pastër për t’ju besuar te riformoni apo të rithemeloni opozitën ashtu siç duhet, totalisht dhe pa kompromise.
Dhe sulmet tuaja mbasi ngrita zërin, i kam akoma të freskëta, por as më përulët, dhe as nuk më bëtë të dorezohem ndaj baltës që hodhët ndaj meje dhe familjes time.
Sot unë e kam kokën lart, ju vini vërdallë me bishtë nën shalë, se të tillë kafshë jeni!
Intelektualët e vërtet që panë realitetin gjatë 34 vjetëve, dhe që nuk përballonin dot luftën që bëni ju të PDsë kundër tyre duke denigruar figurat dhe familjet, (e vuajta në kurriz) u detyruan të largohen në heshtje.
Por mua këtu më keni.
Nuk largohem derisa ju të dorëzoni PD dhe vilën tek unë.
Formën se si do ta bëni, po ja u lë juve se jeni mjeshtra në këtë pikë. Kur të shoh që s’do e bëni, do marrë boll hapa për ta bërë realitet.
I sygjeroj Berishës apo Shkëlzenit të lidhen privatisht dhe të flasim në detaje. Teatro nuk bëj për askënd. Jam shumë e qartë dhe jam shumë e hapur publikisht  – ajo vulë do merret me hir ose me pahir, dhe kjo është një e vërtet që s’ka njëri në Shqipëri që e mohon, sidomos ata që vegjetojnë në PD-në aktuale.
E me që ra fjala, dosja nuk i shkoi Trumpit që të merret me Berishën, se Berisha nuk i intereson askujt këtu tek ne, sigurisht përveç atyre që mbushën xhepat me milliona dollarë. Dosja shkoi që të kuptojë Trump kush janë morrat e Marco Rubios dhe si po e shfrytëzojnë administratën e Trumpit, pra ishte detyrë morale e imja t’ju thoja realitetin shefave të kabinetit që i kanë shërbyer Trumpit shumë më gjatë se Susie Ëiles, që këta budallenjtë mendojnë se e kanë kapur.
Me Berishën do merren departamentet e tjera, me të cilët po punoj dhe nuk ndaloj derisa të ketë dorëzim pa kushte të partisë që morrët peng që kur ra regjimi komunist dhe keni pafytyrësinë të vazhdoni dhe sot.