Lajmidites.com

Tag: melonit

  • Ç’ndodhi/ Takimi i tensionuar mes Melonit dhe Zelenskyt në Romë

    Ç’ndodhi/ Takimi i tensionuar mes Melonit dhe Zelenskyt në Romë
    Pas fasadës së një takimi “konstruktiv dhe me besim të ndërsjellë”, përtej komunikatave zyrtare, ajo që u zbulua nga takimi 90-minutësh midis Melonit dhe Zelenskyt është një histori tjetër. Një histori në të cilën presioni ndaj delegacionit ukrainas prej Romës u shpreh qartë. Meloni ka qenë e sinqertë në mesazhin e saj mund të përmblidhet: “Mbani në konsideratë se mund të detyroheni të bëni disa lëshime të dhimbshme.”
    90 minuta diskutime, të paraprira nga një takim i ngushtë midis Melonit dhe Ministrave të Mbrojtjes dhe Punëve të Jashtme, Guido Crosetto dhe Antonio Tajani, të shoqëruara nga takime paralele ballë për ballë midis dy ministrave dhe homologëve të tyre ukrainas, shënuan një pasdite që nuk ishte tërësisht e qetë në Palazzo Chigi.
    Dhe për të paktën 2 ose 3 arsye: Italia mbështet nxitimin që amerikanët po u shkaktojnë negociatave; stafi i Melonit nuk është imun ndaj pikëpamjes se Zelensky është dobësuar nga hetimet për korrupsionin e qeverisë së tij; dhe roli i qeverisë italiane, siç vazhdon ta përsërisë kryeministrja është të arrijë një plan paqeje të drejtë dhe të qëndrueshëm, por duke pasur parasysh udhëheqjen amerikane në vend të udhëheqjes evropiane.
    Detajet tregojnë se Meloni, me sa duket, po ushtron një lloj presioni moral mbi Zelenskyn, edhe në emër të Shtëpisë së Bardhë. Kjo vjen pasi Zelensky po bën pikërisht të kundërtën, duke i kërkuar kryeministres italiane të zbusë qëndrimin e Trump, të përpiqet të zbusë vendimin që qeveria amerikane duket se ka marrë – atë të arritjes së një plani paqeje sa më shpejt të jetë e mundur.
    Atë mbrëmje, Zelensky madje u shpreh hapur për zgjedhje të reja, gjë që duket të jetë një sfidë më tepër sesa një hap prapa, dhe që shton edhe një shtresë tjetër kompleksiteti në gjendjen e negociatave.
    Sigurisht, fjalët e qarta dhe publike të thëna nga Ministri i Jashtëm ukrainas Andrii Sybiha janë domethënëse. Në Palazzo Chigi, ai me mirësjellje përshkroi një lloj liste kërkesash nga Italia: Një rol proaktiv dhe më të fortë në lirimin e aseteve ruse të ngrira në Belgjikë; një dalje nga pezullimi i një vendimmarrjeje të pavendosur në lidhje me programin PURL; blerje e armëve amerikane, e cila deri më tani ka përfshirë më shumë se 15 shtete të BE-së, por jo Romën dhe së fundmi, madje edhe devijimin e disa burimeve që programi European Safe ndan për forcimin e forcave të armatosura të shteteve anëtare. Italia është midis atyre, 4 nga 19 shtete, që nuk do të përdorin një pjesë të fondeve për ndihmë ushtarake për Ukrainën.
    Ka prova të mjaftueshme që sugjerojnë se jo gjithçka shkoi mirë, se disa dallime janë shprehur qartë për herë të parë nga të dyja palët. Për më tepër, Meloni, të paktën për Partinë Demokratike dhe pjesën tjetër të opozitës, vazhdon të qëndrojë me një këmbë në të dyja kampet, e ankoruar në përpjekjet evropiane për të mbrojtur Kievin

  • Zbardhen prapaskenat e takimit 90 minutësh të tensionuar Meloni- Zelensky, kryeministrja: Duhet të japësh disa koncesione të dhimbshme

    Zbardhen prapaskenat e takimit 90 minutësh të tensionuar Meloni- Zelensky, kryeministrja: Duhet të japësh disa koncesione të dhimbshme

    Pas fasadës së një takimi konstruktiv dhe me besim të ndërsjellë, përtej komunikatave zyrtare, nga 90 minutat e ballafaqimit mes Melonit dhe Zelenskyt del edhe një histori tjetër.

    Një histori në të cilën presionet ndaj stafit ukrainas në Romë janë shprehur në mënyrë të qartë. Dhe gjithashtu nga ana e kryeministres italiane, diskutimi ka qenë i hapur, me një mesazh që mund të përmblidhet kështu: “Merr parasysh që disa koncesione të dhimbshme ndoshta je i detyruar t’i bësh”.
    Nëntëdhjetë minuta ballafaqim, të paraprirë nga një mbledhje e ngushtë e Melonit me ministrat e Mbrojtjes dhe të Jashtëm, Guido Crosetto dhe Antonio Tajani, e shoqëruar nga takime paralele ballë për ballë mes dy ministrave dhe homologëve ukrainas, shënuan një pasdite që në Palazzo Chigi nuk ka qenë aspak e lehtë. Dhe për të paktën dy ose tre arsye: Italia mbështet nxitimin që amerikanët po i japin negociatave; stafi i Melonit nuk është imun ndaj vlerësimeve që e shohin Zelenskyn të dobësuar pas hetimeve për korrupsion në qeverinë e tij; roli i ekzekutivit italian, siç vazhdon të përsërisë kryeministrja, është të arrijë një plan paqeje të drejtë dhe të qëndrueshëm, por duke marrë parasysh më shumë drejtimin amerikan se atë evropian.
    Disa “spin”, copa të thashethemeve, mbërrijnë në mbrëmje nga partia Fratelli d’Italia, përhapen në Partinë Demokratike, dhe tregojnë për një kryeministre që po ushtron një lloj “bindjeje morale” ndaj Zelenskyt edhe në emër të Shtëpisë së Bardhë; dhe kjo ndërkohë që Zelensky bën të kundërtën, i kërkon kryeministres sonë të zbusë pozicionin e Trumpit, të përpiqet të zbutë vendimin që duket se ka marrë qeveria amerikane: atë të mbylljes sa më shpejt të një plani paqeje.
    Në mbrëmje vjen madje edhe hapja e Zelenskyt ndaj zgjedhjeve të reja, e cila duket më shumë si një sfidë sesa si një hap prapa, dhe që shton një faktor të ri kompleksiteti në gjendjen e negociatave. Sigurisht, mbeten në fuqi fjalët e qarta, publike, që dje janë vënë bardh e zi nga ministri i Jashtëm ukrainas, Andrii Sybiha, i cili në Palazzo Chigi ka bërë me mirësjellje një lloj liste të asaj që Kievi i kërkon Italisë dhe që deri tani nuk e ka parë: një rol aktiv dhe më të fortë në zhbllokimin e aseteve ruse të ngrira në Belgjikë; dalja nga limboja e mungesës së një vendimi mbi programin Purl; blerja e armëve amerikane që deri tani ka përfshirë më shumë se 15 shtete të BE-së por jo Romën (armë për t’ia kaluar Kievit, siç ka kërkuar vetë Trump); dhe në fund madje devijimi i disa burimeve (për Italinë 15 miliardë euro) që programi evropian Safe ua dedikon forcimit të ushtrive të shteteve anëtare. Italia është mes atyre, 4 shtete nga 19, që nuk do të përdorin një pjesë të fondeve për ndihmën ushtarake ndaj Ukrainës.
    Ka mjaftueshëm “mish në zjarr” për të besuar se jo çdo gjë ka shkuar vaj, se disa dallime janë shprehur për herë të parë, nga të dyja palët, në mënyrë të qartë. Në fund të fundit, Meloni, të paktën për PD-në dhe pjesën tjetër të opozitës, vazhdon të qëndrojë me njërën këmbë në dy fronte: e lidhur me përpjekjet evropiane në mbrojtje të Kievit – madje edhe kundër sulmeve diplomatike të Shteteve të Bashkuara – por njëkohësisht ngurruese për të marrë qoftë edhe një distancë minimale nga qasja shumë e ashpër që Donald Trump po i jep negociatave aktuale.

    Top Channel

  • “Arritja historike” e Italisë, miratohet Reforma në Drejtësi e Melonit

    “Arritja historike” e Italisë, miratohet Reforma në Drejtësi e Melonit

    Senati i Italisë miratoi një reformë të thellë të sistemit gjyqësor, duke avancuar një nga ndryshimet kushtetuese më të rëndësishme të propozuara nga kryeministrja Giorgia Meloni.

    Vendimi erdhi pavarësisht kundërshtimeve të forta nga trupa gjyqësore dhe opozita e qendrës së majtë. Megjithatë, sfida kryesore pritet në muajt e ardhshëm.
    Reforma duhet të kalojë në një referendum kombëtar që do të mbahet në pranverën e ardhshme për t’u bërë ligj. Sondazhet e fundit tregojnë se opinioni publik në Itali është i ndarë mbi këtë nismë, e cila ka ndezur debat politik për dekada.
    Votimi në Senat u zhvillua në një klimë tensioni mes koalicionit të Melonit dhe gjyqësorit, pas vendimit të Gjykatës së Auditorëve të Shtetit që refuzoi të miratojë planin e qeverisë për ndërtimin e urës që lidh Siçilinë me kontinentin. Meloni akuzoi gjykatën për “lojëra politike”, ndërsa gjyqtarët e hodhën poshtë këtë pretendim.
    “Po hedhim një hap të rëndësishëm drejt një sistemi më efikas, më të balancuar dhe më afër qytetarëve”, deklaroi Meloni pas votimit, duke e cilësuar reformën si “një arritje historike”.
    Nëse miratohet në referendum, reforma do të ndryshojë rrënjësisht strukturën e sistemit gjyqësor italian, duke ndarë përfundimisht karrierat e gjyqtarëve dhe prokurorëve.
    Qeveria argumenton se ky hap do të shmangë konfliktet e interesit dhe ndikimin politik në vendimet gjyqësore.Aktualisht, magjistratët hyjnë në sistem përmes një provimi të vetëm dhe mund të kalojnë nga një rol në tjetrin gjatë karrierës. Me sistemin e ri, kandidatët do të duhet të zgjedhin që në fillim nëse duan të bëhen gjyqtarë apo prokurorë, pa mundësi ndërrimi më pas.
    Këshilli që merret me emërimet dhe çështjet disiplinore do të ndahet në dy organe të veçanta vetëqeverisëse, anëtarët e të cilëve do të përzgjidhen me short në vend të zgjedhjeve, për të kufizuar ndikimin e grupeve të interesit.
    Nga ana tjetër, gjyqtarët dhe opozita e majtë e akuzojnë qeverinë se po përpiqet të marrë kontroll mbi prokurorët dhe hetimet.
    Popullariteti i Giorgia Melonit mbetet më i lartë se në fillim të mandatit, çka mund t’i japë avantazh në referendum. Por analistët paralajmërojnë se referendumet në Itali shpesh shndërrohen në votë proteste ndaj qeverisë.
    Sistemi i drejtësisë italian mbetet ndër më të ngadalshmit në Evropë. Të dhënat e BE-së tregojnë se zgjidhja e çështjeve civile dhe tregtare kërkon mesatarisht 1,000 ditë, rreth 200 ditë më shumë se mesatarja e vendeve të tjera anëtare.
    Megjithatë, normat e përfundimit mbi 100% tregojnë një përmirësim të ndjeshëm në uljen e prapambetjeve.
    Reforma të ngjashme janë tentuar edhe më pare, qeveritë e qendrës së majtë janë përqendruar te efikasiteti i gjykatave, ndërsa e djathta, nën ndikimin e ish-kryeministrit të ndjerë Silvio Berlusconi, ka synuar kufizimin e pushtetit të prokurorisë.

    Top Channel

  • “E bëri sërish për herë të tretë”! Mediat italiane: Gjunjëzimi i Ramës para Melonit është kthyer në një ritual

    “E bëri sërish për herë të tretë”! Mediat italiane: Gjunjëzimi i Ramës para Melonit është kthyer në një ritual

    Kryeministri Edi Rama ka bërë xhiron e rrjetit në Itali dhe jo vetëm me uljen e tij në gjunjë para Giorgia Melonit, veprim të cilin e ka kthyer në traditë sa herë që pret ose pritet nga kryeministrja italiane.
    Lidhur me këtë veprim të kryeministrit kanë shkruar edhe mediat italiane. “Libero Quotidiano” shkruan se kryeministri ashtu si në maj gjatë vizitës së Melonit në Tiranë, u gjunjëzua dhe sot para homologes italiane. Gjithashtu në artikull thuhet se vlerësimi mes dy liderëve u forcua edhe me marrëveshjen mes Romës dhe Tiranës zyrtarë mbi çështjen e migracionit.

    “Ashtu si majin e kaluar gjatë vizitës së kryeministres Giorgia Meloni në Tiranë, kryeministri shqiptar mbërrin në Romë për seancën plenare të Konferencës për Rindërtimin e Ukrainës dhe gjunjëzohet para homologes së tij italiane. ama gjunjëzohet në mënyrë dramatike, me duart e kapura me njëra-tjetrën, para fotografëve dhe kamerave televizive që janë gati të kapin përshëndetjen e tij zyrtare me Kryeministren, mikpritësen. Pastaj përqafohen përpara se të shkëmbejnë disa fjalë të përzemërta. Vlerësimi midis dy udhëheqësve lindi vite më parë dhe u forcua nga marrëveshjet Romë-Tiranë mbi emigracionin. Një protokoll që ka zemëruar opozitën (dhe madje edhe disa avokatë). Kjo ndodh edhe sepse fyerja është e dyfishtë: Rama është socialist dhe aleat i Partisë Demokratike në Parlamentin Europian. Shkurt, jemi në prag të tradhtisë njerëzore dhe politike.”, thuhet në artikullin e “Libero Quotidiano”.
    Një tjetër media, “Secoloditalia” shkruan se këtë veprim, Rama po e bën për herë të tretë. Në artikull thuhet se kryeministri e kishte përshëndetur Melonin në të njëjtën mënyrë gjatë takimit të tyre në Javën e Qëndrueshmërisë në Abu Dhabi më 15 janar, në të cilën pikë Meloni e qortoi me shaka për atë që bëri.
    “Edi Rama e bëri përsëri: për herë të tretë, ai u gjunjëzua para Giorgia Melonit. Skena, e cila e ka përfshirë tashmë Kryeministrin shqiptar në të paktën dy raste, u përsërit në Konferencën për Rimëkëmbjen e Ukrainës, gjatë ceremonisë së mirëseardhjes së udhëheqësve vizitorë nga Kryeministri.
    Kryeministri shqiptar e kishte përshëndetur Melonin në të njëjtën mënyrë gjatë takimit të tyre në Javën e Qëndrueshmërisë në Abu Dhabi më 15 janar (madje duke i dhuruar edhe një shall për ditëlindje), në të cilën Meloni e qortoi me shaka: Duhet ta ndalosh këtë histori. Një sugjerim që Rama nuk e mori parasysh: në fakt, më 16 maj ai e bëri përsëri, duke e mirëpritur Kryeministrin në Tiranë në samitin e Komunitetit Politik Evropian.”, thuhet në shkrimin e shoqëruar me video të Ramës dhe Melonit në Abu Dhabi.
    Ndërkohë, Konferenca dyditore për Rimëkëmbjen e Ukrainës, ku Rama po merr pjesë është një nga forumet më të rëndësishme ndërkombëtare të këtij viti, në mbështetje të Ukrainës dhe rindërtimit të saj pas pasojave shkatërruese të luftës.
    Pjesëmarrës do të jenë liderë botërorë, përfaqësues të lartë të BE-së, G7-ës, organizata ndërkombëtare, institucione financiare dhe sektori privat, për të koordinuar ndihmën konkrete dhe investimet strategjike në sektorët kyç të Ukrainës.

  • Konferenca në Romë, Rama ulet sërish në gjunjë para Melonit

    Konferenca në Romë, Rama ulet sërish në gjunjë para Melonit

    Kryeministri i Shqipërisë, Edi Rama ndodhet në Romë, ku po merr pjesë në Konferencën për rindërtimin e Ukrainës.
    Edhe këtë herë ka tërhequr vëmendje gjesti i Ramës në takimin e tij me kryeministren italiane Giorgia Meloni. Në pamjet e publikuara nga mediat italiane, shihet momenti kur Rama përshëndet Melonin duke u ulur në gjunjë.
    “Rama e ka përshëndetur Kryeministren italiane, Giorgia Meloni, duke u gjunjëzuar përpara saj, një veprim që ka tërhequr vëmendje për mënyrën e tij të nderimit”, shkruajnë mediat italiane.

    Por pas këtij momenti, duket se ka pasur një “debat” të shkurtër mes Ramës dhe Melonit, ndërsa ata po pozicionoheshin për foton zyrtare.
    Kujtojmë se kjo nuk është hera e parë që Rama ulet në gjunjë për Melonin. Disa muaj më parë kryeministri u gjunjëzua para kryeministres italiane, e cila vizitoi Tiranën në kuadër të  Samitit Politik Evropian që u mbajt në vendin tonë.

  • Rama ulet sërish në gjunjë para Melonit, më pas shkëmben batuta me të

    Rama ulet sërish në gjunjë para Melonit, më pas shkëmben batuta me të

    Kryeministri i Shqipërisë, Edi Rama, është bërë sërish protagonist në mediat italiane dhe ato ndërkombëtare, pas një gjesti që tërhoqi vëmendjen gjatë Konferencës për rindërtimin e Ukrainës, e cila u zhvillua në Romë.
    Në një video që po qarkullon në rrjetet sociale, Rama shihet duke përshëndetur homologen e tij italiane, Giorgia Meloni, në mënyrë joformale dhe plot humor: ai u ul në gjunjë para saj, një gjest që e ka bërë edhe më parë në takime ndërkombëtare, dhe që këtë herë solli të qeshura dhe një atmosferë miqësore mes liderëve.

    Më pas, gjatë pozicionimit për foton zyrtare, kamerat kanë kapur një moment të shkurtër komunikimi mes Ramës dhe Melonit, që ngjalli reagime të ndryshme në rrjet. Rama, në një moment, duket se ngatërroi drejtimin se ku duhej të shkonte, ndërsa ishte Meloni ajo që e orientoi për të zënë vendin e duhur në podium.

  • Media zviceriane për kampet e Gjadërit: Jashtëzakonisht të shtrenjtë dhe nuk funksionojnë!

    Media zviceriane për kampet e Gjadërit: Jashtëzakonisht të shtrenjtë dhe nuk funksionojnë!

    Giorgia Meloni

    TIRANË- Në qetësinë e brendësisë së Shqipërisë, rrëzë një mali të thyer, ngrihet “Kafazi i Gjadërit”, siç e quajnë gazetat italiane qendrën e deportimit tw emigrantwve. Gardhe të larta me rrjetë teli rrethojnë ndërtesa që ngjajnë me kontejnerë të grumbulluar, të vendosur mbi pllaka betoni të zhveshura. Qeveria italiane e ndërtoi këtë “kafaz” për të strehuar mijëra emigrantë teksa presin procedurat e përshpejtuara të azilit. Së bashku me qendrën simotër në Shëngjin, vetëm pak kilometra larg në bregdet, mund të përpunohen 36,000 aplikime për azil çdo vit. Theksi është tek fjala “mund”. Meqenëse deri më tani, asnjë kërkesë e vetme për azil nuk është përpunuar në Gjadër, veçse është shpenzuar vetëm një sasi e madhe parash.
    Për të qenë të saktë: më shumë se dyfishi i shumës së planifikuar fillimisht. Kjo u zbulua nga një raport i platformës hetimore holandeze “Follow the Money” këtë javë. Sipas raportit, Roma pagoi 74.2 milionë euro për ndërtimin e objektit, që barazohet me 72,461 euro për shtrat. Në krahasim, ndërtimi i një qendre migracioni në qytetin sicilian të Modikës, i cili u përfundua pak më parë, kushtoi vetëm 6,400 euro për shtrat – një e 11-ta e kësaj shume.
    Deri më tani, ky zbulim nuk ka bërë asnjë dëm. Përkundrazi. Në samitin e BE-së të së enjtes, kancelari i ri gjerman, Friedrich Merz, mori pjesë për herë të parë në një tryezë të rrumbullakët mbi emigracionin të thirrur nga Meloni. Meloni ka kohë që i organizon këto takime përpara samiteve zyrtare të BE-së, në mënyrë që krerët e shteteve dhe qeverive të mund të konsultohen posaçërisht mbi luftimin e migracionit të parregullt dhe të koordinojnë qëndrimet e tyre.
    Ndërsa paraardhësi i tij, Olaf Scholz, qëndroi larg këtyre takimeve, pjesëmarrja e Merz tregon se qëndrimet dhe metodat e Melonit kundër imigracionit kanë hyrë në rrjedhën kryesore të BE-së. I ashtuquajturi “Modeli i Shqipërisë” është projekti i saj kryesor sepse tregon se Meloni është e gatshme të hapë rrugë të reja – edhe pse qendrat e deportimit nuk po funksionojnë siç është planifikuar deri më tani, dhe është e dyshimtë nëse do të funksionojnë ndonjëherë.
    Qendrat në qytetet shqiptare të Shëngjinit dhe Gjadër fillimisht kishin për qëllim të lejonin që disa prej emigrantëve që mbërrinin në Itali me anije t’i nënshtroheshin një procesi të përshpejtuar azili. Megjithatë, problemet ligjore i shtynë gjyqtarët italianë të ndalonin qeverinë të dërgonte emigrantët në këto qendra. Pasi dështoi tre herë në kalimin e azilkërkuesve në Shqipëri, qeveria ndryshoi kurs: Qendrat u bënë vende ku emigrantët e refuzuar regjistrohen dhe përgatiten për deportim.
    Në një kohë kur gjithnjë e më shumë qeveri në BE janë zhvendosur djathtas dhe kanë miratuar qëndrime anti-emigracion, nevoja për të gjetur strategji të reja është e madhe. Dhe meqenëse asnjë vend i BE-së nuk ka arritur ende të hapë qendra azili në një vend të tretë, pati një interes të konsiderueshëm për iniciativën e Melonit: 15 vende të BE-së më pas i bënë thirrje Komisionit të BE-së që të miratonte modelin e saj si një model për të gjithë BE-në.
    Në fakt, qeveria e Melonit ishte nën një presion të jashtëzakonshëm: Kur ajo prezantoi “Modelin e Shqipërisë” në fillim të nëntorit 2023, Meloni ishte në pushtet prej një viti. Ajo fitoi zgjedhjet sepse u paraqit si një kundërshtare e ashpër e emigracionit dhe premtoi të vendoste një “bllokadë anijesh” kundër anijeve me emigrantë. Realiteti ishte ndryshe: Në vitin 2023, 157,651 njerëz mbërritën në Itali nëpërmjet Mesdheut. Viti i parë i plotë i Melonit në pushtet ishte gjithashtu viti në të cilin më shumë emigrantë zbarkuan në brigjet e Italisë sesa në kulmin e krizës së refugjatëve në vitin 2016. Melonit iu desh të tregonte se po ndërmerrte veprime. Në të njëjtën kohë, ajo e gjeti veten në një pozicion të vështirë, pasi ishte e re në këtë detyrë dhe nuk mund të mbështetej ende në aleancat politike ekzistuese brenda BE-së.
    60 përqind më pak migrantë
    Pjesë e strategjisë së saj ishte bashkëpunimi i ngushtë me Presidenten e Komisionit të BE-së, Ursula von der Leyen. Të dy politikanet u morën vesh mirë që nga fillimi, dhe Meloni e shfrytëzoi këtë marrëdhënie në çështjen e migracionit. Qeveria e saj përgatiti marrëveshje për emigracionin me Tunizinë dhe Egjiptin, të cilat von der Leyen më pas i nënshkroi në emër të BE-së – me Melonin në krah të saj.
    Marrëveshjet u ofrojnë ndihmë financiare qeverive nëse ato sigurojnë brigjet e tyre kundër emigrantëve që nisen drejt BE-së.
    Organizatat ndërkombëtare i kanë kritikuar ashpër këto marrëveshje, duke besuar se ato përbëjnë bashkëfajësi të BE-së në shkelje të rënda të të drejtave të njeriut kundër emigrantëve nga vendet e Afrikës së Veriut. Për Melonin, plani funksionoi, pasi numri i emigrantëve që mbërrijnë përmes Mesdheut ka rënë ndjeshëm që atëherë. Në vitin 2024, mbërritën 66,617 njerëz, rreth 60 përqind më pak se një vit më parë. Dhe deri më tani, ka pasur vetëm një rritje të lehtë në vitin 2025.
    Duke përgatitur këto marrëveshje dhe “Modelin e Shqipërisë”, Meloni është “bërë lojtarja më e rëndësishme në çështjet e emigracionit në BE”, konfirmon Luca Barana i Institutit të Marrëdhënieve Ndërkombëtare në Romë, ku ai hulumton migracionin dhe BE-në. Investimi në “Modelin e Shqipërisë” sigurisht që ka dhënë fryte politikisht për Melonin deri më tani. Projekti i ka dhënë asaj dukshmëri dhe e ka pozicionuar atë si një lojtare të vendosur në politikën e emigracionit të BE-së. Në një BE që po zhvendoset djathtas./ZËRI
    Marrë nga NNZ

  • Virale: grimasat e Melonit në Samitin e NATO-s

    Virale: grimasat e Melonit në Samitin e NATO-s

    Një video që u publikua në orët e fundit me grimasat e Giorgia Melonit, në margjinat e Samitit të NATO-s, i cili u zhvillua të mërkurën në Hagë, është bërë virale në rrjetet sociale.
    Kryeministrja italiane, e cila ka një histori të bërjes së shprehjeve të çuditshme të fytyrës në publik, qëndron para kamerave për t’iu përgjigjur pyetjeve të gazetarëve dhe kur fillon ta bëjë këtë, ajo sigurohet që t’i shoqërojë komentet e saj me grimasa.

    🎥 A video of Italian Prime Minister Giorgia Meloni’s bizarre facial expressions during a NATO summit press conference has gone viral online pic.twitter.com/zuhp9DJUSO
    — NEXTA (@nexta_tv) June 27, 2025

     

  • I vë fajin ChatGTP-së, kush është profesori italian që kërcënoi vajzën e Melonit

    I vë fajin ChatGTP-së, kush është profesori italian që kërcënoi vajzën e Melonit

    Një profesor Italian i quajtur Stefano Addeo, ishte personi që kërcënoi me jetë vajzën e kryeministres italiane, Giorgia Meloni. 65 vjeçari, i cili jep mësim në gjuhën gjermane në një shkollë në Napoli, bëri një postim të rëndë në rrjetet sociale për vajzën e mitur të Melonit.
    “Uroj që Ginevra të ketë fatin e 14 vjeçares Martina Carbonaro që u vra nga i dashuri i saj”, shkroi ai.Teksa ai është vënë nën hetim nga autoritetet italiane, fajin ia ka vënë Inteligjencës Artificiale, më konkretisht ChatGTP-së.
    “Nuk isha unë, ishte Inteligjenca Artificiale. E pashë në televizor të premten që qeveria po distancohej nga lufta në Izrael. Pyeta ChatGPT-në për një mesazh kritikues ndaj Melonit dhe më doli ajo përgjigje. Më pas e postova”, ka deklaruar profesori.
    I pyetur pse nuk e pa me kujdes atë që postoi, ai u përgjigj se “thjesht donte të publikonte diçka”. Më tej, ka shtuar se “ChatGPT është shumë më i rrezikshëm nga ç’mendojmë.”
    “Unë jam katolik, mbroj të drejtat e kafshëve. Jam vegjetarian. Nuk mbështes politikat e Melonit, por kjo nuk më bën përgjegjës për atë mesazh. Dua të mbyll të gjitha rrjetet sociale, ndihem i turpëruar, dua të mbyllem në shtëpi. Ka njerëz që më kanë hedhur domate para shtëpisë. Po më shohin si një monstër. Jam shumë i shokuar, kam bërë një gjë qesharake”, ka thënë ai.
    Profesori italian nuk ka fëmijë dhe jeton me të ëmën e tij 90 vjeçare. Ai ka thënë se nëse do i jepet mundësia për një takim me kryeministren italiane, do t’i kërkojë falje.
    Megjithatë, siç shkruajnë mediat italiane, në postimet e tij të mëhershme kishte pak a shumë të njëjtën retorikë. Ka pasur edhe pastime që tanimë janë fshirë, ku ai uron që fëmijët e Melonit të kenë të njëjtin fat si fëmijët në Gaza.

  • “Mallkoi” vajzën e Melonit, profesori tenton vetëvrasje me pilula dhe alkool! Shtrohet në spital në gjendje të rëndë

    “Mallkoi” vajzën e Melonit, profesori tenton vetëvrasje me pilula dhe alkool! Shtrohet në spital në gjendje të rëndë

    Stefano Addeo

    ITALI- Stefano Addeo, profesori 65-vjeçar i cili ditët e fundit kishte përfunduar në qendër të një polemike të dhunshme për një postim të publikuar në rrjetet sociale kundër vajzës së kryeministrit Giorgia Meloni, tani është shtruar në spital në gjendje të rëndë. I kontaktuar në telefon nga Corriere, Addeo dukej i lodhur, por gjithsesi komentoi atë që kishte ndodhur për mediat italiane.
    “Nuk munda ta duroja më. Po më bëjnë shpëlarje, por shpresoj të mos më shpëtojnë. Reagimet ndaj këtij incidenti kanë qenë më të dhunshme nga sa mund ta kisha imagjinuar,”-tha ai. 
    65-vjeçari tentoi vetëvrasje duke gëlltitur një kombinim pilulash dhe alkooli. Edhe pse mbërriti në gjendje të rëndë në spital, jeta e tij nuk është në rrezik. Përpara se ta konsumonte “përzierjen” e rrezikshme, Addeo paralajmëroi drejtoreshën e shkollës ku jep mësim, e cila menjëherë njoftoi Policinë, që nxitoi në shtëpinë e profesorit. Kështu, ai u shpëtua në kohë. 
    Çfarë shkroi profesori?
    Në rrjetet sociale, ai shkroi: I uroj vajzës së Melonit fatin e vajzës nga Afragola! Referenca ishte për Martina Carbonaro, 14-vjeçaren e vrarë me gurë nga ish-i dashuri i saj në provincën e Napolit.
    “Nuk e shkrova personalisht postimin por u gjenerua nga inteligjenca artificiale. Mendja ime nuk do të kishte qenë në gjendje të lindte një turp të tillë. I kërkova ChatGPT: Më shkruaj një mesazh kundër Melonit, dhe ja çfarë doli. Unë, e publikova,”-tha ai për mediat italiane, pasi u zbulua identiteti i tij. Megjithatë justifikimi nuk e ndaloi indinjatën e krijuar. Mësuesi ka jetuar në izolim në shtëpi për ditë të tëra, i shënjestruar nga mesazhe urrejtjeje, kërcënime dhe fyerje.
    Sot paradite i shkroi edhe një letër ndjese kryeministres Meloni.
    “Ju kërkoj, nëse është e mundur, të më takoni që t’ju them këtë duke ju parë në sy,”-ky është një nga fragmentet qendrore të letrës që Profesor Stefano Addeo i shkroi Kryeministres, Giorgia Meloni./ZËRI