Sa e sa fara karafili keni gjetur në dollapin e gjyshes?
Këto të fundit përdoreshin për t’u dhënë aromë karakteristike veshjeve, por nëse për vite me rradhë “e keni urryer” kur të mësoni vetitë e kësaj erëze,do të kuptoni sa të drejtë kanë patur gjyshet me ato 100 përdorimet që i gjenin thumbave të karafilit.
Forcon sistemin imunitar: Prekeni çdo vit nga gripi dhe viruset e ndryshme në qarkullim?
Mos ua lini fajin personave që keni pranë, por sistemit të dobët imunitar i cili nuk përballon dot veprimin e radikaleve të lira dhe alergjenëve të ndryshëm që gjenden në ajër.
Mos u shqetësoni, çdo gjë ka zgjidhje edhe hapi i parë që duhet të bëni është të ndryshoni regjimin e të ngrënit.
Shtoni në dietën tuaj karafil të thatë, i cili ndonëse në madhësi fare të vogël ka një veprim të jashtëzakonshëm në rritjen e qelizave të bardha të gjakut, falë përmbajtjes së tij në vitaminë C.
Nga problemet me kapsllëkun tek mëlçia e dhjamosur, 4 arsyet
Përmirëson tretjen: Të gjithëve na ndodh që një moment të caktuar të jetës sonë të kemi probleme me sistemin tretës.
Shkaqet e këtij problemi janë nga më të ndryshme si stresi, intoleranca ushqimore, ushqimet fast food ose pikante, mungesa e aktivitetit fizik etj, por mos u shqetësoni karafili ju vjen në ndihmë.
Ai është një minierë e vërtetë fibrash dhe enzimash të tretshme, që parandalojnë kapsllëkun dhe përmirësojnë punën e zorrës së trashë.
Në këtë rast këshillohet që karafilin ta konsumoni në trajtë pluhuri, të shoqëuar me mjaltë.
Nga problemet me kapsllëkun tek mëlçia e dhjamosur, 4 arsyet
Detoksikon mëlçinë: Mëlçia është organi i dytë më i madh në trupin e njeriut, funksioni kryesor i të cilës është filtrimi i toksinave të ndryshme që hyjnë në organizëm. Përveç funksionit detoksikues, mëlçia bën të mundur sintezën e të gjitha ilaçeve që marrim.Karafili ka në përmbajtjen e tij eugenol, një substancë shumë e rëndësishme që çhelmon mëlçinë.
Nga problemet me kapsllëkun tek mëlçia e dhjamosur, 4 arsyet
Qetëson dhimbjen e dhëmbëve: Dhimbja e dhëmbit është padyshim një nga dhimbjet më të padurueshme që thuajse të gjithë e njihni. Në shumicën e rasteve ajo ndodh gjatë natës, kështu që është e pamundur të shkoni tek stomatologu, mirëpo me ndihmën e disa trukeve të thjeshta do të mund ta qetësoni derisa derisa të merrni mjekimin e specializuar. Karafili njihet për vetitë e shumta antibakteriale dhe antiinflamatore që arrijnë të neutralizojnë dhe qetësojnë dhimbjet e ndryshme. Merrni pak karafil, përtypeni për 5 sekonda dhe vendoseni në dhëmbin apo dhëmballën që ju shqetëson derisa dhimbja të pushojë.
Tag: mëlçia
-
Nga kapsllëku tek mëlçia e dhjamosur: 4 arsyet pse duhet të përdorni karafil
-
Një burrë në Kinë jetoi më shumë se 170 ditë pas transplantimit të mëlçisë së derrit
Mjekët në Kinë raportojnë një arritje historike në fushën e transplantimeve, duke transplantuar një mëlçi të modifikuar gjenetikisht nga një derr te një burrë 71-vjeçar, i cili mbijetoi 171 ditë pas operacionit, përfshirë 38 ditë me organin e derrit në trupin e tij. Ky është rasti i parë i tillë i publikuar në një revistë shkencore të rishikuar nga kolegët.
Suksese të mëparshme të ksenotransplantimeve kishin përfshirë kryesisht zemrën dhe veshkat e derrave të modifikuar gjenetikisht te njerëzit, ndërsa mëlçitë ishin kryesisht eksperimentale tek pacientët me tru të vdekur. Dr. Beicheng Sun, president i Spitalit të Parë të Filialit të Universitetit Mjekësor Anhu dhe bashkautor i studimit, tha se ky transplant mund të ndryshojë perceptimin se mëlçia është shumë e komplikuar për t’u përdorur në ksenotransplantime.
Mëlçia është një organ me funksione komplekse: ajo filtron gjakun, largon toksinat, përpunon lëndët ushqyese, prodhon proteina për mpiksjen e gjakut dhe rregullon nivelet e sheqerit. Kërkesa për mëlçi në botë tejkalon shumë donatorët njerëzorë, dhe për dekada shkencëtarët kanë studiuar përdorimin e organeve të derrit si alternativë.
Në maj 2024, një mëlçi derri 11-muajsh, i modifikuar me 10 ndryshime gjenetike për të zvogëluar refuzimin dhe infeksionet, u transplantua te pacienti 71-vjeçar me cirrozë dhe tumor në lobin e djathtë të mëlçisë. Operacioni fillimisht pati sukses, me funksion normal të mëlçisë dhe pa shenja refuzimi gjatë dhjetë ditëve të para.
Megjithatë, pacienti përjetoi komplikime të mëvonshme, duke përfshirë zhvillimin e mikroangiopatisë dhe rënie të presionit të gjakut, dhe mëlçia e derrit u hoq në ditën e 38-të. Pas kësaj, mëlçia e vetë pacientit vazhdoi të funksiononte, por ai vdiq 171 ditë pas operacionit për shkak të gjakderdhjes nga trakti gastrointestinal.
Studimi, i botuar në Journal of Hepatology, nënvizon potencialin e transplantit të mëlçisë së derrit si një “strategji urë” për pacientët me sëmundje të rënda të mëlçisë, duke ofruar mbështetje të përkohshme derisa organi i tyre të rikuperohet ose të gjendet një dhurues njerëzor.
Dr. Heiner Wedemeyer, profesor në Universitetin Mjekësor të Hanoverit, e konsideron arritjen si “pikë kthese” dhe një mundësi premtuese për pacientët me dështim akut të mëlçisë, duke theksuar se kjo mund të hapë rrugë për trajtime të reja në të ardhmen.
-
Pesë zakone të përditshme që mund të dëmtojnë në heshtje mëlçinë
Mëlçia është një nga organet më të rëndësishme në trup, që ndihmon në detoksifikimin e substancave të dëmshme, metabolizimin e lëndëve ushqyese dhe prodhimin e substancave për tretje. Megjithëse ka aftësi rigjeneruese të jashtëzakonshme, mëlçia mund të dëmtohet nga disa zakone të përditshme që shpesh neglizhohen.
1. Konsumi i tepruar i alkoolit është ndër shkaqet më të njohura të dëmtimit të mëlçisë. Kur alkooli konsumohet në sasi të mëdha ose për një kohë të gjatë, mëlçia nuk arrin ta përpunojë plotësisht, duke çuar në grumbullimin e substancave toksike. Kjo mund të shkaktojë sëmundje si mëlçia e dhjamosur alkoolike dhe, me kalimin e kohës, cirrozë. Ekspertët rekomandojnë të mos konsumohet më shumë se 14 njësi alkooli në javë dhe të përfshihen ditë pa alkool.
2. Përdorimi i tepruar i barnave kundër dhimbjes, veçanërisht paracetamolit, mund të jetë po aq i rrezikshëm. Edhe një mbidozë e lehtë mund të prodhojë një nënprodukt toksik (NAPQI), i cili dëmton qelizat e mëlçisë dhe mund të çojë në dështim të mëlçisë. Prandaj është e rëndësishme të respektohen gjithmonë dozat e rekomanduara.
3. Pirja e duhanit është një tjetër faktor që dëmton mëlçinë. Tymrat e cigares përmbajnë kimikate toksike që rrisin ngarkesën e mëlçisë dhe shkaktojnë stres oksidativ, duke dëmtuar qelizat dhe duke kontribuar në formimin e indit mbresor. Substancat si nitrozaminat dhe kloruri i vinilit janë kancerogjene dhe e ekspozojnë mëlçinë ndaj rreziqeve serioze.
4. Mungesa e aktivitetit fizik është e lidhur me shtimin në peshë dhe rezistencën ndaj insulinës, faktorë që nxisin grumbullimin e yndyrës në mëlçi. Edhe në mungesë të humbjes në peshë, ushtrimet si ecja e shpejtë ose stërvitja me rezistencë përmirësojnë ndjeshëm shëndetin e mëlçisë dhe ndihmojnë në kontrollin e sheqerit në gjak.
5. Dieta e pashëndetshme, veçanërisht ushqimet me shumë sheqer, yndyra të ngopura dhe produkte të përpunuara, kontribuojnë në zhvillimin e sëmundjes së dhjamosjes së mëlçisë jo-alkoolike (MASLD). Fruktoza e tepërt çon në grumbullimin e yndyrës në mëlçi dhe dëmtime të mundshme.
Sëmundjet e mëlçisë zhvillohen shpesh në mënyrë të heshtur dhe simptomat në fillim mund të jenë të paqarta, si lodhje e vazhdueshme ose të përziera. Në faza më të avancuara, mund të shfaqen verdhëza dhe ënjtje në këmbë ose bark.
Për të mbrojtur mëlçinë, rekomandohet një dietë e pasur me fruta, perime jeshile, fibra dhe ujë. Një jetë aktive dhe shmangia e substancave të dëmshme janë strategjitë më të mira për të ruajtur shëndetin e mëlçisë. Nëse vëreni shenja shqetësuese, si lodhje e pashpjegueshme apo verdhëz, konsultohuni menjëherë me mjekun. Mbrojtja e mëlçisë fillon me ndërgjegjësimin për zakonet që e dëmtojnë. / Jerusalem Post – Syri.net
-
Këto janë shenjat e para që tregojnë se keni probleme me mëlçinë
Mëlçia është një nga organet më të rëndësishme në trup sepse është përgjegjëse për pastrimin dhe detoksifikimin.
Ky organ duhet të sforcohet sa më pak të jetë e mundur, dhe këtë do ta arrijmë duke konsumuar sa më shumë lëngje dhe një shumëllojshmëri frutash e perimesh.
Është përgjegjës për pastrimin e gjakut, thithjen e lëndëve ushqyese dhe prodhimin e kimikateve që mundësojnë proceset normale trupore. Nëse mëlçia nuk funksionon siç duhet, kjo mund të ketë pasoja serioze dhe madje fatale për shëndetin.Sipas Klinikës së Clevelandit, mbajtja e ujit është simptoma më e zakonshme e mëlçisë së dhjamosur.
Verdhëza , e njohur edhe si zverdhja e lëkurës, ndodh kur mëlçia nuk mund të prodhojë më bilirubinë, një kimikat natyral i prodhuar nga qelizat e kuqe të gjakut, kështu që ajo grumbullohet në sy dhe lëkurë. Kjo është një simptomë e një sëmundjeje më serioze të mëlçisë dhe mund të çojë në dështim të mëlçisë.
Cirroza e mëlçisë mund të ngadalësohet, por kurrë të ndalet, prandaj është e rëndësishme ta parandaloni gjendjen. Për të mbrojtur shëndetin e mëlçisë, ushtrohuni rregullisht, të paktën 30 minuta në ditë, hani një dietë të shëndetshme dhe konsumoni alkool me masë.
-
Mëlçia e derrit në shërbim të pacientëve: Një studim i ri klinik synon të shpëtojë jetë me ndihmën e gjenetikës
Një studim i ri klinik, i miratuar së fundmi nga Administrata Amerikane e Ushqimit dhe Barnave (FDA), pritet të testojë një teknologji revolucionare që përdor mëlçinë e një derri të modifikuar gjenetikisht për të filtruar përkohësisht gjakun e pacientëve me dështim të papritur të mëlçisë. Qëllimi është t’i jepet mëlçisë njerëzore një mundësi për t’u pushuar dhe rigjeneruar, në një përpjekje për të shmangur transplantin dhe për të shpëtuar jetë.
Kjo provë, e para e këtij lloji, është rezultat i një bashkëpunimi midis kompanisë bioteknologjike eGenesis dhe partnerit të saj britanik, OrganOx. Deri në 20 pacientë që nuk kualifikohen për transplant të mëlçisë do të përfshihen në këtë fazë fillestare, e cila pritet të nisë këtë pranverë.
Ndryshe nga transplantet tradicionale, mëlçia e derrit nuk do të implantohet në trupin e pacientëve, por do të lidhet jashtë trupit përmes një pajisjeje që pompon gjakun e tyre përmes këtij organi artificial. Pajisja është aktualisht në përdorim për ruajtjen e mëlçive të dhuruara të njeriut.
Sëmundjet e mëlçisë janë ndër shkaqet më të zakonshme të vdekjeve në mbarë botën. Në SHBA, mbi 66,000 persona humbin jetën çdo vit për shkak të tyre, ndërsa në Bashkimin Evropian u raportuan afro 86,000 vdekje vetëm në vitin 2021. Për pacientët me dështim të papritur të mëlçisë, opsionet e trajtimit janë të kufizuara dhe shkalla e vdekshmërisë mbetet e lartë, deri në 50%.
Eksperimentet e mëparshme me katër trupa të vdekur kanë treguar se mëlçia e derrit është në gjendje të mbështesë funksionet e mëlçisë njerëzore për dy deri në tre ditë. Sipas drejtuesit të eGenesis, Mike Curtis, ky proces “urë” mund të bëjë diferencën për pacientët që kanë nevojë për një ndërhyrje të menjëhershme.
Shkencëtarët shpresojnë që kjo teknologji do të hapë një kapitull të ri në trajtimin e sëmundjeve të rënda të mëlçisë dhe do të ofrojë një alternativë të vlefshme për pacientët që aktualisht nuk kanë zgjidhje.