Tag: mediu

Nga Evi Kokalari
Nuk jam e sigurt pse po marrë mundimin sot të shkruaj për këtë temë, sepse Charlie Kirk e kam njohur nga afër që në 2018 kur jam angazhuar fillimisht me fushatën e Trump, kështu që sot si shumë miq të tjerë, jam akoma në gjëndje shoku, por dje, mes gjithë kaosit dhe dhimbjes, më vinin mesazhe nga miq që punojnë në Departamentin e Drejtësise (DOJ), që më tregonin në kohë reale për vizitën e Fatmir Mediut në DOJ këtu në Washington DC.
Ndërkohë kisha lexuar lajmin që Mediu dy ditë më parë duhej të paraqitej në GJKKO në Tiranë, dhe sërisht nuk është paraqitur.
Në radhë të parë, uroj që ky postim ti shkoj gjykatësit të çështjes në GJKKO, dhe mungesat e Mediut dhe avokatëve të tij mos merren parasysh, por GJKKO të marrë vendim në mos-prani të tij, sepse:
Fatmir Mediu po i kërkon Departamentit të Drejtësisë, që ta ndihmojnë kundër akuzave të GJKKO për Gërdecin.
Pafytyrësia e Fatmir Mediut arrin aq sa gënjen autoritetet amerikane që George Soros është mbas tij dhe grupit të tij, ndërkohë që ju shpjegova personave në fjalë që George Soros se ka idenë fare kush është Mediu, dhe rrezik nuk mban mënd as kush është Sali Berisha dhe kjo është një gënjeshtër masive dhe e turpshme, që në fakt duhet përkthyer në tallje ndaj Republikanëve tanë.
Pra dje, ndërkohë që Fatmir Mediu futi këmbët në atë Departament, unë merrja mesazhe telefonike për detajet dhe qëllimin e vizitës.
Unë nuk di si t’ja u bëj të qartë dhe Sali Berishas dhe Fatmir Mediut që 95% e miqve të mi janë në Washington DC, të gjithë duke punuar në Departamentin e Shtetit, të Drejtësisë, të Thesarit, Energjisë, Mbrojtjes, etj dhe mbi të gjitha Shtëpinë e Bardhë.
Kur dikush nga Shqipëria, për më tepër politikanë shqiptarë janë në dyert e tyre, vetvetiu mendojnë të më kontaktojnë nëse kanë ndonjë pyetje, pra as duhet të bëj unë vet gjë ti rri kësaj çështjeje nga prapa.
Vetëm në DOJ, kam mbi 10 miq në pozicione të larta, dhe dikush mund të më kontaktoj, për më tepër që shumica e tyre e dinë mirë se sa me zemër i jam dhënë shpëtimit të Shqipërisë nga korrupsioni dhe ajo kupolë që është akoma komuniste në thelb dhe e ka marrë peng të gjithë vëndin.
Por më duhet të shtoj se dhe mund të mos fusja hundët në ato që Fatmir Mediu apo Sali Berisha po bëjnë në SHBA për të shpëtuar lëkurën dhe veten nga drejtësia, por problemi është që dhe Berisha dhe Mediu, bashkë me besnikët e tyre, mbajnë PENG të djathtën dhe opozitën.
Pyetja e parë që duhet ti bëhet Mediut në Amerikë, kur lyp mbrojtje, është se sa vota ka marrë në fushatën e fundit që është pjesë e Parlamentit Shqiptar.
Mediu e di shumë mirë që ka marrë ZERO vota dhe pak rëndësi ka se cilin Senator Amerikan njeh. Kongresmenët & Senatorët shkojnë dhe vijnë, dhe Mediu mund të gënjej disa, por dyert këtu nuk do t’i hapen thjeshtë se njeh një Ken Paxton, ish asistentët e tij apo këdo tjetër.
Berisha vet do kishte shumë shanse më të mira për t’ju hequr non-grata po mos vriste meritokracinë në PD dhe tashti që vazhdon ta mbaj peng (dhe prapë s’do e ketë shumë të gjatë), unë do vazhdoj luftën kundër lobimit $6 millionsh që këta kanë paguar, kështu ato sanksione atij nuk i hiqen.
Nëse Berisha do ishte marrë vetëm me problemet e tija dhe të familjes dhe të kishte hapur krahun, dhe une do isha marrë vetëm me Ramën dhe jo të ndaloja procesin e heqjes së sanksioneve ndaj tij, por nëse Berisha apo Mediu mendojnë që do ju shesin Republikanëve këtu një narrativë fallco, siç e kam thënë dhe më parë, mua më kanë një hap mbrapa duke folur të vërtetën se kush janë këta njerëz, si po e mbajnë peng konservatorizmin në Shqipëri dhe si e kanë shkatërruar atë demokraci që fituam 34 vjet më parë.
Nëse Fatmir Mediu do detajet e bisedave që ka bërë dje në DOJ, të urdhëroj dhe të më telefonoj dhe ja jap unë detajet – ama nëse do që unë të ndaloj, atëherë duhet të jap dorëheqjen urgjent nga parlamenti sepse nuk është aty me dëshirë të popullit, por e ka marrë peng dhe atë karrige në atë institucion.
Pa parlamentin, Fatmir Mediu është një hiç politikisht, përveç se ngelet kryetar i nje parte ku anëtarë janë ai vet dhe ndoshta i biri.