Lajmidites.com

Tag: mbrojtjes

  • Sekretari Hegseth sërish në telashe pas mesazheve në Signal, merr gruan në takime “të ndjeshme”

    Sekretari Hegseth sërish në telashe pas mesazheve në Signal, merr gruan në takime “të ndjeshme”

    Sekretari Pete Hegseth

    SHBA- Sekretari Pete Hegseth, i cili po përballet me shqyrtimin e tij për çështjen e mesazheve të Signal për urdhërimin e një sulmi, është vënë sërish në qendër të vëmendjes pasi solli gruan e tij, një ish-producente e Fox News, në dy takime me homologët e huaj ushtarakë ku u diskutuan informacione të ndjeshme.
    Një nga takimet, ka ndodhur një diskutim i nivelit të lartë në Pentagon më 6 mars midis Hegseth dhe Sekretarit të Mbrojtjes të Mbretërisë së Bashkuar John Healey, në një moment të ndjeshëm për aleancën transatlantike, një ditë pasi SHBA tha se kishte ndërprerë ndarjen e inteligjencës ushtarake me Ukrainën. Grupi që u takua në Pentagon, i cili përfshinte adm. Tony Radakin, kreun e forcave të armatosura të Mbretërisë së Bashkuar, diskutoi arsyetimin e SHBA pas këtij vendimi, si dhe bashkëpunimin e ardhshëm ushtarak midis dy aleatëve, sipas njerëzve të njohur me takimin.
    Një sekretar mund të ftojë këdo në takime me homologët vizitorë, por listat e të pranishmëve zakonisht kufizohen dhe nga të pranishmit zakonisht pritet që të kenë leje sigurie duke pasur parasysh natyrën delikate të diskutimeve, sipas zyrtarëve të mbrojtjes dhe njerëzve të njohur me takimin.
    Gruaja e Hegseth, Jennifer Hegseth, nuk është punonjëse e Departamentit të Mbrojtjes, thanë zyrtarët e mbrojtjes. Nuk është e pazakontë që bashkëshortët e zyrtarëve të lartë të kenë leje sigurie të nivelit të ulët, por një zëdhënës i Pentagonit nuk pranoi të thoshte nëse Jennifer ka një të tillë. Jennifer nuk iu përgjigj kërkesave për koment.
    Jennifer Hegseth gjithashtu mori pjesë në një takim muajin e kaluar në selinë e Organizatës së Traktatit të Atlantikut të Veriut në Bruksel, ku zyrtarët e mbrojtjes aleate diskutuan mbështetjen e tyre për Ukrainën, sipas dy personave që morën pjesë në takim. Vëllai i Hegseth, Philip Hegseth, gjithashtu ka udhëtuar me të në vizita zyrtare, tha Pentagoni.
    Takimi i Brukselit, i cili u zhvillua në margjinat e një konference të shkurtit të ministrave të mbrojtjes të NATO-s, ishte një mbledhje e Grupit të Kontaktit të Mbrojtjes së Ukrainës, një forum i udhëhequr nga SHBA me rreth 50 vende që takohen periodikisht për të koordinuar prodhimin dhe shpërndarjen e armëve dhe mbështetje tjetër për Ukrainën. Në diskutimet me dyer të mbyllura, përfaqësuesit kombëtarë paraqesin në mënyrë rutinore informacione konfidenciale, të tilla si donacionet për Ukrainën që ata nuk duan të bëhen publike, sipas zyrtarëve.
    Disa pjesëmarrës të huaj në takime nuk e dinin se kush ishte Jennifer Hegseth, sipas njerëzve të njohur me të dyja mbledhjet. Të tjerët u befasuan nga prania e saj, por vazhduan pa ngritur kundërshtime, thanë njerëzit. Nuk është e qartë nëse prania e saj ndikoi në atë që u diskutua në të dyja sesionet.
    Anëtarët e Kongresit nga të dyja palët kanë ngritur shqetësime në lidhje me trajtimin e informacioneve të ndjeshme ushtarake nga Hegseth.
    Zyrtarët e lartë të Departamentit të Mbrojtjes i sjellin herë pas here bashkëshortet e tyre në udhëtime zyrtare dhe në funksione ceremoniale. Në një konferencë shtypi gjatë konferencës së NATO-s në Bruksel, Hegseth u tha gazetarëve se Jennifer ishte bashkuar me të dhe ishte “takuar me familjet e trupave amerikane” në Belgjikë dhe Gjermani.
    Por është e rrallë që bashkëshortët, të cilët janë qytetarë privatë, të ulen në takimet e sigurisë kombëtare, sipas zyrtarëve aktualë dhe të mëparshëm të mbrojtjes.

  • Kurti premton mbi 1 miliard euro buxhet për ushtrinë

    Kurti premton mbi 1 miliard euro buxhet për ushtrinë

    Kryeministri i Kosovës, Albin Kurti, premtoi se gjatë një mandati të mundshëm të ri qeverisës, për Forcën e Sigurisë së Kosovës do të ndahen mbi 1 miliard euro buxhet.
    Kështu tha ai gjatë mbledhjes së Qeverisë, teksa foli për mandatin katërvjeçar të ekzekutivit. Ai tha se Qeveria që ai udhëheq ka arritur “rezultate të jashtëzakonshme” gjatë mandatit të plotë kushtetues.
    “Buxheti për ushtrinë është trefishuar, trajnimet jashtë vendit janë katërfishuar, investimet në armatim janë shumëfishuar, përfshirë këtu dronët Bayraktar luftarakë dhe kontratën për funksionalizimin e fabrikës së municioneve”, tha Kurti.

    “Në mandatin e ri, ushtrisë do t’ia ndajmë mbi 1 miliard euro, do të kemi fabrikë të municioneve dhe dronë ushtarakë ‘Made in Kosova’, pra që i prodhojmë vet”, shtoi ai.
    Më 2024, buxheti i ndarë për Ministrinë e Mbrojtjes ishte 153 milionë, ndërkaq këtë vit ai është 207.8 milionë.
    Paralajmërimet për rritjen e buxhetit për mbrojtje vijnë në kohën kur Forca e Sigurisë së Kosovës po vazhdon procesin e transformimit në ushtri, dhe në kohën kur shteti po ndërmerr hapa për të forcuar mbrojtjen e saj.
    Nëntorin e vitit të kaluar, Kosova nisi procesin për hapjen e një fabrike për prodhimin e municioneve dhe nënshkroi një marrëveshje për municione me një prodhues në Turqi – shtet nga i cili Kosova ka blerë dronë për ushtrinë. Po ashtu, Qeveria njoftoi se do të ketë edhe një laborator për dizajnim të fluturakeve pa pilotë, të njohur si dronë.
    Përveç se po mëton të prodhojë armë e municione, Kosova aktualisht edhe është duke blerë armë të ndryshme. Nga Shtetet e Bashkuara, Kosova veçse është në proces të blerjes të mbi 200 sistemeve kundërjarore, Javelin – që pritet t’i kushtojnë shtetit 75 milionë dollarë.
    Kurti tha se Kosova, po ashtu, synon të blejë helikopterë amerikanë, Black Hawk, për FSK-në.
    Ndërkaq, javët e fundit, Kosova ka ndërmarrë hapa të tjerë për avancimin e mbrojtjes dhe sigurisë. Këtu përfshihet miratimi i një nisme për lidhjen e një marrëveshjeje kronizë për thellim të bashkëpunimit me Shtetet e Bashkuara në fushën e mbrojtjes dhe sigurisë, dhe një deklaratë trepalëshe me Shqipërinë dhe Kroacinë për forcimin e mbrojtjes.
    Marrëveshja me SHBA-në, sipas Qeverisë, do ta ndihmojë Kosovën në ngritjen e kapaciteteve strategjike ushtarake. Ndërkaq, deklarata për bashkëpunim me Shqipërinë dhe Kroacinë është thënë se do t’i kontribuojë paqes në rajon.
    Lëvizjet e Kosovës drejt forcimit të mbrojtjes dhe industrisë së armatimit janë kritikuar nga Serbia.
    Beogradi e ka cilësuar si “provokim” nismën e Kosovës, Shqipërisë dhe Kroacisë për thellim të bashkëpunimit për mbrojtje dhe siguri, duke argumentuar se “minon stabilitetin e rajonit”.
    Por, anëtarët e kësaj nisme kanë thënë se duan të kontribuojnë në stabilitetin dhe sigurinë e rajonit.
    Premtimi i Kurtit për rritjen e buxhetit në fushën e mbrojtjes vjen në kohën kur Kosova po pret që të krijojë institucione të reja, pas mbajtjes së zgjedhjeve parlamentare më 9 shkurt.
    Partia e Kurtit, Lëvizja Vetëvendosje, ka fituar zgjedhjet – por, nuk ka fituar mandate të mjaftueshme që ta krijojë vetë Qeverinë.
    Kurti ka thënë se ai dhe LVV-ja do të udhëheqin me ekzekutivin e ri, teksa nga LVV-ja kanë thënë se mëtojnë që ta krijojnë Qeverinë në bashkëpunim me partitë joserbe.
    Partitë kryesore opozitare shqiptare, ndërkaq, janë shprehur kundër një bashkëpunimi me LVV-në./rel

  • Vengu zbardh detajet e aleancës me Kosovën e Kroacinë: Informuam aleatët dhe partnerët strategjikë

    Vengu zbardh detajet e aleancës me Kosovën e Kroacinë: Informuam aleatët dhe partnerët strategjikë

    Ministri i Mbrojtjes, Pirro Vengu në “Debat” nga Alba Alishani në A2 CNN, ka zbardhur detaje nga marrëveshja trepalëshe për bashkëpunim në fushën e sigurisë dhe të mbrojtjes që u firmos mes Kosovës, Shqipërisë dhe Kroacisë në Tiranë.
    Pakti që ka ndezur reagime të forta në Beograd, sipas Vengut është një aleancë e natyrshme midis tre vendeve që përballen me kërcënime të ngjashme për sigurinë e tyre.
    “Nisma nuk është aspak e diskutueshme. Është një aleancë trepalëshe krejt e natyrshme, fillimisht e artikuluar para një viti në tryeza të përbashkëta rajonale të stafeve të Ministrive të Mbrojtjes dhe nga paraardhësi im me homologun kroat. E rishtruar në Ministerialin e fundit që patëm në NATO në fillim të këtij viti ku patra një takim me homologun kroat dhe konsult8ime të përbashkëta me homologun kosovar. Erdhi natyrshëm si rezultat i leximit të njëmend të kërcënimeve që i kanosen rajonit nga pikëpamja e sigurisë dhe mbrojtjes, ndërhyrjeve të pala të treta në rajon, kërcënimet hibride, nga pikëpamja kibernetike, nga pikëpamje e influencimit dhe dezinformimit në debatet tona publike. Pra një sërë elementesh që i lexojmë njësoj”, tha Vengu në “Debat” nga Alba Alishani në A2 CNN.
    Në vijim, ministri i Mbrojtjes u shpreh se një nismë e tillë i shkon për shtat rrugëtimit të Kosovës drejt NATO-s dhe BE-së, pasi gëzon mbështetjen e dy vendeve anëtare të Aleancës në çdo diskutim që bëhet në paradhomat e saj.
    “E dyta ne e mbështesim Kosovën si dy vende aleate, anëtare të NATO-s. Kosova është e njohur nga Kroacia dhe për ne përbën një prioritet nga pikëpamje s sigurisë kombëtare dhe e politikës sonë të jashtme dhe sa herë na jepet mundësi ta mbështesim Kosovën në tryeza rajone, të cilat janë paradhomat e anëtarësimit në BE dhe NATO, ne e bëjmë në mënyrë konsistente. Dhe një nga pikat e marrëveshjes trilaterale është mbështetja e palëkundur e Kroacisë dhe Shqipërisë për ecurinë e Kosovës në këto nisma rajonale, siç është Karta e Adriatikut e cila është efektivisht paradhoma e një vendi para se të anëtarësohet në NATO”, deklaroi Vengu në “Debat” nga Alba Alishani në A2 CNN.
    I pyetur nëse Kroacia dhe Shqipëria janë konsultuar me NATO-n dhe SHBA-të për t’i dhënë jetë kësaj aleance ushtarake, Vengu tha se aleatët dhe partnerët strategjikë kanë qenë të informuar për hapat e ndjekur.
    “Ne nuk kemi ndërtuar një bashkëpunim kundër një pale tjetër. Ky është bashkëpunim mes tre vendeve sovrane. Për pasojë ne nuk kemi pse konsultohemi me palë që nuk janë pjesë e kësaj marrëveshje. Kjo nuk do të thotë që ne nuk informojmë aleatët tanë apo partnerët tanë strategjikë për përmbajtjen e kësaj marrëveshje që në krye të herës. Dhe kjo nuk nënkupton se ne nuk informojmë dhe aktorë të tjerë që duhet të jenë të informuar për qëllimet e kësaj marrëveshje”, zbuloi Vengu në “Debat” nga Alba Alishani në A2 CNN.
    Në përfundim, Vengu sqaroi se ajo me Kosovën dhe Kroacinë është marrëveshje e hapur dhe jo e mbyllur vetëm për tre shtete, ndaj ka diskutime dhe konsultime me të tjera vende për t’u bërë pjesë e saj.
    “Ne synojmë pse jo të kemi edhe anëtarë të tjerë, me të cilët kemi konsultime, qoftë anëtarë aktualë të BE-së dhe të NATO-s, të cilët kanë një këndvështrim të njëmend sa i përket rreziqeve të sigurisë dhe mbrojtjes në Evropën Juglindore”, sqaroi Vengu në “Debat” nga Alba Alishani.

  • Albin Kurti premton mbi 1 miliard euro buxhet për ushtrinë e Kosovës

    Albin Kurti premton mbi 1 miliard euro buxhet për ushtrinë e Kosovës

    Kosova E Mërkurë, 26 Mars 2025 12:18
    Kryeministri i Kosovës, Albin Kurti, premtoi se gjatë një mandati të mundshëm të ri qeverisës, për Forcën e Sigurisë së Kosovës do të ndahen mbi 1 miliard euro buxhet.
    Kështu tha ai gjatë mbledhjes së Qeverisë, teksa foli për mandatin katërvjeçar të ekzekutivit. Ai tha se Qeveria që ai udhëheq ka arritur “rezultate të jashtëzakonshme” gjatë mandatit të plotë kushtetues.

    “Buxheti për ushtrinë është trefishuar, trajnimet jashtë vendit janë katërfishuar, investimet në armatim janë shumëfishuar, përfshirë këtu dronët Bayraktar luftarakë dhe kontratën për funksionalizimin e fabrikës së municioneve”, tha Kurti.
    “Në mandatin e ri, ushtrisë do t’ia ndajmë mbi 1 miliard euro, do të kemi fabrikë të municioneve dhe dronë ushtarakë ‘Made in Kosova’, pra që i prodhojmë vet”, shtoi ai.
    Më 2024, buxheti i ndarë për Ministrinë e Mbrojtjes ishte 153 milionë, ndërkaq këtë vit ai është 207.8 milionë.
    Paralajmërimet për rritjen e buxhetit për mbrojtje vijnë në kohën kur Forca e Sigurisë së Kosovës po vazhdon procesin e transformimit në ushtri, dhe në kohën kur shteti po ndërmerr hapa për të forcuar mbrojtjen e saj.
    Nëntorin e vitit të kaluar, Kosova nisi procesin për hapjen e një fabrike për prodhimin e municioneve dhe nënshkroi një marrëveshje për municione me një prodhues në Turqi – shtet nga i cili Kosova ka blerë dronë për ushtrinë. Po ashtu, Qeveria njoftoi se do të ketë edhe një laborator për dizajnim të fluturakeve pa pilotë, të njohur si dronë.
    Përveç se po mëton të prodhojë armë e municione, Kosova aktualisht edhe është duke blerë armë të ndryshme. Nga Shtetet e Bashkuara, Kosova veçse është në proces të blerjes të mbi 200 sistemeve kundërjarore, Javelin – që pritet t’i kushtojnë shtetit 75 milionë dollarë.
    Kurti tha se Kosova, po ashtu, synon të blejë helikopterë amerikanë, Black Hawk, për FSK-në.
    Ndërkaq, javët e fundit, Kosova ka ndërmarrë hapa të tjerë për avancimin e mbrojtjes dhe sigurisë. Këtu përfshihet miratimi i një nisme për lidhjen e një marrëveshjeje kronizë për thellim të bashkëpunimit me Shtetet e Bashkuara në fushën e mbrojtjes dhe sigurisë, dhe një deklaratë trepalëshe me Shqipërinë dhe Kroacinë për forcimin e mbrojtjes.
    Marrëveshja me SHBA-në, sipas Qeverisë, do ta ndihmojë Kosovën në ngritjen e kapaciteteve strategjike ushtarake. Ndërkaq, deklarata për bashkëpunim me Shqipërinë dhe Kroacinë është thënë se do t’i kontribuojë paqes në rajon.
    Lëvizjet e Kosovës drejt forcimit të mbrojtjes dhe industrisë së armatimit janë kritikuar nga Serbia.
    Beogradi e ka cilësuar si “provokim” nismën e Kosovës, Shqipërisë dhe Kroacisë për thellim të bashkëpunimit për mbrojtje dhe siguri, duke argumentuar se “minon stabilitetin e rajonit”.
    Por, anëtarët e kësaj nisme kanë thënë se duan të kontribuojnë në stabilitetin dhe sigurinë e rajonit.
    Premtimi i Kurtit për rritjen e buxhetit në fushën e mbrojtjes vjen në kohën kur Kosova po pret që të krijojë institucione të reja, pas mbajtjes së zgjedhjeve parlamentare më 9 shkurt.
    Partia e Kurtit, Lëvizja Vetëvendosje, ka fituar zgjedhjet – por, nuk ka fituar mandate të mjaftueshme që ta krijojë vetë Qeverinë.
    Kurti ka thënë se ai dhe LVV-ja do të udhëheqin me ekzekutivin e ri, teksa nga LVV-ja kanë thënë se mëtojnë që ta krijojnë Qeverinë në bashkëpunim me partitë joserbe.
    Partitë kryesore opozitare shqiptare, ndërkaq, janë shprehur kundër një bashkëpunimi me LVV-në./rel

  • Serbia kundër, Kroacia: Nisma ushtarake me Shqipërinë dhe Kosovën, e hapur edhe për partnerët

    Serbia kundër, Kroacia: Nisma ushtarake me Shqipërinë dhe Kosovën, e hapur edhe për partnerët

    Tre ministrat e Mbrojtjes, Shqipëri – Kroaci – Kosovë

    KOSOVË- Nisma e Kosovës, Shqipërisë dhe Kroacisë për bashkëpunim në fushën e sigurisë dhe mbrojtjes, “është e hapur edhe për aleatë e partnerë të Bashkimit Evropian dhe NATO-s”, që “duan të kontribuojnë në ndërtimin e stabilitetit, sigurisë dhe qëndrueshmërisë në rajonin e Evropës Juglindore”.
    Kështu e komenton Qeveria e Kroacisë Deklaratën e nënshkruar nga tri vendet, më 18 mars. Sipas saj, nismës mund t’i bashkohen të gjitha vendet që, po ashtu, duan t’i ofrojnë mbështetje Kosovës dhe Shqipërisë në rrugën e tyre evropiane dhe euroatlantike. Qëllim i saj “nuk është krijimi i ndonjë aleance ushtarake”.
    “Një aleancë e tillë – përveç anëtarësimit në NATO – as që është e nevojshme”, theksohet në përgjigjen me shkrim të Qeverisë kroate, dërguar Radios Evropa e Lirë.
    Ndryshe nga Shqipëria dhe Kroacia, Kosova nuk është anëtare e NATO-s.
    Në reagimet e tij të para ndaj nismës, presidenti i Serbisë, Aleksandar Vuçiq, ka thënë se me nënshkrimin e dokumentit, Kroacia, Shqipëria dhe Kosova “kanë hapur një garë armësh në rajon” dhe “kanë shkelur marrëveshjen nënrajonale të vitit 1996”.
    Kjo marrëveshje, e cila ka të bëjë me kuotat e lejuara në armatim, u nënshkrua atëkohë nga dy entitetet e Bosnje e Hercegovinës – Federata e Bosnje e Hercegovinës dhe Republika Sërpska, si dhe nga Kroacia dhe nga Republika Federale e Jugosllavisë, e cila përbëhej nga Serbia dhe Mali i Zi.
    Në deklaratën dhënë Radios Evropa e Lirë, Qeveria kroate thotë se kjo marrëveshje është zbatuar vazhdimisht për 29 vjet. Ajo, po ashtu, kujton se as Shqipëria dhe as Kosova nuk janë palë në atë marrëveshje.
    “Në këtë kontekst, është krejtësisht e kotë të lidhet me Deklaratën e përbashkët, të nënshkruar së voni ndërmjet Shqipërisë, Kroacisë dhe Kosovës, qëllimi kryesor i së cilës është forcimi i bashkëpunimit ndërmjet ministrive të mbrojtjes të vendeve mike, partnerëve dhe aleatëve”, thuhet në reagimin e Qeverisë së Kroacisë.
    Qeveria e Serbisë dhe Ministria e Mbrojtjes e këtij vendi nuk iu përgjigjën pyetjes së Radios Evropa e Lirë se përse e shohin si kërcënim nismën e tri vendeve ballkanike.
    Por, Daniel Serwer, profesor në Universitetin Johns Hopkins në SHBA, thotë se Beogradi zyrtar “e di fare mirë” se aleatët e NATO-s nuk mund të veprojnë në mënyrë të njëanshme kundër Serbisë.
    “Për më tepër, tri vendet e përmendura nuk paraqesin asnjë kërcënim për Serbinë”, thotë Serwer për Radion Evropa e Lirë.
    Deklaratën e tri shteteve ai thotë se e sheh si “një lëvizje që kontribuon në stabilitet, jo në destabilizim”. Ai vlerëson se Kosova ka vepruar “mençur” që ka lidhur partneritet me Shqipërinë dhe Kroacinë, të cilat janë vende anëtare të NATO-s. NATO-ja e komentoi gjithashtu Deklaratën, duke e cilësuar si marrëveshje trepalëshe mes tri vendeve.
    “NATO-ja, si organizatë, nuk është pjesë e iniciativës dhe, për këtë arsye, nuk ka pasur ndonjë rol në procesin e konsultimit”, thuhet në përgjigjen dhënë Radios Evropa e Lirë.
    Pse e pengon Beogradin?
    Vuk Vuksanoviç, studiues në Qendrën joqeveritare të Beogradit për Politikat e Sigurisë, thotë se zyrtarët në Beograd po e përdorin Deklaratën “për të larguar vëmendjen” nga problemet e brendshme. Ai aludon te protestat masive që kanë përfshirë Serbinë për më shumë se katër muaj. Protestuesit, të udhëhequr nga studentët, kërkojnë përgjegjësi politike dhe penale për vdekjen e 16 personave nga shembja e një strehe në Stacionin Hekurudhor të Novi Sadit, nëntorin e kaluar.
    Vuksanoviç thotë se Beogradi e konsideron pjesëmarrjen e Zagrebit si veçanërisht “provokuese”.
    “Unë nuk mendoj se ka të bëjë aq shumë me Shqipërinë, marrë parasysh se Vuçiç ka, ose së paku ka pasur një marrëdhënie mjaft bashkëpunuese me kryeministrin Edi Rama”, thotë ai.
    Megjithatë, për ministrin serb të Mbrojtjes, Bratisllav Gashiç, memorandumi trepalësh është “një nismë provokuese e vendeve fqinje, që bie ndesh me përpjekjet për forcimin e sigurisë rajonale”.
    “Kosova dhe Metohia është një krahinë autonome brenda Republikës së Serbisë, pa marrë parasysh faktin se disa vende, përfshirë Shqipërinë dhe Kroacinë, e kanë njohur pavarësinë e saj të paligjshme dhe të vetëshpallur”, ka thënë Gashiç.
    Kosova ka shpallur pavarësinë në vitin 2008, por ajo vazhdon të mos njihet nga Serbia. Sipas Gashiçit, Zagrebi dhe Tirana ka kohë që përpiqen ta fusin Kosovën në NATO “përmes derës së pasme”. Po sipas tij, këto dy vende po e ndihmojnë zhvillimin e Ushtrisë së Kosovës, të cilën Serbia e konsideron të paligjshme.
    “Qartazi, një skenar i tillë nuk është i pranueshëm për vendin tonë”, ka thënë Gashiq.
    Cila është forca ligjore e Deklaratës?
    Vuksanoviç thotë se kjo nuk është një marrëveshje tipike ndërshtetërore, sipas rregullave të së drejtës publike ndërkombëtare.
    “Memorandumet për bashkëpunim nuk janë ligjërisht të detyrueshme në natyrë”, sipas tij. Ai thekson se kjo është një marrëveshje nënrajonale midis dy anëtarëve të NATO-s me një palë të tretë – Kosovën. Pjesëmarrjen e Kroacisë, ai e sheh si përpjekje për të arritur pikë politike në planin rajonal.
    Kë e shohin si kërcënim Zagrebi, Tirana dhe Prishtina?
    Në përgjigjen dhënë REL-it, Qeveria kroate thekson se bashkëpunimi në mbrojtje midis Zagrebit, Tiranës dhe Prishtinës është “i cilësisë së lartë” dhe se Deklarata ka synim vetëm ta përmirësojë atë.
    “Zona e Evropës Juglindore është e ekspozuar ndaj kërcënimeve të sigurisë, veçanërisht atyre nga fusha hibride dhe kibernetike, qëllim i të cilave është destabilizimi i rajonit”, thuhet në Deklaratë. Aty nuk specifikohet se nga vijnë kërcënimet.
    Kush është “faktor i paqes dhe stabilitetit” në rajon?
    Përveç kundërshtimit të Deklaratës, zyrtarët serbë kanë përsëritur vazhdimisht se Beogradi mbetet i përkushtuar ndaj ruajtjes së paqes dhe stabilitetit rajonal.
    Kështu, Ministria e Mbrojtjes e Serbisë ka thënë se, për këtë interes, do të vazhdojë të bashkëpunojë me vendet anëtare të NATO-s.
    Por, profesori Serwer thotë se “gara e vetme” e armëve në rajon, është ajo që udhëheq Serbia për vite me radhë. “Serbia nuk është faktor paqeje dhe stabiliteti në rajon. Vuçiq, thjesht, i mashtron diplomatët naivë”, thotë ai.
    Serwer shton se Beogradi vazhdon të refuzojë zbatimin e marrëveshjeve me Kosovën, si dhe t’i ofrojë mbështetje politikës secesioniste në Republikën Sërpska, të udhëhequr nga Millorad Dodik. Po sipas tij, pushteti në Beograd, i cili nuk i ka ndërprerë lidhjet me Kremlinin as pas pushtimit rus të Ukrainës, inkurajon politika proruse si në Serbi, ashtu edhe në Mal të Zi.
    “Asnjë nga këto nuk kontribuon në paqe dhe stabilitet”, përfundon Serwer./REL

  • Elon Musk 90 minuta brenda Pentagonit, Trump i ndalon aksesin në planin e luftës së mundshme ndaj Kinës: Ka konflikt interesi

    Elon Musk 90 minuta brenda Pentagonit, Trump i ndalon aksesin në planin e luftës së mundshme ndaj Kinës: Ka konflikt interesi

    Donald Trump tha të premten se planet për një luftë të mundshme me Kinën nuk duhet të ndahen me Elon Musk për shkak të interesave të tij të biznesit, një pranim i rrallë se miliarderi përballet me konflikte interesi në rolin e tij si këshilltar i lartë i presidentit amerikan.

    Trump hodhi poshtë raportet se Musk do të informohej mbi mënyrën se si Shtetet e Bashkuara do të luftonin në një luftë hipotetike me Kinën, duke thënë: “Elon ka biznese në Kinë. Dhe ai mund të jetë i ndjeshëm, ndoshta, ndaj kësaj.” Reklama në FieriWeb – “VEGA GROUP”

    Referenca ndaj bizneseve të Musk – që përfshijnë Tesla-n, një prodhues të automjeteve elektrike që po përpiqet të zgjerojë shitjet dhe prodhimin në Kinë – është një pranim i pazakontë i shqetësimeve mbi balancimin e përgjegjësive të tij korporative dhe qeveritare.Reklama në FieriWeb – “VODAFONE ALBANIA”

    Trump më parë kishte shmangur pyetjet rreth konflikteve të mundshme të interesit të Musk, duke thënë thjesht se ai do të qëndronte larg kur të ishte e nevojshme.

    Presidenti tha se Musk vizitoi Pentagonin të premten në mëngjes për të diskutuar uljen e kostove, një çështje me të cilën ai po merret përmes të ashtuquajturës “departamenti i efikasitetit qeveritar” (Doge).

    Sekretari i Mbrojtjes, Pete Hegseth, tha se Musk ishte aty “për të folur mbi efikasitetin dhe inovacionet”.Reklama në FieriWeb – “PASTIÇERI “RUSTEMAJ”

    Musk, teksa largohej nga Pentagoni, tha se ishte i gatshëm të bënte “çdo gjë që mund të ndihmonte”, por refuzoi të përgjigjej nëse kishte marrë një informim të klasifikuar mbi Kinën gjatë vizitës së tij.

    Si një këshilltar kyç i Trump dhe drejtues i Doge, Musk ka ushtruar fuqi të gjera gjatë dy muajve që kur Trump u rikthye në Shtëpinë e Bardhë, duke kryer shkurtimet masive të vendeve të punës dhe reduktuar buxhetet në të gjithë qeverinë federale. Megjithatë, edhe pse Pentagoni ishte në shënjestër për këto shkurtime, Musk ende nuk ka pasur një rol të drejtpërdrejtë atje, përfshirë në inteligjencën e mbrojtjes dhe operacionet ushtarake.

    Një zyrtar i lartë i mbrojtjes tha për gazetarët të martën se rreth 50,000 deri në 60,000 vende pune civile do të shkurtoheshin në Departamentin e Mbrojtjes.

    Përfshirja e Musk në ndonjë plan ose marrëveshje të SHBA-së me Kinën do të ngrinte jo vetëm shqetësime për sigurinë, por edhe pyetje mbi një konflikt të rëndësishëm interesi, pasi ai ka interesa të konsiderueshme ekonomike në Kinë si pronar i Tesla-s dhe SpaceX-it, e cila gjithashtu ka kontrata me Forcën Ajrore të SHBA-së.

    Në orët e para të së premtes, Musk mohoi raportet se do të informohej për një luftë me Kinën, duke e quajtur atë “propagandë të pastër” dhe duke kërcënuar se do të gjente ata që kishin nxjerrë informacionin.

    “Pres me padurim ndjekjen penale të atyre në Pentagon që po rrjedhin informacione keqdashëse dhe të pavërteta,” shkroi ai. “Ata do të gjenden.”

    Musk përsëriti kërkesën e tij për ndjekje penale sapo mbërriti në Departamentin e Mbrojtjes, në periferi të Washington DC, të premten në mëngjes. Ai u largua nga Pentagoni rreth 90 minuta pas mbërritjes.

  • Pirro Vëngu anulon tenderin 7 milionë euro që ia dha Salillarit

    Pirro Vëngu anulon tenderin 7 milionë euro që ia dha Salillarit

    Pirro Vëngu

    TIRANË- Ministria e Mbrojtjes anulloi tenderin 7 milionë euro për bazën e helikopterëve në Farkë. Në tenderin e zhvilluar në fund të vitit të kaluar, Ministria e Mbrojtjes skualifikoi 5 ofertat me vlerë më të ulët dhe vendosi të shpallë fituese kompaninë Salillari, e cila kishte ofruar çmimin e dytë më të shtrenjtë, gati 6.4 milionë euro.
    Por vendimi i ministrisë së Mbrojtjes u ankimua në Komisionin e Prokurimit Publik nga nga bashkimi i kompanive mes “Agri Construction”, “Alko Impex Construction” dhe “Bami Holding” SHPK, të cilat kishin ofertuar ta realizonin kontratën me çmimin 5.4 milionë euro ose gati 1 milionë euro më pak se sa oferta fituese e Salillarit. Ndërsa ankesa e dytë u bë nga bashkimi i kompanive “BE-IS”, “Rruga Ura Asfaltim Nr.2 Elbasan” dhe “ERGI”, të cilat kishin paraqitur ofertën 5.7 milionë euro.
    Pas shqyrtimit të dokumentave, Komisioni i Prokurimit Publik i gjeti të paligjshme skualifikimet e ofertave më të ulëta. KPP i pranoi pjesërisht të dy ankesat, por vendosi që në vend të ndryshimit të fituesit, të urdhërojë ministrinë e Mbrojtjes që të anullojë mënjëherë tenderin. Por me gjasë, kjo histori nuk mbaron këtu. Pasi bashkimi i kompanive “Agri Construction”, “Alko Impex Construction” dhe “Bami Holding” e kanë ankimuar edhe vendimin e KPP-së në gjykatë duke kërkuar fitoren e tenderit.
    Agri Construction është një kompani që zotërohet nga Petrit Patushi. Alko Impex është e Arbër Abazit, ndërsa Bami shpk zotërohet nga biznesmeni Besnik Bami. Sipas joint venture-it të paraqitur për këtë tender, Agri Construction kishte 53.7 për qind të punimeve, Alko kishte 37.4 për qind, ndërsa pjesa tjetër prej më pak se 9 për qind ishte e kompanisë Bami.
    Alko Impex është një kockë shumë e fortë në Komisionin e Prokurimeve Publike. Kryetari i KPP, Jonaid Myzyri më parë ka mbajtur postin e juristit në kompaninë Alko. Përtej kësaj, Arbër Abazi ka lidhje shumë të ngushta në majën e pushtetit. Ky ishte koktejli i duhur për të rrëzuar edhe një kompani të fuqishme si Salillari, por ndërkohë edhe Pirro Vengun./Kapitali

  • Kroacia marrëveshje për mbrojtjen me Shqipërinë dhe Kosovën, Vuçiç merr hapin e papritur, shkarkon ambasadoren serbe në Zagreb

    Kroacia marrëveshje për mbrojtjen me Shqipërinë dhe Kosovën, Vuçiç merr hapin e papritur, shkarkon ambasadoren serbe në Zagreb

    Presidenti i Serbisë, Aleksandar Vuçiç, ka shkarkuar ambasadoren e Serbisë në Zagreb, Jelena Miliç, sipas një vendimi të publikuar këtë të martë në Gazetën Zyrtare të Serbisë.
    Në dokumentin zyrtar konfirmohet se Miliç është liruar nga detyra, ndërsa vendimi ka hyrë në fuqi menjëherë. Në lidhje me shkarkimin nuk është dhënë ende ndonjë arsye specifike.
    Zhvillimi vjen në një moment përshkallëzimi të tensioneve mes Serbisë dhe Kroacisë, pas marrëveshjes së bashkëpunimit në fushën e mbrojtjes të nënshkruar më 18 mars në Tiranë midis Shqipërisë, Kosovës dhe Kroacisë.
    Presidenti Vuçiç e kritikoi ashpër marrëveshjen, duke e cilësuar atë si një garë të re armatimi në rajon.
    “Ne e morëm mesazhin. Do të bëjmë gjithçka për të mbrojtur vendin tonë,” – deklaroi ai.
    Nga ana tjetër, Kroacia u përgjigj duke theksuar se ka të drejtë të bashkëpunojë në sektorin e mbrojtjes me çdo vend që dëshiron.
    Marrëveshja e mbrojtjes u nënshkrua nga ministri i Mbrojtjes së Shqipërisë, Pirro Vengu, ai i Kosovës, Ejup Maqedonci, dhe ministri kroat, Ivan Anushiç. Nënshkrimi i saj ka nxitur reagime të forta në Serbi, duke ndikuar edhe në marrëdhëniet diplomatike në rajon.