Lajmidites.com

Tag: mbretëresha

  • Olsa Muhameti i kundërpërgjigjet ashpër deklaratës së Alketës ndaj BBVK: Të gjykosh ti “Mbretëresha” e programeve të vyshkur

    Olsa Muhameti i kundërpërgjigjet ashpër deklaratës së Alketës ndaj BBVK: Të gjykosh ti “Mbretëresha” e programeve të vyshkur

    Pas deklaratës së gjatë dhe kritike që Alketa Vejsiu publikoi më herët mbi Big Brother Kosova, ka ardhur një kundërpërgjigje nga producentja e programit, e cila ka shpërndarë një reagim të drejtpërdrejtë në rrjetet sociale.Reklama në FieriWeb – “Oazi i Pishave”

    Ajo duket se i është drejtuar Vejsiut me tone të ashpra, duke e akuzuar për paragjykim dhe mungesë profesionalizmi. Reklama në FieriWeb – “KETU MUND TE JETË REKLAMA JUAJ”

    Deklarata e saj e plotë:Reklama në FieriWeb – “PASTIÇERI “RUSTEMAJ”

    Reklama në FieriWeb – “BREGU CLIMA”

    Dmth të gjykosh ti: “Mbretëresha” e programeve të vyshkur, arkaikë, pa emocion, ashtu fake si ty!Dhe mos analizo një program, vetëm nga rrjetet sociale meqë thua se nuk e ke parë, se tregon jo profesionalizëm!S’ke faj se ti ashtu je, fasadë jo brendi, e si e tillë programin e gjykon nga disa video interneti.Gjithsesi të sfidoj, po kam frikë se do humbasësh si para ca vitesh…Reklama në FieriWeb – “COVIM CAFFE”

    Ky reagim ka ndezur edhe më shumë debatin mes figurave publike dhe ka shkaktuar diskutime të shumta në rrjet, pasi shihet si një përplasje e hapur mes dy emrave të njohur të televizionit.

  • Shega, “mbretëresha” e vjeshtës — në Fier shtohen plantacionet dhe tregu lulëzon

    Shega, “mbretëresha” e vjeshtës — në Fier shtohen plantacionet dhe tregu lulëzon

    Edhe pse në fund të sezonit, fruti i shegës vazhdon të mbushë stendat e tregjeve në Fier. E cilësuar si “mbretëresha” e vjeshtës, për vlerat e saj kurative dhe shijen e veçantë, shega po bëhet gjithnjë e më e kërkuar nga konsumatorët.Reklama në FieriWeb – “Oazi i Pishave”

    Tregtarët në Fier tregojnë se furnizohen me shegë kryesisht nga fermerët e zonave përreth, ndërsa shitjet me shumicë janë të larta. Reklama në FieriWeb – “KETU MUND TE JETË REKLAMA JUAJ”

    🎙️ “Ka shumë kërkesë, shega është frut që blihet me sasi, veçanërisht për lëngje dhe për konsum ditor”, shprehen tregtarët.Reklama në FieriWeb – “PASTIÇERI “RUSTEMAJ”

    Reklama në FieriWeb – “BREGU CLIMA”

    Në fshatrat e Fierit, thuajse çdo oborr shtëpie ka një pemë shege, por vitet e fundit fermerët kanë kaluar në kultivim intensiv, duke ngritur plantacione të tëra me dhjetëra hektarë.Reklama në FieriWeb – “COVIM CAFFE”

    🎙️ “Tani nuk është më vetëm për konsum familjar, po kthehet në biznes”, shton një tregtare.

    Sipas të dhënave të Drejtorisë së Bujqësisë në Fier, kultivimi i shegës është përqendruar kryesisht në Divjakë me 74 hektarë, Rremas me 46 hektarë dhe Levan me 42 hektarë. Në total, në gjithë qarkun janë rreth 172 hektarë me shegë – një rritje e ndjeshme që tregon potencialin e këtij fruti të çmuar në tregun vendas.

  • Magjepsi botën me sharmin dhe elegancën e saj, ndërron jetë Mbretëresha Sirikit e Tajlandës

    Magjepsi botën me sharmin dhe elegancën e saj, ndërron jetë Mbretëresha Sirikit e Tajlandës

    Mbretëresha Sirikit e Tajlandës, nëna e mbretit aktual Maha Vajiralongkorn dhe bashkëshortja e ndjerë e Mbretit Bhumibol Adulyadej – monarkut me mbretërimin më të gjatë në historinë e Tajlandës – ka ndërruar jetë të premten, në moshën 93-vjeçare, në një spital të Bangkokut.

    E njohur për elegancën, ndikimin dhe përkushtimin e saj ndaj zhvillimit të komuniteteve rurale, Mbretëresha Sirikit la pas një trashëgimi të thellë kulturore dhe humanitare.
    Sirikit Kitiyakara mbikëqyri për dekada programe mbretërore për fuqizimin e popullsisë së varfër, ruajtjen e zanateve tradicionale dhe mbrojtjen e mjedisit. Për elegancën dhe stilin e saj, ajo shpesh cilësohej si “Jackie Kennedy e Azisë”.
    Gjatë vizitave jashtë vendit, ajo mahniti median botërore me bukurinë dhe ndjenjën e saj të modës. Në vizitën e saj historike në Shtetet e Bashkuara në vitin 1960 – ku mori pjesë në një darkë shtetërore në Shtëpinë e Bardhë – revista Time e përshkroi atë si “elegante” dhe “feministe”, ndërsa gazeta franceze L’Aurore e quajti “verbuese”.
    Gjatë viteve 1960, ajo u përfshi në jetën diplomatike dhe kulturore ndërkombëtare, duke u takuar me udhëheqës dhe personalitete të njohura botërore, duke marrë pjesë në koncerte xhazi dhe duke u shfaqur në kopertinat e revistave më të njohura të modës.
    Një histori dashurie dhe përkushtimi mbretëror
    E lindur më 12 gusht 1932 në një familje aristokratike në Bangkok, Sirikit u takua me mbretin e ardhshëm Bhumibol Adulyadej në Paris, ku studionte muzikë dhe gjuhë të huaja, ndërsa i ati i saj shërbente si ambasador i Tajlandës në Francë.
    Lidhja e tyre u forcua kur ajo e shoqëroi mbretin në Zvicër për t’u kujdesur për të pas një aksidenti të rëndë me makinë. Mbreti, i cili ishte një muzikant i pasionuar, i kompozoi një vals me titull “I Dream of You” (Unë ëndërroj për ty).
    Çifti u martua në vitin 1950, kur ajo ishte vetëm 18 vjeç, dhe qëndruan bashkë për më shumë se 70 vjet. Ata patën katër fëmijë: Mbretin aktual Maha Vajiralongkorn dhe Princeshat Ubolratana, Sirindhorn dhe Chulabhorn.
    Pas përfundimit të monarkisë absolute në Tajlandë, çifti mbretëror u përqendrua në përmirësimin e jetës së popullsisë rurale, duke udhëtuar çdo vit në provinca dhe duke marrë pjesë në qindra ceremoni mbretërore e fetare.
    Në vitin 1976, Sirikit themeloi organizatën SUPPORT, e cila trajnoi mijëra tajlandezë në zanate tradicionale, për t’i ndihmuar të rrisin të ardhurat dhe të ruajnë trashëgiminë kulturore të vendit. Ajo ishte gjithashtu një mbrojtëse e fortë e mjedisit, me projekte për shpëtimin e breshkave të detit, restaurimin e pyjeve dhe ruajtjen e jetës së egër.
    Për dekada, ajo u konsiderua si “Nëna e Kombit”, për shkak të përkushtimit ndaj çështjeve sociale dhe ndihmës ndaj komuniteteve vulnerabël. Edhe pse stili i saj i jetesës luksoz shkaktoi thashetheme në kryeqytet, popullariteti i saj në fshat mbeti i palëkundur.
    Fundi i një epoke
    Pas një goditjeje në tru disa vite më parë, Mbretëresha Sirikit u tërhoq nga jeta publike, por vazhdoi të mbetej e pranishme në jetën e përditshme të tajlandezëve përmes portreteve dhe ceremonive zyrtare.
    Djali i saj, Mbreti Vajiralongkorn, shpalli një vit zie kombëtare, ndërsa funerali i saj po mbahet me nderime të larta, sipas traditës mbretërore tajlandeze.
    Mbretëresha Sirikit do të mbahet mend si një figurë e elegancës, përkushtimit dhe humanizmit, që i kushtoi jetën e saj shërbimit ndaj popullit dhe ruajtjes së identitetit kulturor të Tajlandës.

    Top Channel

  • Ish-mbretëresha e Tajlandës ndërron jetë në moshën 93-vjeçare

    Ish-mbretëresha e Tajlandës ndërron jetë në moshën 93-vjeçare

    Mbretëresha Sirikit, nëna e mbretit aktual të Tajlandës, Vajiralongkorn, ka ndërruar jetë në moshën 93-vjeçare.

    Ajo ndërroi jetë “në paqe” në një spital në Bangkok në orën 21:21 me orën lokale të premten, sipas njoftimit të Byrosë Mbretërore të Familjes së Tajlandës.

    Në njoftim thuhet se Sirikit kishte “vuajtur nga disa sëmundje” që nga viti 2019, përfshirë edhe një infeksion gjaku këtë muaj.

    Për më shumë se gjashtë dekada, mbretëresha Sirikit ishte e martuar me monarkun që sundoi më gjatë në historinë e Tajlandës, mbretin Bhumibol Adulyadej, i cili vdiq në vitin 2016. Në periudhën e tyre të artë, çifti mbretëror ishte i njohur në mbarë botën, ndërsa Sirikit shihej si një ikonë stili.

    Mbreti Vajiralongkorn ka urdhëruar që Byroja Mbretërore të organizojë një funeral mbretëror. Trupi i mbretëreshës Sirikit do të qëndrojë në Sallën Dusit Thorne të Pallatit të Madh në Bangkok.

    Mbretëresha Sirikit takoi bashkëshortin e saj të ardhshëm, mbretin Bhumibol, ndërsa studionte muzikë në Paris, ku i ati i saj shërbente si ambasador i Tajlandës në Francë.

    “Në fillim e urreva”, tha ajo në një dokumentar të BBC-së të vitit 1980 mbi monarkinë tajlandeze, “Shpirti i një Kombi”, duke kujtuar se ai kishte mbërritur me vonesë në takimin e tyre të parë.

    “Ai tha se do të vinte në orën katër pasdite. Erdhi në shtatë, dhe më la aty, duke praktikuar përkuljen pa pushim”, tha ajo me humor.

    Çifti u martua më 28 prill 1950, vetëm një javë para se mbreti Bhumibol të kurorëzohej në Bangkok.

    Në vitet 1960, ata udhëtuan nëpër botë, duke takuar personalitete të njohura si presidenti amerikan Duight Eisenhouer, mbretëresha e ndjerë Elizabeta II dhe Elvis Presley.

    Në atë periudhë, Sirikit shpesh renditej në listat ndërkombëtare të personave më të veshur me stil. Në intervistën e rrallë për BBC-në në vitin 1980, ajo foli për marrëdhënien midis monarkisë dhe popullit tajlandez, i cili vazhdon të respektojë ligjet e rrepta kundër fyerjes së monarkisë (lese-majeste).

    “Mbretërit dhe mbretëreshat e Tajlandës gjithmonë kanë qenë në kontakt të ngushtë me popullin, dhe zakonisht populli e sheh mbretin si babanë e kombit. Prandaj, ne nuk kemi shumë jetë private, sepse konsiderohemi si babai dhe nëna e kombit”, kishte deklaruar ajo.

    Ajo shihej si një figurë amtare për vendin, dhe që nga viti 1976, ditëlindja e saj, 12 gushti, është shpallur Dita e Nënës në Tajlandë.

    Në vitin 2008, ajo mori pjesë në funeralin e një protestuesi antiqeveritar, që u vra gjatë përpleshjeve me policinë.

    Mbretëresha Sirikit pësoi një goditje në tru në vitin 2012, pas së cilës u shfaq rrallë në publik.

    Ajo lë pas të birin, mbretin Vajiralongkorn, dhe tre vajza.

  • Roli i William dhe Camillas vendimtar në heqjen e titujve të nderit për Princin Andrew

    Roli i William dhe Camillas vendimtar në heqjen e titujve të nderit për Princin Andrew

    Vendimi për t’i hequr Princit Andrew titujt dhe pozicionet e nderit nuk ishte i lehtë.

    Siç theksojnë burimet e Pallatit, ky ishte rezultat i një diskutimi të koordinuar dhe të pjekur brenda rrethit të ngushtë mbretëror, në të cilin thuhet se Princi William dhe Mbretëresha Camilla luajtën një rol vendimtar.
    Gjatë fundjavës, Pallati i Buckingham lëshoi ​​një deklaratë tjetër që shkaktoi trazira në Pallat. Andrew, vëllai i Mbretit Charles, njoftoi se, “në konsultim me Mbretin dhe familjen time”, ai kishte vendosur të tërhiqej plotësisht nga jeta publike dhe të ndalonte së përdoruri titujt dhe nderimet. Edhe pse deklarata u paraqit si iniciativë e tij personale, prapaskenat tregojnë diçka të ndryshme. Vendimi ishte marrë kolektivisht, pas presionit nga trashëgimtari i fronit William dhe Mbretëresha Camilla.
    Koha nuk është rastësi. Zbulimet e reja rreth komunikimeve të Andrew me pedofilin e dënuar Jeffrey Epstein dhe fragmente nga libri i të ndjerës Virginia Giuffre, i cili publikohet këtë javë, e kanë rindezur skandalin. Detajet që dolën në dritë u konsideruan nga Pallati si pika e fundit e goditjes.
    Njerëz të njohur me dinamikën e familjes mbretërore thonë se Mbreti Charles, ashtu si nëna e tij e ndjerë, nuk i pëlqen konflikti. Ai mban një marrëdhënie “të ngrohtë, por të përmbajtur” me vëllain e tij, duke u përpjekur të balancojë detyrën e tij si kreu i shtetit me ndjenjat familjare. Megjithatë, këtë herë, pesha e rrethanave dhe nevoja për të mbrojtur monarkinë e detyruan të vepronte.
    Sipas analistëve të Pallatit, William luajti një rol të rëndësishëm në vendimin përfundimtar. Trashëgimtari ka treguar vazhdimisht se synon të sjellë një “etos të ri” në familjen mbretërore, duke kërkuar transparencë dhe llogaridhënie. Kohët e fundit, shqetësimi i tij kur qëndronte pranë Andrew në një ceremoni publike u bë i dukshëm për të gjithë. “Prania e xhaxhait të tij në raste të tilla e vendosi atë në një pozicion jashtëzakonisht të vështirë”, komentoi një vëzhgues mbretëror.
    Mbretëresha Camilla, nga ana e saj, thuhet se e ka mbështetur fuqimisht vendimin, duke besuar se opinioni publik nuk do të toleronte asnjë vonesë të mëtejshme. “Ishte një çështje besueshmërie për monarkinë”, tha një burim nga Pallati.
    Njoftimi zyrtar ishte modest, por mesazhi i tij ishte i qartë, epoka e tolerancës ka mbaruar. Buckingham dëshiron të kthejë faqen dhe të distancohet plotësisht nga Princi Andrew, i cili tani mbetet një qytetar i thjeshtë – megjithëse ai ende mban titullin e princit, i cili mund të hiqet vetëm me një Akt të Parlamentit.
    Siç vërejnë analistët, ky vendim mban qartë vulën e profilit të ri dhe më vendimtar të monarkisë që Charles, Camilla dhe William po formësojnë. Një monarki që po përpiqet të ecë përpara, duke lënë pas faqet e saj më të errëta.

    Top Channel

  • Ja cilat janë 6 mitet e gabuara rreth Kleopatrës

    Ja cilat janë 6 mitet e gabuara rreth Kleopatrës

    Nga Barbara Stepko

    Ndoshta është pushteti, jeta e saj dashurore, apo pamja e saj mahnitëse. Por një gjë është shumë e qartë: Kleopatra është një figurë historike, me të cilën ne thjesht s’kemi të ngopur. Hollivudi ka prodhuar jo më pak se 4 filma mbi të, dhe biografia e Stejsi Skif “Kleopatra: Një jetë”, ishte një ndër librat më të shitur pak vite më parë, sipas prestigjiozes amerikane “The New York Times”. Për të mos përmendur pastaj numrin e grave që dizenjojnë sytë çdo vit, për t’u dukur si mbretëresha egjiptiane, në kuadër të festës së Hallouinit.

    Ajo ishte egjiptiane

    Kleopatra mund të jetë quajtur vërtet “Mbretëresha e Nilit”, por ajo nuk ishte egjiptiane në origjinë. Megjithëse familja e saj jetonte në Egjipt prej rreth 300 vjetësh, rrënjët e Kleopatrës mund të gjurmohet tek Ptolemeu I, gjenerali grek që shërbeu nën Aleksandrin e Madh.

    Pasi Aleksandri vdiq në vitin 323 P.E.S, 3 nga gjeneralët e tij e ndanë perandorinë e tij. Ptolemeu mori Egjiptin.

    Ndonëse shumica e sundimtarëve të Egjiptit respektuan zakonet dhe kulturën e tyre greke, mbretëresha e re kurioze dhe mendje-hapur, iu përshtat shumicës së zakoneve të vendit të saj të lindjes. Në fakt, ajo ishte anëtarja e parë e familjes së saj që mësoi gjuhën egjiptiane – një kjo lëvizje e mençur, e cila ndihmoi në rritjen e respektit dhe besimit të popullit të saj.

    Ajo ishte tepër e bukur

    Kleopatra është portretizuar në kinema nga gratë më të bukura në Hollivud (mes tyre Vivian Leig dhe Elizabet Tejlor). Dhe në fakt, legjenda thotë se ajo arriti të joshë dy burrat më të pushtetshëm të kohës: Jul Çezari dhe Mark Antoni. Por mbretëresha nuk ishte dhe aq e pashme sa thuhej.

    Monedhat e kohës me fytyrën e saj, tregojnë një grua me një mollëza të mprehta, një hundë të gjatë dhe ballë të gjerë. Ashtu si shumica e burrave, grave dhe madje edhe fëmijëve të Egjiptit në atë kohë, Kleopatra e ruante kokën tullë. (Egjiptianët besonin se flokët e trupit ishin të papastra, dhe në fakt një shenjë e mungesës së qytetërimit).

    Në fakt, ajo mbante paruket të përpunuara nga skllevërit. Shkrimtari i lashtë, Plutarku, pretendonte se ndërsa bukuria e Kleopatrës ishte “jo shumë e pakrahasueshme”, ishte karizma e saj (ose siç tha ai “hijeshia e parezistueshme”), që e bënte të dëshirueshme nga burrat.

    Ajo ishte një grua tejet sipërfaqësore

    Shumë portretizime të Kleopatrës, e përshkruajnë mbretëreshën si një grua jo shumë serioze, që shpenzonte paratë si një marinar i dehur, veçanërisht kur vinte punat tek produktet kozmetike. Sipas dëshmive të kohës, ajo ishte e shqetësuar mbi mënyrën se si të shfrytëzonte thesarin e vendit, për të përballuar stilin luksoz të jetës.

    Por kishte një grua tjetër përtej syve të grimuar, banjove me qumësht dhe me mjaltë. Kleopatra ishte mjaft e zgjuar. Edhe pse u ngjit në fron kur ishte vetëm 17 vjeç, ajo ishte e mirë-arsimuar dhe e përgatitur si duhet për të marrë drejtimin e vendit.

    Ajo fliste të paktën 6 gjuhë, ishte i përgatitur mirë në matematikë, filozofi dhe astronomi. Ajo kishte ndërkohë njohuri të bollshme mbi politikën dhe artin e luftës. Kleopara ishte disi feministe, duke iu dhënë egjiptianeve të drejtat të gjera, ndryshe nga gratë në vende të tjera.

    Ajo ishte një “magnet” për burrat

    Po dhe jo. Ajo ishte disi tërheqëse. Kini parasysh mënyrën dramatike sesi u njoh me Jul Çezarin dhe Mark Antonin. Në vitin 48 para P.E.S, një Kleopatër e shkathët, e ndaluar nga vëllai i saj Ptolemeu XIII për t’u takuar me gjeneralin romak, u maskua me një qilim (sipas disa historianëve një thes liri) dhe arriti të depërtojë deri në shtabin e Çezarit.

    Kleopatra ishte po aq dinake në takimin e parë me Antonin në vitin 41. E urdhëruar të paraqitej para gjeneralit në Tarsus (që gjendet në Turqinë e sotme), Kleopatra u përgatit me nge, pasi u zbukurua, dhe pastaj arriti mbi një tezgë të artë. Ajo ngjante si perëndesha Afërdita. Mark Antoni u magjeps pas saj.

    Ajo vazhdoi lidhjet intime me të dy burrat, por marrëdhëniet ishin sa në funksion të një manovre strategjike – për të dyja anët – aq edhe në funksion të epshit seksual. Sidomos Jul Çezari, ia kishte vënë syrin pasurive të Egjiptit, duke dashur t’i përdorë ato në mbështetje të fushatave të kushtueshme ushtarake të Romës.

    Edhe marrëdhënia e Kleopatrës me Antonin, kishte gjithashtu një element politik: Ajo kishte nevojë për të, për të mbrojtur kurorën e saj (ai e bëri këtë duke vrarë motrën e saj, Arsinoen, një rivale për fronin). Ndërkohë Antoni dëshironte aksesin në burimet natyrore të Egjiptit.

    Ajo vrau veten, nga pikëllimi për vdekjen e Antonit

    Sigurisht, vdekja e Antonit e shkatërroi Kleopatrën. Por ajo vetë i kishte ditë e numëruara: Egjipti ishte pushtuar nga Roma, dhe mbretëresha dikur krenare, kishte mbetur pa para dhe pushtet, dhe shumë shpejt rrezikonte të parakalohej rrugëve të Romës si një trofe. Ajo nuk do ta lejonte këtë lloj poshtërimi, ndaj kreu vetëvrasje.

    Ajo vdiq nga një pickimi i një nepërke

    Kleopatra dhe Antoni vdiqën duke u vetëvrarë në vitin 30 P.E.S, pasi u rrethuan nga forcat Oktavian Augustit në Aleksandri. Antoni do të vriste veten duke u hedhur mbi një shpatë, ndërsa mënyra e vdekjes së Kleopatrës është e më pak e qartë. Sipas legjendës, ajo vdiq nga pickimi i një “nepërke” – konkretisht një kobra egjiptiane – qe e kafshoi në krah, por nuk ka prova për ta mbështetur atë.

    Gjithsesi, helmimi ka shumë mundësi të ketë qenë metoda e zgjedhur prej saj për të kryer vetëvrasjen. Disa besojnë se ajo helmoi veten me një gjilpërë të helmatisur. (Dihej se ajo fshihte një sasi helmi në një nga kapëset e flokëve)

    Historiani gjerman Kristof Shafer ka ofruar edhe një teori tjetër: Mbretëresha mund të ketë përdorur një përzierje vdekjeprurëse më bazë opiumi – një helm i testuar ndoshta në tek disa njerëz fatkeq, për t’u siguruar se garantonte një vdekje pa dhimbje.

    VintageNews

    ObserverKult

    LEXO EDHE: Kush ishte Kleopatra e vërtetë?

  • Pulisic “mbretëresha”, Modric e Rabiot “kuajt”. Allegri “mbreti”, Milani si metaforë shahu…

    Pulisic “mbretëresha”, Modric e Rabiot “kuajt”. Allegri “mbreti”, Milani si metaforë shahu…

    22 Shtator 2025

    9:56

    Alfred Lleshi

    Pas fitores 3-0 të Milanit ndaj Udineses, Hernanes, i ftuar në DAZN, bëri një krahasim origjinal mes lojtarëve kuqezinj dhe figurave të shahut: “Në skakierën e Milanit, për mua Pulisic është mbretëresha, lojtari më i plotë. Ai krijon lojë, ka statistika të forta në finalizim dhe është vendimtar në fazën mbrojtëse. Madje, goli i dytë lindi nga një top që ai e rrëmbeu përgjysmë”.
    Braziliani vazhdoi: “Tani Pulisic mbështetet nga dy kuaj, që nuk kanë vetëm forcë, por edhe lëvizje të paparashikueshme. Ata thyejnë ekuilibrat dhe ndihmojnë ekipin të ngjitet lart. Mbreti në këtë moment është Allegri, ndërsa kuajt janë Modric e Rabiot. Me teknikën dhe menaxhimin e topit, ata gjejnë gjithmonë hapësira mes linjave për ta çuar skuadrën përpara”.

  • Rasti i rrallë, 10 mami nga materniteti “Mbretëresha Geraldinë” njëkohësisht në pritje të ëmbël

    Rasti i rrallë, 10 mami nga materniteti “Mbretëresha Geraldinë” njëkohësisht në pritje të ëmbël

    Një lajm i bukur dhe i rrallë vjen nga materniteti “Mbretëresha Geraldinë” këtë të dielë, 10 mami që çdo ditë kujdesen për jetën e të tjerëve, janë aktualisht shtatzënë në të njëjtën kohë.

    Lajmi është bërë i ditur përmes një njoftimi nga vetë materniteti perms një postimi në rrjetet sociale ku kjo konsiderohet si një dhuratë e rrallë që ka emocionuar të gjithë stafin.

    “Nga duart që kujdesen për jetën, tek zemrat që mbajnë jetë brenda tyre. Në SUOGJ ‘Mbretëresha Geraldinë’, 10 mami po përjetojnë së bashku mrekullinë e shtatëzanisë.

    Ato që çdo ditë kujdesen me përkushtim maksimal për gruan, nënën dhe foshnjen, sot mbajnë edhe vetë bekimin më të madh – Jetën brenda tyre. Një dhuratë e rrallë që na emocionon të gjithëve!”, thuhet në njoftim.

    Postimi shoqërohet dhe me një foto të mamive që janë shtatzënë. Ato janë gra që përballen çdo ditë me emocione, sfida dhe përgjegjësitë e lindjes, duke qenë pranë nënave në momentet më të rëndësishme të jetës së tyre. Sot, rolet janë ndërruar: mamitë janë vetë nëna në pritje.

    Një dëshmi e përkushtimit të profesionistëve të shëndetit, që nuk ndalen së dhëni dashuri, kujdes dhe jetë, edhe kur vetë janë në një fazë të tillë të ndjeshme dhe të bukur të jetës së tyre.

  • Një rastësi e bukur te materniteti “Mbretëresha Geraldinë”, 10 mami janë në pritje të ëmbël!

    Një rastësi e bukur te materniteti “Mbretëresha Geraldinë”, 10 mami janë në pritje të ëmbël!

    Teksa çdo ditë janë në krye të detyrës dhe kujdesen për çdo paciente të tyren, 10 mami të maternitetit “Mbretëresha Geraldinë” janë në pritje të ëmbël.
    Përmes një postimi në rrjetet sociale, në faqen zyrtare të këtij materniteti, ndërsa theksohet puna e tyre e palodhur, thuhet se ato mbajnë njëkohësisht edhe vetë bekimin më të madh.
    “Nga duart që kujdesen për jetën, tek zemrat që mbajnë jetë brenda tyre. Në maternitetin ‘Mbretëresha Geraldinë’, 10 mami po përjetojnë së bashku mrekullinë e shtatzënisë.
    Ato që çdo ditë kujdesen me përkushtim maksimal për gruan, nënën dhe foshnjën, sot mbajnë edhe vetë bekimin më të madh, jetën brenda tyre. Një dhuratë e rrallë që na emocionon të gjithëve!”, shkruhet në postim.

     

  • Nga traumat e fëmijërisë në yll të Barcelonës, rrëfimi i jashtëzakonshëm i Lamine Yamal

    Nga traumat e fëmijërisë në yll të Barcelonës, rrëfimi i jashtëzakonshëm i Lamine Yamal

    Me gala-në e “Topit të Artë” gjithnjë e më pranë dhe sezonin e ri që sapo ka nisur, Lamine Yamal ka rrëfyer historinë e tij personale dhe profesionale në podcastin “Resonancia de Corazón”.
    Familja: “Gjyshja ime arriti e vetme në Spanjë nga Maroku duke u futur fshehurazi në një autobus. Ajo punoi për të mundësuar ardhjen e babait tim. Nëna ime erdhi me gjyshen nga Guinea. Prindërit e mi u takuan në Barcelonë dhe filluam të jetonim në një rezidencë për prindër të rinj. U rrita aty, ishte një mensë ku na jepnin ushqim të gjithëve. Më pas kemi jetuar në dhoma që linin miqtë, deri sa prindërit u ndanë”.
    Ndryshimi i jetës: “U vendosëm në një apartament ku kuzhina dhe dhoma ishin e njëjta. Tani e shoh nënën time të lumtur, vëllain që ka fëmijërinë që unë do të kisha dashur, babain në qetësi dhe gjyshen po ashtu. Nëna është mbretëresha ime, ajo është gjithçka që një fëmijë mund të kërkojë”.
    Shkolla dhe marrëdhënia me nënën: “Viti i parë shkoi mirë, në të dytin hasa vështirësi, sepse nuk isha mësuar me njerëz nga rangje të ndryshme shoqërore. Më pas nuk ndihesha mirë në klasë. Iu thashë prindërve: Nëse varet nga ju që të punoj, jemi të humbur. Nëse doni që të bëhem futbollist, rrini të qetë, sepse do të bëhem futbollist. Nëna më tha se nuk do të luaja nëse nuk studioja. Një ditë i thashë: Mami, do të shkoj në shkollë, por nuk do të bëj asgjë. Do të përgatitem për stërvitje pasdite. Më tha çfarë po flisja dhe çfarë kisha pirë… I thashë: Nëse përqendrohem, do të bëhem futbollist. Nuk e binda dot, më qortoi çdo ditë, madje edhe kur debutova si futbollist profesionist”.

    “Mbretëresha” e tij: “Mamaja nuk mund të ishte shumë me mua, sepse punonte, por gjithmonë e përgatitste darkën. I bleva një shtëpi, është mbretëresha ime dhe e meriton gjithçka. Kujtoj kur më bleu ‘PlayStation 4’, që për mua ishte gjithçka. Tani luaj shumë në ‘PlayStation 5’. Mund të kem vilën më të madhe, por gjithsesi do të rrija në dhomën e playstation-it”.
    Tashmë është yll botëror: “Jeta ime ka ndryshuar në çdo aspekt. Më parë mund të bëja çfarë doja; të dilja me shokët, ta shijoja kohën, por tani nuk mundem më. Kujtoj turneun e kësaj vere në Kore, Japoni dhe Kinë; ishte e pamundur të dilja kudo, por jam i lumtur”.
    Sulmi ndaj babait: “Isha në makinë duke ardhur nga blerja e rrobave me kushëririn tim. Më telefonoi kushërira dhe më tregoi. I thashë babait të qetësohej dhe më pas e vizitova në spital. Ishin momente të vështira, por vazhdova stërvitjet”.
    Racizmi: “A keni parë ndonjëherë një person të zi të fyejë një të bardhë në rrugë? Jo. Ka njerëz që ndoshta janë rritur keq, por nuk më shqetëson”.