Lajmidites.com

Tag: mbrëmje

  • Sherr për arratisjen e papagallit, vritet polici

    Sherr për arratisjen e papagallit, vritet polici

    Bota E Martë, 19 Gusht 2025 20:41
    Një papagalli besohet se ka shkaktuar grindjen që u përshkallëzua të hënën në mbrëmje, duke kulmuar me vrasjen e një inspektori të policisë në Napoli të Italsië. Mediat vendase raportojnë se Ciro Luongo, 58 vjeç u godit me thikë në zemër nga djali i partneres së tij. Të dy kishin pasur një mosmarrëveshje të gjatë dhe të hënën në mbrëmje, grindja kulmoi me vrasjen.
    Sipas mediave fqinje, 21-vjeçari Roberto Marchese iku pas krimit dhe u arrestua më vonë. Policia zbuloi gjithashtu mori në pyetje edhe djalin e oficerit të policisë së vrarë dhe partneren e tij.

    Hetuesit besojnë se tragjedia u shkaktua nga mungesa e vëmendjes së djalit të bashkëshortes së viktimës. I riu dyshohet se e la papagallin të ikte pa mbyllur dritaren në ballkonin e dhomës së gjumit. Kur oficeri e vuri re, shpërtheu një grindje, e cila u përshkallëzua në fyerje, abuzime dhe një goditje me një thikë 30 centimetra në gjoks.

  • “Policët po plagosen çdo ditë”, Vuçiç përballet me protestat më të mëdha në Beograd

    “Policët po plagosen çdo ditë”, Vuçiç përballet me protestat më të mëdha në Beograd

    Policia e Serbisë përdori gaz lotsjellës dhe automjete për kontrollin e turmës të premten në mbrëmje në Beograd, për të shpërndarë protestuesit antiqeveritarë të cilët hodhën fishekzjarre dhe flakë të forta ndaj oficerëve të policisë, në atë që shihet si një përshkallëzim i madh i protestave nëntëmujore.
    Protestuesit u mblodhën rreth orës 8 të mbrëmjes përpara ndërtesës së selisë së ushtrisë që u bombardua në vitin 1999 nga NATO. Disa orë më vonë ata filluan të hedhin flakë të forta ndaj oficerëve të policisë, shkruan A2.
    Kontejnerët e mbeturinave u përmbysën dhe iu vunë flakë. Policia hodhi bombola gazi lotsjellës për të larguar protestuesit.
    Protesta u mbajtën në disa qytete të tjera – Novi Sad, Nish, Kragujevac dhe Valjevo. Gaz lotsjellës u përdor edhe në Nish. Nuk kishte shifra zyrtare se sa njerëz u plagosën.
    Vala e protestave në të gjithë Serbinë, vjen si pasojë e vdekjes së 16 personave kur një çati në një stacion hekurudhor të rinovuar në Novi Sad u shemb. Protestat kanë tronditur Presidentin Aleksandar Vuçiç dhe partinë e tij SNS. Protestat kanë qenë kryesisht paqësore deri të mërkurën në mbrëmje, kur 27 oficerë policie dhe rreth 80 civilë u plagosën në përleshje, dhe 47 persona u arrestuan.
    “Çdo mbrëmje ne vendosim 3,000 policë në të gjithë Serbinë, ata po rrihen dhe po plagosen”, tha Vuçiç për RTS TV më herët të premten.
    Protestuesit kanë fajësuar korrupsionin për katastrofën e stacionit hekurudhor të Novi Sadit dhe po kërkojnë zgjedhje të parakohshme me shpresën për të rrëzuar Vuçiçin dhe partinë e tij.
    Studentët, grupet e opozitës dhe organet mbikëqyrëse kundër korrupsionit kanë akuzuar Vuçiçin dhe aleatët e tij për lidhje me krimin e organizuar, përdorimin e dhunës kundër rivalëve politikë dhe shtypjen e lirive të medias – akuza që ata i mohojnë.

  • ‘Policët po plagosen çdo ditë’, Vuçiç përballet me protestat më të mëdha në Beograd

    ‘Policët po plagosen çdo ditë’, Vuçiç përballet me protestat më të mëdha në Beograd

    Policia e Serbisë përdori gaz lotsjellës dhe automjete për kontrollin e turmës të premten në mbrëmje në Beograd, për të shpërndarë protestuesit antiqeveritarë të cilët hodhën fishekzjarre dhe flakë të forta ndaj oficerëve të policisë, në atë që shihet si një përshkallëzim i madh i protestave nëntëmujore.

    Protestuesit u mblodhën rreth orës 8 të mbrëmjes përpara ndërtesës së selisë së ushtrisë që u bombardua në vitin 1999 nga NATO. Disa orë më vonë ata filluan të hedhin flakë të forta ndaj oficerëve të policisë.

    Kontejnerët e mbeturinave u përmbysën dhe iu vunë flakë. Policia hodhi bombola gazi lotsjellës për të larguar protestuesit.

    Protesta u mbajtën në disa qytete të tjera – Novi Sad, Nish, Kragujevac dhe Valjevo. Gaz lotsjellës u përdor edhe në Nish. Nuk kishte shifra zyrtare se sa njerëz u plagosën.

    Vala e protestave në të gjithë Serbinë, vjen si pasojë e vdekjes së 16 personave kur një çati në një stacion hekurudhor të rinovuar në Novi Sad u shemb. Protestat kanë tronditur Presidentin Aleksandar Vuçiç dhe partinë e tij SNS. Protestat kanë qenë kryesisht paqësore deri të mërkurën në mbrëmje, kur 27 oficerë policie dhe rreth 80 civilë u plagosën në përleshje, dhe 47 persona u arrestuan.

    ‘Çdo mbrëmje ne vendosim 3,000 policë në të gjithë Serbinë, ata po rrihen dhe po plagosen’, tha Vuçiç për RTS TV më herët të premten.

    Protestuesit kanë fajësuar korrupsionin për katastrofën e stacionit hekurudhor të Novi Sadit dhe po kërkojnë zgjedhje të parakohshme me shpresën për të rrëzuar Vuçiçin dhe partinë e tij.

    Studentët, grupet e opozitës dhe organet mbikëqyrëse kundër korrupsionit kanë akuzuar Vuçiçin dhe aleatët e tij për lidhje me krimin e organizuar, përdorimin e dhunës kundër rivalëve politikë dhe shtypjen e lirive të medias – akuza që ata i mohojnë.  

  • Trump dërgon Gardën Kombëtare në rrugët e Uashingtonit mes kritikave për grusht institucional ndaj policisë

    Trump dërgon Gardën Kombëtare në rrugët e Uashingtonit mes kritikave për grusht institucional ndaj policisë

    Garda Kombëtare ka nisur vendosjen në rrugët e kryeqytetit amerikan që nga e marta në mbrëmje, një ditë pasi ish-presidenti Donald Trump urdhëroi dislokimin e saj dhe mori kontrollin e forcave lokale të policisë në Uashington DC, duke e quajtur qytetin “pa ligj” — një deklaratë që bie ndesh me të dhënat zyrtare, të cilat tregojnë se krimi i dhunshëm është në nivelin më të ulët të 30 viteve të fundit.

    Një zëdhënës i Shtëpisë së Bardhë konfirmoi se pjesëtarët e Gardës Kombëtare do të jenë të pranishëm në rrugët e qytetit duke filluar nga e marta në mbrëmje. Sipas zyrtarëve të mbrojtjes, një numër i vogël i afro 800 pjesëtarëve të Gardës janë mobilizuar, ndërsa të tjerë pritet të mbërrijnë në ditët në vijim, sipas The Guardian.
    Sipas Shtëpisë së Bardhë, rreth 850 oficerë dhe agjentë federalë morën pjesë në një “operacion masiv sigurie” të hënën në mbrëmje në DC, ku u arrestuan 23 persona për akuza që përfshinin vrasje, armëmbajtje pa leje, shpërndarje narkotikësh, shkelje të tarifave të transportit publik, akte të turpshme dhe përndjekje.
    “Ky është vetëm fillimi,” deklaroi sekretarja për shtyp Karoline Leavitt. “Në muajin që vjen, administrata Trump do të ndjekë dhe arrestojë çdo kriminel të dhunshëm që shkel ligjin dhe rrezikon sigurinë publike në DC.”
    Leavitt shtoi se gjashtë armë zjarri ilegale u sekuestruan gjatë operacionit të natës. Ajo gjithashtu theksoi se personat e pastrehë do të kenë mundësinë të dërgohen në strehimore dhe të marrin ndihmë për varësi ose shëndet mendor — por, nëse refuzojnë, do të përballen me gjoba ose burg, duke u bazuar në ligje ekzistuese që më parë nuk janë zbatuar.
    Reagime të ashpra dhe shqetësime për ndërhyrjen federale
    Kryebashkiakja e Uashingtonit, Muriel Bowser, u shpreh se pret që Garda Kombëtare të vendoset vetëm në prona federale si parqe, monumente dhe ndërtesa qeveritare, por paralajmëroi se kjo mund të ndryshojë.
    Bowser, e cila ka ruajtur një marrëdhënie të kujdesshme me Trump që prej rikthimit të tij në pushtet në janar, theksoi se do të bashkëpunojë me autoritetet federale për të përfituar nga burimet shtesë në luftën kundër krimit. “Qëllimi ynë është të sigurojmë që të gjitha forcat shtesë të përdoren në mënyrë efikase për të ulur krimin në qytet,” deklaroi ajo.
    Megjithatë, kryebashkiakë të tjerë demokratë në qytete të mëdha kanë reaguar ashpër, duke paralajmëruar kundër zgjerimit të këtij operacioni në qytete si Çikago, Los Anxhelos, Nju Jork, Baltimore dhe Oakland — qytete që Trump i cilësoi si “jashtë kontrollit”.
    Lëvizja e Trump është kritikuar gjerësisht si një kapje autoritare e pushtetit, që cenon autonominë e qeverisjes lokale në DC dhe shërben për të shpërqendruar vëmendjen publike nga skandale të tjera, përfshirë çështjen e dosjeve të Jeffrey Epstein.

    Top Channel

  • Sot në Udine Superkupa e Europës PSG- Totenhem

    Sot në Udine Superkupa e Europës PSG- Totenhem

    Në Udine të Italisë këtë mbrëmje të 13 gushtit 2025 radha e Superkupës së Europës. Në fushë me fillim orën 21:00 fituesi i Champions League PSG dhe ai i Europa League Totenhem. Një finale e cila luhet në “Bluenergy Stadium”, kapaciteti i të cilit shkon afrë të 30 mijë ulëse.

    Italia pret përsëri një finale evropiane sonte në mbrëmje në stadiumin Bluenergy në Udine, ku Paris Saint-Germain dhe Totenhem Hotspur do të garojnë në edicionin e pesëdhjetë të Superkupës Evropiane.

    Ky është trofeu kontinental që hap zyrtarisht sezonin e futbollit duke vënë përballë njëri-tjetrit fituesit e Ligës së Kampionëve dhe Ligës së Europës. Real Madridi i Ançelotit fitoi vitin e kaluar, duke mposhtur Atalantën 2-0 me golat e Valverde dhe Mbape.

    Prej disa ditësh Udine është nën izolim: masat maksimale të sigurisë janë vendosur për ndeshjen, e cila klasifikohet si me rrezik jashtëzakonisht të lartë për shkak të numrit të madh të tifozëve nga Franca dhe Anglia. Gjyqtari portugez Zhoao Pinjeiro do të drejtojë ndeshjen ecila nis në orën 21:00.

    Vazhdo leximin

  • Dua Lipa dhe i fejuari i saj shijojnë jetën e natës në Prishtinë

    Dua Lipa dhe i fejuari i saj shijojnë jetën e natës në Prishtinë

    Vetëm pak ditë përpara performancës së saj në festivalin “Sunny Hill 2025”, ylli me origjinë shqiptare, Dua Lipa, ka zgjedhur të shijojë atmosferën e verës në Prishtinë, larg skenës dhe reflektorëve.
    Të mërkurën në mbrëmje, këngëtarja shumë e dashur për publikun shqiptar është parë në një nga ambientet më të njohura të kryeqytetit, në shoqërinë e të fejuarit të saj, aktorit britanik Callum Turner. Të dy janë fotografuar në një mbrëmje relaksuese, në praninë e disa miqve të afërt dhe mes koktejve verorë që i kanë dhënë tonin natës prishtinase.
    Dua, si zakonisht, ka spikatur me stilin e saj elegant dhe prezencën karizmatike, duke tërhequr vëmendjen e të pranishmëve me natyrshmërinë dhe buzëqeshjen e saj të njohur. Dëshmitarë nga vendi i ngjarjes tregojnë se çifti ka qenë tepër i afërt dhe i përkushtuar ndaj njëri-tjetrit, duke reflektuar një lidhje të qetë e të qëndrueshme.

  •  Pjesë të rralla të folklorit arbëresh të Siçilisë, si dhe këngë të muzikës arbëreshe në një mbrëmje muzikore

     Pjesë të rralla të folklorit arbëresh të Siçilisë, si dhe këngë të muzikës arbëreshe në një mbrëmje muzikore

    Nga Julia Vrapi
    Folklori, por dhe këngë të muzikës arbëreshe erdhën në një mbrëmje muzikore në Pazarin e Vjetër në Korçë. Kjo mbrëmje muzikore solli për të pranishmit një program të pasur, ndërsa pjesë e saj ishte edhe fizarmoniçisti arbëresh Pierpaolo Petta nga Piana degli Albanesi (Siçili). Fundjava që lamë pas solli në Pazarin e Vjetër të qytetit të Korçës një udhëtim muzikor nga zemra e Arbërisë, aktivitetin “ArbNight – Ethno Pulse”. Qendra për Hapje dhe Dialog shprehet se solli interpretime të veçanta. “Mbrëmja e 26 korrikut solli në Pazarin e Vjetër një udhëtim muzikor nga zemra e Arbërisë, mes tingujve të historisë dhe atmosferës magjike të rrugicave korçare.
    Publiku u magjeps nga interpretimet e veçanta të fizarmonicistit arbëresh Pierpaolo Petta nga Piana degli Albanesi (Siçili), i shoqëruar nga këngëtari Bledi Polena, kitaristi Nuçiel Doko dhe bateristi Edison Labi”, thuhet nga Qendra për Hapje dhe Dialog -COD. Në këtë mbrëmje muzikore u risollën pjesë të rralla të folklorit arbëresh të Siçilisë, si dhe këngë të dashura të muzikës arbëreshe, duke e bërë sipas COD këtë mbrëmje të paharrueshme për qytetarët dhe turistët që qëndruan për ta shijuar deri në fund. “Një natë ku çdo hap kishte një kujtim dhe çdo tingull një origjinë – një natë që foli arbërisht!”, thuhet nga organizatorët për këtë mbrëmje. Ky aktivitet këtë mbrëmje korriku u organizua nga Qendra e Artit, Kulturës dhe Inovacionit, në bashkëpunim me COD-in (Qendra për Hapje dhe Dialog) si dhe me mbështetjen e Bashkisë Korçë.
    Kjo mbrëmje muzikore në Korçë solli fizarmonicistin arbëresh Pierpaolo Petta nga Piana degli Albanesi (Siçili), i cili është i njohur për aktivitetin e tij muzikor. Pierpaolo Petta, një muzikant dhe kompozitor arbëresh ka lindur në Palermo në vitin 1978, por jeton midis qytetit të Horës së Arbëreshëve (Piana degli Albanesi) dhe qytetit të Palermos me të cilin është i lidhur fort. Hora e Arbëreshëvet ( Piana degli Albanesi) është një qytezë arbëreshe në krahinën e Palermos, të rajonit të Siçilisë në Itali. Ajo njihet si një nga bashkësitë më të mëdha e komuniteteve historike shqiptare të Italisë, qendra më e rëndësishme dhe më e populluar e arbëreshëve të Siçilisë.
    Mbrëmja arbëreshe në vijim të aktiviteteve të tjera
    Pjesë të rralla të folklorit arbëresh të Siçilisë, si dhe këngë të muzikës arbëreshe erdhën në një mbrëmje muzikore, që është në vijim dhe të tjera aktiviteteve që janë zhvilluar këtë sezon në qytetin e Korçës. Kryetari i Bashkisë së Korçës Sotiraq Filo ndau në rrjet sociale  foto të kësaj mbrëmje muzikore. “Pazari i Vjetër u mbush me tingujt e traditës dhe emocionin e një historie të përbashkët, aty ku guri mban kujtesën dhe muzika zgjon shpirtin.“ ArbNight – Ethno Pulse” solli një atmosferë unike, ku të gjithë së bashku kënduam në gjuhën e të parëve. Një natë që dëshmoi edhe një herë se Korça është djep i kulturës dhe një vend ku identiteti ruhet, rritet dhe frymëzon brezat”, shprehet Filo për këtë mbrëmje muzikore.  Përgjatë sezonit turistik të verës qyteti i Korçës tërheq dhe vëmendjen e qindra turistëve dhe në vijim të aktiviteteve këtë verë ishte dhe festivali i muzikës elektronike “Lumina”, që u rikthye  në edicionin e tij të dytë. Ai u mbajt në Parkun Rinia të qytetit.

  • Një mbrëmje magjike në Kala: Koncerti falas i Armend Rexhepagiqit në Ulqin

    Një mbrëmje magjike në Kala: Koncerti falas i Armend Rexhepagiqit në Ulqin

    Armend Rexhepagiqi, një nga artistët më të dashur të muzikës shqiptare, do të ngjitet në skenën e Kalasë së Ulqinit për një koncert të jashtëzakonshëm që pritet të mbledhë artdashës nga e gjithë rajoni dhe diaspora. Koncerti do të zhvillohet në mjedisin historik të Kalasë, duke filluar nga ora 21:30, dhe hyrja do të jetë falas për të gjithë ata që duan të shijojnë këtë mbrëmje të paharrueshme.

    Ky aktivitet është pjesë e manifestimit tradicional “Ditët e Diasporës”, i organizuar nga Komuna e Ulqinit, me mbështetje nga Ministria e Diasporës, Organizata Turistike dhe Qendra për Kulturë.

    Përveç performancës muzikore, mbrëmja do të ofrojë një atmosferë magjike, e përshtatshme për çdo adhurues të muzikës dhe kulturës shqiptare. Mos e humbisni këtë mundësi për të kaluar një natë të veçantë në një nga vendet më historike të qytetit të Ulqinit!/KultPlus.com

  • Me 6 mijë tifozë në krah, Vllaznia vë në jetë një kryevepër, por në Reikjavik tani duhet një mrekulli

    Me 6 mijë tifozë në krah, Vllaznia vë në jetë një kryevepër, por në Reikjavik tani duhet një mrekulli

    Nuk ishin favorit ndaj Vikingur Reikjavik, por me 6 mijë tifozë në krah, Vllaznia vë në jetë një kryevepër të vërtetë, arrin një fitore me përmbysje 2-1 ndaj ekipit islandez duke mbajtur të gjallë objektivin për t’u kualifikuar në raundin e tretë të Conference League. Edi Martini shpresonte që në këtë sfidë, me ndihmën e tifozëve, me shpresën në zot dhe me pak fat, të fitonin në “Loro Boriçi”, Vllanzia e tij i kishte të gjitha këto duke e kthyer në festë për qytetin e Shkodrës këtë takim të parë ndaj Vikingur. Pas festës tani është koha të ribëjnë edhe një herë llogaritë, të vetëdijshëm se në Reikjavik duhet një mrekulli edhe më e madhe për të synuar kualifikimin.
    Ishte e qartë që islandezët vinin në Shkodër me stofin e një ekipi favorit, por për fat të keq, Vllaznia u ndëshkua shpejt pas vetëm 10 minutash, ku Gunnarsson me kokë në shtyllën e dytë mposhti portierin Jukaj. Ky gol krijoi iluzionin se tifozët shkodran do të përjetonin një mbrëmje të errët, por djemtë e Edi Martinit treguan karakter, nuk u dorëzuan, por filluan duke fituar terren minutë pas minute. Esat Mala në një mbrëmje të madhe tentoi në disa momente të krijonte raste të rrezikshme, si në minutën e 23-të. Në fundin e pjesës së parë, Mala reklamoi një 11-metërsh për faull në zonë, por nuk e konsideroi të tillë gjyqtari i takimit. Në vijimet e këtij aksioni, Vllaznia ishte me fat ku Vikingur iu afrua golit të dytë.

    Me fat ishin edhe me fillimin e pjesës së dytë, ku goditja e Gudjonson nga distanca u stampua në traversë. Me kalimin e minutave, të shtyrë edhe nga tifozët, Vllaznia ishte më prezentë në zonë, ku fillimisht Balaj tentoi me një diagonale, por goditja e kapitenit shkoi ngjitur me shtyllën pingule.
    Në minutën e 66-të, gjatë zhvillimeve të një goditje këndi, Bajrami në zonë fitoi duelin ajror dhe me kokë barazoi shifrat në 1-1. Për të kompletuar këtë mbrëmje të madhe mendoi Esat Mala, me mesfushorin kuqeblu që në minutën e 74-ët me një goditje shumë të bukur nga distanca përmbysi rezultatin duke bërë që Shkodra të shpërthente në festë.
    Me këtë avantazh të rëndësishëm në “xhep”, Vllaznia administroi si duhet pjesën e mbetur të takimit duke i dhënë jetë një objektivi shumë të rëndësishëm, kualifikimin për në turin e tretë të Conference League.
    ()
     

  • Një mbrëmje e paharrueshme në zemër të Tetovës: Festë e pasur kulturore dhe folklorike shqiptare

    Një mbrëmje e paharrueshme në zemër të Tetovës: Festë e pasur kulturore dhe folklorike shqiptare

    Në zemër të Tetovës, nën ngjyrat kuqezi, u zhvillua një mbrëmje e veçantë kushtuar trashëgimisë kulturore shqiptare.

    Ansamblet kombëtare sollën në skenë disa nga perlat e folklorit, përballë një publiku entuziast që duartrokiti me emocion çdo këngë e valle.

    Programi i kuruar me kujdes përçoi frymën e unitetit dhe krenarisë kombëtare, duke bashkuar shqiptarët përtej kufijve në një festë të gjallë me ritme, ngjyra dhe traditë./liberale/