Lajmidites.com

Tag: mbjellë

  • Lumi Osum fundos tokat bujqësore, banorët: S’kemi ushqim për bagëtitë! Shteti të na ndihmojë

    Lumi Osum fundos tokat bujqësore, banorët: S’kemi ushqim për bagëtitë! Shteti të na ndihmojë

    Reshjet kanë sjellë përmbytje në toka bujqësore e sera në fshatrat Veterrik e Goriçan të bashkisë Dimal. Dëmet janë kolosale. Sera të përmbytura, perime të mbuluara nga balta, bagëti e kafshë shtëpiake pa ushqim.
    ”Kemi probleme shumë. Janë përmbytur 2 dynym e gjysmë jonxhë, 2 dynym e gjysmë hasëll, perkë, koçkull janë mbytur. Ka dhe dali 1 dynym me kallinj. Unë 120 mijë lekë kam pension. Ishte ushqimi për kafshët. 2 vite që nuk ishim përmbytur. Ka ardhur 2 herë këtë vit. Tokat janë nën ujë. Kam 10 dynym që i kam mbjellë. Me 120 mijë lekë çfarë të bëj, të kujdese për vajzën apo të ushqehem. Kërkojmë ndihmë nga shteti se kam vajzën e sëmurë”, thotë Dallëndyshe Delibashi. Banorët pohojnë se serat e tyre u përmbytën tërësisht nga uji dhe i gjithë prodhimi i mbjelle në to, është shkatërruar i gjithi.

    “Uji ka shkatërruar gjithçka, serat janë të mbuluara të gjitha nga uji, prodhimi që mbollëm u dëmtua i gjithi dhe ishte në fazën e vjeljes. Na është bërë një dëm shumë i madh dhe do na duhen të paktën 2-3 muaj që të presim tharjes e serave për ti mbjellë prapë. Uji na mori para edhe foragjeret e bagëtive dhe çdo perime e mbjellë është nën ujë. Kemi disa ditë të përmbytur por deri më sot askush nga bashkia nuk ka ardhur, as të na shohë e as të përllogarit dëmet”, shprehen banorët.

    Ata i bëjnë apel për ndihmë shtetit, duke deklaruar se këto përmbytje i rrënuan ekonomikisht dhe me sytë nga qielli. ”Na është përmbytur, grurë, misër, jonxhë. 3-4 hektarë tokë janë përmbytur. Bagëtitë duan të hanë, ushqimin nuk e marr dot. Ushqimi u mbyt i gjithi. Askush nuk ka ardhur. Të gjithë këtë problem. Dje mbolla grurin u përmbyt. Sa herë që vjen lumi përmbytemi. Argjinaturat nuk i kanë bërë”, tha Bujar Margjonaj.

  • Von der Leyen: Evropa s’do lejojë Rusinë të mbjellë përçarje dhe ankth

    Von der Leyen: Evropa s’do lejojë Rusinë të mbjellë përçarje dhe ankth

    Presidentja e Komisionit Evropian, Ursula von der Leyen, ka thënë se Evropa nuk do ta lejojë Rusinë të “mbjellë përçarje dhe ankth”.
    Duke folur për gazetarët para bisedimeve të liderëve të BE-së që po zhvillohen në Danimarkë, Von der Leyen ka theksuar një “model” sjelljeje pas një vale dronësh në të gjithë Danimarkën.
    “Është një model dhe ky model po vjen nga Rusia”, ka thënë von der Leyen teksa po fillonin bisedimet e mbrojtjes në Kopenhagen.

    “Rusia përpiqet të na testojë, por Rusia gjithashtu përpiqet të mbjellë përçarje dhe ankth në shoqëritë tona. Ne nuk do ta lejojmë që kjo të ndodhë”, ka shtuar ajo.
     

  • Ursula von der Leyen: Evropa nuk do ta lejojë Rusinë të ‘mbjellë’ përçarje dhe ankth

    Ursula von der Leyen: Evropa nuk do ta lejojë Rusinë të ‘mbjellë’ përçarje dhe ankth

    Presidentja e Komisionit Evropian, Ursula von der Leyen, ka thënë se Evropa nuk do ta lejojë Rusinë të “mbjellë përçarje dhe ankth”.
    Duke folur për gazetarët para bisedimeve të liderëve të BE-së që po zhvillohen në Danimarkë, Von der Leyen ka theksuar një “model” sjelljeje pas një vale dronësh në të gjithë Danimarkën.
    “Është një model dhe ky model po vjen nga Rusia”, ka thënë von der Leyen teksa po fillonin bisedimet e mbrojtjes në Kopenhagë.
    “Rusia përpiqet të na testojë, por Rusia gjithashtu përpiqet të mbjellë përçarje dhe ankth në shoqëritë tona. Ne nuk do ta lejojmë që kjo të ndodhë”, ka shtuar ajo.

  • Rama imiton Velianj: Një pemë për çdo karrige që lokalet duan të mbajnë në hapësirat publike

    Rama imiton Velianj: Një pemë për çdo karrige që lokalet duan të mbajnë në hapësirat publike

    Kryeministri Edi Rama ka ndarë një tjetër video nga aksioni i prishjes së objekteve të IKMT. Por kësaj radhe paralajmëroi një risi ku thotë se nëse lokalet që duan të mbajnë tavolina jashtë, do të duhet të mbjellin një pemë për çdo karrige në hapësirën e kufizuar.
    “Atyre që shqetësohen për karriget u them bëni durim, shpejt u vjen radha së bashku me kushtet e reja për vendosje karrigesh jashtë, por si fillim mund të them se për çdo karrige në hapësirën e kufizuar publike, do të duhet të kontribuohet me një pemë në Fondin e Gjelbërt që do të krijojë qeveria e re”, shkruan Rama.
    Nisma e Ramës sjell menjëherë në mendje “sportin” e preferuar të ish-kryebashkiakut të Tiranës, Erion Veliaj, i cili përnatë dilte nëpër kronika duke mbjellë pemë, ndërkohë që pas shfaqjes publike vijonte betonizimi i kryeqytetit. Mesa duket, edhe ky ritual propagandistik nuk paska qenë ekskluzivitet i Veliajt, por një recetë që tani po e përdor edhe Rama.
    Nëse qëllimi i aksionit paszgjedhor është lirimi i hapësirave publike, mbetet e paqartë se si do të funksionojë logjika kur një lokal, duke mbjellë disa pemë, mund të pushtojë sërish trotuarin me karrige.
    A do të jetë kjo metoda e radhës për të amnistuar disa biznese të justifikojnë karriget në hapësirat e përbashkëta?! Të shpresojmë që jo. Por që të jetë transparente deri në fund, taksirat i kryeminiatrit të dalë në terren me ta të mbjellë pemë… të paktën Veliaj kështu bënte.

  • Makabër/ Vrasja dhe groposja e një personi në një arë të mbjellë me misër, arrestohet autori i dyshuar

    Makabër/ Vrasja dhe groposja e një personi në një arë të mbjellë me misër, arrestohet autori i dyshuar

    Shtetasi me iniciale akuzohet për vrasje me dashje. Një person është vënë në pranga nën dyshimin për vrasjen dhe groposjen e një shtetasi në fshatin Baicë të Lipjanit, disa ditë më parë.
    Njoftimi i Policisë:
    “Si rrjedhojë e angazhimeve intensive hetimore, sot nga Njësiti i Hetimeve të Përgjithshme – Prishtinë, është arrestuar një person i dyshuar: T.K, mashkull, shtetas i Republikës së Kosovës, për rastin vrasje që ka ndodhur në fshatin Baicë të Lipjanit”.
    Enver Bajraktari u gjet i vdekur dhe groposur më 5 gusht në një arë të mbjellë me misër në Baincë të Lipjanit.

  • Misteri i pemës së mbjellë nga Naim Frashëri, e habitshme se si edhe sot ende lulëzon

    Misteri i pemës së mbjellë nga Naim Frashëri, e habitshme se si edhe sot ende lulëzon

    Një pemë e madhe e piperit në zemër të Sarandës është mbjellë nga dora e shkrimtarit Naim Frashëri dhe këto nuk janë vetëm disa rreshta në librin e të ndjerit Moikom Zeqo.

    “Shqiptarja.com” shkruan se banorët e thonë mes njëri- tjetrit si në formë gojëdhëne, por ky është një fakt, pohon Jashar Bello, përgjegjës i Gjelbërimit në Bashkinë e Tiranës.

    Bello tha se pema është 145-vjeçare dhe është mbjellë në kohën kur Naim Frashëri punonte doganier në këtë qytet.

    Pavarësisht moshës, për zyrtarin e bashkisë ajo është në gjendje jo shumë të keqe, por kjo nuk është meritë e institucioneve vendore në Sarandë, të cilat janë “kursyer” në shërbimet që i kanë bërë, pavarësisht vlerës dhe rëndësisë së veçantë që ajo mbart, sipas tij.

    “Disa krasitje, spërkatje i janë bërë si për ta mbajtur të gjallë, e që të mos ketë fatin e ‘simotrës’ së saj, e cila u pre pas viteve ’90”, u shpreh Bello. “Kjo lloj peme dekorative është mbjell nga Naimi, i cili ka punuar në doganën e Sarandës rreth 145 vjet më parë. Përveç kësaj peme të piperit, Naimi ka sjellë edhe buganvilen, që i themi lulja e Sarandës. Nga kjo lloj peme kemi mbjellë dhe 5 të tjera te shëtitorja e re që po bëhet, por nuk kanë vlerat e saj. Kjo lloj peme e mbyll ciklin biologjik tek kokrra, ndërsa pemët e reja nuk arrijnë të krijojnë kokrra, e mbyllin ciklin te lulëzimi”, u shpreh Bello.

    Për të shkuar deri te kjo pemë, mund të orientohesh vetëm nga banorët e zonës, pasi nuk ka një tabelë që e identifikon atë apo që rrëfen historinë e saj të mbjell nga poeti i madh i Rilindjes Kombëtare.

    “Do të përmend me nderim mikun tim, shkencëtarin e bujqësisë Ahmet Osja, i cili qe i pari që më kumtoi se në qytetin e Sarandës ndodhen dy drurë piperi, këto drurë ishin sjellë në formë fidanësh nga Maroku dhe qenë mbjellë nga duart e Naim Frashërit”, shkruan Moikom Zeqo në librin “Syri i Tretë” i botuar më 2001.

  • Trupi u gr@pos në arën e mbjellë me misër/ Zbardhen detaje nga vr@sja e Enver Bajraktarit

    Trupi u gr@pos në arën e mbjellë me misër/ Zbardhen detaje nga vr@sja e Enver Bajraktarit

    Gazeta “KOHA JONË” themeluar si e pavarur më datë 11 Maj 1991
    Botues: Nikoll LESI. Adresa e redaksisë: Rruga “Sami Frasheri”, Pallatet e Aviacionit të Vjetër Nr. 2, TIRANA – ALBANIA

  • Për dy dekada ka mbjellë mbi 41 mijë pemë në parkun e Sao Paulos, historia domethënëse e Helio da Silvas

    Për dy dekada ka mbjellë mbi 41 mijë pemë në parkun e Sao Paulos, historia domethënëse e Helio da Silvas

    Me origjinë nga qyteti i Promissao, rreth 500 km nga Sao Paulo, Helio da Silva ishte një drejtues biznesi i suksesshëm për shumë vite, por pasi doli në pension, ai mori përsipër të transformonte brigjet e degraduara të lumit Tiquatira në një oaz të gjelbër për komunitetin e tij.
    73-vjeçari da Silva u shpreh së fundmi në një intervistë se donte t’i linte një trashëgimi qytetit që e “adoptoi” dekada më parë. Brenda katër viteve të para të projektit të tij epik, ai i vetëm mbolli 5,000 pemë në një zonë që ishte braktisur prej kohësh dhe dihej se frekuentohej nga tregtarët dhe përdoruesit e drogës.
    Vepra e tij mbresëlënëse e shtyu bashkinë eSao Paulos të vlerësonte përpjekjet e tij dhe ta njihte zonën si parkun e parë linear në Sao Paulo. Kjo vetëm sa e inkurajoi da Silvën, i cili vazhdoi të mbjellë pemë vendase.
    Deri në vitin 2020, Helio kishte mbjellë më shumë se 25,047 pemë në një zonë prej 3.2 km të gjatë, duke arritur një shkallë mbijetese prej 88 përqind. Për çdo 12 pemë, ai mbolli një lloj peme që bënte fruta me shpresën për të tërhequr zogj dhe kafshë në oazën e tij të gjelbër. Sot, Parku Linear Tiquatira numëron mbi 41,000 pemë individuale, dhe Helio da Silva nuk planifikon të ndalojë mbjelljen derisa të arrijë të paktën 50,000 prej tyre.
    “Motivimi im vjen nga vetë pemët, sepse pemët na japin lule dhe fruta, thithin ujin e shiut, tërheqin zogjtë dhe na ofrojnë hije të mrekullueshme dhe ajër të pastër”, tha da Silva për Common Earth.
    Helio shprehet se ka shpenzuar rreth 7,000 dollarë në vit për përpjekjet e tij për mbjelljen e pemëve që nga viti 2022, por nga sa e sheh ai, ishte një investim i vlefshëm për veten e tij, familjen e tij dhe të gjithë Sao Paulo-n. Dikur i etiketuar si i çmendur për kalimin e pjesës më të madhe të kohës së tij duke mbjellë pemë në një zonë që shumica e njerëzve e shmangnin, Helio da Silva tani cilësohet si një hero lokal. Ai ndonjëherë merr ndihmë nga dashamirës të natyrës me të njëjtat mendime, por ai është ende forca lëvizëse pas këtij projekti të mrekullueshëm./ TAR

  • Kishin mbjellë 194 bimë narkotike pranë banesës së tyre, arrestohen babë e bir në Tepelenë

    Kishin mbjellë 194 bimë narkotike pranë banesës së tyre, arrestohen babë e bir në Tepelenë

    Një rast i kultivimit të bimëve narkotike është zbuluar në fshatin Mezhgoran të Tepelenës, ku dy persona, babë e bir, janë arrestuar pasi dyshohet se kishin mbjellë 194 bimë të dyshuara cannabis sativa në afërsi të banesës së tyre.

    Gjatë kontrollit të zonës, u sekuestrua një sasi e vogël e bimëve si provë materiale, ndërsa pjesa tjetër u asgjësua nëpërmjet djegies në vendngjarje.
    Dy të arrestuarit janë shtetasit M. C., 64 vjeç, dhe E. C., 35 vjeç. Të dy do të përballen me akuzat për kultivim të paligjshëm të lëndëve narkotike.
    Kontrollet në territor do të vijojnë në ditët në vijim, me qëllim parandalimin e rasteve të ngjashme. Ndërkohë, materialet hetimore i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër për veprime të mëtejshme.

    Top Channel

  • Nis sezoni i bostanit, babë e bir në Frakull e kultivojnë prej 25 vitesh: Jemi të lidhur me tokën tonë

    Nis sezoni i bostanit, babë e bir në Frakull e kultivojnë prej 25 vitesh: Jemi të lidhur me tokën tonë

    Në njësinë administrative Frakull, këtë sezon janë përgjysmuar sipërfaqet e mbjella me bostan.

    Në krahasim me vitin e kaluar, ku u kultivuan mbi 220 hektarë, këtë vit janë mbjellë vetëm rreth 120 hektarë. Megjithatë, ka ende fermerë që nuk e kanë braktisur këtë kulturë, pavarësisht vështirësive me tregun dhe mungesës së fuqisë punëtore.
    Safet dhe Ermal Troka baba e bir, prej më shumë se 25 vitesh kultivojnë bostan në tokat e tyre. Këtë sezon ata kanë mbjellë mbi 30 dynym në sera dhe në fushë, duke synuar një prodhim prej 280 tonësh, i cili është i destinuar për eksport.
    “Ne si familje kemi 23 vite që mbjellim sharqi. Këtë vit kam mbjellë 15 dynym dhe po përgatis edhe 15 të tjerë. Edhe pse kemi pasur probleme me çmimet  para disa vitesh e kemi shitur dhe me 80 lekë  shpresojmë që këtë vit tregu të jetë më i mirë. Në sera kam rreth 15 ton sharqi, ndërsa në fushë edhe më shumë. Tani çmimi është 600-700 lekë për frut, një çmim i kënaqshëm për ne”, tha Ermal Troka.
    Luhatjet e çmimeve nuk janë i vetmi problem për fermerët. Mungesa e fuqisë punëtore është një tjetër sfidë serioze, që po ndikon në reduktimin e të mbjellave.
    “Kemi problem me krahun e punës, nuk ka punëtorë. Edhe sektori i luleshtrydhes vuan për këtë. Bostani, pavarësisht çmimit, shitet. Para dy vitesh e kam shitur me 300 lekë, vitin e kaluar edhe me 30 lekë. Po të ecë me çmim, është mirë. Unë prodhoj rreth 100 kuintal për dynym, dhe gjithçka shkon për eksport”, u shpreh Safet Troka.
    Pavarësisht sfidave, fermerët në Frakull nuk dorëzohen. Me punë, përkushtim dhe shpresë për një treg më të qëndrueshëm, ata vazhdojnë të kultivojnë një ndër kulturat më tradicionale të zonës: bostanin.

    Top Channel