Lajmidites.com

Tag: mbetjet

  • Hamasi: Do të lirojmë trupat e dy pengjeve të tjera

    Hamasi: Do të lirojmë trupat e dy pengjeve të tjera

    Hamasi ka thënë se do të lirojë mbetjet e dy pengjeve të tjera izraelite gjatë ditës së sotme.
    Sipas mediave të huaja, që citojnë krahun e armatosur të Hamasit, trupat do të dorëzohen në orën 9 të mbrëmjes me orën lokale, si pjesë e marrëveshjes së armëpushimit të Hamasit me Izraelin.
    Hamasi deri më tani ka kthyer trupat e 13 pengjeve të ndjera izraelite, me 41-vjeçarin Tal Haimi i fundit që u lirua mbrëmë.

    Izraeli thotë gjithashtu se mbetjet e 15 pengjeve të vdekura ende mungojnë.
    Kujtojmë se gjatë ditës së djeshme ka pasur përplasje të armatosura në Gaza, pasi Izraeli e akuzoi Hamasin për shkelje të marrëveshjes së armëpushimit.

  • Rrezikohet marrëveshja për Gazën? Një nga trupat e kthyer nga Hamasi nuk është peng izraelit

    Rrezikohet marrëveshja për Gazën? Një nga trupat e kthyer nga Hamasi nuk është peng izraelit

    Një nga katër trupat e dorëzuar nga Hamasi në Izrael gjatë natës nuk është identifikuar si peng izraelit.

    Sipas burimeve izraelite, mbetjet duket se janë ato të një palestinezi nga Gaza.
    Një tjetër burim thotë se Hamasi e ka identifikuar gabim trupin në vend që ta dërgojë qëllimisht atë të gabuarin.
    Gjatë një marrëveshjeje për pengje në shkurt të vitit 2025, Hamasi dorëzoi një trup që pretendonte se ishte ai i Shiri Bibas, nënës 32-vjeçare izraelite të rrëmbyer nga Kibbutzi Nir Oz me dy djemtë e saj të vegjël. Testet mjeko-ligjore më vonë zbuluan se mbetjet i përkisnin një gruaje palestineze, jo Bibas, një zbulim që Izraeli e dënoi si një shkelje të rëndë të kushteve të marrëveshjes. Hamasi i ktheu mbetjet mortore të Shiri Bibasit të nesërmen.
    Nuk dihet nëse ky skandal do të prekë marrëveshjen për armëpushimin në Gaza.

    Top Channel

  • Projektligji për mbetjet/ Ministri i Mjedisit: Do rriten gjobat për ndotjen

    Projektligji për mbetjet/ Ministri i Mjedisit: Do rriten gjobat për ndotjen

    Ministri i Turizmit dhe Mjedisit, Sofjan Jaupaj, në mbledhjen e Komisionit për Burimet Natyrore, Infrastrukturën dhe Zhvillimin e Qëndrueshëm këtë të martë, u shpreh se në projektligj është vendosur dhe shqyrtimi për rritjen e gjobave kundrejt ndotjes ndaj mjedisit.
    Sipas tij, gjobat që parashikohen mund të duken të larta, por nuk janë të tilla në krahasim me dëmet e parikuperueshme që i shkaktohen mjedisit.
    “Ato gjoba që mund të konsiderohen të larta, lidhen me persona fizikë dhe juridikë që ushtrojnë funksione të lidhura me menaxhimin e mbetjeve. Ata duhet të ndjekin një proces të qartë dhe një protokoll për mënyrën se si i menaxhojnë mbetjet. Në disa raste, dëmet kanë qenë të parikuperueshme dhe kërkojnë vite për t’u riparuar.”- u shpreh Jaupaj.
    Ministri sqaroi gjithashtu se do të ketë ndarje mes individëve dhe subjekteve juridike në përcaktimin e nivelit të gjobave.
    “Gjobat për individët do të jenë më të ulëta, sepse ndryshimi i kulturës mjedisore është më i rëndësishëm. Megjithatë, për ruajtjen e mjedisit dhe shëndetit publik, gjobat janë një nga mënyrat më efektive për të parandaluar shkeljet. Metodologjia për përcaktimin e gjobave është hartuar duke u bazuar në praktikat dhe legjislacionin ekzistues në fuqi në fusha të tjera”, tha ai.

  • Bomba mjedisore në Durrës/ Kontejnerët e dyshuar me mbetje të rrezikshme, 200 metra larg nga zonat e banuara

    Bomba mjedisore në Durrës/ Kontejnerët e dyshuar me mbetje të rrezikshme, 200 metra larg nga zonat e banuara

    Nga Sebi Alla – “Mbetjet janë aty në ata 102 kontejnerë të mëdhenj, as 200 metra nga banesat, në fillim reaguam, tani u mësuam me helmin”, thotë gati i dorëzuar Fatmiri, banor i Lagjes “Rinia”, një zonë urbane mes Porto Romanos industriale dhe Shën Avlashit.
    Plot një vit iu desh Prokurorisë së Durrësit që të kuptonte se në Shqipëri nuk ka asnjë laborator të çertifikuar për kryerjen e analizave të 2100 ton mbetje, të dyshuara të rrezikshme.
    Një ditë më parë (9 tetor), ekspertët morën kampione nga 102 kontejnerët dhe i dërguan në një laborator në Itali, duke pritur tashmë përgjigjen zyrtare.
    Në një vit hetim nuk ka asnjë person të marrë nën akuzë, ndërsa denoncuesit e kësaj çështje organizatën mjedisore ndërkombëtare BAN dhe drejtorin e saj Jim Puckett, e kanë “përjashtuar” nga hetimi.
    Loja me laboratorët
    Me nisjen e hetimeve në tetor të vitit të kaluar, Prokuroria e Durrësit si hap të parë i kërkoi tre institucioneve shtetërore, Agjencisë Kombëtare të Burimeve Natyrore, Fakultetit të Gjeologji Minierave dhe Fakultetit të Shkencave të Natyrës që të merrnin kampionë në këto kontejnerë dhe kryenin analizat nëse mbetjet ishin toksike, apo “oksid hekuri” siç paraqitej në dokumentacion nga kompania transportuese “Sokolaj shpk”.
    Reagimi
    Përgjigja nuk ishte befasuese, pasi të trija këto institucione i kthyen përgjigje zyrtare Prokurorisë së Durrësit se nuk kishin as laboratorë dhe as ekspertë për kryerjen e kësaj ekspertize.
    Faktoje.al, në një botim të zgjeruar disa muaj më parë ngriti pikërisht këtë shqetësim mbi mungesën e laboratorëve specifik për analizimin e mbetjeve toksike. Në Mars të këtij viti, institucioni i akuzës në Durrës shprehu optimizëm se çështjen do e zgjidhte shpejt. “Aktualisht është identifikuar laboratori që plotëson dhe ka infrastrukturën për garantimin e respektimit të të gjitha protokolleve dhe standardeve ndërkombëtare dhe shumë shpejt do procedohet me marrjen dhe analizimin e mostrave”, tha zyrtarisht Prokuroria e Durrësit.
    Ecuria
    Por çfarë ka ndodhur? Gjashtë muaj më vonë dorëzohet sërish dhe pas plot një viti sorollatje në kërkim të laboratorëve që nuk ekzistojnë në Shqipëri, mori vendimin që ekspertiza të kryhej në Itali.
    Oksid Hekuri apo EAFD?

    (Photo by Adnan Beci / AFP)
    (Photo by Adnan Beci / AFP)

    Organizata mjedisore ndërkombëtare “Basel Action Netëork” (BAN) me qendër në Seatle të Shteteve të Bashkuara, ngriti shqetësimin se në anijen “Molivia” të nisur nga Shqipëria më 4 korrik 2024 nëpërmjet Portit të Durrësit fshiheshin tonelata me mbetje të rrezikshme. Mbetjet dyshohet se janë marrë nga pluhuri i furnaltave të kompanisë Kurum në Elbasan e cila vepron në fushën e përpunimit të skrapit për prodhim hekuri.
    BAN mori të dhëna që kjo anije bashkë me (Oksidin e Hekurit) po transportonte EAFD.
    Përbërësi EAFD është material i cili vjen nga riciklimi i skrapit të çelikut dhe përmban okside metalike toksike, si (Cadmiumi dhe Kromi), të cilat konsiderohen të dëmshëm për shëndetin dhe mjedisin, çka detyroi vendin pritës Tajlandën që të kthente pas mbetjet, duke e rikthyer anijen sërish në Durrës me 28 shtator të vitit të kaluar.
    Dokumentacioni
    Kompania transportuese “Sokolaj shpk”, në dokumentacionin shoqërues përcaktonte se ngarkesa ishte me “Oksid Hekuri”, por dyshimet e “Basel Action Netëork”, mbesin se në kontejnerët që mbajnë 2100 ton material ka mbetje të rrezikshme EAFD.
    Refuzuan denoncuesit
    Drejtori Ekzekutiv i BAN, Jim Puckett erdhi në Shqipëri dhe u vetëofrua që të merrte pjesë në çdo proces të transportimit dhe analizimit të mbetjeve të dyshuara toksike, por hasi në një vështirësi të “pakalueshme”; Prokurorinë e Durrësit, ndonëse zyrtarisht u shprehën se e ftonin BAN për të paraqitur çdo dëshmi dhe dokumentacion.
    “Në kuadër të këtij procedimi penal, Bazel Action Netëork dhe Mileukontakt Shqipëri, përfaqësuar nga Jim Puckett, i është drejtuar Prokurorisë Durrës nëpërmjet një emaili duke kërkuar që të pyetet si dëshmitar dhe të marrë pjesë si ekspert dhe vëzhgues gjatë procesit të marrjes së mostrave dhe analizimit”, njoftoi prokuroria, në mars të këtij viti.
    Faktoje.al mëson se institucioni i akuzës ka refuzuar marrjen e dëshmisë dhe dokumentacionit që disponon BAN. “Deponimi shkresor i zotit Puckett dhe i BAN nuk është marrë në administrim nga Prokuroria e Durrësit. Pretendimi që ngritën ishte se nuk e parashikon procedura hetimore”, tha për Faktoje.al, drejtoresha ekzekutive e “Mileukontakt Albania”, Valbona Mazreku.
    Mbetjet në mes të fushës
    Në pjesën lindore të zonës industriale të Porto Romanos ndodhen ende 102 kontejnerët të dyshuara se mund të përmbajnë mbetje toksike.
    Fillimisht ambienti është përdorur për automjetet e sekuestruara nga Policia e Durrësit, por pas vendimit për tu vendosur aty, u krye rrethimi i plotë dhe ruhet 24 orë nga një patrullë e Policisë së Shtetit.
    “Kanë një vit që qëndrojnë aty, nuk dimë asgjë çfarë bëhet, problem është dhe me frikë jemi”, thotë një i ri, shitës në një market aty pranë.
    Zona është lagunore dhe çdo rrjedhje e mundshme dhe dekompozim nga qëndrimi i gjatë në kontejnerë mund të përbëjë rrezik si për kontaminimin e tokës dhe ujërave nëntokësorë, por edhe drejtpërdrejtë për banorët, shtëpitë e të cilëve nuk janë më shumë se 200 metra larg. Ankthi për banorët e zonës ku ndodhen kontenierët mbetet duke pritur përgjigjen përfundimtare të analizave.
    /Faktoje.al/

  • Sa do të na kushtojnë tani mbetjet?! Debate për ligjin e ri të qeverisë

    Sa do të na kushtojnë tani mbetjet?! Debate për ligjin e ri të qeverisë

    Sa do të na kushtojnë tani mbetjet?! Debate për ligjin e ri të qeverisë
    Projektligji “Për menaxhimin e integruar të mbetjeve” ka ngritur pikëpyetje gjatë seancës dëgjimore nga ministri i Mjedisit, Sofjan Jaupaj, në komisionin e Ekonomisë, konkretisht mbi rolin që do të ketë Agjencia Kombëtare e Ekonomisë së Mbetjeve, kostot që shoqëron zbatimi i këtij drafti dhe fati i inceneratorëve.
    AKEM
    Përmes deputetëve të opozitës Ledina Aliolli dhe Enno Bozdo, Partia Demokratike ngriti shqetësimin se AKEM shkel autonominë e bashkive dhe rrezikon të hapë derën për interesa private.
    Ministri Jaupaj u përgjigj se agjencia nuk do të centralizojë kompetencat, duke theksuar se bashkitë mbeten përgjegjëse për menaxhimin brenda territorit të tyre, ndërsa AKEM do të koordinojë procesin në nivel kombëtar.
    Më tej ministri solli shembullin nga Hungaria për ngritjen e AKEM, duke e krahasuar më atë shqiptar, rasti i OST në sektorin e energjisë. Por deputeti Bozdo nënvizoi se modeli hungarez ishte i lidhur me privatizim dhe koncesione.
    “Modeli hungarez duhet të jetë jashtë. Doni ta jepni AKEM me PPP ose ndryshe koncesion. Ka disa të dhëna që e çoni drejt këtij modeli në projektligj siç lidhet me pronësinë private të landfilleve. Ju nuk mundet ta çoni këtë me model koncesionar dhe t’i hapni derën asnjë privati të hyjë në zinxhirin e integruar të mbetjeve. AKEM nuk mund të jetë sipas modelit hungarez dhe të shkojë në duart e privatit. Privati në Shqipëri në sektorin e mbetjeve është e barabartë me mafien”, tha Bozdo.
    Ministri Jaupaj u përgjigj se AKEM do të jetë shoqëri me kapital shtetëror dhe do të financohet nga buxheti i shtetit.
    “AKEM është një shoqëri me kapital shtetëror, pra është një institucion publik që parashikohet në nenet e projektligjit, pra është me kapital shtetëror dhe i bie që të jetë një institucion publik. Sa i përket modelit ndërkombëtar e kisha për qendërzimin e trajtimit fundor të mbetjeve dhe jo modeleve. Modeli është shumë qartë i përcaktuar në projektligj”, replikoi ministri.
    Sa do të paguajnë qytetarët?
    Një nga pikat më të nxehta lidhet me faturën financiare, që nuk është e parashikuar në projektligj. Deputetë të opozitës kërkuan të dinë se sa do të paguajnë familjet dhe bizneset pas hyrjes në fuqi të projektligjit.
    “Flasim për kosto dhe tarifa. Kostot janë për pushtetin vendor, tarifat janë për qytetarët. A mund të me thoni ju një qytetar sot i Shqipërisë sa paguan sot dhe sa do të paguajë nesër me këtë model të ri sepse ndjesia ime me këtë draft është se pataten e nxehtë po ia hidhni pushtetit vendor sepse ne i kalojmë kompetenca pushtetit vendor por nuk e financojmë kurrë atë. Ju këtu duhet të vinit me tarifa dhe kosto e kuptoj që nuk mund të jenë 100% të sakta”, pyeti Bozdo. Deputeti i PD-së foli për përllogaritje paraprake tarifash 3 deri në 6 herë më të larta.
    Ministri Jaupaj u përgjigj se tarifat do të përcaktohen nga një vendim i veçantë i Këshillit të Ministrave, sipas një metodologjie të hartuar me ekspertë ndërkombëtarë. Ai vuri gjithashtu në dukje se, “Shqipëria ka aktualisht tarifat më të ulëta në Europë për menaxhimin e mbetjeve”.
    “Metodologjia dhe përcaktimi i tarifave lidhet ngushtësisht me tipologjinë, metodologjinë e zhvillimit ekonomik të një njësie vendore, nëpërmjet diskutimeve edhe në këshillat bashkiakë. Megjithatë ne do t’i asistojmë me një metodologji për të përcaktuar tarifa të drejta në bazë edhe të mënyrës se si menaxhimi i mbetjeve kryhet në atë zonë të caktuar të territorit …”, tha ministri
    Inceneratorët
    Ashtu si edhe në seancat e tjera dëgjimore për draftin e ri të mbetjeve, polemika u fokusua tek trashëgimia e inceneratorëve. Deputeti Enno Bozdo akuzoi qeverinë se, 11 vite pas dështimit të projektit të inceneratorëve, Shqipëria ende përballet me pirgje mbetjesh. “Është turp që në vitin 2025 ende ndodhemi në këtë situatë”, tha ai
    “Pse nuk vihet në punë inceneratori i Fierit jo për t’u marrë me mbetjet që krijohen tani apo kur të hyjë ligji në fuqi dhe normalisht të trajtohen mbetjet sipas këtij ligji, por për të zhdukur ato pirgje male të mëdha me mbetje që janë krijuar veçanërisht në atë territor në territorin e qarkut të Fierit, por edhe më gjere ato janë mbetje që nuk riciklohen më, janë mbetje që janë dëmtuar përfundimisht nuk mund të kthehen në ekonomi.
    Tani ky inceneratori i Fierit që është pronë publike tashmë sepse e ka marrë nën administrim Agjencia e Pasurive të Sekuestruara pse nuk e vë në punë këtë gjënë?, ngriti pyetjen deputeti i PS, Erion Braçe.
    “Incenerimi në fakt është një pjesë e trajtimit të mbetjeve dhe pavarësisht gjithë elementëve që ju përmendët, ne vlerësojmë dhe në asnjë moment ne nuk mendojmë që incenerimi nuk duhet të jetë pjesë e trajtimit të mbetjeve.
    Ministria e Mjedisit është duke bashkëpunuar me Agjencinë e Pasurive të Sekuestruara për të gjithë procesin e transferimit të këtyre aseteve publike të cilat janë zhveshur nga të gjithë kufizimet ligjore që kanë ndodhur gjatë këtyre viteve në mënyrë që më pas përmes Operatorit të trajtimit të mbetjeve të kryejmë vlerësimin teknik dhe fillimin e operimit të infrastrukturës pasi siç e kam thënë, ne nuk flasim për incinerator por flasim për incenerim që është një proces që lidhet ngushtësisht me landfillimin, kompostimin dhe riciklimin”, u përgjigj Jaupaj. /Marrë nga Faktoje.al

  • Ligji për menaxhimin e integruar të mbetjeve/ Malltezi: Çmimet për qytetarët mund të shkojnë deri ne 6- fishin e tarifave aktuale

    Ligji për menaxhimin e integruar të mbetjeve/ Malltezi: Çmimet për qytetarët mund të shkojnë deri ne 6- fishin e tarifave aktuale

    Drejtuesi i Departamentit të Mjedisit në Partinë Demokratike Jamarabër Malltezi ka paraqitur gjatë një takimi të gjithë të vërteta që fshihen pas një projektligji të përgatitur nga rilindja për trajtimin e mbetjeve që rrezikon të shumëfishojë çmimet për qytetarët.

    “Këtu kostoja e trajtimit të mbetjeve, pra është jashtëzakonisht e lartë. Kemi parasysh që kostoja e trajtimit të mbetjeve para 15 vitesh ishte vetëm 12 euro. Pra pagesa për qytetarët ishte vetëm 12 Euro p[ër ton, më pas shkoi 29 euro për ton dhe mendohet që mund ta çojnë nga 70 deri ne 170 euro për ton. Pra mund të kemi 5 ose 6 – fishim të kostove”, tha Malltezi.

    Deklarata e Jamarbër Malltezi 

    Ka të dhëna kontradiktore. Biles edhe për çmimet për qytetarët që mund të shkojnë deri ne 6- fishimin e tarifave të tanishme. Relacioni shoqërues i ligjit që është vlerësimi i ndikimit të projekt ligjit thotë që, kostoja e trajtimit të mbetjeve do të jetë nga 70 euro deri në 170 euro për tonë mbetjesh.

    Kjo është një kosto që zor se mund të kenë edhe vendet më të zhvilluara të botës. Pra edhe për produktet bujqësore që janë mall me vlerë nuk e kanë një kosto të tillë. Këtu kostoja e trajtimit të mbetjeve, pra është jashtëzakonisht e lartë. Kemi parasysh që kostoja e trajtimit të mbetjeve para 15 vitesh ishte vetëm 12 euro. Pra pagesa për qytetarët ishte vetëm 12 Euro p[ër ton, më pas shkoi 29 euro për ton dhe mendohet që mund ta çojnë nga 70 deri ne 170 euro për ton. Pra mund të kemi 5 ose 6 – fishim të kostove.

    Dëgjesat publike për këtë projektligj, qeveria pretendon që i ka kryer nga datat 16 nëntor deri me datën 24 nëntor 2024. Pra është një faturë miliona euro që impakton familje, që impakton biznese ricikluese, impakton bashkitë. Çdo bashki do të duhet të nxjerrë para dhe kanë pasur vetëm 7 ditë dëgjesë publike. Me çfarë kam parë në relacion, janë rreth 21 persona e gjitha që kanë paraqitur komente.

    Atëherë ka paqartësi se cilët ekspertë kanë punuar për këtë, sa seriozë janë këta ekspertë që mund ta kenë bërë. Ka një kakofoni. Ka edhe  disa të dhëna të sakta, ka edhe disa të dhëna tërësisht të papranueshme. Ka paqartësi mes tagrave ligjore që ka pushteti vendor dhe ngritjes së Agjencisë së qendrore që do të menaxhojë mbetjet.

    Për sa i përket relacionit të projektligjit. Çfarë vëmë re. Vëmë re që nga monopoli i Klodianëve që kishim për Sharrën, tani kalojmë në monopolin e kësaj agjencie që e quajnë AKEP dhe e cila do të ketë çfarëdo lloj mbetje. Do ketë monopolin e planifikimit fillimisht, monopolin e programeve, monopolin e projektimeve, monopolin e ndërtimit, monopolin e administrimit, monopolin e monitorimit, monopolin edhe të asgjësimit. Pra çdo lloj monopoli. Monopolin e mbetjeve të riciklueshme, monopolin e mbetjeve të ndërtimit. Ne e kemi shumë të qartë se ku përfundoi rasti i fundit që kishin monopol të këtyre mbetjeve. Përfunduan në vjedhje masive në ryshfete masive. Tek e njëjta gjë po shkojmë. Veç në vend të dy Klodianëve do gjejnë një Klodian tjetër, një sekser tjetër që të vjedhë këto para.

    Kthehemi tek ligji. Neni 22 ka të bëjë me Agjencinë Kombëtare të mbetjeve. Siç ju thashë, pika 5b e saj vijon….Zhvillon, koordinon, administron infrastrukturën kombëtare të impianteve të trajtimit rikuperimit dhe të asgjësimit të mbetjeve….realizon projekte për ngritjen e infrastrukturës fundore të menaxhimit të mbetjeve…

    E Plotë:

    Dëgjese publike lidhur me projekt-ligjin per Menaxhimin e Integruar te Mbetjeve

    PD Departamenti i Mjedisit ne bashkëpunim me deputete te PD

    Hotel Tirana International, 06.10.2025

    Disa komente dhe verejtje paraprake:

    Ne 2011 u miratuan ligjet e mjedisit perfshi ky i menaxhimit te integruar te mbetjeve. U mor ndihma e BE, me 4 miljon euro nga parate e BE u pagua nje ekip ekspertesh qe hartoi ligjet qe kishin mbi 80% perputhshmeri me Direktiven e BE. Parate e taksapaguesve Evropiane PS i hodhi ne kosh se deshi te vidhte me inceneratoret. Por ne 2011 ligjet u hartuan te qarta, kishte ekip pergjegjes per autoresine dhe shifrat nuk ishin vec per propagande. Sot flitet qe kemi marre ndihme nga disa projekte dhe disa donatore por nuk ka nje eksper apo grup ekspertesh qe merr persiper autoresine. Dhe duket qe ka edhe pasaktesi te tmerrshme edhe ligesi ekstreme.
    Nuk ka proces te rregullt te degjesave publike sic kerkohet sipas Konventes Aarhus.

    KA VEÇ 1 JAVE DEGJESE NE NENTOR 2024 DHE GJITHSEJ 21 KOMENTE?

    Projekt-ligji bie ndesh me Strategjine Kombëtare e Menaxhimit të Integruar të Mbetjeve dhe Plani Kombëtar i Veprimit 2020-2035 se aty u parashikuan 3 inceneratore si zgjidhje.
    Menaxhimi i mbetjeve eshte tager i pushtetit vendor. Ju po krijoni nje agjensi te pabazuar ne ligj dhe po merrni tagra nga ato te pushtetit vnedor
    Kush ju ka pergatitur skenaret se nuk duket te jete ekspert fare. Kjo pasi ka edhe te dhena te sakta edhe kakofoni.

    Skenari juaj pretendon se do ricikloje 50% te mbetjeve por nuk ka asnje studim qe te thote nese eshte realist apo thjesht enderr vere. Shume pak vende te BE e kane 50%, si pretendohet te cohet ne 50% kur keni falimentuar ricikluesit.

    Para 7-8 vitesh Shalesi qau hallin e ricikluesve por juve ia kaluat gjithe mbetjet edhe ato te riciklueshmet ai monopol per klodianet e sharres dhe i falimentuan. Cfare do behet per rigjallerimin e ricikluesve?

    Neni 77 qe PS don te fuse eshte kriminal! Don te kriminalizoje te gjithe popullsine me masa drakoniane per çdo gje, pa perfilluar as eksperiencen, as sasite dhe as llojin e mbetjeve. Vendos gjoba 3 miljon deri 4 miljon leke (pra 30,000 deri 40,000 euro per hedhje te cfaredo lloj mbetjeje ne toke publike apo private, pa treguar as sasine e penalizueshme, nese nuk ke leje nga Edi Rama! Cmenduria eshte qe duan te perdorin ligjin per te kriminalizuar gjithe shoqerine dhe per te vendos gjoba per rryshfete dhe kercenime politike. Me kete nen dhe 64 pika per penalitete mund te vendosin gjobe 40,000 euro nje fshatari pse ne token e tij po hedh ca mbeturina biologjike per ti kompostuar!!! (Se ligji thote po nuk pate leje te penalizoj pavaresisht se eshte toka jote, pavaresisht se po e plehron token tende, pavaresisht se qenka vec 1 lekure banane, por nga ana tjeter kalohen 101 maune me mbetje te rrezikshme ne portin e Durresit dhe ka 1 vit qe nuk ka as pergjegjesi, as autor e asgje vec helme te rrezikshme per qytetaret!) duhet rrezuar neni.

    Objektivi ka te dhena kontradiktore se shkruan qe kosto e trajtimit te mbetjeve do rritet nga 70 ne 170 euro per ton!!! CMENDURI! Kane marre gjera te gatshme nga interneti por njelloj si me inceneratoret qe ishin krenaria e edi rames ndonese nuk ekzistojne edhe tani po duan te vjedhin dhe rrisin kostot sa nuk i ka as BE! Kjo eshte vjedhje se nuk e ka asnje vend ne bote me kete cmim pervec ishujve te Paqesorit qe duhet ti trasnportojne me avion mbetjet ose procese shume te kushtueshme te incenerimit ne temperatura shume te larta dhe me filtra te shumefishte.

    Tarifat per qytetaret 3 deri 6 fishohen se duan te vjedhin!!!

    DISKUTIME MBI NENET E PROJEKT-LIGJIT

    NGA MONOPOLI I 2 KLODIANEVE SEKSERE SHKOHET TEK MONOPOL I AKEM

    Neni 22

    Agjencia Kombëtare e Ekonomisë së Mbetjeve

    1. Agjencia Kombëtare e Ekonomisë së Mbetjeve është person juridik në formën e shoqërisë aksionare, në varësi të ministrit përgjegjës për mjedisin.

    5. Për përmbushjen e qëllimit dhe objektivave të këtij ligji, AKEM-i ushtron këto kompetenca kryesore në fushën e menaxhimit të integruar të mbetjeve:

    b) Zhvillon, koordinon dhe administron infrastrukturën e rrjetit kombëtar të impianteve të trajtimit (rikuperimit dhe asgjësimit) të mbetjeve gjatë fazave të ndërtimit, operimit dhe mbylljes të tyre;

    c) Realizon projektet për ngritjen e infrastrukturës fundore të menaxhimit të mbetjeve;

    ç) Monitoron zbatimin e planeve e të programeve për menaxhimin e integruar të mbetjeve në nivel qendror dhe vendor;

    Neni 24 – Bashkitë (VEC GRUMBULLIMIN E MBETJEVE DHE KONTROLL TERRITORI)

    1. Bashkitë janë përgjegjëse për organizimin dhe funksionimin e ndarjes së mbetjeve në burim dhe grumbullimin e diferencuar të tyrë si pjesë e sistemit të menaxhimit të integruar të mbetjeve, në territorin nën juridiksionin e tyre.

    …

    4. Për ushtrimin e funksioneve të tyre në fushën e menaxhimit të integruar të mbetjeve, bashkitë veprojnë në përputhje me dispozitat e këtij ligji dhe të legjislacionit të posaçëm për vetëqeverisjen vendore dhe zbatojnë parimet e barazisë dhe mosdiskriminimit.

    5. Kryetarët e njësive të vetëqeverisjes vendore janë përgjegjës për grumbullimin dhe administrimin e mbetjeve që krijohen brenda territorit të tyre administrativ, në përputhje me parashikimet e këtij ligji.

    (BASHKITE KANE FUNKSION GRUMBULLIMIN E MBETJEVE POR JO MENAXHIMIN E LANDFILLEVE/IMPIANTEVE ETJ., POR KETU E FUSIN EDHE FJALEN ADMINISTRIM?)

    NENI 26 – Bashkëpunimi ndërvendor

    1. Bashkitë, që përfshihen në një zonë të menaxhimit të mbetjeve, dhe AKEM-i nënshkruajnë një marrëveshje bashkëpunimi ndërvendor …

    2. Marrëveshja e bashkëpunimit për secilën zonë të menaxhimit të mbetjeve miratohet nga këshilli bashkiak i secilës bashki pjesëmarrëse.

    3. Marrëveshja e parashikuar në pikën 2, të këtij neni, zbaton të gjitha parashikimet e ligjit nr.139/2015, “Për vetëqeverisjen vendore”.

    PO NESE NUK BIEN DAKORT? NESE KESHILLI BASHKIAK REFUZON? NESE ESHTE SIPAS LIGJIT TE VETEQEVERISJES VENDORE PSE I IMPONOHESH ME KETE LIGJ TE VECANTE?

    Neni 27 – Kostot e menaxhimit të integruar të mbetjeve

    1. Kostot e menaxhimit të integruar të mbetjeve, duke përfshirë kostot e infrastrukturës dhe operimit të saj, mbulohen nga krijuesi ose nga zotëruesi i mbetjeve, në përputhje me parimin “Ndotësi paguan”.

    2. Kostot për menaxhimin e integruar të mbetjeve, që krijohen nga produktet që i nënshtrohen skemës së përgjegjësisë së zgjeruar të prodhuesit, mbulohen në përputhje me parashikimit e ligjit të posaçëm për përgjegjësinë e zgjeruar të subjekteve prodhuese.

    3. Kostot për menaxhimin e integruar të mbetjeve, që janë përgjegjësi e bashkive, mbulohen nga bashkitë në përputhje me parashikimet e legjislacionit për vetëqeverisjen vendore dhe dispozitat e posaçme të këtij ligji.

    …

    5.Çdo zonë e menaxhimit të mbetjeve mbulon kostot e investimit për ndërtimin e infrastrukturës për menaxhimin e integruar të mbetjeve bashkiake brenda zonës. Të gjitha bashkitë, që janë pjesë e zonës së menaxhimit të mbetjeve, dhe AKEM-i financojnë kostot e investimit të zonës së menaxhimit të mbetjeve në përputhje me parashikimet e marrëveshjeve ndërvendore, sipas nenit 26, të këtij ligji, dhe kompetencave dhe përgjëgjësive të tyre. Në rast se kostot e investimit të infrastrukturës nuk përballohen nga buxhetet e bashkive dhe nga zona e menaxhimit të mbetjeve përkatëse, kostot mbulohen nga buxheti i shtetit i Republikës së Shqipërisë si edhe nga burime të tjera të ligjshme si donacione, grante, financime vendase dhe të huaja.

    6. AKEM-i planifikon, projekton, koordinon dhe administron rrjetin kombëtar të impianteve të trajtimit dhe asgjësimit të mbetjeve, në të gjitha fazat e zhvillimit të tij që përfshijnë ndërtimin, operimin, administrimin dhe mbylljen e tyre.

    KOSTON E PAGUAN BASHKIA NDERSA PARATE I MERR AKEM? KJO PO NDODH NE TIRANE KU KOSTO PER QYTETARET U RRIT DHE PARATE PAGUHEN TEK KLODIANET

    Neni 29 – Burimet e financimit 

    1. AKEM-i mund të financohet nga:

    a) buxheti i shtetit;

    b) tarifa hyrëse e pranimit “gate fee” në landfill dhe/ose incenerator, që përfshin koston e landfill-imit (depozitimit) dhe/ose incenerimit në pikën fundore të trajtimit të mbetjeve;

    c) të ardhurat nga shitja e materialeve të riciklueshme; (MONOPOL AKEM)

    ç) fondet e donatorëve vendas dhe të huaj, në përputhje me legjislacionin në fuqi;

    d) të ardhurat e përftuara nga aktivitetet e saj dhe shërbimet e ofruara;

    dh) çdo burim tjetër i ligjshëm.

    (VETEM PER AKEM FLITET PER FINANCIM JO PER BASHKITE)

    Neni 34 – Landfill-i

    1. Këshilli i Ministrave, me propozimin e ministrit miraton, në përputhje me parashikimet e këtij ligji, kërkesat teknike dhe operative për mbetjet dhe për landfill-et, për të përcaktuar masat, procedurat, standardet dhe udhëzimet për krijimin, operimin dhe mbylljen e landfill-eve.

    2. Landfill-et klasifikohen në tri kategori:

    a) Landfill-e për mbetjet e rrezikshme;

    b) Landfill-e për mbetjet jo të rrezikshme;

    c) Landfill-e për mbetjet inerte.

    3. Në landfill pranohen mbetjet që i janë nënshtruar trajtimit, me përjashtim të mbetjeve inerte, për të cilat trajtimi është teknikisht i pamundur, dhe të mbetjeve të tjera kur trajtimi i tyre nuk zvogëlon sasinë e mbetjeve ose rrezikun ndaj mjedisit ose shëndetit të njeriut.

    4. Në landfill-et e mbetjeve të rrezikshme pranohen vetëm mbetje që klasifikohen si të rrezikshme, në përputhje me përkufizimin e këtij ligji dhe që përmbushin kriteret dhe procedurat e pranimit, të përcaktuara sipas këtij neni.

    KUSH DO KETE LANDFILL TE RREZIKSHEM? PRIVATI? BASHKIA? AKEM?

    Neni 36 – Garancitë financiare për landfill-in

    1. Çdo person, që operon ose ka për qëllim të operojë një landfill, në përputhje me lejen e mjedisit, duhet të disponojë dhe të sigurojë të gjitha mjetet financiare të nevojshme për të mbuluar kostot e ndërtimit dhe të operimit.

    5. AKEM përjashtohet nga të gjitha detyrimet për garancitë financiare të landfillit.

    PSE? PSE KY NDRYSHE NGA TE TJERET KUR KY DO KETE GJITHSHKA NE DORE?

    Neni 40 – Menaxhimi i integruar i mbetjeve të rrezikshme

    1. Krijimi, grumbullimi, transporti, magazinimi dhe trajtimi i mbetjeve të rrezikshme kryhen në përputhje me parashikimet e këtij ligji dhe vetëm në kushte që sigurojnë mbrojtjen e mjedisit dhe shëndetit të njeriut.

    2. Këshilli i Ministrave, me propozimin e ministrit, miraton masat që sigurojnë gjurmueshmërinë e mbetjeve që nga krijimi deri në destinacionin përfundimtar të tyre, si dhe kontrollin e të dhënave të mbetjeve të rrezikshme, në përputhje me parashikimet e këtij ligji.

    KY NEN KA QENE NE FUQI. PSE DHE KU DESHTOI TEK MBETJET E PORTIT TE DURRESIT QE TANI NDOSIN PORTO ROMANON?

    Neni 43 – Mbetjet e rrezikshme shtëpiake

    PSE KA 1 NEN TE VECANTE PER MBETJET E RREZIKSHME SHTEPIAKE? SI DO IMPONOHET KUR NUK IMPONOHET DOT AS NE VENDET E BE? DHE NUK OFRON ASNJE MASE PER QYTETARET AS KONTEINER TE VECANTE

    Neni 48 – Mbetjet bio (NUK ZBATOHET AS NE MYNIH!)

    1. Bashkitë marrin masat që në territorin nën juridiksionin e tyre mbetjet bio ndahen dhe riciklohen në burim ose grumbullohen në mënyrë të diferencuar dhe nuk përzihen me lloje të tjera mbetjesh.

    2. Bashkitë investojnë në krijimin e infrastrukturës për ndarjen në burim dhe grumbullimin e diferencuar të mbetjeve bio si edhe ngritjen e impianteve të kompostimit.

    MUND TE JETE PER BASHKI RURALE POR ESHTE QESHARAKE PER BASHKI URBANE. PERVECSE TE PERDORET PER GJOBEVENIE TE GJITHE RESTORANTEVE TE MUNDSHME NGA SEKSERET E EDI RAMES

    Neni 62 – Strategjia Kombёtare për Menaxhimin e Integruar tё Mbetjeve dhe Plani i veprimit

    Neni 63 – Plani Kombëtar Sektorial i Menaxhimit të Mbetjeve

    Neni 64 – Planet zonale të menaxhimit të integruar të mbetjeve

    Neni 65 – Planet vendore të menaxhimit të integruar të mbetjeve

    Neni 66 – Programi Kombëtar për Parandalimin e Krijimit të Mbetjeve

    1 STRATEGJI + 1 PLAN VEPRIMI + 3 PLANE NE NIVELE TE NDRYSHME + PROGRAM?

    Neni 72 – Importi i mbetjeve

    1. Ndalohet në të gjitha rastet importi i mbetjeve të rrezikshme dhe jo të rrezikshme në Republikën e Shqipërisë.

    2. Ndalohet në të gjitha rastet kalimi tranzit ndërkufitar i mbetjeve të rrezikshme në Republikën e Shqipërisë.

    (PO LISTA E GJELBER? RICIKLUESIT E KERKOJNE POR MEQE NUK ERDHEN MESA DUKET NUK E KANE AQ TE RENDESISHME)

    Neni 77 – Kundërvajtjet administrative (E KTHEJNE NE KOD PENAL! JO DIREKTIVA!)

    Shkeljet e mëposhtme, nëse nuk përbëjnë vepër penale, përbëjnë kundërvajtje administrative dhe ndëshkohen, si më poshtë vijon:

    1. Çdo person, që përzien mbetje, në kundërshtim me nenet 9, pika 4, dhe 41 të këtij ligji, dënohet me gjobë, në vlerën nga 3 000 000 (tre milionë) deri në 4 000 000 (katër milionë) lekë.

    2. Çdo person, që përzien mbetjet e grumbulluara në mënyrë të diferencuar, në kundërshtim me nenet 12, pika 2, dhe 41, të këtij ligji, dënohet me gjobë, në vlerën nga 3 000 000 (tre milionë) deri në 4 000 000 (katër milionë) lekë.

    3. Çdo person, që asgjëson mbetje në shkelje të nenit 14, të këtij ligji, dhe, në kundërshtim me normat teknike minimale, sipas nenit 46, të këtij ligji, dënohet me gjobë, në vlerën nga 3 000 000 (tre milionë) deri në 4 000 000 (katër milionë) lekë.

    4. Çdo krijues apo zotërues mbetjesh, që, sipas nenit 16, pika 1, shkronja “a”, të këtij ligji, trajton vetë mbetjet, në kundërshtim me normat teknike minimale sipas nenit 46, të këtij ligji, dënohet me gjobë, në vlerën nga 1 500 000 (një milion e pesëqind mijë) deri në 3 000 000 (tre milionë) lekë.

    ME KETE LIGJ DHE KETO KUFIZIME, CDO INSPEKTOR MJEDISI KTHEHET NE SEKSER DHE VENDOS GJOBA PER RRYSHFETE KU TA KETE QEFIN. SE CDO FSHATAR MBETJET E BIODEGRADUESHME I TRAJTON VETE DHE I DEKOMPOSTON VETE. DUHET TE MARRE LEJE PER KETE GJE? CMENDURIRA

    62. Çdo individ, që hedh, braktis, depoziton apo gropos çfarëdo lloj mbetjeje në vende publike dhe jopublike, ku nuk lejohet të hidhen apo të groposen mbetjet, në kundërshtim me ndalimin e parashikuar në nenin 76, shkronja “a”, të këtij ligji, dënohet me gjobë, në vlerën nga 3 000 000 (tre milionë) deri në 4 000 000 (katër milionë) lekë.

    63. Çdo person juridik, që hedh, braktis, depoziton apo gropos çfarëdo lloj mbetjeje në vende publike dhe jopublike, ku nuk lejohet të hidhen apo të groposen mbetjet, në kundërshtim me ndalimin e parashikuar në nenin 76, shkronja “b”, të këtij ligji, dënohet me gjobë, në vlerën nga 3 000 000 (tre milionë) deri në 4 000 000 (katër milionë) lekë.

    64. Djegia e mbetjeve, në kundërshtim me nenin 76, shkronja “c”, të këtij ligji, dënohet me gjobë:

    a) Për shkeljet e kryera nga personi juridik, vlera e gjobës është nga 3 000 000 (tre milionë) deri në 4 000 000 (katër milionë) lekë;

    b) Për shkeljet e kryera nga personi fizik, vlera e gjobës është nga 3 000 000 (tre milionë) deri në 4 000 000 (katër milionë) lekë.

    PSE SPECIFIKOHEN KUR JANE NJELLOJ SI PER INDIVID EDHE PER PERSON JURIDIK?

    I GJITHE NENI 77 DUHET HEDHUR NE KOSH! NUK ESHTE SIPAS DIREKTIVES!

    RAPORTI I VLERËSIMIT TË NDIKIMIT

    Projektligji për Menaxhimin e Integruar të Mbetjeve

    Kjo figure jepet ne faqe 3 te Raportit te vleresimit te ndikimit qe shoqeron projekt-ligjin.

    Kjo tabele nuk ka reference nga eshte marre dhe sa e besueshme eshte, por vete kjo tabele tregon se BE e ka 31% riciklimin.

    OPSIONET POLITIKE (faqe 6 e te njejtit material)

    Për të arritur objektivat e politikës, janë shqyrtuar opsionet e mëposhtme:

    • Opsioni 0 (status quo): – Niveli bazë – zbatohet legjislacioni ekzistues;

    • Opsioni 1: Miratimi i Ligjit të ri “për menaxhimin e integruar të mbetjeve” dhe arritja e objektivit të përgatitjes për ripërdorim dhe riciklimit të mbetjeve bashkiake në 50% të peshës deri në vitin 2035.

    • Opsioni 2: Miratimi i Ligjit të ri “për menaxhimin e integruar të mbetjeve” dhe arritja e objektivave të përgatitjes për ripërdorim dhe riciklimit të mbetjeve bashkiake në 50% të peshës deri në vitin 2030 & në 65% deri në vitin 2035.

    BE E KA 31%! SHQIPERIA DO SHKOJE NE 50% APO 65% BRENDA 5 APO 10 VITESH?!

    Impakti ekonomik

    675 milionë euro në investime deri në vitin 2035 (SI DHE KUSH E LLOGARITI)

    Bashkitë do të përballojnë kostot për zgjerimin e shërbimeve të grumbullimit të mbetjeve, grumbullimin e detyrueshëm të diferencuar, mbylljen e venddepozitimeve që nuk janë në përputhje dhe pastrimin e venddepozitimeve ilegale, me lehtësim të pjesshëm nga Skemat e Përgjegjësisë së Zgjeruar të Prodhuesit (PZP), taksat dhe grantet e lendfillit. Tarifat e shërbimit të mbetjeve për familjet pritet të rriten për shkak të kërkesave më të rrepta të riciklimit dhe devijimit nga lendfillimi.

    DO RRITEN TARIFAT PER FAMILJARET! PA ASGJE DHE U RRIT NGA 12 NE 29 €/ton! TANI MUND TE 3-6 FISHOHEN SE DUAN TE VJEDHIN ME MONOPOL!!!

    Per ilustrim shihni faqen 8 te te njejtit material (Raporti i Vleresimit te Ndikimit)

    DISA SUGJERIME NGA RICIKLUESIT POR MEQE NUK ERDHEN ZYRTARISHT VLERESOJENI VETE NESE MERITOJNE NDIHME APO JO

    1-Stacionet e transferimit te mbetjeve inorganike (te riciklueshme) t‘ju jepen me ligj ne menaxhim kompanive qe bejne riciklimin e mbetjeve…

    2- Te lejohet importimi i mbetjeve te listes se gjelber per industrine e riciklimit

    3-Te lejohen grumbulluesit individuale te mbetjeve te riciklueshme te operojne ne njesite e tyre administrative per sasi deri ne 50 kg/dite

    PER PIKEN 2 (IMPORTI I MBETJEVE) NUK IA VLEN TE BEJME NE BETEJEN PER TA KUR ATA KANE FRIKE EDHE TE FLASIN. NE 2011 U LEJUAN VEC LLOJE 5 MBETJESH NGA LISTA E GJELBER QE JANE LEHTESISHT TE IDENTIFIKUESHME POR TANI SI TE DONI.

  • ‘Investimi historik’ i qeverisë e lë Matin të mbytur nga plehrat

    ‘Investimi historik’ i qeverisë e lë Matin të mbytur nga plehrat

    Gjatë një vizite në Burrel në tetor të vitit 2022, kryeministri Edi Rama inspektoi një investim të qeverisë për rehabilitimin e fushës së mbetjeve në Bashkinë e Matit dhe e vlerësoi atë si ‘një transformim historik”.

    “Është bërë një punë e jashtëzakonshme. Ky transformim i madh me sistemimin e mbetjeve është historik, sepse kjo zonë ka qenë e mbytur nga plehrat,” tha Rama, ndërsa kërkoi një kulturë të re të pastrimit.

    Projekti për rehabilitimin e vendepozitimit të mbetjeve në bashkinë e Matit u krye përmes një investimi prej 40 milionë lekësh të Ministrisë së Mjedisit, por tre vjet më pas, gangrena me trajtimin e mbetjeve vazhdon e pandryshuar.

    BIRN e vizitoi venddepozitimin në të dalë të qytetit të Burrelit në fillim të shtatorit dhe vëzhgoi një pirg mbeturinash të bëra njësh me rrugën, pasi investimi i ri kishte bërë bark dhe i pengonte makinat e bashkisë që t’i shkarkonin mbetjet brenda rrethimit.

    Mes pirgjeve të plehrave, disa banorë rrëmojnë në kërkim të materialeve të riciklueshme me të cilat sigurojnë jetesën.

    “Makina nuk mund t’i shkarkojë mbetjet në landfill, pasi ka rrëshqitur toka,” thotë njëri prej grumbulluesve. “Në qendër të landfillit ka plasur ujë, duke shkaktuar gropë,” shtoi më tej ai.

    Ministria e Mjedisit kontraktoi kompaninë Alba Kontruksion për punimet dhe i mori ato në dorëzim, për t’ia kaluar më pas landfillin Bashkisë së Matit për administrim.

    Por Bashkia vazhdon ta quajë fushën e mbetjeve venddepozitim dhe problemin e trajtimit të tyre ende të pazgjidhur.

    “Në Bashkinë Mat momentalisht nuk përpunohen dhe nuk riciklohen mbetje. Ato vend-depozitohen në vend-depozitimin e rehabilituar nga Ministria e Turizmit dhe Mjedisit… Bazuar dhe në planin lokal të menaxhimit të integruar të mbetjeve, jemi në pritje të një investimi dhe ristrukturimi të ri për menaxhimin e mbetjeve në rang qarku,” deklaroi Bashkia.

    Nezir Rizvani, ish-kryetari demokrat i Bashkisë së Matit i tha BIRN se projekti për landfillin e Matit ishte i dështuar, “pasi u bë pa studim gjeologjik”.

    “Tani aty kanë plasur ujrat nëntokësore, duke shkaktuar rrëshqitje dherash si dhe dëmtimin e njërës faqe të murit mbajtës.  Kështu situata e menaxhimit të mbetjeve, ka dalë totalisht jashtë kontrollit,” deklaroi ai.

    Projekti i rehabilitimit të vendepozitimit të mbetjeve ngjalli fillimisht shpresë për bashkinë veriore të Matit, e cila i shkarkon ato në të njëjtin vend prej vitit 1997. Njësoj si në bashkitë e tjera të vendit, edhe në Mat mbetjet nuk trajtohen, por grumbullohen të pandara në burim dhe transportohen në venddepozitim.

    Deputetja demokrate për qarkun e Dibrës, Denisa Vata i tha BIRN se i ashtuquajturi landfill nuk i plotëson kushtet mjedisore edhe pas parave të shpenzuara nga Ministria e Mjedisit për rehabilitimin e tij.

    “Mbi ish-sipërfaqen e hapur ku hidheshin mbetjet në vijimësi, u ndërtua në vitin 2021 i ashtuquajturi landfill. Në tërësinë e këtij ndërtimi bëjnë pjesë vetëm dy mure mbajtëse në drejtimin veri -lindje, si dhe një shtresë rëre në bazën e tij dhe thuaj asgjë tjetër,” tha Vata.

    Pavarësisht situatës së rënduar, Bashkia e Matit i tha BIRN përmes përgjigjes me shkrim se nuk kishte vështirësi financiare për menaxhimin e mbetjeve, pasi i siguronte ato nga të ardhurat që grumbullon nga tarifa e pastrimit.

    Por përfaqësuesit lokalë të opozitës ngulmojnë se menaxhimi i mbetjeve është një nga problemet kryesore të bashkisë.

    “Koshat e hedhjes së mbetjeve mungojnë, duke bërë kështu mbingarkimin e tyre. Ndërkohë kjo pengon edhe ndarjen në burim të mbetjeve,” tha Vata për BIRN.

    “Më e rënda është se jo vetëm mbetjet e ngurta, por edhe ato spitalore bashkohen në koshat e përbashkët,” përfundoi ajo.

  • Premtime dhe plehra: Investimi 40 milionësh i mburrur nga Rama dështoi në Mat

    Premtime dhe plehra: Investimi 40 milionësh i mburrur nga Rama dështoi në Mat

    Gjatë një vizite në Burrel në tetor të vitit 2022, kryeministri Edi Rama inspektoi një investim të qeverisë për rehabilitimin e fushës së mbetjeve në Bashkinë e Matit dhe e vlerësoi atë si ‘një transformim historik”.
    “Është bërë një punë e jashtëzakonshme. Ky transformim i madh me sistemimin e mbetjeve është historik, sepse kjo zonë ka qenë e mbytur nga plehrat,” tha Rama, ndërsa kërkoi një kulturë të re të pastrimit.
    Projekti për rehabilitimin e vendepozitimit të mbetjeve në bashkinë e Matit u krye përmes një investimi prej 40 milionë lekësh të Ministrisë së Mjedisit, por tre vjet më pas, gangrena me trajtimin e mbetjeve vazhdon e pandryshuar.
    BIRN e vizitoi venddepozitimin në të dalë të qytetit të Burrelit në fillim të shtatorit dhe vëzhgoi një pirg mbeturinash të bëra njësh me rrugën, pasi investimi i ri kishte bërë bark dhe i pengonte makinat e bashkisë që t’i shkarkonin mbetjet brenda rrethimit.
    Mes pirgjeve të plehrave, disa banorë rrëmojnë në kërkim të materialeve të riciklueshme me të cilat sigurojnë jetesën.
    “Makina nuk mund t’i shkarkojë mbetjet në landfill, pasi ka rrëshqitur toka,” thotë njëri prej grumbulluesve. “Në qendër të landfillit ka plasur ujë, duke shkaktuar gropë,” shtoi më tej ai.
    Ministria e Mjedisit kontraktoi kompaninë Alba Kontruksion për punimet dhe i mori ato në dorëzim, për t’ia kaluar më pas landfillin Bashkisë së Matit për administrim.
    Por Bashkia vazhdon ta quajë fushën e mbetjeve venddepozitim dhe problemin e trajtimit të tyre ende të pazgjidhur.
    “Në Bashkinë Mat momentalisht nuk përpunohen dhe nuk riciklohen mbetje. Ato vend-depozitohen në vend-depozitimin e rehabilituar nga Ministria e Turizmit dhe Mjedisit… Bazuar dhe në planin lokal të menaxhimit të integruar të mbetjeve, jemi në pritje të një investimi dhe ristrukturimi të ri për menaxhimin e mbetjeve në rang qarku,” deklaroi Bashkia.
    Nezir Rizvani, ish-kryetari demokrat i Bashkisë së Matit i tha BIRN se projekti për landfillin e Matit ishte i dështuar, “pasi u bë pa studim gjeologjik”.
    “Tani aty kanë plasur ujrat nëntokësore, duke shkaktuar rrëshqitje dherash si dhe dëmtimin e njërës faqe të murit mbajtës.  Kështu situata e menaxhimit të mbetjeve, ka dalë totalisht jashtë kontrollit,” deklaroi ai.
    Projekti i rehabilitimit të vendepozitimit të mbetjeve ngjalli fillimisht shpresë për bashkinë veriore të Matit, e cila i shkarkon ato në të njëjtin vend prej vitit 1997. Njësoj si në bashkitë e tjera të vendit, edhe në Mat mbetjet nuk trajtohen, por grumbullohen të pandara në burim dhe transportohen në venddepozitim.
    Deputetja demokrate për qarkun e Dibrës, Denisa Vata i tha BIRN se i ashtuquajturi landfill nuk i plotëson kushtet mjedisore edhe pas parave të shpenzuara nga Ministria e Mjedisit për rehabilitimin e tij.
    “Mbi ish-sipërfaqen e hapur ku hidheshin mbetjet në vijimësi, u ndërtua në vitin 2021 i ashtuquajturi landfill. Në tërësinë e këtij ndërtimi bëjnë pjesë vetëm dy mure mbajtëse në drejtimin veri -lindje, si dhe një shtresë rëre në bazën e tij dhe thuaj asgjë tjetër,” tha Vata.
    Pavarësisht situatës së rënduar, Bashkia e Matit i tha BIRN përmes përgjigjes me shkrim se nuk kishte vështirësi financiare për menaxhimin e mbetjeve, pasi i siguronte ato nga të ardhurat që grumbullon nga tarifa e pastrimit.
    Por përfaqësuesit lokalë të opozitës ngulmojnë se menaxhimi i mbetjeve është një nga problemet kryesore të bashkisë.
    “Koshat e hedhjes së mbetjeve mungojnë, duke bërë kështu mbingarkimin e tyre. Ndërkohë kjo pengon edhe ndarjen në burim të mbetjeve,” tha Vata për BIRN.
    “Më e rënda është se jo vetëm mbetjet e ngurta, por edhe ato spitalore bashkohen në koshat e përbashkët,” përfundoi ajo./ Hysen Likdisha / BIRN

  • ‘Mbetjet urbane në Shqipëri’/ PL: Qeveria grabit miliarda, qytetarët mbyten në plehra

    ‘Mbetjet urbane në Shqipëri’/ PL: Qeveria grabit miliarda, qytetarët mbyten në plehra

    Zëdhënësja e Presidentit të Partisë së Lirisë, Jasmira Memelli, në një deklaratë për mediat tha se situata e mbetjeve urbane në Shqipëri është alarmante dhe tregon paaftësinë dhe korrupsionin e qeverisë.

    Sipas saj, ndërsa prodhimi i mbetjeve po rritet çdo vit, kapacitetet për menaxhimin dhe përpunimin e tyre janë minimale, riciklimi është zero, dhe qytetet po mbyten nga papastërtia.

    Memelli akuzoi qeverinë për shpërdorim miliardash lekësh të qytetarëve, duke i drejtuar për inceneratorë që nuk janë funksionalë, dhe u shpreh se kjo është një aferë e pastër e korrupsionit që ka pasuruar vetëm një grup oligarkësh të lidhur me pushtetin, ndërkohë që qytetarët paguajnë më shumë taksa dhe jetojnë në mjedis të ndotur.

    Ajo kërkoi hetim të plotë, transparencë totale dhe drejtësi për çdo përgjegjës.

    Deklarata e plotë:

    Të nderuar qytetarë!
    Të dhënat e fundit të INSTAT tregojnë se mbetjet urbane në Shqipëri janë rritur sërish, ndërsa kapacitetet e përpunimit dhe menaxhimit të mbetjeve përkeqësohen nga viti në vit. Sot prodhohen mbi 860 mijë tonë mbetje në vit, më shumë se kurrë më parë, por shteti nuk ka asnjë zgjidhje, riciklimi është zero, landfill-et janë mbushur dhe qytetet po mbyten nga papastërtia.
    Qeveria shqiptare ka grabitur miliarda lekë nga taksat e qytetarëve, në emër të një zgjidhjeje që nuk u realizua kurrë, inceneratorët fantazmë.
    Qindra milionë euro janë derdhur për Elbasanin, Fierin dhe sidomos për Tiranën, ku vetëm kontrata shkon në 430 milionë euro. Dhe sot, ku janë rezultatet?
    Mbetjet vetëm rriten, riciklimi është zero, nderkohe qytetarët paguajnë më shumë taksa dhe marrin më shumë ndotje.
    Këto janë miliarda lekë të shqiptarëve, para të marra nga gjaku i punëtorëve, nga sakrificat e familjeve dhe nga bizneset e ndershme. Ku kanë përfunduar? Në xhepat e një grushti oligarkësh të lidhur me qeverinë.
    Kjo është afera e shekullit! Një skemë e pastër korrupsioni, që nuk solli asnjë përfitim për qytetarët, por vetëm pasurimin e Edi Ramës dhe klientëve të tij.
    Ndërkohë që qytetarët mbyten mes plehrave, ndoten lumenjtë dhe digjet ajri me tym helmues, qeveria bën propagandë me projekte fantazmë.
    Ne kërkojmë hetim të plotë, transparencë totale dhe drejtësi të menjëhershme.
    Çdo euro e vjedhur duhet të kthehet pas, dhe çdo përgjegjës duhet të japë llogari para ligjit dhe para popullit.
    Shqiptarët nuk do të pranojnë më të paguajnë taksa për të mbajtur në këmbë aferën e shekullit.
    Shqipëria nuk është çiflig i oligarkëve, as kosh plehrash për korrupsionin tuaj.
    Faleminderit.
     

  • Kriza e menaxhimit të plehrave/ Mbetjet rriten, inceneratorët dështojnë dhe taksat digjen

    Kriza e menaxhimit të plehrave/ Mbetjet rriten, inceneratorët dështojnë dhe taksat digjen

    Kapacitetet e përpunimit dhe menaxhimit të mbetjeve po përkeqësohen nga viti në vit, teksa të dhënat zyrtare tregojnë se depozitimi në landfille është mjeti kryesor i menaxhimit. Të dhënat  e sotshme të INSTAT tregojnë se sasia e mbetjeve urbane në vend ka ardhur duke u rritur gjatë tre viteve të fundit, ndërkohë që kapacitetet e përpunimit dhe riciklimit mbeten të kufizuara, duke nxjerrë në pah rolin e dobët të incineratorëve.
    Në vitin 2024, në Shqipëri janë menaxhuar gjithsej 862.241 tonë mbetje, me një rritje prej 2,14% krahasuar me vitin 2023. Çdo banor gjeneroi mesatarisht 360 kg mbetje në vit. Mbetjet për banor janë rritur me 9 kg gjatë 2 viteve të fundit (nga 351 kg në 2023 në 360 kg në 2024).
    Riciklimi i mbetjeve ka mbetur pothuajse i pandryshuar, ndërsa depozitimi në landfille vazhdon të dominojë si metoda kryesore.

    Përbërja e mbetjeve urbane ka ruajtur të njëjtën strukturë ndër vite, me rritje të lehtë të plastikës dhe metaleve. 89,5% e mbetjeve janë mbetje familjare dhe te ngjashme me to (771 mijë tonë).
    Mbetjet organike përbëjnë më shumë se gjysmën e totalit (57,3%), ndërsa plastika dhe letra/kartoni janë kategoritë pasuese (rreth 9–10% secila).
    76,3% e mbetjeve u depozituan në landfille, teksa vetëm 18,8% e mbetjeve u ricikluan. Të dhënat tregojnë se vetëm 4,9% u dogjën për energji. Raportimet tregojnë se hedhjet jashtë landfillit janë reduktuar ndjeshëm, duke mbetur vetëm në 0,02% të totalit.
    Sipas të dhënave zyrtare, në vitin 2022 u menaxhuan rreth 820 mijë tonë mbetje, ndërsa në vitin 2023 kjo shifër u rrit në 844 mijë tonë dhe në 322 kg në 2024. Edhe mbetjet jo urbane shënuan rritje graduale, nga 34 kg në 2022 në 38 kg për banor në 2024.
    Të dhënat tregojnë qartë se prodhimi i mbetjeve urbane po rritet më shpejt se kapaciteti për menaxhimin e tyre. Ndërtimi i incineratorëve do të duhej të ulte gradualisht këto shifra duke garantuar trajtimin e mbetjeve dhe reduktimin e volumit që shkon në landfille. Por rritja e pandërprerë e treguesve tregon se inceneratorët nuk e kryen funksionin e tyre, por nga ana tjetër dogjën qindra milionë euro nga taksat e shqiptarëve.
    Të dhënat e viteve të fundit konfirmojnë një përkeqësim të situatës në menaxhimin e mbetjeve, duke e bërë gjithnjë e më urgjente zbatimin e alternativave si ndarja në burim, riciklimi real dhe përdorimi i teknologjive efikase për përpunimin e mbetjeve./Monitor