Lajmidites.com

Tag: mbarë

  • ‘X’ në kolaps në mbarë botën, çfarë po ndodh me rrjetin social?

    ‘X’ në kolaps në mbarë botën, çfarë po ndodh me rrjetin social?

    Platforma X, e drejtuar nga Elon Musk, ka përjetuar një ndërprerje të gjerë shërbimi që ka prekur përdoruesit në mbarë botën.

    Sipas të dhënave nga Downdetector, problemi ka arritur kulmin pak para orës 15:00, me mijëra raporte për ndërprerje të shërbimit në vende të ndryshme.

    Në disa rajone, përdoruesit kanë pasur vështirësi për t’u kyçur në llogaritë e tyre, për të ngarkuar postime ose për të dërguar mesazhe.

    Kompania nuk ka ofruar ende një deklaratë zyrtare për shkakun e këtij problemi. Një ndërprerje e ngjashme ndodhi më 10 mars 2025, kur Musk e cilësoi si një “sulm masiv kibernetik” të realizuar nga një grup i koordinuar ose një shtet.

    Për momentin, disa përdorues kanë raportuar përmirësime të shërbimit, por ende ka pasiguri nëse problemi është zgjidhur plotësisht. Për ata që kanë vështirësi të qasen në platformë, përdorimi i një VPN mund të jetë një zgjidhje e përkohshme.

  • Rama sheh përgatitjet për “Giro D’Italia”: 200 televizione të botës, me sytë nga Shqipëria

    Rama sheh përgatitjet për “Giro D’Italia”: 200 televizione të botës, me sytë nga Shqipëria

    Përgatitjet e fundit për të pritur Giro d’Italia i ka parë nga afër sot edhe kryeministri Edi Rama.
    Ai thotë se me këtë aktivitet, Shqipëria do të jetë në vëmendjen e mbi 200 televizioneve nga mbarë bota.
    “Ja, këtu në sheshin Skënderbej, ku nga njëra anë po përgatitemi për të mikpritur të gjithë Europën më 16 maj, por ndërkohë po përfundojmë përgatitjen e madhe të Giro D’Italia (La grande partenza) të Xhiros së Italisë pas 48 orësh. Një event fantastik për 200 televizione në mbarë botën, që do të shfaqë Shqipërinë Europën e Ballkanit. Dhe jam shumë i lumtur që në 3 ditë me radhë Shqipëria do të tregojë të gjithë shkëlqimin e vetë në sytë e mbarë botës. Dhe nga ana tjetër, shqiptarët e të gjitha moshave, po sidomos fëmijët do shijojnë xhiron legjendare të Italisë, këtu në tokën tonë”, shprehet kryesocialisti.

  • DW: Situata për gazetarët po përkeqësohet në mbarë botën

    DW: Situata për gazetarët po përkeqësohet në mbarë botën

    Në Ditën Botërore të Lirisë së Shtypit më 3 maj, Reporterët pa Kufij ngrenë alarmin: Situata për gazetarët po përkeqësohet në mbarë botën, edhe në Gjermani.
    Sipas organizatës Reporterët pa Kufij liria e shtypit është në rrezik. Situata globale e lirisë së shtypit ka rënë në një nivel të ri më të ulët në vitin 2025, sipas renditjes së lirisë së shtypit të publikuar nga organitata. Në gjysmën e 180 vendeve të anketuara, situata për profesionistët e medias është “e vështirë” ose “shumë serioze”. Përveç situatës së brishtë të sigurisë dhe autoritarizmit në rritje, presioni ekonomik po shkakton probleme për mediat në mbarë botën.

    Vetëm shtatë vende evropiane në mbarë botën morën etiketën “mirë”. Si një vit më parë, Norvegjia kryeson renditjen, e ndjekur nga Estonia, Holanda dhe Suedia. Vendet jo-evropiane të renditura mirë janë Zelanda e Re në vendin e 16-të dhe Trinidad dhe Tobago në vendin e 19-të. Shteti afrikano-verilindor i Eritresë mbetet në fund të renditjes në vendin e 180-të, i ndjekur nga Koreja e Veriut, Kina dhe Siria. Që nga viti 2002, organizata ndërkombëtare Reporterët pa Kufij vlerëson rregullisht situatën në një vend apo territor në kategoritë e politikës, ligjit, ekonomisë, socio-kulturore dhe sigurisë.
    Gjermania nuk është më ndër 10 vendet e para
    Renditja e Gjermanisë është përkeqësuar pak krahasuar me vitin e kaluar, duke zbritur nga vendi i 10-të në vendin e 11-të. Megjithatë, kjo është për shkak të një situate të përmirësuar në vendet e tjera, jo një përkeqësimi në Gjermani, sipas Reporterëve pa Kufij. Sipas organizatës, sfida të dukshme ka edhe në Gjermani. Këto përfshijnë “mjedisin gjithnjë e më armiqësor të punës” për profesionistët e medias, veçanërisht për shkak të sulmeve nga qarqet ekstremiste të krahut të djathtë.
    Klima po tensionohet edhe në nivel redaksional, kritikoi shoqata e gazetarëve. Janë dokumentuara “raste të shumta në të cilat profesionistët e medias kanë raportuar për pengesa joproporcionale të larta në raportimin e konfliktit në Lindjen e Mesme”. Situata ekonomike për kompanitë mediatike është përkeqësuar dukshëm edhe në Gjermani, sipas organizatës.
    Evropa kryeson
    Edhe pse sigurisht që ka një krizë në vende të veçanta të BE-së, mund të vërehet se hendeku midis Evropës dhe pjesës tjetër të botës po zgjerohet. Sipas RSF-së, Evropa mbetet rajoni i botës ku gazetarët mund të raportojnë më lirshëm. Reporterët pa Kufij raportojnë për presion në rritje ndaj medias në kontinentin amerikan. Në SHBA, organizata sheh një klimë gjithnjë e më armiqësore ndaj shtypit – e cila po prek jo vetëm në vend, por edhe shumë në vende të tjera përmes tërheqjes së ndihmës financiare.
    Për sa i përket sigurisë, Lindja e Mesme dhe Afrika e Veriut mbeten rajonet më të rrezikshme. Kjo është kryesisht për shkak të numrit të lartë të vdekjeve të gazetarëve si pasojë e sulmeve të ushtrisë izraelite në Rripin e Gazës palestineze. Si Izraeli ashtu edhe territoret palestineze kanë rënë në renditje. DW

  • Bota mban zi për vdekjen e Papa Franceskut, pikëllim në mbarë botën

    Bota mban zi për vdekjen e Papa Franceskut, pikëllim në mbarë botën

    Vdekja e Papës shkaktoi keqardhje dhe pikëllim të madh në mbarë botën. Në sheshin e Shën Pjetrit në Vatikan u mblodhën shumë njerëz për të vajtuar për Papën.

    Shumë besimtarë erdhën në Vatikan duke mbajtur kryqe në kujtim të Papa Françeskut.Pas lajmit për vdekjen e Papës në sheshin e Shën Pjetrit u mblodhën shumë vetë për t’u lutur për të
    Jo vetëm në Romë por në mbarë botën njerëzit e përkujtojnë Papa Françeskun e ndjerë veçanërisht për përkushtimin e tij ndaj të varfërve.
    Avokati i të dobtëve
    Gjatë gjithë të hënës në sheshin e Shën Pjetrit në Vatikan u mblodhën gjithnjë e më shumë njerëz për të vajtuar së bashku për Papën. (DW)

    Top Channel

  • Robert F. Kennedy Jr zotohet të gjejë shkakun e autizmit deri në shtator

    Robert F. Kennedy Jr zotohet të gjejë shkakun e autizmit deri në shtator

     

    Sekretari amerikan i Shëndetësisë, Robert F. Kennedy Jr, ka shpallur nisjen e një iniciative ambicioze për të zbuluar shkaqet e autizmit brenda pesë muajsh, në atë që ai e përshkroi si një “përpjekje masive testimi dhe kërkimi” me pjesëmarrjen e qindra shkencëtarëve nga mbarë bota.

    Duke folur në një takim të kabinetit të enjten, Kennedy premtoi një qasje gjithëpërfshirëse, e cila do të shqyrtojë çdo faktor të mundshëm – nga vaksinat dhe ndotja, deri te stili i jetesës dhe prindërimi.

    “Deri në shtator, ne do të dimë se çfarë e ka shkaktuar epideminë e autizmit dhe do të jemi në gjendje t’i eliminojmë ato ekspozime,” deklaroi ai, duke theksuar rëndësinë e transparencës, bashkëpunimit shkencor dhe të dhënave të hapura.

    Ky angazhim vjen në një kohë kur diagnozat e autizmit janë në rritje, me shifra që tregojnë se 2.77% e fëmijëve 8-vjeçarë në SHBA janë diagnostikuar me çrregullimin e spektrit të autizmit deri në vitin 2020. Kennedy argumenton se është koha për të kuptuar thellësisht se cilët faktorë kontribuojnë në këtë rritje, për të ndihmuar familjet, komunitetet dhe sistemin shëndetësor të përgatiten dhe të përgjigjen më mirë.

    Përmes kësaj nisme, Kennedy synon të çojë përpara një politikë të re të shëndetit publik që nuk shmang pyetjet e vështira dhe nuk mbyllet ndaj teorive të reja kërkimore. Ai nënvizoi se do të shqyrtohen të gjitha mundësitë shkencore: “Ne do të shohim vaksinat, por do të shohim gjithçka – sistemin ushqimor, ujin, ajrin tonë, mënyrat e prindërimit, çdo ndryshim potencial që mund të ketë ndikuar.”

    Megjithëse disa ekspertë kanë shprehur skepticizëm për kohëzgjatjen e afatit, shumë e shohin nismën si një shans për të përqendruar më shumë vëmendje dhe burime në një çështje që prek miliona familje në mbarë botën. Në fokus të Kennedy-t është bashkëpunimi ndërkombëtar dhe përdorimi i mjeteve më të avancuara të kërkimit për të ndriçuar më shumë mbi këtë çrregullim kompleks.

    Me këtë hap të guximshëm, Kennedy synon të vendosë në qendër të debatit publik një prej temave më të rëndësishme të shëndetit modern, duke shfaqur një qasje të hapur dhe kërkimore që shumë e shohin si të domosdoshme për të ecur përpara.

  • Ministri gjerman i Financave për tarifat e Trump: Do të shkaktojë dëme të mëdha në mbarë botën. BE duhet të përgjigjet!

    Ministri gjerman i Financave për tarifat e Trump: Do të shkaktojë dëme të mëdha në mbarë botën. BE duhet të përgjigjet!

    Ministri i Ekonomisë Robert Habeck shprehet se tarifat e SHBA mund të shkaktojnë dëme shumë të mëdha në mbarë botën.

    Ai paralajmëroi një “përgjigje të ekuilibruar, të qartë dhe vendimtare” nga Bashkimi Evropian, por përsëri bëri thirrje për një zgjidhje të negociuar.
    “Tarifat e SHBA-së ka të ngjarë të shkaktojë një spirale që mund të tërheqë vendet në recesion dhe të shkaktojë dëme të mëdha në mbarë botën, me pasoja negative për shumë njerëz,” tha Hambeck teksa përsëriti qëndrimin gjerman në favor të zhvillimit të negociatave.
    “Ne gjithmonë kemi shtyrë për negociata, jo për konfrontim. Kjo është ende gjëja e duhur për të bërë. Dhe është mirë që Komisioni Evropian vazhdon të kërkojë një zgjidhje përmes negociatave me SHBA. Ka ende pak kohë për këtë. Megjithatë, nëse SHBA-të nuk duan një zgjidhje të negociuar, Bashkimi Evropian do të japë një përgjigje të ekuilibruar, të qartë dhe vendimtare. Ne jemi përgatitur për këtë”, theksoi ministri dhe duke iu referuar “Ditës së Çlirimit” për të cilën foli Donald Trump, ai kundërshtoi se “për konsumatorët në SHBA do të jetë Dita e Inflacionit dhe jo Dita e Çlirimit”.

    Top Channel

  • Hapet ekspozita “Art Basel Hong Kong”, shfaqen vepra arti nga 240 galeri në mbarë botën

    Hapet ekspozita “Art Basel Hong Kong”, shfaqen vepra arti nga 240 galeri në mbarë botën

    Ekspozita “Art Basel Hong Kong” u hap në Qendrën e Konventave dhe Ekspozitave të Rajonit të Posaçëm Administrativ të Hong Kongut, duke shfaqur vepra arti nga 240 galeri në mbarë botën, shkruan “Xinhua”.
    Ky edicion i panairit më të madh të artit në botë përmban gjashtë seksione, duke hedhur në qendër të vëmendjes edhe artistët e pavarur.
    “Koleksionistët nga Hong Kongu dhe krahina të brendshme të Kinës janë dy grupet më të mëdha pjesëmarrëse këtë vit, ndërsa frekuentimi i koleksionistëve nga Azia Juglindore, sidomos Singapori dhe Filipinet, u rrit ndjeshëm”,- tha Angelle Siyang-Le, drejtoreshë e “Art Basel Hong Kong”.

    Drejtori ekzekutiv i “Art Basel”, Noah Horowitz, deklaroi se roli i Hong Kongut për të lidhur krahina të brendshme të Kinës me pjesën tjetër të botës është shpërblyes.
    “Jam jashtëzakonisht krenar që shoh një qytet që është jashtëzakonisht i pasur në kulturat e tij dhe ka një kulturë të përcaktuar bashkëkohore”,- tha Horowitz, duke përmendur rritjen e galerive dhe shtëpive të ankandeve në Hong Kong.
    “Art Basel” u themelua në Bazel, Zvicër, në vitin 1970, dhe për herë të parë erdhi në Hong Kong në vitin 2013. Tani mbahet në Basel, Miami të Shteteve të Bashkuara dhe Hong Kong përkatësisht çdo vit.

  • Një “tronditje e re nga Kina” po shkatërron vendet e punës në mbarë botën

    Një “tronditje e re nga Kina” po shkatërron vendet e punës në mbarë botën

    Nga Indonezia në Meksikë, humbjet e vendeve të punës mund të rriten pasi tarifat e Trump-it devijojnë edhe më shumë eksportet kineze nga SHBA. Pranë qytetit indonezian të Surakartës, një ish-kryeqytet mbretëror në ishullin e Javas, i njohur prej kohësh për prodhimin e pëlhurave të ndërlikuara, dhjetëra fabrika veshjesh dikur të gjallëruara qëndrojnë tani bosh pas portave të mbyllura.Në një kafe…

  • Panairi i Turizmit në Berlin, Rama publikon videon e veçantë të krijuar me AI

    Panairi i Turizmit në Berlin, Rama publikon videon e veçantë të krijuar me AI

    Kryeministri Edi Rama ka publikuar një mesazh drejtuar turistëve në mbarë botën, por në një video të krijuar me AI (Inteligjencë Artificiale).Në një mesazh shkruar krahas videos ai shprehet se ka folur në gjuhë të cilat nuk i di, por kjo falë asaj që ai e quan “magjia e AI”.“MIRËMËNGJES 😊 dhe me videopërshëndetjen surprizë për Panairin e Turizmit në Berlin, ku do të më shihni duke folur edhe gjuhë që nuk i di fare, ju uroj një javë të mbarë😉”, shkruan Rama krahas videos.https://www.facebook.com/ediramaal/videos/642484831626721Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.Kryeministri Edi Rama ka publikuar një mesazh drejtuar turistëve në mbarë botën, por në një video të krijuar me AI (Inteligjencë Artificiale).Në një mesazh shkruar krahas videos ai shprehet se ka folur në gjuhë të cilat nuk i di, por kjo falë asaj që ai e quan “magjia e AI”.“MIRËMËNGJES 😊 dhe me videopërshëndetjen surprizë për Panairin e Turizmit në Berlin, ku do të më shihni duke folur edhe gjuhë që nuk i di fare, ju uroj një javë të mbarë😉”, shkruan Rama krahas videos.https://www.facebook.com/ediramaal/videos/642484831626721