Ligjvënësi demokrat, Ivi Kaso e ka cilësuar një mashë të ekzekutivit, Presidentin e Republikës, Bajram Begaj, referuar qëndrimeve që ky i fundit ka mbajtur për llogari të ekzekutivit.
I ftuar në edicionin e mbrëmjes në Syri Tv, Kaso tha se nuk ka ndodhur kurrë në historinë e Shqipërisë, që institucioni i Presidentit të katandiset në ditën që është sot, duke u bërë temë e debatit publik, i cili në vend që të investohet për shqetësimet madhore të shoqërisë shqiptare, bëhet mashë në duart e kryeministrit dhe mazhorancës.
‘Ka zgjedhur të jetë zgjatim i Ramës e mazhorancës, duke u de-personalizuar aq shumë sa kompetencat t’i ushtrojë për llogari të pushtetit të ekzekutivit, që ky i fundit s’guxon t’i bëjë. Nuk e di nëse e bën për një mandat të dytë apo për hallin e tij, kemi një institucion që po kthehet në qesharak’, theksoi Kaso.
Duke folur edhe në cilësinë e Sekretarit për Çështjet Ligjore në PD, deputeti Kaso, tha se ndërhyrja e Presidentit Begaj për ndërprerjen e mandatit të anëtares së Gjykatës Kushtetuese, Sonila Bejtja, tregon qartë precedentin e rrezikshëm në të cilën mund të futet vendi ynë.
Dhe e gjithë ‘lufta’ institucionale që po zhvillohet mes Presidentit dhe GJK për ndërprerjen e mandatit të një prej anëtarëve të trupës së Kushtetueses, bëhet për qëllime të ekzekutivit, pasi mazhorancës nuk i pëlqejnë qëndrimet e gjyqtares Bejtja.
S’jemi katandisur kurrë kaq keq, sa presidenti bëhet temë e ditës. Duhet të përfaqësojë unitetin e kombit, duhet të investohet për shqetësimet madhore të shoqërisë, e jo mashë në duart e kryeministrit e mazhorancës. Por duhet ti japë dinjitet vendin për të qëndruar mbi palët. Ka zgjedhur të jetë zgjatim i Ramës e mazhorancës, duke u de-personalizuara aq shumë sa kompetencat t’i ushtrojë për llogari të pushtetit të ekzekutivit, që ky i fundit s’guxon t’i bëjë. Nuk e di në e bën për një mandat të dytë apo për hallin e tij, kemi një institucion që po kthehet në qesharak. Për bëmat që s’resht së bëri dhe kthehet në temë kryesore të debatit.
Jo vetëm vendos precedent, por edhe potencialin për të destabilizuar balancën kushtetuese. Nesër nis shqyrtimi në Gjykatën Kushtetuese të kërkesës së Presidentit të Republikës, në mënyrë që të interpretojë një paragraf për ripërtëritjen e Gjykatës Kushtetese për mandatin e anëtarëve të trupës së Kushtetueses. Parim rotacioni që s’u zbatua brenda mandatit të vet, nga ngritja me vonesë e GJK u hodh poshtë për shkak të sjelljes institucionale për emërtesat në Kushtetuese. GJK s’investohet për të shpjeguar presidentin, por kur ka konflikt mes organeve kushtetuese. S’është asnjë nga këto raste.
Duke kërkuar përfundimin e një mandati të anëtares së GJK, Sonila Bejtja, e cila ka mbajtur qëndrime ndaj mazhorancës, cenon integritetit të trupës së GJK. Precedent tejet i rrezikshëm për t’i përfunduar mandatin një gjyqtari përkundër qëndrimeve që ka mbajtur. Është mospëlqimi i mazhorancës ndaj një gjyqtare të GJK për vendimet, dhe këtë e shpreh përmes institucionit të presidencës, që bëhet mashë e ekzekutivit.
