Lajmidites.com

Tag: masakrës

  • Vdes në moshën 111 vjeçare e mbijetuara më e vjetër e masakrës së Tuslës

    Vdes në moshën 111 vjeçare e mbijetuara më e vjetër e masakrës së Tuslës

    E mbijetuara më e vjetër e masakrës së Tuslës në Oklahoma, ndërroi jetë në moshën 111 vjeçare, njoftoi të hënën  kryebashkiaku i qytetit.

    Viola Ford Fletcher, ishte vetëm shtatë vjeç në pranverën e vitit 1921, kur një turmë e njerëzve të bardhë sulmuan lagjen Greenwood në Tulsa ku jetonte një komunitet afro-amerikan.

    Në vitin 1921, më 31 maj dhe 1 qershor, Tulsa u përfshi nga trazirat racore dhe vrasjet. Vlerësohet se rreth 300 banorë humbën jetën gjatë trazirave racore.

    Ajo dhe të mbijetuar të tjerë kaluan vitet e mëvonshme duke kërkuar njohjen zyrtare të masakrës dhe dëmshpërblime, por padia e tyre u rrëzua nga Gjykata e Lartë e shtetit.

    Kryebashkiaku Monroe Nichols e përshkroi jetën e zonjës Fletcher si “një dritë që tregoi rrugën përpara”. I vetmi i mbijetuar i njohur ende në jetë nga masakra është Lessie Benningfield Randle, 111 vjeç.

    Masakra e Tulsës-s, e cila ndodhi mes 31 majit dhe 1 qershorit 1921, konsiderohet si një nga episodet më të rënda të dhunës racore në historinë e SHBA-së. Ajo u shkaktua nga një akuzë se një adoleshent i zi, Dick Roëland, kishte sulmuar një grua të bardhë në ashensor, shkruan BBC.

    E gjitha filloi kur një i ri afrikano-amerikan, me emrin Dick Roëland, u akuzua për sulm ndaj një gruaje të bardhë – një pretendim që nuk u dëshmua kurrë – dhe pas thashethemeve se një turmë e njerëzve të bardhë planifikonte ekzekutimin e tij.

    Një turmë e afrikano-amerikanëve – shumë prej tyre të armatosur – në përpjekje për të parandaluar ekzekutimin, u përball me një turmë të njerëzve të bardhë – disa gjithashtu të armatosur – në gjykatën ku po mbahej Roëland, duke çuar në një konfrontim vdekjeprurës, që la të vdekur dhjetë të bardhë dhe dy afrikano-amerikanë.

    Pastaj, protestuesit e bardhë vranë afrikano-amerikanë, plaçkitën shtëpi dhe u vunë flakën blloqeve të lagjes Grinvud të Tulsas.

    Në vitin 2001, një komision shtetëror i Oklahomës regjistroi zyrtarisht 36 të vdekur: 26 afrikano-amerikanë dhe dhjetë të bardhë.

    Por, disa historianë thonë se numri i të vdekurve arrin deri në 300 njerëz – shumica e tyre afrikano-amerikanë.

    Gati 10,000 njerëz mbetën të pastrehë dhe biznese të panumërta u shkatërruan, duke i dhënë fund një qendre ekonomike dhe kulturore afrikano-amerikane.

    Të mbijetuarve nuk iu dha asnjë kompensim dhe kompanitë e sigurimeve mohuan shumicën e pretendimeve të afrikano-amerikanëve.

    Ngjarjet kryesisht munguan në librat e historisë deri në vitet e fundit.

  • Ndërron jetë Behar Topilla, i mbijetuari i vetëm i masakrës së Shavarinës në Drenas

    Ndërron jetë Behar Topilla, i mbijetuari i vetëm i masakrës së Shavarinës në Drenas

    Behar Topilla, një nga figurat më domethënëse të kujtesës së masakrës së Shavarinës në Gllanasellë, ka ndërruar jetë pas një sëmundjeje.

    Ai ishte i vetmi që i kishte shpëtuar masakrës së 1 majit 1999, ku u vranë mbi 40 civilë shqiptarë. Historia e tij u bë e njohur në mbarë botën përmes gazetës amerikane The Salt Lake Tribune, e cila në atë kohë botoi artikullin “Sole Survivor”, “I mbijetuari i vetëm”.
    Topilla kishte mbetur i plagosur dhe i fshehur nën trupat e viktimave, derisa arriti të mbijetonte. Ai u bë dëshmitar kyç i një prej krimeve më të rënda të luftës së fundit në Kosovë.
    Zëri i tij ishte pjesë e dëshmisë së gjallë për masakrën e Shavarinës, një histori që ai e mbajti në shpirt deri në fund të jetës.
    Largimi i tij lë një boshllëk të madh, pasi me të shuhet një zë i pazëvendësueshëm i së vërtetës historike. Megjithatë, rrëfimi i tij mbetet i gdhendur në kujtesën kolektive dhe do të jetojë si dëshmi e qëndresës përballë krimeve të luftës.

    Top Channel

  • Ministrja Spiropali mbërrin në Izrael, nderim viktimave të masakrës së 7 Tetorit: Kthimi i pengjeve, hap vendimtar për mbrojtjen e dinjitetit njerëzor

    Ministrja Spiropali mbërrin në Izrael, nderim viktimave të masakrës së 7 Tetorit: Kthimi i pengjeve, hap vendimtar për mbrojtjen e dinjitetit njerëzor

    Ministrja për Evropën dhe Punët e Jashtme, Elisa Spiropali ka mbërritur ditën e sotme në Izrael në përgjigje të ftesës që mori një javë më parë nga homologu izraelit, Gideon Sa’ar.

    Ministrja e Jashtme do të pritet në një takim bilateral nga homologu Sa’ar, si dhe nga Kryetari i Kuvendit të Izraelit, Amir Ohana.
    Ndalesën e saj të parë në Izrael, Ministrja Spiropali e pati në vendodhjen e Festivalit Nova, në përkujtim të viktimave të masakrës së 7 tetorit të vitit 2023, që u mori jetën mbi 1200 civilëve në Izrael.
    Spiropali theksoi se “kthimi i të gjitha pengjeve në shtëpi do të ishte një hap vendimtar për mbrojtjen e dinjitetit njerëzor”.
    “Shqipëria mbështet marrëveshjen e paqes, arritur së fundmi me ndërmjetësimin e Presidentit Trump si e vetmja mënyrë për stabilitet në Lindjen e Mesme dhe bashkëjetesën në siguri e dinjitet për të dy popujt”, deklaroi Spiropali nga Izraeli.
    Diskutimet mes dy ministrave të jashtëm do të fokusohen gjithashtu në forcimin e marrëdhënieve dypalëshe, zhvillimet rajonale, bashkëpunimin ekonomik, inovacionin dhe interesat e përbashkëta strategjike.
    Spiropali do të vizitojë gjithashtu  Memorialin “Yad Vashem”, qendrën e përkujtimit dhe dokumentimit të Holokaustit, ku shqiptarët nderohen ndër popujt që rrezikuan jetën e tyre për të shpëtuar hebrenjtë gjatë Luftës së Dytë Botërore.

    Top Channel

  • Autori i masakrës në Shkodër, Ragip Gila transferohet në paraburgimin e Tiranës

    Autori i masakrës në Shkodër, Ragip Gila transferohet në paraburgimin e Tiranës

    Ragip Gila, 29-vjeçari i dyshuar si autor i ngjarjes së rëndë që tronditi qytetin e Shkodrës, është transferuar në paraburgimin 302 në Tiranë, ku po mbahet në kushte të posaçme sigurie.
    Sipas burimeve, Gila është vendosur në një qeli të veçuar, për të shmangur çdo incident të mundshëm, duke pasur parasysh rrezikshmërinë e tij dhe krimin e rëndë që ka kryer.

  • Gjykata jep vendimin për autorin e masakrës së Shkodrës, Ragip Gila do të vazhdojë të qendrojë në burg

    Gjykata jep vendimin për autorin e masakrës së Shkodrës, Ragip Gila do të vazhdojë të qendrojë në burg

    Gjykata jep vendimin për autorin e masakrës së Shkodrës, Ragip Gila, i cili dyshohet se vrau brenda një lokali mëngjesin e 8 Shtatorit dy persona dhe plagosi dy të tjerë.
    Togat e zeza kanë caktuar masën e sigurisë “arrest me burg” ndaj tij. 28-vjeçari Ragip Gila mësohet se nuk ka dhënë asnjë deklaratë gjatë seancës për masën e sigurisë në Gjykatën e Shkallës së Parë në Shkodër.
    Prokuroria ka kërkuar “arrest me burg”, ndërsa avokati mbrojtës ishte caktuar kryesisht nga gjykata pasi i dyshuari nuk kishte përfaqësues ligjor.
    Avokati ia la në dorë gjykatës vleftësimin për masën e sigurisë, ndërsa gjyqtarja Ermira Dedja vendosi masën “arrest me burg”.
    Sipas hetimeve paraprake, Gila akuzohet për vrasjen e Armando Palit dhe Liridon Kraja alias Lushi, si dhe për plagosjen e rëndë të Erogen Vasos Brajoviç dhe Meri Kacerit, kamariere e lokalit, gjatë një atentati që ndodhi më 8 Shtator në qendër të qytetit të Shkodrës.
    Autori i dyshuar i masakrës, Ragip Gila u vendos në pranga disa minuta pas ngjarjes së rëndë në tentativë për t’u arratisur.
    28 vjeçari, banues në Shkodër, u arrestua për veprat penale “Vrasja në rrethana të tjera cilësuese”, “Vjedhja me armë”, “Shkatërrimi i pronës”,”Mbajtja pa leje dhe prodhimi i armëve, armëve shpërthyese dhe municionit” dhe “Vjedhja”.
    Pas të shtënave, autori Ragip Gila u largua nga dera e pasme e lokalit dhe braktisi motorin, duke ecur në këmbë për disa metra.
    Më pas, Gila ndaloi një qytetar dhe nën kërcënimin e armës i mori makinën BMW ngjyrë gri, me të cilën u largua me shpejtësi nëpër rrugët e qytetit. Pamjet filmike tregojnë qartë momentin kur ai qarkullon me makinën e vjedhur në përpjekje për t’u arratisur. Arriti deri në lagjen Skënderbeg, por gjatë ndjekjes nga forcat e policisë, u përfshi në një aksident duke u përplasur me disa mjete të tjera. Pas përplasjes, e braktisi automjetin dhe tentoi të largohej në këmbë në drejtim të lumit Kir.

    Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
    Ju mirëpresim!

  • VIDEO/ Top Channel siguron momentin e arrestimit të autorit të masakrës Shkodrës, detaji që ‘tradhtoi’ vrasësin

    VIDEO/ Top Channel siguron momentin e arrestimit të autorit të masakrës Shkodrës, detaji që ‘tradhtoi’ vrasësin

    Skafanderi që mbante në tokë teksa ende drejtonte makinën, ‘tradhtoi’ autorin e masakrës së Shkodrës, ndodhur këtë mëngjes ku u vranë dy persona dhe u plagosën dy të tjerë.

    Top Channel ka siguruar edhe pamjet teksa Rakip Gilla arrestohet në zonën e njohur si “Zalli i Kirit” disa km larg vendit të ngjarjes.
    Pas krimit ai është larguar nga lokali me një makine tip “BMW”. Rrugës ka bërë një aksident me një makine tjetër dhe ka tërhequr vëmendjen e policisë pasi ishte ende me skafandër.
    Policia i është vënë në ndjekje dhe në zonën e lumit të Kirit ka lënë makinën për tu larguar në këmbë bashkë më armën në krahë. Pas rrethimit është dorëzuar.

    Top Channel

  • Përkujtohet 76-vjetori i masakrës së Valmirit në Mirditë, 14 burra u pushkatuan nga komunistët

    Përkujtohet 76-vjetori i masakrës së Valmirit në Mirditë, 14 burra u pushkatuan nga komunistët

    Në Mirditë u përkujtua 76-vjetori i Masakrës së Qafë Valmirit, një nga ngjarjet më të rënda të historisë së kësaj treve.
    Për të nderuar 14 burrat, që më 17 gusht 1949 u pushkatuan nga regjimi komunist, familjarë, përfaqësues të ish-të përndjekurve politikë dhe deputetë të Partisë Demokratike vendosën kurora dhe zhvilluan homazhe pranë memorialit të ngritur në Qafë Valmir.
    Familjarët dhe të afërmit e të pushkatuarve, apelojnë se kjo ditë e zezë në historinë e Mirditës dhe Shqipërinë, të mos harrohet kurrë si referencë e krimeve të totalitarizmit.
    Në shenjë hakmarrjeje, pas vrasjes së sekretarit të parë të Mirditës nga komiteti i maleve, një formacion i armatosur që kundërshtonte diktaturën dhe kërkonte bashkimin e Shqipërisë me Kosovën dhe trojet e tjera shqiptare, forcat komuniste ekzekutuan 17 gushtin e 76 viteve më parë 14 burra nga familje të njohura mirditore.
    Masakra e Qafë Valmirit shënoi fillimin e një vale të gjerë terrori komunist në këtë zonë. Qindra persona u burgosën, mbi 400 familje u internuan dhe popullsia u çarmatos me forcë nga ushtria.

  • 30-vjetori i masakrës/ Mijëra pjesëmarrës nisin Marshin e Paqes në kujtim të viktimave të Srebrenicës

    30-vjetori i masakrës/ Mijëra pjesëmarrës nisin Marshin e Paqes në kujtim të viktimave të Srebrenicës

    Në Bosnje e Hercegovinë nisi të martën Marshi i përvitshëm i Paqes, në kujtim të viktimave të gjenocidit në Srebrenicë. 

    Gjatë tri ditëve të ardhshme, mijëra pjesëmarrës do të përshkojnë rrugën që mijëra qytetarë të Srebrenicës kaluan në verën e vitit 1995, në përpjekje për të shpëtuar nga forcat serbe.

    Pas një rrugëtimi prej rreth 110 kilometrash, që nisi nga fshati Nezuk, pranë Tuzllës, ata do të arrijnë në Qendrën Përkujtimore Potoçari, ku më 11 korrik shënohet 30-vjetori i masakrës.

    Atë ditë, atje do të varrosen mbetjet e shtatë viktimave të masakrës që u gjetën gjatë vitit të kaluar.  Më 11 korrik të vitit 1995, forcat serbe të Bosnjës hynë në Srebrenicë, në zonën që ishte shpallur e sigurt nga Kombet e Bashkuara.

    Në ditët që pasuan, ato vranë mbi 8.000 burra dhe djem boshnjakë, ndërsa trupat e tyre i hodhën në gropa në pyjet përreth.  Krimi u njoh nga Gjykata Ndërkombëtare e Hagës si gjenocid.

    Në tri dekadat e fundit, më shumë se 50 persona u dënuan me rreth 780 vjet burg për gjenocid dhe krime të tjera në Srebrenicë.  Në mesin e të dënuarve me burgim të përjetshëm janë presidenti i kohës së luftës i Republikës Sërpska dhe komandanti i ushtrisë së atij entiteti, Radovan Karaxhiq dhe Ratko Mlladiq.

    Marshi i Paqes mbahet që nga viti 2005 dhe çdo vit numri i pjesëmarrësve rritet.  Qëllimi i kësaj ngjarjeje është të ruajë gjallë kujtimin për viktimat e gjenocidit në Srebrenicë./REL

  • Gjermanët kërkojnë falje në Borovë! Përkujtohet vrasja e 107 banorëve, 82 vite më parë nga ushtria naziste

    Gjermanët kërkojnë falje në Borovë! Përkujtohet vrasja e 107 banorëve, 82 vite më parë nga ushtria naziste

    82 vite më parë do të shënohej masakra e pare dhe me e madhja e nazistëve gjermanë kundër popullsisë civile shqiptare.

    Njëri nga divizionet gjermane dogji fshatin Borovë të Kolonjës duke vrarë 107 veta mes të cilëve shumë gra dhe fëmijë. Në këtë 82 vjetor të masakrës së Borovës, gjermani Ulrich Chilian tregon se kjo është e disata herë për të në Borovë, pasi ndjen të kërkojë falje edhe në emër të popullit të tij
    “Vij nga Gjermania është hera ime e 4-ët në Borovë, është faji i gjermanëve për këtë që ka ndodhur dhe në kujtim të viktimave vij për ti nderuar. Përpiqem të kërkoj falje në emër të popullit gjerman edhe pse është e vështirë, por tani ne jemi miq dhe do jemi miq përgjithmonë“, u shpreh Chilian.
    Kryetari i bashkisë Kolonjë Erion Isai bën krahasimin e kësaj masakre me atë çka po përballet bota sot, ku për jetën e njeriut vendos njeriu dhe jo Zoti.
    Viktimat e masakrës së Borovës kanë marrë titullin Dëshmorë të Atdheut ndërsa çdo 6 korrik, familjarë dhe zyrtarë përkujtojnë këtë masakër.

    Top Channel

  • “Kujdesuni për macen”, letra e autorit të masakrës në Austri. Zbulohet videoja që i çoi të ëmës

    “Kujdesuni për macen”, letra e autorit të masakrës në Austri. Zbulohet videoja që i çoi të ëmës

    Detaje tronditëse dhe rrëqethëse janë bërë publike nga mediat austriake në lidhje me tragjedinë që ndodhi në një shkollë në Graz.
    Një 21-vjeçar, i identifikuar si Arthur A., qëlloi me armë në shkollën ku kishte mësuar duke vrarë nëntë nxënës dhe një mësues.
    Më pas në një banjo qëlloi veten duke e çuar numrin total të viktimave të kësaj masakre në 11.
    Sipas asaj që shkruajnë mediat, para se të kryente krimin e rëndë, i riu i kishte dërguar një video të ëmës në celular.
    Në të, ai kërkonte falje për “atë që do të bënte tani”. 21-vjeçari falenderonte të ëmën për kujdesin ndaj tij.

    Këtë video, e ëma e autorit e ka hapur 24 minuta pasi i ishte dërguar në celular. Në këtë kohë, ai e kishte kryer masakrën.
    Për më tepër, Arthur A., ka lënë një letër lamtumire. Kronen Zeitung shkruan se në të ai fajësonte shkollën dhe bullizimin ndaj tij për aktin.
    Ajo që e bën më rrëqethëse ngjarjen është fakti që 21-vjeçari teksa ka menduar të kryente një akt të tillë, ka shprehur shqetësimin për macen e tij dhe se për të duhej kujdesur sa më shumë të jetë e mundur pas masakrës.

    21-vjeçari Arthur A. jetonte vetëm me të ëmën në Kalsdorf pasi prindërit i ishin ndarë. Babai i tij është me origjinë armene.
    “Është e paimagjinueshme që një person i tillë të shkaktojë një masakër”, shkruan Kronen krah fotos së të riut.
    Austria ka deklaruar tre ditë zie kombëtare pas sulmit më vdekjeprurës pas Luftës së Dytë Botërore në vend.