Kryeministri Edi Rama u pyet gjatë konferencës së përbashkët me homologen italiane, nëse është ‘penduar për marrëveshjen për emigrantët’.
Rama tha se të njëjtën gjë do e bënte sërish, por vetëm me Italinë
“Me Italinë do e bëja 100 herë edhe pse 100 herë ju do ishit kundër. Me vendet e tjera, kurrë!
Sepse ju nuk jeni Italia. Italia mund t’i kërkojë Shqipërisë çfarë i vjen në mendje dhe ne jemi të gatshëm për t’u përgjigjur”-u shpreh Rama.
Top Channel
Ish-diplomati amerikan Christopher Hill gjatë dhënies së dëshmisë të tij në Hagë sqaroi rrethanat e nënshkrimit të Marrëveshjes së Rambujesë.
Gjatë pyetjes së trupit gjykues, Hill tha se ekipi i shqiptarëve të Kosovës në Rambuje ishin të bashkuar dhe të unifikuar për nënshkrimin e dokumentit.
“Nuk më kujtohet kjo gjë, por ajo çka kujtoj unë është se i gjithë delegacioni i shqiptarëve të Kosovës ishin dakord me marrëveshjen, nuk më kujtohet se kush e ka nënshkruar, por të gjithë ishin dakord që të nënshkruanin dokumentin dhe ishin pozitivë në atë marrëveshje nënshkrimi në Paris. Më duhet të them që isha shumë i kënaqur nga fakti që persona të cilët nuk ishin ulur në një tryezë të përbashkët, nuk kishin pasur të njëjtin mendim në atë moment dhe ishin në një mendje, ishin bashkë. Pra, ishin persona të cilët për shkaqe politike apo për shkak të mendimit që kishin për Rugovën nuk ndanin të njëjta qasje, megjithatë në Rambuje ishin të gjithë bashkë dhe pas nëntë muajsh isha i kënaqur megjithëse nuk kishim një foshnje figurativisht në duar, për ne ishte arritje e madhe. Nga ana tjetër ne kishim edhe një ndjenjë melankolie, sepse Serbia nuk ishte aty dhe ishim në një pikë shumë të rëndësishme historie”, tha Hill.
Hill i pyetur se pse SHBA vazhdoi me marrëveshjen me vetëm një palë nënshkruese, diplomati amerikan tha se kjo ishte dëshmi për deklaratat e Millosheviçit i cili kishte thënë se shqiptarët nuk do të pajtoheshin me asnjë marrëveshje.
“Koncepti aso kohe ishte t’i jepej mesazh serbëve, kjo do të ndodhë kështu që ju do ishte mirë të bëheni pjesë e procesit. Pra, kjo është mënyra më e mirë të garantohen interesat e Serbisë, të bëheni pjesë e këtij procesi. Përderisa Millosheviçi kishte thënë shumë e shumë herë, pra kishte thënë që shqiptarët nuk do të bien dakord asnjëherë për asgjë dhe marrëveshja rrëzonte pikëpamjet e tij se shqiptarët nuk do të pajtoheshin me asgjë. Ai kishte thënë gjatë gjithë kohës se shqiptarët nuk do pajtoheshin me asgjë dhe për rrjedhojë ne nuk na duhej të pajtohemi me asgjë, por ky ishte mesazh i kundërt me atë që kishte thënë Millosheviçi.
Ne po i thonim Millosheviçit që e kishte gabim, ja ne e arritëm marrëveshjen, por ti tani do të bësh mirë që të mendosh se cila do jetë lëvizja e radhës e Serbisë. Do të thotë kjo ishte ideja, të paktën jo për mua, jo për mua sepse unë personalisht mendoj se luftërat janë shumë të rënda dhe unë personalisht kam shumë probleme me zgjidhje të tilla, luftërat përfshijnë me vete shumë tragjedi të tjera, por kishte njerëz që thonin se duhet të përgatitemi, unë nuk isha njëri prej tyre dhe nuk thoja përshembull që duhet të bombardojmë Serbinë dhe çdo gjë është në rregull pastaj, thjesht i demonstrojmë Millosheviqit që u bombardove dhe pastaj duhet që ai të përqafojë procesin, unë nuk kam qenë njëri prej këtyre personave”, tha Hill.
Ish-krerët e UÇK-së, Hashim Thaçi, Kadri Veseli, Jakup Krasniqi e Rexhep Selimi, ndodhen në paraburgim prej nëntorit të vitit 2020. Ata akuzohen për krime të pretenduara të luftës për çka janë deklaruar të pafajshëm. /KosovaPress
Ministria e Financave rishikon projektligjin “Për marrëveshjen e Paqes Fiskale”.
Në draftin e rishikuar përveç parapagimit të tatimit kundrejt moskontrollit tatimor për 1 vit, bizneset e mëdha që do të lidhin marrëveshjen e Paqes Fiskale me administratën tatimore, gjithashtu do të mundësinë të rideklarojnë pasqyrat financiare të 5 viteve të fundit, kundrejt tatimit 5%.
Pra bizneset me të ardhura bruto mbi 14 milionë lekë në vit që vullnetarisht do të hyjnë në marrëveshje me administratën tatimore për parapagimin e tatimfitimit, që do të llogaritet mbi një bazë të tatueshme të rritur (fitimi i deklaruar i vitit të mëparshëm plus 18% rritje), mund të korrigjojnë vullnetarisht deklarimet e mëparshme duke paguar 5% tatim.
Në projektligjin e rishikuar “Për marrëveshjen e Paqes Fiskale” ministria e Financave përcakton se tatimi 5% do të aplikohet për ndryshime të tilla si: rivlerësimi i gjendjes së parasë cash, fshirja e aktiveve apo detyrimeve fiktive, deklarimi i pasurive të pa treguara më parë, rideklarimi i fitimeve të mbartura dhe shpërndarja e tyre si dividentë.
Për të gjitha këto raste nuk do të ketë gjoba, interesa apo kamatëvonesa, me kusht që tatimpaguesi të deklarojë paraprakisht se do të përfitojë nga marrëveshja.Ata që nuk dëshirojnë të bëjnë rivlerësimin e plotë të deklaratave, mund të lidhin marrëveshjen vetëm për elementët e fitimit të tatueshëm.
Tatimpaguesit të cilët do të shprehin vullnetin për të aplikuar për Marrëveshjen, kanë të drejtën edhe që të sistemojnë dhe dorëzojnë pasqyrat financiare të 5 viteve të fundit, duke rishikuar apo korrigjuar zëra të ndryshëm, kundrejt një pagese tatimi, si më poshtë:
1. Aktive monetare – rideklarim i gjendjes së cash të shoqërisë (ulje apo rritje). Tatim në masën 5% të çdo devijance negative apo pozitive nga gjendja reale e cash;
2. Aktivet e tjera financiare-Fshirja e shumave fiktive në zërin kërkesa të arkëtueshme. Tatim në masën 5% për fshirjen e detyrimeve fiktive;
3. Fshirja e aktiveve afatgjata material/jo materiale fiktive të deklaruara. Tatim në masën 5% përkundrejt fshirjes së inventarit fiktiv;
4. Deklarim i aktiveve afatgjata material të papërfshira në pasqyrat financiare. Tatim në masën 5% për përfshirjen e aktivit afatgjatë material/jomaterial;
5. Fshirja e detyrimeve fiktive/borxheve në pasqyrat financiare. Fshihen detyrimet duke i konsideruar të ardhura të ptatueshme përkundrejt pagesës së tatimit në masën 5%;
6. Rideklarim i fitimit mbartur të shoqërisë dhe shpërndarja si dividentë/fitim e tij. Tatim në masën 5% për dividendin dhe ndarjen e fitimeve.
“Për të gjitha transaksionet e mësipërme nuk do të aplikohen gjoba, interesa dhe kamatëvonesa, në mënyrë që të inkurajohet korrigjimi dhe transparenca financiare”, thuhet në relacion.
Sipas Ministrisë së Financave, ky instrument synon të nxisë transparencën dhe të shmangë konfliktet me administratën tatimore, duke u dhënë subjekteve mundësinë të korrigjojnë vullnetarisht deklarimet e mëparshme, pa u ndëshkuar.
Kjo është një lehtësi që I jepet tatimpaguesve, të cilët duhet ta deklarojnë që do ta përdorin që në momentin e aplikimit te administrata tatimore për marrëveshjen.
Drafti përcakton se tatimpaguesit të cilët nuk dëshirojnë të bëjnë rivlerësimin e deklaratave, mund të vazhdojnë lidhjen e marrëveshjes vetëm me elementët e fitimit të tatueshëm, normës dhe pagimit të tatimit mbi të ardhurat e korporatave dhe të tatimit mbi të ardhurat personale nga biznesi.
Cilat kategori biznesesh mund të hyjnë në marrëveshje për Paqen Fiskale
Projektligji përcakton se në marrëveshje për Paqen Fiskale do të hyjnë bizneset që kanë të ardhura bruto mbi 14 milionë lekë në vit qofshin persona fizik apo entitete, dhe të cilët nuk përfitojnë nga aplikimi i normave të reduktuara apo përjashtimet tatimore.
Bizneset që pranojnë të parapaguajnë tatimin e fitimit, të llogaritur mbi fitimin e vitit të kaluar plus 18%, dhe përtej kësaj vlere paguajnë një tatim shtesë 5%, qofshin persona fizik apo entitete, dhe të cilët nuk përfitojnë nga aplikimi i normave të reduktuara apo përjashtimet tatimore.
Si dhe bizneset që janë të rregullta me tatimet dhe nuk janë në proces hetimi për mashtrim apo evazion të ardhurash./Marrë nga Monitor.al
5 Nëntor 2025
18:46
Telesport
“Footmercato.net” raporton se Real Madrid ka arritur marrëveshjen verbale me qendërmbrojtësin e Bayern Munich, Dayot Upamecano. Francezi nuk ka rënë dakord me klubin bavarez për rinovimin me ta dhe duket se nga sezoni i ardhshëm do të mbajë veshur fanellën e Real Madridit.
Edhe pse është përfolur për një interes të madh të klubit madrilen ndaj Ibrahima Konate dhe Marc Guehi, dy qendërmbrojtësit që luajnë në Premier League nuk janë më një përparësi për “Los Blancos”. Klubi madrilen duket se ka zgjedhur përfundimisht Dayot Upamecano-n.
Francezi, i konsideruar aktualisht si një nga qendërmbrojtësit më të mirë të momentit në botë, do të transferohet falas në Madrid, një strategji që klubi madrilen po e ndjek shumë në sezonet e fundit, pra transferimi i emrave “big”, falas.
Në Forumin e Paqes në Paris, kryeministri Edi Rama u pyet nga moderatori edhe për marrëveshjen mes SHBA-ve dhe Kinës. Me batuta, kreu i qeverisë deklaroi se “nuk pati kohë ti merrte në telefon dhe ti pyeste”. Më pas kreu i qeverisë shqiptare theksoi se vlerëson çdo marrëveshje të mirë mes dy vendeve.
“E dini atë thënie që kur Amerika teshtin bota kollet, kur Kina teshtin bota futet në karantinë. Kështu që duhet të bëhen bashkë për më të mirën e botës”, tha Rama.
Pyetje: Donald Trump do takohet me Xi Jinping, çfarë mendoni për këtë megamarrëveshje që flasin të gjithë?
Rama: Unë nuk fola me ta sepse siç ju thashë isha në Riad dhe nuk pata kohe ti thosha çfarë do bëni nesër. Por vlerësimi imi është shumë i thjeshtë, çdo marrëveshje mes tyre është i mirë për të gjithë dhe çdo konflikt mes tyre është i keq për të gjithë.
E dini atë thënie që kur Amerika teshtin bota kollet, kur Kina teshtin bota futet në karantinë. Kështu që duhet të bëhen bashkë për më të mirën e botës.
falmuri shqiptar dhe italian
TIRANË- Qeveria shqiptare miratoi sot në parim marrëveshjen ndërmjet Republikës së Shqipërisë dhe Republikës së Italisë për bashkëpunim strategjik për bashkëpunim strategjik në 10 fusha. Marrëveshja mes dy qeverive përfshin bashkëpunimin në kujdesin shëndetësor, energji, mbrojtjen e mjedisit, industrinë e sigurisë dhe mbrojtjes, menaxhimin e migracionit, arsimin, inovacionin, diasporën, transformimin ekonomik dhe rritjen inteligjente. Sipas njoftimit të qeverisë, vendimi synon të formalizojë marrëdhëniet dypalësh për të krijuar një kuadër të strukturuar për projekte dhe iniciativa të përbashkëta.
Marrëveshje strategjike Shqipëri–Itali
Qeveria miratoi në parim marrëveshjen ndërmjet Qeverisë së Republikës së Shqipërisë dhe Qeverisë së Republikës së Italisë për bashkëpunim strategjik në fushat:
• Kujdesi shëndetësor• Energjia• Mjedisi• Industria e sigurisë dhe mbrojtjes• Menaxhimi i migracionit• Arsimi• Inovacioni• Diaspora• Transformimi ekonomik• Rritja inteligjente
Vendimi synon të formalizojë bashkëpunimin strategjik dhe të thellojë marrëdhëniet dypalëshe midis Shqipërisë dhe Italisë, duke krijuar një kuadër të strukturuar për projekte dhe iniciativa të përbashkëta në fushat e sipërpërmendura.
Gjithashtu, qeveria miratoi në parim marrëveshjen ndërmjet Qeverisë së Republikës së Shqipërisë dhe Qeverisë së Republikës së Italisë për bashkëpunim strategjik në fushat:
• Kujdesi shëndetësor• Energjia• Mjedisi• Industria e sigurisë dhe mbrojtjes• Menaxhimi i migracionit• Arsimi• Inovacioni• Diaspora• Transformimi ekonomik• Rritja inteligjente
Vendimi synon të formalizojë bashkëpunimin strategjik dhe të thellojë marrëdhëniet dypalëshe midis Shqipërisë dhe Italisë, duke krijuar një kuadër të strukturuar për projekte dhe iniciativa të përbashkëta në fushat e sipërpërmendura.
Hamasi ka përsëritur qëllimin e tij për të respektuar marrëveshjen e armëpushimit dhe për të dorëzuar të gjithë pengjet.
Hamasi thekson se Izraeli është duke e penguar zbatimin e marrëveshjes.
“Nuk kemi interes të fshehim trupat e ndonjë të burgosuri ose të vonojnë në dorëzimin e tyre. Pohojmë angazhimin tonë të plotë ndaj marrëveshjes. Pushtimi ka refuzuar të lejojë ekipet e kërkimit të hyjnë në zonat e kuqe për të gjetur trupat e të burgosurve. Ne u kërkojmë ndërmjetësve të ushtrojnë presion mbi armikun për të lehtësuar nxjerrjen e trupave të mbetur’, tha Suhail al-Hindi, një anëtar i byrosë politike të Hamasit në Gaza.
/vizionplus.tv
Tajlanda dhe Kamboxhia kanë nënshkruar sot, 26 tetor, një marrëveshje të zgjeruar për armëpushim, në prani të presidentit amerikan Donald Trump, gjatë samitit të ASEAN në Kuala Lumpur, Malajzi.
Marrëveshja vjen si një vazhdim i armëpushimit që i dha fund luftimeve të përgjakshme kufitare në muajin korrik.
Kryeministri kamboxhian Hun Manet dhe ai tajlandez Anutin Charnvirakul firmosën marrëveshjen pas ardhjes së Trump në samit. Presidenti amerikan deklaroi se “u realizua diçka që shumë njerëz e panë të pamundur”, duke e nënshkruar marrëveshjen së bashku me kryeministrin malajzian Anwar Ibrahim, mikpritës i samitit.
Kryeministri tajlandez e quajti marrëveshjen si “bazë për një paqe të qëndrueshme”, ndërsa Hun Manet e cilësoi këtë si një “ditë historike”.
Masa të parashikuara në marrëveshje
Marrëveshja parashikon lirimin e 18 ushtarëve kamboxhianë nga Tajlanda, si dhe heqjen e armëve të rënda nga rajoni kufitar, ndërsa forcat malajziane do të vendosen për të parandaluar rifillimin e luftimeve.
Territori përgjatë 800 km të kufirit mes dy vendeve ka qenë objekt mosmarrëveshjesh për dekada.
Përveç armëpushimit, Trump nënshkroi gjithashtu marrëveshje ekonomike me Kamboxhian dhe Tajlandën, duke përfshirë një marrëveshje për tregti reciproke me Phnom Penh dhe një marrëveshje mbi minerale kritike me Bangkokun.
Raportimet nga Tajlanda tregojnë se marrëveshja e së dielës konsolidon “ato që ishin vendosur më parë”. Qytetarët dhe ushtria tajlandeze e shohin marrëveshjen si “fillimi i fundit” të konfliktit, por jo si zgjidhjen përfundimtare të mosmarrëveshjes kufitare, duke e konsideruar si një proces që do të matet nga detajet e zbatimit.