Lajmidites.com

Tag: marrëveshja

  • Daily Mail pranë goditjes së madhe, gati të blejë “The Telegraph” për 500 milionë paund

    Daily Mail pranë goditjes së madhe, gati të blejë “The Telegraph” për 500 milionë paund

    Daily Mail and General Trust (DMGT) ka hyrë në bisedime për të blerë grupin “Daily Telegraph” për rreth 500 milionë paund, duke shënuar zhvillimin më të fundit në sagën dyvjeçare të shitjes së një prej mediave më të njohura britanike.

    DMGT, në pronësi të Lord Rothermere, u bë ofertuesi kryesor pasi marrëveshja e mëparshme me konsorciumin RedBird Capital Partners dështoi vetëm dy javë më parë. Në një deklaratë zyrtare, grupi theksoi se blerja do t’i jepte stabilitet punonjësve të Telegraph dhe do të garantonte vazhdimësinë e gazetarisë së saj.
    DMGT, që zotëron edhe “Daily Mail”, “Mail on Sunday”, “Metro”, “i Newspaper” dhe revistën “New Scientist”, premton se Telegraph do të mbetet editorialisht i pavarur.
    Si nisi shitja e “The Telegraph”?
    Gazeta u nxor në shitje në vitin 2023, pasi Lloyds Bank e sekuestroi për të shlyer borxhet e familjes Barclay. Fillimisht u ble nga RedBird IMI, një fond i mbështetur nga Emiratet e Bashkuara Arabe, por marrëveshja u bllokua për shkak të shqetësimeve mbi ndikimin e mundshëm të një shteti të huaj.
    RedBird u rikthye me një ofertë të dytë këtë vit, por u tërhoq pas kundërshtive të forta në redaksi.
    Rothermere: Telegraph do ta kthejmë në një markë globale
    Lord Rothermere deklaroi se ka “admirim të thellë” për gazetën dhe se do të ruajë kryeredaktorin aktual, Chris Evans. Ai premtoi investime të konsiderueshme në redaksi për ta zhvilluar markën në nivel global, ashtu siç ka bërë me “Daily Mail”.
    Megjithëse brenda redaksisë së Telegraph pritet një farë rezervimi për t’u blerë nga rivali historik, një burim i brendshëm tha se pas dy vitesh pasigurie, stafi thjesht dëshiron përfundimin e kësaj sage.
    A do ta bllokojnë autoritetet?
    Ndryshe nga viti 2023, analistët thonë se pengesat rregullatore janë më të vogla. Ekspertja Claire Enders vlerëson se ka “shanse të forta” që marrëveshja të miratohet nga CMA, edhe pse procesi mund të zgjasë deri në një vit.
    DMGT shprehet i bindur se rrethanat aktuale të tregut, rënia e shitjeve fizike, kalimi drejt platformave dixhitale dhe dominimi i tregut nga Google e Meta, e bëjnë marrëveshjen edhe më të justifikueshme.
    Nëse miratohet, kjo do të jetë një nga blerjet më të mëdha mediatike në Britani gjatë viteve të fundit.

    Top Channel

  • Publikohet plani sekret final, amerikan, për mbylljen e luftës Rusi-Ukrainë

    Publikohet plani sekret final, amerikan, për mbylljen e luftës Rusi-Ukrainë

    Detaje të reja për një plan të propozuar nga SHBA për t’i dhënë fund luftës në Ukrainë – të publikuar nga Nexta dhe të cituara nga deputeti ukrainas Oleksiy Khandcharenko – po provokojnë tronditje politike në Kiev, Moskë dhe kryeqytetet perëndimore. Dokumentet, të cilat mbeten ende jozyrtare, hedhin dritë mbi një marrëveshje shumëdimensionale që prek kufijtë, sigurinë, ekonominë, energjinë dhe rolin e fuqive të mëdha në Europë.
    Sipas të dhënave të publikuara, amerikano-rusët po kërkojnë një armëpushim të menjëhershëm dhe një marrëveshje gjithëpërfshirëse që mund të nënshkruhet deri më 27 nëntor, Ditën e Falënderimeve në SHBA. Ky afat i shpejtë shihet si përpjekja e administratës amerikane për të shmangur një përshkallëzim të ri dhe për t’i dhënë konfliktit një epilog të administrueshëm diplomatik.

    PAKTI TERRITORIAL – HUMBIJET MË TË MËDHA PËR KIEVIN

    Marrëveshja e propozuar përmban disa pika që përbëjnë lëshimet më të rënda territoriale në historinë moderne të Ukrainës:

    Krimea, Donetsku dhe Luhansku njihen de facto si pjesë e Rusisë.

    Ky është pranim i realitetit në tokë dhe, për Kievin, kapitulli më i dhimbshëm i marrëveshjes.

    Khersoni dhe Zaporizhia marrin status “të ngrirë”.

    Nuk njihet pushtimi rus, por territori nuk i kthehet Ukrainës. Statusi lihet për negociata të mëvonshme.

    Krijohen zona sigurie të demilitarizuara nën kontrollin e Rusisë.
    Palët zotohen të mos ndryshojnë kufijtë me forcë.

    MARRËVESHJA USHTARAKE – NDALIM PËRJETË I NATO-s NË UKRAINË

    Dokumentet parashikojnë një arkitekturë sigurie që i jep fund ëndrrës euroatlantike të Kievit:

    NATO nuk vendos trupa në Ukrainë – kurrë.

    Kjo sanksionohet në Kushtetutën e Ukrainës.

    Forcat ajrore të NATO-s vendosen në Poloni, por jo më afër.
    Krijohet një grup pune SHBA–Rusi për sigurinë europiane.
    Rusia firmos një politikë të detyrueshme mos-agresioni.

    Ky element është i pashembullt: SHBA dhe Rusia do të krijojnë një mekanizëm të përhershëm komunikimi të tipit “linjë e kuqe”.

    PAKOJA EKONOMIKE – 200 MILIARDË DOLLARË PËR RINDËRTIMIN E UKRAINËS

    SHBA, BE dhe fondet e ngrira ruse do të përdoren për ngritjen e Ukrainës:

    100 miliardë dollarë nga asetet e ngrira ruse – SHBA merr 50% të fitimeve.
    BE kontribuon me edhe 100 miliardë dollarë.
    Po krijohet një Fond Zhvillimi për Ukrainën (infrastrukturë, energji, teknologji).
    Disa asete ruse përdoren për projekte të përbashkëta SHBA–Rusi.

    Ky është elementi më kontrovers: për herë të parë parashtrohet bashkëpunim ekonomik SHBA–Rusi, gjë që do të riformatojë ekuilibrat gjeopolitikë.

    RUSIA – NGJITJE SERISH NË SISTEMIN NDËRKOMBËTAR

    Në këmbim të armëpushimit dhe garancive:

    Sanksionet hiqen gradualisht.
    Rusia kthehet në grupin G8.
    Vendosen marrëdhënie të reja ekonomike SHBA–Rusi.

    Ky është rehabilitimi më i madh i Moskës që nga viti 2014.

    ENERGJIA – ZAPORIZHIA NDAHET 50%-50%

    Termocentrali bërthamor i Zaporizhias kontrollohet nga IAEA.
    Energjia ndahet përgjysmë midis Rusisë dhe Ukrainës.
    SHBA rinovon infrastrukturën e gazit në Ukrainë.

    ZBATIMI – ME TRUMPIN NË KRYE TË “KËSHILLIT TË PAQES”

    Një element edhe më i pazakontë:

    Marrëveshja është ligjërisht e detyrueshme.
    Mbikëqyrja bëhet nga një institucion i ri: Këshilli i Paqes, i kryesuar nga Donald Trump.
    Çdo shkelje sjell sanksione.

    Hyrja në fuqi është e menjëhershme sapo firmoset marrëveshja.

    ELEMENTET SHTESË

    – Shkëmbimi i të burgosurve.
    – Kthimi i fëmijëve të rrëmbyer.
    – Zgjedhjet parlamentare në Ukrainë 100 ditë pas nënshkrimit.
    – Amnisti totale për të gjitha forcat e përfshira në konflikt.
    ÇFARË FITON DHE HUMBET SECILA PALË?
    Ukraina – Lëshime të dhimbshme, por financim i madh për rindërtim
    Humbjet:
    Humbi përfundimisht Krimenë dhe një pjesë të Donbasit.
    Pranon të mos hyjë kurrë në NATO.
    Pranon zona sigurie nën kontrollin de facto rus.
    Fitimet:
    200 miliardë dollarë investime të garantuara.
    Siguri të kufizuar amerikane.
    Rikthim të ekonomisë dhe energjisë.
    Rusia – Fitore territoriale dhe rikthim gjeopolitik
    Fiton:
    Legjitimim de facto të pjesëve kryesore të Donbasit dhe Krimesë.
    Ngritje nga izolimi global.
    Heqje graduale të sanksioneve.
    Marrëveshje të reja ekonomike me SHBA-në.
    Humbet:
    Detyrimin ligjor të mos sulmojë më Ukrainën.
    Pjesë të energjisë së Zaporizhias.
    SHBA – Stabilizon Europën dhe frenon Rusinë pa luftë direkte
    Fiton:
    Burgos konfliktin në një arkitekturë të re sigurie.
    Ruajtje të Polonisë e Baltikut si vija e parë e mbrojtjes.
    Përdorim të aseteve ruse për të rritur ndikimin amerikan në Ukrainë.
    PSE KY PLAN PO SHKAKTON TËRMET NË KIEV DHE MOSKË
    Kievi sheh humbje të mëdha territoriale dhe fundin e projektit kombëtar euroatlantik.
    Moska sheh mundësi historike për të ngecur territoret e pushtuara dhe për t’u rikthyer në sistem.
    Europa është e ndarë mes frikës nga një luftë më e madhe dhe drojës nga rikthimi i Rusisë në G8.
    PËRFUNDIM: A DO TA PRANOJË ZELENSKY?
    Nëse dokumentet janë të sakta, ky plan është më tepër:
    ** një kapitullim i kushtëzuar strategjik për Ukrainën dhe një rikthim diplomatik i Rusisë.**
    Por presioni amerikan është real dhe koha po mbaron.

  • Marrëveshja ushtarake Macron-Zelensky, Ukraina do blejë 100 avionë Francës në 10 vitet e ardhshme

    Marrëveshja ushtarake Macron-Zelensky, Ukraina do blejë 100 avionë Francës në 10 vitet e ardhshme

    Franca do t’i dorëzojë Ukrainës deri në 100 avionë luftarakë Rafale gjatë 10 viteve të ardhshme, deklaroi presidenti Emmanuel Macron, pas takimit me homologun e tij ukrainas, Volodymyr Zelensky.
    Marrëveshja mes dy vendeve aleate vjen në një kohë ku agresioni rus vetëm shtohet dhe qëllimi i Kievit është forcimi i sigurisë së vendit.
    Gjatë një konference për shtyp, me në krah presidentin Zelensky, Macron deklaroi se Bashkimi Evropian duhet të vazhdojë t’i ofrojë Ukrainës “mbështetje të qëndrueshme financiare në planin afatgjatë”, si një mesazh ndaj Rusisë.

    “Po hyjmë në një fazë të re. Me këtë marrëveshje, ne vazhdojmë të mbështetemi në afrimin dhe integrimin e industrive tona të mbrojtjes në mënyrë që të vazhdojmë të mbështesim Ukrainën, për dekurajimin kundër agresionit. Dhe ne po e bëjmë këtë në planin afatgjatë, duke deklaruar gjithashtu se aftësia për të rigjeneruar ushtrinë ukrainase është një element kritik për sigurinë e të gjithëve ne”, tha Macron.
    Nga ana tjetër, presidenti Zelensky shprehu mirënjohje për mbështetjen e Francës, po ashtu theksoi se kjo marrëveshje do të forcojë ndjeshëm mbrojtjen e saj kundër pushtimit rus.
    “Ukraina do të jetë në gjendje të marrë 100 avionë Rafale F-4, radarë francezë shumë të fuqishëm, tetë sisteme mbrojtjeje ajrore SAMP/T – nga gjashtë lëshues secila. Epo, këto janë detaje, ndoshta detaje teknike për dikë, por për ne janë të rëndësishme. Çdo lëshues, e gjithë kjo është mbrojtja e çdo jete, kjo është shumë e rëndësishme”, u shpreh Zelensky.
    Bazuar në mediat franceze, është e paqartë se si do të financohet marrëveshja e arritur. Qëllimi i vendeve aleate të Ukrainës është forcimi i mbrojtjes ushtarake të saj, pasi Rusia po përparon gjithmonë e më tej duke shkaktuar dhjetëra viktima.

  • Marrëveshja për emigrantët/ Rama: Me Italinë do e bëja 100 herë! Meloni: U përpoqën të na pengojnë, por…

    Marrëveshja për emigrantët/ Rama: Me Italinë do e bëja 100 herë! Meloni: U përpoqën të na pengojnë, por…

    edi rama-Giorgia Meloni

    ROMË- Marrëveshja mes Italisë dhe Shqipërisë për emigrantët ishte në fokus të konferencës së përbashkët mes kryeministrit Edi Rama dhe homologes së tij, Giorgia Meloni. Kryeministria italiane falenderoi Ramën dhe popullin shqiptar, duke nënvizuar se Shqipëria po sillet si një vend anëtar i BE-së. Prokolli i nënshkruar mes dy vendeve, sipas Melonit, ngjalli interes në ende të ndryshme dhe shumë prej tyre u përpoqën ta frenon por nuk ia dolën.
    “Sa i takon sigurisë, fokusi po aq i marrëveshjeve të rëndësishme që do fuqizojnë luftën kundër trafikut të drogës janë hallka shumë të rëndësishme që kalon nga një vizon i të përballuarit së bashku të fenomenit të migracionit për protokollin tonë me Shqipërinë, për të cilën unë edhe një herë do doja të falënderojmë Ramën dhe gjithë popullin shqiptar. Ajo që u tregua me nënshkrimin e këtij protokolli është fakti që Shqipëria sillet si një vend anëtar i BE. Unë kam gjykuar dhe vazhdoj të gjykoj se është protokolli që ne kemi nënshkruar me frymë të thellë evropiane sepse vë theksin se emigrimi është fenomen mbarë evropian. Është një protokoll novatore që ka ngjallur interesin e shumë vendeve të tjera, sigurisht jo të gjithë arritën ta kuptonin vlefshmërinë e  këtij modeli, shumë ishin ata që punuan fort për ta frenuar apo bllokuar atë, por ne jemi të vendosur të vazhdojmë para sepse mendojmë se ka potencial”, tha Meloni.
    Kryeministri Edi Rama u pyet nëse është ‘penduar për marrëveshjen për emigrantët’. Kreu i qeverisë shqiptare nuk hezitoi të përgjigjej, duke theksuar se të njëjtën gjë do e bënte sërish, por vetëm me Italinë. 
    “Me Italinë do e bëja 100 herë edhe pse 100 herë ju do ishit kundër. Me vendet e tjera, kurrë! Sepse ju nuk jeni Italia. Italia mund t’i kërkojë Shqipërisë çfarë i vjen në mendje dhe ne jemi të gatshëm për t’u përgjigjur”, u shpreh Rama.

  • Senati Amerikan miraton projektligjin që mund t’i japë fund mbylljes së qeverisë

    Senati Amerikan miraton projektligjin që mund t’i japë fund mbylljes së qeverisë

    Senati i SHBA-ve ka miratuar një projektligj të rëndësishëm për financimin e qeverisë, i cili mund të përfundojë mbylljen më të gjatë të qeverisë në historinë amerikane brenda pak ditësh.
    Projektligji u miratua me 60 vota pro dhe 40 kundër vonë të hënën, me pothuajse të gjithë republikanët që iu bashkuan tetë demokratëve që u shkëputën nga partia për ta miratuar. Marrëveshja financon qeverinë deri në fund të janarit.
    Dhoma e Përfaqësuesve tani duhet ta miratojë projektligjin përpara se presidenti Donald Trump ta nënshkruajë për ta bërë efektiv. Trump sinjalizoi më herët të hënën se do të ishte i gatshëm ta bënte këtë.
    Marrëveshja u arrit gjatë fundjavës, pasi disa demokratë iu bashkuan republikanëve dhe negociuan një marrëveshje për të kthyer punonjësit federalë në punë dhe për të rifilluar shërbimet thelbësore.
    Republikanët, të cilët kanë një shumicë 53-47 në Senat, kishin nevojë që masa të kalonte pragun minimal prej 60 votash.
    Siç shkruan BBC, senatorët demokratë Dick Durbin, John Fetterman, Catherine Cortez Masto, Maggie Hassan, Tim Kaine, Jackie Rosen dhe Jeanne Shaheen u shkëputën nga pjesa tjetër e partisë për të votuar në favor të projektligjit të financimit.
    Ata u bashkuan me Angus King nga Maine, një i pavarur që rreshtohet me demokratët, i cili gjithashtu votoi për rihapjen e qeverisë.
    Vetëm një republikan në Senat, Rand Paul nga Kentucky, votoi me shumicën e demokratëve kundër projektligjit.
    Njoftimi për miratimin e projektligjit u bë në një sallë pothuajse bosh, por senatorët që qëndruan deri në fund brohoritën dhe duartrokitën.
    “Ne do të rihapim qeverinë, do të sigurojmë që punonjësit federalë… tani do të marrin kompensimin që e kanë fituar dhe e meritojnë,” tha senatorja republikane Susan Collins, e cila luajti një rol kyç në hartimin e projektligjit, pasi ai u miratua.
    Shumë shërbime qeveritare janë pezulluar që nga tetori, dhe rreth 1.4 milion punonjës federalë janë në leje pa pagesë ose po punojnë pa u paguar.
    Mbyllja ka pasur ndikime të gjera në një sërë shërbimesh, përfshirë udhëtimet ajrore në SHBA dhe përfitimet ushqimore për 41 milion amerikanë me të ardhura të ulëta.
    Të hënën, më shumë se 2 mijë e 400 fluturime në SHBA u anuluan sipas ndjekësit të trafikut ajror FlightAware. Të paktën 9 mijë fluturime u vonuan.
    Projektligji i financimit tani do të shkojë në Dhomën e Përfaqësuesve të kontrolluar nga republikanët, ku anëtarët kanë qenë jashtë sesionit dhe larg Washington-it që nga mesi i shtatorit.
    Dhoma do të fillojë diskutimin mbi masën të mërkurën, megjithëse nuk është e qartë se sa kohë mund të zgjasë ky proces.
    Republikanët kanë një shumicë prej dy vendesh në Dhomë, kështu që çdo votë ka rëndësi.
    Çfarë përfshin marrëveshja e financimit?
    Marrëveshja e negociuar gjatë fundjavës zgjat financimin për qeverinë federale deri më 30 janar. Ajo gjithashtu përfshin financim për një vit të plotë për Departamentin e Bujqësisë, si dhe financim për ndërtimet ushtarake dhe agjencitë legjislative.
    Garancitë që të gjithë punonjësit federalë do të paguhen për kohën gjatë mbylljes, dhe financimi për Programin Shtesë të Ndihmës Ushqimore (SNAP), i cili ofron ndihmë ushqimore për një në tetë amerikanë, deri në shtatorin e ardhshëm janë gjithashtu të përfshira në projektligj.
    Paketa përfshin një marrëveshje për një votim në dhjetor për zgjatjen e subvencioneve të kujdesit shëndetësor që pritet të skadojnë këtë vit, një çështje kyçe për të cilën demokratët kishin kërkuar lëshime.
    Udhëheqësit e Partisë Demokratike kishin thënë se nuk do ta mbështesnin financimin e ri për operacionet qeveritare derisa Kongresi të adresonte subvencionet që ndihmojnë dhjetëra miliona amerikanë të paguajnë për sigurimin shëndetësor të blerë përmes shkëmbimeve të drejtuara nga qeveria.
    Marrëveshja u negociua mes udhëheqësit të shumicës në Senat John Thune dhe Shtëpisë së Bardhë, me senatorët demokratë Jeanne Shaheen dhe Maggie Hassan nga New Hampshire, dhe Angus King nga Maine, një i pavarur që rreshtohet me demokratët.
    Disa demokratë të profilit të lartë kanë qenë shumë kritikë ndaj kolegëve që u rreshtuan me republikanët për të përfunduar mbylljen pa garanci konkrete për kujdesin shëndetësor, me Guvernatorin e Kalifornisë Gavin Newsom që më herët e quajti vendimin “të mjerë”.

  • SHBA, arrihet marrëveshja për t’i dhënë fund mbylljes së qeverisë… por vetëm për tre muaj

    SHBA, arrihet marrëveshja për t’i dhënë fund mbylljes së qeverisë… por vetëm për tre muaj

    Një marrëveshje dypartiake është arritur në Senatin amerikan për të financuar qeverinë federale deri më 30 janar dhe për t’i dhënë fund mbylljes së qeverisë, raporton CNN.
    Marrëveshja dypartiake e arritur në Senatin e SHBA-së përfshin gjithashtu një masë për të cilën demokratët ishin veçanërisht të interesuar: ripunësimin e punonjësve federalë të pushuar nga puna gjatë mbylljes.
    Marrëveshja do të kthejë në normalitet edhe trafikun ajror që rrezikonte të paralizohej në orët e ardhshme.
    “Po i afrohemi fundit të mbylljes”, komentoi Presidenti Donald Trump.

  • Paqe Fiskale me biznesin e madh, marrëveshja për tatimin në këmbim të moskontrollit tatimor

  • Zbulohet marrëveshja e koalicionit të djathtë për 11 majin, ja sa lekë kanë shpenzuar PD dhe aleatët në fushatë

    Zbulohet marrëveshja e koalicionit të djathtë për 11 majin, ja sa lekë kanë shpenzuar PD dhe aleatët në fushatë

    Zbulohet marrëveshja e koalicionit të djathtë për zgjedhjet e 11 majit.

    Top Channel ka siguruar informacionet se sa lekë kanë shpenzuar PD dhe aleatët e saj në fushatë.
    Pesë subjektet politike të koalicionit kanë deklaruar këto shuma:
    Partia e Lirisë: 15,000,000 lekë
    Partia Republikane: 5,000,000 lekë
    Partia Bashkimi për të Drejtat e Njeriut: 5,000,000 lekë
    Partia Agrare Ambientaliste: 5,000,000 lekë
    Partia për Drejtësi, Integrim dhe Unitet: 5,000,000 lekë

    Top Channel

  • Dy vite nga marrëveshja Rama-Meloni për emigrantët, aktivistët protestojnë sot në Gjadër dhe kërkojnë mbylljen

    Dy vite nga marrëveshja Rama-Meloni për emigrantët, aktivistët protestojnë sot në Gjadër dhe kërkojnë mbylljen

    Në Gjadër u zhvillua një tubim simbolik në dyvjetorin e marrëveshjes mes kryeministrit Edi Rama dhe homologes italiane Giorgia Meloni.
    Aktivistë shqiptarë dhe italianë u mblodhën për të kujtuar marrëveshjen e shumëdebatuar për ngritjen e kampit të emigrantëve në territorin shqiptar, raporton korrespondentja e Top Channel Brixhilda Deda.
    Gjatë aktivitetit, protestuesit bllokuan për disa minuta autobusin e stafit italian, ndërsa në terren ishin angazhuar forca të shumta policie për të garantuar rendin dhe sigurinë.
    Pjesëmarrësit akuzuan qeveritë e të dy vendeve për mungesë transparence dhe mosrespektim të të drejtave të refugjatëve që ndodhen ende në qendër. Ata theksuan se, ndonëse Italia kishte premtuar kushte në përputhje me standardet ndërkombëtare, kampi nuk ka arritur të funksionojë sipas qëllimit fillestar dhe vijon të shkelë të drejtat themelore të personave të strehuar aty.
    Tubimi në Gjadër vjen pak ore pas tubimit në Tiranë, ku organizatorët përsëritën kërkesën për mbylljen e plotë të kampit dhe garantimin e trajtimit njerëzor për çdo emigrant.

  • Dy vite nga marrëveshja Shqipëri-Itali për emigrantët, aktivistët protestojnë sot në Gjadër, kërkojnë mbylljen e plotë

    Dy vite nga marrëveshja Shqipëri-Itali për emigrantët, aktivistët protestojnë sot në Gjadër, kërkojnë mbylljen e plotë

    Në Gjadër u zhvillua një tubim simbolik në dyvjetorin e marrëveshjes mes kryeministrit Edi Rama dhe homologes italiane Giorgia Meloni.

    Aktivistë shqiptarë dhe italianë u mblodhën për të kujtuar marrëveshjen e shumëdebatuar për ngritjen e kampit të emigrantëve në territorin shqiptar, raporton korrespondentja e Top Channel Brixhilda Deda.

    Gjatë aktivitetit, protestuesit bllokuan për disa minuta autobusin e stafit italian, ndërsa në terren ishin angazhuar forca të shumta policie për të garantuar rendin dhe sigurinë.

    Pjesëmarrësit akuzuan qeveritë e të dy vendeve për mungesë transparence dhe mosrespektim të të drejtave të refugjatëve që ndodhen ende në qendër. Ata theksuan se, ndonëse Italia kishte premtuar kushte në përputhje me standardet ndërkombëtare, kampi nuk ka arritur të funksionojë sipas qëllimit fillestar dhe vijon të shkelë të drejtat themelore të personave të strehuar aty.

    Tubimi në Gjadër vjen pak ore pas tubimit në Tiranë, ku organizatorët përsëritën kërkesën për mbylljen e plotë të kampit dhe garantimin e trajtimit njerëzor për çdo emigrant.