Lajmidites.com

Tag: marrëveshja

  • SHBA presion Rusisë dhe Ukrainës, Rubio: Nëse nuk ka përparim tërhiqemi nga marrëveshja

    SHBA presion Rusisë dhe Ukrainës, Rubio: Nëse nuk ka përparim tërhiqemi nga marrëveshja

    Sekretari amerikan i Shtetit, Marco Rubio, ka deklaruar se SHBA do të tërhiqet nga marrëveshja e paqes mes Rusisë dhe Ukrainës nëse nuk do të ketë sinjale të qarta për përparimin e saj.
    “Ne nuk do ta vazhdojmë këtë përpjekje për javë apo muaj të tërë. Duhet të përcaktojmë shumë shpejt dhe kur them shumë shpejt, flas për çështje ditësh  nëse kjo, pra arritja e një marrëveshjeje, është e realizueshme në javët e ardhshme. Nëse kjo ndodh, atëherë ne jemi brenda procesit. Nëse jo, atëherë kemi prioritete të tjera ku duhet të përqendrohemi po ashtu,” tha Marco Rubio, Sekretari Amerikan i Shtetit.
    Kryediplomati Rubio tha se Presidenti Trump është ende i interesuar për një marrëveshje, por është i gatshëm të tërhiqet nëse nuk ka sinjale të menjëhershme të përparimit.

    Rubio shpreson që liderët evropianë të mbeten të angazhuar në bisedimet e udhëhequra nga SHBA drejt një armëpushimi në Ukrainë.
    “Ne do të dëshironim që ata të mbeten të angazhuar… Mendoj se Mbretëria e Bashkuar, Franca dhe Gjermania mund të na ndihmojnë që ta çojmë këtë çështje drejt një zgjidhjeje. Mendoj se ata ishin shumë ndihmues dhe shumë konstruktivë në idetë e tyre,” shtoi Rubio.
    Që në nisje të mandatit të dytë, administrata e Trumpit ka zhvilluar disa raunde takimesh me Moskën dhe Kievin, në përpjekje për të arritur një armëpushim për luftën që nisi në shkurt të vitit 2022. Por këto deklarata të Rubios evidentojnë pakënaqësitë në rritje të Uashingtonit lidhur me mungesën e përparimit drejt dhënies fund të luftës.
    Rusia ka vendosur disa kushte, një prej të cilave është që Ukraina të ndalë përpjekjet për mobilizim dhe që Perëndimi të mos furnizojë më me armë Kievin. Këto kushte janë refuzuar nga Ukraina.

  • A po përçahet fronti i bashkuar i Francës kundër marrëveshjes Mercosur ?

    A po përçahet fronti i bashkuar i Francës kundër marrëveshjes Mercosur ?

    Nën trysninë e rritjes së proteksionizmit të Shteteve të Bashkuara, qëndrimi tradicionalisht kundërshtues i Francës ndaj marrëveshjes tregtare BE-Mercosur po zbutet. Mes pasigurisë në rritje në tregtinë ndërkombëtare, disa në Francë po e shohin këtë marrëveshje si një përgjigje strategjike për të mbrojtur interesat ekonomike të Bashkimit Evropian. Rezistenca e fortë e Parisit ka filluar të plasaritet, veçanërisht përballë shqetësimeve se eksportet e BE-së drejt SHBA mund të përballen me barriera të reja tarifore.

    Guvernatori i Bankës së Francës, François Villeroy de Galhau, në letrën e tij vjetore drejtuar presidentit Emmanuel Macron më 9 prill, tha se “marrëveshjet ekzistuese dhe të ardhshme tregtare midis BE-së dhe ekonomive të tjera si JEFTA, CETA dhe Mercosur mund të zbusin më tej goditjet tarifore të lidhura me politikën tregtare të SHBA-së”. Komentet e tij vijnë në një moment kritik për politikën tregtare të BE-së, ndërsa ajo përpiqet të balancojë presionin amerikan me nevojën për të ruajtur aksesin në tregje të reja.

    Në dhjetor, Komisioni Evropian arriti një marrëveshje politike me vendet e Mercosur — Argjentinën, Brazilin, Paraguajin dhe Uruguain — për të krijuar një nga zonat më të mëdha të tregtisë së lirë në botë. Marrëveshja përfshin një treg prej rreth 750 milionë njerëzish dhe përfaqëson rreth një të pestën e ekonomisë globale. Tashmë, marrëveshja duhet të miratohet nga shtetet anëtare të BE-së përpara se të hyjë në fuqi.

    Franca ka qenë prej kohësh një nga kundërshtaret më të zëshme të kësaj marrëveshjeje. Argumenti kryesor ka qenë mbrojtja e fermerëve francezë, me pretendimin se marrëveshja do të sillte konkurrencë të pandershme nga importet bujqësore që nuk përmbushin standardet strikte të prodhimit të BE-së. Parisi ka kërkuar përfshirjen e “klauzolave pasqyre” në marrëveshje, që do të detyronin vendet e Mercosur të ndjekin të njëjtat rregulla mjedisore dhe të sigurisë ushqimore si BE.

    Megjithatë, një ndryshim në ton ka qenë i dukshëm. Eurodeputetja Marie-Pierre Vedrenne, një kritike e hershme e marrëveshjes dhe ish-kryetare e Komitetit të Tregtisë në Parlamentin Evropian, deklaroi se “qëndrimi kundër kësaj marrëveshjeje vetëm në parim nuk më duket i arsyeshëm”, duke sinjalizuar një hapje për rishqyrtim.

    Zyrtarisht, pozicioni i Francës mbetet i pandryshuar. Por një diplomat francez pranoi për Euronews se “konteksti tani është në favor të marrëveshjes Mercosur, dhe vendet e Amerikës Latine po kërkojnë gjithashtu mundësi të reja ndërsa tregu amerikan po mbyllet. Kjo duhet të na bëjë më ambiciozë në drejtim të mbrojtjes së mjedisit dhe fermerëve tanë.” Këtë qëndrim e ka përforcuar edhe një zyrtar tjetër francez, duke lënë të kuptohet për një fleksibilitet të mundshëm në të ardhmen.

    Presioni është rritur gjithashtu nga Gjermania. Friedrich Merz, i cili pritet të marrë postin e kancelarit së shpejti, ka kërkuar që marrëveshja me Mercosur të hyjë në fuqi sa më shpejt. “Marrëveshja e tregtisë së lirë Mercosur me katër vendet e Amerikës së Jugut duhet të hyjë në fuqi shpejt,” tha ai për gazetën gjermane Handelsblatt më 13 prill.

    Megjithatë, jo të gjitha shtetet anëtare janë të bindura. Irlanda, e cila kërkon të mbrojë bujqësinë e saj, përsëriti më 9 prill kundërshtimin e saj përmes ministrit të Tregtisë. Austria gjithashtu mbetet kundër marrëveshjes, ndërsa Holanda dhe Polonia janë kritike ndaj saj. Italia, nga ana tjetër, mbështet marrëveshjen, por kërkon që ndikimi mbi sektorin bujqësor të përfshihet qartë në tekstin përfundimtar.

    Një zëdhënës i Komisionit Evropian deklaroi të hënën se nuk planifikohen ndryshime në tekstin ekzistues të marrëveshjes. Sipas tij, dokumenti përfundimtar do t’u dërgohet shteteve anëtare për miratim përpara fundit të verës.

    Ndërkohë, pasiguria rreth politikave tregtare të Donald Trump dhe tensionet në rritje me SHBA-në i japin marrëveshjes Mercosur një dimension të ri strategjik. Kritika të mëparshme mund të rishqyrtohen, ndërsa BE-ja përpiqet të forcojë sovranitetin e saj ekonomik dhe të diversifikojë partneritetet tregtare në një botë gjithnjë e më të polarizuar./ Euronews – Syri.net

  • Pensionet me Italinë nisin nga qershori! Nënshkruhet marrëveshja administrative, përfitojnë mbi 500 shqiptarë

    Pensionet me Italinë nisin nga qershori! Nënshkruhet marrëveshja administrative, përfitojnë mbi 500 shqiptarë

    Marrëveshja për pensionet me Italinë nis zyrtarisht zbatimin nga muaji qershor i këtij viti.

    Këtë të enjte, Shqipëria dhe Italia firmosën marrëveshjen administrative, që i hap rrugë zbatimit të saj dhe përfitimeve konkrete për pensionet për qytetarët shqiptarë dhe italianë, duke filluar nga qershori.
    Firma përfundimtare e kësaj marrëveshjeje u bë në Romë, nga zëvendësministrja shqiptare e Ekonomisë, Olta Manjani, dhe Ministrja e Punës dhe Politikave Sociale në Itali, Marina Calderone.
    Marrëveshja për njohjen e periudhave të kontributeve mes Shqipërisë dhe Italisë u jep mundësinë emigrantëve shqiptarë që të trajtohen me pension në Itali dhe në Shqipëri në të njëjtën kohë.
    Janë rreth 500 mijë shtetas shqiptarë dhe rreth 4 mijë shtetas italianë, të cilët do të jenë përfitues të pensioneve në Itali dhe Shqipëri, që do të sigurojnë bashkimin e periudhave kontributive, duke bërë të mundur që asnjë vit pune të mos humbasë.
    Marrëveshja mes dy vendeve për njohjen e kontributeve të sigurimeve shoqërore u nënshkrua më 6 shkurt të vitit 2024.

    Top Channel

  • Marrëveshja mes Shqipërisë dhe Italisë, ja kur nis shpërndarja e pensioneve të dyfishtë

    Marrëveshja mes Shqipërisë dhe Italisë, ja kur nis shpërndarja e pensioneve të dyfishtë

    Shqipëria dhe Italia kanë nënshkruar një marrëveshje administrative që hap rrugën për një përfitim të rëndësishëm për qytetarët e të dyja vendeve. Nga muaji qershor i vitit 2025, emigrantët shqiptarë dhe italianë do të mund të përfitojnë pensione të dyfishta, përmes njohjes së periudhave të kontributeve shoqërore në të dyja shtetet.
    Marrëveshja është firmosur në Romë nga zëvendësministrja e Ekonomisë e Shqipërisë, Olta Manjani, dhe Ministrja e Punës dhe Politikave Sociale e Italisë, Marina Calderone. Ky hap është i rëndësishëm për ata që kanë punuar dhe kontribuar në sistemet e sigurimeve shoqërore të të dyja shteteve, duke i mundësuar atyre që të përfitojnë pensione për periudhat që kanë punuar në secilin prej shteteve.

    Njohja e periudhave kontributive ndërmjet dy shteteve i mundëson qytetarëve shqiptarë të përfitojnë pensione nga të dyja shtetet, për sa kohë ata kanë realizuar periudha pune në Shqipëri dhe Itali.
    Kjo marrëveshje përfshin rreth 500 mijë shtetas shqiptarë dhe 4 mijë shtetas italianë, të cilët mund të sigurojnë bashkimin e periudhave kontributive dhe të shmangin humbjen e çdo viti pune që mund të ketë kaluar pa mundësinë për të përfituar pension. Kjo do të sjellë një mundësi të re për ata që kanë jetuar dhe punuar si emigrantë për t’u siguruar se periudhat e punës së tyre nuk do të humbasin dhe do të llogariten për pensionet.
    Marrëveshja për njohjen e kontributeve të sigurimeve shoqërore është një hap i rëndësishëm për forcimin e lidhjeve sociale dhe ekonomike mes Shqipërisë dhe Italisë, duke ofruar mbështetje për ata që janë të angazhuar në tregun e punës në të dy shtetet.
    Me nisjen e zbatimit të saj nga qershori i 2025, do të përmirësohet situata e shumë emigrantëve që kanë kërkuar të drejtat e tyre pensionale në të dy vendet, duke krijuar mundësi të barabarta për ata që kanë kontribuar në sistemet e sigurimeve shoqërore të Shqipërisë dhe Italisë.

  • Barcelona dhe Flick “të kënaqur e të dashuruar”, gati marrëveshja për shtyrjen e kontratës

    Barcelona dhe Flick “të kënaqur e të dashuruar”, gati marrëveshja për shtyrjen e kontratës

    11 Prill 2025

    9:16

    Telesport

    Sipas të përditshmes spanjolle “SPORT”, drejtuesit e Barcelonës janë takuar me Pini Zahavi, agjentin e Hansi Flick. Takimi është kryer përpara ndeshjes së Champions League kundër Borussia Dortmund.
    Qëllimi i takimit ishte nisja e diskutimeve për zgjatjen e kontratës së trajnerit gjerman. Në takim morën pjesë figura të njohura si presidenti Joan Laporta, drejtori sportiv Deco dhe anëtarë të tjerë të bordit drejtues.
    Takimi konsiderohet si një deklaratë e qartë e qëllimit nga klubi katalanas për të vijuar punën e nisur. Duket se ka një konsensus midis palëve për dëshirën për të zgjatur marrëveshjen aktuale të Hansi Flick, e cila skadon në qershor 2026.
    Drafti i kontratës së re parashikon shtyrjen e kontratës me një sezon (2027), me opsion për një vit shtesë (2028). Marrëveshja duhet të përfshijë gjithashtu një klauzolë që do t’i lejojë të dyja palët të ndahen më herët me pëlqim reciprok.
    Flick është i kënaqur me përvojën e tij në Barcelonë dhe klubi i kënaqur me punën e tij. Rregulloret e rrepta të Fair Play-it financiar mund të përbëjnë një pengesë për nënshkrimin e marrëveshjes së re. Prioriteti i klubit mbetet ruajtja e hapësirës së pagave për të forcuar skuadrën për sezonin e ardhshëm.

  • Hyn në fuqi marrëveshja për njohjen e patentave mes Kosovës dhe Emirateve

    Marrëveshja për njohjen reciproke të patentave të shoferëve mes Kosovës dhe Emirateve të Bashkuara Arabe ka hyrë zyrtarisht në fuqi. Lajmi është konfirmuar sot nga Ministria e Punëve të Jashtme e Emirateve, përmes një Note Verbale të dërguar në Ambasadën e Kosovës në Abu Dhabi.Kjo marrëveshje u mundëson qytetarëve të të dyja vendeve që të konvertojnë lejet e drejtimit pa qenë të detyruar të kalojnë provime teorike apo praktike në vendin pritës. Ajo përfaqëson një hap të rëndësishëm drejt lehtësimit të lëvizjes dhe integrimit të qytetarëve kosovarë dhe emiratas në tregjet përkatëse të punës dhe jetesës.Marrëveshja ishte nënshkruar më 4 dhjetor 2024 në Abu Dhabi dhe konsiderohet si një tjetër gur themeli në marrëdhëniet mes dy vendeve, pas marrëveshjes së mëhershme të janarit 2024, e cila mundësoi udhëtimin pa viza për qytetarët e Kosovës në Emiratet e Bashkuara Arabe.Ky zhvillim pritet të sjellë përfitime të drejtpërdrejta për diasporën kosovare që jeton dhe punon në Emirate, si dhe për qytetarët e interesuar për të udhëtuar apo për t’u integruar në tregun arab.Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.Marrëveshja për njohjen reciproke të patentave të shoferëve mes Kosovës dhe Emirateve të Bashkuara Arabe ka hyrë zyrtarisht në fuqi. Lajmi është konfirmuar sot nga Ministria e Punëve të Jashtme e Emirateve, përmes një Note Verbale të dërguar në Ambasadën e Kosovës në Abu Dhabi.Kjo marrëveshje u mundëson qytetarëve të të dyja vendeve që të konvertojnë lejet e drejtimit pa qenë të detyruar të kalojnë provime teorike apo praktike në vendin pritës. Ajo përfaqëson një hap të rëndësishëm drejt lehtësimit të lëvizjes dhe integrimit të qytetarëve kosovarë dhe emiratas në tregjet përkatëse të punës dhe jetesës.Marrëveshja ishte nënshkruar më 4 dhjetor 2024 në Abu Dhabi dhe konsiderohet si një tjetër gur themeli në marrëdhëniet mes dy vendeve, pas marrëveshjes së mëhershme të janarit 2024, e cila mundësoi udhëtimin pa viza për qytetarët e Kosovës në Emiratet e Bashkuara Arabe.Ky zhvillim pritet të sjellë përfitime të drejtpërdrejta për diasporën kosovare që jeton dhe punon në Emirate, si dhe për qytetarët e interesuar për të udhëtuar apo për t’u integruar në tregun arab.

  • Gjermani, arrihet marrëveshja e koalicionit: Qeveria e re “më e ashpër” me Ballkanin!

    Gjermani, arrihet marrëveshja e koalicionit: Qeveria e re “më e ashpër” me Ballkanin!

    Qeveria e re gjermane do të përbëhet nga tre parti: Unioni Kristian-Demokrat CDU, Partia Socialdemokrate, SPD si edhe Unioni Kristian-Social, CSU.

    Drejtuesit e tyre prezantuan në Berlin marrëveshjen e tyre për bashkëqeverisje. Kryetari i CDU-së dhe kancelari i ardhshëm i mundshëm, Friedrich Merz, e cilësoi dokumentin si një sinjal të qartë për Europën dhe një garanci se “Europa mund të mbështetet te Gjermania”.
    Marrëveshja përfshin përpjekjet për një reformë të ekonomike dhe sociale. Për të ndezur motorin e ekonomisë gjermane që tashmë ka hyrë në vitin e tretë të recesionit, parlamenti gjerman kishte miratuar më parë një paketë masash qindra milionëshe.
    Por tarifat e presidentit amerikan  e detyrojnë koalicionin e mundshëm të ardhshëm që të marrë masa shtesë për lehtësimin e industrisë: Për shembull duke ulur taksat për sipërmarrjet, reduktimin e tatimeve mbi energjinë dhe përjashtimin nga tatimi të orëve shtesë të punës. Por aty vihet re dhe një ashpërsim i ndjeshëm i politikës së emigracionit.
    Merz njoftoi masa të reja si kontrollet dhe kthimet në kufi, përfundimin e programeve të pranimit vullnetar, si për shembull për refugjatë nga Afganistani, dhe pezullimin e bashkimit familjar për refugjatët e luftës.
    “Ukrainasit që do të vijnë tani e tutje në Gjermani nuk do të përfitojnë automatikisht ndihma sociale. Ligji i shtetësisë do të ndryshojë gjithashtu. Nuk do të ketë më shtetësi të përshpejtuar pas vetëm tre vitesh qëndrimi në Gjermani”, shprehet Merz.
    Koalicioni synon gjithashtu të kufizojë rregulloren e Ballkanit Perëndimor, e cila deri më tani lejonte ardhjen e rreth 50 mijë punëtorëve të pakualifikuar në vit. Numri do të përgjysmohet në 25 mijë. Si tregues i ashpërsimit të qëndrimit Ministria e Brendshme do t’i kalojë partisë bavareze Unionit Kristian-Social, CSU.
    Procesi i Berlinit megjithatë do të vazhdojë të mbetet i rëndësishëm dhe do të vijojë të jetë një platformë aktive për t’u ofruar vendeve të rajonit perspektiva të qarta dhe të qëndrueshme për anëtarësim në BE.

    Top Channel

  • Arrihet marrëveshja për formimin e qeverisë në Gjermani mes CDU dhe SPD

    Arrihet marrëveshja për formimin e qeverisë në Gjermani mes CDU dhe SPD

    Partitë CDU (Union Demokristian i Gjermanisë) dhe SPD (Partia Socialdemokrate e Gjermanisë) kanë arritur një marrëveshje për formimin e një qeverie të përbashkët, pas zgjedhjeve të shkurtit, në një proces që ka përfshirë diskutime të gjata dhe të ndërlikuara.

    Marrëveshja është arritur të martën dhe ka pasur një ndikim të rëndësishëm në stabilitetin politik të Gjermanisë, duke hapur rrugën për një administratë të re që do të drejtojë vendin në vitet në vijim.

    Pjesë e marrëveshjes është ndarja e pozitave politike dhe ministrive, si dhe një angazhim për politikat e brendshme dhe të jashtme, përfshirë zhvillimin ekonomik, luftën ndaj ndryshimeve klimatike dhe forcimin e pozita e Gjermanisë në Bashkimin Evropian.

    Në këtë bashkëpunim, të dyja partitë kanë bërë kompromisa për të mundësuar një qeverisje të qëndrueshme, pas periudhës pas zgjedhjeve.

    Ky koalicion përfaqëson një lëvizje të rëndësishme në politikën gjermane, pasi përfshin dy nga partitë më të mëdha të vendit dhe krijon mundësi për realizimin e shumë projekteve të përbashkëta, duke siguruar një balancë midis orientimeve konservatore dhe sociale.

  • Nënshkruhet marrëveshja e bashkëpunimit në industrinë ushtarake me kompaninë italiane, Rama: Të thellojmë marrëdhënien mes dy shteteve

    Nënshkruhet marrëveshja e bashkëpunimit në industrinë ushtarake me kompaninë italiane, Rama: Të thellojmë marrëdhënien mes dy shteteve

    Marrëveshja e bashkëpunimit mes shoqërisë “Fincantier” dhe shoqërisë shqiptare ‘KAYO’ për sipërmarrjen e përbashkët në industrinë ushtarake u nënshkrua sot në Portin e Durrësit.

    Gjithashtu u nënshkrua edhe Letra e Qëllimit për kalimin e anijes ushtarake patrulluese “Libra” në përdorim të Forcës Detare Shqiptare.
    Pjesë e ceremonisë ishte edhe kryeministrit Edi Rama.
    “Dua t’i siguroj të gjithë që kjo është më shumë se aspekti material, sepse po punojmë për të krijuar një sinergji të rëndësishme dhe për të krijuar bashkë një energji të re, për të ecur përpara dhe për të transformuar dhe thelluar edhe më shumë këtë miqësi dhe marrëdhënie mes dy shteteve.
    T’u japim mundësi përpjekjeve të reja, dhe është shumë e qartë që duhet të bëjmë ç’është e mundur, nuk ka rëndësi nëse je i vogël apo i madh, por besoj se kjo lidhje me Italinë do të thotë edhe më shumë për punën e bërë bashkë. Dua të falënderoj të gjithë skuadrën. Dua të falënderoj edhe kreun e Ushtrisë italiane për të gjitha dhuratat dhe padyshim për kujtimet e bukura që mora. Është vërtet një kënaqësi dhe shpresoj të jenë të gëzuar me këtë marrëveshje. Ne duhet ta vlerësojmë edhe këtë dhuratë të madhe nga ana e Italisë”, u shpreh Rama.

    Top Channel

  • Firmoset marrëveshja me italianët për prodhimin e armëve, ushtarake me kompaninë italiane, Rama: Të thellojmë marrëdhënien mes dy shteteve

    Firmoset marrëveshja me italianët për prodhimin e armëve, ushtarake me kompaninë italiane, Rama: Të thellojmë marrëdhënien mes dy shteteve

    Marrëveshja e bashkëpunimit mes shoqërisë “Fincantier” dhe shoqërisë shqiptare ‘KAYO’ për sipërmarrjen e përbashkët në industrinë ushtarake u nënshkrua sot në Portin e Durrësit.
    Gjithashtu u nënshkrua edhe Letra e Qëllimit për kalimin e anijes ushtarake patrulluese “Libra” në përdorim të Forcës Detare Shqiptare.
    Pjesë e ceremonisë ishte edhe kryeministrit Edi Rama.
    “Dua t’i siguroj të gjithë që kjo është më shumë se aspekti material, sepse po punojmë për të krijuar një sinergji të rëndësishme dhe për të krijuar bashkë një energji të re, për të ecur përpara dhe për të transformuar dhe thelluar edhe më shumë këtë miqësi dhe marrëdhënie mes dy shteteve.
    T’u japim mundësi përpjekjeve të reja, dhe është shumë e qartë që duhet të bëjmë ç’është e mundur, nuk ka rëndësi nëse je i vogël apo i madh, por besoj se kjo lidhje me Italinë do të thotë edhe më shumë për punën e bërë bashkë. Dua të falënderoj të gjithë skuadrën. Dua të falënderoj edhe kreun e Ushtrisë italiane për të gjitha dhuratat dhe padyshim për kujtimet e bukura që mora. Është vërtet një kënaqësi dhe shpresoj të jenë të gëzuar me këtë marrëveshje. Ne duhet ta vlerësojmë edhe këtë dhuratë të madhe nga ana e Italisë”, u shpreh Rama.