Lajmidites.com

Tag: marina

  • Marina kroate demonstron forcën para 30-vjetorit të “Stuhisë”

    Marina kroate demonstron forcën para 30-vjetorit të “Stuhisë”

    Bota E Mërkurë, 23 Korrik 2025 20:48
    Marina Kroate ka kryer stërvitjen përfundimtare të anijeve në kazermat Lora në Split të mërkurën, duke i dhënë dorën e fundit përgatitjeve për pjesëmarrjen në një paradë të madhe në Adriatik, e cila do të mbahet më 31 korrik për të shënuar 30-vjetorin e operacionit ushtarako-policor “Stuhia”.
    Parada do të mbahet njëkohësisht me paradën qendrore të Forcave të Armatosura Kroate në Zagreb, dhe 13 anije të Marinës Kroate do të tregojnë forcën në det të hapur. Ky është një nga aktivitetet më të mëdha detare të Marinës Kroate këtë vit, e cila synon të demonstrojë nivelin e lartë të gatishmërisë operacionale, koordinimit dhe profesionalizmit të forcave detare.

    “13 anije të Marinës Kroate do të marrin pjesë në paradën ushtarake, e cila do të demonstrojë stërvitjen, sinergjinë, forcën dhe vendosmërinë tonë. Duke vepruar kështu, ne duam të paraqesim aftësitë dhe gatishmërinë operacionale të ekuipazheve tona”, njoftoi kapiteni i Fregatës, Ante Sršen. Ai shtoi se ky është një aktivitet i rregullt që rezulton nga një proces trajnimi afatgjatë. “Për ne, kjo është vetëm një ditë në kuadër të ushtrimeve ushtarake të vazhdueshme. Nuk përfaqëson një sfidë të veçantë, por një demonstrim të asaj që bëjmë çdo ditë”, tha Sršen.
    Niveli i lartë i koordinimit të ekuipazheve konfirmohet edhe nga Ivica Šantić, komandanti i anijes patrulluese “Faust Vrančić”, një nga anijet që do të marrë pjesë në patrullim. “Ekuipazhi ynë është i trajnuar, kemi punuar së bashku për një kohë të gjatë dhe kjo është e dukshme në punën tonë të përditshme”, tha ai, duke theksuar se oficerët e rinj u përfshinë në detyra operative përmes projektit “Kadet”.
    Ai gjithashtu theksoi se patrullimi nuk është përjashtim, por pjesë e ritmit të vendosur ushtarak. “Ne ushtrohemi rregullisht në mënyrë të pavarur, por edhe me marinat e vendeve partnere dhe aleate. Çelësi i zhvillimit profesional nuk është thjesht përsëritja e asaj që është mësuar, por përmirësimi i vazhdueshëm, përshtatja dhe hapja ndaj sfidave të reja”, tha Šantić.

  • Sekreti i lumturisë në Danimarkë: Si pasionet mund të ndryshojnë jetën

    Sekreti i lumturisë në Danimarkë: Si pasionet mund të ndryshojnë jetën

    Pas një vizite në Danimarkë, një nga vendet më të lumtura në botë, Marina Cooley, profesore në Goizueta Business School në Universitetin Emory dhe ish-punonjëse në kompani si Coca-Cola dhe IBM, vendosi të ndryshojë mënyrën si e konceptonte ekuilibrin punë-jetë.Ajo vuri re se danezët i japin rëndësi të madhe pasioneve personale jashtë punës (hoby). Frymëzuar nga kjo kulturë, Marina ndërmori një eksperiment njëvjeçar, ku provoi 17 aktivitete për të zbuluar një mënyrë jetese më të ekuilibruar dhe të qëndrueshme. Në vazhdim renditen rezultatet dhe këshillat e saj pas kësaj përvoje:1. Ndaloi zakonin e “doomscrolling”Për të gjetur kohë për pasionet, hoqi dorë nga zakonet e përdirimit të pajisjeve dixhitale, që i konsumonin vëmendjen dhe kohën. Aktivitetet manuale dhe fizike e ndihmuan të çlirohej nga ekrani dhe stresi, duke e fokusuar në përfshirje të vetëdijshme.2. Mësoi të “ruajë” lumturinë për më vonëJo çdo aktivitet ishte i përshtatshëm në atë fazë të jetës. Në vend që t’i përjashtonte, Marina i konsideroi si pasione të ardhshme, duke i dhënë vetes leje për të ëndërruar pa presion.3. Kuptoi se puna e njërit është relaksimi i tjetritAktivitetet që për ndikë janë barrë ose detyrim, për dikë tjetër mund të jenë terapi. Gatimi, për shembull, për të ishte punë, por për të tjerët ishte një burim qetësie. Çdo gjë që të sjell kënaqësi mund të jetë pasion.4. Rishkroi përkufizimin e “kujdesit për veten”Në vend të rutinave estetike, Marina zbuloi se pasionet që stimulojnë trurin, krijimtarinë dhe trupin i sjellin qetësi të vërtetë. Për të, ato u konkretizuan në Mahjong, punime me dorë dhe tenis.5. U ndje më pak e vetmuarPasionet i sollën njohje të reja. Qoftë në fusha sporti apo aktivitete krijuese, ajo gjeti mbështetje dhe përkatësi që i mungonin më parë.6. Nuk kishte më frikë nga bisedat e voglaPasionet u bënë mënyrë për të njohur të tjerët më thellë. Njerëzit ndanin histori autentike dhe lidhjet sociale u bënë më të sinqerta. Studentët e saj shpesh thonë se do të merren me pasione kur të gjejnë kohë. Por Marina mësoi se ekuilibri ndërtohet përmes këtyre aktiviteteve dhe pasioneve. Sot, edhe pse eksperimenti ka përfunduar, pasionet mbeten pjesë e përditshme e jetës së saj dhe të familjes.“Kam shumë pasione,” i tha një natë djali i saj dhe ajo e kuptoi se kishte krijuar një model të shëndetshëm jetese. / CNBC, Shqip.alKy është artikull ekskluziv i Revistës Monitor, që gezon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetm duke cituar “Revista Monitor” shogëruar me linkun e artikullit origjinal.

  • Mund të transportojë 1.5 ton kokainë, kapet droni nëndetës i përdorur nga narkotrafikantët

    Mund të transportojë 1.5 ton kokainë, kapet droni nëndetës i përdorur nga narkotrafikantët

    Marina kolumbiane ka kapur një nëndetëse të operuar nga distanca në Detin e Karaibeve, e aftë të transportojë më shumë se 1.5 ton kokainë dhe me një rreze veprimi deri në 800 milje. Sipas mediave ndërkombëtare kjo është anija e parë e këtij lloji e zbuluar në ujërat kolumbiane.
    Nëndetësja me madhësinë e një varke ishte e pajisur me antena, një modem Starlink për komunikime satelitore dhe kamera të brendshme dhe të jashtme për telekomandë. Ajo nuk mbante drogë kur u kap më 1 prill pranë Parkut Tayrona në Karaibet kolumbiane, megjithëse Marina Kolumbiane njoftoi lajmin vetëm sot.
    Përdorimi në rritje i teknologjive të përparuara nga rrjetet e trafikimit të drogës përbën një kërcënim në rritje për sigurinë globale detare. Sipas analistes Juana Cabezas të Institutit për Studime të Zhvillimit dhe Paqes, Indepaz, që nga viti 2017, kartelet meksikane kanë punësuar ekspertë inxhinierikë për të zhvilluar nëndetëse pa pilot që mund të lundrojnë në mënyrë autonome dhe të transferojnë drogë në det.

  • Marina amerikane rrëzon raketa nga Irani pranë Izraelit

    Marina amerikane rrëzon raketa nga Irani pranë Izraelit

    Sistemi Aegis i Marinës Amerikane mori pjesë në interceptimin e raketave të fundit të lëshuara nga Irani drejt Izraelit, raporton Channel 12.
    Përveç dy baterive Thaad të ofruara nga SHBA-të, të cilat u përfshinë plotësisht në kapjen e raketave së bashku me sistemin izraelit Arroë, Marina solli në rajon një anije të pajisur me sistemin Aegis që është ankoruar në brigjet e Izraelit.
    Gjatë ditës së martë ka pasur disa shkëmbime raketash nga Irani dhe Izraeli, teksa IDF raportohet të ketë ekzekutuar dhe kreun e ri të ushtrisë iraniane, i emëruar në këtë detyrë vetëm 4 ditë më parë.

  • Përfshihet nga flakët masive ndërtesa 67-katëshe në Dubai, evakuohen rreth 4000 banorë! Zjarri vihet nën kontroll pas gjashtë orësh

    Përfshihet nga flakët masive ndërtesa 67-katëshe në Dubai, evakuohen rreth 4000 banorë! Zjarri vihet nën kontroll pas gjashtë orësh

    Një zjarr i përmasave gjigande ka përfshirë një ndërtesë apartamentesh 67-katëshe në Dubai Marina. Autoriteti i Medias në Dubai tha se zjarri u shua për gjashtë orë, ndërsa të 3,820 banorët nga 764 apartamente u zhvendosën në vende të sigurta dhe nuk pati të lënduar.

    “Ekipet e ambulancës dhe stafi mjekësor janë në vendngjarje për të ofruar mbështetje të plotë mjekësore dhe mendore për banorët e evakuuar në mënyrë të sigurt”, tha zyra e medias.

    Autoritetet po koordinohen me zhvilluesin e ndërtesës për të siguruar strehim të përkohshëm për banorët e evakuuar. Autoriteti i transportit i Dubait informoi udhëtarët për një ndërprerje të trafikut midis Stacionit të Marinës së Dubait dhe Stacionit të Palm Jumeirah për shkak të zjarrit masiv.

    #BREAKINGDubai Skyscraper Fire | 3,800+ EvacuatedA massive fire broke out at Tiger Tower (Marina Pinnacle) in Dubai MarinaNearly 4,000 residents safely evacuated, no casualties reportedFirefighting teams acted swiftly, cooling ops still ongoingAuthorities confirm… pic.twitter.com/M9o2sQWuqx— Nabila Jamal (@nabilajamal_) June 14, 2025

    “Kjo bëhet për të siguruar sigurinë e pasagjerëve dhe për të lehtësuar punën e ekipeve të zjarrfikësve që i përgjigjen incidentit”, thuhej në një deklaratë të RTA-së në mediat sociale. 

    Zjarri shpërtheu në katet e sipërme të Kullës Tiger, e njohur edhe si Marina Pinnacle, rreth orës 21:30. Pamjet nga vendngjarja tregojnë shërbimet e emergjencës që mbërrinin në vendngjarje ndërsa flakët përfshinë një pjesë të ndërtesës. Shkaku i zjarrit ende nuk dihet ndërsa kanë nisur hetimet mbi ngjarjen. 

  • Marina meksikane sekuestron sasinë më të madhe të drogës në vend, kapen 42 ton metamfetaminë në disa laboratorë

    Marina meksikane sekuestron sasinë më të madhe të drogës në vend, kapen 42 ton metamfetaminë në disa laboratorë

    Marina meksikane ka sekuestruar një prej sasive më të mëdha të drogës të bëra ndonjëherë në historinë e Meksikës, prej 42.2 ton metamfetamine në perëndim të vendit. 
    Sekuestrimi u bë gjatë një operacioni ushtarak në laboratorë të paligjshëm dhe klandestinë në shtetin e Michoacan, Meksikë, dhe vlerësohet se metamfetamina e sekuestruar vlen më shumë se 50 milionë dollarë.
    Mediat shkruajnë se vendi është nën presion të fortë nga administrata e Presidentit Donald Trump  në lidhje me trafikimin e drogës me origjinë nga Meksika në Shtetet e Bashkuara.

    Në fakt, Trump ka nisur një “fushatë” agresive kundër hyrjes së drogës, veçanërisht fentanilit në SHBA, ndërsa përmend trafikimin e drogës si një nga arsyet kryesore pse ai vendosi tarifa për importet nga Meksika.

  • Erdhi në Shqipëri për t’i shpëtuar luftës, ukrainasja: Çdo 5 minuta dëgjoheshin raketa. Tani jam pak tironse!

    Erdhi në Shqipëri për t’i shpëtuar luftës, ukrainasja: Çdo 5 minuta dëgjoheshin raketa. Tani jam pak tironse!

    “Te gjithë jetën do te jete me ne. Edhe unë edhe djali, kur dëgjojmë fishekzjarrët ne 12, nuk mundemi as ta shohim as ta dëgjojmë. Trembemi. E kuptoj qe nuk është luftë por ky është panik nga bombardimet”, thotë Marina Genkina.

    Kanë kaluar afro tre vite që kur Marina Genkina, 40-vjeçarja nga Ukraina, është detyruar të lërë gjithçka pas: shtëpinë, punën, jetën e saj, për shkak të luftës dhe sulmeve të pamëshirshme të Rusisë ndaj vendit të saj. Për të dhimbja dhe kujtimet janë po aq të freskëta sikur gjithçka të kishte ndodhur dje.

    “Nuk e harroj kurrë se kur filloi lufta, u zgjova ne katër të mëngjesit nga zhurmat. Për 40 minuta nuk kishte asnjë informacion. “Ne mendonim që ishte thjesht lojë politike. Babi më thoshte: ‘Putini është budalla, por jo aq sa… por në fakt”, shprehet Marina për Report TV.

    40-vjeçarja rrëfen se si djali i saj, atëherë vetëm 12 vjeç, përjetonte momentet e frikës dhe tmerrit, me ditë të tëra fshehur në bodrume.

    “Çdo 5 minuta që dëgjoheshin raketat djali me thoshte mua. Mama mama, ikim te bodrumi. Por në fakt bodrumi nuk është i sigurt.”

    Kur e kuptoi se kjo nuk do të ishte një situatë e përkohshme, Marina mori vendimin që do t’i ndryshonte jetën.

    “E kuptova se kjo mund te marrë shumë kohe. E kuptova se duhet te marr djalin edhe te iki sepse është shume e rrezikshme. Edhe rruga ime deri ne Shqipëri me ka marr 4 dite, kur zakonisht duhet 2 ore e gjysme me avion.”

    Sot, ajo është integruar dhe punon në sektorin e shitblerjes së apartamenteve në Tiranë. Por nuk ka qenë e lehtë. Nxjerrja e dokumenteve të nevojshëm për qëndrimin në Shqipëri, për të ka qenë e komplikuar.

    “Mund të jetojmë këtu vetëm me pasaportë ukrainase. Por kur fillon punë duhet të marrësh leje qëndrimi. Por mua me ka marrë shumë kohë se di pse kaq gjatë. Ndoshta për shkak të asaj që thonë shqiptaret “avash avash”.

    Më e vështirë ka qenë përshtatja për djalin adoleshent.

    “Sepse ai nuk mund të pranonte se po ndodhë kjo lufta. Ka marr një vit e gjysmë qe ai ta pranoi këtë fakt”.

    Ndërkohë, vëllai i saj, ende në Ukrainë, vazhdon të punojë çdo ditë për të shpëtuar jetë.

    “Ai është kirurg. Ai ka shumë punë. Më shumë se zakonisht Ai punon për Ukrainën.”

    Tashmë, Marina ka arritur të sjellë edhe prindërit në Shqipëri. Mbështetjen më të madhe e ka gjetur tek motra. Por zemra i rreh ende për vendin e saj.

    “Me mungon qyteti, aroma.. nuk e di. Te gjitha. Kur flasim me familjen, për ne qyteti jonë është gjithmonë më i mirë. Patjetër qe na pëlqen por ne kemi dëshirë qe te kthehemi ne shtëpi në Ukrainë.”

    Marina ende mban plagë të hapura nga humbjet që kanë sjellë vitet e luftës, të cilat përpiqet t’i lërë pas shpine

    “Tani jam pak tironse”, thotë ajo.

  • Edicioni i I-rë i Panairit “Balkans Sea Fair”, një model suksesi për Marina Orikum

    Edicioni i I-rë i Panairit “Balkans Sea Fair”, një model suksesi për Marina Orikum

    Marina Orikum ishte mikpritëse e një prej ngjarjeve që u zhvillua për herë të parë në Shqipëri, “Panairi Detar Ballkanik”.Ky event është i rëndësishëm për industrinë detare dhe synon që të kthehet në një pikë takimi të përvitshëm për të gjithë të pasionuarit e detit, bizneset që merren me industrinë detare dhe atë të jahteve.
    Rreth 60 kompani vendase, rajonale dhe europiane u bënë pjesë e këtij panairi, duke ofruar produktet dhe shërbimet që ofrojnë, por edhe për të shkëmbyer eksperiencën mes tyre. Nuk munguan në këtë edicion përfaqësues të brandeve të njohura ndërkombëtare të jahteve, kompani që ofrojnë produkte dhe shërbime të specializuara për mirëmbajtjen e jahteve.
    “Si shoqata detare italiane ne përfaqësojnë 99% të marinave në Itali, Ne besojmë se bregdeti shqiptarë është shumë premtues për industrinë detare dhe jahtet, ndaj dhe jemi sot në këtë event për të nxitur turizmin detar që të rritet më tej. Veçanërisht bregu midis Vlorës dhe Sarandës është një pozicion shumë interesant për investime, si ky ku ne ndodhemi në Marina Orikum“-

    Pas hovit që ka marrë turizmi vendas, duket se tani është koha për tu fokusuar në investimet elitare, si dhe për të nxitur ekonominë blu e cila është në fillesat e saj, por me një të ardhme shumë premtuese.
    Pjesë e panairit nuk munguan edhe demonstrime ujore nga komanda e qendrës polumbare shqiptare.
    Por një event i tillë mbart edhe një tjetër rëndësi. Ai është një mundësi edhe për investitorët e huaj që duan të hyjnë në tregun detar, por edhe në tregun e real astate. Të dy tregjet përfaqësojnë turizmin elitar, aty ku synohet të shkohet në të ardhmen. Grupi Concord Investment mbështetësi i një eventi të tillë vjen në këtë marinë me një projekt ambicioz që do të zhvillojë më tej zonën duke sjellë një standard të munguar në tregun turistik.
    “Panairi i Detar Ballkanik” nuk është një event vetëm për dashamirësit e detit. Ai është një sinjal se ku duhet të fokusohen investimet për të patur një turizëm të qëndrueshëm dhe elitar dhe të mos mbetemi në lojën e shifrave turistike.
    /vizionplus.tv

  • Festivali i Jahteve në Marina Orikum, panairi Ballkanik detar, për herë të parë me mbështetjen e “Concord Investment”

    Festivali i Jahteve në Marina Orikum, panairi Ballkanik detar, për herë të parë me mbështetjen e “Concord Investment”

    Jemi në Marina Orikum aty kur për tre ditë me radhë do të zhvillohet panairi i parë Ballkanik detar, një panair që zhvillohet për herë të parë në Shqipëri dhe veçanërisht në Marina Orikum. Në vende të ndryshme të botës, një panair i tillë njihet si Festivali i Jahteve.
    “Panairi detar” është një event i cili ka për qëllim të mbledhë biznese që operojnë në fushën detare. Edhe pse ky segment i ekonomisë mund të konsiderohet në fillesat e tij, e ardhmja është shumë premtuese për të sjellë një vlerë të shtuar në ekonomi…Grupi Concord Investment edhe këtë herë u bë pjesë e eventeve që nxisin ekonominë detare me Marina Orikum.
    “Sektori detarë përfaqëson në Shqipëri një mundësi të lartë për tu zhvilluar më tej. Ne si grup, shohim që çdo gjë është në zhvillim e sipër, çdo gjë është për tu zbuluar, bizneset kanë hapësirën e tyre në këtë panair për të ofruar produktet dhe shërbimet që përfaqësojnë. Evente të tilla ndihmojnë bizneset të krijojnë kontaktet dhe të rriten më tej, ndaj ku më mirë se në Marina Orikum mund të zhvillohej ky aktivitet” – tha presidentja e BSF Monika Micheli Panozzo.

    Interesi i kompanive të fushës ka qenë i lartë. Mbi 60 biznese vendasve, rajonale dhe europiane u bënë pjesë e këtij panairi, si një mundësi për të nxitur më tej ekonominë detare. Njëri prej tyre është Dori Mersini instruktorë i patentave detare, përfaqësuesi i kompanisë TSTS.
    “Është e udhës të përmendet që ky lloj aktiviteti që është Marina Orikum nuk ka asnjë lloj diference me atë që shikojmë në marinat e vendeve fqinj. Por edhe pse ende mungojnë shumë facilitete jemi të bindur se jemi në rrugën e duhur, pasi kemi filluar të jemi në projektin e duhur” -tha Mersini.
    “Ne si grup jemi me fat mbi pjesëmarrjen e kompanive shqiptare në këtë event, flasim për kompanitë e vogla dhe të mesme. Ne shohim që ata po organizohen, po bashkëpunojnë duke krijuar një organizatë e cila ka të gjithë mundësinë që të ketë të ardhme. Ky bashkim është e vetmja mënyrë për të konkurruar kompanitë e huaja në këtë fushë” -tha organizatorja e këtij eventi .
    Por kompanitë pjesëmarrëse shfaqën interes dhe për projektet në real- estate, pasi ekonomia detare dhe real estate gërshetohen më së mirë në atë që tregu turistik ka nevojë, turizmi elitar.
    “Ky ishte eventi i duhur në Marina Orikum për të thënë që aty ku ka zhvillim të ekonomisë detare ky zhvillim shkon krah për krahë edhe më tregun e real estate. Ky treg tashmë është konsoliduar dhe ky fakt konfirmohet dhe nga shifrat e Bankës së Shqipërisë” -tha Reinaldo Pipiria nga shoqata NAREA.
    Rritja e ekonomisë shqiptare po udhëhiqet nga ndërtimi, turizmi dhe real estate. Ndaj dhe ekonomia detare, me zhvillimin e marinave, industrisë së jahteve është një sektor strategjik që së bashku me projektet në ndërtim do të ofrojnë një rritje të qëndrueshme dhe me standard.
    /vizionplus.tv

  • SHBA humb avionin 60 mln USD, ra në det nga luftanija

    SHBA humb avionin 60 mln USD, ra në det nga luftanija

    Një avion luftarak amerikan F/A-18 Super Hornet ka rënë në det nga aeroplanmbajtësja USS Harry S. Truman ndërsa po tërhiqej në hangarin e anijes, ka njoftuar Marina Amerikane.
    Incidenti ndodhi në Detin e Kuq gjatë një manovre të shpejtë që anija bëri për të shmangur një sulm me dronë dhe raketa nga rebelët Houthi në Jemen.
    Sipas zyrtarëve amerikanë, Truman bëri një kthesë të fortë, çka ndikoi në humbjen e kontrollit të avionit që përfundoi në det bashkë me makinën që e tërhiqte. Të gjithë pjesëtarët e ekuipazhit janë të sigurt dhe vetëm një marinar ka marrë lëndime të lehta.
    Marina Amerikane ka nisur një hetim për incidentin. Avioni i humbur, një F/A-18E, kushton mbi 60 milionë dollarë.
    Anijet si Truman janë shumë të fuqishme dhe mund të arrijnë shpejtësi mbi 55 km/h, duke bërë manovra të forta për t’iu shmangur raketave me lëvizje “zig-zag”.