Lajmidites.com

Tag: malltezi

  • Shtyhet sërish seanca për dosjen “Partizani”, këtë herë mungonte gjyqtarja

    Shtyhet sërish seanca për dosjen “Partizani”, këtë herë mungonte gjyqtarja

    sali berisha dhe jamaber malltezi

    TIRANË- Gjykata e Posaçme ka shtyrë për në datën 22 dhjetor, në orën 11:00, shqyrtimin e dosjes “Partizani”. Seanca ditën e sotme dështoi për shkak të mosplotësimit të trupit gjykues, për shkak se gjyqtarja Rudina Palloj mungonte për arsye shëndetësore. Në këtë çështje janë të pandehur ish-kryeministri Sali Berisha, dhëndri i tij, Jamarbër Malltezi dhe 6 persona të tjerë. Dosja “Partizani” ndodhet në fazën e parashtrimeve paraprake të palëve. 
    Ish-kryeministri Sali Berisha akuzohet për “korrupsion pasiv të zyrtarëve të lartë”, kryer në bashkëpunim, ndërsa Jamarbër Malltezi për korrupsion aktiv dhe pastrim parash.
    Dosja lidhet me privatizimin e ish-kompleksit sportiv “Partizani” në Tiranë, që dikur ishte pronë e Ministrisë së Mbrojtjes. Hetimet e SPAK pretendojnë se ky proces është zhvilluar në mënyrë të paligjshme dhe ka sjellë përfitime të padrejta për Jamarbër Malltezin, dhëndrin e ish-kryeministrit Sali Berisha./ZËRI 

  • Shtyhet gjyqi për Berishën, mungonte gjyqtarja e çështjes

    Shtyhet gjyqi për Berishën, mungonte gjyqtarja e çështjes

    Kronikë E Mërkurë, 10 Dhjetor 2025 13:29
    Seanca gjyqësore ndaj ish-kryeministrit Sali Berisha, dhëndrit të tij Jamambër Malltezi, Fatmir Bektashi, Xhimi Begeja dhe Andia Pustina është shtyrë më 22 dhjetor, ora 11:00.
    Shkak i shtyrjes është bërë mungesa e gjyqtares së çështjes Rudina Palloi.

    Sipas tij, gjyqtarja nuk u paraqit në seancë për arsye shëndetësore.

    Që nga dhjetori i vitit 2023, Sali Berisha është marrë i pandehur nga SPAK për korrupsion në dosjen e aferës “Partizani”, pasi akuzohet se me një sërë veprimesh të paligjshme i hapi rrugë privatizimit të ish-kompleksit sportiv Partizani ku përfitues është dhe dhëndri i tij Jamarbër Malltezi, i pandehur gjithashtu.

  • Shtyhet sërish gjyqi për dosjen “Partizani”, ja kur do të mbahet seanca e radhës

    Shtyhet sërish gjyqi për dosjen “Partizani”, ja kur do të mbahet seanca e radhës

    Gjykata e Posaçme ka shtyrë sërish shqyrtimin e dosjes “Partizani”. Mësohet se shkak për shtyrjen e seancës është bërë mosplotësimi i trupit gjykues, për shkak të mungesës së gjyqtares Rudina Palloj.
    Seanca e radhës është caktuar më datë 22 dhjetor, ora 11:00.
    Në këtë çështje janë të pandehur ish-kryeministri Sali Berisha, dhëndri i tij, Jamarbër Malltezi dhe disa persona të tjerë. Sipas SPAK-ut, Berisha në kohën kur ka qenë kryeministër ka vendosur në funksion të interesave të dhëndrit të tij bazën ligjore, si edhe ka ushtruar presion mbi vartësit për të nxitur plotësimin sa më të shpejtë të procedurave të kthimit të pronës dhe privatizimit të godinave të degraduara të ish-klubit sportiv “Partizani”.
    Si Berisha ashtu edhe Malltezi i kanë kundërshtuar akuzat dhe e kanë cilësuar hetimin si të orkestruar nga kryeministri Edi Rama.
    Të pandehurit e dosjes “Partizani”:

    Sali Berisha, ish kryeministër – akuzohet për “Korrupsionit pasiv të funksionarëve të lartë shtetërore ose të zgjedhurve vendorë”, kryer në bashkëpunim.
    Jamarbër Malltezi – dhëndri i ish-kryeministrit – akuzohet për “Korrupsioni pasiv të funksionarëve të lartë shtetërore ose të zgjedhurve vendorë”, kryer në bashkëpunim dhe për “Pastrimit të produkteve të veprës penale ose veprimtarisë kriminale”.
    Fatmir Bektashi – Ndërtuesi akuzohet “Korrupsionit aktiv të funksionarëve të lartë shtetërorë” dhe “Pastrim parash”
    Xhimi Begeja – Trashëgimtar i tokës dhe bashkëpronar i “Homeplan” akuzohet për “Pastrim Parash”
    Andia Pustina – Financierja që kryente të gjitha operacionet financiare dhe ligjore të “Homeplan sh.p.k” – akuzohet për “Pastrim Parash”

  • Malltezi: E përdorën kundër Belerit, ja si drejtësia ndihmoi prokurorin Zarka të shpëtonte nga ‘Toyota Yaris’…

    Malltezi: E përdorën kundër Belerit, ja si drejtësia ndihmoi prokurorin Zarka të shpëtonte nga ‘Toyota Yaris’…

    Drejtuesi i Departamentit të Mjedisit në Partinë Demokratike Jamarbër Malltezi ka reaguar me një shënim në faqen e tij në facebook po sjelljes së drejtësisë ndaj prokurorit Aurel Zarka i cili doli i lidhur me dosjen e hetimit për eurot e Toyota Yaris.

    Malltezi ka shpjeguar se si drejtësia e kapur ka bërë të gjithë manipulimet e mundshme që ky prokuror të mos dënohej. Pasi e përdorën që të godisnin Belerin e sajdisën duke i punësuar vëllain e më pas përmes proceduarave dhe duke mos e akuzuar për grup të strukturuar kriminal.

    Mesazhi:

    “Partia ime më dënon” dhe partia i ka kujdes të vetët. Këtë e përdorën kundër Belerit por doli se kish marrë para nga afera 3.4 milion € e Taulant Ballës me Toyota Yaris.

    E arrestuan dhe kur ky i kërcënoi se do fliste për pisllëkun që bënë me Belerin, atëherë (1) i promovuan vëllain si drejtor të madh (njëlloj si ajo e lejeve te KKT që ka vëllezërit kryetrafikantë) dhe (2) i dhanë urdhër mender Dumanit që të ulte akuzën.

    Dumani lepe-peqe e uli akuzën dhe nuk e akuzoi për grup të strukturuar kriminal, ndërsa gjyqtaret e partisë u bënë palaço deri sa dogjën edhe afatet. Këto nuk i shkruan birn i Soros dhe shërbimit të paguar se i menderoset mender reforma e kapur nga kryehajduti.

  • “43 ditë heshtje”, Malltezi shpërthen ndaj KLP: Po mbrojnë shërbëtorët e Ramës

    “43 ditë heshtje”, Malltezi shpërthen ndaj KLP: Po mbrojnë shërbëtorët e Ramës

    Në një postim në rrjetet e tij sociale, Jamarbër Malltezi shprehet se prej 43 ditësh ka nisur ankimet pranë KLP-së dhe ILD-së lidhur me, sipas tij, “30 falsifikime dhe shpërdorime detyre” të kryera nga prokurorët Kraja dhe Millonai.
    Malltezi denoncon se Këshilli i Lartë i Prokurorisë i është përgjigjur vetëm pas 29 ditësh, me një paragraf të shkurtër që, siç thotë ai, synon t’i heqë përgjegjësinë vetes. Ndërkohë, Inspektoriati i Lartë i Drejtësisë, sipas tij, vetëm pas kalimit të 40 ditëve i ka caktuar një numër materialit të depozituar.
    Për Malltezin, ky është një shembull domethënës që tregon se vetë organet e drejtësisë shkelin afatet ligjore, vetëm për të mbrojtur siç i quan ai “shërbëtorët e Edi Ramës.”

    Postimi:
    Para 43 ditësh nisa ankimet tek KLP dhe ILD lidhur me 30 falsifikime dhe shpërdorime detyre nga dy prokurorët Kraja dhe Millonai. KLP mori 29 ditë për të kthyer 1 paragraf përgjigje që po e heq nga vetja.
    ILD vec pas të 40-ave i cakton një numër materialit të depozituar. Shembull që tregon se vetë organet e drejtësisë shkelin vetë afatet veç për të mbrojt shërbëtorët e Edi Ramës.

     
     
     

  • U shty seanca/ Malltezi akuza të forta: Proces politik si në ‘45, i stisur nga Rama dhe Yuri Kim

    U shty seanca/ Malltezi akuza të forta: Proces politik si në ‘45, i stisur nga Rama dhe Yuri Kim

    Seanca gjyqësore ndaj Jamarbër Malltezit është shtyrë sërish. Shkak për shtyrjen u bë mungesa e njërit prej avokatëve mbrojtës. Në një prononcim për mediat pas daljes nga Gjykata e Posaçme, Malltezi lëshoi akuza të forta, duke e cilësuar procesin ndaj tij si politik dhe të stisur.
    Ai e krahasoi situatën e tij me persekutimin e familjes gjatë regjimit komunist, duke u shfaqur përkrah kushëririt të tij, Xhim Begeja. Sipas Malltezit, ashtu si xhaxhallarët e Begejës u pushkatuan dhe u burgosën në atë kohë sepse ishin “të pasur dhe armiq të partisë”, edhe ai sot po përballet me një proces të ngjashëm si pronar.
    Malltezi drejtoi akuza direkte ndaj kryeministrit Edi Rama dhe ish-ambasadores amerikane, Yuri Kim, duke i quajtur ata si organizatorët e këtij procesi. “Jemi të njëjtët pronarë që ballafaqohemi me procese politike të stisura nga Edi Rama dhe nga ambasadorja Yuri Kim, që siç e patë juve, vodhi 100 milionë euro me dy gjeneratorë,” deklaroi ai. Malltezi denoncoi edhe prokuroin e çështjes, Besmir Karaxha, për të cilin tha se ka lidhje politike me Partinë Socialiste.
    “Për ç’arsye kemi situatën e hetuesit Besmir Karaxha me bluza të PS-së, i cili gjithashtu është me ministrin Ulsi Manja në aktivitete politike? Ky është hetuesi që kanë angazhuar prokurorët,” u shpreh ai.
    Në përfundim, Jamarbër Malltezi theksoi se ka përgatitur 31 fakte për të rrëzuar akuzat dhe e cilësoi të gjithë situatën një rikthim në gjyqet politike të viteve 1945-1946.
    Malltezi: Çfarë ndodhi? Atëherë, një nga avokatët ishte në çështje tjetër, kështu që nuk kishte mundësi të ishte. Kështu që u shty seanca për herën tjetër. Duam të rikonfirmojmë që jam këtu bashkë me kushuririn tim Xhimi Begeja. Xhim Begeja në mënyrë të ngjashme, po nga disa gjyqtarë dhe prokurorë të nënshtruar ndaj ambasadorit jugosllav asaj kohe, vendosën që ta pushkatonin xhaxhain e Xhimit dhe të burgosnin xhaxhain tjetër të Xhimit. Pse? Sepse ishin të pasur. S’kishin marrë asnjë lekë nga shteti, thjesht ishin të pasur dhe ishin armiq të Partisë Komuniste. Kemi Xhimin këtu që do flasë. Nga ana tjetër, në mënyrë të ngjashme ne jemi të njëjtët pronarë.
    Të njëjtët pronarë që ballafaqohemi me procese politike të stisura nga Edi Rama dhe nga ambasadorja Yuri Kim, që siç e patë juve, vodhi 100 milionë euro me dy gjeneratorë. Duhet të fillonim seancën dhe kemi përgatitur 31 fakte për t’i ballafaquar me sjelljet e pretenduara dhe të pamatshme që don të thotë tani prokurorët e promovuar në SPAK nga Edi Rama dhe Taulant Balla. Në mënyrë të veçantë, gjithashtu kemi një pyetje tjetër. Për ç’arsye kemi situatën e hetuesit Besmir Karaxha me bluza të PS-së, i cili gjithashtu është me ministrin Ulsi Manja, në aktivitete politike. Ky është hetuesi që kanë angazhuar prokurorët. Pra jemi njëlloj në situatën e 45-46-ës, ku gjyqet politike bëhen.

  • Dosja “Partizani”, zvarritet çështja në Gjykatë, seanca u shty pasi mungonte njëri prej avokatëve

    Dosja “Partizani”, zvarritet çështja në Gjykatë, seanca u shty pasi mungonte njëri prej avokatëve

    sali berisha dhe jamarber malltezi

    TIRANË- Dosja ‘Partizani’ është zvarritur sërish, ndërsa këtë të martë seanca u shty për shkak se mungonte një prej avokatëve. Gjykata e Posaçme shtyu seancën për në datën 10 Dhjetor në ngarkim të Sali Berishës, Jamambër Malltezit, Fatmir Bektashit, Xhimi Begesë dhe Andia Pustinës, për shkak të mungesës së avokatit Sokol Hazizaj. Ky i fundit është avokati mbrojtës i Bektashit.
    Në seancën e datës 10 nëntor, GJKKO rrëzoi kërkesat paraprake të avokatëve mbrojtës të ish-kryeministrit Sali Berisha dhe dhëndrit të tij, Jamarbër Malltezi, lidhur me pavlefshmërinë e akteve të administruara gjatë hetimeve për dosjen “Partizani”.
    Sipas vendimit të gjykatës, pretendimet e mbrojtjes u vlerësuan si të pabazuara në ligj. Trupi gjykues theksoi se ndaj prokurores së çështjes, Irena Gjoka, nuk ekziston asnjë vendim që ndalon ushtrimin e detyrës së saj, ndërsa caktimi i ekspertëve është bërë në përputhje me procedurat ligjore.
    Ish-kryeministri Sali Berisha akuzohet për “korrupsion pasiv të zyrtarëve të lartë”, kryer në bashkëpunim, ndërsa Jamarbër Malltezi për korrupsion aktiv dhe pastrim parash.
    Dosja lidhet me privatizimin e ish-kompleksit sportiv “Partizani” në Tiranë, që dikur ishte pronë e Ministrisë së Mbrojtjes. Hetimet e SPAK pretendojnë se ky proces është zhvilluar në mënyrë të paligjshme dhe ka sjellë përfitime të padrejta për Jamarbër Malltezin, dhëndrin e ish-kryeministrit Sali Berisha.

  • U ‘fsheh’ për 21 Janarin, Berisha sot në SPAK në zbatim të masës detyrim paraqitje për aferën Partizani

    U ‘fsheh’ për 21 Janarin, Berisha sot në SPAK në zbatim të masës detyrim paraqitje për aferën Partizani

    Tre ditë pasi refuzoi të shkonte në SPAK për krimin shtetëror të 21 janarit, Sali Berisha do të duhet që të shkelë në ambientet e Prokurorisë së Posaçme në zbatim të masës “detyrim paraqitje” për aferën Partizani, ku është marrë i pandehur së bashku me dhëndrin e tij, Jamarbër Malltezi dhe tre të tjerë.
    Kryedemokrati pretendoi se nuk kishte marrë fletëthirrje për 21 janarin dhe sulmoi SPAK, por Prokuroria e përgenjeshtroi përmes një reagimi zyrtar, duke thënë se e kishte refuzuar dy herë. Berisha i ka bërë tashmë “traditë” sulmet ndaj SPAK dhe drejtuesit të saj, Altin Dumani.
    Dosja për aferën hetim kaloi për gjykim më 19 maj. Berisha akuzohet për korrupsion pasiv të zyrtarëve të lartë pasi në kohën kur ishte kryeministër ka ndërmarrë veprime konkrete për miratimin e ligjeve dhe akteve nënligjore nga të cilat, sipas SPAK, ka përfituar edhe dhëndri i tij, Jamarbër Malltezi, në projektin për ndërtimin e 19 kullave në truallin e ish-kompleksit sportiv “Partizani”.
    Malltezi akuzohet gjithashtu për korrupsion dhe pastrim parash. Sipas SPAK, ai ka përfituar të ardhura në vlerën e 5.4 milionë eurove nga një biznes ndërtimi në mënyrë të parregullt falë vendimeve të qeverisë të marra nga vjehrri i tij.

  • GJKKO vendos sot për provat e dosjes “Partizani”! Berisha dhe Malltezi kërkojnë pavlefshmëri

    GJKKO vendos sot për provat e dosjes “Partizani”! Berisha dhe Malltezi kërkojnë pavlefshmëri

    Sali Berisha dhe Jamarbër Malltezi

    TIRANË-Sot në GJKKO do të mbahet seanca e radhës gjyqësore për aferën Partizani, me të pandehur ish-kryeministrin Sali Berisha, dhëndrin e tij Jamarbër Malltezi dhe 3 të tjerët. Trupi gjykues do të vendosë mbi kërkesën e mbrojtjes për pavlefshmërinë e disa akteve dhe provave të sekuestruara.
    Në senacën e kaluar që u mbajt më 13 tetor, prokurori i SPAK, Arben Kraja kërkoi rrëzimin e kërkesës me argumentin se pretendimet e ngritura nga mbrojtja e të pandehurve nuk qëndrojnë ligjërisht, pasi nuk ka pasur shkelje në ekzekutimin e masave të sigurisë dhe as në procedurat e ekspertimeve.
    Në çështjen “Partizani”, Sali Berisha akuzohet për korrupsion pasiv të zyrtarëve të lartë, pasi SPAK pretendon se gjatë periudhës kur ishte kryeministër, ai favorizoi dhëndrin e tij Jamarbër Malltezin në përfitimin e pronës, duke i hapur rrugë përfitimeve të parregullta në vlerë prej 5.4 milionë eurosh nga një biznes ndërtimi. Përveç Berishës dhe Malltezit, të pandehur në këtë dosje janë edhe ortaku i Malltezit, Xhimi Begeja, biznesmeni Fatmir Bektashi dhe financierja Andia Pustina./ZËRI

  • Afera Partizani/ Sot seanca e radhës në GJKKO, Berisha dhe dhëndri i tij Malltezi presin vendimin

    Afera Partizani/ Sot seanca e radhës në GJKKO, Berisha dhe dhëndri i tij Malltezi presin vendimin

    Në orën 13:00 në GJKKO do të mbahet seanca e radhës gjyqësore për aferën Partizani, me të pandehur ish-kryeministrin Sali Berisha, dhëndrin e tij Jamarbër Malltezi dhe 3 të tjerët. Në këtë seancë trupi gjykues pritet të vendosë mbi kërkesën e Berishës dhe të pandehurve të tjerë për pavlefshmëri të akteve dhe papërdorshmëri të provave që janë gjetur deri më tani.
    Në senacën e kaluar që u mbajt më 13 tetor, prokurori i SPAK, Arben Kraja kërkoi rrëzimin e kërkesës me argumentin se pretendimet e ngritura nga mbrojtja e të pandehurve nuk qëndrojnë ligjërisht, pasi nuk ka pasur shkelje në ekzekutimin e masave të sigurisë dhe as në procedurat e ekspertimeve.
    Dosja për aferën Partizani kaloi për gjykim më 19 maj. Berisha do të gjykohet për akuzën e korrupsionit pasiv të zyrtarëve të lartë pasi akuzohet se, në cilësinë e kryeministrit, ka ndërmarrë veprime konkrete në miratim ligjesh dhe aktesh nënligjore, ku përfitues ishte edhe dhëndri i tij, Jamarbër Malltezi.
    Edhe Malltezi është nën akuzë për korrupsion por edhe për pastrim parash. Sipas SPAK, ai ka përfituar të ardhura në vlerën e 5.4 milionë eurove nga një biznes ndërtimi në mënyrë të parregullt falë vendimeve të qeverisë të marra nga vjehrri i tij.
    Fatmir Bektashi akuzohet për korrupsion dhe pastrim parash, ortaku i Malltezit dhe trashëgimtari i tokës Xhimi Begeja, dhe financierja Andia Pustina, që merrej me punët financiare dhe ligjore të kompanisë “Homeplan”, akuzohen për pastrim parash. Po ashtu, në gjyq për pastrim parash janë edhe tre kompanitë “Kontakt”, “Homeplan” dhe “Studio Pustina”.