MALËSI E MADHE FALEMINDERIT! Mirënjohës për besimim tuaj ndaj partisë Socialiste dhe skuadres sonë! Falenderoj kandidatët për deputetë dhe të gjithë faktorët politikë të Malësisë së Madhe, të cilët realizuan një fushatë model, të qetë dhe të civilizuar, siç i ka hije trevës sonë.
Falenderoj çdo banor që mori pjesë në zgjedhje dhe shprehu vullnetin e tij me qetësi dhe qartësi, një akt patriotik në një moment historik për Shqipërinë. Ne do vazhdojmë t’ju shërbejmë me të njëjtin përkushtim të gjithë Malësorëve, pavarësisht bindjeve apo zgjedhjes së tyre.
Dua të falenderoj përzemërsisht edhe diasporën tonë, të cilët u regjistruan dhe votuan për atdheun, duke treguar se pavarësisht distances, ata mbeten të lidhur me rrënjët e tyre dhe e duan Shqipërinë.
Nga këto zgjedhje, Bujar Rexha do të jetë deputeti jonë në parlament dhe jam i bindur se do përfaqësojë denjësisht çdo Malësor. Dua të falenderoj edhe kandidatët e tjerë, profesoreshën Vera Ndrecaj, që i dha një pozitivitet takimeve tona elektorale, Shkelqim Sterkaj dhe Enertil Canaj, dy djem të rinj që punuan fort për të pasur një rezultat fitues.
Mbi të gjitha, i falenderoj për frymën që i dhanë kësaj fushate, duke transmetuar unitet, bashkëpunim dhe pozitivitet.
Malësi e Madhe! Të premtoj se çdo herë, do të t’shërbej me përkushtim dhe gjithmonë TI, do të jesh në plan të parë! Zoti e bekoftë Malësinë dhe Malësorët kudo që janë! /Nga Tonin MARINAJ, kryebashkiak i Malësisë së Madhe, publikuar në Facebook/
Mund të udhëtosh me qerre, Fiat ose Ferrari. Zgjedhja është në dorën tuaj! Lidhu me SHKODRAWEB, mjafton të klikoni Kontaktoni për të mësuar më shumë.
Ju mirëpresim!
