Lajmidites.com

Tag: mafias

  • VIDEO/ Shkullaku: SPAK veproi me kodin e mafias në rastin Balluku, ndryshime standardesh në hetime

    VIDEO/ Shkullaku: SPAK veproi me kodin e mafias në rastin Balluku, ndryshime standardesh në hetime

    Gazetari Armand Shkullaku, i ftuar në emisionin ‘Çim Peka LIVE’, ka komentuar hetimet ndaj ministres Belinda Balluku, duke theksuar se, sipas tij, veprimet e SPAK-ut në këtë rast kanë qenë të pazakonta dhe me një kod të veçantë heshtjeje, të cilin ai e quan ‘kod i mafias’.

    Duke komentuar deklaratat e kolegëve, Armand Shkullaku u shpreh se, ‘Berat Buzhala beson gjithmonë te drejtësia, si te ajo ndërkombëtare, ashtu edhe ajo lokale. Sidomos te ajo ndërkombëtare ka shumë besim. Çështja është që, këtu nuk është çështje besimi për mua. Ne duhet të gjykojmë, nga përvoja që kemi, aktet si është vepruar. Pra, ti shtrove një pyetje, që a kemi me standart të dyfishtë? Unë them që po, kemi.’

    Ai solli shembuj për të ilustruar këtë diferencë standardesh.

    ‘Pra, vepra penale e Ilir Metës, po marr shembull që mos të marr Veliaj dhe Berishën, meqë ka sensitivitet. Po themi Ilir Metës, është një vepër penale e kryer, e supozuar e kryer para 15 vjetësh. Të hiqet zvarrë, çohet në qeli, e të tjerë e të tjerë, vazhdojnë hetimet deri sot. Po marr dhe një tjetër që s’ka lidhje fare. Ja, marr për Malltezin. Pronari i tokës, po edhe në qoftë se ka abuzuar me tokën e vet, me pronën e vet, merret para afërsisht 1000 njerëzve në aeroportin e Rinasit, përkrahësh, përplaset në makinë, futet në burg e të tjerë e të tjerë. Pra, që këtu kemi një standart.’

    Gazetari theksoi se diferenca tjetër lidhet me transparencën e informacionit për dosjet.

    ‘Pa u arrestuar këta, ne e kemi ditur përpara çfarë kanë pasur dosjet e tyre. Pra, çfarë ka ke Erion Veliaj, çfarë ka ke Berisha, çfarë ka ke Meta, jo çështja kjo, jo çështja ajo.’

    Sipas tij, rasti i Belinda Ballukut është unik, sepse SPAK ndryshoi standardet në hetime dhe vendosi kodin e mafias, duke heshtur, ndryshe nga dosjet e tjera.

    ‘Për herë të parë, në rastin e Ballukut, u veprua me kodin e mafias. Domethënë që është heshtja. Pra, në rastin e Berishës, ishin mediat kundër Berishës, po edhe mediat e tjera neutrale nxirrnin pjesë nga dosja. Ja se për çfarë po akuzohet Sali Berisha, ja për çfarë akuzohet Ilir Meta, ja për çfarë akuzohet Erion Veliaj. Dhe ato që e mbronin Velinë, po marrim, dhe ato që flasin për luftë brenda llojit, edhe ato që e sulmonin, kishin pjesën e tyre.’

    Ai shtoi se kjo situatë duhet të studiohet në fushën e gazetarisë.

    ‘Rasti i Belinda Ballukut, mbas disa viteve të jemi të bindur do hyjë në antologjinë e gazetarisë shqiptare, duhet të bëhet në shkolla, në fakultetin e gazetarisë, që ka media që bëjnë shkrime që Berisha akuzon Ballukun, Berisha keqpërdor Ballukun, PD-ja varet te Balluku dhe ndërkohë nuk ka nxjerrë asnjë fjalë për dosjen e Ballukut. Pra, ky është… Ky është kodi i heshtjes për mua. Që në këtë rast është i rëndë dhe pse është i rëndë? Dhe këtu tashti unë mora faktet që janë, si të thuash, që vënë SPAK-un para përgjegjësisë.’

    Shkullaku theksoi gjithashtu rëndësinë e hetimit për procedurat e tenderëve.

    ‘Por ka dhe një element që, në qoftë se jemi njerëz objektivë, duhet të themi që mos vallë kjo po ndodh sepse i janë afruar më shumë se ç’duhet Ramës? Pika pyetje. Unë prapë jam i bindur, po do më thonë që ti je kundër Ramës, bindja jote nuk diskutohet që Rama as s’preket e të tjerë e të tjerë, por po bëj, po përpiqem të bëj objektivin. Për herë të parë duhet njohur që ky Dritan Premçi apo një prokuror i SPAK-ut, po merr… jo, kërcënimi është diçka tjetër, po merr në… se dhe për këtë gënjeu Dumani dje në TVSH. Dritan Premçi po heton një zyrtar të lartë në detyrë, shumë të lartë, për procedurat e një afere korruptive. Pra, deri më sot ne nuk kemi pasur hetim për procedurash.’

    ‘Kuptohet, kur thotë, se ti the K, se duhet të pas më shumë respekt për kënd, ai thotë ku, tre pika. Se po the K, keqkuptohet. Po. Mesazhet e atij ku, ose kur, tre pika. Se K-ja është gjë tjetër, kupton? Prandaj dhe duhet të merresh.’, tha ndër të tjera gazetari Armand Shkullaku në SYRI TV.

     

  • Karrierat kr’iminale të 10 bosëve që shënuan historinë e mafias në Itali dhe Amerikë

    Kanë qenë të shumtë bosët që, ashtu si Salvatore Riina, kanë krijuar kupola mafioze, por pak kanë arritur të godasin në zemër institucionet, siç bëri ai. Revista italiane “Focus” sjell një listë të bosëve që shkruan historinë e përgjakur të mafias, nga Italia në Amerikë.

    SALVATORE RIINA: MË MIZORI

    Mbi bosin e Palermos rëndojnë shumë vrasje, përveç atyre të Prefektit Carlo Alberto Dalla Chiesa (1982) dhe sulmeve të Capacit (maj 1992) dhe Rrugës Amelio (korrik 1992): ku u vranë Giovanni Falcone dhe Paolo Borsellino. I arrestuar në vitin 1993, Totò, i thirrur “‘u curtu” për shkak të gjatësisë vetëm 158 cm, u dënua me shumë dënime të përjetshme. Ai vdiq në burg. Metodat që ai përdori për të sjellë klanin e tij në krye të Cosa Nostra-s, ishin të njëjtat me ato të përdorura nga “baballarët e tij shpirtërorë”, shumë prej të cilëve kishin vdekur pa bërë asnjë ditë burg.

    VITO CASCIO FERRO: BOSI I PARË

    “Fateci vagnari ‘u pizzu” – “na lagni sqepin”: ishte kjo mënyra me të cilën mafiozët u kërkonin para tregtarëve në fillim të shekullit që kaloi. Ishte Vito Cascio Ferro (1862-1943), një prej të parëve bosë të mëdhenj siçilianë, që e bëri zhvatjen një biznes i cili më pas u eksportua në Amerikë. I lindur në Palermo, në pak vitet që kaloi në Nju Jork konsolidoi marrëdhëniet me kriminalitetin e përtej oqeanit dhe u njollos me makabrin “krimin e fuçisë” (ku futi, të bërë copë-copë, një mashtrues i cili donte të bënte biznes në territorin e tij). Ia hodhi paq plot 69 herë, por të shtatëdhjetën arrestimi ishte fatal: në vitin 1930 prefekti i hekurt Cesare Mori e dënoi me burgim të përjetshëm. Cascio Ferro vdiq i harruar në burg në Pozzuoli, pa ushqim dhe pa ujë, gjatë evakuimit të 1943.
    LUCKY LUCIANO: MË NDIKUESI
    Në moshën 19 vjeç, Salvatore Lucania (1897-1962) e ndryshoi emrin e tij në Charlie Luciano. “Lucky” erdhi pasi i mbijetoi në Nju Jork rrëmbimit prej mafias, që i la një shenjë në fytyrë dhe pseudonimin. Me origjinë nga Lercara Friddi (Padova), pasi eleminoi rivalin Joe Masseria u bë shefi i familjes Genovese (dhe revista Time e vuri në listën e 20 burrave më me ndikim të shekullit të 20-të). Në vitin 1936 u arrestua në Shtetet e Bashkuara dhe u dënua me 50 vjet burg. Ai doli nga burgu 10 vjet më vonë: sipas disa historianëve e fitoi lirinë dhe një të drejtë largimi për Itali, duke punuar me amerikanët për të favorizuar zbarkimin e aleatëve në Siçili në vitin 1943.

    AL CAPONE: NJERIU SIMBOL
    Më shumë se një bos i mafias, ai ishte një gangster dhe përfundoi duke u bërë simbol i krimit italo-amerikan. Biri i emigrantëve nga Campania, Alphonse Gabriel Capone (1899-1947), me emrin Al, lindi në Bruklin. Që i ri në moshë mori një shenjë plage me thikë në faqe (ndaj edhe nofka Njeriu me Shenjë), për mbrojtjen e nderit të motrës së tij. Pasi u transferua në Çikago u shpall “Armiku publik nr. 1”, por për ta arrestuar atë u deshën 9 agjentë të pakorruptueshëm (Të paprekshmit, të rrëfyer në filmin e 1987 nga Brian De Palma). Ai u dënua në vitin 1931 me 11 vjet burg, por për evazion fiskal.

    CARLO GAMBINO: DHELPRA

    Ishte një nga emigrantët e shumë, Carlo Gambino (1902-1976), kur në moshën 19 vjeç erdhi në Nju Jork nga Siçilia. Por në gjysmë shekulli të aktivitetit kriminal, ai themeloi, në fund të viteve 1950, një nga familjet më të fuqishme në Nju Jork: Gambinot. Pa u ekspozuar shumë, i lidhur me vlerat më tradicionale të mafias, ai e bëri dinakërinë armën e tij (por nuk tërhiqej shumë, kur bëhej fjalë për të vrarë kundërshtarët). Me stilin e tij “të vjetër”, ai u bë një nga modelet e personazhit të Vito Corleones në filmin The Godfather (Francis Ford Coppola, 1972). Ai vdiq nga një atak në zemër duke parë një lojë bejsbolli në TV.
    JOHN GOTTI: BIZNESMENI
    Jo të gjithë mund të kenë të gjithën për vete një kopertinë të revistës Time, si ajo e Andy Uarhol projektuar në vitin 1986 për John Gottin (1940-2002), bosi i familjes Gambino të Nju Jorkut, i cili u gjykua për vrasjen e paraardhësit të tij Paul Castellano. Nën pamjen e njeriut të botës, Gotti ishte një vrasës i pamëshirshëm dhe një narkotrafikant i madh. I quajtur “doni i teflonit”, për shkak të aftësisë për t’u rrëshqitur akuzave, doli i pastër nga çdo gjyq deri kur, në vitin 1992, krahu i tij i djathtë e tradhëtoi.
    GAETANO BADALAMENTI: PIZZA CONNECTION
    Pica dhe mafia: nga kjo pikëpamje Gaetano Badalamenti (1923-2004) ishte një italian tipik. Kreu i mafias së Cinisit (Palermo), don Tani ishte një prej eksponentëve më të fuqishëm të Cosa Nostras, i dënuar në 1987 në SHBA me 45 vite burg, për të ashtuquajturën “pizza connection” (nga emri i hetimit). Nga 1975 deri në 1984 Badalamenti menaxhoi një trafik ndërkombëtar heroine dhe kokaine, mes Palermos dhe SHBA. Shpërndarja ndodhte në pjesën e pasme të disa picerive italiane në Amerikë, ku droga vinte e fshehur mes produkteve tipike italiane. Me emrin e tij është e lidhur edhe vdekja e Pepino Impastatos (1978), aktivist antimafia që nga mikrofonët e radios Aut përqeshte veprimtarinë e “Tano sedutos”. Për këtë vrasje Badalamenti u dënua me burgim të përjetshëm në 2002.
    JOE BONANNO: MË I RIU
    Një gazetar i hutuar, në një gazetë amerikane lokale, e shndërroi emrin e tij në Joe Bananas: ai pseudonim i mbeti, por Joe Bonanno (1905-2002) u bë themeluesi i një familje mafioze të Nju Jorkut. Me origjinë nga Castellammare del Golfo (Trapani), në vitin 1931, në moshën 26 vjeçare, ai u bë shefi më i ri i mafias së Amerikës. Ai kishte një prirje për biznes (të paligjshëm, por jo vetëm), dhe ndër aktivitetet e tij kishte funeralet. Dhe jo rastësisht: ai përdorte metodën e “arkëmortit të dyfishtë” për të fshehur viktimat e vrasësve të tij nën ato të “pronarëve” legjitimë. Në vitin 1983 ai shkroi nën një pseudonim, një libër autobiografik, por … i bindur se fotografia në kapakun e tij e paraqiste atë si një gangster pesëlekësh, denoncoi botuesin e tij.
    JOE VALACHI: I PENDUARI
    Joseph Valachi (1903-1971) ishte i penduari i parë i madh, ai që foli publikisht për ekzistencën e mafies dhe e përcaktoi atë me termin “Cosa Nostra”. I lindur në Rumani, ai jetonte në Nju Jork në kontakt të drejtpërdrejtë me fuqinë e Cosa Nostra-s (ai ishte shoferi i Gaetano Reinas, klan i fuqishëm i Joe Masserias) dhe mori pjesë në Luftën e Mafias të nxitur nga Joe Masseria, Vito Genovese dhe Lucky Luciano kundër rivalëve napolitanë. Rrëfimet e tij ndihmuan në rindërtimin e organigramës së organizatës mafioze dhe në kuptimin më të mirë të rregullave që qeverisin mafien. Ai vdiq nga një atak në zemër pas një përpjekje për vetëvrasje (1971): historia e tij frymëzoi personazhin e Frankie Pentangeli në The Godfather II (Francis Ford Coppola, 1974).
    JOE MASSERIA: THE BOSS
    Në Amerikë e quanin Joe Masseria (1886-1931), ose Joe the boss, por emri i tij i vërtetë ishte Giuseppe Masseria. Me origjinë nga Castellammare del Golfo, në krahinën e Trapanit, në moshën 43 vjeç, ai fitoi një emër të denjë, diçka si “njeriu që mund të shmangte plumbat”, për shkak të një prite nga e cila doli mrekullisht i paprekur dhe me dy vrima plumbi në kapelën e kashtës. Që nga viti 1920 ai komandoi bandën Morello, një nga klanet më të fuqishme në Nju Jork. Vrasjen e tij në vitin 1931 e urdhëroi bosi Lucky Luciano gjatë konfliktit të udhëheqjes italo-amerikane, që u luftua në Nju Jork mes Maranzanove dhe Masseriave./Vox News

  • Gazetari italian publikon librin për mafien shqiptare dhe takimin misterioz në Aruba

    Gazetari italian publikon librin për mafien shqiptare dhe takimin misterioz në Aruba

    Gazetari italian Nello Trocchia publikoi librin e tij të ri, Invicibili, ku trajton ngritjen e klaneve kriminale shqiptare dhe ndikimin e tyre ndërkombëtar. Një nga zbulimet më të bujshme të librit është takimi i grupeve kriminale në ishullin Aruba në vitin 2019, ku sipas autorit kanë marrë pjesë edhe zyrtarë të lartë të qeverisë shqiptare.
    Corriere Della Sera shkruan se Trocchia është përballur me përpjekje për të ndaluar publikimin e librit, i cili përfshin edhe intervista me kryeprokurorin e Napolit, Nicola Gratteri.
    Libri paraqet histori të mafies shqiptare, që nga kontrabanda e drogës dhe armëve në vitet 1990 deri te trafiku ndërkombëtar dhe rrjetet e fuqishme ekonomike dhe financiare në Evropë dhe Amerikën Latine.
    Në libër përshkruhet se si grupet shqiptare kanë bashkëpunuar me klanet italiane, duke u bërë një fuqi kriminale me ndikim në tregjet ndërkombëtare të drogës, trafikimit të njerëzve dhe pastrimit të kapitalit.
    Trocchia evidenton gjithashtu lidhjet e mafies shqiptare me biznesmenë, politikanë dhe profesionistë, duke treguar se struktura e saj është e ngjashme me ajo e mafias italiane, duke përfshirë kontrollin territorial dhe aftësinë për të ofruar “shërbime sigurie”.
    Artikulli i Corriere Della Sera:
    “Nuk ka asnjë rajon italian, asnjë grup kriminal që nuk ka pasur marrëdhënie me shqiptarët që nga mbërritja e tyre në vitet 1990”, dhe Napoli nuk bënte përjashtim, shkruan Nello Trocchia në Invicibili (Rizzoli), një rrëfim gjithëpërfshirës, ​​i pari në formë reportazhi, i ngritjes së mafies shqiptare “nga Roma në botë”. Një fenomen që është përshkruar në mënyrë fragmentare, deri më tani, nga agjencitë e zbatimit të ligjit dhe komisionet e dhomave të tregtisë.
    “Napoli dhe Granatat e Dorës ” është kapitulli që rrëfen për nëntokën autarkike të qytetit, lagjen Sanità, sot një destinacion turistik, dje një ishull dhe një fortesë, ajo e klanit Misso. Ishte gjithashtu një vend zbarkimi dhe  mësimdhënie për kriminelët shqiptarë të kontrabandës. Michelangelo Mazza i kujton ata, duke u ngjitur në shkallët e Kamorrës nga grabitës në vrasës “duke ndjekur ëndrrën kriminale të xhaxhait të tij, Giuseppe Misso, i cili ishte një gjeneral, një nga ata shefa që vendosin për luftërat, atëherë ferri u përket atyre që i luftojnë ato luftëra”. Mazza vazhdon të dëshmojë sot në gjyqe të vazhdueshme kundër ish-aleatëve dhe rivalëve.
    “Emri i xhaxhait tim është Giuseppe Misso, ai ishte një kriminel karizmatik [tani është i penduar]. Kur doli nga burgu si humbës, iu deshën vetëm disa muaj për të rimarrë Napolin falë çmendurisë së ne të rinjve që ishim në dispozicion të tij, duke vrarë dhe përhapur terror”.
    Dhe ai u thotë të rinjve sot të mos besojnë në epikën kriminale.” Të thonë se nëse bëhesh anëtar i Kamorrës, bën një kërcim cilësor, duke kaluar nga një jetë me mangësi në një jetë me pushtet, por kjo është e rreme. Kur bëhesh anëtar i Kamorrës, bën një kërcim në mut, është vetëvrasje.
    “Në moshën 26 vjeç, ai vendosi të merrte armët për t’u hakmarrë për familjen e tij dhe, në veçanti, për vrasjen e tezes së tij, Assunta Sarno, e vrarë në vitin 1992 nga vrasësit e Aleancës Secondigliano, një grup rival i Kamorrës.” Me çfarë armësh zhvillohet kjo luftë? Edhe me ato shqiptare… Gjithmonë me të njëjtën origjinë. Në atë kohë, ish-Jugosllavia ishte e pasur me armë dhe trafikimi ishte më i lehtë…”
    Midis shqiptarëve që zbarkuan në Itali me anijen Vlora në fillim të viteve 1990, “ka disa të dëshpëruar, por ka edhe nga ata që duan të mësojnë zanatin nga më të mirët në këtë biznes”. Karrierat e tyre kriminale filluan me një pakt me klanet italiane: së pari si kontrabandistë dhe trafikantë, pastaj si banditë dhe vrasës me pagesë të krimit të organizuar dhe së fundmi si trafikantë droge që “sot, jashtëzakonisht të fuqishëm, kontrollojnë qendrat e klasifikimit dhe portet në të gjithë botën; por edhe si trafikantë njerëzish, të cilët transportojnë emigrantë në Itali edhe pse qeveria italiane shpenzon miliona për t’i mbajtur ata në qendrat që ka ndërtuar në qendrat kriminale në Shqipëri”.
    Pas Casamonicas, gazetari nën eskortë gjurmon, për Rizzoli-n, trajektoren e një mafie të huaj që, pasi fitoi forcë në Itali, u bë një “fuqi ekonomike dhe financiare” në nivel ndërkombëtar. Trocchia gjurmon protagonistët e saj më të egër dhe rrëfen sulmin e tyre ndaj institucioneve, duke e mbyllur rrethin me një intervistë me kryeprokurorin e Napolit, ish-kreun e prokurorisë së Catanzaros, Nicola Gratteri.
    “Për të paktën dhjetë vjet, kam thënë se grupet kriminale shqiptare nuk janë më ato që bastisnin vila. Ato kanë qenë prej kohësh të përfshira në skenën ndërkombëtare të trafikut të drogës, duke u bërë një fuqi ekonomike dhe financiare, siç demonstrohet nga investimet në Shqipëri që po ndryshojnë fytyrën e Tiranës, Durresit, Elbasanit dhe Vlorës”, tha Gratteri në një intervistë.
    “Mafia shqiptare është bërë një partner komercial i Ndrangheta-s, falë së cilës ka arritur të vendoset në Amerikën Latine, veçanërisht në Ekuador, Kolumbi dhe Brazil. Ajo ka marrëdhënie me organizata të mëdha kriminale transnacionale dhe është gjithnjë e më e interesuar në tregjet aziatike dhe australiane. Në Evropë, më pak se 2% e aseteve të fituara në mënyrë të paligjshme konfiskohen. Pjesa tjetër hyn në ekonominë ligjore me një lehtësi të habitshme. Është koha për të gjetur lehtësuesit dhe ndërmjetësit pas strategjive të riinvestimit të kapitalit të mafias. Jemi shumë prapa, veçanërisht në luftimin e mafias jo-vendase, e cila ende nënvlerësohet shumë .” Megjithatë, “grupet shqiptare kanë të gjitha karakteristikat e mafias sonë: nga kontrolli territorial, veçanërisht në rajonet qendrore-veriore , deri te aftësia për të ofruar shërbime dhe për të garantuar siguri dhe mbrojtje. Përveç fitimit të mbështetjes në rritje, ato mbështeten në një komplot të thellë heshtjeje, duke zhvilluar marrëdhënie gjithnjë e më të ngushta me biznesmenë, politikanë dhe profesionistë.”
    Dhe roli i informacionit. “Ata janë përpjekur të më mbyllin gojën në kaq shumë mënyra”, thotë Trocchia, “dhe ne nuk mund të shqetësohemi vetëm për kërcënimet. Gazetaria investigative nuk është në krizë për shkak të mbërritjes së inteligjencës artificiale. Nëse i kërkoni ChatGpt-it informacione dhe lajme të pabotuara, nuk do të jetë në gjendje t’i ofrojë ato. Gazetarët janë të nevojshëm për këtë, dhe gjithmonë do të nevojiten. Gazetaria investigative hyn në krizë nëse e izolojmë, nëse ndalojmë së zgjedhuri, nëse mendojmë se nuk vlen. Ky libër është një investigim me lajme, histori, rrëfime dhe zbulime, dhe është historia e një mafie grabitqare, të pasur dhe me rrënjë të thella që po e gërryen Evropën.”

  • I arratisur që nga viti 2020, arrestohet në gjumë bosi i mafias në Itali

    I arratisur që nga viti 2020, arrestohet në gjumë bosi i mafias në Itali

    Një bos i njohur i mafias italiane, i cili ishte në arrati për pesë vite, u kap nga karabinierët këtë të martën në mëngjes.

    Bëhet fjalë për 39-vjeçarin Leonardo Gesualdo nga Foggia, një figurë kryesore në organizatën Società Foggiana. Që nga viti 2020, kur ai arriti të arratisej gjatë një operacioni të madh policor që po zhvillohej atë kohë, Gesualdo, i dënuar me 12 vjet burg, kishte qenë në listën e të arratisurve më të rrezikshëm.
    Për këtë operacion, urdhra të përkohshëm ndalimi, kryesisht për vepra penale të zhvatjes, ishin lëshuar kundër 44 personave.
    Në orët e para të së martës, karabinierët e GIS, hynë me forcë në një shtëpi në periferi të Foggias dhe e kapën në gjumë, pasi ai po flinte në atë moment. Mafiozi 39-vjeçar nuk bëri asnjë rezistencë, ndërsa gjatë kontrollit u gjet një pistoletë me gjashtë fishekë në karikator.
    Leonardo Gesualdo u zhduk më 16 nëntor të vitit 2020. Një oficer gjyqësor e kishte përshkruar atë me fjalët: “Kur ka nevojë të qëllohet, ai është personi që do ta bëjë”.
    Armët, droga, zhvatja dhe madje edhe akuza për vrasje, përfshirë atë të 13 prillit 2013, ku ai u përfshi në vrasjen e Claudio Socios në Via Lucera në Foggia, për të cilën më vonë u lirua nga akuzat, shënuan karrierën e tij kriminale. Gesualdo, i lindur në vitin 1986, ishte anëtar i të ashtuquajturës “Società Foggiana”. Ai ishte përfshirë në listën e të arratisurve të rrezikshëm të Ministrisë së Brendshme italiane dhe ishte në kërkim që nga 16 nëntori 2020, kur i shpëtoi ekzekutimit të një urdhri paraburgimi të përkohshëm në lidhje me operacionin Decima Bis të prokurorisë antimafia të Barit.
    Në kontekstin e këtij rasti, ai ishte dënuar në shkallë të parë me 12 vjet burg për pjesëmarrje në një organizatë kriminale të tipit mafioz.

    Top Channel

  • (VIDEO)Në kërkim prej 5 vitesh, arrestohet bosi i mafias në…/ Pamjet kur policia e kap në gjumë 

    (VIDEO)Në kërkim prej 5 vitesh, arrestohet bosi i mafias në…/ Pamjet kur policia e kap në gjumë 

    Një bos i njohur i mafias italiane, i cili kishte qenë në arrati për pesë vjet, u kap nga karabinierët herët të martën në mëngjes. 
    Ai është 39-vjeçari Leonardo Gesualdo nga Foggia, një figurë kryesore në organizatën “Società foggiana”. 
    Herët në mëngjes, karabinierët e GIS (Njësia Italiane e Operacioneve Speciale) hynë me forcë në një shtëpi në periferi të Foggias, ku e gjetën në gjumë 39-vjeçarin. 
    Leonardo Gesualdo nuk bëri rezistencë dhe gjatë kontrollit u gjet një pistoletë me gjashtë fishekë në karikator. 
    Që nga viti 2020, kur ai arriti të arratisej gjatë një operacioni të madh policor që ishte duke u zhvilluar në atë kohë, Gesualdo, i cili ishte dënuar me 12 vjet burg, kishte qenë në listën e të arratisurve më të rrezikshëm në Itali. 
    Për këtë operacion ishin lëshuar urdhër-arreste të përkohshme kundër 44 personave, kryesisht për vepra penale të zhvatjes. 

    “Congratulazioni all’Arma dei @_Carabinieri_ e alla Magistratura per l’arresto del pericoloso latitante Leonardo Gesualdo, tra i pregiudicati più ricercati del Paese.Un risultato frutto di professionalità, impegno e dedizione assoluta al servizio dello #Stato e dei cittadini.… pic.twitter.com/QMFjNtAzUP
    — Ministero Difesa (@MinisteroDifesa) October 7, 2025

     
     

  • Nga gommonet te ndërtimi/ Gazetari italian zbulon lidhjet e mafias shqiptare me qeverinë dhe biznesin: Rama e ka..

    Nga gommonet te ndërtimi/ Gazetari italian zbulon lidhjet e mafias shqiptare me qeverinë dhe biznesin: Rama e ka..

    Në intervistën për gazetaren Alba Kepi në një studio televizive, gazetari investigativ Nello Trocchia nënvizon se rasti i Artur Shehut tregon nivelin e lartë të lidhjeve të mafias me biznesin dhe qeverinë. Ai thotë se Shehu ka investime në Shqipëri dhe Itali, duke përfshirë sektorin e turizmit dhe ndërtimit, dhe vazhdon të ketë leje ndërtimi në Vlorë. Madje edhe pse disa ish-bashkëpunëtorë të tij janë hetuar dhe më pas janë liruar, Shehu vazhdon aktivitetet e tij biznesore dhe kriminale.
    Pjesë nga intervista
    Nello Trocchia: Pra, ky është një hetim i Drejtorisë Hetimore Antimafia të Prokurorisë së Firences që në thelb hetonte investimet në Itali të Artur Shehu. Kush është Artur Shehu? Artur Shehu është një individ që vjen nga Vlorë, i cili në vitet ’90 shpëtoi në mënyrë të mrekullueshme nga ajo që ishte një lloj lufte civile, mund të themi, pas krizës së piramidave, dhe që bëri biznese me gommonët, pra me trupat e njerëzve, sepse ai kishte gommonë në Vlorë që niseshin drejt Italisë, pra trafikim i qenieve njerëzore, më pas u bë një individ në marrëdhënie, me biznese të dokumentuara, më pas u mbyll hetimi, por janë të dokumentuara marrëdhëniet e tij biznesore me Albino Prudentino, që ishte një njeri i lidhur me Sacra Corona Unita, në kazino dhe në sektorin e turzimin e më pas i transferuar në W. Artur Shehu nuk ka dënime të rëndësishme, por ka raporte me narkotrafikantet shqiptarë.
    Rasti i Artur Shehut tregon nivelin e lartë të lidhjeve të mafias me biznesin dhe qeverinë. Ai ka marrë pjesë në investime në Shqipëri dhe Itali, duke përfshirë sektorin e turizmit dhe ndërtimit, dhe vazhdon të ketë leje ndërtimi në Vlorë. Edhe pse disa ish-bashkëpunëtorë të tij janë hetuar dhe më pas janë liruar, Shehu vazhdon aktivitetet e tij biznesore dhe kriminale.
    Një tjetër rast që tregon fuqinë e mafias shqiptare është vrasja në Itali në vitin 2020 në plazhin e Torvaianika të një shtetasi shqiptar, ku rezultoi se i dyshuari kryesor kishte lidhje me vrasësin e dënuar më parë.

  • Ekzekutimi i kunatit të bossit të mafias turke në Itali, ja roli i 33-vjeçarit shqiptar

    Ekzekutimi i kunatit të bossit të mafias turke në Itali, ja roli i 33-vjeçarit shqiptar

    Mediat italiane kanë zbuluar rolin e shqiptarit 33 vjeçar i cili u përfshi në vrasjen e 62 vjeçarit italian me origjinë turke, i cili rezulonte se ishte kunati i i bosit të mafias turke, i vrarë në Crotone më 31 janar 2005.
    Shkaku nuk kishte të bënte me ndonjë aktivitet kriminal të mafias turke, por një video.
    Hetuesit kanë rindërtuar të gjithë skemën e vrasjes së Hayati Aroyos, 62-vjeçarit italo-turk, i gjetur i karbonizuar më 23 korrik 2025 në një apartament në ‘Sesto San Giovanni’, në provincën e Milanos. Viktima u identifikua disa ditë më pas falë gjurmëve të gishtave dhe bashkëpunimit të autoritetit gjyqësor turk.
    Video intime

     

  • Shërbente si “bankomat” i mafias shqiptare, arrestohet 52-vjeçari italian në Ekuador

    Shërbente si “bankomat” i mafias shqiptare, arrestohet 52-vjeçari italian në Ekuador

    Policia ekuadoriane ka arrestuar Panfilo Colonico, një italian 52-vjeçar që dyshohet se shërbente si “bankomati” i mafias shqiptare.

    Sipas Ministrit të Brendshëm ekuadorian, Jhon Reimberg, burri i njohur si Benny që kishte edhe nënshtetësi kanadeze, paraqitet si sipërmarrës, por në realitet ka lidhje me një organizatë kriminale shqiptare të dedikuar për pastrim parash, trafik droge dhe korrupsion të zyrtarëve publikë.
    Në vitin 2022, ai u akuzua për ngacmim të një prezantuese televizive. Dhe në vitin 2023, ai u rrëmbye në mes të ditës nga restoranti i tij në Guayaquil nga një komando i armatosur që hiqej si polic.
    Pas pesë ditësh “robërie”, ai u shfaq në restorantin e tij me një taksi që dyshohet se mori pas lirimit të rrëmbyesve të tij.

    Top Channel

  • “Për ju kjo është një pro**itutë”/ Berisha sulmon ashpër për Kushtetutën: Silleni si bandë me rregullat e mafias

    “Për ju kjo është një pro**itutë”/ Berisha sulmon ashpër për Kushtetutën: Silleni si bandë me rregullat e mafias

    Kryetari i PD-së, Sali Berisha nga Kuvendi lëshoi akuza të forta për maxhorancën.
    Sali Berisha:
    “Produkt i farsës më të shëmtuar elektorale të historisë së Shqipërisë nga viti 90 deri më sot. Pjellë e karteleve të drogës dhe organizatave kriminale. Nuk mund të kishim kurrë fillim tjetër përveçse këtij që nisëm sot, duke i shpallur armiqësi dhe luftë të plot Kushtetutës së vendit, librit themelor. Për ju ka kohë që është një letër e vdekur, e denoncuar nga neni i parë tek i fundit, nga kodi i mafias, i drogës dhe i bixhozit. Ska fillim me armiqësor ndaj qytetarëve shqiptarë, që presin dhe kanë këtë libër si mburojën e tyre, si mburojë të të drejtave të tyre, të dinjitetit të tyre dhe lirive të tyre.
    Ju sot në një garë të turpshme e shkemoni dhe e përdhunoni publikisht në parlament me një sadizëm tipik të narkokriminelëve. Asgjë su pengon juve të kryeni këtë krim të shëmtuar, të shkelmoni kushtetutën, e cila ka përcaktuar qartë në nenin 83 pika 2. Kuvendi me kërkesë të Këshillit të Ministrave, ose të një të 5 të deputetëve mund të shkrijë ose përcaktojë një projektligj, me procedurë të përshpejtuar, por jo më parë se një javë nga fillimi i procedurës. Ata që kanë qenë këtu para jush, kanë votuar se për shqyrtimin e propozimeve për rregullores ndiqet procedura e propozuar.
    Ju nuk keni as ligj, as kushtetutë, as moral. Silleni para kamerave si një bandë me rregullat e mafias. Ju dëgjova, që të përmendit precedentin. Po mashtroni publikun. Precedenti ishte konsensus. Kjo është një prostitutë dhe ska asnjë vlerë për ju. E kaloni nga një shpellë mafie, në një tjetër”.

  • Berisha-socialistëve nga Kuvendi: Ju përbëni rrezik për Shqipërinë dhe Europën, vendin e keni në burg

    Berisha-socialistëve nga Kuvendi: Ju përbëni rrezik për Shqipërinë dhe Europën, vendin e keni në burg

    Kryetari i PD-së, Sali Berisha akuzoi shumicën parlamentare për lidhje të drejtpërdrejta me krimin e organizuar dhe për përfitim mandatesh përmes parave të pista.
    Ai u shpreh se ata nuk kanë moral, pasi në vend të kushtetutës kanë kodin e mafias.
    “Ju garantoj se shumica e juaj duhet të ishte atje ku është Shullazi, Bari Bajri, atje e keni vendin. Por edhe një gjë dua të them: E përmend Brukselin sot, ajo datë është caktuar para 4 muajsh. Por ne betohemi në këtë kushtetutë se do tua çjerrim maskën para shqiptarëve dhe evropianëve. Do paraqesim se çfarë rreziku jeni ju për shqiptarët, për Ballkanin, BE dhe SHBA”, tha ndërv të tjera Berisha.
    Pjesë nga fjala
    Produkt i farsës më të shëmtuar elektorale në historinë e Shqipërisë nga viti ’90 gjer sot. Pjellë e karteleve të drogës dhe organizatave kriminale, nuk mund të kishin kurrë fillim tjetër, përveç se këtij që nisët sot, duke i shpallur armiqësi dhe luftë të plotë, mbi të gjitha Kushtetutës së vendit, librit themelor, por që për ju ka kohë që është një letër e vdekur e zëvendësuar nga neni i parë tek i fundit nga kodi i mafias, drogës, vjedhjes dhe bixhozit.
    Nuk ka fillim më armiqësor ndaj qytetarëve shqiptarë që presin, që kanë këtë libër, si mburojën e tyre, si mburojë të të drejtave të tyre, të dinjitetit të tyre, të lirive të tyre, dhe që ju sot në një garë të turpshme e shkelmoni atë publikisht, e përdhunoni atë publikisht në parlament me një sadizëm tipik të narkokriminelëve.
    Asgjë nuk ju pengon ju të kryeni këtë krim të shëmtuar, të shkelmoni Kushtetutën e cila ka përcaktuar qartë në nenin 93 pika 2; Kuvendi me kërkesë të Këshillit të Ministrave apo 1/5 të të gjithë deputetëve mund të shqyrtojë dhe miratojë një projektligj me procedurë të përshpejtuar, por jo më parë se 1 javë nga fillimi i procedurës së shqyrtimit.
    Kurse ata që kanë qenë këtu para jush, në rregulloren e funksionimit të parlamentit, kanë votuar se, për shqyrtimin e propozimeve për ndryshimin e rregulloreve ndiqet procedura e parashikuar për shqyrtimin e projektligjeve.
    Por ju nuk keni, as ligj, as kushtetutë, as moral.
    Ju silleni këtu para kamerave, para publikut si një bandë, në rregullat e mafias.
    Ju dëgjova të përmendni precedentin, po mashtroni publikun, po mashtroni pa turp. Precedenti ishte konsensus. Po ishte, por ishte konsensus. Sot nuk ka konsensus. Sot ka një qëndrim, kërkohet të zbatohet kushtetuta.
    Ne e dimë shumë mirë se këto ndryshime do të votohen, se këto ndryshime do të ndodhin, por kërkohet për të gjithë ata miliona shqiptarë që duhet të kenë Kushtetutën, librin mburojë të tyre nga një shtet, nga abuziviteti, por që për ju kjo është një prostitutë dhe nuk ka asnjë vlerë.
    Ju e kaloni nga një shpellë mafia në një shpellë tjetër mafie.
    Mandatet tuaja buruan nga miliardat e Franc Copjes, Suel Celës, miliardat e Shytëve, Troplinëve, Bajrave, nga lumenjtë e parave të krimit. Ku mund të pranoni ju ligj dhe kushtetutë?! Ju tmerroheni nga ligji dhe kushtetuta. Ju nuk pranoni të zbatimin rregullin më elementar.
    Ju garantoj se shumica e juaj duhet të ishte atje ku është Shullazi, Bari Bajri, atje e keni vendin. Por edhe një gjë dua të them: E përmend Brukselin sot, ajo datë është caktuar para 4 muajsh. Por ne betohemi në këtë kushtetutë se do tua çjerrim maskën para shqiptarëve dhe evropianëve. Do paraqesim se çfarë rreziku jeni ju për shqiptarët, për Ballkanin, BE dhe SHBA. Tre ditë më parë u erdhi mesazhi, por e kapërcyen. Mesazhi ishte i qartë, se ata miqtë tuaj tregtojnë me organizata terroriste të deklaruara nga Donald Trump në Amerikën Latinë. E dëgjuat ju këtë apo jo? Po kush janë ata miqtë tuaj? Jeni ju, sepse ata po të mos i mbulonit ju do të ishin të gjithë në burgje.