Lajmidites.com

Tag: madrid

  • 10 futbollistët më të paguar në Europë: Real Madrid me 3 lojtarë, vetëm Yamal nga Barça

    10 futbollistët më të paguar në Europë: Real Madrid me 3 lojtarë, vetëm Yamal nga Barça

    12 Nëntor 2025

    18:20

    Telesport

    Kylian Mbappe është aktualisht lojtari më i paguar në Europë. Sipas vlerësimeve të CIES, superylli francez fiton një shumë marramendëse prej 22.8 milionë eurosh bruto në vit.
    Kjo analizë bazohet në një model statistikor që merr në konsideratë disa kritere sportive, të tilla si minutat e luajtura, niveli i ndeshjeve dhe shkalla e fillimit gjatë vitit të kaluar, duke marrë parasysh edhe pozicionin e lojtarit. Mohamed Salah dhe Jude Bellingham plotësojnë podiumin e yjeve më të paguar aktualisht në Europë.
    Thibaut Courtois është portieri më i paguar, Van Dik qendërmbrojtësi më i paguar, por dy yjet nuk bëjnë pjesë në top listën e 10-të më të paguarve.
    1. Mbappé (Real Madrid): 22.8 mln euro2. Salah (Liverpool): 17.9 mln euro3. Bellingham (Real Madrid): 17.5 mln euro4. João Neves (PSG): 17.3 mln euro5. Szoboszlai (Liverpool): 17.1 mln euro6. Dembélé (PSG): 16.9 mln euro7. Alvarez (Atlético): 16.9 mln euro8. Martínez (Inter Milan): 16.7 mln euro9. Yamal (Barça): 16.7 mln euro10. Vinicius (Real Madrid): 16.2 mln euro

  • Media spanjolle “As”: Ja qëndrimi i Real Madridit për Xabi Alonson!

    Media spanjolle “As”: Ja qëndrimi i Real Madridit për Xabi Alonson!

    Pavarësisht humbjeve të fundit dhe formës, te Real Madrid nuk ka alarm për trajnerin spanjoll – por tensioni po rritet. Real Madrid nuk ka ndërmend ta shkarkojë Xabi Alonson, të paktën jo tani për tani.
    Kështu raporton gazeta prestigjioze spanjolle “AS”, duke i dhënë fund zërave që qarkulluan në media, sidomos pas një “sulmi të maskuar” nga mediat katalanase që mbështesin Barcelonën, të cilat kujtuan se Jurgen Klopp ishte zgjedhja e parë e presidentit Florentino Pérez për stolin madrilen.
    Pas disfatës ndaj Liverpoolit në Ligën e Kampionëve javën e kaluar dhe barazimit pa gola ndaj Rayo Vallecanos në LaLiga, dyshimet për performancën e skuadrës u rikthyen – sidomos pas humbjes 5-2 nga Atletico Madrid në shtator.
    Megjithatë, pavarësisht vështirësive, Real Madrid vazhdon të kryesojë La Ligën me tre pikë avantazh ndaj kampionëve në fuqi, Barcelonës, dhe renditet i shtati në Ligën e Kampionëve, ende brenda zonës së kualifikimit.
    Gazeta shton se ekipi duket i çorientuar në disa momente, edhe pse ka kaluar trauma të mëdha nga sezoni i kaluar. “Është befasuese që skuadra papritmas humb lidhjen, pas gjithë atyre përpjekjeve për t’u stabilizuar”, thuhet në raport.

  • Nuk ka më vend për Lookman tek Atalanta, gati transferimi në Madrid për 60 milionë euro

    Nuk ka më vend për Lookman tek Atalanta, gati transferimi në Madrid për 60 milionë euro

    11 Nëntor 2025

    20:01

    Telesport

    Ademola Lookman ishte një nga personazhet kryesore të merkatos së fundit, por pavarësisht gjithçkaje që ndodhi, nigeriani qëndroi tek Atalanta, edhe pse pa dëshirën e tij.
    Sulmuesi me shumë mundësi do të largohet gjatë merkatos së janarit. Mediet spanjolle raportojnë se Atletico Madrid interesohet seriozisht për nigerianin dhe është gati të paguajë 60 milionë euro për kartonin e tij, shifër brenda pritshmërive të Atalantës.
    “Colchoneros” po kërkojnë një sulmues të gjithanshëm, i aftë të luajë si në krah ashtu edhe në qendër, dhe Ademola Lookman duket se është profili i duhur që ata po kërkojnë. Në anën tjetër, lojtari nuk ka më vend tek Atalanta dhe po pret janarin për t’u larguar njëherë e mirë.
    Për nigerianin interesohet edhe Tottenham, por deri tani pista më konkrete është ajo e Atletico Madridit.

  • Wirtz drejt largimit nga Liverpool? Vjen propozimi nga Spanja për shkëmbimin e bujshëm

    Wirtz drejt largimit nga Liverpool? Vjen propozimi nga Spanja për shkëmbimin e bujshëm

    11 Nëntor 2025

    17:29

    Telesport

    Transferimi i Florian Wirtz te Liverpool ishte padyshim goditja më e bujshme e merkatos së fundit, por gjermani deri tani nuk ka arritur dot të përshtatet te klubi i kuq, duke dalë komplet jashtë pritshmërive.
    “Defensa Central” ka raportuar sot një lajm vërtet të bujshëm, sipas të cilit Real Madrid po monitoron situatën e yllit gjerman te Liverpool dhe është gati për të bërë surprizën e madhe. Sipas raportimit në fjalë, Real Madrid është gati t’i propozojë Liverpool-it shkëmbimin e bujshëm: Florian Wirtz në këmbim të Rodrygo-s.
    Braziliani nuk ka ma vend në formacionin e Xabi Alonso dhe gjatë merkatos së ardhshme është i sigurt largimi i tij. Në anën tjetër, Wirtz mund të “shpëtonte” karierrën dhe të rilindte në Madrid, nën drejtimin e Xabi Alonso-s, i cili e njeh mjaft mirë.

  • Nëse Alonso blen një “mesfushor ëndrrash”, ylli i Realit bën gati valixhet! 5 klube në garë

    Nëse Alonso blen një “mesfushor ëndrrash”, ylli i Realit bën gati valixhet! 5 klube në garë

    9 Nëntor 2025

    11:58

    Telesport

    Chelsea do të blindojë mesfushën me një yll të Real Madrid.
    Sipas mediave angleze, objektivi është mesfushori Eduardo Camavinga. Edhe pse ka edhe tri vite kontratë në Madrid, ai mund të tundohet nga një ofertë e mirë për t’u bërë lider i mesfushës së londinezëve, ku edhe paga mund të përmirësohet.
    Chelsea ka bërë një ofertë paraprake prej 80 milionë eurosh francezin, por deri tani Florentino Perez ka refuzuar. Ai nuk është gati të lëshojë një lojtar kaq të ri.
    Me Xabi Alonso si trajner, duhet theksuar, ama, se Camavinga nuk është më një figurë e rëndësishme në Madrid.
    Liverpool, Arsenal, Bayern dhe Paris Saint-Germain gjithashtu po e ndjekin me vëmendje situatën e tij. Nëse Alonso vendos të blejë një mesfushor që i përshtatet skemave të tij, me siguri që Camavinga do ta konsiderojë largimin.

  • Super Griezmann, Atletico Madrid merr fitoren e 4-të rresht dhe futet në garë për titullin (video)

    Super Griezmann, Atletico Madrid merr fitoren e 4-të rresht dhe futet në garë për titullin (video)

    8 Nëntor 2025

    20:29

    Telesport

    Atletico Madrid ka marrë fitoren e 4-të rresht, pasi ka fituar 3-1 ndaj Levante në “Metropolitano”, e vlefshme për javën e 12-të të La Ligës. “Colchoneros” gjetën avantazhin që në minutën e 11-të, falë një autogoli të Dela, pas një topi të futur në zonë nga Pablo Barrios.
    Miqtë barazuan shpejt shifrat me golin e shënuar me kokë nga Manu Sanchez në minutën e 21-të, i cili gjeti rrjetën me kokë, pas një krosimi nga këndi dhe u la plotësisht i lirë nga mbrojtësit e Atletico-s.
    Goli i avantazhit për vendasit do të vinte në minutën e 60-të, ku Antoine Griezmann e kishte fare të lehtë të shtynte topin në rrjetë, pas asistit fantastik të Marcos Llorente.
    Në minutën e 80-të, ishte sërish Griezmann që gjeti golin dhe vulosi fitoren 3-1. Pas kësaj fitoreje, Atletico Madrid ngjitet në vendin e tretë me 25 pikë, Levante mbetet në vendin e 17-të me 9 pikë.
    SHIKOGOLAT

  • Çmenduri nga Spanja! Perez gati të shpenzojë 250 milionë euro për dy super transferime

    Çmenduri nga Spanja! Perez gati të shpenzojë 250 milionë euro për dy super transferime

    8 Nëntor 2025

    20:56

    Telesport

    “Fichajes.net” raporton se te Real Madrid po përgatiten për një merkato të fuqishme gjatë verës së ardhshme. Sipas raportimit në fjalë, Florentino Perez po mendon të shpenzojë 250 milionë euro për transferimin e dy super lojtarëve.
    Tashmë dihet që Real Madrid është vënë në kërkim të një mesfushori dhe emri më i fundit i dalë në skenë është ai i Declan Rice. Perez thuhet se është i gatshëm të shpenzojë deri në 150 milionë euro për yllin e mesfushës të “Topçinjve”.
    Objektivi i dytë ështe Bradley Barcola i PSG-së, për të cilin Perez është i gatshëm të shpenzojë deri në 100 milionë euro. 23-vjeçari shihet si një zëvendësues perfekt i Vinicius Junior në krahun e majtë të sulmit, pasi braziliani është drejt largimit nga Madridi, në fund të këtij sezoni.

  • Euroleague: Real Madrid fiton derbin me Barcelonën, “zgjohen” kampionët e Fenerbahce

    Euroleague: Real Madrid fiton derbin me Barcelonën, “zgjohen” kampionët e Fenerbahce

    Janë luajtur ndeshjet e raundit të 9-të të Euroleague në basketboll për meshkuj, ku spikat fitorja jashtë fushe e Real Madrid, që mundi 101-92 Barcelonën në derbin spanjoll. Sukses që ngjit “los blancos” në vendin e gjashtë.
    Në krye të renditjes vazhdon të jetë një trio e përbërë nga Zalgiris Kaunas, Crvena Zvezda dhe Hapoel Tel Aviv. Të trija këto skuadra fkituan në ndeshjet e këtij raundi, ku spikat suksesi i ekipit serb ndaj grekëve të Panathinaikos.
    Rikthehet te fitorja skuadra kampione e Fenerbahce, që mundi 81-67 Villeurbanne, por turqit janë ende larg zonën play off. Jashtë fushe fiton edhe Armani Milano, që mundi 97-93 Anadolu Efes, ndërsa Olympiacos mundi 80-71 Partizan.
    Euroleague – Raundi i 9-të
    Crvena Zvezda – Panathinaikos, 86-68
    Fenerbahce – Villeurbanne, 81-67
    Dubai Basketball – Hapoel Tel Aviv, 97-109
    Baskonia Gasteiz – Virtus Bologna, 87-76
    Paris Basketball – Bayern Munich, 82-86
    Maccabi Tel Aviv – Monaco, 107-112
    Anadolu Efes – Armani Milano, 93-97
    Zalgiris Kaunas – Valencia Basket, 86-77
    Olympiacos – Partizan Beograd, 80-71
    Barcelona – Real Madrid, 92-101

  • Te Real Madrid s’po gjen shumë hapësira, Chelsea gati të ofrojë 80 milionë euro për francezin

    Te Real Madrid s’po gjen shumë hapësira, Chelsea gati të ofrojë 80 milionë euro për francezin

    7 Nëntor 2025

    11:23

    Telesport

    Sipas raporteve të shtypit anglez, Chelsea është i interesuar të nënshkruajë me mesfushori francez Eduardo Camavinga. Kontrata e mesfushorit të Real Madrid skadon në vitin 2029, por “blues” duan ta sjellin në Londër.
    Madje thuhet se Chelsea ka bërë një ofertë prej 80 milionë eurosh për të bindur “los blancos”. Megjithatë, çdo negociatë do të ishte shumë e vështirë, duke pasur parasysh se francezi ka shprehur vazhdimisht dëshirën e tij për të vazhduar të luajë për Real Madrid.
    Por, me ardhjen e Xabi Alonso si trajner i Real Madrid, Camavinga nuk është më një figurë kyçe për Blancos. Siç raportohet edhe nga “Mundo Deportivo”, përveç Chelsea edhe shumë klube kryesore në Evropë po e monitorojnë nga afër situatën
    Liverpool, Arsenal, Bayern Munich dhe Paris Saint-Germain thuhet se po e ndjekin 23-vjeçarin francez, që kërkon më shumë hapësira dhe dëshirën që të luajë në pozicionin e tij ideal, në mesfushë.

  • As Konate dhe as Guehi, Real Madrid arrin marrëveshjen verbale me një tjetër super mbrojtës

    As Konate dhe as Guehi, Real Madrid arrin marrëveshjen verbale me një tjetër super mbrojtës

    5 Nëntor 2025

    18:46

    Telesport

    “Footmercato.net” raporton se Real Madrid ka arritur marrëveshjen verbale me qendërmbrojtësin e Bayern Munich, Dayot Upamecano. Francezi nuk ka rënë dakord me klubin bavarez për rinovimin me ta dhe duket se nga sezoni i ardhshëm do të mbajë veshur fanellën e Real Madridit.
    Edhe pse është përfolur për një interes të madh të klubit madrilen ndaj Ibrahima Konate dhe Marc Guehi, dy qendërmbrojtësit që luajnë në Premier League nuk janë më një përparësi për “Los Blancos”. Klubi madrilen duket se ka zgjedhur përfundimisht Dayot Upamecano-n.
    Francezi, i konsideruar aktualisht si një nga qendërmbrojtësit më të mirë të momentit në botë, do të transferohet falas në Madrid, një strategji që klubi madrilen po e ndjek shumë në sezonet e fundit, pra transferimi i emrave “big”, falas.