Fituesi i ‘BBVA’, Luiz Ejlli ka ndezur kureshtjen e ndjekësve me një postim enigmatik, që duket më shumë si trailer i një filmi sesa një story e zakonshme në Instagram. Në imazhin e publikuar, ai shkruan:
“Në Shkurt 2026! Lajmet do të bëhen film, dhe filmi do të bëhet lajm.”
Ky njoftim i ka bërë fansat të mendojnë se më në fund po konkretizohet projekti për të cilin ai dhe Kiara Tito kanë folur muaj më parë. Prej disa kohësh, çifti më i komentuar i showbizit shqiptar është përfolur për një film romantik, ku të dy do të jenë protagonistët kryesorë.
Në një intervistë të dhënë në maj, Kiara kishte zbuluar për herë të parë planet për këtë projekt:
“Jemi duke u organizuar për të bërë një film bashkë. Është hera e parë që e them publikisht. Luizi e ka përmendur ndonjëherë në Story, por tani po flasim për diçka konkrete. Është një projekt që e kemi shumë për zemër dhe mezi presim ta realizojmë.”
Burime pranë çiftit bëjnë me dije se xhirimet pritet të nisin së shpejti, ndërsa projekti po përgatitet me kujdes për të sjellë një histori që përzien realitetin me artin, pikërisht ashtu si Luizi e paralajmëroi në mesazhin e tij.
Edhe pse titulli dhe ekipi realizues nuk janë bërë ende publikë, një gjë është e sigurt: Luizi dhe Kiara po përgatisin diçka që do të bëhet po aq lajm, sa edhe film.
Tag: luizi
-
Luiz Ejlli zbulon datën e projektit me Kiarën
-
Në dramën e gocave për një unfollow, futet edhe Luizi me një kunj plot spec
Showbiz E Mërkurë, 15 Tetor 2025 18:20
Në dramën mes Dojna Memës dhe Kiara Titos për një unfollow në Instagram, është përfshirë edhe Luiz Ejlli. Në atë që duket si një bisedë mes tij dhe Kiarës, Luizi duket sikur ka parashikuar ekzaktësisht rezultatin e fitores së Shqipërisë në ndeshjen me Serbinë, dhe në mbishkrim, vendosi disa fjalë të njëjta me kundërpërgjigjen e Dojnës, por me ca ndryshime.
“Mua kur më pyesin direkt jashtë kamerave, kam këllqe për t’u përgjigjur drejtpërdrejt! Sepse ndihem rehat, e nuk merrem me sajesa që i besojnë vetë. Thënë kjo, tema është e paparë dhe kam shumë interes ta tjerr edhe më shumë se kaq publikisht. Natën e mirë”.Luizi ironizon deklaratën e Dojnës duke i treguar se ndryshe nga ç’thotë, është më e guximshme të japë deklarata të kësaj natyre në prapaskena. Plus, ai tregon dhe një bindje se Dojna në fakt po e shijon vëmendjen dhe ndaj po e “tjerr” edhe më tej ngjarjen. Nga çfarë kuptohet, ky “parashikimi” ekzakt i Luizit duhet të jetë bërë me photoshop, duke nënkuptuar me ironi që Dojna mund të ketë manipuluar mesazhet!
-
Sezoni i ri i “Portokalli”, dedikimi që Luizi ka për Kiarën
Luiz Ejlli ka ndarë një postim që ka tërhequr menjëherë vëmendjen e ndjekësve në rrjete sociale. Në Instastory, këngëtari ka publikuar një foto të bashkëshortes së tij, Kiarës, e cila shfaqet mahnitëse me një fustan elegant ngjyrë ari, të stolisur me detaje vezulluese që nxjerrin në pah hijeshinë dhe bukurinë e saj.
Por ajo që e bëri postimin edhe më të veçantë ishte përshkrimi që Luizi zgjodhi të vendosë mbi foto:
“Edhe se është kohë e keqe, furtunë dhe shi, prap falë teje TV rri xham.”Ky dedikim publik, vjen pasi sonte Kiara nis sezonin e ri të “Portokallisë”, në moderim si dhe herë pas here e kemi parë edhe në sketche të ndryshme.
Edhe pse prej kohësh janë në qendër të vëmendjes, Luizi dhe Kiara vazhdojnë të ruajnë një marrëdhënie të ngrohtë, shpesh duke e shprehur dashurinë për njëri-tjetrin në mënyrë të thjeshtë, por me shumë domethënie. Dashuria e tyre ka sjellë në jetë një vajzë, Luna, e cila dita ditës rritet me dashurinë e prindërve por dhe të publikut që kaq shumë e do.
Luizi vijon projektet e tij muzikore dhe koncertet, ndërsa Kiara është e fokusuar te show “Portokalli”. Mirëpo çifti ka premtuar se së shpejti do të publikojnë edhe një film ku protagonistë do të jenë të dy. -
Kiara Tito drejt prezantimit të “Kënga Magjike 2025”?
A do të jetë Kiara Tito prezantuesja e edicionit të ardhshëm të “Kënga Magjike”? Kjo pyetje ka filluar të qarkullojë gjerësisht në rrjetet sociale pas një videoje që ka bërë xhiron ne rrjet, ku Kiara dhe Luizi, shfaqen në shoqërinë e Ardit Gjebreas dhe familjes së tij.
Në video, Luizi dëgjohet duke thënë me ironi karakteristike:
“E zëvendëson goca e tij Arditin. Ju mendoni se me mua? Harrrojeni! Me Kiara Titon.”Kjo deklaratë ka ngjallur menjëherë reagime të shumta, duke shtuar dyshimet se ndoshta Kiara mund të jetë në bisedime për të qenë pjesë e prezantimit të festivalit të njohur muzikor në vitin 2025.
-
“Gjithçka që kam ëndërruar”: Luizi feston ditëlindjen mes dashurisë më të madhe të jetës së tij
Luiz Ejlli ka ndarë me ndjekësit një nga momentet më të ndjeshme dhe të veçanta të jetës së tij: ditëlindjen pranë familjes që e ka quajtur gjithmonë “ëndrra e bërë realitet”.
Në një foto ku shihet krah partneres Kiara Tito dhe vajzës së tij, të tre të veshur në të bardha, këngëtari ka shprehur mirënjohjen për gjithçka që ka në këtë fazë të jetës. “Mu deshën plot 40 vite që të kisha gjithçka që kam ëndërruar”, shkruan Luizi krahas imazhit plot ngrohtësi.
Postimi është pritur me një sërë urimesh, komente pozitive dhe dashuri nga ndjekësit, të cilët e kanë shoqëruar këtë ditë të veçantë me fjalë të ndjera. -
Egli bën gjoksin për Gjestin? Luizi ”pranon” ndarjen. Loredana është jo e Jozit. Ujë nga Tayna
Gazeta “KOHA JONË” themeluar si e pavarur më datë 11 Maj 1991
Botues: Nikoll LESI. Adresa e redaksisë: Rruga “Sami Frasheri”, Pallatet e Aviacionit të Vjetër Nr. 2, TIRANA – ALBANIA
