Lajmidites.com

Tag: luftë

  • Polonia në fazë para-lufte, gjenerali polak: Rusia po intensifikon operacionet sabotuese dhe sulmet kibernetike

    Polonia në fazë para-lufte, gjenerali polak: Rusia po intensifikon operacionet sabotuese dhe sulmet kibernetike

    Polonia është në gatishmëri të lartë pasi Shefi i Shtabit të Përgjithshëm të Forcave të Armatosura, Gjenerali Wisław Kukula, tha se Rusia “ka filluar përgatitjet për luftë” dhe se vendi i tij “ka hyrë në një fazë para-lufte”.

    Në të njëjtën kohë, Varshava po denoncon sabotimin dhe sulmet kibernetike me origjinë ruse, ndërsa Kryeministri Donald Tusk njoftoi se shpërthimi i fundit në një linjë hekurudhore pranë Varshavës ishte një akt i pashembullt sabotimi.
    Gjenerali Kukulka, duke folur më 17 nëntor në radion publike të Polonisë Polskie Radio, theksoi se “Rusia tashmë ka filluar periudhën e përgatitjes për luftë” dhe se po “krijon një mjedis të favorshëm për agresion të mundshëm në tokën polake”. Siç tha ai, “kushdo që ka përjetuar luftë e di se ajo që po përjetojmë tani nuk është luftë, por një situatë para luftës – një formë lufte hibride”.
    Komentet e gjeneralit polak erdhën disa orë para se Kryeministri Donald Tusk të zbulonte se një pjesë e linjës hekurudhore midis Varshavës dhe Lublinit ishte hedhur në erë “në një akt sabotimi të paprovokuar”. Vija është një korridor thelbësor për ndihmën perëndimore për Ukrainën, dhe Tusk e quajti sulmin një “përpjekje të rrezikshme për destabilizim”.
    Edhe pse Polonia nuk i ka emëruar zyrtarisht autorët, zyrtarët qeveritarë kanë shprehur shqetësim për numrin në rritje të incidenteve të sabotimit dhe spiunazhit që i atribuohen shërbimeve të inteligjencës ruse ose bjelloruse.
    Ministri i Jashtëm ukrainas Andriy Sibikha tha se shpërthimi “mund të jetë një tjetër sulm hibrid rus, i projektuar për të testuar reagimet e NATO-s dhe aleatëve të saj”.
    Gjenerali Kukulka theksoi gjithashtu se “ne po jetojmë në një periudhë të vazhdueshme para luftës, edhe Lufta e Ftohtë ishte një periudhë e tillë”. Ai shpjegoi se sfida është “të menaxhohet siç duhet kjo fazë përmes një politike efektive të parandalimit, bazuar si në aftësitë tona mbrojtëse ashtu edhe në qëndrimin e qytetarëve”.
    Varshava tashmë ka rritur masat e saj mbrojtëse. Në shtator, forcat polake dhe aleate rrëzuan dronë rusë brenda hapësirës ajrore polake – i pari që nga fillimi i pushtimit rus të Ukrainës në vitin 2022. Incidenti shkaktoi diskutime të gjera brenda NATO-s rreth mundësisë së rrëzimit të avionëve rusë që shkelin hapësirën ajrore aleate në të ardhmen.
    Në të njëjtën kohë, shërbimi i inteligjencës gjermane (BND) paralajmëroi më 13 tetor se Rusia “është gati të testojë kufijtë e Evropës” dhe se Moska “mund të përshkallëzojë situatën në çdo kohë” përmes sulmeve me dronë ose avionëve luftarakë. Këto vlerësime plotësojnë deklaratat e Ministrit gjerman të Mbrojtjes, Boris Pistorius, se vera e kaluar “mund të ketë qenë vera e fundit paqësore për Evropën” dhe se një konflikt i mundshëm NATO-Rusi “nuk mund të përjashtohet para vitit 2029”.
    Moska u përgjigj duke i përshkruar deklaratat si “retorikë agresive” dhe duke pretenduar se “nuk ka dyshim se kush po vepron si agresor”. Megjithatë, për Varshavën, ngjarjet e ditëve të fundit konfirmojnë se Polonia është në qendër të një forme të re lufte, ku kërcënimi ushtarak kombinohet me sabotim, sulme kibernetike dhe propagandë.
    “Gjithçka varet nga qëndrimi ynë”, përfundoi Koukoula. “Nëse arrijmë ta pengojmë armikun, do ta shmangim luftën, nëse jo, do ta inkurajojmë atë të sulmojë”, shtoi ai.

    Top Channel

  • “PD s’mund të bëjë show”, Kalaja shpërthen: Protestë në orën 6, marrëveshje me PS të nesërmen

    “PD s’mund të bëjë show”, Kalaja shpërthen: Protestë në orën 6, marrëveshje me PS të nesërmen

    Anëtarja e PD, Adriana Kalaja, theksoi se ka 3 vite e gjysëm që bën luftë të ashpër brenda PD.
    “Nga informacionet që kam për mua është amorale që deputetët PD e akuzonin si sorisitët. A po thonë që 38 mandate i ka marrë edhe pe Ednri Shabanit. Madje unë kam 3 vite e gjysëm që bëjnë luftë të ashpër brenda PD. Është më e ndershme që Beriash të thotë jo ti e ke gaim. Kam bërë luftëpër parime.”, tha ajo.
    Znj.Kalaja shton se do ta bojkotojë protestën e opozitës të thirrur ditën e hënë pasi sipas saj është e pahijshme që ditën e nesërme PD të ulet në tryezë me PS për reformën zgjedhore.
    “Nuk do te shkoj ne proteste. Ndahem me PD sepse nuk mund te shkosh ne proteste ne oren 6 dhe te nesermen te ulesh me mazhorancen per reformen zgjedhore apo territoriale”, shton ajo.

  • “Kam 3 vite e gjysmë që bëj luftë të ashpër brenda PD”/ Kalaja: S’mund të shkosh në protestë dhe të nesërmen të ulesh me maxhorancën për..

    “Kam 3 vite e gjysmë që bëj luftë të ashpër brenda PD”/ Kalaja: S’mund të shkosh në protestë dhe të nesërmen të ulesh me maxhorancën për..

    Adriana Kalaja theksoi se ka 3 vite e gjysëm që bën luftë të ashpër brenda PD.
    “Nga informacionet që kam për mua është amorale që deputetët PD të akuzojnë për sorosizëm. A po thonë që Rama 38 mandate i ka marrë edhe prej Endri Shabanit. Madje unë kam 3 vite e gjysëm që e ndjej luftën e ashpër brenda PD. Është më e ndershme që Berisha të thotë; “jo, ti e ke gaim”. Kam bërë luftë për parime”, tha ajo.
    Kalaja shton se do ta bojkotojë protestën e opozitës të thirrur ditën e hënë pasi sipas saj është e pahijshme që ditën e nesërme PD të ulet në tryezë me PS për reformën zgjedhore apo atë territoriale.
    “Nuk do te shkoj ne proteste. Ndahem me PD sepse nuk mund te shkosh ne proteste ne oren 6 dhe te nesermen te ulesh me mazhorancen per reformen zgjedhore apo territoriale”, shton ajo.

  • Pakistani “në gjendje lufte”, shpërthimi pranë gjykatës shkakton 12 viktima dhe 20 të plagosur

    Pakistani “në gjendje lufte”, shpërthimi pranë gjykatës shkakton 12 viktima dhe 20 të plagosur

    Një shpërthim i fuqishëm ka tronditur mesditën e kësaj të marte, më 11 nëntor, kryeqytetin e Pakistanit, Islamabad, i cili ka shkaktuar deri më tani të paktën 12 viktima dhe mbi 20 të plagosur.
    Siç shkruan Al Jazeera, sulmi ndodhi pranë hyrjes së Kompleksit Gjyqësor të Qarkut, një zonë e frekuentuar çdo ditë nga qytetarë dhe avokatë.
    Ministri i Brendshëm Mohsin Naqvi konfirmoi se bëhet fjalë për një sulm vetëvrasës. Sipas tij, sulmuesi kishte synuar të hynte në ambientet e gjykatës, por pasi nuk ia doli, hodhi veten në erë pranë një automjeti policie. Deri më tani, asnjë grup nuk ka marrë përgjegjësinë për sulmin, ndërsa hetimet janë në vazhdim.
    Presidenti Asif Ali Zardari e dënoi ashpër sulmin, duke shprehur ngushëllime për familjet e viktimave dhe duke lavdëruar forcat e rendit për reagimin e tyre. Në një postim në llogarinë zyrtare në X, ai u lut për shërimin e shpejtë të të plagosurve dhe theksoi rëndësinë e unitetit kombëtar përballë këtyre sfidave.
    Ministri i Mbrojtjes Khaëaja Asif e cilësoi situatën si “gjendje lufte”, duke shtuar se ky sulm duhet të shërbejë si një “thirrje zgjimi”. Ai akuzoi qeverinë e Kabulit për lejimin e aktiviteteve terroriste që po përhapen deri në zemër të Pakistanit.
    “Në këtë situatë, do të ishte e kotë të shpresojmë për negociata të suksesshme me sundimtarët e Kabulit. Sundimtarët e Kabulit mund ta ndalin terrorizmin në Pakistan, por sjellja e kësaj lufte deri në Islamabad është një mesazh nga Kabuli, por falë Zotit, Pakistani ka forcën e plotë për t’iu përgjigjur.”, shtoi ai.
    Ky sulm vjen vetëm disa orë pas një tjetër përpjekjeje të dhunshme në qytetin Wana, pranë kufirit me Afganistanin, ku militantë të armatosur tentuan të sulmonin një kolegj ushtarak dhe të merrnin peng kadetët. Sipas shefit lokal të policisë, Alamgir Mahsud, dy sulmues u vranë nga forcat ushtarake, ndërsa tre të tjerë arritën të futeshin në ndërtesë përpara se të rrethoheshin. Operacioni i pastrimit nga komandot e ushtrisë vazhdonte edhe të martën, ndërkohë që dhjetëra shtëpi përreth u dëmtuan rëndë nga shpërthimi.
    Islamabad ka qenë relativisht i qetë vitet e fundit, por ky sulm rikthen frikën për një valë të re dhune, veçanërisht në një kohë kur tensionet me Afganistanin janë në rritje. Vetëm disa javë më parë, pati shkëmbime të rënda zjarri në kufi, dhe autoritetet pakistaneze paralajmërojnë se bisedimet për paqe me Kabulin janë gjithnjë e më të pamundura.

  • ‘Më afër qytetarëve’, Ilir Proda prezanton transformimin e Policisë së Shtetit: Efikasitet në luftë ndaj krimit

    ‘Më afër qytetarëve’, Ilir Proda prezanton transformimin e Policisë së Shtetit: Efikasitet në luftë ndaj krimit

    Ditën e sotme, në ambientet e Drejtorisë së Përgjithshme të Policisë së Shtetit u zhvillua takimi mes drejtuesve të lartë të Policisë së Shtetit, drejtuesve të programeve dhe projekteve që asistojnë Policinë e Shtetit dhe Oficerëve Policorë Ndërlidhës të atashuar në vendin tonë.
    Takimi, me qëllim informimin mbi riorganizimin e brendshëm të Policisë së Shtetit, në mbështetje të ligjit nr.82/2024 “Për Policinë e Shtetit” dhe në përputhje me detyrimin ligjor për përshtatjen e strukturave të Policisë së Shtetit, për të luftuar me efikasitet format e reja, të avancuara dhe dinamike të kriminalitetit.
    Në fjalën e rastit Drejtori i  Përgjithshëm i Policisë së Shtetit, Drejtues Madhor Ilir Proda, falënderoi të pranishmit dhe ndër të tjera theksoi se ky është një moment domethënës.
    “Ky është një moment domethënës, si dhe një vendimmarrje e rëndësishme në rrugën e modernizimit, forcimit institucional dhe rritjes së efikasitetit të Policisë së Shtetit në shërbim të qytetarëve dhe në luftë ndaj krimit.
    Reformat që po ndërmarrim nuk janë vetëm ndryshime strukturore, por një transformim i mënyrës së funksionimit të Policisë së Shtetit, me synim të qartë, forcimin e kapaciteteve profesionale, përmirësimin e reagimit ndaj sfidave të reja të sigurisë dhe garantimin e një policie më të afërt, më transparente dhe më të përgjegjshme ndaj qytetarit.
    Unë e çmoj shumë këtë mundësi për ta prezantuar dhe diskutuar këtë proces me partnerët tanë ndërkombëtarë, sepse Policia e Shtetit ka qenë dhe mbetet e hapur për bashkëpunim pa barriera, për shkëmbim idesh, eksperiencash dhe kontributesh të përbashkëta.
    Besoj fort se suksesi në përballimin e sfidave të sigurisë nuk është individual, por kolektiv. Ai ndërtohet mbi besim, koordinim dhe partneritetin e qëndrueshëm. Në këtë frymë, dëshiroj t’ju falënderoj të gjithëve për mbështetjen e vazhdueshme dhe për kontributin konkret që keni dhënë në procesin e modernizimit të Policisë së Shtetit”, tha Proda.
    Struktura u prezantua nga Drejtoresha e Drejtorisë së Burimeve Njerëzore Drejtues Anisa Duçkollari, e cila bëri prezente ndryshimet propozuara nga çdo strukturë.
    Në fjalën e tij, Drejtori i Departamentit për Policinë Kriminale, Drejtues i Lartë Neritan Nallbati informoi partnerët mbi arsyet e ndryshimeve në këtë departament, me qëllim transformimin në një strukturë sa më efikase në luftë ndaj krimit të organizuar dhe krimeve globale.
    Përfaqësuesit e misioneve dhe oficerët e kontaktit u shprehën të kënaqur për takimin, si dhe për vënien në dispozicion të materialit shpjegues për ndryshimet në strukturë. Gjithashtu, ata shprehën gatishmërine ë tyre, për të marrë pjesë aktivisht, nëpërmjet mendimeve dhe sugjerimeve, në procesin e modernizimit të mëtejshëm të strukturave të Policisë së Shtetit.

  • Bashkë në Luftë, Bashkë në Histori

    Bashkë në Luftë, Bashkë në Histori

    Në male të Drenicës, mes krismash dhe thirrjesh për liri, u shkrua një histori dashurie dhe trimërie. Azem Galica, burri i hekurt i maleve, nuk luftonte i vetëm. Pranë tij, me jelekun mbushur plot fishekë dhe me një guxim që sfidonte vdekjen, qëndronte Shotë Galica.

    Martesa e tyre ishte një pakt i shenjtë lufte; Shota zgjodhi pushkën përpara vatrës dhe u bë e para grua që luftoi krah për krah me burrat. Askush nuk i numëronte aksionet e tyre, por flitej se ata kishin dhënë zemrën në më shumë se shtatëdhjetë beteja.

    Më 1919, lufta u ndërpre nga një gëzim i shkurtër: lindi Bejta i Vogël. Mirëpo, Azemi e dinte se liria ishte ende larg, dhe fëmija i tyre, lindur në male mes acarit, e humbi jetën shpejt. Ky ishte çmimi i tmerrshëm që pagoi kjo familje e vogël për idealin e madh.
    Kur Azemi ra më 1924, plaga ishte e thellë, por Shota nuk u thye. Ajo mori shpatën dhe udhëhoqi vetë çetën, duke ndjekur thënien e saj: “Jeta pa dije është si një luftë pa armë.” Ajo vazhdoi, pavarësisht se kishte lënë në fushën e nderit njëzet e dy pjesëtarë të familjes së saj.

    Në fund, e vetme dhe e lodhur, u tërhoq në Shqipëri. Heroina që theu dy perandori, nuk i mbijetoi dot mjerimit. Shota Galica vdiq në varfëri më 1927, duke lënë pas një histori të pathyeshme për idealin dhe sakrificën.
    http://

  • “Kjo luftë për liri nuk mund të njolloset”, Spiropali takon Thaçin në Hagë: I shpreha mbështetjen e qeverisë shqiptare

    “Kjo luftë për liri nuk mund të njolloset”, Spiropali takon Thaçin në Hagë: I shpreha mbështetjen e qeverisë shqiptare

    Ministrja për Europën dhe Punët e Jashtme, Elisa Spiropali ka zhvilluar sot një takim me  Ish-Presidentin e Kosovës, Hashim Thaçi, në institucionin e Paraburgimit të Gjykatës Speciale.

    Pas takimit Spiropali u shpreh se i shprehu Thaçit mbështetjen e Ministrisë së Jashtme të qeverisë shqiptare dhe të Kryeministrit Rama për një proces të rregullt dhe të drejtë, i cili në fund duhet të prodhojë drejtësi historike dhe jo padrejtësi historike.
    “Në paraburgimin e Gjykatës Speciale këtu në Hagë, takova Presidentin Thaçi dhe përmes tij i dërgova të falat e mia, por edhe të qeverisë shqiptare dhe besoj të gjithë popullit shqiptar, edhe tre luftëtarëve të tjerë: Kadri Veseli, Jakup Krasniqi dhe Rexhep Selimi.
    Më vjen mirë që e gjeta Presidentin Thaçi në gjendje të mirë; ndiqte zhvillimet në Shqipëri dhe në Kosovë, sigurisht me dëshirën për të parë dy vendet tona sa më mirë.
    I shpreha mbështetjen e Ministrisë së Jashtme të qeverisë shqiptare dhe të Kryeministrit Rama për një proces të rregullt dhe të drejtë, i cili në fund duhet të prodhojë drejtësi historike dhe jo padrejtësi historike.
    Ne urojmë shumë që ai vendim i pjekurisë shtetërore të Kosovës, për të votuar dhomat e specializuara dhe Gjykatën Speciale,  të mos kthehet në të kundërtën e vet, por të respektojë procesin e rregullt ligjor, të drejtat e njeriut dhe, mbi të gjitha.
    Ne urojmë që besimi që Shqipëria, Kosova dhe gjithë shqiptarët kanë ndaj drejtësisë ndërkombëtare të rezultojë i përligjur deri në fund.
    Është me rëndësi të madhe të theksohet edhe njëherë se populli i Kosovës, djemtë dhe vajzat e Kosovës u ngritën në luftë për të mbrojtur shtëpitë e tyre, për të mbrojtur njerëzit e tyre, për të mbrojtur jetën në atë vend, dhe kurrsesi për të agresuar apo sulmuar një popullatë apo një vend tjetër”, deklaron Spiropali.
    Kjo luftë për liri nuk mund të njolloset; kjo luftë për ekzistencë nuk mund të përbaltet, dhe këto dy procese duhet të ndahen shumë qartë, në mënyrë që e vërteta historike, drejtësia dhe sakrificat e një populli të tërë të mos shkelen me këmbë. Besim deri në fund.
    Jam e bindur që, pas dëshmive të dhëna këtu, por edhe pas një procesi të rregullt ligjor, ne do të mund të shohim më në fund drejtësi për luftëtarët, por edhe drejtësi për Kosovën dhe për të vërtetën e saj.

    Top Channel

  • A do ketë luftë SHBA-Venezuelë? Trump: E dyshoj, por…

    A do ketë luftë SHBA-Venezuelë? Trump: E dyshoj, por…

    Donald Trump thotë se nuk ka shumë mundësi që të ndodhë një luftë mes SHBA-ve dhe Venezuelës, por ka sugjeruar se ditët e homologut të tij Nicolas Maduro si president i vendit janë të numëruara.
    I pyetur nëse SHBA-të do të shkojnë në luftë kundër Venezuelës, presidenti amerikan i tha CBS-së në emisionin “60 Minutes“: “E dyshoj. Nuk besoj. Por ata na kanë trajtuar shumë keq.”
    Komentet e tij vijnë ndërkohë që SHBA-të vazhdojnë të kryejnë sulme ndaj anijeve të dyshuara për kontrabandë droge në Karaibe. Administrata Trump thotë se këto sulme janë të nevojshme për të ndalur rrjedhën e drogës drejt SHBA-ve, shkruan BBC.
    Trump hodhi poshtë sugjerimet se veprimet e SHBA-ve nuk kishin të bënin me ndalimin e narkotikëve, por synonin rrëzimin e Maduro-s, një kundërshtar i vjetër i Trump-it, duke thënë se bëhet fjalë për “shumë gjëra”.
    Të paktën 64 persona janë vrarë nga sulmet e SHBA-ve në Karaibe dhe në Paqësorin lindor që nga fillimi i shtatorit.
    Duke folur nga Mar-a-Lago, Florida, Trump tha: “Çdo varkë që shihni që është qëlluar, vret 25 mijë njerëz për shkak të drogës dhe shkatërron familjet në të gjithë vendin tonë.”
    I shtyrë të përgjigjej nëse SHBA-të po planifikojnë ndonjë sulm tokësor, Trump nuk e përjashtoi mundësinë, duke thënë: “Nuk jam i prirur të them se do ta bëja… Nuk do t’ju them çfarë do të bëj me Venezuelën, nëse do ta bëja apo jo.”
    Maduro më herët ka akuzuar Washington-in për “fabrikimin e një lufte të re”, ndërsa presidenti kolumbian Gustavo Petro ka thënë se sulmet ndaj varkave po përdoren nga SHBA-të për të “dominuar” Amerikën Latine.
    Trump tha se qeveria e tij “nuk do të lejojë” që njerëz “nga e gjithë bota” të hyjnë në vend. “Ata vijnë nga Kongo, vijnë nga e gjithë bota, po vijnë, jo vetëm nga Amerika e Jugut. Por Venezuela në veçanti, ka qenë e keqe. Ata kanë banda,” tha ai, duke veçuar bandën Tren de Aragua. Ai e quajti atë “bandën më të egër në botë”.
    Kjo ishte intervista e parë e Trump-it me CBS-në që kur ai paditi kompaninë mëmë të saj, Paramount, për një intervistë të vitit 2024 me zëvendëspresidenten e atëhershme, Kamala Harris. Trump pretendoi se intervista ishte redaktuar për të anuar në favor të Partisë Demokratike.
    Paramount ra dakord të paguajë 16 milionë dollarë për të zgjidhur padinë, por paratë do të shkojnë për bibliotekën presidenciale të ardhshme të Trump-it.

  • “Veliaj ka nisur një luftë”/ Zhvillimet e fundit politike, flet ashpër gazetari: Një betejë ndryshe nga sa ka kemi parë

    “Veliaj ka nisur një luftë”/ Zhvillimet e fundit politike, flet ashpër gazetari: Një betejë ndryshe nga sa ka kemi parë

    Gazetari Flogert Muça, i ftuar në një emision televiziv, ka komentuar zhvillimet e fundit në skenën politike, duke iu referuar qëndrimeve të kryetarit të Bashkisë së Tiranës, Erion Veliaj.
    Sipas Muçës, deklaratat e fundit të Veliajt shënojnë nisjen e një “lufte” politike dhe jo thjesht një debat apo “divorc” brenda mazhorancës. Ai theksoi se reagimi i Veliajt, vetëm tre ditë para mbledhjes së Gjykatës Kushtetuese, ka një domethënie të qartë politike dhe mund të interpretohet si një formë presioni ndaj saj.
    Gazetari vlerësoi se kryebashkiaku po ndërton me kujdes një narrativë për të përgatitur terrenin për zhvillime të reja, duke u treguar “politikisht korrekt”, por njëkohësisht duke sinjalizuar nisjen e një beteje të re në arenën politike.
    “Ne nuk duhet të diskutojmë a është divorc apo luftë. Veliaj ka folur, por ka folur. Ka folur dhe ka nisur një luftë. Sot ai është treguar dhe ka folur “politikisht korrekt”. Dukej si një analize dhe editorial për të dhënë panoramën e një persekutimi politik. Ky ishte një hap i parë, po mbetet për t’u parë se deri ku do e çojë Veliajn.
    Reagimi Veliajt 3 ditë para mbledhjes së Kushtetueses e ka një domethënë, është presion ndaj saj. Veliaj po ndërton narrativen për të përgatitur terrenin. Është i kujdesshëm në argument duke mos qenë i egër. Hapi i parë kur të flas unë je lajmi i fundit, është fillimi i një beteje ndryshe nga sa ka kemi parë deri tani”, tha Flogert Muça.

  • Kryeministri polak paralajmëron për “luftë të përjetshme” në Ukrainë

    Kryeministri polak paralajmëron për “luftë të përjetshme” në Ukrainë

    Kryeministri polak Donald Tusk nuk pret një paqe të qëndrueshme në Ukrainë për sa kohë që presidenti rus Vladimir Putin është në pushtet, tha ai për gazetën britanike “The Sunday Times”.
    Konflikti rrezikon të shndërrohet në një “luftë të përjetshme” nëse nuk ndodh diçka drastike në Rusi, tha ai në intervistën e botuar sot.
    “Tani pyetja kryesore është sa viktima do të shohim”, tha Tusk. “Nuk kam asnjë dyshim se Ukraina do të mbijetojë si shtet i pavarur”, u shpreh Tusk.
    Sipas kreut të qeverisë polake, Rusia po përballet me vështirësi të thella ekonomike, jo më pak edhe si rezultat i sanksioneve të reja amerikane kundër kompanive ruse të naftës.
    Megjithatë, rusët kanë një avantazh të madh ndaj Perëndimit dhe sidomos Evropës: “Ata janë të gatshëm të luftojnë… në kohë lufte, kjo është absolutisht çështja thelbësore”, tha Tusk.
    Tusk paralajmëroi Britaninë e Madhe që të mos i nënshtrohet “iluzionit të ëmbël” se lufta kundër Ukrainës është larg.
    Rusia mund të arrijë çdo kryeqytet evropian, përfshirë Londrën, me raketa balistike me mbushje bërthamore.
    “Ne tashmë jemi të ekspozuar ndaj sulmeve masive në hapësirën kibernetike”, shtoi Tusk.