Një ngjarje e rëndë ka tronditur ishullin Zakynthos në Greqi, ku një qen pitbull sulmoi për vdekje një fëmijë 18-muajsh, me baba shqiptar dhe nënë britanike, teksa po luante në oborrin e shtëpisë.
Sipas mediave greke, fëmija u dërgua me urgjencë në spital, por për fat të keq nuk mundi të mbijetojë. ‘
Autoritetet lokale po hetojnë rrethanat e sulmit, ndërsa prindërit janë mbajtur nga autoritetet.
Komuniteti vendas është i tronditur nga kjo tragjedi, që ka rikthyer vëmendjen mbi sigurinë e kafshëve shtëpiake dhe mbikëqyrjen e fëmijëve në ambientet e tyre.
Tag: luante
-
E rëndë në Greqi! Po luante në oborrin e shtëpisë, qeni sulmon për vdekje 2-vjeçarin shqiptar
-
E rëndë në Greqi, pit bulli sulmon për vdekje fëmijën 18 muajsh të shqiptarit, po luante në oborrin e shtëpisë
Një fëmijë me baba shqiptar dhe nënë britanike, u sulmua për vdekje nga një qen në oborrin e shtëpisë teksa po luante.
Ngjarja tragjike ka ndodhur në Agios Leontas, në ishullin Zakynthos të Greqisë.
“Protothema” informon se një fëmijë 18-muajsh u sulmua për vdekje nga një pit bull.
Sipas informacioneve, fëmija dyvjeçar ishte në oborrin e shtëpisë së tij kur iu afrua qenit të familjes, i cili, për një arsye të panjohur, e sulmoi me egërsi të madhe, duke i shkaktuar lëndime të rënda.
Pak pas orës 13:00, prindërit të tmerruar telefonuan shërbimet e urgjencës, fëmija u dërgua në spital, por ishte tepër vonë, pasi aty u shpall i vdekur.
Babai i fëmijës 18-muajsh është me origjinë shqiptare, ndërsa nëna e tij është britanike dhe të dy kanë jetuar në ishullin e Zakinthosit prej vitesh.
Komuniteti vendas është i tronditur nga incidenti dhe autoritetet kompetente janë mobilizuar tashmë për të hetuar rrethanat e sulmit. Prindërit po mbahen nga autoritetet.
-
Tragjedi/ Po luante në oborrin e shtëpisë, qeni sulmon për vdekje fëmijën 18 muajsh, dhe babain
Një fëmijë me baba shqiptar dhe nënë britanike, u sulmua për vdekje nga një qen në oborrin e shtëpisë teksa po luante. Ngjarja tragjike ka ndodhur në Agios Leontas, në ishullin Zakynthos të Greqisë.
“Protothema” informon se një fëmijë 18-muajsh u sulmua për vdekje nga një pit bull.
Sipas informacioneve, fëmija dyvjeçar ishte në oborrin e shtëpisë së tij kur iu afrua qenit të familjes, i cili, për një arsye të panjohur, e sulmoi me egërsi të madhe, duke i shkaktuar lëndime të rënda.
Pak pas orës 13:00, prindërit të tmerruar telefonuan shërbimet e urgjencës, fëmija u dërgua në spital, por ishte tepër vonë, pasi aty u shpall i vdekur.
Babai i fëmijës 18-muajsh është me origjinë shqiptare, ndërsa nëna e tij është britanike dhe të dy kanë jetuar në ishullin e Zakinthosit prej vitesh.
Komuniteti vendas është i tronditur nga incidenti dhe autoritetet kompetente janë mobilizuar tashmë për të hetuar rrethanat e sulmit. Prindërit po mbahen nga autoritetet. -
“Ai është i rrallë. Pa të nuk fitohen trofe!” Për kë e ka fjalën trajneri Allegri?
30 Nëntor 2025
10:07
Telesport
Pas ndeshjes kaotike me Lazion, trajneri i Milanit Allegri ka zbuluar me pak fjalë lojtarin e tij të preferuar. Jo se nuk e dinim, por kësaj here e ka thënë më hapur se kurrë dhe, jo pa të drejtë.
“Nuk doja ta ofendoja gjyqtarin, por nuk i vë faj për vendimin e tij. Ishin minuta kaotike në fund dhe ai mori një vendim, kaq. Patëm vështirësi, sepse Lazio bëri shumë presing, por ia dolëm me aq sa mundëm”.
“Leao ka qenë qendërsulmues kur luante te Lille, kështu që ky pozicion për të nuk është i ri. Rabiot? Krahasuar me kohën kur luante në Torino, është përmirësuar shumë. Ka fizikun, është taktikisht inteligjent dhe lojtar skuadre. Pa lojtarë të tillë, harroje se mund të fitosh trofe. Ai ka një motorr si pak mesfushorë të tjerë”, ka deklaruar Allegri. -
“I kishte dokumentet gati”; Pekerman zbulon skenarin që e ndaloi Messin të luante për Spanjën
22 Nëntor 2025
11:35
Alfred Lleshi
Jose Pekerman, fituesi i trefishtë i Botërorit U-20 me Argjentinën dhe trajner i kombëtares së madhe bardhekaltër 2004-2006, rrëfeu në “Ole Summit 2025” se si e ndaloi Leo Messin të përfundonte te Spanja. Më 29 qershor 2004, Pekerman organizoi një miqësore për të siguruar që Messi të luante me Argjentinën.
Ai tregoi: “Në Spanjë e njihnim Messin nga një turne U-17, i zhvilluar në Finlandë. Trajnerët spanjollë thanë që, nëse do ta kishin atë djalë, do ta kishin fituar turneun. I thashë Tocalli se ai ishte lojtar i së ardhmes dhe një bekim, se dokumentet për të luajtur në Botërorin U-20 për Spanjën ishin gati, prandaj duhej të nxitojmë”.
Pekerman sqaroi se rregulli i FIFA-s thoshte që një lojtar, i cili luante për një ekip të rinjsh, nuk mund të luante me një tjetër kombëtare. Ai koordinoi miqësoren me Argjentinën kundër Paraguajit, ku Messi debutoi me Albiceleste dhe Argjentina fitoi 8-0, duke ia mbyllur rrugën për te Spanja. Pas kësaj, Messi ka bërë 196 paraqitje dhe shënuar 115 gola me Argjentinën, duke fituar edhe Botërorin 2022. -
Bastoni po luante në Champions, hajdutët i bastisin shtëpinë. I vjedhin “Rolex” dhe çantat luksoze
8 Nëntor 2025
8:30
Alfred Lleshi
Këtë javë, Alessandro Bastoni përjetoi një situatë të pakëndshme jashtë fushës. Ndërsa mbrojtësi i Interit luante në ndeshjen e Champions-it ndaj Kairat Almaty, disa hajdutë hynë në vilën e tij në Castelli Calepio, një qytet me 10.000 banorë pranë Liqenit Iseo, Bergamo.
Ngjarja ndodhi pasdite, më 5 nëntor, kur të paktën 4 persona kapërcyen portën dhe hynë në shtëpi përmes një grile ventilimi. Sipas “Bergamonews”, hajdutët shkuan direkt në dhomën e gjumit dhe garderobën e futbollistit zikaltër. Ndër objektet e vjedhura janë çanta luksoze dhe orë, përfshirë dy Rolex.
Grabitja zgjati vetëm disa minuta, sepse alarmi u aktivizua sapo hynë në shtëpi. Për të mos u njohur, grabitësit mbanin rroba të errëta, kapele dhe shaje për fytyrën, teksa ikën para mbërritjes së policisë dhe sigurimit. Në momentin e vjedhjes, nuk ishte askush në vilë. Ngjarja po hetohet nga karabinierët e “Grumello del Monte” dhe njësia operative e Bergamos. -
4-2-3-1 dhe risi të tjera; ja si do të luante Juventusi me Spalletti në pankinë
29 Tetor 2025
8:07
Alfred Lleshi
Luciano Spalletti shihet si pika e sigurisë për Juventusin në një moment pasigurie. Pas përvojave me Romën, Interin dhe Napolin, me të cilin fitoi titullin dy vite më parë, tekniku nga Certaldo synon të ringjallë sezonin bardhezi dhe të arrijë objektivin minimal; “play off”-et e Champions-it.
Spalletti do ta vendoste Juventusin në fushë me një 4-2-3-1, për të shfrytëzuar më mirë cilësitë individuale. Mbrojtja do të kalonte nga tre në katër, me Kalulu në të djathtë, Cambiaso në të majtë dhe Kelly-Gatti në qendër.
Në mesfushë do të luanin Thuram dhe Koopmeiners, ndërsa Locatelli duket në balotazh me holandezin, me dëshirën për t’u rilidhur me trajnerin pas mosmarrëveshjeve në kombëtare. Përpara tyre, McKennie nga e majta, Conceiçao nga e djathta, Yildiz pas sulmuesit, ndërsa roli i qendërsulmuesit do të ndahej mes Openda dhe Vlahovic, me të fundit në dyshim vetëm për arsye merkatoje. -
Sulmuesi i Kairat nuk e dinte se do luante në Champions: nuk i njihte rregullat
Nuk është ndeshja e madhe e ditës, por është sigurisht më interesantja, ndeshja klasike Davidit kundër Goliathit që merr përmasa edhe më epike në Champions League.
Pas një fluturimi prej nëntë orësh, Real Madrid ka mbërritur në Kazakistan, ku do të përballet me Kairat Almaty, ekipin më të vogël dhe më pak të njohur në këtë sezon të Champions-it.
Ka një ndryshim të madh në çdo aspekt, duke filluar nga ai financiar, por motivimet që i shtyjnë dy klubet janë identike, me ndryshimin e vogël se disa në Almaty nuk e dinin se mund të kualifikoheshin për në Europë përmes pozicionimit në kampionat.
Është historia e çuditshme e Edmilson, i cili e gjeti veten papritur në Champions League sepse nuk i njihte me rregullat e kampionatit të ri që e mirëpriti në qershor.
Historia e tij u tregua në një raport të hollësishëm nga The Athletic që nxori në pah figurat kryesore të klubit, duke filluar me vetë sulmuesin, i cili u bë golashënuesi i parë i ekipit në kompeticioninmë të rëndësishëm europian për klube, pikërisht atë në të cilën mendonte se nuk mund të luante.
Për habinë e tij të madhe, sulmuesi zbuloi se do të luante në Champions, një faktor që nuk e kishte llogaritur kur pranoi të largohej nga Celje në qershor për në Kazakistan.
Si shumë njerëz, Edmilson nuk e dinte që Kairat mund të luante në Europë pavarësisht se i përkiste një kombi të vendosur fizikisht në Azinë Qendrore: ata kanë qenë anëtarë të UEFA-s që nga viti 2002, dhe me sa duket braziliani nuk i kishte ndjekur arritjet e Astana-s mes viteve 2015 dhe 2016, skuadra e parë kazake që mori pjesë në fazën finale të Champions League.
Për habinë e tij të madhe, ai e gjeti veten duke qenë dëshmitar i shortit që i dhuruan ndeshje të nivelit të lartë si ato kundër Real Madrid-it dhe Inter-it në San Siro – një arritje e paimagjinueshme vetëm pak muaj më parë.
Edmilson nuk kishte turp të pranonte se deri në qershorin e kaluar, nuk dinte asgjë për futbollin që do të haste në vendin e ri, por arriti të integrohej sa më mirë që mundi, pavarësisht disa vështirësive fillestare.
“Trupi im ishte shumë i ndryshëm; ndihesha sikur nuk isha mjaftueshëm i fortë për të garuar në stërvitje”, tha ai, duke shtuar se vuante edhe nga rrjedhja e gjakut nga hunda për rreth një muaj për shkak të ajrit të thatë të qytetit. -
“Nuk e prisja që Arbër Hoxha do të luante në mënyrë të tillë!” Befasohet trajneri
26 Shtator 2025
18:35
Telesport
Paraqitja e fantastike e Arbër Hoxhës ndaj Fenerbahces në Ligën e Europës e ka lënë pa fjalë trajnerin Domenico Tedesco. Tekniku e ka deklaruar publikisht se nuk e priste nga shqiptari.
Lojtari i kombëtares sonë realisht ishte i pandalshëm, teksa dha edhe një asist. “Në fakt, nuk e dija se do të luante. U befasuam. Hoxha ishte shumë i shpejtë me topin, lojtar tepër cilësor”.
Trajneri i Dinamos, Kovacevic, tha se Hoxha i meriton të gjitha lëvdatat. “Jam i befasuar që Fenerbahce nuk e njihte. Hoxha zhvilloi një paraqitje mbresëlënëse edhe ndaj Hajduk Splitit. I meriton lëvdatat”. -
Rritet numri i pacientëve me sëmundje të zemrës, apeli i mjekut që mund të ndryshojë jetën tuaj
Sëmundjet e zemrës vijojnë të rrisin numrin e pacientëve në spitalet shqiptare.
Shefi i Shërbimit të Kardiokirurgjisë, dr. Altin Veshti, në një intervistë televizive, theksoi se stresi është kthyer në një nga faktorët kryesorë të rrezikut.
“Infarktet tek të rriturit janë shtuar dukshëm. Nëse në Itali mosha mesatare për këto raste është 70-80 vjeç, tek ne ajo është 50-60 vjeç. Faktorët kryesorë që ndikojnë janë stili i jetesës, ushqimi i pashëndetshëm dhe obeziteti. Një faktor që ne e nënvlerësojmë totalisht, por që unë mendoj se në Shqipëri po bëhet një nga më kryesorët, është stresi,” – u shpreh dr. Veshti.
Ai shtoi se kontrollet kardiake duhet të nisin që në lindje, me një ekzaminim të thjeshtë nga pediatri:
“Të gjithë fëmijët kur lindin duhet t’u dëgjohet të paktën një zhurmë në zemër. Këtë duhet ta bëjë pediatri, duke kontrolluar, nuk ka nevojë për teknologji të avancuar; mjafton një stetoskop dhe dy duar,” thotë ai.
Mjeku kritikoi ashpër mungesën e vëmendjes ndaj kontrolleve mjekësore, veçanërisht tek fëmijët që ushtrojnë sporte.
“Kam pasur rastin e një djali që luante futboll për pesë vjet. Kur i bëmë një EKO në Padova, profesori më tha se kishte një vrimë në zemër prej 2.5 cm. Ky fëmijë luante futboll, por nuk duhej të luante,” tha mjeku.
Dr. Veshti apeloi për rritjen e ndërgjegjësimit, duke theksuar se zemra ka nevojë për kujdes që nga dita e parë e jetës dhe gjatë gjithë jetës.