Lajmidites.com

Tag: luajti

  • Ndahet nga jeta aktori dhe këngëtari i njohur amerikan, Michael DeLano

    Ndahet nga jeta aktori dhe këngëtari i njohur amerikan, Michael DeLano

    Aktori dhe këngëtari, Michael DeLano, u nda nga jeta në moshën 84-vjeçare.

    Lajmi për vdekjen e tij u konfirmua nga bashkëshortja e tij, Jean Delano, e cila tha se ai vdiq nga një atak në zemër.

    DeLano, i cili jetoi në Las Vegas që nga viti 1992, është më i njohur për audiencën moderne për rolin e tij si menaxher kazinoje në filmat e famshëm Ocean’s Eleven dhe Ocean’s Twelve. Deri vonë, ai ishte një këngëtar i rregullt në të famshmin Dispensary Lounge.

    Karriera e tij lulëzoi në vitet 1970, kur luajti zjarrfikësin Sonny Caputo në serialin e ABC Firehouse. Edhe pse seriali u anulua pas vetëm 13 episodeve, ai i solli DeLanos njohje.

    Roli i tij më i famshëm ishte ai i Johnny Venture në serialin e CBS-së “Rhoda”. Atje ai luajti rolin e një këngëtari që pa sukses e joshi personazhin kryesor Rhoda-n pas ndarjes së saj nga bashkëshorti i saj.

    Ai u shfaq në 11 episode midis viteve 1976 dhe 1978. Ai gjithashtu luajti në filmin shumë të shtrenjtë të dështuar të NBC-së, “Supertrain”, në vitin 1979.

    ObserverKult

    Lexo edhe:

    EDI RAMA: JAVA E KULTURËS SHQIPËRI-KOSOVË E KTHEU QYTETIN NË LABORATOR KRIJIMTARIE

  • Mbrojtësi/ Aliji drejt Gjermanisë për rikuperim, do t’i mungojë Dinamos disa javë

    Mbrojtësi/ Aliji drejt Gjermanisë për rikuperim, do t’i mungojë Dinamos disa javë

    Në ndeshjen që Shqipëria luajti kundër Anglisë trajneri Silvinjo kishte përzgjedhur në mbrojtje edhe Naser Alijin. Futbollisti nuk ishte ftuar për ca kohë, por muajt e fundit u pa e arsyeshme nga Silvinjo që mbrojtësi të ishte në grumbullim, pasi ka përvojë dhe siguri taktike.
    Ai luajti mirë në ato minuta kur iu dha mundësia e ndaj Anglisë luajti titullar. Pati paraqitje të mirë. Ndërkohë, duhet theksuar se pavarësisht se kishte luajtur titullar në ndeshjen e fundit ndaj Anglisë, ai luajti edhe në kampionat me Dinamon, ku u aktivizua për 90 minuta në ndeshjen ndaj Elbasanit. Por, Aliji ka luajtur i dëmtuar për shkak të shqetësimeve që i ka dhënë pubalgjia. Kështu, mbrojtësi udhëtoi drejt Gjermanisë, ku edhe do të kryejë ndërhyrjen kirurgjikale për shqetësimin që ka pasur. Mbrojtësi do t’i mungojë Dinamos për disa javë dhe me shumë gjasa do të rikthehet në fushë vetëm në muajin janar pasi rikuperimi do të duhet të marrë kohën e vet. Gjatë javës, Aliji do t’i nënshtrohet operacionit dhe operacione të tilla, zakonisht shkojnë deri në 2 muaj rikuperim, për t’u kthyer që të jenë të gatshëm për të luajtur. Aliji ka qenë padyshim një nga lojtarët më të rëndësishëm të Dinamos këtë sezon, por edhe sezonin e shkuar duke luajtur si qendërmbrojtës së bashku me Bruno Ditën. Te Dinamo, tashmë shpresojnë që të rikthehet sa më shpejt Dita, për të pasur të plotë prapavijën, ku pritet të rreshtohet së bashku me Teikseirën, që duket se ka fituar vendin e titullarit dhe në ndeshjet e fundit ka bindur.
    Trajneri Ilir Daja shpreson që këto dëmtime të kalojnë sa më shpejt dhe Dinamo të rikthehet në garë për titull, pra të qëndrojë sa më pranë dyshes kryesuese që janë Vllaznia e Elbasani. Me Alijin në mbrojtje siguria për objektivat rritet.

  • Milan humb me Entelën, fiton Jasharin

    Milan humb me Entelën, fiton Jasharin

    Milan në përpjekje pr të përgatitur ndeshjen e ardhëshme luajti sot një test miqësor. Kuqezinjtë humbën 3-2 kundër Virtus Entela, e 14-ta në Serie B.

    Në Stadio Felice Chinetti në Solbiate Arno, skuadra e Masimiliano Alegrit mori dy herë epërsinë, së pari me anë të Pulisiç në minutën e 9-të dhe më pas me anë të Borsanit në minutën e 58-të, por më pas u barazua me golat e Ankeje në minutën e 34-të dhe Boçadamo në minutën e 67-të, përpara se të pësonte një gol fitues në fund nga De Benedeti.

    Ardon Jashari rikthehet te Mialn pas një pushimi të gjatë për shkak të një frakture të fibulës së ndërlikuar që pësoi në stërvitje në fund të gushtit. Shqiptaro zviveriani luajti mirë, ashtu si Pulisiç dhe Estupinan: të tre luajtën 90 minuta të plota.

    Vazhdo leximin

  • Ish-kryeministri i Rumanisë reagon për Nanon: Luajti rol kyç në transformimin e Shqipërisë

    Ish-kryeministri i Rumanisë reagon për Nanon: Luajti rol kyç në transformimin e Shqipërisë

    Ish-kryeministri i Rumanisë, Adrian Nastase, ka reaguar në lidhje me ndarjen nga jeta të ish-kryeministrit të Shqipërisë, Fatos Nano.
    Përmes një postimi në rrjetet sociale, Nastase shkruan se Fatos Nano luajti një rol kyç në transformimin demokratik dhe modernizimin e Shqipërisë.
    Nastase njihet si një nga homologët e Nanos që ka pasur një raport shumë të ngushtë me të.
    “Jemi takuar shumë herë gjatë viteve dhe e mbaj mend qartë takimin tonë të fundit në vitin 2003, gjatë mandatit tim si Kryeministër i Rumanisë. Gjatë gjithë jetës së tij publike, Fatos Nano luajti një rol kyç në transformimin demokratik dhe modernizimin e Shqipërisë.
    Përkushtimi dhe vizioni i tij do të kujtohen me mirënjohje nga të gjithë ata që e njohën dhe e respektuan. I shpreh ngushëllimet dhe dhembshurinë time të sinqertë familjes, miqve dhe kolegëve të tij në këto momente pikëllimi. U prehtë në paqe!”, shkruan në rrjetet sociale, Nastase.

  • Europa luajti ndeshje pa surpriza, Ronaldo humb penallti, kalojnë Italia e Spanja

    Europa luajti ndeshje pa surpriza, Ronaldo humb penallti, kalojnë Italia e Spanja

    Shqipëria arriti fitore historike në Leskovac në përballjen me Serbinë 0-1. Fitorja bëri të lumtur një komb të tërë … Në orën 15:00 u zhvillua ndeshja tjetër e Grupit K aty ku Andorra arriti të ndalë Letonën në Riga 2-2.

    Ndërkohë ndeshjet e tjera sipas grupeve të parashikuara për sot dhanë këto rezultate:

    Ndeshjet e sotme, zona e UEFA-s kualifikuese Botërori 2026, shifrat:

    Letoni- Andorrë 2-2

    Hungari-Armeni 2-0

    Norvegji- Izrael 5-0

    Portugali- Irlandë 1-0

    Estoni- Itali 1-3

    Spanjë- Gjeorgji 2-0

    Bullgari- Turqi 1-6

    Serbi- Shqipëri 0-1/ Sportiim.al/

    Vazhdo leximin

  • Dy gola të shpejtë, por në fund nuk ka fitues. Atalanta dhe Como kënaqen me nga një pikë (video)

    Dy gola të shpejtë, por në fund nuk ka fitues. Atalanta dhe Como kënaqen me nga një pikë (video)

    4 Tetor 2025

    22:40

    Telesport

    Atalanta ka barazuar 1-1 ndaj Como, në sfidën e luajtur në Bergamo, e vlefshme për javën e gjashtë të Serie A. Bergamaskët gjetën golin pas 5 minutash lojë, ku Lazar Samardzic e nis vetë aksionin dhe e përfundon në mënyrën ideale, duke gjetur rrjetën.
    Como e drejtuar nga Cesc Fabregas barazon shifrat me Maximo Perrone në minutën e 18-të. Mesfushori i Como duke përfituar nga një top i humbur nga vendasit, kroson në zonë dhe ideja ishte të asistonte për shokun e skuadrës, por në mënyrë të habitshme topi përplaset në shtyllë dhe përfundon në rrjetë.
    Portieri i Atalantës, Marco Carnesecchi, mund të kishte bërë më mirë, por u tregua i pavëmendshëm. Rezultati i pjesës së parë dhe i gjithë takimit, 1-1. Berat Gjimshiti luajti si zakonisht titullar dhe u ndëshkua me karton të verdhë. Në anën tjetër ishte titullar Mërgim Vojvoda për Como-n, i cili luajti për 70 minuta.
    Pas këtij barazimi, Atalanta mban vendin e gjashtë me 10 pikë, Como vendin e shtatë me 9 pikë.
    SHIKOGOLAT

  • Luajti si kapiten në ndeshjen ndaj Milanit, Berisha: Provova të shënoja por…

    Luajti si kapiten në ndeshjen ndaj Milanit, Berisha: Provova të shënoja por…

    Medon Berisha ishte kapiten i Lecces, në humbjen 3-0 ndaj Milanit, në Kupën e Italisë. Pas takimit, ai tregoi diçka më shumë për emocionet dhe ndjesitë, ndërsa u ndal të  fliste edhe për faktin se ishte një nga të vetmit për skuadrën e tij që rrezikoi portën e kuqezinjve.
    “Në 10-15 minutat e parë mund të bënim më shumë. Por më pas, që nga momenti i kartonit të kuq, në “San Siro” kundër Milanit që po bën mirë, është e vështirë. Por gjithmonë mund të bëhet më shumë.

    Goli me goditje dënimi? E provova. Shpresoja te një devijim. Nuk e gjuajta mirë, por e bëra provë”, tha Berisha pas ndeshjes.
    © BalkanWeb

  • ANALIZA teknike / “Revolucioni” brenda ndeshjes i Flick, që solli përmbysjen epike ndaj Levantes

    ANALIZA teknike / “Revolucioni” brenda ndeshjes i Flick, që solli përmbysjen epike ndaj Levantes

    Nata po dukej e keqe për Barcelonën në “Ciutat de València”, me disavantazhin 2-0 në pushimin mes dy pjesëve të lojës, por Hansi Flick nuk priti për të bërë ndryshime. Gjermani bëri dy zëvendësime taktike, që ndikuan deri në fund dhe sollën përmbysjen e madhe (3-2), ndërsa mbrapa përdori linjën prej tre lojtarësh. Trajneri blaugrana diti ta ndryshojë planin duke shfrytëzuar thellësinë e skuadrës me shumë alternativa.
    Ndryshimet krahasuar me ndeshjen pararendëseFlick mbajti në fushë 9 titullarë nga ndeshja pararendëse, me Casadó dhe Rashford në vend të De Jong, i cili qëndroi në Barcelonë për shkak të ardhjes në jetë të fëmijës së dytë, dhe Fermín. Anglezi luajti si “skaj” i majtë, duke zhvendosur Raphinha në mesfushën ofensive.
    Plani A nuk funksionoi, me shumë posedim (85%), “lojë e ngadaltë”, siç e përmendi Pedri, por pak pasime mes linjave kundër një Levante, për të cilën Flick kishte paralajmëruar: “Mbron mirë dhe është e rrezikshme në kundërsulme”. Kështu ndodhi. Manu Sánchez kontrolloi Lamine Yamal dhe organizoi golin e 1-0 pa lejuar që Barcelona të ndihej komode në fushë.

    Reagimi dhe Pedri i spostuar më lartPas ndeshjes, Pedri foli për ndryshimet e pozicioneve. Flick nuk ndryshoi skemën (4-2-3-1), por disa lojtarë kur futi Gavi dhe Dani Olmo në minutën 46-të, në vend të Casadó dhe Rashford. Eric Garcia luajti më në qendër për t’i dhënë linja pasimi Araujos, që kombinoi 15 herë me të dhe 15 me Pedri, ndërsa Gavi u hap më shumë në mesfushë, ndryshe nga Casadó, më afër Pedri në pjesën e parë dhe me më pak hapësirë për t’i ndaluar kundërsulmet vendase.
    Pa De Jong, vertikaliteti ishte minimal me Casadó. Me një Barcelonë më të rregullt, prania e Gavi i dha më shumë hapësirë Pedri për të fituar metra (dhe shënoi golin e 2-1 nga distanca) dhe kombinuar mes linjave. Ai bashkëpunoi me Raphinha nga e majta, tashmë pa Rashford, duke zbritur në zonën qendrore.
    Dani Olmo, shumë më komod se braziliani, luajti si ndërlidhës. Olmo luajti pothuajse si “9 fals”, duke u lidhur ngushtë me Ferran Torres për ta zgjatur skuadrën në fushë dhe mbyllur më mirë Levante. Goli i 2-2 i valencianit nga një këndore, në minutën 52-të, riktheu qetësinë te Barça.

    Dy sulmues dhe linja prej tre lojtarëshGoli i përmbysjes finale 2-3 nuk po vinte, ndaj Flick bëri një tjetër ndryshim në minutën e 76-të duke futur Lewandowski për Balde dhe Christensen për Araujo. Skema 4-2-3-1 u transformua në 3-3-4, me polakun si “9” dytësor pranë Ferran. Cubarsí, jo shumë i fortë në pjesën e parë, qëndroi mbrapa me danezin si libero dhe Eric mbylli nga e djathta.
    Barcelona u vendos më shumë në zonën kundërshtare. Në minutën e 86-të, Koundé zëvendësoi Eric e lodhur, pa hequr dorë nga sulmi, me një gjuajtje që preku shtyllën. Barça (82% posedim në fund, 8-26 në gjuajtje dhe 5-10 në portë) përfitoi nga akumulimi dhe me Lamine më të rrezikshëm pas zëvendësimit të Manu Sánchez ia doli mbanë.
    Goli vendimtar fajëson edhe Elgezabal, që e pasoi gabimisht topin në portë. Ishte minuta e 91-të, por Lamine kërkoi edhe golin e 2-4. Fantazmat e “San Siros” u ndjenë dhe Raphinha nuk hezitoi të jepte gjithçka, duke përfunduar si mbrojtës i majtë në një tjetër rregullim taktik në “Ciutat de València”.

  • Onana nuk luajti në debutimin sezonal, trajneri Amorim sqaron lënien në stol të portierit

    Onana nuk luajti në debutimin sezonal, trajneri Amorim sqaron lënien në stol të portierit

    20 Gusht 2025

    10:36

    Telesport

    Manchester United e nisi me humbje sezonin e ri në Premier League dhe mes shumë polemikave që solli sfida ndaj Arsenal ishte edhe lënia në stol e portierit Andre Onana. Në vendin e tij luajti Altay Bayindir.
    Një zgjedhje, që siç konfirmon trajneri Ruben Amorim, ishte tërësisht e tija dhe nuk kishte të bënte me problemet fizike që ka kaluar kohët e fundit portieri kamerunas.”Onana nuk është i lënduar, ai është rikuperuar”, tha Amorim.
    Më tej, trajneri portugez i “djajve të kuq” komentoi: “Thjesht, lojtarët e tjerë luajtën mirë në parasezon. Ende duhet të gjej ekuilibrin e duhur. Java e ardhshme do të jetë një histori tjetër, por për këtë javë kam zgjedhur këta lojtarë“.
    Kjo deklaratë lë të kuptosh se e ardhmja e Onana mund të jetë larg “Old Trafford”, pasi shpesh është kritikuar për paraqitjet dhe gafat e tij. United pritet të investojë për të sjellë një portier të ri, por ende nuk ka asgjë konkrete.

  • Xabi Alonso analizon fitoren, paraqitjen, por edhe rastin “Rodrygo” që nuk luajti asnjë sekondë!

    Xabi Alonso analizon fitoren, paraqitjen, por edhe rastin “Rodrygo” që nuk luajti asnjë sekondë!

    Pas fitores debutuese të Real Madridit kundër Osasunës, të siguruar me një fitore 1-0 nga Mbappé, trajneri i Blancos, Xabi Alonso, foli në një konferencë për shtyp. “Kishte gjëra të mira dhe kishte gjëra që mund t’i përmirësonim. Kemi një rrugë të gjatë përpara. Na mungonte pak freski. Fitorja na jep qetësi shpirtërore. Duhet t’i analizojmë gjërat për t’u përmirësuar.”
    Për debutuesit: “Ata nuk u shqetësuan nga fanella e tyre ose nga Bernabéu. Të katër luajtën mirë. Nuk ishin aspak nervozë, në përgjithësi luajtën mirë.”
    Për Osasunën: “Osasuna luajti lojën e saj. Ne prisnim një mur më të lartë prej tyre. Ata na shtynë fort, por ne arritëm të luanim fort në gjysmën e tyre dhe t’i pengonim të kalonin. Kishim pak kohë për të punuar në këtë.”
    Për Mastantuonon: “Më pëlqeu shumë. Shpesh, gjendja shpirtërore peshon më shumë sesa emocioni. Ky është një lajm i mirë.”
    Për përjashtimin e Rodrygos: “Asgjë nuk po ndodh. Kupa e Botës ishte një situatë tjetër, tani e kemi lënë pas. Unë mbështetem tek ai; është vetëm një ndeshje e vetme. Nëse ai pas tre muajsh do te jete serish ne kete situate, do të jetë një histori krejt tjetër.”
    Për MbappénL “Mendoj se ai dëshiron më shumë; mund ta kuptosh gjatë ndeshjes dhe stervitjes. Nuk e di nëse është për shkak të numrit 10, por është e dukshme.”
    Për mbrojtjen: “Askush nuk është një lojtar i përhershëm, por padyshim që jam shumë i lumtur me Huijsen dhe Militao. Dhe Carvajal, i cili është tashmë atje, është shumë i rëndësishëm në fushë dhe për moralin.”